ప్రియమైన పరిపూర్ణమైన వధువా,

ప్రతీ క్రైస్తవుడు వధువైయుండాలని కోరుకుంటాడు, కానీ ఆయనయొక్క వధువు కేవలం ఎన్నుకోబడిన కొద్దిమంది మాత్రమేనని మనకు తెలుసు. ఆయన అనుమతిపూర్వకమైన చిత్తమును కలిగియుంటాడని మనకు తెలుసు, కానీ ఆయన వధువు ఆయనయొక్క పరిపూర్ణమైన చిత్తములో ఉండవలసియున్నది. కాబట్టి, మనము దేవుడిని ఆయనయొక్క వాక్యములో వెదకవలసియున్నాము, మరియు పిదప ఆయనయొక్క వధువుగా ఎలా అవుతాము అనేదాని విషయంలో ఆయనయొక్క పరిపూర్ణమైన చిత్తము ఏమిటన్నదానిని, ప్రత్యక్షత ద్వారా మనం తెలుసుకుంటాము.

మనము లేఖనములను పరిశోధించవలసియున్నాము, ఏలయనగా దేవుడు తన వాక్య విషయమై ఎన్నడూ తన మనస్సు మార్చుకోడని మనకు తెలుసు. దేవుడు తన ప్రణాళికను ఎన్నడూ మార్చడు. ఆయన దేనినీ ఎన్నడూ మార్చడు. ఆయన మొదటిసారి దానిని చేసిన విధానమే పరిపూర్ణమైనది. ఆయన నిన్న ఏమి చేశాడో దానినే ఆయన ఈ రోజు చేస్తాడు.

ప్రారంభమునుండి ఆయన ఒక మనిషిని ఏ విధంగా రక్షించాడో, ఆయన ఈనాడు ఒక మనిషిని అదే విధంగా రక్షించవలసియుంటుంది. ఆయన మొదటి మానవుడిని ఏ విధంగా స్వస్థపరిచాడో, ఆయన ఈనాడు దానిని ఆ విధంగానే చేయవలసియుంటుంది. దేవుడు ఆయనయొక్క వధువును పిలచి మరియు నడిపించడానికి ఏ విధానమును ఎన్నుకున్నాడో, ఆయన ఈ రోజు దానిని ఆ విధంగానే చేస్తాడు; ఏలయనగా ఆయన దేవుడైయున్నాడు మరియు ఆయన మారజాలడు. యేసుక్రీస్తు నిన్నా, నేడు మరియు నిరంతరము ఒక్కటేరీతిగా ఉన్నాడని వాక్యము మనకు చెప్తుంది.

కాబట్టి, మనము ఆయనయొక్క వాక్యమును చదివినప్పుడు, ప్రతి కాలములో ఆయనయొక్క వధువును పిలిచి మరియు నడిపించుటకు ఆయన ఏ విధానమును ఎన్నుకున్నాడనేది మనము స్పష్టముగా చూడగలము. ఆయన ఒక్క మనిషిని ఎన్నుకున్నాడు. వారి దినమునకు వారే వాక్యమైయున్నారని ఆయన చెప్పాడు. ఆయన ఒక గుంపు మనుష్యులను ఎన్నడూ కలిగియుండలేదని ప్రవక్త మనకు చెప్పాడు; వారు భిన్నమైన మార్గములను, భిన్నమైన ఆలోచనలను కలిగియుంటారని చెప్పాడు, మరియు మరీ ముఖ్యంగా, దేవుని వాక్యమునకు ఎటువంటి అనువాదము అవసరములేదని, ఆయన చెప్పాడు.

అందునుబట్టి, ప్రతి కాలములో ప్రతి ప్రవక్త పలికినదానికి ఏదియు కలుపబడరాదు మరియు దానినుండి ఏదియు తీసివేయబడరాదు. ఆయన పలికిన ప్రతీ మాట సరిగ్గా అలాగే ఉండవలసియున్నది. దేవుడు ఏర్పాటు చేసిన మార్గమేదని మీరు నన్ను అడిగితే అది చాలా సులభము....ప్రవక్తతో స్థిరముగా నిలిచియుండండి.

ఇప్పుడు, ప్రారంభమునుండి దేవుడు ఏర్పాటుచేసిన మార్గము సరిగ్గా ఏమైయున్నదో మనకు తెలియడం మాత్రమే కాదు గాని, దేవుడు ఆయనయొక్క ప్రణాళికను మార్చుకొనడని, మరొక్కసారి ఋజువుచేయడానికి, ప్రభువు ఆయనయొక్క దూత ద్వారా మాట్లాడి మరియు భవిష్యత్తులో ఆయన ఏమి చేస్తాడో కూడా మనకు చెప్తాడు.

