ప్రియమైన నమ్మకమైన సజీవమైన వధువా,

స్వయంగా వాక్యమైయున్న యేసు, 2000 సంవత్సరాల క్రితం భూమి మీదకు వచ్చినప్పుడు, ఆయన ఏ విధంగా వస్తానని చెప్పాడో ఆయన ఆ విధంగానే వచ్చాడు, ఒక ప్రవక్తగా వచ్చాడు. ఆయన మరలా రావడానికిముందు, యేసుక్రీస్తు వ్యక్తిత్వముయొక్క పూర్తి నెరవేర్పు మరలా శరీరములో, ఒక ప్రవక్తలో వ్యక్తపరచబడుతుందని, ఆయనయొక్క వాక్యము ప్రకటిస్తుంది. ఆ ప్రవక్త వచ్చాడు, ఆయన పేరే విలియమ్ మారియన్ బ్రెన్హామ్.

టేపులలో దేవునియొక్క స్వరము నేరుగా వారితో మాట్లాడటాన్ని వినడము దేవునియొక్క పరిపూర్ణ చిత్తమైయున్నదని ఎవరైనా గుర్తించకుండా ఎలా ఉండగలరు? వాక్యము ఎల్లప్పుడూ ఆయనయొక్క ప్రవక్త యొద్దకు వస్తుందని మనకు తెలుసు; అది వేరే ఏ మార్గములోను రాజాలదు. దేవుడు మనకు ముందుగా దేని గురించియైతే చెప్పాడో అటువంటి దేవుని మార్గపు దారిగుండా అది రావలసియున్నది. అది వచ్చే ఒకే ఒక్క మార్గము అదేయైయున్నది. ఆయన దానిని ఎలా చేస్తానని వాగ్దానము చేసాడో ఆ మార్గముగుండా దేవుడు కదులుతాడు. ఆయన ఎల్లప్పుడూ చేసిన విధానములోనే దానిని చేయుటకు ఆయన ఎన్నడూ విఫలము కాడు.

ఆ సమయము ఇప్పడు సంభవించడాన్ని మనము చూస్తున్నాము, వాక్యము వేరుచేస్తున్నది. “ఈనాడు వధువును నడిపించడానికి దేవునిచేత పిలువబడి, పరిశుద్ధాత్మతో నింపబడిన ఇతరులు ఉన్నారు. కేవలం టేపులకంటే ఎక్కువైనది మీకు అవసరమైయున్నది. సంఘమును నడిపించడానికి దేవుడు ఈనాడు వ్యక్తులను నియమించాడు,” అని వారు చెప్తుండగా, ప్రవక్తకే ఎక్కువ ప్రాధాన్యతను ఇస్తున్నదని వధువుపై నేరారోపణ చేయబడుచున్నది.

ఆయనయొక్క వధువును నడిపించడానికి; వారిని యెహోవా ఈలాగు సెలవిచ్చుచున్నాడు వద్దకు, వర్తమానికుడైన ప్రవక్త యొద్దకు నడిపించడానికి దేవుడు పరిశుద్ధాత్మతో నింపబడిన వ్యక్తులను కలిగియున్నాడు. ఏలయనగా వర్తమానము మరియు వర్తమానికుడు ఒక్కటే. అదియే ఈ దినమునకు, మరియు ఎప్పటికినీ దేవునియొక్క మార్పులేని ఏర్పరచబడిన మార్గమైయున్నది.

ఈ దినమునకైన ఈ గొప్ప అంత్య-కాల ప్రత్యక్షతను పొందుకోవడానికి మీరు ఎన్నుకోబడటం మాత్రమే కాదు గాని, దేవుడు, ఆయనయొక్క దాచబడిన ఆహారపు టేపుల మార్గము గుండా, తనయొక్క ప్రియమైన వధువుతో గూడార్థముగా మాట్లాడుచున్నాడు.

ఆయనయొక్క వధువునకు ఎటువంటి ఒక గూడార్థమైన ప్రేమ లేఖ కదా, మహిమ!!! జగత్తుపునాది వేయబడకముందే ఆయన మనల్ని ఎరిగియుండి మరియు ఎన్నుకోవడం మాత్రమే కాదు గాని, ఈ దినమున ఆయనయొక్క ప్రత్యక్షపరచబడిన కుమారులు మరియు కుమార్తెలుగా ఉండుటకు ఆయన మనల్ని ఎన్నుకున్నాడని ఇక్కడ మనకు చెప్పుచున్నాడు. ఆదినుండి ఉన్నటువంటి పరిశుద్ధులందరికి పైగా ఆయన మనల్ని ఈనాడు భూమి మీద ఉంచాడు, ఎందుకనగా మనము ఈ గడియయొక్క నిజమైన మరియు సజీవమైన దేవుడిని, ఈ సమయములో బయలువెళ్ళుచున్న వర్తమానమును నిర్ధారించుటకు ఈ గడియయొక్క సవాలును ఎదుర్కుంటామని ఆయన ఎరిగియున్నాడు.

