ప్రియమైన రాజ కుటుంబమా,

ప్రభువు ఆయనయొక్క దూత ద్వారా మీతో మాట్లాడి మరియు, “ఎల్లప్పుడూ గుర్తుంచుకోండి, మీరు దేవుని పిల్లలైయున్నారు, రాజవంశపు రక్తముగల రాజ కుటుంబమైయున్నారు. ప్రపంచములో మీ రక్తము కంటే శ్రేష్ఠమైన రక్తము లేదు. మీరు నా పిల్లలైయున్నారు, ప్రపంచమంతటా వ్యాపించియున్నారు, నేను క్రీస్తునకు కనినవారైయున్నారు” అని చెప్పడాన్ని వినడానికి మీరు వెళ్ళగల ఒకే ఒక్క స్థలము ఉన్నది.

మనము దేవునియొక్క రాజ కుటుంబమైయున్నాము మన నరములలో రాజవంశపు రక్తము ప్రవహిస్తున్నది. దేవునియొక్క స్వరము తన బలమైన ప్రవక్తగుండా మాట్లాడుటచేత క్రీస్తునకు జన్మించిన పిల్లలమైయున్నాము. స్నేహితులారా ఇంతకంటే శ్రేష్ఠమైనది లేదు.

బ్రెన్హామ్ సహోదరుడా, ఎత్తబడుటలో ఉండటానికి వధువు జఫర్సన్విల్ కు గాని లేదా ఆరిజోనాకు గాని వెళ్ళవలసిన అవసరమున్నదా?

కావున భౌతికంగా, మనము ఒకే సమయములో ఒకే స్థలములో ఉండము. అయితే దేవునికి మహిమ, ఆయన తన వధువును సమకూర్చడానికి ఇంకా గొప్ప ప్రణాళికను కలిగియున్నాడు.

ఈ రోజు, ఆయన తన వధువును ఈ దేశము నుండి మాత్రమే కాదు గాని, ఆయన మనలను 7 ఖండాల నుండి సమకూర్చుచున్నాడు. ఆఫ్రికా మొదలుకొని అంటార్కిటికా నుండి సమకూర్చుచున్నాడు. ఉత్తర అమెరికా మరియు దక్షిణ అమెరికా, ఆసియా, ఆస్ట్రేలియా మరియు యూరప్ నుండి సమకూర్చుచున్నాడు. దేవునియొక్క స్వరమును వినడానికి ఆయన తన వధువును ఒక్క మొత్తముగా సమకూర్చుచున్నాడు.

ఎక్కడైతే వారు సంపూర్ణ వాక్యమును బోధిస్తారో అటువంటి ఒక సంఘమును మనము కనుగొనేవరకు; సగం వాక్యమును బోధించే సంఘమైనా, అక్కడికి వెళ్ళమని ఆయన మనకు చెప్పాడు. వధువు ఇప్పుడు ఆ స్థలమును కనుగొన్నది గనుక దేవునికి స్తుతి కలుగును గాక, టేపులలో ఉన్న దేవునియొక్క స్వరమే సంపూర్ణ వాక్యమైయున్నది.

మీరు మీ గృహ టేపు సంఘములో ఉన్నాగాని, అనేక కుటుంబాలు కూడుకునే మీ సంఘములో ఉన్నాగాని, లేదా అమేజాన్ లేదా ఆఫ్రికాయొక్క అడవులలో ఒక గుడిసెలో ఉన్నాగాని, దేవునియొక్క స్వరము మీతో నేరుగా మాట్లాడటాన్ని వినుటకు మీరు ప్లేను నొక్కగల ఏ స్థలములో ఉన్నాగాని, మీరు ఒక సంపూర్ణ వాక్య సంఘములో ఉన్నట్లే.

మేము ఆ సంపూర్ణ వాక్య సంఘమును కనుగొన్నాము మరియు ఈ ఆదివారము జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు మేము: ప్రశ్నలు మరియు జవాబులు #4 64-0830E ను వినుచుండగా మాతో చేరమని మేము మిమ్మల్ని ఆహ్వానిస్తున్నాము.

