அன்பான புத்திரசுவிகாரமாக்கப்பட்டவர்களே,

உலக அரசாங்கங்கள் ஜனங்களிடம், “வரவிருப்பதை எதிர்கொள்ள நீங்கள் ஆயத்தப்படும்படி ஆயத்தமாக இருங்கள், இறுதிநாளுக்குத் தயாராகுங்கள். உங்கள் குடும்பத்திற்காக உணவையும் தண்ணீரையும் சேமித்து வையுங்கள்,” என்று கூறுகின்றன. உலகம் பீதியில் உள்ளது. என்ன நடக்கப் போகிறது? நாளை என்ன கொண்டு வரும்?

தீர்க்கதரிசனம் நம் கண்முன்னே நிறைவேற்றப்பட்டுக் கொண்டிருப்பதை நாம் பார்த்துக் கொண்டிருக்கிறோம். உலகம் சீரழிந்து கொண்டிருக்கிறது. என்ன வரப்போகிறது என்று தெரியாமல், பயமும் பீதியும் உலகம் முழுவதும் பரவிக்கொண்டு வருகின்றன. எதிர்காலம் என்னவாக இருக்கும்? நாம் என்ன செய்ய முடியும்? இதுதான் முடிவா?

இதற்கிடையில், பிதாவாகிய தேவனும் நம்மை எச்சரித்து ஆயத்தப்படுத்திக் கொண்டிருக்கிறார். அவர் ஏற்கனவே நமக்காக உணவையும் தண்ணீரையும் சேமித்து வைத்துள்ளார், மேலும் நாம் நம்முடைய ஆர்டீசியன் ஊற்றிலிருந்து விருந்துண்டு பருகிக்கொண்டு வருகிறோம். நாம் இறுதிநாளுக்காக அல்ல, ஆனால் ஆகாயத்தில் எடுத்துக்கொள்ளப்படுதலுக்காக ஆயத்தமாக இருக்கிறோம்!!

கிறிஸ்துவின் மணவாட்டி இதற்கு முன் ஒருபோதும் இவ்வளவு மகிழ்ச்சியாகவோ அல்லது மனநிறைவாகவோ இருந்ததில்லை. பிதாவாகிய தேவன் உலகெங்கிலும் உள்ள தமது சிறிய மணவாட்டியிடம், “பயப்படாதீர்கள், சந்தோஷப்படுங்கள். நீங்கள் நான் தெரிந்துகொண்டவர்கள். நான் உங்களை ஒரு ஆகாயத்தில் எடுத்துக் கொள்ளப்படுதலுக்காக, உங்களுடைய விவாக நாளுக்காக ஆயத்தப்படுத்திக் கொண்டிருக்கிறேன். இந்தக் குழப்பத்திலிருந்து நான் உங்களை வெளியே எடுத்துக் கொண்டிருக்கிறேன். நீங்கள் என்னுடைய புத்திர சுவிகாரமாக்கப்பட்ட குமாரர்களும் குமாரத்திகளுமாய் இருக்கிறீர்கள். காலத்தின் நிறைவு வருகிறது” என்று சொல்லிக் கொண்டிருக்கிறார்.

நாம் என்னவொரு கொண்டாட்டத்தைக் கொண்டிருக்கிறோம். நாம் கேட்கும் ஒவ்வொரு வார்த்தையும் நமக்கு ஒரு தங்கத் துணுக்காகும். நாம் அதை அப்படியே எடுத்துக்கொண்டு, மீண்டும் மீண்டும் மெருகேற்றிக்கொண்டே இருக்கிறோம். அதன்பிறகு நாம்:

“கர்த்தர் பரிசுத்தர், பரிசுத்தர், பரிசுத்தர்.” “கர்த்தர் பரிசுத்தர், பரிசுத்தர், பரிசுத்தர்.” “கர்த்தர் பரிசுத்தர், பரிசுத்தர், பரிசுத்தர்” என்று கூறுகிறோம்.

நாம் கல்வாரியை நோக்கியே நம்முடைய கண்களை வைத்துள்ளோம், நம்மை எதுவும் தடுக்கப்போவதில்லை! நாம் ராஜாவின் நெடுஞ்சாலையில் நடந்துகொண்டு, விலையேறப் பெற்ற அபிஷேகத் தைலத்தால் அபிஷேகம் செய்யப்பட்டு, மகா பரிசுத்த ஸ்தலத்திற்குள் பிரவேசிக்கிறோம்.

நாம் வழிதவறிப் போய்விட்டோம் என்றும், நாம் அவருடைய மணவாட்டியாய் இல்லை என்றும் சத்துரு நம்மிடம் சொல்ல முயற்சிக்கும்போது, நாம் இயங்கு பொத்தானை அழுத்தினால் போதும், அவர் நம்மிடம் உரக்கக் சத்தமிட்டு சொல்கிறார்:

உலகம் பயத்தில் இருக்கிறது, அதே நேரத்தில் பிதாவாகிய தேவன் நம்மிடம், “எதற்கும் பயப்படாதீர்கள், நீங்கள் யார், எங்கே போகிறீர்கள் என்பதை நான் உங்களுக்குச் சொல்கிறேன்” என்கிறார்... மகிமை!!

