அன்புள்ள ஆர்ட்டீசியன் தண்ணீரை பருகுபவர்களே,

நாம் ஓட்டுப்போடப்பட்டிருக்கவில்லை, நாம் உற்பத்தியான வார்த்தையின் அசலான பாகமாக இருக்கிறோம்.பரிசுத்த ஆவியானவர் தாமே, அதை முதிர்ச்சியடைய செய்து, ரூபகாரப்படுத்தி, நமக்கு வெளிப்படுத்தியிருக்கிறார். நாம் அதனுடைய ரூபகாரப்படுத்துதலின் வல்லமையிலும், அது என்னவாய் உள்ளது என்ற வெளிப்பாட்டிலும் அதை அதனுடைய பரிபூரணத்தில் ஏற்றுக்கொண்டு, நாம் அதனுடைய ஒரு பாகமாகியிருக்கிறோம். அது நமக்கு ஜீவனைக் காட்டிலும் மேலானது.

பரிசுத்த ஆவியானவர் தாமே ஒரு தாழ்மையான, தகுதியற்ற பாத்திரத்தின் மூலம் பேசி, "இதோ என் செங்கோல், என் வார்த்தை, அதை எடுத்துக்கொண்டு வெளியே சென்று, செய்தியைக் கொண்டு வாருங்கள்" என்றார். அவர் தம்முடைய மணவாட்டியாக நம்மை உருவாக்க, அவருடைய வார்த்தையை எடுத்து, நம்மை வெட்டியெடுத்தார்.

ஜனங்கள் சபைகளைவிட்டு வெளியேறி ஒலிநாடாக்களை போட்டுக் கேட்கப் போவதை காண்பது ஆசாரியர்களை தொல்லைப்படுத்தியிருக்கிறது. அவர்கள், "உங்களில் யாராவது கூட்டங்களில் கலந்துகொண்டால், நீங்கள் வெளியேற்றப்படுவீர்கள், நாங்கள் உங்களை எங்களுடைய ஸ்தாபன அமைப்பிலிருந்து வெளியேற்றுவோம்" என்றார்கள்.

அவர்களுடைய பிரதியுத்தரமோ: நீங்கள் எங்களைப் புறக்கணிக்கலாம், நாங்களோ எப்படியும் போய்கொண்டிருக்கிறோமே! நாங்கள் கர்த்தராகிய இயேசுவோடு, எங்களுடைய அடிக்கப்பட்ட கன்மலையோடு, தூதனுடைய ஆகாரத்தை, பரத்திலிருந்து வந்த சேகரிக்கப்பட்ட மன்னாவைப் புசித்துக் கொண்டு, கன்மலையிலிருந்து தண்ணீரைப் பருகிக்கொண்டு பயணத்தில் இருக்கிறோம். நாங்கள் எதைப் பருகிக்கொண்டிருக்கிறோம் என்பதை குறித்து ஒருபோதும் கவலைப்பட வேண்டியதில்லை, அது சுத்த வார்த்தையேயல்லாமல் வேறொன்றுமில்லை.

நாம் எப்பொழுதுமே நடைபெற்றுக் கொண்டிருக்கிற ஒரு எழுப்புதலைப் பெற்றுள்ளோம். நம்முடைய ஊற்று எப்பொழுதுமே பொங்கி பொங்கி பொங்கி பொங்கி வழிந்து கொண்டிருக்கிறது. அதற்கு முடிவே இல்லை. நாம் இயங்கு பொத்தானை அழுத்தும் ஒவ்வொரு முறையும் ஒரு நல்ல, குளிர்ந்த குடிநீரைப் பெற்றுக் கொள்கிறோம். நாம் அதன் பேரில் சார்ந்திருந்து, அதன் பேரில் ஜீவித்துக்கொண்டிருக்கிறோம். நீங்கள் செய்ய வேண்டிய ஒரே காரியம் அங்கு சென்று அதை பருகுவதேயாகும்.