సహోదరుడు. జోసఫ్ బ్రెన్హామ్

 

 

క్రీస్తుకు జన్మించినట్టి ప్రియమైనవారలారా,

మన దినము కొరకైన ఆయన వాక్యముయొక్క నిజమైన ప్రత్యక్షతను తెలుసుకొనుటకు మన హృదయములలో ఉన్న ప్రేమను మరియు ఆనందమును అల్పమైన మర్త్యమైన మాటలలో ఎవరైనా ఎలా చెప్పగలరు? దానిలో మనము చేయవలసింది ఏమియు లేదు గాని, ఆయన, ఆ గొప్ప ఉన్నవాడు అనువాడు, ఆయన మనకు ఇవ్వగల అత్యంత గొప్ప సంగతియైనట్టి, మన దినము కొరకైన ఆయన వాక్యముయొక్క ప్రత్యక్షతను, మనము కలిగియుండుటకు తన స్వంత ఎన్నిక ద్వారా మనల్ని ముందుగా నిర్ణయించుకున్నాడు, అని ఆలోచించుటకే ఎలాగున్నది కదా.

ఆయన మనతో మాట్లాడి మరియు ఇట్లు చెప్పడాన్ని మనము వినగలుగునట్లు, జీవవాయువును మనలో ఊదడానికి, కాలము సంపూర్ణమయ్యేంతవరకు ఆయన వేచియున్నాడు:

దేవుడు, ఆయనయొక్క బలిష్ఠుడైన దూత ద్వారా మాట్లాడుతూ, యేసుక్రీస్తు యొక్క వధువైయున్న మనల్ని, నిర్దేశిస్తూ మరియు నడిపిస్తూ ఉన్నాడు. మనము ఆయనయొక్క పూర్తిగా పరిపక్వము చెందినట్టి, పవిత్రురాలైన కన్యకయైయున్నాము, పిల్లలమైయున్నాము. మరియు ఆయనయొక్క అద్భుతమైన కృప ద్వారా, మనము వినే ప్రతీ వాక్యమునకు మనము ఆమేన్ అని చెప్తున్నాము! అది దైవికమైన నిర్ధారణతో వస్తున్నట్టి వాక్యముయొక్క పరిపూర్ణమైన అనువాదమైయున్నది!

• మనము టేపులలో వింటున్న స్వరము: వాక్యముయొక్క పరిపూర్ణమైన అనువాదమైనట్లైతే, యేసుక్రీస్తుయొక్క వధువునకు ఇంకేమి అవసరమున్నది?...ఏమియు అవసరము లేదు!

జాగ్రత్తగా-ఎంపిక చేయబడిన చిన్న గుంపుయైన మనల్ని, మన దినము కొరకైన ఆయన వాక్యముయొక్క నిజమైన ప్రత్యక్షతను కలిగియుండటానికి, ఆయన ఎన్నుకున్నాడు. వెయ్యేండ్ల పాలన సమయములో, భౌతికమైన శరీరములలో, భూమి మీద ఉండటానికి ఆయన మనల్నే ఎన్నుకున్నాడు.

నా స్నేహితులారా, ఒక్క నిమిషము మనము దాని గురించి చూద్దాము.

మనము సరిగ్గా ఇక్కడ భూమి మీదనే ఒక మహిమపరచబడిన శరీరమును కలిగియుంటాము. మనము తింటాము, త్రాగుతాము, ఇండ్లను కడతాము, సరిగ్గా మనమిప్పుడు జీవిస్తున్న విధంగానే వెయ్యేండ్లు జీవిస్తాము. ఎక్కడైతే వధువు (మనము) మరియు పెండ్లికుమారుడు (ప్రభువైన యేసుక్రీస్తు) ఒక్కటయ్యారో అటువంటి మన హనీమూన్ గా అది ఉంటుంది.

