ప్రియమైన శక్తికేంద్రమా,

దేవుడు ఆయనయొక్క కుమారుడైన యేసులో, భూమి మీదకు వచ్చినప్పుడు చేసినట్లే, తననుతాను శరీరములో ప్రత్యక్షపరచుకొనునట్లు ఈ అంత్యదినములలో ఒక మార్గదర్శకుడిని పంపిస్తాడని వాగ్దానము చేశాడు. తననుతాను మానవ శరీరములో ప్రత్యక్షపరచుకుంటున్న మనుష్యకుమారుడైయుండునట్టి, ప్రవక్తయైన ఏలీయాను ఆయన పంపిస్తాడని ఆయనయొక్క వాక్యములో ఆయన మనకు చెప్పాడు; ఏలయనగా ఆయన మనకు చెప్పవలసిన సంగతులు మరియు బోధించవలసిన ఇంకా సంగతులు అనేకమైనవి ఉన్నాయి.

ఆయనయొక్క వాక్యమును నెరవేర్చడానికి మరియు మనల్ని వ్యక్తులుగా యేసుక్రీస్తుయొక్క స్వరూపముగా ఉండునట్లు; ప్రతీ శత్రువును ఓడించే ఒక పరిపూర్ణమైన మానవుడిగా ఉండునట్లు, మరియు పరిశుద్ధాత్మ జీవించడానికి ఒక శక్తికేంద్రముగా ఉండునట్లు నిర్మించడానికి ఆయన విలియమ్ మారియన్ బ్రెన్హామ్ ను పంపించాడు.

దేవుడు తన ప్రజలకు ఎల్లప్పుడూ ఒక మార్గదర్శిని పంపడంలో ఎన్నడూ విఫలమవ్వలేదు. కానీ ఆయనయొక్క వధువుగా ఉండుటకు, మీరు ఆ మార్గదర్శిని అంగీకరించవలసియున్నారు. మీరు దానిని నమ్మవలసియున్నారు. ఆయన చెప్పిన మార్గములో మీరు వెళ్ళవలసియున్నారు లేదంటే మీరు తప్పిపోబోతున్నారు. మనము ఏమి ఆలోచించినా, ఏది ఎంత సమంజసముగా కనిపించినా, లేదా ఏది ఎంత విడ్డూరంగా అనిపించినా లెక్కలేదు, దానిని విశ్లేషించి తీర్పుతీర్చడం మన బాధ్యత కాదు, మార్గదర్శి మాత్రమే దానిని చేయవలసియున్నాడు.

సహోదరుడా జోసఫ్, మాకు మార్గదర్శకత్వము చేయాల్సినది పరిశుద్ధాత్మయైయున్నాడు, బ్రెన్హామ్ సహోదరుడు కాదు, అని మీరంటారు. ఆయన పలికిన మాటలు పరిశుద్ధాత్మయే గాని బ్రెన్హామ్ సహోదరుడు కాదు; అయితే ఆయనలో పరిశుద్ధాత్మను ప్రత్యక్షపరచి, మరియు మన భూలోకపు మార్గదర్శిగా ఉండటానికి దేవునిచేత ఎన్నుకోబడినది ఆయనేయైయున్నాడు.

ఇక్కడ భూమి మీద ఆయనకు ప్రాతినిథ్యం వహిస్తున్న ఆ భూలోకపు మార్గదర్శి ఎవరో మనము గుర్తించాలి; అక్కడే ఆయన వాక్యముయొక్క నిజమైన ప్రత్యక్షత ఉంటుంది.

ఆయనయొక్క వధువును నడిపించడానికి తండ్రి పంపినట్టి ప్రధాన మార్గదర్శకుడు పరిశుద్ధాత్మయే అని మనకు తెలుసు, కానీ స్వయంగా తనకు ప్రాతినిధ్యం వహించి మరియు తన వధువును నడిపించడానికి మార్గదర్శిగా ఉండుటకు ఆయన ఎల్లప్పుడూ ఒక మానవుడిని పంపిస్తాడని దేవుడు చెప్పాడు.

కొర్నేలీ సంఘములను నిర్మించినటువంటి ఒక గొప్ప గౌరవప్రదమైన వ్యక్తి అని మన మార్గదర్శి మనకు చెప్పాడు. అతడు ధర్మకార్యములను చేశాడు మరియు అనుదినము ప్రార్థించాడు. కానీ పరిశుద్ధాత్మ వచ్చినప్పుడు మాత్రం, అతనికి ఒక మార్గదర్శి అవసరమయ్యాడు.

పేతురు ఇంక మాట్లాడుచుండగా, పరిశుద్ధాత్మ వారి మీదికి దిగెను. పేతురు ఇట్లన్నాడు,

మనము ఒక మనుష్యునిచేత నడిపించబడటంలేదు; మనము, మన భూలోకపు మార్గదర్శిగా ఉండటానికి దేవుడు ఎన్నుకున్నటువంటి వ్యక్తిలోనుండి మాట్లాడుతున్న పరిశుద్ధాత్మచేత నడిపించబడుతున్నాము.

ఆయనయొక్క దూత మార్గదర్శిలోనుండి మాట్లాడుతున్న పరిశుద్ధాత్మ ఎల్లప్పుడూ వాక్యమునే పలుకుతాడు. ఆయన మనతో ఇట్లు చెప్పాడు, “నేను మీతో చెప్పవలసినవి ఇనకను అనేక సంగతులు కలవు. ఇప్పుడు మీరు వాటిని గ్రహింపలేరు, అయితే ఆయన వచ్చినప్పుడు, ఆయన మిమ్మల్ని వాటియొద్దకు నడిపిస్తాడు.”

యోహాను ప్రకటన గ్రంథము వ్రాసినప్పుడు అతడు నడిపించబడ్డాడు. అతడు మార్గదర్శిచేత నడిపించబడ్డాడు. “దీని నుండి ఒక్క మాటను తీసివేసినా, లేదా దీనికి ఒక్క మాటను కలిపినా, జీవగ్రంథములోనుండి అతని పాలు తీసివేయబడును,” అని చెప్పడానికి కూడా అతడు నడిపించబడ్డాడు.

మనము టేపులలో ఉన్నదానిని మాత్రమే చెప్పాలని; దానికి దేనిని కలపకూడదని లేదా దానినుండి దేనిని తీసివేయకూడదని చెప్పునట్లు సహోదరుడు బ్రెన్హామ్ గారిని కూడా పరిశుద్ధాత్మ నడిపించాడు. మరియు మనము ఏమి చేయాలని ఆయన మనకు సూచన ఇచ్చాడో దానిని చేయగలుగునట్లు ఆయన మనకు ఒక మార్గమును ఏర్పాటుచేశాడు, ప్లే ను నొక్కడమే.