நாம் அனுதினமும் அந்த பீறிட்டு பெருக்கெடுக்கும் ஊற்றினால் ஜீவிக்கிறோம்! நாம் ஒருபோதும் இழுக்கவோ, தோண்டவோ, அழுத்தி மேலெழும்பச் செய்யவோ அல்லது எதையுமே செய்ய வேண்டியதில்லை; அவருடைய அருளப்பட்ட வழியில், இலவசமாக பங்குகொள்ளகிறோம். நீங்கள் விரும்புகிற உங்களுடைய மனிதனால்-உண்டாக்கப்பட்ட எல்லா முறைமைகளையும், உங்களுடைய பழைய தேக்கமடைந்த எல்லா கிணறுகளையும் எடுத்துக்கொள்ளலாம்; எங்களுக்காக, நாங்கள் அவருடைய சுத்த ஊற்றண்டைக்கு வந்துள்ளோம். அதுவே எங்களுடைய சந்தோஷம். அதுவே எங்களுடைய வெளிச்சமும் பெலனுமாயிருக்கிறது.

எங்களைப் பொறுத்தவரை, வேறெங்கும் செல்லாமல் நேரடியாக தேவன் அருளியிருக்கிற ஊற்றண்டைக்கே செல்கிறோம். நாங்கள் என்னத்தைக் குடிப்போம் என்று ஒருபோதும் கவலைப்படுவதேயில்லை. பெரிய அழுக்கான பொருட்களை வடிகட்டிவிட்டு, ஆனால் அழுக்கடைந்த அதன் சாரத்தை விட்டுவிடுகிற பழைய கந்தலான வடிகட்டும் துணியை ஒருபோதும் உபயோகிக்க வேண்டியதில்லை. நாம் நமக்குத் தேவையான அனைத்து தாதுக்களோடும், ஊட்டச்சத்துக்களுடனும் சுத்தமான ஆர்ட்டீசியன் நீரைப் பெறுகிறோம்.

அவர் எங்களுக்கு உறுதியளித்துள்ளார்: என் சிறு பிள்ளைகளே, இனி எதற்கும் கவலைப்பட வேண்டாம், பரிசுத்த ஆவியின் அசலான அத்தாட்சி உங்களிடம் உள்ளது. நீங்கள் ஒவ்வொரு வார்த்தையையும் விசுவாசிக்கிறீர்கள் என்பதை நீங்கள் எனக்கு நிரூபித்துள்ளீர்கள். நீங்கள் அதை ஏற்றுக்கொண்டுள்ளீர்கள், நீங்கள் என்னுடையவர்கள். நாம் ஒன்றாயிருக்கிறோம். கணவனும் மனைவியுமாகவே.

நான் உங்களுக்காக ஒரு நிமிஷத்திலே, ஒரு இமைப்பொழுதிலே வருகிறேன். நான் உங்களுக்கு ஒரு புதிய வீட்டை ஆயத்தம் செய்துகொண்டிருக்கிறேன். என்னுடைய இறுதித் திட்டங்களை நீங்கள் விரும்புவீர்கள். இப்போது இது உங்களுக்கு மிகவும் கடினமாக உள்ளது என்பதை நான் அறிவேன், மேலும் உங்களுக்கு பல பரிசோதனைகளும், சோதனைகளும் உள்ளன, உங்களுடைய சுமைகள் பாரமானவைகளாயுள்ளன. ஆனால் மறந்துவிடாதீர்கள், நீங்கள் எதைக் குறித்தும் கவலைப்பட வேண்டியதில்லை, நான் உங்களுக்கு என்னுடைய வார்த்தையைக் கொடுத்துள்ளேன். நீங்கள் என்னுடைய வார்த்தையாயிருக்கிறீர்கள். நான் ஏற்கனவே உங்களுக்காக எல்லாவற்றையும் செய்துள்ளேன். வார்த்தையைப் பேசுங்கள், சந்தேகப்பட வேண்டாம். உங்களுடைய விசுவாசமும், மேலும் கூடுதலாக என்னுடைய தீர்க்கதரிசி உங்களுக்கு அளித்த அவருடைய விசுவாசமும் உங்களிடம் உள்ளது.

