ప్రియమైన రాణి,

యేసు ఆ పూర్తి వాక్యముగా మారినప్పుడు, అప్పుడు మనము అప్పుడు ఆయనలో భాగమైయున్నాము. దానిని మననుండి తీసివేయగల ఏ దయ్యము, ఏ శక్తులు, మరేదియు లేదు. అది అంతరాత్మయొక్క స్థిరమైన ఆధారమైయున్నది.

మనము వింటున్న ప్రతి వర్తమానముతో వధువు ఎటువంటి ఒక ఉజ్జీవమును కలిగియుంటున్నది కదా. వ్యక్తపరచడానికి అది మర్త్యమైన పదములకు మించియున్నది. దేవుడు మనల్ని ఎన్నుకొని మరియు ఈ దినము కొరకైన ఆయన వాక్యముయొక్క సత్యమైన ప్రత్యక్షతను మనకు ఇచ్చాడనుటలో, ఒక్క సందేహపు ఛాయయైనా లేదు. అందువలన, మనము ఎవరమో మనకు తెలుసు, ఆయనయొక్క రాణియైయున్నాము.

టేపులలో ఆయనయొక్క వధువుతో మాట్లాడుతున్న దేవుని స్వరము ఆయనయొక్క వధువును పరిపూర్ణము చేస్తున్నది. ఏ ఇతర పరిచర్య లేదు, ఏ ఇతర స్వరము లేదు; దేవుడు స్వయంగా తానే మానవ పెదవులగుండా నేరుగా ఆయనయొక్క వధువుతో మాట్లాడటం తప్ప వధువును పరిపూర్ణము చేయగలిగేది మరేదియు లేదు. ఇతరులు ఒక ప్రత్యామ్నయమును కోరుకోవచ్చును, కానీ ఆయనయొక్క వధువు ఆయనయొక్క స్వరము తప్ప, ఆయనయొక్క వధువు కొరకైన ఆయనయొక్క ప్రేమ లేఖ తప్ప మరిదేనితోనూ సంతృప్తి చెందదు; ఏలయనగా ఆయన గొర్రెలు ఆయన స్వరమును మాత్రమే వినగోరుతాయి.

మనము ప్రవక్తకు చాలా ఎక్కువ ప్రాధాన్యతను ఇస్తామని ప్రజలు అంటారు. ఆ గొప్ప పరలోకపు తండ్రి స్వయంగా తానే ఆయనయొక్క దూతకు సంబంధించిన ప్రతీ విషయముపై; అతని వస్త్రధారణ, అతని ప్రవర్తన, అతని గుణలక్షణము, అతని నడవడిపై ఎంతో ప్రాముఖ్యతను చూపేంతగా, అతని పట్ల ఎంతగానో శ్రద్ధవహించాడని ప్రజలు గుర్తించకపోవడం ఎంతో వింతగా ఉంది.

చివరికి ఆయన అతణ్ణి అతడు వేసుకున్నట్టి ఆ వస్త్రములతో వస్త్రధారణ కలిగియుండే విధంగా చేశాడు; అతని స్వభావము, అతని ఆశయము, ప్రతీది సరిగ్గా అతడు ఉండవలసిన విధంగానే ఉన్నది, మనకొరకు స్వయంగా దేవునిచేత పరిపూర్ణముగా ఎన్నుకోబడినాడు…పిదప మనము ప్రవక్తకు ఎక్కువ ప్రాముఖ్యతను ఇస్తున్నామని అంటారు.

మనకైతే, టేపులలో ఉన్న స్వరము మనుష్యునియొక్క మాట కాదు, ఇంకా అది ఒక మనుష్యుని ద్వారా పలుకబడలేదు, మనుష్యుని ద్వారా తీసుకురాబడలేదు, లేదా అది ఒక మనుష్యుని ద్వారా బయపరచబడజాలదు. అది స్వయంగా దేవునిచేత బయలుపరచబడిన దేవుని వాక్యమైయున్నది, తన స్వంత అనువాదకుడు, క్రీస్తు తననుతాను తన స్వంత వాక్యములో బయలుపరచుకుంటున్నాడు.

కొందరు వినగలుగుతారు, కానీ పూర్తిగా గుర్తించరు. మీరు వారికి చెప్పవచ్చును, వారికి చూపించవచ్చును, కానీ వారు చూడలేరంతే. మనము వారిని ప్రేమిస్తున్నాము, వారి కొరకు ప్రార్థిస్తున్నాము, అయితే దేవుడు మనకు బయలుపరచినది ఆయనయొక్క పరిపూర్ణతయైయున్నది.