ప్రతి రోజులోని ప్రతి నిమిషము మనము ఈ మహిమకరమైన సమయము కొరకు కనిపెట్టుకొనుచు వేచియుంటున్నాము. మనము దాదాపు దానిని ముట్టుకోవచ్చు అన్నట్లు అగుపించేంత దగ్గరగా అది ఉన్నది. ఈనాడు మనకు జరుగుతున్నది ఇదేనని, నేను, నా హృదయమంతటితో నమ్ముతున్నాను:

మనము వింటున్న ప్రతి వర్తమానముతో, ఆయన మనకు మరింత ప్రత్యక్షతను ఇస్తున్నాడు. అది ఎంత త్వరగా పెరుగుతూ ఉందంటే మనము దానితో త్వరగా కొనసాగలేకపోవుచున్నాము. ముందెన్నడూ లేనివిధంగా వాక్యము వాక్యముగా మారడాన్ని మనము చూస్తున్నాము. ఒక్క సందేహపు ఛాయయైనా లేదు; ప్రత్యక్షత ద్వారా, మనము సరిగ్గా ఎవరమన్నది మనము ఎరిగియున్నాము.

సరిగ్గా ఆయన చేస్తానని చెప్పినట్లే ఆయన తన వధువును ఐక్యపరుస్తున్నాడు, మరియు మనము దానిలో భాగమైయున్నాము. అది సంభవించడాన్ని మనము మన స్వంత కన్నులతో చూస్తున్నాము. ఇతరులు దానిని చూడలేకపోవచ్చును లేదా దానిని గ్రహించలేకపోవచ్చును. అది వారి కొరకు కాదు, అది ఆయనకు పుట్టిన పిల్లలమైన, మన కొరకైయున్నది.

ప్రవక్తను అడగడానికి వధువు ప్రశ్నలను కలిగియున్నది.

టేపులలో ఉన్న దేవుని స్వరమును మాత్రమే వింటే సరిపోతుందా? దేవుడు జవాబునిచ్చి మరియు ఇట్లు చెప్పాడు: అవును!!

కేవలం టేపులను వినడం ద్వారా మా పిల్లలు కూడా క్రీస్తుయొక్క వధువుగా ఉండుటకు వారికి అవసరమున్న సమస్తమును పొందుకోగలరా: అవును!!

అందువలన, వధువుకు అవసరమైయున్నదంతా టేపులలోనే ఉన్నది.

దేవుడు ఆయన పిల్లల కొరకు అనేక ఇతర మార్గములను ఏర్పాటుచేశాడని కూడా మనకు తెలుసు.

స్వస్థను ఎలా బోధించాలన్నది మరియు ఆయనయొక్క వాక్యమును ఇతరులకు ఎలా తేటపరచాలన్నది ఎరిగియుండుటకు ప్రేరేపించబడిన పురుషులను దేవుడు ఏర్పాటు చేసినందుకు మనమెంతో కృతజ్ఞులమైయున్నాము, కానీ ఆయనయొక్క వధువు ఆయనయొక్క పరిపూర్ణమైన సమృద్ధియైన ఏర్పరచబడిన మార్గమును కోరుకుంటుంది. మనకు అవసరమైనదంతా అదేయైయున్నది.

ఈ ఆదివారము జఫరసన్విల్ కాలమానం ప్రకారంగా మధ్యాహ్నం 12:00 గంటల సమయానికి మేము: ప్రశ్నలు మరియు జవాబులు #3 64-0830M అనుదానిని వినుచుండగా, వచ్చి బ్రెన్హామ్ టెబర్నికల్ తో చేరమని నేను మిమ్మల్ని ఆహ్వానిస్తున్నాను.

ఆయన వాక్యముయొక్క ప్రత్యక్షతను కలిగియుండి మరియు మనము శరీరధారియైన వాక్యమైయున్నామని ఎరుగుటకు ఎంత అద్భుతంగా ఉన్నది కదా.

సహోదరుడు. జోసఫ్ బ్రెన్హామ్

 

 

ప్రియమైన పక్షిరాజు పిల్లలారా,

శరీరము ఎక్కడున్నదో, అక్కడే వధువు గుమిగూడుతుంది. మరియు మనకైతే, మనము ఆ తాజా మాంసపు మన్నాను పొందుకోగల ఒకేఒక్క చోటు ఉన్నది: మరది ప్లే ను నొక్కి మరియు టేపులలో ఉన్న దేవుని స్వరమును వినడం ద్వారాయైయున్నది.