ஞாயிற்றுக்கிழமை பிற்பகல் 12:00 மணிக்கு, ஜெஃபர்சன்வில் நேரப்படி, 64-0726E வெடிப்புள்ள தொட்டிகள் என்ற செய்தியை கேட்கவும், வடிகட்டிகளே தேவையில்லாத சுத்தமான வார்த்தையை இந்த ஆர்ட்டீசியன் ஊற்று பீறிட்டுப் பொங்குவதால், இதிலிருந்து பருக நீங்கள் எங்களோடு சேர்ந்துகொள்ள நான் விரும்புகிறேன்.

சகோ. ஜோசப் பிரான்ஹாம்

அன்பான வெட்டியெடுக்கப்பட்டவர்களே,

நாம் ஏன் மிகவும் மகிழ்ச்சியாக இருக்கிறோம் என்பதை ஒவ்வொருவரும் அறிந்துகொள்ள வேண்டும் என்று நான் விரும்புகிறேன்!!

நாம் கர்த்தருடைய வார்த்தையை ஏற்றுக்கொண்டோம். தேவனுடைய தீர்க்கதரிசியான மல்கியா 4-ன் மூலம் உரைக்கப்பட்டு வெளிப்படுத்தப்பட்ட வார்த்தை. நாம் இயேசு கிறிஸ்துவின் மணவாட்டி. நாமே அவருடைய ரூபகாரப்படுத்தப்பட்ட சத்தத்திற்கு உண்மையாக தரித்திருக்கிறவர்களாய் இருக்கிறோம். நாமே அவர் அளித்திருக்கிற மகத்தான கிரயத்தின் முத்தான, அவருடைய செய்திக்கும், அவருடைய செய்தியாளனுக்குமான உண்மையான வெளிப்பாடாக இருக்கிறோம்.

தேவன் தம்முடைய தீர்க்கதரிசியின் வார்த்தையை எடுத்து, ஒவ்வொரு சிறு எழுத்தையும் ஒவ்வொரு சிறு உறுப்பையும் விசுவாசிக்கிற ஒரு மணவாட்டியை வெட்டியெடுத்துள்ளார். அவர் செய்வதாக வாக்களித்தபடியே அவர் நம்மை வெட்டியெடுத்துள்ளார். நாம் தேவனுடைய ஆடுகளாயும், தேவனுடைய சத்தத்தை மாத்திரமே கேட்கிறவர்களாயும் இருக்கிறோம்! "என் ஆடுகள் என் சத்தத்திற்குச் செவிகொடுக்கிறது" என்றவாறே, நாம் இயங்கு பொத்தானை அழுத்திக் கேட்கிறோம்.

நாம் தேசம் முழுவதிலுமிருந்து; நியூயார்க், மாசசூசெட்ஸ், பாஸ்டன், மைனே, டென்னசி, ஜார்ஜியா, அலபாமா மற்றும் தேசம் முழுவதிலிருந்துமே உருவாக்கப்பட்டிருக்கிறோம். ஆப்பிரிக்காவிலிருந்து மெக்சிகோ, ஐரோப்பாவிலிருந்து ஆஸ்திரேலியா வரை, நாம் ஒரே செய்தி, ஒரே சத்தத்தின் கீழே ஒன்றுகூடிக்கொண்டிருக்கிறோம், இது எடுத்துக்கொள்ளப்படுதலுக்கான மணவாட்டியை இணைத்துக் கொண்டிருக்கிறது.

நம்முடைய தீர்க்கதரிசி, தேவனுடைய செய்தியாளர், மனுஷகுமாரன் தன்னை மாம்சத்தில் வெளிப்படுத்தி, "சாத்தானே, என்னுடைய வழியை விட்டு விலகு, நான் ராஜாவின் செய்தியை உடையவனாயிருக்கிறேன். நான் ராஜாவினுடைய செய்தியாளன். நான் இன்றைக்கான ரூபகாரப்படுத்தப்பட்ட வார்த்தையை உடையவனாயிருக்கிறேன். நான் அவருடைய மணவாட்டியை வெளியே அழைத்து, வழிநடத்த முன்குறிக்கப்பட்டிருக்கிறேன்.