ఆయనయొక్క వధువు (మనము) భూమిని విడిచిపెట్టి మరియు పెండ్లి విందుకు పిలువబడిన తర్వాత, దేవుడు ఆ 144,000 మందియైన ఎన్నుకోబడిన యూదులను ఎలా పిలువబోతున్నాడు? మనుష్యుల గుంపు ద్వారానా?

కావున వధువు సమకూర్చబడిన వెంటనే, మనం పైకి తీసుకొనిపోబడతాము. వధువును సమకూర్చగలిగేది ఒకేఒక్కటి ఉన్నదని మనకు తెలుసు, అది పరిశుద్ధాత్మయే, మరి పరిశుద్ధాత్మ ఆయనయొక్క వాక్యమైయున్నాడు, మరియు ఈ దినమునకైన ఆయనయొక్క వాక్యము దేవునియొక్క స్వరమైయున్నది, మరియు దేవునియొక్క స్వరము...

సరిగ్గా ఇక్కడే ఆపి మరియు నన్ను ఒక విషయమును చెప్పనివ్వండి, ఈ అంత్యకాల వర్తమానములో విశ్వాసులమని చెప్పుకునే నామకార్థ-విశ్వాసులు తమ సంఘకాపరితో, తమ సంఘములో ప్లే ను నొక్కమని లేదా వారు దేవునియొద్దనుండి నిజమైన ప్రత్యక్షతను కలిగియున్న ఒక సంఘకాపరిని ఎన్నుకోగలుగునట్లు అతణ్ణి విరమించుకోమని చెప్పడానికి, దేవునియొక్క నిర్ధారించబడిన దూత వర్తమానికుడినుండి వచ్చిన ఈ ఒక్క కొటేషను సరిపోతుంది.

కాబట్టి, బూర మ్రోగినప్పుడు ఆ ఇద్దరు ప్రవక్తలు ప్రత్యక్షమవుతారు ఏలాయనగా వారు వచ్చిన అదే సమయసములో ఆయన తనయొక్క ఏడవ దూత వర్తమానికుడిని మరియు తనయొక్క వధువును ఇక్కడ భూమిమీద కలిగియుండలేడు. కావున ఆయన యూదులను ఎలా పిలుస్తాడు? ఆయన తన అన్య వధువును పిలిచిన విధంగానే పిలుస్తాడు.

దేవుడు తన ప్రణాళికను మార్చడనేది, ఎంతో స్పష్టంగా ఉన్నది. ఆయన తన ప్రవక్తలను పంపాడు. తద్వారా, ఆయనయొక్క వధువు ఆయన ఏర్పాటుచేసిన మార్గముతో, అనగా ఆయనయొక్క దూతయైన ప్రవక్తతో, టేపులలో ఉన్న దేవునియొక్క స్వరములో నిలిచియుంటుంది.

పిదప దానిని స్పటికమంత తేటగా చేయడానికి, దేవుడు మరొకసారి మాట్లాడి మరియు తన వధువుతో ఇట్లు చెప్తాడు: నీవు నాకును మరియు నేను ఏర్పాటుచేసిన మార్గమునకును నమ్మకముగా ఉన్నావు, కావున నీ దినమునకై నేను ఏర్పాటుచేసిన మార్గము నీతో ఇట్లు చెప్తుంది:

ఆ స్వరము; ఆయనయొక్క ఏడవ దూత ద్వారా టేపులలో మాట్లాడుతున్న దేవునియొక్క స్వరము ఎంతో ప్రాముఖ్యమైనది. దేవుడు ఆ స్వరమును, ఆయనయొక్క ఏడవ దూత స్వరమును, ఉపయోగించబోతున్నాడు. ఒక గుంపును కాదు...నన్ను కాదు...మీ సంఘకాపరిని కాదు గాని...స్వయంగా తనకు, మన ప్రభువైన యేసుక్రీస్తుకు, మనల్ని పరిచయం చేయడానికి, ఆయనయొక్క ఏడవ దూత వర్తమానికుని స్వరమును ఉపయోగించబోతున్నాడు.

తద్వారా, మనకు ఇది తెలుస్తుంది:

• మనము ఆయనయొక్క వధువైయున్నాము.

• మనము ఆయనయొక్క పరిపూర్ణమైన చిత్తములో ఉన్నాము.

• ప్లే ను నొక్కడం ద్వారా మనము ఈ దినమునకై ఆయన ఏర్పాటుచేసిన మార్గమును వెంబడిస్తున్నాము.