తాజా మన్నా గురించి మాట్లాడండి, సరిగ్గా మన చేతివ్రేళ్ళ సమీపములో ఏమున్నది అనేదాని గురించి మనం అసలు ఆలోచించగలమా? స్వయంగా దేవునియొక్క స్వరమే టేపు ద్వారా ఆయనయొక్క వధువుతో మాట్లాడుచున్నది, మనము వింటున్నది, తన వధువుతో యెహోవా ఈలాగు సెలవిచ్చుచున్నాడును పలుకడానికి దేవుడే మానవ స్వరమును ఉపయోగించుకోవడమైయున్నది అనుటలో, ఇక ఎటువంటి అంచనా వేయడాలు లేవు, ఎంటువంటి ఆలోచించడాలు లేవు, ఎటువంటి ప్రశ్నించడాలు లేదా సందేహించడాలు కూడా లేవు.

మనము అక్కడికి వెళ్ళి మరియు మనము వింటున్న మాటలు ఒక మనుష్యుని మాట కాదని, లేదా అతనియొక్క అనువాదమైనా లేక ఆలోచనయైనా దానికి కలుపబడలేదు గాని, అది ఆయనయొక్క వాక్యమును బయలుపరుస్తూ, పక్షిరాజు పిల్లలమైయున్న మనతో మాట్లాడుచున్నట్టి స్వచ్ఛమైన దేవుని వాక్యమైయున్నదని మన అంతరాత్మలను దానిపై ఆధారముచేసుకోగల ఏకైక స్థలము అదేనని, ప్రత్యక్షత ద్వారా మనము నమ్ముతున్నాము.

మనము వాక్యము చుట్టూ సహవాసము కలిగియుంటాము. మనము మన బైబిలు గ్రంథములలో ఆయనయొక్క వాక్యమును చదువుతాము. దేవునిచేత అభిషేకించబడి మరియు పిలువబడిన పురుషులు ఆయనయొక్క పరిశుద్ధాత్మతో నింపబడి, దేవునియొక్క వాక్యమును ఉటంకించడాన్ని మరియు బోధించడాన్ని కూడా మనము వింటున్నాము, కానీ మన దినములో, ప్లే ను నొక్కడం ద్వారా, మనము ఆయనయొక్క పరిపూర్ణమైన వాక్యము పలుకబడుటను వినగల ఒక స్థలమును దేవుడు ఏర్పాటుచేశాడు.

మనకు పరిపూర్ణమైన జవాబు దొరుకునట్లు మన హృదయంలో ఉన్న ప్రశ్నలను అడగడానికి కూడా తండ్రి ఆయనయొక్క వధువుకు అవకాశం ఇచ్చాడు:

• పరిశుద్ధాత్మను కలిగియున్న వ్యక్తిలో భాషల వరమును లేదా ప్రవచన వరమును సాతానుడు వాడుకోగలడా?
• మత్తయి 12, 32 వ వచనంలో యేసుయొక్క భావము ఏమిటి?
• దయచేసి మొదటి కొరింథీ 13:8-12 వరకు వివరించండి.
• ఆరోగ్యవంతమైన భర్తను మరియు పిల్లలను కలిగియున్న స్త్రీలు ప్రజా వ్యవహారాలలో పనిచేయడానికి అనుమతి ఉందా?
• ఒక స్త్రీ తన జుట్టును ఉంగరాలు త్రిప్పుకోవడం తప్పా?

ఆయనయొక్క వధువును ఆశీర్వదించడానికి మరియు బలపరచడానికి దేవుడు అనేక మార్గములను ఏర్పాటుచేశాడు, కానీ ఆయనయొక్క వధువు తాము వినుచున్నది ఆయనయొక్క పరిపూర్ణమైన వాక్యమైయున్నదని 100% నమ్మకము కలిగియుండగల ఒకేఒక్క స్థలమును ఆయన ఏర్పాటుచేసాడు. కలుషితమవ్వడానికి ఒక్క అవకాశము కూడా లేనట్టి జీవజలపు ఊట ఒకేఒక్కటి ఉన్నది, పక్షిరాజు పిల్లలు అక్కడనుండి త్రాగగలుగుతాయి. ప్లే ను నొక్కండి.

