క్రీస్తుయొక్క ప్రియమైన వధువా, ఆదివారము, జఫర్సన్విల్ కాలమానం ప్రకారంగా 12:00 P.M., గంటల సమయమప్పుడు దీనిని వినుటకు మనము కూడుకుందాము 65-0221E - "ఈ మెల్కీసెదెకు ఎవరు?"

సహోదరుడు. జోసఫ్ బ్రెన్హామ్

 

 

ప్రియమైన సంకరములేని స్వచ్చమైన వాక్య వధువా,

మనము ఆయనయొక్క ప్రియమైన చిన్న యువతియై యున్నాము; సంకరము చేయబడని, ఏ మనుష్యునియొక్క సంఘసంస్థ చేతగానీ, ఏ మానవ-కల్పిత సిద్ధాంతము చేత గానీ తాకబడని వారమైయున్నాము. మనము సంకరము చేయబడని స్వచ్చమైన, వాక్య వధువైయున్నాము! మనం గర్భవతియైన దేవుని కుమార్తెయైయున్నాము.

మనం ఆయనయొక్క పలుకబడిన వాక్యపు పిల్లలమైయున్నాము, అది ఆయనయొక్క అసలైన వాక్యమైయున్నది! దేవునిలో ఎటువంటి పాపము లేదు, తద్వారా మనము ఆయన స్వంత రూపములో ఉన్నాము గనుక, మనలోనూ ఎటువంటి పాపము లేదు. మనమెట్లు పడిపోగలము? అది అసాధ్యము….అసాధ్యము! మనము ఆయనలో, ఆయనయొక్క అసలైన వాక్యములో భాగమైయున్నాము.

ఎటువంటి సందేహము లేకుండా మనము దీనిని ఎలా తెలుసుకోగలము? ప్రత్యక్షత. పూర్తి బైబిలు గ్రంథము, ఈ వర్తమానము, దేవునియొక్క వాక్యము, అంతయూ ప్రత్యక్షతయే. ఆ విధంగానే మనము ఈ స్వరానికి మరియు ఇతర స్వరాలకి తేడాను తెలుసుకుంటాము, ఎందుకనగా అది ఒక ప్రత్యక్షతయైయున్నది. మరియు మన ప్రత్యక్షత సరిగ్గా వాక్యానుసారంగా ఉన్నది, అది వాక్యానికి వ్యతిరేకంగా లేదు.

మనం కేవలం, ఆయనయొక్క వాక్యమునకు మాత్రమే నమ్మకంగాను మరియు విశ్వాసనీయంగాను ఉంటాము. మనం ఎన్నడూ వేరొక పురుషునిచేత చరపబడి వ్యభిచారము చేయము. మనం ఆయనయొక్క కన్యకయైన వాక్య వధువులాగా ఉండిపోతాము. మనము ఏ ఇతర వాక్యము వైపు చూడము, దానిని వినము లేదా దానితో పరాచికాలు ఆడము.

అది మన హృదయ లోతులలో ఉన్నది. మనము ఎన్నడూ వేరొక భర్తను కలిగియుండము, కానీ దేవుడు, ఒక మానవునిగా, ఇమ్మానియేలుగా, వచ్చిన యేసుక్రీస్తు అనే మన ఒక్క భర్తను కలిగియున్నాము. ఆయన భార్య వేలకొలది వేలకొలదిగా ఉంటారు. వధువు వాక్యము నుండి రావాలసియున్నదని అది చూపిస్తుంది. “ఒక్క ప్రభువైన యేసు, మరియు ఆయనయొక్క అనేకులైన వధువు.”

ఇది అందరి కొరకు కాదని, కేవలం ప్రవక్తయొక్క గుంపు వారికేనని మనము అర్థము చేసుకోవాలి. ఆయనయొక్క స్వంత అనుచరులకే. ఈ వర్తమానము వారికి మాత్రమే, ఎవరినైతే కాయమని పరిశుద్ధాత్మ ఆయనకు ఇచ్చాడో ఆ చిన్న మందకు మాత్రమేయైయున్నది.

ఆయన మనకు ఏమి చెప్తాడో దానికై దేవుడు ఆయనను బాధ్యుడిగా ఎంచుతాడు, మరియు ఆయన క్రీస్తు నొద్దకు నడిపించినవారిని అనగా ఆయా దేశములలో ఆయన ద్వారా మార్పుచెందిన మనలను, దానిలోని ప్రతీ మాటను నమ్ముటకును మరియు ఎన్నడూ రాజీపడకుండా ఉండునట్లు దేవుడు మనలను బాధ్యులనుగా ఎంచుతాడు.