ఈ ఆదివారము జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు వధువులోని ఒక భాగము కూడుకొని, మా సంఘకాపరియును, దేవునియొక్క దూత వర్తమానికుడునుయైన, విలియమ్ మారియన్ బ్రెన్హామ్ గారు చెప్పేది వింటూ ఉంటుంది, మరియు ఆయన మాట్లాడి మరియు ఏకముగా కూడుకొని మరియు దేవుని స్వరము నేరుగా మనతో మాట్లాడుటను వినుటకు మనము కలిగియున్న అవకాశమును జగత్తుపునాది మొదలుకొని వేరే ఏ సంఘము, వేరే ఏ మనుష్యుల గుంపు ఎన్నడూ కలిగిలేదని మనకు బయలుపరుస్తాడు.

మనము ఎంతగా ఆశీర్వదించబడిన ప్రజలము కదా. మనం ఎంతో సంతోషంగా ఉన్నాము. మనమెంతో కృతజ్ఞులమైయున్నాము. వధువు పెండ్లి కుమారునితో ఒక్కటగుచ్చున్నది.

సహోదరుడు. జోసఫ్ బ్రెన్హామ్

 

బూరల పండుగ 64-0719M.

వర్తమానము వినడానికి ముందు చదువవలసిన లేఖనములు:

లేవీయకాండము 16
లేవీయకాండము 23:23-27
యెషయా 18:1-3
యెషయా 27:12-13
ప్రకటన 10:1-7
ప్రకటన 9:13-14
ప్రకటన 17:8

 

 

ప్రియమైన వాక్య వధువా,

మనము గాఢాంధకారమైన ఘడియలలో జీవిస్తున్నాము, కానీ మనకు ఏ భయము లేదు, యజమానుడు వచ్చియున్నాడు. అంత్య దినములో ఆయన తన వాక్యమును నెరవేర్చడానికి వచ్చాడు. అప్పుడు ఆయన ఏమైయున్నాడో, ఈనాడు ఆయన అదేయైయున్నాడు. అప్పుడు ఆయనయొక్క ప్రత్యక్షపరచుకునే విషయం మరియు గుర్తింపు ఏమైయున్నదో, ఈనాడు అది అదేయైయున్నది. ఇంకనూ ఆయన దేవునియొక్క వాక్యమైయున్నాడు, ఆయనయొక్క బలమైన ఏడవ దూతలో మానవ చర్మములో తననుతాను ప్రత్యక్షపరచుకొనుచున్నాడు, మరియు మనము ఆయనయొక్క సజీవ వాక్య వధువైయున్నామని మనకు బయలుపరచినాడు.

వాగ్వివాదము పెట్టుకోవడాని లేదా తగువులాడటానికి మనకు సమయమే లేదు; మనము ఆ దినమును దాటియున్నాము; మనము ముందుకు సాగుతున్నాము, మనం అక్కడికి వెళ్ళవలసియున్నాము. పరిశుద్ధాత్మ మన మధ్యకు వచ్చాడు. ప్రభువైన యేసుక్రీస్తు ఆత్మ రూపములో తనయొక్క ప్రవక్తగుండా తననుతాను ప్రత్యక్షపరచుకొని మరియు ఆయనే ఆయనయొక్క వధువునకు దేవునియొక్క స్వరమైయున్నాడని బయలుపరచుకున్నాడు.

ఆయన వస్తాడని ఆయన చెప్పాడు. ఆయన దీనిని చేస్తాడని ఆయన చెప్పాడు. మొదటిసారి ఆయన శరీరములో వచ్చినప్పుడు ఆయన చేసినట్లే ఆయన అంత్య దినములలో రంగం మీదకు వచ్చి మరియు ఈ కార్యములను చేస్తాడని ఆయన చెప్పాడు, మరియు ఇదిగో ఆయన వాటిని చేస్తూ ఇక్కడ ఉన్నాడు. మీరు దేని గురించి భయపడుతున్నారు? దేని గురించి భయపడటంలేదు!!!

మనము మన మహిమకు వెళ్ళే దారిలో ఉన్నాము! ఏదియు మనల్ని ఆపబోవడంలేదు. దేవుడు తన వాక్యమును నిర్ధారించబోతున్నాడు. ఏమి జరుగుతుందో నేను లెక్కచేయను. ఇప్పుడు చర్య తీసుకోవాల్సిన సమయం ఆసన్నమైనది. నమ్మడానికైనా లేదా నమ్మకపోవడానికైనా సమయం ఆసన్నమైనది. ప్రతీ పురుషునికి మరియు ప్రతీ స్త్రీకి సంభవించే ఆ వేర్పాటు గీత వచ్చియున్నది.

మీరు ఒక ఉద్దేశము కొరకు జన్మించారు. వెలుగు మిమ్మల్ని తాకినప్పుడు, అది మీలోనుండి చీకటినంతటినీ బయటకు తీసివేసినది. టేపులలో ఆయనయొక్క స్వరము మీతో మాట్లాడుటను మీరు వినినప్పుడు, ఏదో జరిగినది. అది మీ అంతరాత్మతో మాట్లాడినది. అది ఇట్లు చెప్పినది, “యజమాని వచ్చాడు మరియు నిన్ను పిలుస్తున్నాడు. అలసిపోకు, భయపడకు, నేను నిన్ను పిలుస్తున్నాను. నీవు నా వధువైయున్నావు”.