ఈనాడు తాము ఈ గొప్ప అంత్య-కాల వర్తమానము యొక్క సత్యమైన ప్రత్యక్ష్యతను కలిగియున్నారని చెప్పుకునే క్రీస్తుయొక్క వధువు మధ్యనున్న గొప్ప విభాగమునకు లిట్మస్ పరీక్ష ఇది.

లిట్మస్ పరీక్షకు నిర్వచనం: ఏదైనా ఒక విషయముయొక్క (లేదా ఒక వ్యక్తి) యొక్క నిజమైన స్వభావాన్ని, నాణ్యతను, లేదా స్థితిని త్వరగా బయలుపరిచే ఒకే ఒక్క, నిర్ణయాత్మకమైన అంశము, ప్రశ్న, లేదా సంఘటన.

మొదటిగా నన్ను మరొకసారి దీనిని చెప్పనివ్వండి, దేవునిచేత-పిలువబడిన నిజమైన పరిచర్యను నేను నమ్ముతాను. ప్రతీ కార్యాలయము కొరకు ఒక అవసరత, మరియు ఒక స్థానము ఉన్నది. ఈ వ్యక్తుల పరిచర్య పరిశుద్ధులను పరిపూర్ణము చేయడం కొరకని లేఖనము చెప్తున్నది, కానీ ప్రతీ 5-విధముల పరిచర్య పరిశుద్ధులను పరిపూర్ణము చేస్తుందని అది చెప్పడంలేదు. ప్రతీ కాలములోను పరిచర్య మార్గము తప్పి వెళ్తుందని సహోదరుడు బ్రెన్హామ్ గారు మనకు స్పష్టంగా చెప్తున్నారు, కాబట్టి వారు వధువును ఎలా పరిపూర్ణము చేయగలుగుతారు?

తాము ఈ అంత్య-కాల వర్తమానమును నమ్ముతున్నారని మరియు సహోదరుడు బ్రెన్హామ్ గారు ప్రకటన 10:7 లోని స్వరమని నమ్ముతున్నారని బోధించిన బోధకులు, ఉపదేశకులు, అపొస్తలులు మరియు ప్రవక్తలు అనేకులు, అనేకులు ఉన్నారు, వారు ఇప్పుడు అది అబద్ధమని, అతడు ఒక మోసపరిచేవాడని, మనము మతోన్మాదులమని చెప్తున్నారు.

వీరు పెద్ద సంఘసమూహములను కలిగియుండి ప్రపంచమంతటకు ప్రయాణము చేసి మరియు పరిచర్య చేసినట్టి గొప్పగా పరిగణించబడిన సేవకులైయున్నారు. వారు సమావేశములలో మరియు అమెరికాలోని సంఘములలో బోధిస్తూ, 5-విధముల పరిచర్యలో గొప్ప నాయకులుగా ఎంచబడ్డారు. ప్రజల దృష్టిలో వారు ఒక గొప్ప పరిచర్యను కలిగియున్నారు, మరియు వారు వారిని వెంబడించి మరియు వారు దేవునియొక్క గొప్ప వ్యక్తులని నమ్మారు.

పిదప నిజమైన 5-విధముల సేవకులుగా విస్తృతంగా గుర్తింపు పొందిన సేవకులు కొందరు ఈనాడు ఉన్నారు, వారు ఈ వర్తమానమును ఉటంకించడం ద్వారా మరియు దానిని బోధించడం ద్వారా దానిని నమ్ముతున్నామని చెప్పుకుంటున్నారు కానీ వారు ఈ వర్తమానము సంపూర్ణత కాదని కూడా చెప్తారు. ఒక్క-మనుష్యుని వర్తమానపు దినములు గతించిపోయినవని చెప్తారు. 5-విధముల పరిచర్యనే ఇప్పుడు వధువును పరిపూర్ణము చేయవలసియున్నదని, మరియు సంఘములో టేపులను ప్లే చేయడం తప్పని చెప్తారు, కొన్ని వాక్యాలను ఉటంకించడం తప్పని చెప్తారు.

అంత్య కాలములో అబద్ధపు అభిషిక్తులు ఉంటారని మనకు తెలుసు; వారిని కనిపెట్టమని ప్రవక్త మనల్ని హెచ్చరించాడు. వారి పరిచర్య అభిషేకించబడియుంటుంది. వారు పరిశుద్ధాత్మను కలిగియుంటారు, తద్వారా వారు ఘడియయొక్క వర్తమానమును ఉటంకిస్తారు. వారు దానికి ఎంత దగ్గర పోలికలో ఉంటారంటే అది సాధ్యమైతే ఏర్పరచబడినవారిని సైతం మోసపరుస్తుంది.