మనము ఆయనయొక్క ఎన్నిక చేయబడినవారమని ఆయన మనతో చెప్పుటను మనం కూర్చుని వినడమనేది మనకు ఎంత అద్భుతమైన విషయం కదా. ఆయనయొక్క మొదటి వధువు, మరియు ఆయనయొక్క రెండవ వధువు, ఆయనను ఎలా నిరుత్సాహపరిచారు కదా; కానీ, ఆయనయొక్క గొప్ప అంత్య-కాల వధువైయున్న మనము ఆయనను ఎన్నడూ నిరుత్సాహపరచము. మనము అంతము వరకు ఆయనయొక్క నమ్మకమైన, విశ్వాసనీయమైన, కన్యక వాక్యపు వధువుగా ఉండిపోతాము.

ఆయన వాక్యము పట్ల మనకున్న విశ్వాసము దినదినము అధికముగా పెరుగుచున్నది. మనము ఆయనయొక్క ప్రతీ వాక్యమును వినుచు మరియు లోబడుచు, ఆయనయొక్క స్వరము మనతో మాట్లాడుటను వినుచు, మన బైబిలు గ్రంథములను చదువుకొనుచు, ప్రార్థన చేసుకొనుచు మరియు దినమంతయు ఆయనని ఆరాధించుచు మనల్ని మనము సిద్ధపరచుకొనుచున్నాము.

ఆయన అతిత్వరలో వస్తున్నాడని మనము ఎరిగియున్నాము. ఇప్పుడు ఏ నిమిషమైనా కావచ్చును. నోవహు వలె, ఆయన నిన్న వస్తాడేమోనని మనము ఆశపడ్డాము; బహుశా రేపు ఉదయము; మధ్యాహ్నము, సాయంత్రము వస్తాడేమోనని ఆశపడుచున్నాము, అయితే ఆయన వచ్చుచున్నాడని మనము ఎరిగియున్నాము. దేవునియొక్క ప్రవక్త మరియు ఆయనయొక్క వాక్యము ఎటువంటి పొరపాట్లు చేయరు, ఆయన వచ్చుచున్నాడు. ఇది 7వ దినమని మనము భావిస్తున్నాము, మరియు మేఘములు అలుముకొనుటను మరియు పెద్ద పెద్ద వర్షపు చినుకులు పడుటను మనము చూడగలుగుచున్నాము; సమయము ఆసన్నమైనది.

గొప్ప ఎదురుచూపుతో కనిపెడుతూ, మనము ఓడలో క్షేమంగాను మరియు భద్రంగాను ఉన్నాము. ఈ ఆదివారము, జఫర్సన్విల్ కాలమానం ప్రకారంగా 12:00 P.M., గంటల సమయమప్పుడు మేము: వివాహము మరియు పరిత్యాగము 65-0221M అను వర్తమానమును వింటుండగా దేవునియొక్క స్వరము మమ్మల్ని ఆధరించుటను మేము ఆలకించుచుండగా వచ్చి మాతో చేరండి.

సహోదరుడు. జోసఫ్ బ్రెన్హామ్

 

 

వర్తమానమును వినుటకు ముందు చదవవలసిన లేఖనములు:

పరిశుద్ధ. మత్తయి 5:31-32 / 16:18 / 19:1-8 / 28:19
అపొస్తలుల కార్యములు 2:38
రోమా 9:14-23
మొదటి తిమోతీ 2:9-15
మొదటి కోరింథీ 7:10-15 / 14:34
హెబ్రీ 11:4
ప్రకటన 10:7
ఆదికాండము 3వ అధ్యాయము
లేవీయకాండము 21:7
యోబు 14:1-2
యెషయా 53
యెహేజ్కేలు 44:22

ప్రియమైన శ్రీమతి. యేసు క్రీస్తు,

మన జీవితములో దేనిగురించియైనా ఒక ప్రశ్నను మనము అడిగినట్లైతే, దానికి ఒక సరియైన జవాబు ఉండవలసియున్నది. దానికి దగ్గరలో ఏదైనా ఉండవచ్చును, కానీ ప్రతీ ప్రశ్నకు ఒక నిజమైన, తిన్నని జవాబు ఉండవలసియున్నది. కావున, మన జీవితంలో ఎదురయ్యే ప్రతీ ప్రశ్నకు, ఒక నిజమైన, సరియైన జవాబు ఉండవలసియున్నది.