ఓ, ప్రజలారా, నిశ్చయతను కలిగియుండండి! దాని విషయమై నిర్లక్ష్యంగా ఉండకండి. దేవుడు ఒక ప్రణాళికను కలిగియున్నాడు: ఆయన తన వాక్యమును టేపులలో రికార్డు చేశాడు. యజమానుడు వచ్చాడు మరియు నిన్ను పిలుస్తున్నాడు. దేవుడు ఏర్పాటుచేసిన మార్గములో రా.

యజమానుడు ఆయనయొక్క స్వరముతో మరొక్కసారి ప్రపంచవ్యాప్తంగా ఉన్న వధువును ఐక్యపరచబోతున్నాడు. ఆయన మనల్ని ప్రోత్సాహపరచి, మరలా నిశ్చయతను ఇచ్చి, స్వస్థపరచి, మనల్ని ఆయనయొక్క మహోన్నతమైన సన్నిధిలోనికి తీసుకొనివచ్చి మరియు ఇట్లు చెప్పబోతున్నాడు:

దేవుడు మరొక్కసారి తన పిల్లలను సమకూర్చి మరియు మన గృహములలోనికి, మన సంఘములలోనికి, మన కూడికలలోనికి ప్రవేశించి, మరియు మనల్ని పిలిచి మరియు “యజమానుడు వచ్చాడు మరియు పిలుస్తున్నాడు. మీకు ఏది అవసరమున్ననూ, అది మీదే” అని చెప్తుండగా, ఈ ఆదివారము వధువు ఆయనయొక్క పరిశుద్ధాత్మయొక్క కుమ్మరింపును ఎంతగా కలిగియుంటుందో.”

సహోదరులారా మరియు సహోదరీలారా, ఆ మాటలను మీ హృదయ లోతులోనికి వెళ్ళనివ్వండి. మనకు ఏది అవసరమున్నను, యజమానుడు వచ్చాడు మరియు దానిని మీకు ఇస్తాడు.

సహోదరుడు. జోసఫ్ బ్రెన్హామ్

 

వర్తమానము: 64-0213 అప్పుడు యేసు వచ్చి పిలిచెను
సమయం: 12:00 P.M. జఫర్సన్విల్ కాలమానం
లేఖనములు: పరిశుద్ధ. యోహాను 11:18-28

 

 

దేవునియొక్క ప్రియమైన మహోన్నత కళాఖండమా,

కాండము, పుప్పొడి, మరియు పొట్టులో ఉన్న అసలైన జీవమంతా, ఇప్పుడు దేవునియొక్క రాజసంతానమైయున్న మనలో, ఆయనయొక్క మహోన్నత కళాఖండములలో కూడివస్తున్నది, మరియు పునరుత్థానము కొరకు సిద్ధపరచబడుచున్నది, కోత కొరకు సిద్ధంగా ఉన్నది. అల్ఫా ఓమేగగా మారినది. మొదటివారు కడపటివారిగా మారినారు, మరియు ఇప్పుడు కడపటివారు మొదటివారైనారు. మనము ఒక ప్రక్రియలోనుండి వచ్చి మరియు ఆయనయొక్క మహోన్నత కళాఖండములుగా, ఆయనలోనుండి కొట్టబడిన ఒక భాగముగా మారినాము.

వధువు మరియు పెండ్లికుమారుడు ఒక్కటైయున్నారు!

ఆయనయొక్క మహోన్నత కళాఖండములైయున్న మనలో ప్రతీ ఒక్కరి గురించి, దేవుడు ఆయనయొక్క ప్రవక్తకు, ఒక దర్శనములో ముందస్తు ప్రదర్శనను చూపించాడు. ఆయన ప్రభువుతో కలిసి అక్కడ నిలబడి తన యెదుట వధువు నడిచి వెళ్ళడాన్ని చూస్తుండగా,

ఆయన మనలో ప్రతి ఒక్కరినీ చూశాడు. మనమందరము మన దృష్టిని సరిగ్గా ఆయన వైపే పెట్టియుంచాము. మనము ఆయన తన జీవితంలో ఎన్నడూ చూడనట్టి అత్యంత మాధుర్యముగా-కనిపించే ప్రజలుగా ఉన్నామని ఆయన చెప్పాడు. మనలో ఒక ప్రత్యేకమైన శోభ ఉన్నది. మనము ఆయనకు ఎంతో అందముగా కనిపించాము.

