அன்பான தேவனுடைய தீர்க்கதரிசியின் மந்தையே,
நாம் ஜெபம் செய்வோமாக.
பரலோகப் பிதாவே, நித்தியத்தின் இந்தப் பக்கம் உலகம் முழுவதிலுமிருந்து மற்றொரு முறை ஒன்றுகூடியதற்கு நாங்கள் எவ்வளவு நன்றியுள்ளவர்களாக இருக்கிறோம். உம்முடைய சத்தம் எங்களிடத்தில் பேசுவதை கேட்பதற்கு; உம்மோடு ஏக சிந்தையும் ஏக மனதும் உள்ளவர்களாக இருக்க வேண்டும். நாங்கள் முன்னோக்கி செல்லும் பயணத்திற்காக எங்களுக்கு தைரியத்தையும் பெலனையும் தரும்படிக்கு, உம்மிடமிருந்து வருகிற புதுப்பித்தலின் பெலனுக்காக மீண்டும் ஒருமுறை நாங்கள் எதிர்நோக்கியிருக்கிறோம்.
எங்களுக்காக அருளப்பட்டிருந்த மன்னாவைப் பெற்றுக்கொள்ள நாங்கள் ஒன்று கூடுகிறோம். பயணத்திற்கான பெலனை எங்களுக்குத் தரும்படிக்கு அந்த ஆவிக்குரிய மன்னாவை நீர் சேமித்து வைத்தீர். அதுவே வருகின்ற நாட்களினூடாக எங்களை தாங்கக்கூடிய ஒரே காரியமாய் இருக்கிறது.
நீர் உம்முடைய சபையை ஒழுங்கில் அமைப்பதற்கு முன்பு, நீர் எங்களை ஒரே இடத்தில் ஒருமனதாக, ஒன்று சேர்க்க வேண்டும் என்று, நீர் எங்களிடத்தில் சொன்னீர். அப்பொழுது நீர் வழிநடத்துவதற்காக எங்களுக்கு உம்முடைய பரிசுத்த ஆவியை அனுப்புவீர்; ஏதோ உலக ஆலோசனை சபை சங்கத்தை அல்ல, சில மனிதக் குழுக்களை அல்ல, ஆனால் உம்முடைய பரிசுத்த ஆவியானவர் எங்களிடத்தில் உதட்டிலிருந்து செவிக்கு பேசுவதற்கே.
நீர் உம்முடைய தூதன் மூலமாக உரைத்து எங்களிடம் சொன்னீர்:
"நீங்கள் உங்கள் போதகரிடமும், இங்கு உங்களுக்கு கற்பிக்கப்பட்டுள்ள போதகத்திலும் நிலைகொள்ள வேண்டுமென்று நான் விரும்புகிறேன். இந்த வார்த்தையில் தரித்திருங்கள். நீங்கள் அதை விட்டுவிடாதீர்கள்! என்ன வந்தாலும், போனாலும் பரவாயில்லை, நீங்கள் வார்த்தையில் தரித்திருங்கள். அந்த வார்த்தையிலே தரித்திருங்கள்!"
பிதாவே, நாங்கள் உமது வார்த்தைக்குக் கீழ்ப்படிந்து எங்களுடைய போதகரோடு தரித்திருக்கிறோம். இது எங்களுடைய நாளுக்கான ரூபகாரப்படுத்தப்பட்டு வெளிப்படுத்தப்பட்டிருக்கிற உம்முடைய தூய வார்த்தையை மட்டுமே பேசுகிற இன்றைக்கான தேவனுடைய சத்தமாய் உள்ளது.
சோதோமின் நாட்களில் இருந்ததுபோலவே, மனுஷகுமாரன் வருகையிலும் நடக்கும் என்று நீர் எங்களுக்குச் சொன்னீர்; அதாவது எங்களை வழிநடத்த இரண்டு காரியங்களை நாங்கள் பெற்றிருக்க வேண்டும், ஏனைய உலகத்திற்கு இரண்டு காரியங்கள் இருக்கும். அவர்களுடைய இரண்டு காரியங்கள் இரண்டு பிரசங்கிகளாக இருந்தன.
ஆனால் உங்களுடைய ஆவிக்குரிய சபைக்காக, உங்களுடைய முன்குறிக்கப்பட்ட, தெரிந்துகொள்ளப்பட்ட அம்மாளாகிய மணவாட்டிக்காக, எங்களுடைய இரண்டு காரியங்களாக நீர் இருப்பீர், ஒரு மானிட சரீரத்தில் வெளிப்படுத்தப்பட்டு, பரிசுத்த ஆவியினால் எங்களை வழிநடத்தவே.
காற்று ஊளையிடட்டும். புயல்கள் அசைக்கட்டும். நாங்கள் எப்போதும், பாதுகாப்பாக இருக்கிறோம். உம்முடைய வார்த்தையில் நாங்கள் அங்கே இளைப்பாறிக்கொண்டிருக்கிறோம். நேரமோ இங்கே வந்துவிட்டது. ஆவிக்குரிய யாத்திரை வந்துவிட்டது. நாங்கள் அனுதினமும் உம்மோடு சஞ்சரித்து, பேசி, உம்முடைய சத்தத்தைக் கேட்கிறோம். நாங்கள் உம்மோடு நிலையான ஐக்கியத்தில் இருக்கிறோம்.
நாங்கள் உம்முடைய கரங்களாகவும், உம்முடைய கண்களாகவும், உம்முடைய நாவாகவும் இருக்க விரும்புகிறோம். நீரே திராட்சை செடி, நாங்கள் உம்முடைய கொடிகள். பிதாவே, உம்முடைய கனியை தரும்படிக்கு, எங்களை ஊக்கப்படுத்தும்.
உம்முடைய சுவிசேஷத்திற்கு தகுதியான ஒரு ஜீவியத்தை உடையவர்களாக இருக்க வேண்டும் என்பதே எங்களுடைய ஒரே வாஞ்சையாய் இருக்கிறது. பிதாவே, உமது பணியைத் தொடரவும், உமது வாக்களிக்கப்பட்ட வார்த்தையை நிறைவேற்றவும், எங்களின் மூலம் உம்மைப் பிரதிபலியும். எல்லா நீதியையும் நிறைவேற்றும்படிக்கு, இன்றைக்கான உம்முடைய செய்தியாளர்களாக இருக்க வேண்டும் என்பதே எங்களுடைய வாஞ்சையாய் இருக்கிறது.