మనము పరిశుద్ధాత్మచేత నడిపించబడుతున్నాము, ఆయన ఎవరు, ఆయనయొక్క వధువును బయటకు పిలువడానికి ఆయనయొక్క భూలోకపు మార్గదర్శిగా ఆయన ఎవరిని పంపించాడు అనే ప్రత్యక్షతను, మరియు ఇప్పుడు ఆ తలరాయి గురించి: మనము ఎవరము అనే ప్రత్యక్షతను ఆయన మనకు ఇచ్చాడు. వ్యక్తపరచడానికి అది మానవ పదములకు మించిన విషయమైయున్నది.

కేవలం ఈ చివరి కొన్ని వారములలోనే, ఆయన మన కొరకు ఏమి చేశాడో చూడండి. మన యెదుటకు వచ్చే ప్రతీ శత్రువును ఎలా ఓడించాలో ఆయన మనకు నేర్పించాడు; ఏ విధంగా మన విశ్వాసపు ఖడ్గమును తీసి మరియు ఏ విధంగా వాడిని మరణదెబ్బ కొట్టాలో నేర్పించాడు. మనము దేనికి భయపడాల్సిన అవసరము లేదు. మన యెదుట ఏదీ నిలబడజాలదు.

ఆయనయొక్క వధువు తినడం కొరకు ఆయన ఆహారమును ఎలా భద్రపరిచాడు కదా. ఆయనయొక్క వర్తమానికుడు ఎంతో దూరములో ఉన్నాగాని, మనమింకను లోకమునకు ఏమియు తెలియనటువంటి ఒక మార్గదర్శిని కలిగియున్నాము; అయితే ఆయనయొక్క వధువుకు మాత్రం అది ఋతువునకు తగిన ఆత్మీయ ఆహారమైయున్నది, మనము అనుదినము విందారగిస్తున్న దాచబడిన మన్నాయైయున్నది.

ఆయన మనలో ప్రతియొక్కరిలో జీవించి నివసించునట్లు ఆయన మనల్ని పరిపూర్ణ మానవుని స్వరూపములుగా నిర్మించాడు. ఆయన 2000 సంవత్సరాల క్రితం చేసినట్లే, ఆయనయొక్క భూలోకపు మార్గదర్శిలో జీవిస్తూ మరియు ఆయనలోనుండి మాట్లాడుతూ, మనకు మార్గదర్శిగా ఉండటానికి, ఆయన మనకు తన పరిశుద్ధాత్మను పంపించి మరియు తననుతాను శరీరములో ప్రత్యక్షపరచుకున్నాడు.

మీరు వచ్చి మరియు ఆయనయొక్క “హాంక్-హాంక్, హాంక్-హాంక్!” ను వినాలని నేను మీలో ప్రతియొక్కరిని ఆహ్వానిస్తున్నాను, మరి ఆయనయొక్క వధువు నేరుగా ఆ హాంక్ వద్దకు వస్తుంది. ఆయన, “హాంక్-హాంక్, హాంక్-హాంక్!” అని అంటాడు మరియు ప్రపంచమంతటా ఒక మహా జూబిలీ ఉంటుంది. ఎందుకు? వధువు తమ మార్గదర్శియొక్క స్వరమును ఎరుగును.

మీరు తప్పిపోకూడదు అనుకుంటే, ఈ ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు ఆయనయొక్క నియమించబడిన భూలోకపు మార్గదర్శి ద్వారా మన మార్గదర్శి మాట్లాడుతుండగా వచ్చి వినండి.

సహోదరుడు. జోసఫ్ బ్రెన్హామ్

 

వర్తమానము:

62-1014E — ఒక మార్గదర్శి

 

లేఖనములు:

పరిశుద్ధ. మార్కు 16:15-18
పరిశుద్ధ. యోహాను 1:1 / 16:7-15
అపొస్తలుల కార్యములు 2:38
ఎఫెసీ 4:11-13 / 4:30
హెబ్రీ 4:12
2 పేతురు 1:21
నిర్గమకాండము 13:21

 

 

ప్రియమైన పరిపూర్ణ మానవుని స్వరూపమా,

మనము ఎటువంటి ఒక తర్ఫీదు పొందుతూ ఉన్నాము కదా. దేవుని స్వరము మాట్లాడుతూ, శత్రువును సరిగ్గా ఎలా ఓడించాలన్నది, వాక్యము వెంబడి వాక్యముగా మనకు తర్ఫీదునిస్తూ ఉన్నది. మనము వాక్యమైయున్నాము అని ఆయన మనకు బయలుపరచి మరియు మన హృదయములో లంగరువేశాడు. తద్వారా, మనము ఓడించబడజాలము.

శత్రువు మన వెంబడిపడినప్పుడు, మనము కేవలం మనలో జీవిస్తూ మరియు మనలో నివసిస్తున్నట్టి, పలుకబడిన దేవుని వాక్యము అనే మన అణుబాంబుతో, వాడిని కొడతాము మరియు మరలా కొడతాము మరియు మరలా కొడతాము.

నిజంగా, పోరాటము తీవ్రంగా సాగుతున్నది, కానీ ఇప్పుడు మనకు ఇక ఎటువంటి భయమూ లేదు; ఇక ఎటువంటి చింతలు లేవు. మనము మన స్వంత బుద్ధికి చెవియొగ్గడంలేదు. మనము మన జ్ఞాపకముకు చెవియొగ్గడంలేదు. మనము మన యిచ్ఛలకు చెవియొగ్గడంలేదు. మనము వీటికి మన మనస్సులను మూసివేసి మరియు మన హృదయములోను అంతరంగములోను ఆయన వాక్యముయొక్క ఆత్మను స్థిరపరచుకున్నాము. ఆయనయొక్క వాక్యమునకు వ్యతిరేకమైన ప్రతిదానిని మనము బయటకు ఎగురగొట్టాము.

ప్రతీ సందేహము తొలగిపోయినది. ప్రతీ భయము వెడలిపోయినది. ప్రతీ సందేహపు స్పర్శ తొలగిపోయినది. ప్రతీ అనుభూతి తొలగిపోయినది. దేవుని వాక్యము మనలో జీవిస్తూ మరియు నివసిస్తూ ఉండటం తప్ప అక్కడ మరేమియు లేదు, మరియు సాతానుడు దానికి వ్యతిరేకముగా పోరాడలేడు.

మనము సజీవ దేవునియొక్క సజీవ ఆలయముగా మారుతున్నాము. దేవుడే మనలో నివసిస్తూ, మనల్ని స్వయంగా ఆయనవలె ఉండునట్లు చేస్తూ, మనలో ఆయనయొక్క ఉనికిని ప్రతిబింబిస్తున్నాడు.

మనము క్రీస్తుయొక్క పరిచర్యను కొనసాగిస్తూ, ఆయన స్థానమును తీసుకుంటున్నాము. ఆయన మనలో తననుతాను ప్రతిబింబించుకొనుచుండగా ఆయన ఒక మానవుని రూపములో నివసిస్తున్నాడు. ఇప్పుడు మనము ఆయనతో పరిపూర్ణ ఆరాధనను కలిగియుంటున్నాము! మనము ఆయనయొక్క ఆలయమైయుండగా, అది దేవుడు తననుతానే మనలో ప్రత్యక్షపరచుకోవడమైయున్నది.