"நான் ஒரு ஜனத்தை வெளியே இழுத்து, இந்தக் காரியங்களிலிருந்து அவர்களை வெட்டிக்கொண்டிருக்கிறேன். ஒரு அக்கினி ஸ்தம்பத்தின் ரூபகாரப்படுத்துதலோடு; தேவன் இங்கு நின்றுகொண்டிருக்கிறார் என்று, வேத வாக்கியங்களினால், அவர்களுக்கு காண்பிக்கும்படி; அவர்களை வெளியே இழுக்கிறேன்.

அவர் ஜீவனுக்கு முன்குறித்திருந்த ஜனங்கள் பூமியின் மேல் இருக்கிறதை தேவன் அடையாளம் கண்டு கொண்டார். அவர் தம்முடைய செய்தியாளனை அனுப்பி தம்முடைய மணவாட்டியை வெளியே அழைக்க இதுவே நேரம் என்பதை அடையாளம் கண்டு கொண்டார், எனவே அவர் அதை செய்தார். நாமே அதை அடையாளம் கண்டு கொண்டவர்களாக இருக்கிறோம். நாமே ஒவ்வொரு வார்த்தையையும் விசுவாசிப்போம் என்று அவர் அறிந்திருந்தார்.

தேவன் மானிட சரீரத்திலிருந்து தன்னிடம் பேசிக்கொண்டிருந்தார் என்பதை ஆபிரகாம் அடையாளம் கண்டு கொண்டான். அவன் அவருடைய அடையாளத்தை அடையாளம் கண்டு கொண்டு அவரை ஆ-ண்-ட-வ-ரே, எலோஹிம் என்று அழைத்து, கர்த்தரால் ஆசீர்வதிக்கப்பட்டான். அது அந்த நாளில் இருந்தது போலவே, மனுஷகுமாரன் வெளிப்படுத்தப்படும்போது, எலோஹிம், மானிட சரீரத்தினூடாக பேசுகிறார் என்பதை நாம் அடையாளம் கண்டு கொண்டோம்.

நாம் அவருடைய பாகமாயும், அவருடைய குமாரனின் பாகமாயும் இருக்கிறோம், நாம் அவருடன் என்றென்றும் நிலைத்திருப்போம். இது நம்முடைய அழைப்பினாலோ அல்லது நம்முடைய தெரிந்துகொள்ளுதலினாலோ அல்ல, ஆனால் அவருடைய தெரிந்துகொள்ளுதலினாலே. நமக்கு அதனோடு எந்த சம்பந்தமும் இல்லை. அவரே உலகத் தோற்றத்திற்கு முன்னர் நம்மைத் தெரிந்துகொண்டவராய் இருக்கிறார்.

நாம் அவருக்கு முன்னால் கடந்து சென்ற போது அவர் நம்மை ஒரு தரிசனத்தில் கண்டார். மணவாட்டி ஆரம்பத்தில் இருந்த அதே நிலையில், அல்பாவும் ஒமேகாவுமாக, நாம் இருந்தோம். சிலர் அணிவகுப்பின் வரிசையை விட்டு விலகுவதை அவர் கவனித்துகொண்டிருந்து, அவளை திரும்பவும் அணிவகுப்புக்குள் இழுக்க முயற்சித்துக் கொண்டிருந்தார், ஆனால் நாமே "நாங்கள் அதன்பேரில் இளைப்பாறிக் கொண்டிருக்கிறோம்" என்று சத்தமிட்டவர்கள்.

நம்முடைய நாளுக்கான உண்மையான, ரூபகாரப்படுத்தப்பட்ட வார்த்தையுடன் நாம் எவ்வளவு கவனமாக தரித்திருக்க வேண்டும். வார்த்தை யாரிடம் வருகிறது என்பதை நாம் எப்போதும் அடையாளம் கண்டு கொண்டு, நினைவில் கொண்டிருக்க வேண்டும். வார்த்தையின் ஒரே தெய்வீக வியாக்கியானி யார்? நம்முடைய நாளுக்கான வார்த்தை யார்?