நீர் எங்களிடம் கூறுவதை நாங்கள் கேட்க விரும்புகிறோம்:
"வானொலியில் அல்லது உள்ளே இதை கேட்பவர்களுக்கும்…அநேக நாடுகளில் ஒலி நாடாக்களில் இதை கேட்பவர்களுக்கும், இங்குள்ளவர்களுக்கும் நான் ஏறெடுக்கும் ஜெபம் இதுவே: எல்லா கிருபையும் கொண்ட பரலோகத்தின் தேவன் தாமே, ஆசீர்வாதமான தமது பரிசுத்த ஆவியை நம்மெல்லோர் மேலும் பிரகாசிக்கச் செய்து, அதாவது நாம், இன்றிரவு முதல், இது முதற்கொண்டு, ஒரு தகுதியுள்ள வாழ்க்கை வாழும்படி செய்யக்கூடிய தேவன், “நான் இங்கே பிரியப்படுகிறேன், உலகத்தோற்ற முதல் உங்களுக்காக ஆயத்தம் பண்ணப்பட்டிருக்கிற நித்திய சந்தோஷத்துக்குள் பிரவேசியுங்கள்” என்பாராக! பரலோகத்தின் தேவன் தாமே தமது ஆசீர்வாதங்களை ஜனங்களாகிய உங்கள் எல்லோர் மேலும் அனுப்புவாராக!
மகிமை…பிதாவே, அது ஒலிநாடா தேசத்தில் உள்ள உம்முடைய மணவாட்டியான எங்களுக்கானதாயுள்ளது. உண்மையாகவே, நீர் உம்முடைய ஆசீர்வாதங்களை எங்கள் மேல் அனுப்பிக் கொண்டும், உம்முடைய வார்த்தையை எங்களுக்கு வெளிப்படுத்திக்கொண்டும், நாங்கள் கேட்கிற ஒவ்வொரு செய்தியிலும், நீர் பிரியப்படுகின்றீர் என்றும், நாங்கள் உம்முடைய மணவாட்டி என்றும் எங்கள் இடத்தில் சொல்லிக்கொண்டிருக்கிறீர்.
அவருடைய மணவாட்டியை வெளியே அழைக்கவும், வழி நடத்தவும் அனுப்பப்பட்டிருக்கிற உலகத்திற்கான தேவனுடைய மேய்ப்பரான, எங்களுடைய மேய்ப்பர் பேசுவதை நீங்கள் கேட்க விரும்பினால், உன்னுடைய வாழ்க்கை சுவிசேஷத்திற்கு தகுதியாயுள்ளதா? 63-0630E என்ற ஒரு செய்தியை தேவனிடத்திலிருந்து அவர் எங்களுக்கு கொண்டு வருகின்றபடியால், அவர் பேசுகிற நித்திய ஜீவனின் வார்த்தைகளைக் கேட்கும்படிக்கு, ஜெஃபர்சன்வில் நேரப்படி, பிற்பகல் 12:00 மணிக்கு, எங்களோடு வந்து சேர்ந்து கொள்ளுங்கள்.
சகோ. ஜோசப் பிரான்ஹாம்
சிறப்பு அறிவிப்பு: கர்த்தருக்குச் சித்தமானால், அடுத்த ஞாயிற்றுக்கிழமை இரவு, அக்டோபர் 15-ஆம் தேதி, வீட்டில் ஒரு இராப்போஜனம் / கால் கழுவும் ஆராதனையையும் நாம் நடத்துவோம்.
தொடர்புடைய சேவைகள்
அன்புள்ள யாத்ரீக மணவாட்டியே,
இன்று நாம் பார்த்துக்கொண்டிருக்கும் இந்தக் காரியங்கள் இருபது ஆண்டுகளுக்கு முன்பு அல்லது நாற்பது ஆண்டுகளுக்கு முன்பு நடந்திருக்க முடியாது; அது இன்று தான் நடந்துகொண்டிருக்கிறது. இதுதான் வேளை! இதுவே நேரம்! அது நிறைவேற்றப்பட வேண்டிய நேரம் இதுவே. தேவன் அதை வாக்களித்தார், அது இங்கே உள்ளது.
நமக்கு ஆவிக்குரிய புரிந்துகொள்ளுதல் உண்டு; இந்த தேசத்தின் அக்கிரமம் நிறைவாக்கப்பட்டுள்ளது. வேளையானது வந்துவிட்டது. அந்த வாக்குத்தத்தம் பண்ணப்பட்ட தேசத்திற்குச் செல்ல வேண்டிய நேரம் இதுவே. வெறுமனே மற்றொரு நாட்டுக்கு செல்வது அல்ல, ஆனால் நம்முடைய வருங்கால பரலோக வீட்டிற்காக நாம் காத்துக் கொண்டிருக்கிறோம்.
இதைக் குறித்து சற்று யோசித்துப் பாருங்கள், நம்மை வழி நடத்திக் கொண்டிருப்பது ஒரு தீர்க்கதரிசியைக் காட்டிலும் மேலானதாகும். இதை நிரூபிக்கும்படிக்கு தேவன் தம்முடைய வார்த்தையினால், நமக்கு மத்தியிலே மாம்சத்தில் வெளிப்பட்டதாய் இது உள்ளது. மற்ற எந்த தீர்க்கதரிசியைக் காட்டிலும் ஆயிரம் மடங்கு அதிகமாக செய்த ஒரு தீர்க்கதரிசி. இது அந்த வாக்குத்தத்தம் பண்ணப்பட்ட தேசத்திற்கு, ஆயிர வருட அரசாட்சிக்கு நம்மை வழி நடத்திக்கொண்டிருக்கிற அக்கினி ஸ்தம்பமாகும்.
அவர் நம்முடைய தீர்க்கதரிசியைத் தெரிந்துகொண்டு, அவர் தவறாக புரிந்து கொள்ளப்படாதபடிக்கு, இயற்கைக்கு மேம்பட்ட ஒரு அடையாளமான அக்கினி ஸ்தம்பத்தை அவருக்கு அளித்தார். தீர்க்கதரிசி என்னக் கூறினாரோ அது தேவனுடைய வார்த்தைகளாய் இருக்கின்றன. அவர் நம்முடைய தீர்க்கதரிசியைக் கொண்டு சென்று, அவருக்குப் பயிற்சியளித்து, அதன்பின்னர் நமக்குத் தம்மை ரூபகாரப்படுத்தும்படிக்கு, அவருடைய வார்த்தையின் முழு வெளிப்பாட்டையும் நமக்குத் தரும்படிக்கு அக்கினி ஸ்தம்பத்தோடு அவரை நம்மிடத்திற்கு திரும்ப அனுப்பினார்.
அந்த வாக்குத்தத்தம்பண்ணப்பட்ட தேசத்திற்கு நாம் செல்ல விரும்பினால், நாம் ஒருபோதும் மறக்கக்கூடாது, தேவனால் தம்முடைய திட்டத்தை மாற்ற முடியாது, அவர் மாற்றவும் மாட்டார். அவர் தேவனாய் இருக்கிறார், அவரால் அதை மாற்ற முடியாது. அவர் ஒரு குழுவுடன் ஒருபோதும் தொடர்புகொள்ளமாட்டார். அவர் ஒருபோதும் அவ்வாறு தொடர்பு கொண்டதில்லை. அவர் நம்முடன் தனிப்பட்ட முறையில் தொடர்பு கொள்கிறார். இந்த வாக்குத்தத்தம்பண்ணப்பட்ட தேசத்திற்கு நம்மை வழிநடத்த மல்கியா 4-ஐ அனுப்புவதாக அவர் தம்முடைய வார்த்தையில் நமக்கு வாக்களித்து, அதையே அவர் செய்துள்ளார்.