ఈ కార్యములను నమ్మడానికి మన కదల్చబడని పునాది ఏమిటి? విశ్వాసము. మరియు మన విశ్వాసమునకు ఏమీ అవసరములేదు; ఏలయనగా మన విశ్వాసము దేవుని వాక్యమును నమ్ముతుంది. ఏలయనగా వినుటవలన, మరియు దేవుని వాక్యమును వినుటవలన విశ్వాసము కలుగుతుంది, మరియు దేవుని వాక్యము ప్రవక్త యొద్దకు మాత్రమే వస్తుంది, మరియు ప్లే ను నొక్కడం ద్వారా మాత్రమే ప్రవక్త మాటలను వినగలుగుతారు…ఫట్!!

ఆయన స్వరమును వినడం ద్వారా, మనము ఖాళీ చేయబడి ఆయనయొక్క శక్తితో నింపబడి మరియు మన స్వంత ఆలోచనకు మృతులమవుతున్నాము. మన విశ్వాసము అసలైన విశ్వాసముగా మారినది, మరియు మనము ఖాళీ చేయబడి ఆయనయొక్క జీవముతో నింపబడ్డాము. మనము దేవునియొక్క జీవించు ప్రాణులమయ్యాము, పరిశుద్ధాత్మ మన ద్వారా తన తేజోమయమైన ఆశీర్వాదములను క్రిందకు పంపడానికి మనము ఒక నివాసస్థలముగా మారినాము.

టేపులలో ఉన్న ఆ స్వరము ఏమి చేస్తున్నది?

ఆయనయొక్క స్వరమును వినడం ద్వారా, మరియు ఆయనయొక్క వాక్యమును నమ్మి మరియు దానిని వెంబడించడం ద్వారా, అది మనల్ని యేసుక్రీస్తుయొక్క స్వరూపములుగా మారునట్లు నిర్మించినది; ఆయనయొక్క ఆత్మకు ఒక నివాసస్థలముగా నిర్మించినది. మనము సజీవమైన సద్గుణము, సజీవమైన జ్ఞానము, సజీవమైన సహనము, సజీవమైన దైవత్వము, ఒక సజీవమైన శక్తియునైయున్నాము, అది సజీవ దేవునినుండి వచ్చుచున్నది, అది మనల్ని, దేవుని స్వరూపములో జీవిస్తున్న ఒక సజీవ వ్యక్తిగా, ఒక సజీవ రూపముగా చేస్తుంది.

మహిమ…!!! కాబట్టి, మనము ఒక డేరాలో నివసిస్తున్నామా లేదా ఒక కుటీరములో నివసిస్తున్నామా, బ్రతుకుతామా లేదా చస్తామా, మునిగిపోతామా లేదా తేలుతామా అన్నది మనము లెక్కచేయము. ఈ ఒక్కదానిలో మాత్రమే, ఈ వర్తమానము, ఈ స్వరము, దేవునియొక్క వాక్యములో మాత్రమే మనము ఆసక్తి కలిగియున్నాము. అది దేవుని రాజ్యమైయున్నది. అది ఈ దినము కొరకు దేవుడు ఏర్పాటుచేసిన మార్గమైయున్నది. అది ఒక పరిపూర్ణ మానవుని స్వరూపమును నిర్మిస్తున్నది, అది మనమేయైయున్నాము!

మనము కూడివచ్చి, మరియు దేవునియొక్క ప-రి-పూ-ర్ణ-మై-న కుమారులుగా మరియు కుమార్తెలుగా మారడానికి మనము ఏమి చేయాలి, మరియు మనము ఎలా జీవించాలి అని మన శిక్షకుడు మనకు సూచనలిస్తుండగా మన జీవితాలను సరిచూసుకుందాము.

ఆయన కోరినవాటిలో ప్రతియొక్కటి మన రూపములో ప్రవహిస్తున్నదని మనకు అనిపించేవరకు, ఆయనయొక్క సహాయము ద్వారా మరియు ఆయనయొక్క కృప దారా, మనము అనుదినము ఎడతెగక ప్రార్థిస్తూ ఆయనను వెదకుతామని మనము ప్రభువుకు ప్రమాణము చేద్దాము. మనము సజీవ క్రీస్తుయొక్క కార్యరూపణగా మారేవరకు మనము అక్కడే నిలిచియుందాము.

ప్రతి వారము ప్రభువు ఏమి చేయబోతున్నాడు మరియు మనకు ఏమి బయలుపరచబోతున్నాడు అనే ఉత్సాహమును మరియు ఎదురుచూపును మాటలలో వ్యక్తపరచడం అసాధ్యము. దేవుని స్వరముయొక్క సన్నిధిలో కూర్చొని మరియు ఆయనయొక్క పరిపూర్ణ వాక్య వధువుయొక్క పరిపూర్ణ స్వరూపముగా మారడంకంటే గొప్ప విషయము, లేదా అంతకంటే పరిపూర్ణమైన విషయము మరొకటి లేనందున, ప్రపంచము మనతో చేరాలని నేను ఎంతగానో కోరుతున్నాను.

సహోదరుడు. జోసఫ్ బ్రెన్హామ్

 

వర్తమానము: ఒక పరిపూర్ణ మానవుని స్వరూపము 62-1014M

సమయము: జఫర్సన్విల్, ఇండియానా కాలమానం ప్రకారంగా, మధ్యాహ్నం 12:00 గంటలకు

లేఖనములు:
పరిశుద్ధ. మత్తయి 5:48
పరిశుద్ధ. లూకా 6:19
పరిశుద్ధ. యోహాను 1:1 / 3:3 / 3:16 / 5:14 / 14:12
అపొస్తలుల కార్యములు 2:38 / 7:44–49 / 10వ అధ్యాయము / 19:11 / 28:19
ఎఫెసీ 4:11-13
కొలస్సీ 3వ అధ్యాయము
హెబ్రీ 10:5 / 11:1 / 11:32-40
యాకోబు 5:14
2 పరిశుద్ధ. పేతురు 1:1-7
యెషయా 28:19

 

 

ప్రియమైన మీకాయాలారా,

ఇప్పటివరకు ఎన్నడూ జరగని అతి గొప్ప పోరాటం ఇప్పుడు కార్యరంగంలోకి దిగడానికి సిద్ధంగా ఉంది. దేవుడు ఆరు వేల సంవత్సరాలకు పైగా తన శ్రేష్ఠమైన సైనికులను ఎంపిక చేస్తూ వచ్చాడు, మరియు ఆయనయొక్క గొప్ప సైన్యంలో ఉండటానికి మీరు ముందుగా నిర్ణయించబడి మరియు ఎన్నుకోబడియున్నారు.