ఆదినుండి మనము ఒక కణముగా, ఒక వాక్యముగా, ఒక గుణలక్షణముగా, దేవునిలో ఉండియున్నాము, కానీ ఇప్పుడు క్రీస్తుయేసుతో కూడ కలిసి పరలోక స్థలములలో కూర్చొనియున్నాము, ఆయనయొక్క వాక్యమువలన, ఆయనయొక్క వాక్యము ద్వారా ఆయనతో సహవాసము చేయుచున్నాము; ఏలయనగా మనము ఆయనయొక్క వాక్యమైయున్నాము, మరియు అది మన అంతరాత్మలను పోషించుచున్నది.

దేవునియొక్క సంకరములేని వాక్యము తప్ప, మనము మన జీవితములలోనికి దేనిని జొప్పించలేము, మరియు జోప్పించము కూడా. అది ఈ దినము కొరకు దేవుడు ఏర్పాటు చేసిన మార్గమైయున్నదని మనము గుర్తించి మరియు నమ్ముచున్నాము.

ఈ ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, ఒకే ఒక్క స్వరమును, టేపులలో ఉన్న దేవుని స్వరమును మేము వినుచుండగా, మీరు వచ్చి మాతో చేరడాన్ని మేమెంతగానో ఇష్టపడతాము, మీరు వినే ప్రతి మాటకు, మీరు ఆమేన్ చెప్పవచ్చును.

సహోదరుడు. జోసఫ్ బ్రెన్హామ్

 

వర్తమానము: ప్రవచనము ద్వారా తేటపరచబడిన ఆధునిక సంగతులు 65-1206

వర్తమానమును వినడానికిముందు చదువవలసిన లేఖనములు:

ఆదికాండము 22
ద్వితియోపదేశకాండము 18:15
కీర్తనలు 16:10 / 22:1 / 22:18 / 22:7-8 / 35:11
యెషయా 7:14 / 9:6 / 35:7 / 50:6 / 53:9 / 53:12 / 40:3
ఆమోసు 3:7
జెకర్యా 11:12 / 13:7 / 14:7
మలాకీ 3:1 / 4:5-6
పరిశుద్ధ. మత్తయి 4:4 / 24:24 / 11:1-19
పరిశుద్ధ. లూకా 17:22-30 / 24:13–27
హెబ్రీ 13:8 / 1:1
పరిశుద్ధ. యోహాను 1:1
ప్రకటన 3:14-21 / 10:7

 

 

దేవునియొక్క ప్రియమైన గుణలక్షణములారా,

ఈ వర్తమానములో పలుకబడిన ప్రతియొక్క మాట ఆయనయొక్క వధువునకు ఒక ప్రేమ లేఖయైయున్నది. పరలోకమందున్న మన తండ్రి, మనము ఆయనయొక్క వాక్యమును చదవాలని మాత్రమే కాదు గాని, ఆయన: “మీరు నాయొక్క సజీవమైన పత్రికయైయున్నారు, నేను లోకానికి ప్రదర్శించగలిగే, నాయొక్క సజీవమైన గుణలక్షణమైయున్నారు,” అని మనతో చెప్పగలుగునట్లు ఆయనయొక్క స్వరము మన హృదయములతో మాట్లాడుటను మనము వినాలని కోరేంతగా మనల్ని ప్రేమిస్తున్నాడని ఆలోచించుటకే ఎట్లున్నది కదా.

పిదప ఇక్కడ భూమి మీద ఆయన చేసిన త్యాగములన్నిటి తర్వాత, ఆయన జీవించిన జీవితము తర్వాత, ఆయన నడచిన మార్గము తర్వాత, ఆయన కేవలం ఒక్క విషయం కొరకు అడిగాడని ఆలోచించుటకే ఎట్లున్నది కదా:

నేను అనగా, “ఆయనయొక్క వాక్యము” ఉండు స్థలములో, మనమును ఉండాలనియైయున్నది, ఎప్పటికీ, ఆయనయొక్క సహవాసమును, ఆయనయొక్క స్నేహమును పొందుకొనుటకైయున్నది. కావున, ఆయనయొక్క కన్యక వాక్య వధువుగా ఉండుటకు టేపులలో ఆయన మనతో మాట్లాడిన ప్రతి మాట ప్రకారముగా మనము జీవించవలసియున్నాము, అది మనల్ని పెండ్లి కుమారునిలో భాగముగా చేస్తుంది.