ఈ ఆదివారము జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, ఆ ఊటనుండి త్రాగడానికి నేను మిమ్మల్ని ఆహ్వానిస్తున్నాను, అక్కడనుండి మనము 64-0823E “ప్రశ్నలు మరియు జవాబులు #2” ను వింటాము.

సహోదరుడు. జోసఫ్ బ్రెన్హామ్

 

 

ప్రియమైన బ్రెన్హామ్ ఆలయమా,

బ్రెన్హామ్ ఆలయము అనేది, దేవునియొక్క స్వరము అనేది, క్రీస్తుయొక్క వధువు కొరకు భద్రపరచబడి మరియు దాచబడిన మన్నాతో తాము ఆత్మీయంగా పోషించబడే గృహ సంఘమైయున్నదని నమ్ముతూ ప్రపంచవ్యాప్తంగానున్న యేసుక్రీస్తు యొక్క వధువుకు శుభములు,

చాలామంది విశ్వాసులు ఇక్కడ ప్రవక్త చెప్పినదానిని ఎల్లప్పుడూ అపార్థం చేసుకున్నారు లేదా దానికి తమ స్వంత ఆలోచనను లేదా అనువాదమును పెట్టారు, కానీ ఆయన వధువుతో నేరుగా ఇట్లు చెప్పుచున్నాడు, “మీరు గనుక బుద్ధిగలవారైతే, మీరు దేనినో పట్టుకుంటారు, ఇదే మన ప్రధాన కేంద్రమైయున్నది, సరిగ్గా ఇదే!”

దాని ద్వారా ఆయన చెప్పినది ఏమిటి?

సహోదరుడు బ్రెన్హామ్ గారు ఇక్కడ ఉన్నప్పుడు, అనేకులు ఆయనను అపార్థము చేసుకొని మరియు ఎత్తబడుటలో ఉండాలంటే వధువు ఆరిజోనాకు వెళ్ళి మరియు ఆయనను వెంబడించాలని అనుకున్నారు. సహోదరుడు బ్రెన్హామ్ గారు వారికి స్పష్టంగా సమాధానమిచ్చారు: ఇక్కడే ఉండండి, ఇదే ఆ స్థలము.

అమెరికా సంయుక్త రాష్ట్రములన్నిటి నుండి ప్రజలు బయలుదేరి ఆరిజోనాకు వెళ్ళారు, కానీ ఆయన వారికి స్పష్టంగా ఇట్లు చెప్పాడు: సరిగ్గా ఇక్కడే ఉండండి, ఇదే ఆ స్థలము!

జఫర్సన్విల్ లోనే ఉండండి అనియా? ఆయన చెప్పింది అదేనా!

నా ప్రత్యక్షత ఏమిటంటే, అది దేవుడే, తన ప్రవక్తగుండా మాట్లాడుతూ మరియు, “టేపులతో నిలిచియుండండి,” అని ప్రజలకు చెప్పడమైయున్నది. అదియే ఆ స్థలము!

ఆయన ఎంతో విచారపడి మరియు ఆ ప్రజల విషయంలో తాను ఏదో ఒకటి చేయాల్సివచ్చిందని ఆయన చెప్పాడు. ఆయన ఏమి చేయాలి? ఆయన వారిని ఏ సంఘానికి పంపిస్తాడు? వారు ఎక్కడికి వెళ్ళాలి? సహోదరుడు బ్రెన్హామ్ గారు తాను ఏమి చేయవలసియున్నదని చెప్పారు?

వారు ఒక స్థానిక సంఘానికి వెళ్ళి మరియు వారు పోషించబడటానికి వారికి దొరికే ఏవో చిన్న చిన్న ముక్కలను పొందుకోవాలని ఆయన చెప్పలేదు. ఏదైనా తినడానికి ఆయన వారిని తిరిగి ఇక్కడికి తీసుకురావాలని ఆయన చెప్పాడు, లేదా వారు ఆకలితో మరణిస్తారు.