ఆయన మీకు ఆయుధ కవచాన్ని ధరింపజేస్తూ, మరియు మీకు తర్ఫీదును ఇస్తూ ఉన్నాడు, మరి ఇప్పుడు యుద్ధరంగం సిద్ధంగా ఉన్నది, యుద్ధం మొదలవ్వడానికి సమాయత్తమవుతుంది. ఆయన తన మహా సైన్యంలో ఉండటానికి మిమ్మల్ని ఎన్నుకోవడం మాత్రమే కాదు గానీ, తన సైన్యంలో ఒక ప్రవక్తయైన మీకాయావలె ఉండటానికి కూడా ఆయన మిమ్మల్ని ఎంపిక చేశాడు.

సమయం వచ్చియున్నది, ఆ దినము వచ్చియున్నది; మీరు ప్రతీ శత్రువును ఓడించడానికి నేరుగా అగ్నిస్తంభము నుండే తర్ఫీదును పొందుకోబోతున్నారు. ప్రతీ దుష్టాత్మను నాశనం చేయడానికి ఏమి చేయాలి అనేదాని గురించి, మీరు వాక్యము వెంబడి వాక్యముతో, ప్రత్యేకమైన సూచనలను పొందుకోబోతున్నారు. అది మీ ముందుకు వచ్చే ప్రతీ వ్యాధిని మరియు ప్రతీ దయ్యమును ఊడ్చిపారేస్తుంది. ఏదియు మీ మార్గంలో నిలబడలేదు.

ఈ ప్రత్యేకమైన తర్ఫీదు తర్వాత, మీరు ఆయన వాక్యముతో ఎంతగా బలపరచబడతారంటే మీరు ప్రతీ దుష్టత్వమును వెళ్ళగొడతారు. తర్కవితర్కములను పడద్రోస్తారు. మూఢనమ్మకాలను పడద్రోస్తారు. విచారములను పడద్రోస్తారు. వ్యాధులను పడద్రోస్తారు. పాపమును పడద్రోస్తారు. మీరు దానికంటే ఉన్నతమైన స్థితిలో ఉన్నారని, క్రీస్తుయేసులో పునరుత్థానమయ్యారని, పరలోక స్థలములలో కూర్చున్నారని, ప్రతీ దయ్యము మీ పాదాల క్రింద ఉంచబడిందని మీరు గ్రహిస్తారు. మీరే వాక్యమైయున్నారని మీరు పూర్తిగా గ్రహిస్తారు మరియు నమ్ముతారు.

మీరు దేనిని గమనించుకోవాలని ఆయన మీకు శిక్షణ ఇస్తాడు. మీ ఆయుధము తగినంత బలమైనది కాదని మీ శత్రువు మిమ్మల్ని నమ్మించగలిగితే, వాడు మిమ్మల్ని నిరాయుధులుగా చేస్తాడని, ఆయన మీకు సూచనలు ఇస్తాడు.

అయితే సైనికులారా, మనము మన తర్ఫీదును గుర్తుంచుకుని, మరియు ఆ దయ్యముతో ఇట్లు చెప్తాము: అది మేము కాదు, మేము ఏమియు కాదు. మా ఆయుధము దేవుని వాక్యమైయున్నది మరియు అది ఏ సమయములోనైనా, ఏ స్థలములోనైనా, ప్రతీ దయ్యమును ఓడిస్తుంది, ఎందుకంటే అది ఆయనయొక్క వాక్యమైయున్నది, మరియు ఆయన మాకు తర్ఫీదునిచ్చి మరియు మేము ఇప్పుడు శరీరధారియైన ఆయనయొక్క వాక్యమైయున్నామని మాకు బయలుపరిచాడు. అందునుబట్టి, మేము ఓడించబడజాలము, మేము దేవునియొక్క విఫలమవ్వజాలని సైన్యమైయున్నాము.

ప్రపంచ చరిత్రలోనే అత్యంత గొప్ప దినములలో ఒకటి ఈ ఆదివారం జరగబోతోంది. ఎక్కడైతే మనము ఒక్క సందేహపు ఛాయయైనా లేకుండా, ఏకమనస్సుతో ఒక్కటిగా సమకూర్చబడతామో, అట్టి గొప్ప సైన్యాధ్యక్షుని స్వరము క్రింద ప్రపంచమంతటి నుండి ఆయనయొక్క మీకాయాలు ఏకముగా కూడుకొనియుంటారు.

అప్పుడు, మనం కేవలం నమ్మినట్లైతే, మరి మనము నమ్ముతున్నాము, ప్రపంచమంతటా ఒక్క బలహీనమైన వ్యక్తి కూడా ఉండడు. ఆ ఒక్క విషయాన్ని మనం సరిగ్గా స్థిరపరచగలిగితే, పరిశుద్ధాత్మను కోరుకునే ఎవ్వరైనా దానిని పొందుకోకుండా ఉండరు, మరియు మనము గనుక మన స్థానాలలో నిలిచియున్నట్లైతే, అప్పటికప్పుడే ఆత్మకు మరియు శరీరానికి స్వస్థత కలుగుతుంది. ఇదే అనుకూల సమయము. మనమే ఆ ప్రజలము. దేవునియొక్క ఆత్మ ప్రతీ అపవాదికి వ్యతిరేకంగా ఒక ధ్వజమును ఎత్తాడు; మనం వారిలో ఒకరమైయున్నాము మరియు మనలను ఆపడం ఎవరి తరం కాదు!!

మనము మన ఇంద్రియములకు మృతమైపోయాము, మన హేతుబుద్ధికి మృతమైపోయాము, ఆ సంగతులన్నిటికీ మృతమైపోయాము. మన జీవము దాచబడినది మరియు మనము యేసుక్రీస్తు నామములో పాతిపెట్టబడ్డాము, మరియు ఆయనతో కూడ లేపబడియున్నాము. మరియు ఆయన ఎక్కడ ఉంటాడో, అక్కడ మనము ఉన్నాము.

అపవాదీ, “యెహోవా ఈలాగు సెలవిచ్చుచున్నాడు. యెహోవా ఈలాగు సెలవిచ్చుచున్నాడు. యెహోవా ఈలాగు సెలవిచ్చుచున్నాడు,” అనేదానితో నిన్ను పేల్చివేయడం ద్వారా మేము మా మార్గమున బయటకు పొడుచుకొని వచ్చాము. ఆఖరికి మేము కొంచెం తాజా గాలిని పీల్చుకుంటున్నాము. “యెహోవా ఈలాగు సెలవిచ్చుచున్నాడు.” అపవాదీ ఇదిగో మేము వస్తున్నాము, మేము మా తలలను బయటకు పెట్టాము. “యెహోవా ఈలాగు సెలవిచ్చుచున్నాడు, నీవు ఓడించబడ్డావు.”

మనము అపవాదిని దేనితో ఓడించాము?

వాక్యముతో!
మనము దానిని చెప్పుదాము; వాక్యము! వాక్యము! వాక్యము!!