உன்னுடைய நாளையும் அதனுடைய செய்தியையும் அடையாளம் கண்டு கொள்ளுதல் 64-0726M என்ற செய்தியை பிற்பகல் 12:00 மணிக்கு, ஜெபர்சன்வில் நேரப்படி, ஏலோகிம் அவருடைய தீர்க்கதரிசி மூலமாக பேசி எங்களுக்கு அதைக் கொண்டு வருவதை நாங்கள் கேட்கையில், வார்த்தையில் உங்களுடைய ஸ்தானத்தை அடையாளம் கண்டு கொண்டு உங்களுடைய ஸ்தானத்தில் பொருத்தப்பட, நம்முடைய நாளுக்கான ரூபகாரப்படுத்தப்பட்ட ஒரே தேவனுடைய சத்தத்தை நீங்கள் கேட்க வரும்படி அழைக்கப்படுகிறீர்கள்.

சகோ. ஜோசப் பிரான்ஹாம்

அன்புள்ள கழுகுகளே, நாம் யாவரும் ஒன்று சேர்ந்து இந்த ஞாயிற்றுக்கிழமை பிற்பகல் 12:00 மணிக்கு, ஜெபர்சன்வில் நேரப்படி, 64-0719E பாளயத்துக்குப் புறம்பே செல்லுதல் என்ற செய்தியைக் கேட்போமாக.

சகோதரன் ஜோசப் பிரான்ஹாம்

அன்பான இயங்கு பொத்தானை அழுத்தி கேட்கும் மணவாட்டியே,

ஒவ்வொரு ஞாயிற்றுக்கிழமையும் நாம் ஒன்றுகூடி உலக சரித்திரத்திலேயே மிக மகத்தான ஜீவனுள்ள ஊழியத்திற்கு செவிகொடுத்துக் கொண்டிருக்கிறோம். தேவனுடைய சத்தத்தை கேட்பதற்கு நாம் ஒன்றுகூடி சந்திக்கையில் நாம் மிகவும் மகிமையான நேரத்தை உடையவர்களாய் இருந்து கொண்டிருக்கிறோமே! இது தேவ குமாரனாகிய, இயேசுவே, வேத வாக்கியங்கள் மூலமாக தம்மை வெளிப்படுத்தி, இந்நாளுக்கென முன்குறிக்கப்பட்டிருந்த வேதவாக்கியத்தை, அவருடைய நாளிலும், மற்ற எல்லா நாட்களிலும் இருந்தது போலவே, ஜீவனுள்ளதாக்குகிறதாய் இருக்கிறது. இதை விசுவாசிப்பதே, பரிசுத்த ஆவியின் அத்தாட்சியாக இருக்கிறது.

பரிசுத்த ஆவியை பெற்றுக் கொண்டதற்கான உண்மையான அத்தாட்சி ஒவ்வொரு ஞாயிற்றுக்கிழமையும் சபைக்கு செல்வது அல்ல; அது "நானே அவர்" என்றும், உங்களுடைய நாளுக்கான வார்த்தையை நீங்கள் விசுவாசிப்பதுமேயாகும். இன்றைக்கான வார்த்தை என்னவாயிருக்கிறது? மணவாட்டி தன்னுடைய கணவனை அறிந்துகொள்ளும்படியாக, தன்னுடைய துணையை, வெளிப்படுத்தப்பட்ட வார்த்தையை அறிந்து கொள்ளும்படியாக, தேவனுடைய தீர்க்கதரிசி இந்நாளுக்கான வார்த்தையாய் இருந்து, அவரே ஜனங்களை திரும்ப வார்த்தைக்கு கொண்டுவர வேண்டியதாய் உள்ளது.

அவருடைய சொந்த ஜீவியமும், அவருடைய சொந்த கிரியைகளும், இந்த நாளின் வார்த்தையை வெளிப்படுத்தி ரூபகாரப்படுத்துகிறது.

இது மீண்டும் பரிசுத்த ஆவியானவர் சபையில்; கிறிஸ்து, அவர் செய்வதாக வாக்களித்தபடியே, சாயங்கால நேரத்தில், மாம்ச சரீரத்தில் வெளிப்படுத்தினதாயுள்ளது. அது அவர்களை சற்று மூச்சுத் திணற வைக்கும் என்பதை நான் அறிவேன், ஆனால் நீங்கள் வரிகளுக்கிடையே உள்ள மறைபொருளை படித்து புரிந்துகொள்ள வேண்டும், அதுவே அந்த காட்சியை தோன்றச் செய்கிறது.