ஆனால், நீங்கள் பாருங்கள், கர்த்தரால் உண்டாயிருந்தது என்று ஆகாப் கருதியிருந்த ஒரு முறைமையை அவன் உடையவனாயிருந்தான். அவன், "நான் அவர்களில் நானூறு பேருக்கு, பள்ளிப்படிப்பும் பயிற்சியும் அளித்து வைத்துள்ளேன்" என்றான். இன்றைக்கு ஊழியக் குழுக்கள் செய்வது போல, அவர்கள் எபிரெய தீர்க்கதரிசிகளாக உரிமை கோருகிறார்கள்.
அநேகர் அதை ஏற்றுக்கொள்ள விரும்பவில்லை, ஆனால் தேவனுடைய ஏழாம் தூதனான செய்தியாளர், நம்முடைய மேய்ப்பர், அவருடைய மணவாட்டியை வழிநடத்த உலகின் மேய்ப்பராக இருக்கிறார், பண்டைய எலியாவைப் போலவே.
அவர் மல்கியா 4:5-ஆகவும், வெளிப்படுத்துதல் 10:7-ஆகவும் இருக்கிறார். வேதம் அவரைக் குறித்து முன்னறிவித்த அனைத்து வேதவாக்கியங்களின் நிறைவேறுதலாய் அவர் இருக்கிறார். அதுவே இந்தச் செய்தியாய், இந்தச் சத்தமாய், அதுவே தம்முடைய மணவாட்டியை அழைக்கிற தேவனுடைய சத்தமாய் இருக்கிறது. இதுவே இன்றைக்கான தேவனுடைய திட்ட வரைபடமாக இருக்கிறது.
இது அதே அபிஷேகிக்கப்பட்ட முறைமையினால், அதே அக்கினி ஸ்தம்பமாக இருக்கிறது. அதே தேவன் அதே காரியங்களைச் செய்கிறார்.
இப்பொழுது வார்த்தை மாம்சமாகி, அவருடைய வார்த்தையான மணவாட்டியாகிய, நம்முடைய மாம்சத்தில் நம்மிடையே வாசமாயிருக்கிறது.
நம்மை இரட்சித்த, நம்மை முன்குறித்த, நம்மை நீதிமான்களாக்கின, அவர் செய்துள்ள எல்லாவற்றிற்காகவும்: நாம் அவரிடத்தில் கதறி, அவருக்கு நன்றி கூறி, அவரைத் துதித்து, அவரை ஆராதிப்போமாக.
அவர் இப்போது நமக்காக என்ன செய்து கொண்டிருக்கிறார்; நமக்கு வெளிப்பாட்டின் மேல் வெளிப்பாட்டை தந்து, நாம் யாராய் இருக்கிறோம் என்பதை நமக்கு சொல்லிக் கொண்டிருக்கிறார். மேலும் அவர் நமக்காக எல்லாவற்றையும் செய்யப் போகிறார்…நித்தியத்தினூடாக அவரோடு இருக்கும்படியாக, அவர் நமக்காக ஆயத்தம் செய்திருக்கிற நம்முடைய வருங்கால பரலோக வீட்டிற்கு நம்மை கொண்டு செல்ல அவருடைய மணவாட்டியான நம்மை அழைத்துச் செல்லவே வருகிறார்.
நமக்கு தேவை என்னவாயிருந்தாலும், அவரிடத்தில் முறையிடுவோம். அதைத்தான் அவருடைய பிள்ளைகள் செய்யும்படிக்கு அவர் விரும்புகிறார். நாம் திருப்தியடைந்து நமக்குத் தேவைப்படுகிறதை பெற்றுக் கொள்ளும்படியாக அவரிடத்தில் முறையிடுவோம்.
ஞாயிற்றுக்கிழமை பிற்பகல் 12 மணிக்கு, ஜெபர்சன்வில் நேரப்படி, மூன்றாம் யாத்திரை 63-0630M என்ற செய்தியை குறித்த எல்லாவற்றையும் உலகத்திற்கு தேவனுடைய மேய்ப்பராயிருக்கிற வில்லியம் மரியன் பிரான்ஹாம் எங்களிடத்தில் சொல்வதைக் கேட்க அவருடைய மணவாட்டியின் ஒரு பாகத்தோடு வந்து இணைந்து கொள்ளுங்கள்.
சகோ. ஜோசப் பிரான்ஹாம்
செய்திக்கு முன் படிக்க வேண்டிய வசனங்கள்:
யாத்திராகமம் 3:1-12
ஆதியாகமம் அதிகாரம் 37
ஆதியாகமம் அதிகாரம் 43
தொடர்புடைய சேவைகள்
அன்புள்ள பயமற்ற மணவாட்டியே,
எச்சரிக்கை!! எச்சரிக்கை!! சிவப்பு விளக்கு பிரகாசித்துக் கொண்டிருக்கிறது. திரையானது இறங்கும் நேரம் வந்துவிட்டது. நாம் எல்லாவற்றையும், ஒவ்வொரு காரியத்தையும் ஒதுக்கி வைத்துவிட்டு, ஆயத்தமாக இருக்க வேண்டும். நாம் முடிவில் இருக்கிறோம். ஆரம்பம் முதல் நாம் எதிர்பார்த்துக் கொண்டிருந்த நேரம் வந்துவிட்டது. தீர்க்கதரிசனம் இப்போது நிறைவேற்றப்பட்டுக்கொண்டிருக்கிறது.
1963-க்கு அப்பால் அறுபது வருடங்கள் தொடங்கி இன்று செப்டம்பர் 2023 வரை, நம்முடைய நாளில் நடக்கும் அனைத்தையும் பார்க்க தேவன் தம்முடைய வல்லமையான கழுகு செய்தியாளரை உயரே பரலோகத்திற்கு அழைத்துச் சென்றார்…உலகத்தின் நிலைமை, ஸ்திரீகளின் ஒழுக்கக்கேடு, சபையில் அதனுடைய நிலை, ஜனங்களின் பைத்தியக்காரத்தனம்; பொல்லாதவர், குருடர், நிர்வாணமானவர், அரசாங்கத்தின் அனைத்துக் கிளைகளிலும் மகா வேசி, அரசியலில் ஊழல் எப்படி இருக்கும் என்றும், என்ன நடக்கப் போகிறது என்றும் எச்சரித்துள்ளார்.
அது எவ்வாறு இருக்கும் என்று அவர் நமக்கு சொன்னபடியே அது நம்முடைய கண்களுக்கு முன்பாக வெளிப்படுவதை இப்பொழுது நாம் காண்கிறோம். இந்த எல்லா காரியங்களும் நடந்தேறுவதை கண்டிருக்கிறவர்கள் நாம்தான். ஒவ்வொரு காரியமும் அந்த நிலையில் உள்ளது. அது பெரிய அளவிலான ஒரு பெரிய அசுத்தமான பானையாக மாறிவிட்டது.