మరిన్ని తర్ఫీదు సూచనలు

ఇప్పుడు శత్రువు మీపై దాడిచేసి మరియు నీవు దీనిని చేయవలసియున్నావు, నీవు దానిని చేయవలసియున్నావు, నీవు ఏ మాత్రం పనికిరావు, నీకు అర్హత లేదు, నీవు స్వస్థపరచబడలేదు, నీవు ఇంకను అదే సమస్యలను కలిగియున్నావు అని చెప్పాడానికి ప్రయత్నించాడనుకోండి. మీరేమి చేయబోతున్నారు?

“దేవుడు ఆలాగున చెప్పాడు,” అనేదాని ఆధారంగానే మనము వాక్యమును అంగీకరిస్తున్నాము, మరియు అదియే మనకు మరియు ఆయనకు మధ్య ఒక ప్రవాహమును స్థిరపరుస్తుంది. మన మధ్య ప్రతీ మార్గము తెరువబడినది. మనము ఇట్లు చెప్తాము, “నేను దానిని ఎప్పుడు పొందుకోబోతున్నానో నాకు తెలియదు, కానీ నేను దానిని పొందుకోబోతున్నాను. దేవుడు ఆలాగున చెప్పాడు. ప్రతీ సందేహము తొలగిపోయినది…అసలు మన సందేహాల పైనే మనకు సందేహము కలుగుతున్నది.”

మనము అపవాదిని ఎదిరిస్తాము మరియు దేవుని వాక్యమును తీసుకుంటాము. నేను ఒక భావోద్వేగమును అనుభూతిచెందినా, లేదా ఏ భావోద్వేగమును అనుభూతిచెందకపోయినా, లేదా ఏమి జరిగినా, దేవుడు ఆలాగున చెప్పాడు. అది దానిని స్థిరపరుస్తుంది.

సైనికులారా, ఈ సూచనలను, ఉన్నది ఉన్నట్లుగా వెంబడించండి. శత్రువు దాడి చేసినప్పుడు ఈ వాక్యములను ఉటంకించండి. అవి మీ మాటలు కావు, అవి ఆయన మాటలైయున్నవి, మరియు ఆయన మాటలు విఫలమవ్వజాలవు. మనల్ని ఆయనయొక్క వాక్యముగా చేయడం ద్వారా ఆయనయొక్క వాక్యమును ఉపయోగించడానికి ఆయన మనకు సంపూర్ణ అధికారమునిచ్చాడు. సాతానుడు దాడి చేసినప్పుడు, వాడికి మీ ఆజ్ఞలను చదివి వినిపించండి.

మన సర్వసేనాధిపతి సూచనలు

ఇదిగో మీరు సరిగ్గా వీటిని చేయాలని నేను కోరుతున్నాను.

ఈ ప్రమాణమును ఉటంకించండి మరియు సంపూర్ణ విడుదల కొరకు ప్రతీ వాక్యమును నమ్మండి.

పిదప మీరు ఇలా చేయాలని నేను కోరుతున్నాను:

మీ విశ్వాసము అధికముగా మరియు ఇంకా అధికముగా ఎదగడం మొదలవుతుంది. అప్పుడు ఆయనతో ఇట్లు చెప్పండి, “ఓ ప్రభువా, దిగి రమ్ము. నీవు నన్ను స్వయం నిర్ణయాధికారము గల స్వతంత్రుడిగా చేశావని నీవు చెప్పావు.”

సరి, నేను నా హృదయమును మరియు నా మనస్సును తెరుస్తున్నాను.

“ప్రభువైన యేసూ, లోపలికి రమ్ము.”

సైనికుడా నీకు చివరి సూచనలు.
శత్రువుతో ఇట్లు చెప్పు:

మహిమ, ప్రతీ శత్రువు ఓడించబడ్డాడు. దేవుని వాక్యము ఎదుట నిలబడగలిగేది ఏదియు లేదు, మరియు మనము దేవుని వాక్యమైయున్నాము. మనము ఆయనయొక్క రాజ సంతానమైయున్నాము మరియు ప్రతీ వాగ్దానము మనకు చెందియున్నది.

ఆ దినము వచ్చియున్నది, వధువు ప్రతీ వాక్యమును నమ్ముతూ దానిపై క్రియ చేస్తున్నది. ఆయనయొక్క వాక్యమును విని మరియు దానిని నమ్మడం ద్వారా మనల్ని మనము సిద్ధపరచుకున్నాము.

మీకు ఏదైనా అవసరమున్నట్లైతే, మీరు పరిశుద్ధాత్మతో నింపబడగోరితే, మీరు స్వస్థత పొందుకొనగోరితే, ప్రతీ దయ్యము వెళ్ళగొట్టబడాలని మీరు కోరితే, మీరు క్రీస్తుయొక్క వధువైయుండగోరితే, ఇదే అనుకూల సమయమైయున్నది, ఆయన స్వరమును విని నమ్మడమే ఆ స్థలమైయున్నది.

మీరు ఈ సంగతుల కొరకు ఆశిస్తూ మరియు ముందెన్నడూ లేనంత సమీపముగా, ప్రభువుయొక్క సన్నిధిలో ఉండాలని కోరుచున్నట్లైతే, ఈ ఆదివారము జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు, వచ్చి మాతో చేరండి, స్వతంత్రులై, పరిశుద్ధాత్మతో నింపబడి, ఆయనయొక్క త్వరితమైన రాకడ కొరకు సిద్ధంగా ఉండటానికి, ప్రతీ అపవాదిని, ప్రతీ శత్రువును ఎలా ఓడించాలి అని మన అత్యున్నత-స్థాయి సైన్యాధ్యక్షుడు ఆయనయొక్క మహా మీకాయా వధువుకు సూచనలిస్తాడు.

సహోదరుడు. జోసఫ్ బ్రెన్హామ్

 

వర్తమానము: పోరాడబడిన అత్యంత గొప్ప పోరాటము. 62-0311

లేఖనములు:

1 పేతురు 5: 8-10
ఎఫెసీ 6:10-17
దానియేలు 12: 1-7

 

 

ప్రియమైన దేవుని గుణలక్షణములారా,

మీరు ఈ దినము కొరకు వాగ్దానము చేయబడిన ప్రత్యక్షపరచబడిన దేవుని వాక్యమైయున్నారు.

మీరు ఎల్లప్పుడూ అదేయైయున్నారు. మీరు అవ్వబోతున్నారు కాదు గాని, ఇప్పుడే మీరు దేవుని కుమారులు మరియు కుమార్తెలైయున్నారు; ఏలయనగా దేవుడు, కరుణా సంపన్నుడైయుండి, ఆదిలోనే మిమ్మల్ని తన ఆలోచనలో కలిగియున్నాడు.