நாம் மணவாட்டியாய், ஆபிரகாமின் ராஜரீக சந்ததியாய் இருக்கிறோம். வாக்குத்தத்தம் பண்ணப்பட்ட குமாரன் வருவதற்கு முன்பு ஆபிரகாம் கண்ட கடைசி அடையாளம் என்னவாயிருந்தது? தேவன், ஒரு மனித சரீரத்தின் ரூபத்தில், ஜனங்களின் சிந்தனைகளை வகையறுக்க முடிந்தது. ஒரு மனிதன், ஒரு டஜன் அல்ல, ஒரு மனிதனே.

நாம் தேவனுடைய சிந்தனைக்கே செவி கொடுத்துக் கொண்டிருக்கிறோம்; ஒரு மனிதனுடைய சிந்தனைக்கு அல்ல, ஆனால் தேவனுடைய சிந்தனைக்கே. நம்முடைய தீர்க்கதரிசி எழுதப்பட்டுள்ள வார்த்தையை வெளிப்படுத்துபவர்.

உங்களுடைய வீடுகளிலோ அல்லது உங்களுடைய சபைகளிலோ ஒலிநாடாக்களை போட்டுக் கேட்பது அனைவருக்குமானதல்ல என்பதை நாங்கள் புரிந்துகொள்கிறோம், ஆனால் எங்களுக்கான, ஒரே வழி இதுவேயாகும். தேவனுடைய சத்தம் நேரடியாக எங்களிடம் பேசுவதைக் கேட்க நாங்கள் விரும்புகிறோம். எங்களுக்கு எந்த வியாக்கியானமோ அல்லது விளக்கமோ தேவையில்லை; அது தேவன் எங்களிடத்தில் உதட்டிலிருந்து செவிக்கு பேசுவதாயுள்ளது.

இந்த ஞாயிற்றுக்கிழமை தேவன் பேசி, மறுபக்கத்தில் நம்முடைய ஒரு முன் காட்சியை அவர் தம்முடைய தீர்க்கதரிசிக்கு எப்படி காண்பித்தார் என்பதை நமக்கு சொல்வதையும் நாம் கேட்போம். அந்த மணவாட்டி எப்படி அவரை சரியாகப் பார்த்துக் கொண்டிருந்து, அவரிடம் பேசிக் கொண்டிருந்தாள், நாம் அவருடன் ஒன்றாக நின்றுகொண்டிருந்தோம். நாம் கர்த்தருக்கு முன்பாகப் பரிபூரணமாக நடந்துகொண்டிருந்தோம்.

அப்பொழுது தேவன் தம்முடைய தீர்க்கதரிசி மூலமாக பேசி, மீண்டும் ஒருமுறை தீர்க்கதரிசனமுரைத்து, இவ்வாறு கூறுகிறார்:

நீங்கள் ஒலிநாடாக்களை கேட்டுக் கொண்டிருந்தால், இது நம்முடைய நாளுக்கான தேவனுடைய சத்தம் என்று விசுவாசித்தால், அப்பொழுது உங்களுக்கு எது தேவையாக இருந்தாலும், தேவன் தம்முடைய செய்தியாளர் மூலம் பேசி, "நமக்கு என்ன தேவையாய் இருந்தாலும் அவைகளை அளியும்" என்றே கூறுவார்.

என் நண்பனே இயங்கு பொத்தானை அழுத்தி கேட்பதன் மூலம் மாத்திரமே அது சம்பவிக்க முடியும்.