గుర్తుంచుకోండి, ఇది వధువును గూర్చిన దర్శనమైయున్నది; ఆమె చూడటానికి ఎలా ఉంటుంది, మరియు ఆమె సరిగ్గా ఏమి చేస్తున్నది అనే విషయమును మనకు చెప్పుచున్నది. జాగ్రత్తగా వినండి.

వధువు, నన్ను దానిని మరలా చెప్పనివ్వండి, ప్రతి దేశమునుండి వచ్చిన వధువు, వారి దృష్టిని వారి సంఘకాపరి మీద ఉంచారా, ఒక గుంపు మనుష్యుల మీద ఉంచారా….కాదు, ఆయన చెప్పింది అది కాదు. వారు తమ దృష్టిని ప్రవక్త మీద ఉంచారు, ఆయననే గమనిస్తూ ఉన్నారు.

వారు తమ దృష్టిని ప్రవక్త మీద ఉంచినంతసేపు, వారు సరిగ్గానే కావాతు చేస్తూ ఉన్నారు. అయితే పిదప ఆయన మనల్ని హెచ్చరిస్తాడు, ఏదో జరిగినది. కొందరు తమ దృష్టిని ఆయన మీదనుండి తొలగించి మరియు అగాధములోనికి వెళ్ళిన దేనినో చూడటం మొదలుపెట్టారు.

ఆయన ఆమెను గమనించవలసియున్నది, లేదా ఆమె వెళ్తుండగా ఆమె ఆ వరుసలోనుండి తొలగిపోతుంది. అయితే పిదప, అది నా సమయం ముగిసినప్పుడు, నా పని ముగిసినప్పుడు, నేను ఇక్కడ లేనప్పుడు, వారు ఆయన మీద తమ దృష్టిని ఉంచకపోవడంవలన వారు వరుసలోనుండి తొలగిపోవచ్చని ఆయన చెప్పాడు.

ఆయన స్పష్టంగా వధువును హెచ్చరిస్తున్నాడు, మీరు తప్పకుండా మీ దృష్టిని టేపులలో ఉన్న దేవునియొక్క స్వరము మీద ఉంచాలి. అదియే ఈ దినమునకు దేవుడు ఏర్పాటుచేసిన మార్గమైయున్నది. వధువును ఐక్యపరచి పరిపూర్ణము చేసేది ఆ స్వరమేయైయున్నది. మీరు మీ దృష్టిని మరియు మీ చెవులను ఆ స్వరము మీదనుండి మళ్ళిస్తే, మీరు వరుస తప్పి మరియు అగాధములోనికి వెళ్ళిపోతారు.

ప్రతీ వర్తమానము ఇంకా ఇంకా తేటగా మారుచున్నది. అది బలిష్ఠుడైన దేవుడు మనయెదుట ముసుగు తొలగించబడి, మనము మాత్రమే తినగల దాచబడిన మన్నాతో ఆయనయొక్క వధువును పోషించుటయైయున్నది. ఇతరులకు అది చాలా భారీ విషయముగా ఉంటుంది, కానీ వధువుకు అది దాచబడిన ఆహారమైయున్నది.

వాక్యముపై విందు చేసుకుంటూ, ఆయనయొక్క పరిపూర్ణ వాక్యపు మహోన్నత కళాఖండమైన వధువుగా మారుతూ, వధువు ఎటువంటి ఒక గొప్ప కృతజ్ఞతా సమయమును కలిగియుంటున్నది కదా.

ఈ ఆదివారము జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు, దేవుడు తన బలమైన దూతగుండా మాట్లాడి, మరియు మనము దేవుని కొరకైన మహోన్నత కళాఖండముగా మారడానికి మనల్ని చెక్కి మరియు సానబెడుతుండగా వచ్చి మాతో చేరండి.

సహోదరుడు. జోసఫ్ బ్రెన్హామ్

 

వర్తమానము: 64-0705 మహోన్నత కళాఖండము

 

కూడికకు ముందు చదువవలసిన లేఖనములు:

యెషయా 53:1-12
మలాకీ 3:6
పరిశుద్ధ. మత్తయి 24:24
పరిశుద్ధ. మార్కు 9:7
పరిశుద్ధ. యోహాను 12:24 / 14:19

 

 

ప్రియమైన బ్రెన్హామ్ గుడారమా,

మనము ఎటువంటి మహిమకరమైన సమయములను కలిగియుంటున్నాము కదా. వాక్యము మరియు వధువు ఒక్కటే. మనము తెర వెనుక షెకినా మహిమయొక్క సన్నిధిలో జీవిస్తున్నాము. దేవుడు తననుతాను ఆయనయొక్క ఏడవ దూత వర్తమానికునిలో చర్మము వెనుక మరుగుపరచుకోవడాన్ని మనము చూస్తున్నాము. దేవుడు తననుతాను, మరొకసారి, మనలో ప్రతీ ఒక్కరిలో చర్మము వెనుక మరుగుచేసుకొనుచున్నాడు. ఇక ఎటువంటి ప్రశ్న లేదు. ఇక ఎటువంటి సందేహము లేదు, మనము ఆయనయొక్క ఎన్నుకోబడిన, ముందుగా నిర్ణయించబడిన, శరీరధారియైన వాక్యమైయున్నాము, పరిపూర్ణ వాక్యవధువైయున్నాము.