అది ఈ గడియలో యేసుక్రీస్తుయొక్క ప్రత్యక్షతయైయున్నది. వేరొక గడియలో ఆయన ఏమైయున్నాడో కాదు, ఇప్పుడు ఆయన ఎవరైయున్నాడు అనేదియైయున్నది. ఈ దినమునకైన వాక్యము. ఈ దినమున దేవుడు ఎక్కడ ఉన్నాడు. అదియే ఈ దినమునకైన ప్రత్యక్షతయైయున్నది. అది ఇప్పుడు వధువులో ఎదుగుచున్నది, మనలను పరిపూర్ణ కుమారులు మరియు కుమార్తెలయొక్క రూపములోనికి తెచ్చుచున్నది.

మనల్ని మనము ఆయనయొక్క వాక్యములో చూసుకొనుచున్నాము. మనము ఎవరమో మనకు తెలుసు. మనము ఆయనయొక్క ప్రణాళికలో ఉన్నామని మనకు తెలుసు. ఇది ఈ దినమునకై దేవుడు ఏర్పాటు చేసిన మార్గమైయున్నది. ఎత్తబడుట సమీపములో ఉన్నదని మనకు తెలుసు. త్వరలో మన ప్రియులు ప్రత్యక్షమవుతారు. అప్పుడు మనము దీనిని ఎరుగుతాము: మనము చేరుకున్నాము. మనమందరము పరలోకమునకు వెళ్ళుచున్నాము…అవును, పరలోకము, సరిగ్గా ఈ స్థలము ఎంత వాస్తవమైనదో అంతే వాస్తవమైన ఒక స్థలము.

ఇది మనకు ఎంత విలువైనదో మాటలలో ఎవరైనా ఎలా చెప్పగలరు? మనము ఎక్కడైతే కలిసి నిత్యత్వమంతా జీవించగలమో అటువంటి పరదైసుకు మనము వెళ్ళుచున్నాము అనేదానియొక్క వాస్తవికత. ఇక ఏ విచారమైనా, నొప్పియైనా లేదా బాధయైనా ఉండదు, కేవలం పరిపూర్ణతపై పరిపూర్ణత.

మన హృదయములు సంతోషించుచున్నవి, మన అంతరంగములో మన అంతరాత్మలు మండుచున్నవి. ప్రతి రోజు సాతానుడు మన మీద ఇంకా ఇంకా ఎక్కువ ఒత్తిడిని పెట్టుచున్నాడు, కానీ అయినను మనము సంతోషిస్తాము. ఎందుకు:

• మనము ఎవరమో, మనకు తెలుసు.
• మనము ఆయనను, విఫలపరచలేదని, మరియు విఫలపరచమని, మనము ఎరిగియున్నాము.
• మనము ఆయనయొక్క పరిపూర్ణమైన చిత్తములో ఉన్నామని, మనము ఎరిగియున్నాము.
• తన వాక్యముయొక్క నిజమైన ప్రత్యక్షతను ఆయన మనకు అనుగ్రహించాడని, మనము ఎరిగియున్నాము.

సహోదరుడా జోసఫ్, నీవు ప్రతీ వారము ఒకే విషయమును వ్రాస్తావు. మహిమ, నేను దానిని ప్రతీ వారము వ్రాస్తాను ఏలయనగా ఆయన మిమ్మల్ని ఎంతగా ప్రేమిస్తున్నాడనేది మీరు తెలుసుకోవాలని ఆయన కోరుచున్నాడు. మీరు ఎవరు. మీరు ఎక్కడికి వెళ్ళుచున్నారు అనేది తెలుసుకోవాలని కోరుచున్నాడు. ఛాయ నిజస్వరూపముగా మారుచున్నది. మీరు వాక్యముగా మారుచున్న వాక్యమైయున్నారు.