ఆయన ఇక్కడ భూమి మీద ఈ భౌతిక రూపాన్ని దాల్చకముందే; అసలు ఏదియు లేకముందే, మీరు ఆయన గుణలక్షణములలో ఒకటైయున్నారు. మీ పేరు ఏమైయుంటుందో ఆయన ఎరిగియున్నాడు. మీరు ఏ రంగు జుట్టును కలిగియుంటారో ఆయన ఎరిగియున్నాడు. ఆయన మీ గురించి సమస్తమును ఎరిగియున్నాడు.

పిదప, ఆయన స్వరము మీ ఎదుట ప్రకాశించడాన్ని మీరు వినినప్పుడు, మీలో కేకవేసినట్టిది ఏదో మీ లోపల ఉన్నది; మీరు ఎక్కడనుండి వచ్చారో మీకు తెలుసు మరియు మీరు దాని వద్దకు వచ్చారు. అది సత్యమని మీకు తెలిసినది. ఆ విత్తనము ఎల్లప్పుడూ మీలో ఉన్నది గనుక అది దేవుడు ఏర్పాటుచేసిన మార్గమని మీకు తెలిసినది.

ఆయన ఇప్పుడు పక్షిరాజు రెక్కల మీద మనల్ని మోసుకొనివెళ్తున్నాడు. ఆయన తన ప్రవక్తలను ఎల్లప్పుడూ వాక్యముతో పోల్చాడని వాక్యము మనకు చెప్తున్నది. విలియం మారియన్ బ్రెన్హామ్ గారు ఈ దినమునకు దేవునిచేత నిర్ధారించబడిన పక్షిరాజు వర్తమానికుడైయున్నాడు. వాగ్దాన దేశమునకు మనము మోసుకొనిపోబడే పక్షిరాజు రెక్కలు అదేయైయున్నది, ఎందుకంటే ఆయన, అనగా దేవునియొక్క పక్షిరాజు ప్రవక్త, దేవుని వర్తమానమును మోసుకొనివెళ్తున్నాడు, ఆయనయొక్క వధువును బయటకు పిలుస్తూ మరియు వాక్యమును మాట్లాడుతూ, ఆమెను పరిపూర్ణురాలిగా చేస్తున్నాడు.

మనము ఆయనయొక్క విడుదలా వర్తమానముతో విలియం మారియన్ బ్రెన్హామ్ గారిని వెంబడిస్తుండగా మనము దేవుడిని వెంబడిస్తున్నాము. మరియు బైబిలు ఇట్లు చెప్పినది, “…విశ్వసించనివారితో పాటు వారు నశింపకపోయెను.” ఎందుకంటే దేవుడు వారిపట్ల కరుణా సంపన్నుడైయున్నాడు; ఎందుకంటే వారు ఆయనయొక్క ఆజ్ఞలను వెంబడిస్తున్నారు.

మనము ఆయనయొక్క ఆజ్ఞలను వెంబడించాలని దేవుడు కోరుతున్నాడు, మరియు ఆయనయొక్కఆజ్ఞలు ఇట్లు చెప్పినవి: నేను మీకు దేవుని స్వరమునైయున్నాను. ఆ టేపులలో ఉన్నవాటిని మాత్రమే చెప్పండి. నా స్వరము మాత్రమే విఫలమవ్వజాలని మాటలు పలుకుతున్న స్వరమైయున్నది. అది పరిపూర్ణముగా పలుకబడినది మరియు మీరు నా స్వరము నుండి దానిని పరిపూర్ణముగా పొందుకుంటారు. తద్వారా, మీకు అవసరమైయున్నదంతా టేపులలో ఉన్న దేవుని స్వరమేయైయున్నది, ఎందుకంటే నేను, నా కరుణలో సంపన్నుడనైన దేవుడను, దానిని మీ కొరకు ఏర్పాటుచేశాను. అది ఈ దినము కొరకు నేను ఏర్పాటుచేసిన నా మార్గమైయున్నది.

కరుణా సంపన్నుడైన దేవుడు మీరు ఆ స్వరమును వినడానికి ఆ ప్రత్యక్షతను కలిగియుండునట్లు మిమ్మల్ని ఎన్నుకొని మరియు ముందుగా నిర్ణయించాడు. వర్తమానము గురించి ఎంతో తప్పుడు అవగాహన, అనేక భిన్నమైన స్వరములు మరియు అనువాదములు ఉండే ఈ అంత్య కాలములో, మనము వెళ్ళి మరియు ఆయన తన వధువుకు ఏమి చెప్పాలనుకున్నాడో సరిగ్గా దానినే, వాక్యము వెంబడి వాక్యముగా, స్వయంగా మనమే వినగలుగునట్లు మనకు ఒక పరిపూర్ణమైన స్వరము, మరియు పరిపూర్ణమైన మార్గము అవసరమైయున్నదని ఎరిగియున్నాడు.

కాబట్టి, దేవుడు, తన కరుణయందు సంపన్నుడైయుండి, ఆయనయొక్క వధువు ప్లే ను నొక్కడం ద్వారా, సంవత్సరములో 365 రోజులు, రోజుకి 24 గంటలు ఆయనయొక్క స్వరమును వినగలుగునట్లు, మరియు దేవునియొక్క స్వరము నేరుగా వారి హృదయాలతో ముఖాముఖిగా మాట్లాడుటను వినుట ద్వారా పురిగొల్పబడునట్లు ఒక మార్గమును ఏర్పాటుచేశాడు.

మనము శరీరధారియైన ఆయనయొక్క వాక్యమైయున్నాము. మనకు ఎటువంటి శక్తి లేదు గాని, ఆయన మనకు ఆయనయొక్క అధికారమునిచ్చాడు. మనలో ప్రతియొక్కరము దానిని కలిగియున్నాము. మీరు దానిని తృణీకరిస్తే, మీరెక్కడున్నారో మీరు అక్కడే ఉంటారు. కానీ మనము దానిని అంగీకరిస్తే, అది అత్యధికమైన కార్యములను చేస్తుంది, ఎందుకంటే దేవుడు కరుణా సంపన్నుడైయున్నాడు.

ఈ దినము కొరకు ఏర్పాటుచేయబడిన ఆయనయొక్క పరిపూర్ణమైన వాక్యమును: ఆయనయొక్క స్వరమును వినుట ద్వారా మాత్రమే వధువు పరిపూర్ణము చేయబడగలదు మరియు ఐక్యము చేయబడగలదు. వధువును ఐక్యము చేసి మరియు పరిపూర్ణము చేయగల ఒకే ఒక్క స్వరము అదేయైయున్నది. మనము తప్పక విని మరియు వెంబడించవలసియున్నామని దేవుడు చెప్పిన స్వరము అదేయైయున్నది. మోషే వలె, సహోదరుడు బ్రెన్హామ్ గారు పిల్లలమైన మనల్ని వాగ్దాన దేశములోకి తీసుకెళ్ళడానికి ఎన్నుకోబడినవాడు తానే అని ఎరిగియున్నాడు ఎందుకంటే ఆ వాగ్దానము ఆయనకు ఇవ్వబడినది. మరియు ఆయనే మనల్ని వాగ్దాన దేశమునకు తీసుకెళ్ళవలసియున్నాడు.