உலகம் முழுவதும் பீதி நிலையில் உள்ளது. நம்பிக்கை இல்லை என்பது அவர்களுக்குத் தெரியும். ஒவ்வொரு நாளும் மோசமாகி வருகிறது. பூமியை அச்சம் மூடிக்கொண்டிருக்கிறது. பொருளாதாரம் போய்விட்டது, காரணமே இல்லாமல் கொலைகள், பெண்கள் ஆண்களாக இருக்க விரும்புகின்றனர், ஆண்கள் பெண்களாக இருக்க விரும்புகின்றனர். எந்தக் காரியமும் மற்றும் ஒவ்வொரு காரியமும் ஏற்றுக்கொள்ளப்படுகின்றது. எந்த நேரத்திலும் என்ன நடக்கலாம்? அது ஒரு எரிமலை போன்று உள்ளது என்பது அவர்களுக்குத் தெரியும்; அது எந்த நொடியும் வெடிக்கும். அவர்களின் முகங்களில், அவர்களின் செயல்களில் நீங்கள் அதைக் காண்கிறீர்கள், நம்பிக்கையேயில்லை, பயமே.
கிறிஸ்தவ சபைகள் என்று அழைக்கப்படுபவை கூட திருநங்கைகளை போதகர்களாக, மக்களின் ஆவிக்குரிய தலைவர்களாக அரவணைத்து வருகின்றன. அது சோதோம் கொமோராவை விட மோசமாகிவிட்டது. சாத்தானும் அவனுடைய ராஜ்யமும் ஒன்றுபட்டு ஒன்றாகிவிட்டன. அவன் தன்னுடைய இலக்கை அடைந்துவிட்டான்.
ஆனால் தேவனுக்கே மகிமை, இந்த குழப்பம் மற்றும் பயத்தின் மத்தியில், பிதாவானவர் நம்மை, அவருடைய தெரிந்துகொள்ளப்பட்ட ஜனக்குழுவை, அவருடைய இனிய இருதயமான மணவாட்டியை, பாதுகாப்பாக அவருடைய கரங்களில் காத்துக்கொண்டார், மேலும் நாம் அவருடன் முன் எப்போதும் இல்லாத வகையில் ஒரு ஆவிக்குரிய ஐக்கியத்தை உடையவர்களாயிருக்கிறோம். இதுவே நம்முடைய ஜீவியங்களின் மிகப் மகத்தான நேரம். இது அற்புதம். இது மகிமையானது. இது இயற்கைக்கு மேம்பட்டது. இது நாம் வெளிப்படுத்தக்கூடிய வார்த்தைகளுக்கு அப்பாற்பட்டது.
நம்முடைய மாம்சம் வார்த்தையாகிக்கொண்டிருக்கிறது, வார்த்தை மாம்சமாகிக்கொண்டிருக்கிறது; வெளிப்படுத்தப்பட்டு, ரூபகாரப்படுத்தப்பட்டது. வேதம் இந்த நாளில் என்ன நடக்கும் என்று கூறினதோ, அதுவே நாளுக்கு நாள், நடந்து கொண்டிருக்கிறது.
காரியங்கள் நடைபெற்றுக் கொண்டிருக்கின்றன, நம்மால் அதை கணக்கிட கூட முடியாத அளவிற்கு மிக வேகமாக சம்பவித்துக்கொண்டிருக்கின்றன. நாம் நம்முடைய கர்த்தராகிய இயேசுவின் வருகைக்கு மிக அருகில் இருக்கிறோம்; அவருடன் ஐக்கியமாக இருக்க வேண்டும், அங்கு வார்த்தை வார்த்தையாகிறது.
இவை அனைத்தும் நம்மைச் சுற்றி நடப்பதால், நாம் மகிழ்ச்சியாகவோ, அதிக மனநிறைவாகவோ அல்லது திருப்தியாகவோ ஒருபோதும் இருந்ததில்லை. நம்முடைய இருதயங்களும் ஆத்துமாக்களும் சொல்லி முடியாத சந்தோஷத்தினாலும் மகிமையினாலும் நிரம்பி வழிகின்றன. இது ஒரு நம்ப முடியாத உண்மை.
ஆரம்பத்திலிருந்தே, நாம் தேவனுடைய ஒரு குமாரனாக குமாரத்தியாக இருக்க முன்குறிக்கப்பட்டிருந்தோம் என்பதை அறிந்து, முன் எப்போதும் இல்லாத வகையில் ஆறுதல் அடைந்துகொண்டிருக்கிறோம்.
நாம் கிறிஸ்துவின் கற்புள்ள மணவாட்டியாய், கிறிஸ்துவின் இரத்தத்தில் கழுவப்பட்டவர்களாய் இருக்கிறோம். விலையேறப்பெற்ற, கற்புள்ள, பாவமில்லாத தேவனுடைய குமாரன், ஒரு தூய்மையான, அவர் தன்னுடைய சொந்த இரத்தத்தின் தண்ணீரினால் கழுவின கலப்படமற்ற வார்த்தை மணவாட்டியுடன் நிற்கிறார். காலத்தின் துவக்கத்திற்கு முன்பே நாம் பிதாவின் மடியில் முன்குறிக்கப்பட்டோம்; அவர் எப்படி இருந்தாரோ அதே போல...மகிமை!! அல்லேலூயா!
நாம் அது மட்டுமல்லாமல், முன்குறிக்கப்பட்ட விவாக அடையாளச் சின்னத்தை அணிந்துகொண்டு, மிக விரைவில் நாம் ஆகாயத்தில் கலியாணத்திற்கு செல்லவிருக்கிறோம். அவர் நம்மை அறிந்திருக்கிறார்…அதை பற்றி தியானியுங்கள், உலகத் தோற்றத்திற்கு முன்பே அவர் நம்மை அறிந்திருந்தார், அதனால் அவர் விவாக அடையாளச் சின்னத்தை அங்கே நமக்கு அணிவித்து, அவருடைய ஆட்டுக்குட்டியானவரின் ஜீவப் புத்தகத்தில் நம்முடைய பெயரை எழுதினார், மன்னிக்கப்பட்டது மட்டுமல்லாமல், நீதிமானாக்கப்பட்டோம்.
இவை அனைத்தையும் பெறுவதற்கு ஒரே ஒரு வழி உள்ளது, நீங்கள் தேவன் அருளிய ஒரே வழியின் மூலம் வர வேண்டும். மூல வார்த்தையை, இயங்கு பொத்தானை அழுத்திக் கேளுங்கள்.
இந்த வெளிப்படுத்துதலைப் பெற்றதற்கு நாம் மிகவும் நன்றியுள்ளவர்களாக இருக்கிறோம். இது எங்களுக்கு மிகவும் தெளிவாக உள்ளது. மாம்சமும் இரத்தமும் அதை நமக்கு வெளிப்படுத்தவில்லை, ஆனால் பரலோகத்தில் உள்ள நம்முடைய பிதாவே அதை வெளிப்படுத்தினார், அதற்காக நாம் அவரை எப்படி நேசிக்கிறோம் என்பதை வெளிப்படுத்த நம்முடைய சொற்களஞ்சியத்தில் வார்த்தைகளே இல்லை...ஆச்சரியமான கிருபை.