எக்காளங்களின் பண்டிகை 64-0719M என்ற செய்தியை நாங்கள் கேட்கையில், தேவன் எங்களிடத்தில் பேசுகிறதை கேட்கிறபடியால், தேவன் பேசி தம்முடைய சொந்த வார்த்தையை வியாக்கினிப்பதையும், மானிட சரீரத்தின் மூலமாக தம்மை வெளிப்படுத்துவதையும் நீங்கள் கேட்டு, உங்களுடைய தேவை எதுவாயிருந்தாலும் அதை பெற்றுக்கொள்ள விரும்பினால், ஞாயிற்றுக்கிழமை பிற்பகல் 12 மணிக்கு, ஜெபர்சன்வில் நேரப்படி எங்களோடு வந்து சேர்ந்து கொள்ளுங்கள்.

சகோ. ஜோசப் பிரான்ஹாம்

அன்புள்ள சிறந்த வேலைப்பாடே,

கடந்த ஞாயிற்றுக்கிழமை நம் ஒவ்வொருவரைப் பற்றியும் நம்முடைய மேய்ப்பர் கூறினதை நினைவுபடுத்தாமல் இன்று எப்படி என்னால் எழுத முடியும்?

தேவன் ஒலிநாடாவில் பேசிய செய்தியோடும், தேவனுடைய தீர்க்கதரிசியோடும், நம்மைப் போல் இணைந்திருக்கும் ஒரு குழு பூமியில் இல்லை. நாம் இணைந்திருக்கிறபடியால், தீர்க்கதரிசி யோடும், நம்முடைய கர்த்தராகிய இயேசு கிறிஸ்துவோடும் அந்தப் புதிய இராஜ்யத்தில் நாம் பிரிக்க முடியாதவர்களாக இருப்போம். அதைப் பார்க்கிலும் சிறப்பானது வேறெதுவுமேயில்லையே!

இவைகள் நம்முடைய ஜீவியத்தின் மிக மகத்தான நாட்களாயிருக்கின்றன. நாம் கிறிஸ்துவுக்காகவும் அவருடைய கடைசி கால செய்திக்காகவும் ஒரு முட்டாளாக இருப்பதில் நாம் முழுமையாக திருப்தியடைந்திருக்கிறோம். ஒலிநாடாக்களில் உள்ள ஒவ்வொரு வார்த்தையையும் நாம் விசுவாசித்து, இயங்கு பொத்தானை அழுத்தி கேளுங்கள் என்று கூறுகிறபடியால் நாம் ஒரு பைத்தியம் என்றே அழைக்கப்பட வேண்டும்.

நாம் ஒரே சபையைச் சேர்ந்தவர்கள். நாம் அதில் சேரவில்லை, நாம் அதில் பிறந்தோம். ஒவ்வொரு வாரமும் உலகம் முழுவதிலுமிருந்து நாம் ஒன்றுகூடி கிறிஸ்துவை நேசித்து, “ஓ, 'இயேசுவே,' நான் உம்மை எப்படியாய் நேசிக்கிறேன்!” என்று கூறுகிறோம்.

நாம் உலகத்திற்கு ஒரு பைத்தியமாக இருக்கலாம், ஆனால் பிதாவானவர் நம்முடைய நாளில் தம்மைப் பற்றிய வெளிப்பாட்டை நமக்குக் கொடுத்துள்ளார், தேவன் அதன்மேல் தோலை உடுத்தியிருக்க, அது அவருடைய மணவாட்டியாகிய நம்மை அவரிடம் இழுத்துள்ளது.

இது எவ்வளவு எளிமையானது என்பதை நாம் நேசிக்கிறோம், ஆனால் அதே நேரத்தில், இது எவ்வளவு ஆழமானது. ஆனால் அதைப் பார்க்க நீங்கள் ஒரு வெளிப்பாட்டை பெற்றிருக்க வேண்டும், நாம் பெற்றிருக்கிறோம்.

அந்த நாளில் எம்மாவுக்கு சாலையில் நடந்து சென்ற மனிதர்களைப் போன்று நாம் இருக்கிறோம். இந்நாளில் அவர் நம்மிடம் பேசுவதை நாம் கேட்கிறோம். பின்னர் நாம் அவருடன் மட்டுமே ஒருங்கிணைந்திருக்கும்படியாக அவரை நம்முடைய வீடுகளுக்கு அழைக்கிறோம். அப்பொழுது அவர் மட்டுமே செய்யக்கூடிய ஒன்றைச் செய்கிறார், நித்திய ஜீவ அப்பத்தை பிட்கிறார். நாம் அவரை உடனடியாக அடையாளங் கண்டுகொள்கிறோம். அப்போது வழியில் அவர் நம்முடன் பேசினபோது நம்முடைய இருதயம் நமக்குள்ளே கொழுந்துவிட்டு எரியவில்லையா என்று நாம் கூறுகிறோம்.