స్నేహితులారా, నా ప్రత్యక్షత.

ఇప్పుడు, మరొకసారి ఆయనను అపార్థము చేసుకోడానికో, లేదా, “వధువైయ్యుండటానికి అందరూ జఫర్సన్విల్ కు తరలిరావాలని సహోదరుడు బ్రెన్హామ్ గారు కొరియున్నారు,” అని చెప్పడం ద్వారా ఆయన చెప్పని ఏదో ఒక విషయాన్ని చెప్పడానికో కాదు. ఆ ప్రజలందరూ, మరియు ప్రపంచవ్యాప్తంగా ఉన్న ప్రతీ విశ్వాసి, తరలి వచ్చి జఫర్సన్విల్ లో నివాసముండలేరని సహోదరుడు బ్రెన్హామ్ గారికి తెలుగు. అది అసాధ్యము. కావున ఆయన భావము ఏమిటి? వధువు పోషించబడటానికి రికార్డు చేయబడి మరియు భద్రపరచబడిన టేపుల చుట్టూ ఆయన క్రీస్తుయొక్క వధువును ఐక్యపరుస్తున్నాడు.

ఈ వర్తమానము, ఈ స్వరము, ఈ దినమునకైన దేవునియొక్క పలుకబడిన మాటాయైయున్నది మరియు అది యేసుక్రీస్తుయొక్క వధువును ఐక్యము చేసి మరియు పరిపూర్ణము చేస్తుంది.

ఈ దినమునకై స్వచ్ఛమైన, నిర్ధారించబడిన, అపార్ధములు లేనట్టి, యెహోవా ఈలాగు సెలవిచ్చుచున్నాడు అయ్యున్న వాక్యము ఎక్కడున్నది? ఒకే ఒక్క స్థలమున్నది, అది టేపులే.

నేను కొటేషన్ వెంబడి కొటేషన్ ఇస్తూ, అలాగే కొనసాగవచ్చును, కానీ ఈ వర్తమానముకు మరియు సహోదరుడు బ్రెన్హామ్ గారు చెప్పినదానికి దేవునియొద్ద నుండి ప్రత్యక్షత అవసరం. మనము ప్రత్యక్షత ద్వారా ఆ పదముల వెనుక అర్థాన్ని గ్రహించాలి, అయితే ఆయన చెప్పినదానిని మాత్రమే చెప్పాలి. ఏలయనగా అది స్వచ్ఛమైన వాక్యమైయున్నది.

ఈ దినమునకు ప్రశ్నలు, మరియు జవాబులు మరియు నేను నమ్మేది.

గృహ టేపు సంఘమును కలిగియుండటం ద్వారా మనము వాక్యమునకు మరియు సహోదరుడు బ్రెన్హామ్ గారు ఏమి చేయమని చెప్పారో దానికి వెలుపల ఉన్నామని, ఈనాడు చాలామంది సేవకులు ప్రజలకు చెప్తున్నారు. వారు దేనిని సంఘమని అంటారో మరియు దేనిని సంఘముగా పరిగణిస్తారి మనము అక్కడికి వెళ్ళాలని వారు భావిస్తున్నారు.

సహోదరుడు బ్రెన్హామ్ గారు దీనిని చెప్తున్నట్టి కొటేషన్లు, నిజంగా చాలా చాలా ఉన్నాయి.

మరియు ఆయన అట్లు చెప్పాడు గనుక, నేను దానిని నా హృదయమంతటితో నమ్ముతున్నాను. అయితే మనము దానిని గృహ టేపు సంఘమును కలిగియుండుట ద్వారా చేస్తున్నామని నేను నమ్ముతున్నాను. ప్రభువుకు ప్రాముఖ్యమైనది మన ప్రదేశము కాదు. అది కేవలం ఒక భవనమైయున్నది. అయితే ఒక ప్రదేశమో లేదా ఒక భవనమో కాదు కానీ ప్రభువు కొరకు మన విధి నిర్వహణ ఏమిటంటే ఆయన వాక్యముతో నిలిచియుండటమే. ప్రదేశము వధువును రక్షించదు మరియు పరిపూర్ణముగా చేయదు కానీ వాక్యము చేస్తుంది.