தேவனுடைய சத்தம் உங்களிடம் உதட்டிலிருந்து செவிக்கு பேசுவதைப் போன்றது எதுவுமே இல்லை. நம்முடைய ஆத்துமாவில் பெருக்கெடுக்கும் சந்தோஷம். வியப்பதற்கு ஒன்றுமேயில்லை, யூகிக்க ஒன்றுமேயில்லை, இல்லை, யோசிப்பதற்கு கூட ஒன்றுமேயில்லை, நமக்குத் தெரியும், இது கர்த்தர் உரைக்கிறதாவது என்பதாக உள்ளது. அந்த 100% உத்தரவாதத்தை ஒலிநாடாவைத் தவிர வேறு எந்த இடத்திலும் உங்களால் பெற முடியாது.
அவருடைய வருகையின் அடையாளமாக பிரகாசிக்கும் சிகப்பு விளக்கு 63-0623E: என்ற செய்தியை அவர் தம்முடைய வல்லமையான கழுகு தீர்க்கதரிசியின் மூலமாக பேசி நமக்கு கொண்டு வருகையில், நாம் ஜீவித்துக்கொண்டிருக்கிற நாளைக் குறித்த எல்லாவற்றையும் தேவனுடைய சத்தம் எங்களிடத்தில் சொல்வதை நாங்கள் கேட்கப்போகிறபடியால் நீங்களும் எங்களோடு வந்து சேர்ந்துகொள்ளும்படி நான் உங்களை அழைக்கிறேன்.
நாங்கள் ஜெபர்சன்வில் நேரப்படி பிற்பகல் 12:00 மணிக்கு, உலகம் முழுவதிலுமிருந்து ஒன்றுகூடுவோம். உங்களால் எங்களுடன் சேர்ந்துகொள்ள முடியாவிட்டால், நீங்கள் எங்கிருந்தாலும், நீங்கள் என்ன செய்து கொண்டிருந்தாலும், இயங்கு பொத்தானை அழுத்தி நித்திய ஜீவனின் வார்த்தைகளைக் கேளுங்கள்.
சகோ. ஜோசப் பிரான்ஹாம்
செய்தியைக் கேட்பதற்கு முன் படிக்க வேண்டிய வேதவசனங்கள்:
பரி. மத்தேயு 5:28 / 22:20 / 24வது அதிகாரம்
2 தீமோத்தேயு 4வது அதிகாரம்
யூதா 1:7
ஆதியாகமம் 6வது அதிகாரம்
அன்பான தெரிந்துகொள்ளப்பட்டவர்களே,
நம்முடைய கர்த்தராகிய இயேசு நம்மை மிகவும் நேசிக்கிறார், அதாவது நம்முடைய நாளில் நமக்கு ஒரு தீர்க்கதரிசியை அனுப்புவது அவருக்கு பிரியமாயிருந்தது. ஒருவர் பேரில் அவருக்கு 100% நம்பிக்கை இருந்தது. அந்த ஒருவருக்குள் அவர் வந்து ஜீவித்து, தம்முடைய மணவாட்டியை வெளியே அழைக்க அந்த மானிட சரீரத்தினூடாக அவரால் தம்மை வெளிப்படுத்த முடிந்தது.
அவருடைய தீர்க்கதரிசி நம்மை மிகவும் நேசித்ததால், எந்த புதிய செய்தியும் அவருடைய சிறிய கூடாரத்திலிருந்தே வரும் என்று அவர் நமக்கும், தேவனுக்கும் ஒரு வாக்குறுதியை அளித்தார். அவர் மறைந்துபோனபோதும் கூட தேவனுடைய மணவாட்டி ஆவிக்குரிய ஆகாரத்தை விருந்துண்ணும்படியாக அவர் அதைப் பதிவுசெய்து, சேமித்து வைத்தார்.
தேவன் அவருடைய தூதனான தீர்க்கதரிசி அவருடைய வார்த்தையை நமக்கு காத்துக் கொள்ளும்படியாக அவருடைய தீர்க்கதரிசிக்கு அவ்வளவாய் உதவி செய்தார்.
தேவன் தம்முடைய பலமுள்ள தூதனின் மூலமாக உரைத்து, முழுமையாக வெளிப்படுத்தி, நமக்கு முழு வேதாகமத்தையும் வியாக்கியானித்தார், எழுதப்பட்டிராமல் கூட இருந்த, அந்த கூர்நுனி கோபுரம் போன்ற கற்பாறையின் உச்சியை அவர் திறந்து, அதை தம்முடைய தூதனுக்கு வெளிப்படுத்தினார், எனவே அவரால் அவருடைய மணவாட்டியாகிய, நமக்கு அவருடைய மறைக்கப்பட்டிருந்த எல்லா ரகசியங்களையும் கூற முடிந்தது.சகோதரன் ராபர்சனுக்கு கூட தேவன் ஒரு தரிசனத்தைக் கொடுத்தார், அங்கு அவர் அக்கினி ஸ்தம்பம் அவருடைய தீர்க்கதரிசியைத் தூக்கி மேற்கு நோக்கி கொண்டு சென்று, பின்னர் அவரைத் திரும்பக் கொண்டு வந்து, மாற்றப்பட்டிருந்த அவரை மேசையின் தலைப் பகுதியில் அமர வைத்ததையும் கண்டார்.
அப்பொழுது பரிசுத்த ஆவியானவர் அவரிடம் பேசி, “இவர் என் ஊழியக்காரன். மோசே செய்தது போல ஜனங்களை வழி நடத்துவதற்கு, இந்த காலத்தில் ஒரு தீர்க்கதரிசியாயிருக்கும்படிக்கு நான் அவரை அழைத்திருக்கிறேன். பேசி சிருஷ்டிக்கும் அதிகாரம் அவருக்குக் கொடுக்கப்பட்டிருக்கிறது" என்று சொன்னார்.
மோசேயின் அழைப்பு என்னவாயிருந்தது? அவன் என்ன செய்ய வேண்டியதாயிருந்தது? வாக்குத்தத்தம்பண்ணப்பட்ட தேசத்திற்கு ஜனங்களை வழிநடத்தும்படிக்கு தேவன் மோசேக்குக் கட்டளையிட்டிருந்தார். ஆனால் தேவன் மோசேக்கு அளித்திருந்த ஆணையில் தலையிட முடிவு செய்த மனிதர் அங்கு எழுந்து, "நீ மிஞ்சிப் போகிறாய். இந்தக் கூட்டத்தில் நீ ஒருவன் மாத்திரமே இன்னார் இன்னார் என்று கூறி உன்னை பெரிதாக காண்பித்துக்கொள்ள முயற்சிக்கிறாய்" என்றனர்.