మనకు ఒక బైబిలు ప్రశ్న ఉన్నయెడల, అప్పుడు ఒక బైబిలు జవ్వాబు ఉండవలసియున్నది. అది ఒక గుంపు మనుష్యుల నుండో, ఫలానా సహవాసము నుండో, లేదా ఒక విద్యావంతుడి నుండో, లేదా ఏదైనా సంస్థ నుండో రావాలని మనం కోరుకోము. అది నేరుగా లేఖనము నుండి రావాలని మనం కోరుకుంటాము. మనం దీనిని తెలుసుకోవలసియున్నది: దేవుడిని ఆరాధించుటకు ఆయనయొక్క నిజమైన మరియు సరియైన స్థలము ఏది?

దేవుడిని ఆరాధించుటకు ఆయనయొక్క సరియైన, మరియు ఎన్నుకోబడిన ఆరాధనా స్థలము యేసుక్రీస్తులో మాత్రమేయైయున్నది; అది మాత్రమే ఆయన ఏర్పాటు చేసిన మార్గమైయున్నది.

బైబిలు గ్రంథము మలాకీ 4 లో మనకు ఒక పక్షిరాజును వాగ్దానము చేసినది; మనము వెంబడించవలసిన ఒక అగ్నిస్తంభమును వాగ్దానము చేసినది. తప్పిపోయిన సంఘమునకు ఆయన హెబ్రీ 13:8 అయ్యున్నాడని చూపిస్తాడు, యేసు క్రీస్తు నిన్నా, నేడు, నిరంతరము ఒక్కటేరీతిగా ఉన్నాడని చూపిస్తాడు. లూకా 17:30 లో మనకు ఇది కూడా వాగ్దానం చేయబడినది అదేదనగా మనుష్యకుమారుడు (పక్షిరాజు) తననుతాను ఆయనయొక్క వధువుకు బయలుపరచుకుంటాడు.

ప్రకటన 4:7లో, నాలుగు జీవులు ఉన్నవని అది మనకు చెప్పుచున్నది, మొదటిది సింహమైయున్నది. తరువాతది దూడయైయున్నది. పిదప, తరువాతది మనుష్యుడు; ఆ మనుష్యుడు సంఘసంస్కర్తలైయున్నారు, మనుష్యునియొక్క విద్య, వేదాంతము, మరియు మొదలగునవి.

అయితే సాయంకాల సమయములో, రానైయున్న చివరి జీవి ఒక ఎగురుచున్న పక్షిరాజైయున్నదని బైబిలు చెప్పినది. దేవుడు తన అంత్యకాల వధువునకు ఒక పక్షిరాజును అనగా; స్వయంగా మనుష్యకుమారుడే, తన వధువును నడిపించుటకు తననుతాను శరీరములో ప్రత్యక్షపరచుకొనుటయైయున్నది.

పాత నిబంధనలో ఉన్న ఆ పాత సంగతులన్నియు, రానున్న సంగతులకు ఛాయలైయున్నవని కూడా బైబిలు గ్రంథము చెప్పుచున్నది. ఆ ఛాయ దగ్గరవుతున్నాకొద్దీ, నీడ నిజస్వరూపము చేత మింగివేయబడుతుంది. అప్పుడు జరిగినది ఏమిటంటే ఈనాడు జరుగబోయేదాని యొక్క ఛాయయే.

I సమూయేలు 8 లో, ప్రజలను నడిపించుటకు దేవుడు సమూయేలు ప్రవక్తను ఏర్పాటు చేసాడని పాత నిబంధన మనకు చెప్పుచున్నది. ప్రజలు అతని వద్దకు వచ్చి మరియు వారికి ఒక రాజు కావాలని అతనితో చెప్పారు. సమూయేలు ఎంతగా దిగులుపడ్డాడంటే అతని గుండె దాదాపు ఆగిపోయినది.

సమర్పించుకొని, లేఖనముచేత-నిర్ధారించబడిన ఈ ప్రవక్త ద్వారా దేవుడు తన ప్రజలను నడిపించుచున్నాడు మరియు అతడు తృణీకరించబడ్డాడని అతనికి అనిపించినది. అతడు ప్రజలను సమకూర్చి మరియు చిన్నపిల్లలవలె వారిని మోసుకొని, మరియు వారిని అభివృద్ధి చేసి మరియు వారిని ఆశీర్వదించిన దేవుడినుండి దూరముగా వెళ్ళవద్దని వారిని బ్రతిమాలాడు. కానీ వారు పట్టువీడలేదు.