ప్రియమైన ప్రపంచమా, ఈ ఆదివారము జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు వచ్చి, అనుసంధానములో మాతో చేరండి, “నేను” మిమ్మల్ని ఆహ్వానిస్తున్నందుకు కాదు, కానీ “ఆయన” మిమ్మల్ని ఆహ్వానిస్తున్నందుకై యున్నది. “నేను” టేపును ఎన్నుకున్నందుకు కాదు, కానీ ప్రపంచవ్యాప్తంగానున్న వధువులోని భాగముతోకలిసి అందరమూ ఒకే సమయములో వాక్యమును వినుట కొరకైయున్నది.

ప్రపంచవ్యాప్తంగా వధువు, అందరూ ఒకే సమయములో దేవునియొక్క స్వరమును వినడము సాధ్యపడుతుందని మనము గ్రహించగలమా? అది దేవుడైయుండవలసి యున్నది. దేవుడు తన దూతయైన ప్రవక్త ఇక్కడ భూమి మీద ఉన్నప్పుడు ఆయన అతనిచేత దానిని జరిగించాడు. అందరూ అదే జఫర్సన్విల్ కాలమానం ప్రకారముగా, 9:00, 12:00, 3:00 గంటల సమయమప్పుడు ప్రార్థనలో ఐక్యమవ్వడానికి, అతడు వధువును ప్రోత్సహించాడు; దేవునియొక్క స్వరము వారందరితో ఒకే సమయములో మాట్లాడుటను వినడానికి వధువు ఒక్కటిగా ఐక్యమవ్వగలగడం, ఇప్పుడది ఇంకెంత గొప్పగా ఉన్నది కదా?

సహోదరుడు. జోసఫ్ బ్రెన్హామ్

 

వర్తమానము: జరగనైయున్న సంగతులు 65-1205

 

లేఖనములు:

పరిశుద్ధ. మత్తయి 22:1-14

పరిశుద్ధ. యోహాను 14:1-7

హెబ్రీ 7:1-10

 

 

ప్రియమైన షరతులులేని వధువా,

గడచిన వారము ప్రభువు మనకు ఆయనయొక్క వాక్యమును బయలుపరచుచుండగా క్యాంపు వద్ద ఆయన మనకు ఎంతో అద్భుతమైన సమయమును అనుగ్రహించాడు. ఆయన, ఆయనయొక్క వాక్యము ద్వారా, మనయొక్క సంపూర్ణత: ఆయనయొక్క వాక్యము, ఈ వర్తమానము, టేపులలో ఉన్న దేవుని స్వరమేనని ఋజువు చేసాడు; అవన్నియు ఒక్కటే, యేసుక్రీస్తు నిన్నా, నేడు మరియు నిరంతరము ఒక్కటేరీతిగా ఉన్నాడు.

వర్తమానము నుండి వర్తమానికుడిని వేరుచేయడానికి దయ్యము ఏ విధంగా ప్రయత్నిస్తుందో మనము విన్నాము, అయితే ప్రభువైన యేసునకు స్తుతి చెల్లును గాక, స్వయంగా దేవుడు తానే ఆయనయొక్క బలమైన దూత ద్వారా మాట్లాడి మరియు మనకు ఇట్లు చెప్పాడు:

మీరు వర్తమానికుడి నుండి వర్తమానమును వేరుచేయలేరు, రెండూ ఒక్కటే, యెహోవా ఈలాగు సెలవిచ్చుచున్నాడు. అబద్ధపు అభిషేకము గలవారు ఎవరైనా ఏమి చెప్పినా లెక్కలేదు, వారు ఒక్కటే అని మరియు వేరుచేయబడలేరని దేవుడు చెప్పాడు.

పిదప ఈ వర్తమానములో పురుగులు గాని లేదా పురుగుల రసము గాని లేదు గనుక, మనము టేపులను వినుచున్నప్పుడు పురుగులను పట్టుకోడానికి ఎటువంటి వడపోత వస్త్రము మనకు అవసరములేదని ఆయన మనతో చెప్పాడు. అది ఎల్లప్పుడూ స్వచ్ఛముగా మరియు శుభ్రముగా పారుచున్న ఆయనయొక్క ఊటయైయున్నది. నిరంతరము ఉబుకుతుంది, ఎన్నడూ ఎండిపోదు, కేవలం ఉబుకుచు మరియు ఉబుకుచు ఉంటుంది, మనకు ఆయన వాక్యముయొక్క ప్రత్యక్షతను అధికముగా మరియు ఇంకా అధిముగా ఇస్తుంది.