தேவன் மோசேயினிடத்தில், “அவர்கள் மத்தியிலிருந்து உன்னைப் பிரித்துக் கொள். நான் அந்த முழு கூட்டத்தையும் கொன்று போட்டு, ஒரு புதிய சந்ததியை உருவாக்கி உன்னோடு அனுப்புவேன்" என்று சொல்லுமளவிற்கு இந்த செயல் அவரை மிகவும் கோபமூட்டினது. மோசே தேவனுடைய சந்நிதியில் விழுந்து, அப்படியானால் அவர் அவனைத் தாண்டிச் செல்ல வேண்டும் என்று கூறினான்.
தேவன் நம்முடைய நாளில் ஜனங்களை அதம்பண்ணப்போகிறார் என்றால், மோசேயைப் போல ஜனங்களுக்கு யார் நிற்பார்? அவ்வாறு நிற்கக் கூடிய, அல்லது நிற்க முடிந்த ஒரு நபரை, தேவன் மோசையை ஏற்றுக்கொண்டதுபோல ஏற்றுக்கொள்ளக்கூடிய யாரையாவது நாம் எங்கே கண்டறிவோம்? தேவனுடைய கோபத்தையே தடை செய்து நிறுத்துமளவுக்கு இந்த பூமியில் அவருடைய வல்லமையான ஏழாம் தூதனான, அந்த ஒரு மனிதனுடைய ஜீவியம் மாத்திரமே அவருக்கு அதிக விசேஷித்ததாயிருக்கிறது.
தேவன் எப்பொழுதுமே ஒரு திட்டத்தை உடையவராயிருக்கிறார். அவருடைய மணவாட்டி அந்த திட்டத்தை அடையாளங் கண்டுகொண்டு, வார்த்தைக்கு வார்த்தை அதனோடு தரித்திருப்பாள். வாக்குத்தத்தம் பண்ணப்பட்ட தேசத்தை சென்றடையும்படிக்கு அவர்களை வழிநடத்த தேவன் தெரிந்து கொண்டிருக்கிற அந்த சத்தத்தோடு அவர்கள் தரித்திருக்க வேண்டும் என்பதை அவர்கள் அறிந்திருக்கிறார்கள்.
தேவன் தம்முடைய தீர்க்கதரிசி மூலம் பேசி, நோவா புறா மற்றும் காகத்துடன் பேழையில் செய்தது போல், வேறு திசையில் செல்ல நிறைய இடம் கொடுத்தார். ஆனால் எப்போதும் பேழைக்குத் திரும்பும் புறாவைப் போலவே, மணவாட்டி எப்போதும் செய்திக்கும், அந்த சத்தத்திற்கும், ஒலிநாடாக்களுக்கும் திரும்புவாள்.
நம்முடைய நாளின் தீர்க்கதரிசி யாராயிருந்தார்? காலங்களினூடாக தம்முடைய ஜனங்களை வழிநடத்த இதற்கு முன்பு தேவன் அழைத்து அனுப்பியிருந்த வல்லமையான தீர்க்கதரிசிகள் இருந்து வந்திருக்கின்றனர்: ஆபிரகாம், மோசே, எலியா, எலிசா, ஆனால் அவர்களில் எவருமே நம்முடைய நாளின் வல்லமையான தீர்க்கதரிசியைப் போன்று இருந்ததில்லை. இவர் அவர்கள் எல்லோரைக் காட்டிலும் ஒரு மிக உயரிய பதவிக்கு அழைக்கப்பட்டிருந்தார். தேவனுடைய எல்லா ரகசியங்களையும் வெளிப்படுத்தும்படிக்கு அவர் தெரிந்து கொண்ட ஒருவராய் இவர் இருந்தார். ஒன்றுமில்லாததிலிருந்து ஏதோ ஒன்றை பேசி உருவாக்கும்படிக்கு தேவன் தெரிந்து கொண்ட ஒருவராய் இவர் இருந்தார். மூன்றாம் இழுப்பை வெளிப்படுத்தும்படிக்கு அவர் தெரிந்து கொண்ட ஒருவராய் இவர் இருந்தார். தேவன் தம்முடைய மணவாட்டிய வழிநடத்தும்படிக்கு அவர் தெரிந்து கொண்ட ஒருவராய் இவர் இருந்தார்.
நாம் என்னே ஒரு ஆசிர்வதிக்கப்பட்ட ஜனங்களாய், தேவனுடைய தெரிந்து கொள்ளப்பட்ட மணவாட்டியாய் இருக்கிறோம். நாம் எப்படி தாழ்ந்தவராக இருக்க முடியும்? நாம் எப்படி சோகமாக இருக்க முடியும்? சாத்தான் நம்மை மனத் தளர்வடையச் செய்ய முயற்சிக்கிறான், ஆனால் நமக்கோ ஜெயம் உண்டு, நாமோ பாதுகாப்பாக பேழையில், முத்திரையிடப்பட்டுள்ளோம். கதவுகள் மூடப்பட்டுள்ளன. எதுவுமே நமக்கு தீங்கிழைக்க முடியாது. நாமே அவருடைய திரும்பளிக்கப்பட்ட ஆதாம்.
அவர் நமக்காக, அவருடைய தெரிந்து கொள்ளப்பட்ட மணவாட்டிக்காக வருகிறார். நம்மில் சிலர் மரணத்தை ருசி பார்க்காமல், ஒரு நிமிஷத்திலே, ஒரு இமைப்பொழுதிலே மறுரூபமாக்கப்படுவோம். மகிமை!!
உங்கள் ஒவ்வொருவரையும் போலவே, ஒவ்வொரு நாளும், அவருடைய வார்த்தையிலும், அவர் எனக்குக் கொடுத்துள்ள என் வெளிப்பாட்டிலும், மேலும் மேலும் பலமடைடைந்து, நானும் மிகவும் உற்சாகமடைந்திருக்கிறேன். நான் பெரும் எதிர்பார்ப்பில் இருக்கிறேன். அவர் இன்று வரவில்லையென்றால், நாளை வரலாம், ஆனால் அவர் மிக விரைவில் வருவார் என்று எனக்குத் தெரியும், அவர் எனக்காகவும் உங்களுக்காகவும் வருகிறார்.
ஒரு சிறு இடத்தில் சேமித்து வைக்கப்பட்டுருக்கிற ஆகாரமான இடைவெளியில் நிற்றல் 63-0623M என்ற செய்தியை நாங்கள் உற்று நோக்கி கேட்கப் போகிறபடியால், ஞாயிற்றுக்கிழமை பிற்பகல் 12 மணிக்கு, ஜெபர்சன்வில் நேரப்படி, எங்களோடு வந்து சேர்ந்துகொள்ளுங்கள். நாம் எண் 27-ம் பத்தியிலிருந்து செய்தியைத் தொடங்குவோம்.