మన ప్రవక్త పక్షిరాజు మనకు సాదృశ్యములలో బోధించాడు. పాతనిబంధన క్రొత్తనిబంధనకు ఛాయయైయున్నది. ఈ అంత్య-కాలములో మనము ఎంత జాగ్రత్తగా ఉండాలో మరియు దేనిపట్ల మెలకువగా ఉండాలో ఆయన మనకు చెప్పాడు. వారు అనుకరించడానికి ప్రయత్నించగా, కోరహు ఆత్మ గురించి, మరియు దాతాను గురించి, మరియు వారియొక్క అవిశ్వాస గుంపు గురించి ఆయన మనల్ని హెచ్చరించాడు. వారు దేవుని కార్యక్రమములో దేనినో జొప్పించడానికి ప్రయత్నించారు.

సహోదరులారా మరియు సహోదరీలారా, ఈ సంగతులను చెప్పడం ద్వారా మరియు ఉటంకించడం ద్వారా నేను సంఘాలను వేరుచేయడానికి ప్రయత్నించడం లేదు, పరిశుద్ధాత్మయే వేరుచేస్తున్నాడు. మనము వినబోయే ఈ వర్తమానమును వినండి. దేనిపట్ల మెలకువగా ఉండాలని వధువును హెచ్చరిస్తున్నది ప్రవక్తయేయైయున్నాడు. అప్పుడు ఆ ఆత్మ ఏమి చేసినదో, మరియు మన దినములో అది మరలా ఏమి చేస్తుందో ఆయన మనకు చెప్తున్నాడు.

నిజముగా, ఐదు-విధముల పరిచర్య చుట్టూ ప్రజలను సమకూర్చడానికి నేను ప్రయత్నించడం లేదు, వారు అసలు వధువును ఐక్యము చేయలేరు. దేవునియొక్క సంకరములేని, స్వచ్ఛమైన వాక్యము చుట్టూ, వధువును ఐక్యము చేయగల ఒకేఒక్క స్వరము చుట్టూ వారిని ఐక్యము చేయడానికి నేను ప్రయత్నిస్తున్నాను.

మనము ఈనాడు కూడా అటువంటి విషయాలనే వినగలుగుతున్నాము, వర్తమానమును ప్రకటించగలిగేది సహోదరుడు బ్రెన్హామ్ ఒక్కడే కాదు, మేము కూడా వర్తమానమును ప్రకటించడానికి పిలువబడ్డాము. నిజముగా వారు పిలువబడ్డారు, కానీ పిదప, దేవుని స్వరమును వారి సంఘాలలో ప్లే చేయకుండా ఉండటానికి సాకులు చెప్తూ, మరియు వారి పరిచర్యను ఎక్కువ ప్రాముఖ్యమైనదిగా చేస్తూ, ఆ స్వరమును విని మరియు అది ఒక్క-వ్యక్తి వర్తమానమని నమ్మడంలో ఉన్న ప్రాముఖ్యతను గుర్తించడంలో వారు విఫలమవుతున్నారు.

ఈ వర్తమానము, ఆయనయొక్క స్వరము మాత్రమే, స్పష్టముగా పలుకబడి మరియు వధువుచేత స్పష్టముగా స్వీకరించబడుతున్న ఏకైక స్వరమైయున్నది. నమ్మకమైన పరిచర్య ఏదంటే వర్తమానమును ప్రకటించడం ద్వారా మరియు ఉటంకించడం ద్వారా ప్రజలను ఆ స్వరముతో నిలిచియుండమని ప్రోత్సాహించడమేయున్నది. అయితే కేవలం దానిని ప్రకటించడం మాత్రమే కాదు, కానీ వారు దానిని వారి సంఘములలో ప్లే చేయవలసియున్నారు, మరియు అదియే అత్యంత ప్రాముఖ్యమైన స్వరమని తమ ప్రజలకు చెప్పవలసియున్నారు, తద్వారా వధువు నేరుగా దేవుని నుండే, దేవుని స్వరమును వినగలుగుటకైయున్నది.

దేవుని స్వరమును వినడం కంటే గొప్పది ఏదియు లేదు. టేపులలో ఉన్న అభిషేకము కంటే గొప్ప అభిషేకము ఏదియు లేదు. టేపులలో ఉన్న దేవుని స్వరము ద్వారా తప్ప వధువును ఐక్యము చేయడానికి వేరే ఏ మార్గము లేదు. ప్లే ను నొక్కి మరియు మీరు వింటున్న ప్రతీ మాటను నమ్మడం ద్వారా తప్ప పరిపూర్ణమైన మార్గము మరేదియు లేదు. అది నిజంగా దేవుడు, తన వధువు పట్ల, కరుణా సంపన్నుడిగా ఉండుటయై యున్నది. అది ఈ దినము కొరకు ఆయనయొక్క ఏర్పాటుచేయబడిన పరిపూర్ణమైన మార్గమైయున్నది.

ఈ ఆదివారము జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, దేవుడు మాట్లాడి మరియు కరుణా సంపన్నుడైన దేవుడు 65-0119 అనే వర్తమానమును అందించుట ద్వారా పరిపూర్ణ వాక్యమును ఆయనయొక్క పిల్లలకు బోధించడాన్ని మేము వినుచుండగా, మీరు వచ్చి మరియు మన దినముయొక్క అత్యంత గొప్ప అభిషేకము క్రింద ఐక్యమవ్వాలని నేను మిమ్మల్ని ఆహ్వానిస్తున్నాను.

సహోదరుడు. జోసఫ్ బ్రెన్హామ్

 

చదువవలసిన లేఖనములు: ఎఫెసీ 2:1-5

 

 

వారిలో ఒకరైన ప్రియమైనవారలారా,

ప్రజలు మనల్ని ఇట్లు అడిగినప్పుడు:

Q: దేవునియొక్క వధువును బయటకు పిలువడానికి దేవుడు విలియం మారియన్ బ్రెన్హామ్ ను పంపించాడని నమ్మేటటువంటి “ప్లే ను నొక్కు” అనే టేపు ప్రజలలో నీవు ఒకడివా?

A: అవును, నేను వారిలో ఒకడిని.

Q: ఆ టేపులలో పలుకబడిన ప్రతీ మాటను నీవు నమ్ముతావా?

A: ప్రభువుకు స్తోత్రం, నేను వారిలో ఒకడిని.

Q: అలాగైతే నీవు క్రీస్తుయొక్క వధువైయుండటానికి తప్పకుండా ప్లే ను నొక్కి ఆయన స్వరమును వినాలి అని కూడా ఖచ్చితంగా నమ్ముతావు కదా?

A: మహిమ, నేను సరిగ్గా అదేయైయున్నది, నేను పూర్తిగా అదేయైయున్నాను…నేను వారిలో ఒకడిని.