ప్రపంచమంతటినుండి మనము ఐక్యమవుతుండగా, ఆయనయొక్క స్వరము మాట్లాడి మరియు ఆయనయొక్క వాక్యమును పూర్తిగా బయలుపరచడాన్ని, యేసుక్రీస్తు నిన్నా, నేడు మరియు నిరంతరము ఒక్కటేరీతిగా ఉన్నాడనే సంపూర్ణ ప్రత్యక్షతను మనకు బయలుపరచడాన్ని మనము వింటున్నాము. వాక్యము ప్రత్యక్ష్యపరచబడుట, ఎలోహిం, శరీరములో ఉన్న దేవుడు తన వధువుతో మాట్లాడుచున్నాడు. శరీరములో ఉన్న దేవుడు మనలో ప్రతీ ఒక్కరిలో జీవిస్తూ నివసిస్తున్నాడు. దేవునియొక్క చివరి ప్రణాళిక ఇప్పుడు మనలో ప్రతియొక్కరిలో ప్రత్యక్ష్యపరచబడి ప్రదర్శించబడుచున్నది.

మనము వింతవ్యక్తులమని మరియు వింత ఆకారములు గల వెఱ్ఱివారమని పిలువబడుచున్నందుకు ఎంతో సంతోషంగా ఉన్నాము మరియు ప్రభువునకు కృతజ్ఞత కలిగియున్నాము. అయితే మనము ఎవరికి బిగించబడియున్నామో, మరియు మనము ఎవరిమో మనకు తెలుసు: టేపులకు బిగించబడిన దేవునియొక్క వధువైయున్నాము; మరియు అది మనల్ని స్వయంగా ఆయన దగ్గరకు లాగుచున్నది, మనము ఆయనతో, అనగా నిన్నా, నేడు మరియు నిరంతరము ఒక్కటేరీతిగా ఉన్న యేసుక్రీస్తుతో ఒక్కటవుతుండగా, ఇంకా ఇంకా బిగుసుకొనిపోవుచున్నది.

మనము ఆ తెరగుండా చొచ్చుకొనిపోయి మరియు అగ్నిస్తంభములోనికి వెళ్ళాము మరియు దేవునియొక్క ఆశీర్వాదములతో బయటకు వచ్చాము! ప్రజలు దానిని చూడలేరు. వారు దానిని గ్రహించలేరు. కానీ మనకైతే, అది తేటగా కనబడుచున్నది, ఎందుకనగా మన సంగీత దర్శకుడు మరియు మన నిర్దేశకుడు ఏ ఆత్మలో ఉన్నాడో మనము అదే ఆత్మలో ఉన్నాము. ఆయనయొక్క వధువును నిర్దేశించుచున్నది టేపులలో ఉన్న దేవునియొక్క స్వరమైయున్నది.

మనము సముఖపు రొట్టెపై పోషించబడుచున్నాము, ప్రత్యేకపరచబడిన ప్రజల కొరకు మాత్రమే ఇవ్వబడిన మన్నాపై పోషించబడుచున్నాము. మనము తినగల ఒకేఒక్కటి అదేయైయున్నది. మనము దానిని తినుటకు మాత్రమే అనుమతించబడ్డాము. మరియు అది అనుమతించబడిన ప్రజల కొరకేయైయున్నది, ముందుగా నిర్ణయించబడి మరియు అది ఏమిటన్నది ఎరిగియున్నవారికేయైయున్నది.

మనము ఎవరమన్నది ఆయన మనతో చెప్పడాన్ని వినడం నాకెంతో ఇష్టం:

పరిశుద్ధాత్మ బాప్తిస్మముతో మనము తిరిగి అసలైన విత్తనమునకు చేరుకున్నాము. అవే సూచనలు, అవే అద్భుతాలు, అదే బాప్తిస్మము, అదే రకమైన ప్రజలు, అదే శక్తితో, అదే భావోద్రేకముతో, అదేవిధంగా ప్రవర్తించడం.

మనము ఆయనయొక్క పరిపూర్ణమైన, పూర్తిగా పునరుద్ధరించబడిన, వాక్యటేపు వధువైయున్నాము!