ஒவ்வொரு வாரமும் நாம் "இந்த வாரம் அவர் என்ன சொல்லப் போகிறார் என்றும், நமக்கு என்ன வெளிப்படுத்தப் போகிறார் என்றும்" மிகுந்த எதிர்பார்ப்புடன் கூடிவந்து, ஆச்சரியப்படுகிறோம். நாம் ஒருவரோடொருவர் மேற்கோள்களைப் பகிர்ந்துகொண்டு, "அவர் கூறினபோது நீங்கள் கேட்டீர்களா": என்று அதைக் குறித்து வாரம் முழுவதும் பேசுவோம்.

“என்னுடைய சிறந்த வேலைப்பாட்டை உருவாக்க எனக்கு நான்காயிரம் ஆண்டுகள் தேவைப்பட்டன; ஆனால் இப்போது நான் கிட்டத்தட்ட இரண்டாயிரம் ஆண்டுகளாக மற்றொரு சிறந்த வேலைப்பாட்டை உருவாக்கி வருகிறேன், நீங்கள், என்னுடைய மணவாட்டி. என்னுடைய முதல் சிறந்த வேலைப்பாட்டை, என்னுடைய வார்த்தையை, உருவாக்கியதைப் போலவே, அவருடைய ஒருபோதும் மாறாத முறையால் அதைச் செய்துள்ளேன். அந்தவிதமாகத்தான் நான் என்னுடைய சிறந்த வேலைப்பாடுகளை உருவாக்குகிறேன், ஏனென்றால் அது பரிபூரணமான வார்த்தையாக இருக்கும்போது மட்டுமே நீங்கள் ஒரு பரிபூரணமான சிறந்த வேலைப்பாடாய் இருக்க முடியும்.”

ருசித்து புசிக்கிற ஒரு குதூகலத்தைப் பற்றிப் இங்கே பேசுகிறோம். நாம் மூல சிருஷ்டிப்பின் பாகமாக இருக்கிறோம். நாம் மூல வார்த்தையின் பாகமாக இருக்கிறோம். தேவன் நம்மில் ஜீவித்துக்கொண்டிருக்கிறார். நாம் அவருடைய சிறந்த வேலைப்பாடாய் இருக்கிறோம். நாம் அவருடைய தீர்க்கதரிசியுடன் இணைந்திருக்கும் குழுவாக இருக்கிறோம். நாம் அவருடைய தீர்க்கதரிசியோடும், கர்த்தராகிய இயேசு கிறிஸ்துவோடும் பிரிக்க முடியாதவர்களாய் இருக்கிறோம். நாம் அவருடன் ஒன்றாக இருக்கிறோம்.

அவர் எங்களுக்கு சிறந்த வேலைபாடு 64-0705 என்ற செய்தியைக் கொண்டு வருகையில், நித்திய ஜீவ வார்த்தைகளை தேவன் பேசி எங்களுக்கு வெளிப்படுத்துவதை நாங்கள் கேட்கையில், அது எங்களுக்குள் கொழுந்துவிட்டு எறிவது போல உங்களுடைய இருதயமும் உங்களுக்குள் கொழுந்துவிட்டு எரிய வேண்டும் என்று நீங்களும் கூட விரும்பினால், மணவாட்டியின் ஒரு பாகமாக ஒன்றுசேர்ந்து கூடிவந்து அவரை எங்களுடைய வீடுகளிலும், எங்களுடைய சபைகளிலும் வரவேற்கையில், இந்த ஞாயிற்றுக்கிழமை பிற்பகல் 12 மணிக்கு, எங்களுடன் வந்து சேர்ந்து கொள்ளுங்கள்.

சகோ. ஜோசப் பிரான்ஹாம்