వారు సమూయేలుతో ఇట్లన్నారు, “నీవు నీ నడిపింపులో ఎన్నడూ తప్పిపోలేదు. ఆర్ధిక విషయాలలో నీవెల్లప్పుడూ నిజాయితీగా ఉన్నావు. మమ్మల్ని దేవుని వాక్యవరుసలో ఉంచుటకు నీవు నీ సాయశక్తులా ప్రయత్నించావు. దేవునియొక్క అద్భుత కార్యములను, జ్ఞానమును, నియమమును మరియు కాపుదలను మేము అభినందిస్తున్నాము. మేము దానియందు నమ్మికయుంచుచున్నాము. మేము దానిని ఇష్టపడుచున్నాము. మరియు అంతేకాకుండా మేము అది లేకుండా ఉండగోరడంలేదు. అయితే కేవలం విషయమేమిటంటే యుద్ధమునకు నడిపించడానికి మేము ఒక రాజును కోరుచున్నాము.

ఇప్పడు మేము యుద్ధమునకు వెళ్ళినప్పుడు యూదా వెంబడించుచుండగా యాజకులు ముందుగా వెళ్ళాలనేదే ఇంకనూ మా ఉద్దేశ్యమైయున్నది, మరియు మేము బూరలు ఊదుచూ మరియు కేకలు వేయుచు మరియు పాడుతూ ఉంటాము. మేము దానిలో ఏదియు ఆపాలని ఉద్దేశించడంలేదు. కానీ మమ్మల్ని నడిపించుటకు మాలో ఒకడైన ఒక రాజు మాకు కావలెను.”

వీరు ఆ దినపు సంఘసంస్థ ప్రజలు కారు. వీరు వాస్తవానికి ఆయన వారిని నడిపించడానికి దేవునిచేత ఎన్నుకోబడిన దేవునియొక్క ప్రవక్త అని నమ్మిన ప్రజలే.

“అవును, నీవు ఒక ప్రవక్తవు. వర్తమానమును మేము నమ్ముచున్నాము. దేవుడు తన వాక్యమును నీకు బయలుపరుస్తాడు, మరియు మేము దానిని ఇష్టపడుచున్నాము, మరియు అది లేకుండా మేము ఉండగోరడంలేదు, కానీ మమ్మల్ని నడిపించుటకు; నీవే గాక మాలో ఒకరు మాకు కావలెను. నీవు మాకు తీసుకొనివచ్చిన వర్తమానమును మేము ఇంకనూ నమ్మగోరుచున్నాము. అది వాక్యమైయున్నది. నీవు ప్రవక్తవైయున్నావు, కానీ నీవు మాత్రమే ప్రాముఖ్యమైన స్వరము కాదు.”

ఈనాడు లోకములో చక్కని ప్రజలు ఉన్నారు, చక్కని సంఘాలు ఉన్నవి. కానీ ఒకే ఒక్క శ్రీమతి. యేసుక్రీస్తు ఉన్నది, మరియు మనమే ఆమెయైయున్నాము, ఆయన ఎవరికొరకైతే వచ్చుచున్నాడో అట్టివారమైయున్నాము; యెహోవా ఈలాగు సెలవిచ్చుచున్నాడని దేవునిచేత నిర్ధారించబడి మరియు ఋజువు చేయబడిన ఒకే ఒక్క స్వరముతో నిలిచియుండే ఆయనయొక్క పవిత్రమైన కన్యక వాక్య వధువైయున్నాము.

ఈ ఆదివారము జఫర్సన్ విల్ కాలమానం ప్రకారంగా 12:00 P.M., గంటల సమయమప్పుడు మీరు మాతో చేరగోరినయెడల, ప్రపంచవ్యాప్తంగా మేము ఫోను-ద్వారా వింటూ ఉంటాము. ఇది జరుగబోవుచున్నది.

సహోదరుడు. జోసఫ్ బ్రెన్హామ్

దేవుడు ఏర్పరచుకొనిన ఆరాధనా స్థలము 65-0220

 

 

వర్తమానమును వినడానికి ముందు చదువవలసిన లేఖనములు:

ద్వితియోపదేశకాండము 16:1-3
నిర్గమకాండము 12:3-6
మలాకీ 3 & 4వ అధ్యాయములు
లూకా 17:30
రోమా 8:1
ప్రకటన 4:7

ప్రియమైన అతీతమైన ఆత్మసంబంధమైన రాజసంతానపు వధువా,

ఇక వేచియుండడమనేది లేదు, ఇక వెతుకులాడటమనేది లేదు, మనము చేరుకున్నాము! మనము అతీతమైన ఆత్మసంబంధమైన రాజసంతానపు వధువైయున్నాము. రాజ సంతానపు కుమారునికి ఆత్మసంబంధమైన సంతానమైయున్నాము. భవిష్యత్తులో రాబోయే ఏదో ఒక గుంపు కాదు; రాబోయే తర్వాతి తరం కాదు; మనము అంత్య దినములో జీవిస్తున్నాము, మనము యేసుక్రీస్తు భూమి మీదకి తిరిగి వచ్చుటను చూసే తరమైయున్నాము.