మనము జయించుచున్నాము. నిలకడగా నిలిచియుంటున్నాము. స్థిరంగా నిలబడుతున్నాము. ఆయనయొక్క వధువు కొరకు భద్రపరచబడిన ఆయనయొక్క స్వచ్ఛమైన వాక్యముపై పోషించబడుతూ ఉనికిని కలిగియుంటున్నాము. దినదినము అది మనల్ని పరిపూర్ణము చేస్తున్నది. మనము ఎవరమన్నది తెలుసుకోవడంతో మన విశ్వాసము నూతన ఎత్తులకు చేరుకుంది, మరియు అది:

నిరాకరించబడలేనిది, మారకము చేయబడలేనిది మరియు అన్నిటికి పైగా, అది షరతులు లేనిదైయున్నది.

మీరు ముందెన్నడూ లేనంత సంతోషంగా ఉండగోరుతున్నారా?
మీరు వినుచున్నది యెహోవా ఈలాగు సెలవిచ్చుచున్నాడు అయ్యున్నదని మీరు 1000% సంతృప్తి కలిగియుండగోరుతున్నారా?
మీరు దేవునియొక్క వాక్యముచేత పరిపూర్ణము చేయబడగోరుతున్నారా?

అలాగైతే, ఈ ఆదివారము జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు, మేము దేవునియొక్క స్వరము నిత్యజీవపు మాటలను మాతో మాట్లాడుటను వినుచుండగా, మీరు వచ్చి బ్రెన్హామ్ గుడారమైయున్న మాతో చేరవలెనని నేను మిమ్మల్ని ఆహ్వానిస్తున్నాను: బలిష్ఠుడైన దేవుడు మనయెదుట ముసుగు తొలగించబడెను 64-0629.

సహోదరుడు. జోసఫ్ బ్రెన్హామ్

 

 

ప్రియమైన దేవునియొక్క సజీవ వాక్యమా,

ఇది అనేకమంది ప్రజలకు కఠినముగా అనిపించబోతున్నదని నాకు తెలుసు, కానీ మీరు గనుక కొన్ని నిమిషాలు దేవునియొక్క వర్తమానికుడైన దూతను సహించి, మరియు అధికమైన ప్రత్యక్షత కొరకు దేవుడిని అడిగినట్లైతే, దేవుని సహాయముతో మరియు ఆయనయొక్క వాక్యముతో, మరియు ఆయనయొక్క వాక్య ప్రకారముగా, అతడు ఆయనను సరిగ్గా ఇక్కడ మీ యెదుటకు తీసుకొనివస్తాడని నేను నమ్ముతున్నాను. దేవుడు, తన వాక్యమును అనువదిస్తూ మరియు బయలుపరుస్తూ, ముసుగు తొలగించుకుంటూ మరియు తననుతాను ప్రత్యక్షపరచుకొనుచున్నాడు.

గడిచిన ఈ నెలలో యేసుక్రీస్తు యొక్క వధువులో ఎటువంటి ఒక ఉజ్జీవము చోటుచేసుకుంటున్నదో. దేవుడు, ముందెన్నడూ లేనివిధంగా తనకుతాను ముసుగు తొలగించుకుంటున్నాడు, తన ప్రియురాలితో మాట్లాడుచున్నాడు, ఆమెతో ప్రేమ వ్యవహారము జరిగించుచున్నాడు, ఆమెకు మరలా నిశ్చయతను ఇస్తున్నాడు, మనము ఆయనతో ఒక్కటైయున్నాము.

ఎటువంటి సంకోచము లేదు, ఎటువంటి అనిశ్చయత లేదు, ఎటువంటి అనుమానము లేదు, కనీసం ఒక్క సందేహపు ఛాయయైనా లేదు; దేవుడు మనకు దీనిని బయలుపరిచాడు: టేపులలో మాట్లాడుచున్న దేవునియొక్క స్వరమే ఈ రోజు ఆయనయొక్క వధువు కొరకై దేవుడు ఏర్పాటుచేసిన పరిపూర్ణమైన మార్గమైయున్నది.

మనము ఎన్నడూ దానిని వడకట్టి, స్పష్టము చేసి, వివరించి, లేదా ఏ విధంగానైనా మానవ సవరణలు చేయాల్సిన అవసరము లేకుండా ఆయన ఈ మార్గమును ఏర్పాటుచేశాడు; కేవలం దేవునియొక్క స్వచ్ఛమైన స్వరము నేరుగా మనలో ప్రతి ఒక్కరితో మాట్లాడటాన్ని వినండి.

ఈ దినము వచ్చుచున్నదని ఆయన ఎరిగియున్నాడు. ఆయనయొక్క వధువు ఆ దాచబడిన మన్నాను, ఆయనయొక్క గొర్రెల ఆహారమును మాత్రమే తినగలుగుతుందని ఆయనకు తెలుసు. స్వయంగా దేవునియొద్ద నుండి వస్తున్న దేవుని స్వరమును తప్ప మనం మరిదేనినీ వినగోరము.