சகோ. ஜோசப் பிரான்ஹாம்
செய்தியைக் கேட்பதற்கு ஆயத்தமாக வாசிக்க வேண்டிய வேதவசனங்கள்:
எண்ணாகமம 16:3-4
தொடர்புடைய சேவைகள்
அன்புள்ள ஒலிநாடா மணவாட்டியே,
நாம் என்னே ஒரு நாளில் ஜீவித்துக்கொண்டிருக்கிறோம்! என்னே ஒரு மகத்தான நேரம்! இரகசியங்கள், அந்தரங்கங்கள் யாவுமே அனுதினமும் நமக்கு வெளிப்படுத்தப்பட்டுக் கொண்டிருக்கின்றன. நாம் கடந்து வந்துள்ளதைப் பார்ப்பது மட்டுமல்லாமல், நாம் ஜீவித்துக்கொண்டிருக்கிற நேரத்தையும் மற்றும் முன்னால் என்ன இருக்கிறது என்பதையும் நாம் அறிவோம்.
என்ன சம்பவிக்கப்போகிறது என்பது வசனத்திற்கு வசனம் நமக்கு சொல்லப்பட்டுக் கொண்டிருக்கிறது. நாம் யார், யார் அங்கே இருப்பார்கள், நாமும் கூட என்ன செய்வோம் என்று அவர் தெளிவாகச் சொல்லிக்கொண்டிருக்கிறார். 1,44,000 யூதர்கள், உபத்திரவத்தால் சுத்திகரிக்கப்பட்ட சபை, திராட்சைத் தோட்டங்களில் வேலை செய்பவர்கள் நகரத்திற்குள் தங்களுடைய கனத்தையும் மகிமையையும் கொண்டு வருவார்கள்.
ஆனால் அப்பொழுது அது நீங்களாக இருக்காது என்று அவர் நம்மிடம் சொல்கிறார்...ஓ இல்லை, நீ என்னுடைய மணவாட்டி, நீ அந்த நகரத்தில் என்னுடன் இருக்கிறாய். நீ திராட்சைத் தோட்டங்களில் வேலை செய்யப்போவதில்லை, நீ என்னுடைய இனிய இருதயமாயிருக்கிறாய். உன்னுடைய இராஜாவாகிய, என்னோடு நீ என்னுடைய இராணியாயிருக்கிறாய். உலகத் தோற்றத்திற்கு முன்பே நான் தெரிந்துகொண்ட ஐந்தின் ஒரு பாகத்தில் உள்ள நூறில் ஒரு பாகமாக நீங்கள் இருக்கிறீர்கள். இந்த இடத்தை உங்களுக்காகவே…நீங்கள் அதை விரும்புகிற விதத்தில் நான் ஆயத்தம் செய்தேன்.
அவர் வாரந்தோறும், நாளுக்கு நாள், ஒவ்வொரு மணிநேரமும், அவருடைய அற்புதமான வார்த்தைகள் அனைத்தையும் நமக்கு வெளிப்படுத்தி நம்மிடம் பேசுகிறபடியால் நாம் அவருடைய மேஜையைச் சுற்றி ஒன்று கூடுவதை, சிந்தித்துப் பார்க்க வேண்டும். நாம் யார் என்பதையும்; அவர் நம்மை எவ்வளவு நேசிக்கிறார் என்பதையும்; என்ன இருந்தது, என்ன உள்ளது, என்ன நடக்கப் போகிறது என்பதையும் மீண்டும் மீண்டும் அவர் நமக்குச் சொல்கிறார்.
இது நமக்கு என்னப் பொருட்படுத்துகிறது, அல்லது அவர் இந்தக் காரியங்களை நம்மிடம் பேசுவதை நாம் கேட்கும்போது நாம் எப்படி உணர்கிறோம் என்பதை வெளிப்படுத்த வார்த்தைகளே இல்லை. நாம் இயங்கு பொத்தானை அழுத்தி, அந்த சத்தத்தைக் கேட்கும்போது, நாம் இந்த உலகத்தை விட்டு வெளியேறி, உடனடியாக அவருடன் உன்னதங்களில் உட்கார்ந்து கொண்டிருக்கிறோம். நம்முடைய ஆத்துமாக்கள் ஆறுதலடைகின்றன. பரிசுத்த ஆவியானவர் நம்முடைய முழு உள்ளிந்திரியங்களையும் அவருடைய ஆவியால் நிரப்புவதை நாம் உணர்கிறோம். இது விவரிக்கப்பட முடியாத ஒரு சந்தோஷமாக இருக்கிறது. தேவன் நம்மிடத்தில் பேசிக் கொண்டிருக்கிறார். ஒலிநாடாக்களில் உள்ள ஒவ்வொரு உரைக்கப்பட்ட வார்த்தையையும், அவர் நமக்காகவே உரைத்தார். நாம் எதைக் கேட்க வேண்டும், எப்போது அதைக் கேட்க வேண்டும் என்று சரியாக அவருக்குத் தெரியும்...பலமுறை நாம் அதைத் திரும்பத் திரும்பக் கேட்க வேண்டும்... ஒவ்வொரு முறையும் அது நம்முடைய ஆத்துமாவை வெள்ளத்தில் மூழ்கடிக்கிறது.
தரிசனங்கள், சொப்பனங்கள், கர்த்தர் உரைக்கிறதாவது, காலத்தின் திரைக்கபால், வெள்ளை அங்கிகளில் நம்மைக் கண்டது, மூன்றாம் இழுப்பு, அணில்களைச் சிருஷ்டித்தல், தேவனுடைய பட்டயம் அவருடைய கரத்தில் பரிபூரணமாக பொருந்தியது, சேமித்து வைக்கப்பட்ட ஆகாரம், மேஜையின் தலைப்பகுதியில் அமர வைக்கப்பட்டிருப்பது, இடிமுழக்கங்கள், வல்லமையான தூதர்கள் வந்து அவரை தூக்கிச் சென்றது, அந்த விசேஷித்த ஏழாம் தூதன் அவருக்கு மிக முக்கியமானவராக காணப்பட்டது, பிரான்ஹாம் என்று உச்சரிக்கிற ஏழு மலைச் சிகரங்களின் நித்திய அடையாளம், ஒலிநாடாக்களில் என்ன உள்ளதோ அவைகளை மாத்திரமே கூறுங்கள் என்பதையும், நான் வார்த்தையின் பிழையின்மையைக் கொண்டிருக்கிறேன் என்பதையும், அவர் மிக உன்னத அழைப்புக்கு அழைக்கப்பட்டுள்ளார் என்பதையும், நான் உங்களுக்கு என்னுடைய வெளிப்பாட்டைச் சொல்வேன் என்பதையும், நான் உங்களுக்கு தேவ சத்தமாய் இருக்கிறேன், ஒலிநாடா உபதேசத்தோடு தரித்திருங்கள், நான் உங்களை மணவாட்டி என்று அழைக்கப்போகிறேன், இலக்கணமற்ற கொச்சையான வார்த்தைகளில் இவைகளை குறித்து அவர் நமக்கு சொல்லுகிறதை நாம் கேட்க ஒருபோதும் களைப்படைகிறதில்லை…நாம் அவை யாவற்றையுமே விரும்புகிறோம்.