ఈ దినము, ఈ లేఖనము నెరవేరినది!

అదే సువార్త, అదే శక్తి, నిన్నటి దినమున ఉన్న అదే మనుష్యకుమారుడు, ఈనాడు ఉన్నాడు, మరియు నిరంతరము ఉంటాడు.

ఈ దినము, ఈ లేఖనము నెరవేరినది!

ఆరిజోనా, క్యాలిఫోర్నియా, టెక్సాస్, అమెరికాయందంతటలో మరియు ప్రపంచ వ్యాప్తంగా టెలిఫోన్-ద్వారా ఈ టేపును వింటున్న స్నేహితులారా; తూర్పు ప్రాంతమునకు వచ్చి మరియు శరీరంలో ప్రత్యక్షపరచుకున్న దేవునిగా తననుతాను నిర్ధారించుకున్న అదే దేవుని కు-మా-రు-డు, ఇక్కడ ఈ పశ్చిమ ప్రాంతమున, ఈ రాత్రి సంఘములో తననుతాను గుర్తింపజేసుకుంటున్న అదే దేవుని కు-మా-రు-డై యున్నాడు, ఆయన నిన్నా, నేడు, మరియు నిరంతరము ఒక్కటే రీతిగా ఉన్నాడు. కుమారునియొక్క సాయంకాలపు వెలుగు వచ్చియున్నది.

ఈ దినము, ఈ లేఖనము నెరవేరినది!

ఆయనయొక్క దినములలో వేదిక మీద నిలుచొని మాట్లాడుచు, ఆ కాలముయొక్క వాగ్దాన వాక్యముతో తననుతాను గుర్తింపజేసుకున్న మెస్సీయా స్వరము, ఈనాడు ప్రపంచ వ్యాప్తంగా తన వధువుతో టేపుల ద్వారా మాట్లాడుచున్న అదే మెస్సీయ స్వరమైయ్యున్నది, మనతో ఈలాగు చెప్పుచున్నది: నేను నిన్నా, నేడు మరియు నిరంతరం ఒక్కటేరీతిగా ఉన్నాను. నేను మీకు దేవుని స్వరమునైయున్నాను. మీరు నా వాక్యముతో నిలిచియున్న నాయొక్క ఆత్మసంబంధమైన రాజసంతానపు వధువైయున్నారు.

ఈ దినము, ఈ లేఖనము నెరవేరినది!

ఈనాడు ప్రజల మధ్య ఎంతటి గందరగోళము ఉన్నదంటే వారు దేవునియొక్క సత్యమును చూడలేకపోవుచున్నారు. దానికి కారణమేదనగా దేవుని వాక్యమునకు మానవ-కల్పితమైన అనేక అనువాదములు ఉన్నాయి. ఆయన వాక్యమును అనువదించడానికి దేవునికి ఎవరును అక్కరలేదు. ఆయనే తన స్వంత అనువాదకుడు. ఆయన తన వాక్యమును అనువదించడానికి తన వధువునకు ప్రకటన 10:7 దినములయొక్క దూత ప్రవక్త స్వరమును పంపించాడు. అది యెహోవా ఈలాగు సెలవిచ్చుచున్నాడు యైయున్నది.

ఈ దినము, ఈ లేఖనము నెరవేరినది!

మీరు ఇట్లంటారు, “యేసు భూమిమీద ఉన్నప్పుడు నేను అక్కడ ఉన్నట్లయితే, నేను ఫలానా-మరియు-ఫలానా కార్యము చేసియుండేవాణ్ణి.” సరి, అది మీ కాలము కాదు. అయితే, ఇది మీ కాలమైయున్నది, ఇది మీ సమయమైయున్నది. మీరు ఏ స్వరమును దేవునియొక్క స్వరమని చెప్పుచున్నారు?

మీకు ఏ స్వరము అత్యంత ప్రాముఖ్యమైన స్వరమైయున్నది?

ఈ దినము, ఈ లేఖనము నెరవేరినది!