మనము ఆ తెరగుండా షెకినా మహిమలోనికి చొచ్చుకొని వెళ్ళాము. లోకము దానిని చూడలేదు. మన ప్రవక్త తన పదములను సరిగ్గా ఉచ్ఛరించకపోవచ్చును. ఆయన సరిగ్గా వస్త్రధారణ చేసుకోకపోవచ్చును. ఆయన యాజక వస్త్రములను ధరించకపోవచ్చును. కానీ ఆ మానవ చర్మము వెనుక, ఆ లోపల షెకినా మహిమ ఉన్నది. ఆ లోపల శక్తి ఉన్నది. ఆ లోపల వాక్యము ఉన్నది. ఆ లోపల సముఖపు రొట్టె ఉన్నది. ఆ లోపల షెకినా మహిమ ఉన్నది, మరదే వధువును పరిపక్వము చేసే వెలుగైయున్నది.

మనము లోకమునకు వింత వ్యక్తులమైయున్నాము, కానీ మనము మన బోల్టు ఎవరన్నది ఎరుగుటనుబట్టి సంతృప్తి చెందియున్నాము మరియు ఆయనయొక్క టేపు నట్టులమైయున్నందుకు అతిశయపడుచున్నాము, ఆయనయొక్క వాక్యము మనల్ని ఆయనయొద్దకు లాగుచుండగా, దానికి బిగించబడియున్నాము.

మీరు టేపులకు బిగించబడియుండకపోతే, మీరొక వ్యర్థమైన గుంపు తప్ప మరేమియు కాదు!!!

దేవుడు, ఒక దినమందు సముద్రవత్సల తోళ్ళలో ముసుగు ధరించాడు. దేవుడు, ఒక దినమందు మెల్కీసెదెకు అని పిలువబడిన మానవ చర్మములో ముసుగు ధరించాడు. దేవుడు, యేసు అని పిలువబడిన మానవ చర్మములో ముసుగు ధరించాడు. దేవుడు, విలయమ్ మారియన్ బ్రెన్హామ్ అని పిలువబడిన మానవ చర్మములో ముసుగు ధరించాడు. దేవుడు, ఆయనయొక్క వధువు అని పిలువబడే మానవ చర్మములో ముసుగు ధరించాడు.

దీనిని గుర్తుంచుకోవడం ఎంతో ముఖ్యమైయున్నది, కానీ అనేకులు అలా చేయడంలో విఫలమై మరిదేనికొరకో ఎదురుచూస్తున్నారు. అబ్రాహాము చూసిన చివరి సంగతి, అగ్నికురిసి అన్యప్రపంచమునకు తీర్పుతీర్చడానికిముందు, వాగ్దాన కుమారుడు రంగం మీదకు రావడానికిముందు జరుగనైయున్న చివరి సంగతి, యేసుక్రీస్తు ప్రత్యక్షపరచబడేవరకు క్రైస్తవ సంఘము చూసే ఆఖరి సంగతి మెల్కీసెదెకుయైయున్నాడు, దేవుడు శరీరములో ప్రత్యక్షపరచబడి, తన వధువుకు తన వాక్యమును బయలుపరచుటయైయున్నది.

ఇంకా రావడానికి ఏమియు లేదు. ఆయనయొక్క వాక్యములో ఇంకేదియు వాగ్దానము చేయబడలేదు. వధువును పరిపూర్ణము చేయడానికి రావలసిన ఏ వ్యక్తియైనను, లేదా మనుష్యుల గుంపైనను లేదు.

ఈ వర్తమానము, ఈ స్వరము, దేవునియొక్క నిర్ధారించబడిన వాక్యము, యేసుక్రీస్తుయొక్క వధువును పరిపూర్ణము చేస్తున్నది.

ఈ ఆదివారము జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు, మేము: 64-0617 "అన్ని కాలములలో గుర్తించబడిన క్రీస్తు" అను వర్తమానమును వినుచుండగా దేవునియొక్క స్వరము తన వధువును పరిపూర్ణము చేస్తుండగా వచ్చి మాతో కలిసి దానిని వినడానికి మీలో ప్రతియొక్కరినీ నేను ఆహ్వానిస్తున్నాను.

సహోదరుడు. జోసఫ్ బ్రెన్హామ్

 

వర్తమానమునకు ముందు చదువవలసిన లేఖనములు:

ద్వితియోపదేశకాండము 18:15
జెకర్యా 14:6
మలాకీ 3: 1-6
పరిశుద్ధ. లూకా 17: 28-30
పరిశుద్ధ. యోహాను 1:1 / 4:1-30 / 8: 57-58 / 10:32-39
హెబ్రీ 1:1 / 4:12 / 13:8
ప్రకటన 22:19