Q: నీవు ఆయనయొక్క వాక్యమును నమ్మడానికి, ఆయనయొక్క వధువుగా ఉండటానికి, జగత్తుపునాది మొదలుకొని ముందుగా నిర్ణయించబడిన ఆయనయొక్క ఎంపిక చేయబడిన, ఎన్నుకోబడిన రాజసంతానమని, మరియు ఆయన దృష్టిలో పరిపూర్ణముగా, ఎటువంటి పాపము లేకుండా ఉన్నావని, నిన్ను అసలు మోసపరచడం సాధ్యమే కాదని నీవు నిజంగా నమ్ముతున్నావని నాకు చెప్తున్నావా?

A: హల్లెలూయా, నీకు అది అర్థమైంది, అది 110% నేనేయైయున్నాను, నేను వారిలో ఒకడిని.

స్వయంగా యేసు ప్రకారంగా మనము ఆయన వాక్యముయొక్క అనువాదమైయున్నాము. రాజ్యపు పిల్లలమైయున్నాము. పరిశుద్ధాత్మయొక్క వ్యక్తీకరణైయున్నాము. ఈ కాలముయొక్క రాజ్యపు సంతానమైయున్నాము.

విషయమేమిటో మీకు తెలుసా? ఎటువంటి పొరపాటు ఉండకుండునట్లు సరిగ్గా మనము ఎవరమన్నది ప్రతీ ఒక్కరూ ఎరుగవలసిన సమయం వచ్చినది. మేము దేవుడిని తన ప్రవక్త ద్వారా మాట్లాడనిచ్చి మరియు మీ కొరకు దానంతటినీ సమకూర్చియుంచుతాము.

దైవత్వము పరలోకములో లేదు, అది మీలోనే ఉన్నది. హల్లెలూయ!

 

A: దైవత్వము పరలోకములో లేదు, అది మనలో ప్రతీ ఒక్కరిలో నివసిస్తూ జీవిస్తున్నది!

మనము ఎవరము అనేదాని గురించి ఆయన మనకు ఇచ్చిన ప్రత్యక్షత, ప్రతీ నూతన దినముతో, మనము తీసుకునే ప్రతీ శ్వాసతో, అంతకంతకు అధికమగుచున్నది. మనము శరీరములో నివసిస్తున్న సజీవ వాక్యమైయున్నాము.

మనకు ఇది ఎలా తెలుసంటే ఆయన మన దినములో పంపినట్టి ప్రత్యక్షతను ఆయన మనకు ఇచ్చాడు; ఆయనయొక్క వాక్యమును ప్రకటించడానికి మరియు ఉపదేశించడానికి మన దినములో ఆయనను పంపిస్తానని ప్రకటన 22లో దేవుడు తానే చెప్పాడు.

ఆయన తన దూతను పంపించాడు: ఆయనయొక్క సంఘములలో మాట్లాడటానికి, విలియం మారియన్ బ్రెన్హామ్ ను పంపించాడు…నా స్నేహితుడా దాని అర్థమే మీ సంఘములలో టేపులను ప్లే చేయండి అనియైయున్నది. దానికి ప్రత్యక్షత కూడా అవసరం లేదు, మీరు కేవలం దానిని చదివితే చాలు.

వాక్యము ప్రకారంగా, ఇది ప్రపంచ చరిత్రలోనే అత్యంత మోసపూరితమైన సమయమైయున్నది. సత్యము మరియు అబద్ధపు ఆత్మ సాధ్యమైతే ఏర్పరచబడినవారిని సైతం మోసపరిచేంత దగ్గరగా ఉంటాయి.

దేవుడు తన దూతను సంఘములకు పంపించాడు. మనం ఆయన స్వరమును మన చేతివ్రేళ్ళకు అందుబాటులో కలిగియున్నాము. ఆయన పలికినదానిని మనం పదముకు పదము పొల్లుపోకుండా వినవచ్చును. దానికి ఎటువంటి వివరణ లేదా ఎటువంటి అనువాదము అవసరంలేదు, వధువు చేయవలసినదల్లా ప్లే ను నొక్కి మరియు నమ్మడమే.

ఆయన మనల్ని ఇట్లు హెచ్చరించాడు, టేపులలో ఉన్నవాటిలో ఒక్క పొల్లైన లేదా సున్నైన మార్చకండి. మీ అవగాహననైనా లేదా మీ ఆలోచనలనైనా పెట్టకండి, కేవలం నా స్వరమును వినండి మరియు నమ్మండి. ఈ దినము వరకు కూడా, అది సాధ్యపడలేదు; కానీ ఈ దినమున అది సాధ్యమైనది ఎందుకంటే అది ఈ దినము కొరకు దేవుడు ఏర్పాటుచేసిన మార్గమైయున్నది.

మనం ఈ మధ్యనే ఏడు సంఘ కాలములను విన్నాము మరియు ప్రతి కాలములోను, ప్రజలను నిజమైన వాక్యమునుండి తీసుకుపోడానికి ఏ విధంగా ఆ ఆత్మలు లేచాయో విన్నాము. ప్రతి కాలములోను, ఆ వర్తమానికుడు వెళ్ళిపోయిన తర్వాత, వారు ప్రజలను ఒక మతాచారమునొద్దకు లేదా మతసిద్ధాంతమునొద్దకు; స్వయంగా తమ దగ్గరకు మరియు మనుష్యుని ఆలోచనయొద్దకు నడిపించడానికి ఏమి చేశారో విన్నాము.

ఈనాడు వారు మన పలుకుబడిని చంపేసి మరియు, “ఓ, మీరు వినవలసిన అత్యంత ముఖ్యమైన స్వరము టేపులేనని వారు నమ్ముతారు. మీ సంఘములో టేపులను ప్లే చేయాలని అంటారు…అది బుద్ధిహీనతైయున్నది. సంఘములో టేపులను ప్లే చేయమని బ్రెన్హామ్ సహోదరుడు చెప్పలేదు. ఇప్పుడు మీరు వినవలసినది పరిచర్యయొక్క స్వరమైయున్నది” అని అంటారు.

నాకైతే, అది భేదమైన విత్తనమైయున్నది! మీరు ప్లే ను నొక్కి మరియు మీ సంఘములలో దేవుని స్వరమును వినవలసియున్నారు ఎందుకంటే స్వయంగా దేవునిచేత నిర్ధారించబడిన ఏకైక స్వరము అదేయైయున్నది. దేవుడు పలికిన ప్రతీ మాటకు మీరు లోబడవలసియున్నారు.

ఆ నిర్ధారించబడిన దూత మా సంఘములో మాట్లాడుతాడు, కావున జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు ప్రపంచవ్యాప్తంగా అనుసంధానమైయున్న తన వధువుతో కలిసి ఆ స్వరమును వినడానికి మీరు వచ్చి మాతో చేరి, మరియు 65-0118 - "భేదమైన విత్తనము" ను వినమని మిమ్మల్ని ఆహ్వానిస్తున్నాను.

సహోదరుడు. జోసఫ్ బ్రెన్హామ్