నేను ఒక సంఘ భవనము వద్దకు వెళ్తే, మరి వారు ముఖ్యమైన దానిని మరచిపోయినట్లైతే: అనగా ప్లే ను నొక్కి దేవుని స్వరమును వినడాన్ని మరచిపోయి, మరియు దాని స్థానములో కేవలం సేవకులు వర్తమానమును బోధించడాన్ని వినుటను మాత్రమే ఉంచినట్లైతే, అది మీ అంతరాత్మను పూర్తిగా తృప్తిపరచి పోషిస్తుందా? నా సహోదరుడా సహోదరీ, అది మీ అంతరాత్మను తృప్తిపరచవచ్చును, కానీ అది వధువును తృప్తిపరచదు.

సరిగ్గా ఇక్కడే ఆపి నన్ను దీనిని చెప్పనివ్వండి, వెళ్ళడానికి ఎటువంటి సంఘ భవనము లేని ప్రజలు వేలకొలదిగా ఉన్నారు. వారు తప్పిపోయినట్లేనా? వారికి ఒక సంఘకాపరి గాని లేదా ఒక సంఘము గాని లేకపోతే, దాని అర్థం వారు వధువు అయ్యుండలేరనా? మీరు ఒక సంఘ భవనమునకు 100 మైళ్ళ పరిధిలో ఉన్నట్లైతే, మీరు ఆ సంఘమునకే వెళ్ళాలా? కానీ నేను దూరంగా నివసిస్తున్నట్లైతే, నేను వెళ్ళనక్కర్లేదా? నేను ఒక సేవకుడు చెప్పేదాన్ని ఇంటర్నెట్ ప్రసారం ద్వారా వినాలి, కానీ నేను టేపులను ఇంటర్నెట్ ద్వారా వినకూడదా? మనము భౌతికమైన భవనముకు వెళ్ళడమే అత్యంత ప్రాముఖ్యమైన విషయమని ప్రవక్త చెప్తున్నాడా?

ప్రవక్త వధువును ఎక్కడికి తీసుకురావాలని కోరాడు?

మరొకసారి, ప్రజలను పంపడానికి ఆయన మొదట ఎన్నుకున్నది ఏమిటి? బ్రెన్హామ్ ఆలయమునకు, వాక్యమునొద్దకు, టేపుల వద్దకైయున్నది. ఈ అంత్యకాలములో ఆయనయొక్క వధువు చేయడానికి దేవుడు ఏర్పాటు చేసినది అదేయైయున్నది, మరియు మనము దానిని ప్రతి దినము మరియు ప్రతి ఆదివారము చేస్తున్నాము.

కావున నేను అపార్థం చేసుకోబడుటలేదు. వధువైయ్యుండటానికి మీరు బ్రెన్హామ్ ఆలయముతో కలిసి ఇంటర్నెట్ ద్వారా టేపులను వినాలని నేను చెప్పడంలేదు. మీరు సంఘానికి వెళ్ళకూడదని నేను చెప్పడంలేదు. సేవకులు చెప్పేదానిని మీరు వినకూడదని నేను చెప్పడంలేదు. మీరు దానిని నమ్ముచున్నట్లైతే, మీరు వాక్య వరుసలో లేనట్లే. టేపులలో ఉన్న దేవుని స్వరమును వినడమే మీరు వినవలసిన అత్యంత ప్రాముఖ్యమైన స్వరమని నేను చెప్తున్నాను, మరియు ప్రతి సంఘకాపరి ఆ స్వరమును, ఆ టేపులను, తమ సంఘములలో ప్లే చేయాలని నేను నమ్ముతాను. కానీ టేపులను ప్లే చేయకుండా ఉండటానికి దొరికిన ప్రతి సాకును వారు చెప్పారు. అదే మీ సంఘమైనట్లైతే, మీరు వాక్యం మీద పోషించబడటంలేదు.

ఇది జరుగకూడదనే ఆయన స్పష్టంగా కోరాడు మరియు ప్రజలు దానిని చేస్తూ ఉన్నారు.