இதுவே என்னுடைய தரிசனம். ஒலிநாடாக்களில் உள்ள தேவனுடைய சத்தமே தேவனுடைய பரிபூரண சித்தமாயும், நிறைவானதாயும் உள்ளது. ஒலிநாடாக்களை இயக்குவது தேவனுடைய பரிபூரண சித்தமாயும், நிறைவானதாயுமுள்ளது. உங்களால் பிரசிங்கிமார்கள், போதகர்கள், அப்போஸ்தலர்கள், தீர்க்கதரிசிகள், மேய்ப்பர்கள் பேசுவதைக் கேட்க முடியும், ஆனால் ஒலிநாடாக்களோ, நீங்கள் கேட்கக் கூடிய மிக முக்கியமான சத்தமாயும், நிறைவானதாயும், இருக்க வேண்டியதாய் இருக்கிறது. ஒலிநாடாக்களில் உள்ள சத்தம் தேவன் தாமே அவருக்கு செவி கொடுங்கள் என்று கூறின ஒரே சத்தமாயும், நிறைவானதாயும் இருக்கிறது.
என்னுடைய சகோதர சகோதரிகளே, நான் யாருக்கும் எதிரானவன் அல்ல, நான் அந்த சத்தத்திற்காகவே இருக்கிறேன். இந்தச் செய்தியை நேசிப்பதாகவும் விசுவாசிப்பதாகவும் அறிவிக்கும் அனைவரையும் நாமும், நானும் நேசிக்க வேண்டும். இயங்கு பொத்தானை அழுத்திக் கேளுங்கள் என்று நான் ஜனங்களிடத்தில் தவறாக சொல்லிக் கொண்டிருப்பதாக நீங்கள் உணர்ந்தாலும் கூட, நான் உங்களை நேசிக்கிறேன், நீங்களும் என்னை நேசிக்கிறீர்கள் என்றே நான் நம்புகிறேன். நாம் அனைவரும் அவருடைய பரிபூரண சித்தத்தில் இருக்க விரும்புகிறோம். தயவு செய்து தேவன் உங்களை அழைத்ததை தொடர்ந்து செய்யுங்கள்; பிரசங்கிக்கவும், போதிக்கவும், ஒரு மேய்ப்பராகவும் இருங்கள், உங்கள் மந்தைக்கு அவர்கள் கேட்கக்கூடிய மிக முக்கியமான சத்தம் எது என்பதைச் சொல்லுங்கள்.
ஒலிநாடாவில் உள்ள அந்த சத்தம் மாத்திரமே ஒவ்வொரு முறையும் மாறாமல் அதையே கூறுகிறது. அது ஒருபோதும் மாறுகிறதில்லை. ஒலிநாடாக்களில் உள்ள ஒவ்வொரு வார்த்தைக்கும் மணவாட்டி மாத்திரமே ஆமென் என்று கூற முடியும், ஆனால் மணவாட்டி மற்ற மனிதன் கூறும் ஒவ்வொரு வார்த்தைக்கும் ஆமென் என்றோ, நிறைவானது என்றோ சொல்ல முடியாது.
நீங்கள் அதை நம்பவில்லையென்றால், நீங்கள் மணவாட்டி அல்ல. நீங்கள் அதை நம்பினால், அப்பொழுது ஒலிநாடாவைக் கேட்பதே அவர்கள் கேட்கக்கூடிய மிக முக்கியமான சத்தம் என்று உங்கள் மந்தையிடம் சொல்வதில் உங்களுக்கு எந்தப் பிரச்சினையும் இருக்காது.
இந்த அறிக்கைகளை வெளியிடுவதன் மூலம், மக்கள் தங்களுடைய போதகர்களுக்கு செவிசாய்க்க வேண்டாம் மற்றும் அவர்களுடைய சபைகளை விட்டு வெளியேறுங்கள் என்று நான் சொல்கிறேன் என்று பல ஊழியக்காரர்களிடமிருந்து நான் கேட்டிருக்கிறேன், இது உண்மையல்ல. நான் அதை ஒருபோதும் கூறவுமில்லை, எனவே அதை நம்பாதீர்கள்.
நான் இதுவரை கூறாத, எப்போதும் நம்பாத விஷயங்களை பலர் கூறிக் கொண்டிருக்கிறார்கள் என்பது உண்மைதான். நான் அவர்களுக்காக பொறுப்பேற்க முடியாது, ஆனால் நான் என்ன கூறியிருக்கிறேனோ அதை மாத்திரமே நான் விசுவாசிக்கிறேன். நான் வெளிப்படையாய் தெளிவாகப் பேசி, நான் எதை விசுவாசிக்கிறேனோ அதை சரியாக கடிதத்தில் குறிப்பிட்டுள்ளேன். அவர்கள் / நீங்கள் நான் என்ன கூறிக் கொண்டிருக்கிறேனோ / பொருட்படுத்துகிறேனோ அதன் பேரில் உங்களுடைய திரித்தலைச் செய்து கொண்டிருக்கிறீர்கள்.
மணவாட்டி அனைவரும் ஒரே காரியத்தையே கூறிக் கொண்டிருப்பர். இரண்டு மனிதர் ஒரே காரியத்தை கூறுகிறதில்லை. ஒரே சத்தம். ஒரே தீர்க்கதரிசி. ஒரே மணவாட்டி.
உலகெங்கிலும் உள்ள பல விசுவாசிகள் அவருடைய மணவாட்டியாக இருக்க, நீங்கள் ஒரே நேரத்தில் செய்தியைக் கேட்க வேண்டும் என்று நான் நினைக்கவில்லை, ஆனால் ஞாயிற்றுக்கிழமை காலை…ஏழாம் தூதனாகிய செய்தியாளரின் சத்தத்தைக் நீங்கள் கேட்க வேண்டும் என்று நான் நம்புகிறேன்…அந்த சத்தத்திற்கே முதலிடம் அளியுங்கள்.
ஏழாவது முத்திரை 63-0324E, என்ற செய்தியை ஞாயிற்றுக்கிழமை பிற்பகல் 12:00 மணிக்கு, ஜெபர்சன்வில் நேரப்படி, உலகம் முழுவதிலுமிருந்து மணவாட்டியின் ஒரு பகுதியினர் ஒரே நேரத்தில் அந்த சத்தத்தைக் கேட்கப்போகிறபடியால்: நீங்களும் எங்களோடு கேட்கும் படி அழைக்கப்படுகின்றீர்கள்.
சகோ. ஜோசப் பிரான்ஹாம்
செய்தியைக் கேட்பதற்கு முன் படிக்க வேண்டிய வேதவசனங்கள்:
உபாகமம் 29:16-19 I இராஜாக்கள் 12:25-30 எசேக்கியேல் 48:1-7, 23-29 மத்தேயு 24:31-32 வெளிப்படுத்தின விசேஷம் 7 வெளிப்படுத்தின விசேஷம் 8:1 வெளிப்படுத்தின விசேஷம் 10:1-7 வெளிப்படுத்தின விசேஷம் 14