దయ్యము మునుపెన్నడూ లేని విధంగా ఆయనయొక్క వధువు మీద దాడి చేయుచున్నాడు. మీకు ఒక వ్యాధి ఉన్నదని లేదా ఏదో ఒక విధమైన అనారోగ్యమున్నదని మిమ్మల్ని ఆలోచింపజేస్తాడు, లేదా మీ కుటుంబముపై దాడి చేస్తుంటాడు. కొన్నిసార్లు మీరు పైకి, చుట్టూ లేదా ఎటు వైపునకు కూడా చూడలేనంత చీకటిగా మారునట్లు దేవుడు పరిస్థితులను అనుమతిస్తాడు. పిదప ఆయన వచ్చి మరియు దానిగుండా మీ కొరకు మార్గమును కలుగజేస్తాడు, తద్వారా “నేను హాగరు సంతానమును కాను, నేను శారా సంతానమును కాను, నేను మరియ సంతానమును కూడా కాను, నేను దేవునియొక్క అతీతమైన ఆత్మసంబంధమైన అబ్రాహాముయొక్క రాజసంతానమైయున్నాను. నేను నా కొరకైన దేవునియొక్క వాగ్దాన వాక్యమును తీసుకుంటాను, అది యెహోవా ఈలాగు సెలవిచ్చుచున్నడై యున్నది. నేను కదిలించబడను. అది ఏ విధంగా కనిపించినప్పటికీ, దయ్యము ఏమి చెప్పినప్పటికీ లెక్క లేదు. నాకు ఏది అవసరమున్నను, నేను దేవుడిని ఆయనయొక్క వాక్యము వద్ద తీసుకుంటాను,” అని మీరు చెప్పుటకైయున్నది.

ఈ దినము, ఈ లేఖనము నెరవేరినది!

దేవుని స్వరము పలికినది. మీకు అవసరమైన ఆత్మీయ ఆహారమంతటిని నేను నిలువచేసాను. ఆ టేపులలో ఉన్నదానినే చెప్పండి. నేను మీకు దేవునియొక్క స్వరమునైయున్నాను. నా మాటలకు ఎటువంటి అనువాదము అవసరం లేదు. సణుగుకోవద్దు లేదా పోట్లాడ వద్దు, ఒకరినొకరు ప్రేమించుకోండి, అయితే నా వాక్యముతో నిలిచియుండండి.

ఈ దినము, ఈ లేఖనము నెరవేరినది!

దిగులుగా ఉండకండి. చింతించకండి. సాతానుడిని మీ సంతోషమును మీ వద్దనుండి దొంగిలించనీయకండి. మీరు ఎవరన్నది, మీరు ఎక్కడికి వెళ్ళుచున్నారన్నది జ్ఞాపకము చేసుకోండి, ఆ గొప్ప వివాహ విందులో ఉండటము ఏ విధంగా ఉంటుంది కదా. ఆయన కేవలం మీ కొరకే నిర్మించిన ఆ అందమైన పట్టణములో జీవించుట. అక్కడ మీరు ఆయనతో మరియు ముందుగా వెళ్ళినవారందరితో నిత్యత్వమంతా ఉంటారు.

ఇక ఏ వ్యాధి ఉండదు. ఇక ఏ విచారము ఉండదు. ఇక మరణము ఉండదు. ఇక ఎటువంటి పోరాటములు ఉండవు. కేవలం ఆయనతో నిత్యజీవం. అప్పుడు మనము ఇట్లంటాము:

ఈ దినము, ఈ లేఖనము నెరవేరినది!

మనము దిగులుగా ఉండి ఇట్లనవద్దు, “నాకు ఈ స్థలముపై విరక్తి కలిగినది, నేను ఇక్కడినుండి వెళ్ళిపోగోరుచున్నాను.” మనము ఇట్లందాము: “ఆయన ఇప్పుడు ఏ నిమిషమునైనా, నా కొరకు వచ్చుచున్నాడు…మహిమ! నేను వేచియుండలేకపోవుచున్నాను. నేను నాకు ప్రియులైనవారందరినీ చూడబోవుచున్నాను. వారు సరిగ్గా నా యెదుటనే ప్రత్యక్షమవ్వబోవుచున్నారు, సామాప్తమైనదని, మనము చేరుకున్నామని, అప్పుడు నేనెరుగుదును.

అప్పుడు, కనురెప్పపాటున ఒక్క క్షణములోనే, ఆవలి వైపున మనమందరము కలిసి ఉంటాము.