మనము అటువంటివి చేయడంలేదు. వధువును ఐక్యపరిచే ఒకేఒక్క విషయము చుట్టూ, అనగా ఈ వర్తమానము, ఈ స్వరము చుట్టూ మనము ఐక్యమవుతున్నాము.

మరొకసారి చెప్తున్నాను, సంఘానికి వెళ్ళడాన్ని నేను నమ్ముతాను. వారి పులిపిట్ల మీద టేపులను మొదట ఉంచుతున్న సంఘాలు ప్రపంచవ్యాప్తంగా అనేకములు ఉన్నాయి, దేవునికి స్తుతి కలుగును గాక. మీరు ఇంటి వద్దనే ఉండాలి లేదంటే మీరు వధువు కాదు అని నేను నమ్ముతానా? లేదు, లేదు, లేదు....నేను ఎన్నడూ అలా అనుకోలేదు, నేను ఎన్నడూ దానిని నమ్మలేదు. మీరు ఎక్కడున్నా గానీ లేదా మీరు ఏ సంఘానికి వెళ్ళినా గానీ మీరు ప్లే ను నొక్కాలని మాత్రమే నేను కోరుతున్నాను.

ఆయన చెప్తున్నవాటిని గూర్చిన ప్రత్యక్షత మీకు లేకపోతే, అప్పుడు మీరు స్పష్టంగా ఇట్లు చెప్పగలరు, “నేను బ్రెన్హామ్ సహోదరుడు చెప్పేది వినవలసిన అవసరంలేదు లేదా ఆయన చెప్పే ప్రతిదానితో ఏకీభవించాల్సిన అవసరంలేదు. దేవునిచేత పిలువబడిన ఇతర పురుషులు అనేకులు ఉన్నారు, అని కూడా ఆయన చెప్పాడు.”

అలాగే వెళ్ళండి. మనమిక్కడ గమనిస్తాము, ఇట్లడిగారు, “నీతో ఏకీభవించని వేరొక సంఘానికి మేము వెళ్ళాలా?” నిశ్చయంగా, నేను...సముద్రతీరాన్న ఉన్న నునుపు రాయి నేనొక్కడినే కాను, మీకు తెలుసు కదా. ఇతర దైవికమైన వ్యక్తులు అంతటా ఉన్నారు; వారిలో నేను ఒకడినని నేను ఆశపడుతున్నాను.

టేపులలో ఉన్న దేవుని స్వరమే నా నునుపు రాయి, నా బండ అయ్యున్నది. నేను వినే స్వరము అదే మరియు బ్రెన్హామ్ ఆలయము కూడా ఆ స్వరమును వినాలనే నేను కోరుతాను.

మీరు గనుక మాతో చేరాలనుకుంటే, నా సహోదరులారా మరియు సహోదరీలారా, మీకు హృదయ పూర్వకంగా స్వాగతం. దేవుని స్వరము మాట్లాడి మరియు బహుశా మీరు మీ హృదయములో కలిగియుండే ప్రశ్నలకు సమాధానమిచ్చుటను వినుచుండగా, ఆదివారము జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, వచ్చి మాతో చేరండి. మరియు ఈ లేఖలో నేను చెప్పిన సంగతులు వాక్యానుసారంగా లేవేమోనని మరియు దేవుడు తన వధువుకు ఏమి చెప్తున్నాడనేదానిని నేను తప్పుగా అర్థం చేసుకున్నానేమోనని స్వయంగా మీరే వినండి.

టేపులలో ఆయన చెప్పేది యెహోవా ఈలాగు సెలవిచ్చున్నాడు అయ్యున్నది. ఆయన ఏమి చెప్తున్నాడని నేను చెప్తున్నది కాదు, లేదా ఆయన ఏమి చెప్తున్నాడని నేను నమ్ముచున్నది కాదు, మరియు దేవుడు మాత్రమే మీకు నిజమైన ప్రత్యక్షతను ఇవ్వగలడు.

సహోదరుడు. జోసఫ్ బ్రెన్హామ్

 

 

 

టేపు తేదీ: 64-0823M ప్రశ్నలు మరియు జవాబులు #1