ఆయన మనతో చేసిన నిబంధన తిరస్కరించబడలేనిది, మార్చబడలేనిది, అయితే అన్నిటికి పైగా షరతులు లేనిది అని ఎన్నడూ మర్చిపోకూడదని ఆయన మనకు జ్ఞాపకము చేశాడు.

అది ప్రేమయైనా, సహకారమైనా, లేదా సమర్పణయైనా, ఏదైనా గాని షరతులు లేనిదైతే అది సంపూర్ణతయైయున్నది మరియు ఎటువంటి ప్రత్యేకమైన నియమ నిబంధనలకు బద్ధమైనదిగా ఉండదు: ఏమి జరిగినా గాని అది మాత్రం నెరవేరుతుంది.

పిదప ఆయన ఆ మేకు గట్టిగా పట్టుకొనియుండునట్లు దానిని వంచాలనుకున్నాడు, కావున ఆయన ఈ దినమున మన కన్నులయెదుట ఆయనయొక్క లేఖనములు నెరవేర్చబడుచున్నవని మనకు చెప్పాడు.

మనుష్యకుమారుడు మరలా మన దినమున శరీరములో వచ్చాడు, సరిగ్గా ఆయన వాగ్దానము చేసినట్లే, తన వధువును బయటకు పిలచుటకు వచ్చాడు. అది యేసుక్రీస్తే నేరుగా మనతో మాట్లాడుటయైయున్నది, మరియు దానికి ఏ మనుష్యుని అనువాదము అవసరము లేదు. మనకు అవసరమైనదంతయు, మనకు కావలసినదంతయు, టేపులలో మాట్లాడుతూ స్వయంగా దేవునియొద్ద నుండి వస్తున్నట్టి దేవుని స్వరమే.

కుమారునియొక్క సన్నిధిలో ఉంటూ, పరిపక్వము చెందుతూ, వధువు ఎంతో మహిమకరమైన సమయమును కలిగియుంటున్నది. గోధుమ తిరిగి మరలా గోధుమ వద్దకు ఎదిగినది, మరియు మన మధ్య పులిసినదేదియు లేదు. దేవునియొక్క స్వచ్ఛమైన స్వరము మాత్రమే మనతో మాట్లాడుచు, వాక్యమైయున్న క్రీస్తుయొక్క రూపములోనికి, మనల్ని మలచుచు తయారుచేస్తున్నది.

మనము దేవుని కుమారులము మరియు కుమార్తెలమైయున్నాము, ప్రపంచ చరిత్రలోనే అత్యంత గొప్ప కాలమైనట్టి ఈ కాలములో మనము రావడానికి, ఆయన ముందుగా నిర్ణయించుకున్న ఆయనయొక్క గుణలక్షణమైయున్నాము. మనము విఫలము కాము అని, మనము రాజీపడము అని, అయితే మనము ఆయనయొక్క నమ్మకమైన విశ్వాసనీయమైన వాక్య వధువైయుంటామని, అబ్రాహాముయొక్క రానైయున్న అతీతమైన రాజసంతానమైయున్నాము అని ఆయనకు తెలుసు.

ఎత్తబడుట సమీపములో ఉన్నది. కాలము ముగింపునకు వచ్చియున్నది. తననుతాను సిద్ధపరచుకున్న ఆయనయొక్క వధువు కొరకు ఆయన వచ్చుచున్నాడు, ఆమె కుమారునియొక్క సన్నిధిలో కూర్చొని, ఆయనయొక్క స్వరము ఆయనయొక్క వధువునకు వస్త్రధారణ చేయుటను వినుచున్నది. త్వరలోనే మనము కాలమనే తెరకు ఆవలనున్న మన ప్రియులను చూడటం ప్రారంభిస్తాము, వారు మనతో ఉండుటకై వేచియుంటూ పరితపించుచున్నారు.

ఈ టేపులు ఆయనయొక్క వధువును పరిపూర్ణము చేయడానికి దేవుడు ఏర్పాటుచేసిన మార్గమైయున్నవి. ఈ టేపులు మాత్రమే ఆయనయొక్క వధువును ఐక్యపరుస్తాయి. ఈ టేపులు ఆయనయొక్క వధువునకు దేవుని స్వరమైయున్నవి.

ఈ ఆదివారము, జఫర్సన్విల్ కాలమానం ప్రకారముగా మధ్యాహ్నం 12:00 గంటల సమయమప్పుడు, మనమంతా అతి త్వరలో జరుగబోవుచున్నదాని గురించి వినుచుండగా, మీరు వచ్చి మరియు మాతో, ఆయనయొక్క వధువులోని ఒక భాగముతో ఐక్యమవ్వాలని నేను మిమ్మల్ని ఆహ్వానిస్తున్నాను: ఎత్తబడుట 65-1204.