అది సంఘశాఖలు కాదు. వారు ఏర్పరచబడినవారిని అసలు మోసం చేయలేరు. కాబట్టి, అది వాటికంటే దగ్గర పోలికను కలిగినదైయుండాలి. దాని అర్థం ప్రతీ సేవకుడు మార్గం తప్పిపోయాడని కాదు, అస్సలు కాదు. సత్యమును బోధించి ఉపదేశించే గొప్ప దేవుని వ్యక్తులు ఉన్నారు, అయితే ప్రతీ విశ్వాసి గుర్తించవలసిన మరియు తననుతాను ప్రశ్నించుకోవలసిన విషయం ఒకటి ఉన్నది:

మీరు వెంబడిస్తున్న సేవకుడు పొరపాటు చేయగలడా?
అతడు బోధించే ప్రతీ మాటకు మీరు ఆమేన్ చెప్పగలరా?
అతడు ఉపదేశించే ప్రతీ మాట యెహోవా ఈలాగు సెలవిచ్చుచున్నాడు అయ్యున్నదని మీరు నమ్ముతున్నారా?
మీరు వినవలసిన అత్యంత ప్రాముఖ్యమైన స్వరము అతని స్వరమేనా?
అతడు తప్పైన సంగతిని బోధించగలడా?
30 సంవత్సరాలుగా వర్తమానమును బోధించిన తర్వాత కూడా అతడు తప్పుగా వెళ్ళగలడా? అతడు విఫలమవ్వగలడా?
అతడు మీకు తప్పుడు సంగతులను చెప్పగలడా?
అతడు మోసపరచబడగలడా?

ఇప్పుడు మీరు టేపులలో వినగల దేవునియొక్క నిర్ధారించబడిన స్వరము గురించి మీకు మీరు అవే ప్రశ్నలను వేసుకోండి.

టేపులలో ఉన్న వర్తమానము పొరపాట్లు చేయగలదా: లేదు
మీరు అతడు చెప్పే ప్రతీ మాటను నమ్మి మరియు వాటికి ఆమేన్ చెప్పగలరా? అవును
అది విఫలమవ్వగలదా? లేదు
అతడు తప్పుడు సంగతులను బోధించగలుగుతాడా? లేదు
అది మీకు తప్పైన సంగతిని చెప్పగలుగుతుందా? లేదు
మీరు వినే ప్రతీ మాట మీద మీరు మీ నిత్యమైన గమ్యమును ఆధారము చేసుకోగలరా...అవును!!!
అది దేవుని స్వరమా: అవును

నేను ఎందుకని ఈ సంగతులను చెప్తున్నాను? మనుష్యులందరూ పొరపాట్లు చేయగలరు, మరియు చేస్తారు కూడా, కానీ టేపులలో ఉన్న దేవుని స్వరము మాత్రము పొరపాటు చేయలేదు అని చూపించుటకైయున్నది. అందువలనే అది మీరు వినవలసిన అత్యంత ప్రాముఖ్యమైన స్వరమైయున్నది. అందువలనే పరిచర్యలు తమ సంఘములకు టేపులను ప్లే చేయాలి. అది దేవుడు తన వధువు కొరకు కలుగజేసినట్టి ఆయనయొక్క పరిపూర్ణమైన ఏర్పాటు చేయబడిన మార్గమైయున్నది.

నిశ్చయంగా, మీరు ఇతరులు చెప్పేది వినవచ్చని నేను నమ్ముతాను, అయితే మీరు తప్పకుండా విని మరియు ప్రతీ మాటను నమ్మవలసిన ఏకైక స్వరము టేపులలో ఉన్న స్వరమేయైయున్నది. ప్రతీ మాటకు మనం ఆమేన్ చెప్పగల ఏకైక స్వరము అది మాత్రమేయైయున్నది.

అది దేవునియొక్క ఆజ్ఞయైయున్నది, మీరు ప్రతీ మాటను నమ్మవలసియున్నారు, మరియు అగ్నిస్తంభము ద్వారా సత్యమని ఋజువు చేయబడిన ఏకైక మాట మీరు టేపులలో వింటున్న మాటయేయైయున్నది. విలియమ్ మారియన్ బ్రెన్హామ్ మాత్రమే ఆయన వాక్యముయొక్క దైవిక అనువాదకుడని దేవుడు చెప్పాడు, ఎందుకంటే అది అతని వాక్యము కాదు, అది దేవుని వాక్యమైయున్నది.