நம்முடைய மானிட பலவீனத்தில் நாம் தினமும் தோல்வியடைகிறோம். நாம் பல தவறுகளைச் செய்கிறோம். நாம் செய்யக்கூடாத பல காரியங்களைச் செய்கிறோம். அப்பொழுது பிசாசு, நாம் எப்படி மணவாட்டியாய் இருக்க முடியும் என்று சொல்லி, நம்மைத் தொடர்ந்து தாக்குகிறான்.

ஆனால் நாம் கற்ப்பிக்கப்பட்டிருக்கிறோம். என்ன செய்ய வேண்டும் என்று நமக்குத் துல்லியமாகத் தெரியும்: பிதாவாகிய தேவன் என்ன சொல்ல வருகிறார் என்பதைக் கேட்க இயங்கு பொத்தானை அழுத்திக் கேட்கிறோம்.

நம்மை முன்குறித்தது தேவனுக்குப் பிரியமாயிருந்தது. நம்மை குமாரர்களாகவும் குமாரத்திகளாகவும் ஆக்கியது தேவனுக்குப் பிரியமாயிருந்தது. நம்மை சுவிகாரப் புத்திரராக்கியது தேவனுக்குப் பிரியமாயிருந்தது. அவர் யார், நாம் யார் என்பதற்கான உண்மையான வெளிப்பாட்டை நமக்குக் கொடுத்தது தேவனுக்குப் பிரியமாயிருந்தது. நாம் சந்தோஷப்பட்டு, பயமின்றி இருக்க வேண்டும் என்பதற்காக, காலத்தின் திரைக்கு அப்பால் தம்முடைய தூதனை அழைத்துச் சென்று, மறுபுறத்தில் நம்மைக் காட்டியது தேவனுக்குப் பிரியமாயிருந்தது.

எதிர்பாராத விதமாக, இந்த ஒலிநாடாக்கள் அனைவருக்கும் உரியவை அல்ல. அவை தீர்க்கதரிசியின் சபைக்கு மட்டுமே உரியவை... மகிமை, அது நாம்தான். நம்மால் முடிந்த ஒவ்வொரு நிமிடமும், நாம் ஒன்றுகூடிவரும் ஒவ்வொரு முறையும், தேவனுடைய சத்தத்தைக் கேட்க, நாம் செய்ய விரும்புவதெல்லாம் இயங்கு பொத்தானை அழுத்திக் கேட்பதேயாகும்.

மற்றவர்கள் எல்லாவற்றையும் சரியாகப் புரிந்துகொண்டார்கள். அவர்கள் அதை நாம் பார்ப்பது போல் பார்ப்பதில்லை. அவர்களும் அதை அப்படியேதான் புரிந்துகொண்டார்கள், ஆனால் நமக்கு... அதைப் பார்ப்பது மிகவும் நல்லது; ஏனென்றால், இது இன்றைய நாளுக்காக பிதாவாகிய தேவன் அருளியுள்ள வழி என்று நமக்குத் தெரியும்.

ஒவ்வொரு நாளும் உலகமும் அதனுடைய ஜனங்களும் அதிகமாக மனச்சோர்வடைகிறார்கள். எல்லாம் இருண்டு, சோகமாகக் காணப்படுகிறது. ஆனால் மணவாட்டிக்காக, ஒவ்வொரு நாளும் வெளிப்பாட்டின் மூலம் அதிக ஊக்கமளித்தலைக் கொண்டுவருகிறது. நாம் இளைப்பாறுதலில் இருக்கிறோம், அவருடைய பரிசுத்த ஆவியால் நிரப்பப்பட்டு, உன்னதங்களிலே ஒன்றாக வீற்றிருக்கிறோம்.

பெந்தேகோஸ்தே நாளில், பலத்த காற்று அடிக்கிற முழக்கத்தினால், பரிசுத்த ஆவியானவர் அந்த அறையையும், அங்கு இருந்த அனைவரையும் நிரப்பியபோது அது எப்படி இருந்திருக்கும் என்று நீங்கள் எப்போதாவது யோசித்ததுண்டா?

இனி கற்பனை செய்ய வேண்டாம். அவர் தம்முடைய கழுகுகளை ஒன்றாகக் கூட்டி, உங்கள் அறையைத் தம்முடைய பரிசுத்த ஆவியால் நிரப்பி, தம்முடைய சேமித்து வைக்கப்பட்ட ஆகாரத்தை நமக்கு போஷிப்பதில் மூலம், அவருடைய அதிசீக்கிர வருகைக்காக நம்மைத் ஆயத்தப்படுத்துகிறபடியால், ஞாயிற்றுக்கிழமை பிற்பகல் 12:00 மணிக்கு, ஜெஃபர்சன்வில் நேரப்படி, எங்களுடன் வந்து சேர்ந்து கொள்ளுங்கள். ஒலிநாடாக்களில் உள்ள தேவனுடைய சத்தத்தை, நீங்கள் அவருடைய பண்டசாலையிலிருந்து புசித்து, பருகுவீர்கள்.

சகோ. ஜோசப் பிரான்ஹாம்

செய்தி: புத்திரசுவிகாரம் #3 60-0522M

வேதவசனங்கள்:

மத்தேயு 28:19
யோவான் 17:7-19
அப்போஸ்தலர் 9:1-6, அதிகாரங்கள் 18 மற்றும் 19
ரோமர் 8:14-19
1 கொரிந்தியர் 12:12-13
கலாத்தியர் 1:8-18
எபேசியர் அதிகாரம் 1
எபிரெயர் 6:4-6, 9:11-12