సహోదరుడు. జోసఫ్ బ్రెన్హామ్

 

 

క్రీస్తుయొక్క ప్రియమైన వధువా, ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, 65-1128E హిమమంత తెల్లని పావురపు రెక్కలపైన అనుదానిని వినుటకు మనము కూడుకుందాము.

సహోదరుడు. జోసఫ్ బ్రెన్హామ్

 

 

ప్రియమైన యేసుక్రీస్తుయొక్క కుటుంబమా,

ప్రపంచవ్యాప్తంగానున్న క్రీస్తుయొక్క వధువు విషయంలో ఇంతకుముందెన్నడూ లేనివిధంగా ఏదో జరుగుచున్నది. మనము విన్న సంగతులు మరియు చూడటానికి ఎదురుచూసిన విషయాలు ఇప్పుడు మన కన్నుల యెదుట ప్రత్యక్షపరచబడుచున్నాయి.

ఈ దినమునకై తనయొక్క ఏకైక ఏర్పరచబడిన మార్గము ద్వారా, టేపులపై ఉన్న దేవునియొక్క స్వరము ద్వారా, ఆయన చేస్తానని చెప్పినట్లుగానే పరిశుద్ధాత్మ తన వధువును ఐక్యపరచుచున్నాడు.

ముందెన్నడూ లేనివిధంగా ఆయన తన వాక్యమును బయలుపరచుచూ మరియు దానిని నిర్ధారించుచున్నాడు. ఒక నీటి బుగ్గ లాగా, ప్రత్యక్షత మనలోపల ఉబుకుచున్నది.

ప్రతి దినము మనకు అధికమైన ప్రత్యక్షత బయలుపరచబడుచూ మరియు ప్రత్యక్షపరచబడుతున్నది. ప్రవక్తకువలె, సంగతులు ఎంత వేగంగా జరుగుతూ మరియు సంభవిస్తున్నాయంటే, మనం వాటితో సమానంగా వెళ్ళలేకపోతున్నాము...మహిమా!!!

మన సమయము వచ్చియున్నది. లేఖనము నెరవేర్చబడుచున్నది. శరీరము వాక్యమగుచున్నది, మరియు వాక్యము శరీరమగుచున్నది. ఏమీ జరుగుతుందని ప్రవక్త చెప్పాడో ఇప్పుడు సరిగ్గా అదే జరుగుచున్నది.

మనమే ఎందుకు?

పులిసినది గానీ, అస్పష్టమైన ధ్వని గానీ, ఏ మనుష్యుని అనువాదముయొక్క అవసరత గానీ మనమధ్య లేదు. పెదవి నుండి చెవికి అన్నట్టు ఆయన మనతో మాట్లాడుచుండగా దేవునియొక్క నోటనుండి వచ్చిన స్వచ్ఛమైన పరిపూర్ణమైన వాక్యమును మనము వినుచున్నాము.

వధువా, అది అంతకంటే ఇక ఎంతమాత్రమూ తేటగా అవ్వజాలదు. ఆయన మాట్లాడుచు మరియు తన స్వంత వాక్యమును అనువదించుచు, మరియు దానిని టేపులో ఉంచుటను, మనం మన స్వంత కన్నులతో చూడటానికి, అది దేవుడే, ఆయనయొక్క వధువు యెదుట మానవ శరీరములో నిలబడుటయైయున్నది. స్వయంగా దేవునిచేత పలుకబడి రికార్డు చేయబడిన పరిపూర్ణమైన వాక్యమైయున్నది, కాగా దానికి మనుష్యునియొక్క ఎటువంటి అనువాదము అవసరంలేదు.

• టేపులలో, దేవుడు నేరుగా తన వధువుతో మాట్లాడుచున్నాడు.
• టేపులలో, దేవుడు తన స్వంత వాక్యమును అనువదించుచున్నాడు.
• టేపులలో, దేవుడు తననుతాను బయలుపరచుకుంటున్నాడు.
• మీకు ఏ మనుష్యుని అనువాదము అవసరములేదు, నా వధువుకు అవసరమైయున్నదంతా టేపులలో ఉన్న నా వాక్యమేనని, దేవుడు తన వధువునకు చెప్పుచున్నాడు.