మీరు ఆనందించి, మరియు మాతోపాటు గొర్రెపిల్ల వివాహములో ఉండగోరినయెడల, వచ్చి ఈ ఆదివారము జఫర్సన్ విల్ కాలమానము ప్రకారంగా 12:00 P.M., గంటల సమయమప్పుడు మేము దీనిని వినుచుండగా మిమ్మల్ని మీరు సిద్ధపరచుకోండి:

ఈ దినము, ఈ లేఖనము నెరవేరినది 65-0219

సహోదరుడు. జోసఫ్ బ్రెన్హామ్

 

 

చదువవలసిన లేఖనములు:

పరిశుద్ధ. యోహాను 16వ అధ్యాయము
యెషయా 61:1-2
పరిశుద్ధ. లూకా 4:16

ప్రియమైన అబ్రాహాముయొక్క రాజసంతానమా,

ఎవరైతే కూడుకొని, అనుసంధానము-ద్వారా వింటూ, పరలోకమునుండి పడుచున్న నూతనమైన తాజా మన్నాతో వారి అంతరాత్మలను పోషించుకుంటున్నారో, ప్రపంచవ్యాప్తంగానున్న అట్టివారికి నేను శుభములు తెలియజేయుచున్నాను. మీరు స్వయంగా యేసుక్రీస్తుయొక్క రక్తముతో కొనబడినవారు.

యెహోవా ఈలాగు సెలవిచ్చుచున్నాడు అని, మనతో మాట్లాడుచున్న దేవుని స్వరముయొక్క దైవీకమైన ధ్వనిని మనము ప్రపంచమంతటినుండి వినుచు మరియు ఆలకించుచుండగా, దేవుడు మనలో ప్రతీఒక్కరి చెవులను అభిషేకించుచున్నాడు.

అదేమైనప్పటికినీ, ఎటువంటి పరిస్థితిలోనైనా, దేవునియొక్క ప్రతీ మాటను నమ్మేటటువంటి తిరిగి-జన్మించిన దేవునియొక్క అసలైన సంఘము మనమేయైయున్నాము, ఎందుకనగా అది సంకరములేనటువంటి నిజమైన దేవునియొక్క స్వరము మాట్లాడుటయైయున్నది.

దేవుడు తన వధువు సంఘమైయున్న మనలో, తననుతాను ప్రత్యక్షపరచుకొనుచున్నాడు. మనము విత్తనమును మోసుకొనిపోవువారము కాము, మనము రాజ సంతనమైయున్నాము. ఆయలో ఉన్నట్టి ఆయన జీవముయొక్క సంపూర్ణత మరలా మనలో, అనగా నిజమైన, అసలైన, వధువు సంఘములో దానినది ఉత్పత్తి చేసుకున్నది, తద్వారా దేవునియొక్క పూర్తి వాక్యమును దానియొక్క సంపూర్ణతలోను మరియు దానియొక్క శక్తిలోను అది తీసుకొనివచ్చుచున్నది.

మనము అంతమున ఉన్నాము. మనము చేరుకున్నాము. మనము ఎవరమన్నది వధువు గుర్తించినది. ఇది విత్తనపు వధువు కాలము. తొక్క అంతయు చనిపోయినది. తొక్క అంతయు ఎండిపోయినది. మనము, యేసుక్రీస్తు నిన్నా, నేడు, మరియు నిరంతరము ఒక్కటే రీతిగా ఉన్నాడని ప్రత్యక్షపరచిన కన్యక-జన్మయైనటువంటి దేవునియొక్క వాక్యమైయున్నాము.

మనము తాకబడము. మనలో ఎటువంటి దెబ్బ-లాటలు ఉండవు. మనము వధువుయొక్క కన్యక జన్మయైయున్నాము. స్వచ్ఛమైన కన్యక వాక్యమునకు నమ్మకంగా నిలబడవలెనని మనము దేవునిచేత ఆజ్ఞాపించబడియున్నాము. విత్తనము పరిపక్వము చెందడానికి, అది కుమారునియొక్క, పరిశుద్ధాత్మయొక్క, మనుష్యకుమారుని స్వరముయొక్క సన్నిధిలో కూర్చుండవలసియున్నది. మరియు మనకు ఒకేఒక్క మార్గము కలదు: ప్లేను నొక్కి మరియు స్వయంగా మనుష్యకుమారునియొక్క స్వరమును వినడమే.

మనము దేవునియొక్క పక్షిరాజులము. మనలో ఎటువంటి రాజీపడేతత్వము లేదు. మనము తాజా మన్నాను మాత్రమే తినగలము. మనము శాలలోని దూడలవలె ఉన్నాము. మనము కేవలం మనకొరకు ఏర్పాటుచేయబడి నిలువచేయబడిన ఆహారమును మాత్రమే తింటాము.