సరిగ్గా ఆయన మనకు ఆజ్ఞాపించినదానిని చేయడమునే దేవుడు వధువునకు ఏర్పాటుచేసిన ఏకైక పరిపూర్ణమైనా మార్గముగా చేశాడు. ఈ దినము వరకును, ఇది ఎన్నడూ సాధ్యపడలేదు. అంచనావేయడం వంటిదేదీ లేదు, ఆశ్చర్యపోవడం వంటిదేదీ లేదు, ఏదైనా కలుపబడినదా, తీసివేయబడినదా, లేదా అనువదించబడినదా అని ఎటువంటి ప్రశ్నా లేదు. వధువునకు నిజమైన ప్రత్యక్షత ఇవ్వబడినది: టేపులను ప్లే చేయడమే దేవునియొక్క పరిపూర్ణమైనా మార్గమైయున్నది.

ఎందుకైనా మంచిది, దానిని మరలా చెప్పనివ్వండి. నా ప్రత్యక్షత ఏమిటంటే యేసుక్రీస్తు యొక్క వధువుకు, ఇతరులకు కాదు గాని, వధువుకు, టేపులలో ఉన్న దేవునియొక్క స్వరము తప్ప మరేదియు అవసరము లేదు.

వర్తమానము నాకు ఇక రహస్యము కాదు. యేసుక్రీస్తు నిన్నా, నేడు మరియు నిరంతరము ఒక్కటే రీతిగా ఉన్నాడు. ఆకాశము భూమి అంతయూ యేసు అని పిలువబడుచున్నది. యేసు వాక్యమైయున్నాడు.

దేవుడు ఆయనయొక్క వధువును ఆయనయొక్క స్వరముతో ఐక్యపరచుచున్నాడు, ఆయన తన వధువును ఒక్క పెద్ద మొత్తముగా సమకూర్చగలుగునట్లు, ఆయన దానిని రికార్డు చేపించి మరియు ఈ దినము కొరకై భద్రపరిచాడు. వధువు దానిని చూస్తుంది మరియు ఆయన తన వధువును సమకూర్చగలుగుటకు ఉన్న ఏకైక మార్గముగా దానిని గుర్తిస్తుంది.

ఆయన ఈ దినమున దానిని ఎలా చేయబోవుచున్నాడో మనకు చూపించడానికి ఆయన దాదాపు 60 ఏండ్ల ముందే దానిని చేశాడు. మనము “అనుసంధానములో ఉన్న ఆయన సంఘములలో ఒకటైయున్నాము”

“అనుసంధానములో ఉండటం” లేదా “ప్రత్యక్ష ప్రసారములో ఉండటం,” “ఒకే సమయములో వర్తమానమును వినడం” అనేవి, సంఘమునకు వెళ్ళడం కాదని అనేక సేవకులు తమ సంఘములకు చెప్తారు. అది అదేనని ఆయన ఇప్పుడే చెప్పాడు! వారు కేవలం వాక్యమును ఎరుగకయున్నారు లేదా వధువువలె ప్రేమ లేఖను చదువలేకపోవుచున్నారు.

ఒక సంఘము అంటే ఏమిటి? ఒక సంఘము అంటే ఏమిటని సహోదరుడు బ్రెన్హామ్ గారు చెప్పారో మనము చూద్దాము.

తమ “గృహములలో” మరియు “అటువంటి స్థలములలో” ఉన్న ప్రజలు అనుసంధానములో ఉన్న ఆయనయొక్క సంఘములలో ఒకటని సహోదరుడు బ్రెన్హామ్ గారు స్పష్టముగా చెప్పుచున్నారు. కావున ఆయనయొక్క అనుసంధానములో కూడుకున్న గృహములు, పెట్రోల్ బంకులు, భవనములు, కుటుంబములు, అది వారిని ఒక సంఘముగా చేసినది.

మనము ప్రేమ లేఖను ఇంకా కొంచం చదువుదాము.

బయట అంతటా, దేశమంతటా, పశ్చిమ తీరమువరకు, పైన ఆరిజోనా పర్వతములలో, దిగువున టెక్సాస్ మైదానములలో, ఉత్తర తీరమున, దేశవ్యాప్తంగా, ప్రభువా, ఆ—ఆ—ఆ చిన్న మైకుల చుట్టూ వారు కూడుకున్న చోట అన్ని సంఘములు మరియు జనసమూహముల కొరకు మేము ప్రార్థిస్తున్నాము. కాలములో, మేము అనేక గంటలు వ్యత్యాసముతో ఉన్నాము, కానీ, ప్రభువా, ఈ రాత్రి మేము ఒక్క మొత్తముగా, మెస్సీయ్యా యొక్క రాకడ కొరకు వేచియున్న విశ్వాసులుగా ఏకమైయున్నాము.