ప్రపంచవ్యాప్తంగా ఆ తాజా మన్నాను కోరుతున్న దేవునియొక్క పక్షిరాజులను మనము చూస్తున్నాము. వారు దానిని కనుగొనేవరకు దానిని వెతుకుతూనే ఉంటారు. వారు ఎంతో ఎత్తునకు ఎగురుతారు. ఈ లోయలో ఏదీ లేనియెడల, అతడు ఇంకాస్త పైకి ఎగురుతాడు. దేవునియొక్క స్వరమునుండి వారికి తాజాగా దేవునియొక్క వాక్యము కావలసియున్నది. వారి నిత్యమైన గమ్యస్థానం దానిపై విశ్రాంతినొందుచున్నది. శరీరము ఎక్కడ ఉన్నదో, పక్షిరాజులు అక్కడ పోగవుచున్నవి.

ఆయన చేసిన అదే కార్యములు చేయడానికి ఆయనయొక్క ఆత్మ మన మీదికి వచ్చియున్నది. ఇది మరలా గింజను ఉత్పత్తి చేయుటయైయున్నది. మనము దేవుని వాక్యమునకు వ్యతిరేకంగా ఉన్న ప్రతిదానిని తీసుకొని మరియు అది ఆ విధంగా లేదని చెప్పునటువంటి అబ్రాహాముయొక్క విశ్వాసపు రాజసంతానమైయున్నాము. మనము దేవునియొక్క ఒక్క మాటను కూడా సందేహించలేము లేదా దానిని స్థానభ్రంశము చేయలేము, ఏలయనగా అది యెహోవా ఈలాగు సెలవిచ్చుచున్నాడు అయ్యునదని మనము నాముచున్నాము. యేసుక్రీస్తు నిన్నా, నేడు, మరియు నిరంతరము ఒక్కటేరీతిగా ఉన్నాడు.

ఆయన మనకు పక్షిరాజు ఆహారమును; దేవుని వాగ్దానమును ఇచ్చుచుండగా వచ్చి అంత్య-కాలమునకు నిర్ధారించబడిన దేవుని స్వరమును వినేందుకు మిమ్మల్ని ఆహ్వానించడానికి నేను ఇష్టపడుచున్నాను. ఆయనయొక్క వధువుగా ఉండుటకు దేవునియొక్క ఈ వాక్యములో కన్యక విశ్వాసము అవసరమైయున్నది.

సహోదరుడు. జోసఫ్ బ్రెన్హామ్

 

 

సమయము:
12:00 P.M. జఫర్సన్ విల్ కాలమానం ప్రకారము

వర్తమానము:
విత్తనము తొక్కతో వారసత్వము పొందనేరదు 65-0218

లేఖనములు:
పరిశుద్ధ. మత్తయి 24:24
పరిశుద్ధ. లూకా 17:30
పరిశుద్ధ యోహాను 5:24 / 14:12
రోమా 8:1
గలతీ 4: 27-31
హెబ్రీ 13:8
1 యోహాను 5:7
ప్రకటన 10
మలాకీ 4

 

---

 

అయితే, “నేను నా తండ్రి ఏకమైయున్నాము,” అని మరియు ఈ ఇతర సంగతులను చెప్పే విషయానికి మీరు వస్తే, అప్పుడు ఆ పొట్టు దానినుండి వెనుకకు లాక్కుంటుంది. కానీ నిజమైన, అసలైన వధువు సంఘము దేవునియొక్క సంపూర్ణ వాక్యమును, దానియొక్క సంపూర్ణతలో మరియు దానియొక్క శక్తిలో తీసుకొనివస్తుంది, ఏలయనగా ఆయన నిన్నా, నేడు, మరియు నిరంతరం ఒక్కటే రీతిగా ఉన్నాడు.

65-0218 - "విత్తనము తొక్కతో వారసత్వము పొందనేరదు"

గౌరవనీయులైన. విలియమ్ మారియన్ బ్రెన్హామ్

 

యేసుక్రీస్తు నిన్నా, నేడు, మరియు నిరంతరం ఒక్కటే రీతిగా ఉన్నాడు, ఆయన చేసిన అవే కార్యములను చేయుటకు ఒక ఆత్మ వధువు మీదికి వచ్చియున్నది. చూశారా? అది విత్తనము మరలా ఉత్పత్తి చేయబడటమైయున్నది.

65-0218 - "విత్తనము తొక్కతో వారసత్వము పొందనేరదు"

గౌరవనీయులైన. విలియమ్ మారియన్ బ్రెన్హామ్