కావున అనుసంధానమై, అందరూ ఒకేసారి సహోదరుడు బ్రెన్హామ్ గారి మాటలను వినడం ద్వారా; వారు ఒక్క మొత్తముగా, మెస్సీయ్యా యొక్క రాకడ కొరకు వేచియున్న విశ్వాసులుగా ఏకమైయున్నారు.

కానీ ఈ రోజు మీరు దానిని చేసినయెడల, అది సంఘమునకు వెళ్ళడం కాదని, అది తప్పని, దినము సమీపించుటను మనము చూస్తుండగా అది కూడుకోవడము కూడా కాదని, అది సంఘమునకు వెళ్ళడం కాదని మీరు చెప్తున్నారా?

నన్ను మిమ్మల్ని ఒక ప్రశ్నను అడుగనివ్వండి మరియు మీరు మీ సంఘమునకు జవాబునివ్వండి. సహోదరుడు బ్రెన్హామ్ గారు ఈనాడు ఇక్కడ, శరీరములో ఉన్నట్లైతే, మరియు మీరు ప్రతి ఆదివారం ఉదయం, ప్రపంచవ్యాప్తంగానున్న వధువుతో కలిసి అందరూ ఒకేసారి, ఆయన మాటలను ప్రత్యక్షప్రసారములో లేదా అనుసంధానములో వినగలిగితే, సంఘకాపరులారా, మీరు అనుసంధానమై సహోదరుడు బ్రెన్హామ్ గారి మాటలను వింటారా లేదా మీరే ప్రసంగిస్తారా?

మీ సంఘము మీ బాధ్యతైయున్నదని సహోదరుడు బ్రెన్హామ్ గారు స్పష్టముగా చెప్పుచున్నారు. ఒకవేళ 60 సంవత్సరాల క్రితం మీరు ఇక్కడ ఉండియుండి మరియు సహోదరుడు బ్రెన్హామ్ గారు ఒక కూడికను కలిగియుంటున్నట్లైతే, మరి మీ సంఘము దానికి హాజరవ్వకుండా తమ స్వంత కూడికను కలిగియుంటున్నట్లైతే (ఆ కాలములో అనేకులు ఆ విధంగా చేశారు), మీరు “మీ సంఘమునకు” వెళ్తారా, లేదా సహోదరుడు బ్రెన్హామ్ గారు చెప్పేది వినడానికి మీరు “బ్రెన్హామ్ గుడారమునకు” వెళ్తారా?

నేను మీకు నా జవాబును ఇస్తాను. దేవుని ప్రవక్తయొక్క మాటలు వినుటకై ఆలయములోనికి వెళ్ళడానికి నేను వర్షములో, మంచులో లేదా తుఫానులోనైనా ఆ ద్వారమునొద్ద నిలబడియుంటాను. ఒకవేళ నేను అటువంటి ఒక సంఘమునకు వెళ్ళుచున్నట్లైతే, ఆ రాత్రే నేను సంఘము మారిపోతాను.

అయితే ఆ స్త్రీ, ఆ శక్తి కర్రలో ఉందో లేదో ఆమెకు తెలియదు, కానీ దేవుడు ఏలీయాలో ఉన్నాడని ఆమెకు తెలుసు. దేవుడు ఉన్నది అక్కడేయైయున్నది: ఆయనయొక్క ప్రవక్తలోనేయైయున్నది. ఆమె ఇట్లన్నది, “యెహోవా జీవము తోడు మరియు నీ జీవము తోడు, నేను నిన్ను విడువను.”

దేవుని స్వరము: దేవుడు ఏర్పాటుచేసిన ఒకే ఒక్క ఆరాధన స్థలము 65-1128M అనే వర్తమానమును అందించడాన్ని మేము వినుచుండగా, మీరు మాతో చేరి మరియు ఆదివారము జాఫర్సన్విల్ కాలమానం ప్రకారముగా మధ్యాహ్నం 12:00 గంటల సమయమప్పుడు, అనుసంధానములో ఉండే సహోదరుడు బ్రెన్హామ్ గారి సంఘములలో ఒకటైయుండటానికి నేను మిమ్మల్ని ఆహ్వానిస్తున్నాను.

సహోదరుడు. జోసఫ్ బ్రెన్హామ్