ఒక్క సున్ననైనా లేదా ఒక్క పొల్లునైనా మార్చకండి. ఏ మనుష్యుడు కూడా అంత పరిపూర్ణుడు కాడు; దేవునియొక్క స్వరము మాత్రమే అంత పరిపూర్ణమైనది. మనము వినేది మనకు అర్థం కానప్పుడు కూడా, మనము కేవలం అది ఆయనయొక్క వధువునకు దేవునియొక్క నిర్ధారించబడిన స్వరమని నమ్మవలసియున్నాము.

నిజముగా, పరిశుద్ధాత్మ దేవుని వ్యక్తులను నడిపిస్తున్నాడు. నిజముగా, సంఘకాపరులుగా మరియు బోధకులుగా మరియు ఉపదేశకులుగా ఉండటానికి పరిశుద్ధాత్మ వారిని పిలిచాడు; అది నిజమే, కానీ వారు పరిపూర్ణులు కాదు. అయితే మీరు కూడుకున్న ప్రతీసారి మీరు పరిపూర్ణమైన వాక్యమును వినగలుగుటకు దేవుడు ఒక మార్గమును ఏర్పాటుచేశాడు.

ఈనాడు పరిచర్యతో పాటు, ప్రజలు కూడా, ప్రత్యామ్నయములను కోరుకుంటున్నారు. వారు సహోదరుడు బ్రెన్హామ్ గారి పట్ల ఏమి చేస్తున్నారో దానిని ఒక సేవకుని పట్ల చేయడాన్ని మీరు ఊహించగలరా?...“నేను నీకు 30 నిమిషాలు ఇస్తాను పిదప నీవు ఆపివేయాలి, నేను అందించవలసిన ఒక వర్తమానమును నేను కలిగియున్నాను. మీరు ఏ సమయములోనైనా టేపులను వినవచ్చును. ఈ దినమునకు తగినట్లుగా సంఘము ఏమి వినవలసిన అవసరమున్నదో నాకు తెలుసు.” చాలామంది టేపులో కనీసం కొంత భాగమునైనా ప్లే చేయరు, మరియు తమ సంఘములలో దేవుని స్వరమును ప్లే చేయడం తప్పని చెప్తారు.

ఒక సేవకుడు తాను బోధించవలసియున్నాడని నమ్ముతున్నాడు గనుక దేవుని స్వరమును తన సంఘములో ప్లే చేయకుండా ఉండడానికి ఒక సాకును, అసలు ఏ సాకునైనా చెప్పడాన్ని తమ సరియైన మతిస్థిమితంలో ఉన్న ఎవరైనా ఊహించగలరా? వారు దానిని చెప్తారు, కానీ అది దేవుని స్వరమని వారు నమ్మరు, లేదంటే టేపులను ప్లే చేయకుండా ఉండడానికి వారు ఎన్నడూ ఏ సాకును చెప్పలేరు.

ఒకరు ఇది దేవుని స్వరమని నమ్ముతున్నానని చెప్పుకుంటూ మరియు తమ సంఘములో దానిని ప్లే చేయడానికి ఇష్టపడకుండా ఎలా ఉండగలరు? ఇది దేవుని స్వరమే మాట్లాడుటయైయున్నది అని నమ్ముతున్నామని చెప్పుకుంటున్న ప్రజలు తమ సంఘములలో దానిని ప్లే చేయమని తమ సంఘకాపరులను అడుగకపోవడమనేది ఎలా జరుగుతుంది? ఎందుకంటే వారు అదే ఆత్మను కలిగియున్నారు.

ఒక నీకొదేము వలె ఉండి మరియు ఇట్లనకండి, “నేను దానిని చూస్తున్నాను మరియు నేను దానిని నమ్ముతున్నాను. అది మనుష్యకుమారుడు తానే మానవశరీరములో తననుతాను బయలుపరచుకోవడమైయున్నది. అది యెహోవా ఈలాగు సెలవిచ్చుచున్నాడు అయ్యున్నది. అది ఒక పరిపూర్ణమైన వర్తమానమైయున్నది. టేపులలో ఉన్నది దేవుని స్వరమైయున్నది, కానీ నేను కేవలం నా పరిచర్యను తగ్గించుకొని మరియు నా సంఘము వినడానికి ఆ స్వరమే ఎక్కువ ప్రాముఖ్యమైనది అని చెప్పలేను.”

సహోదరులరా మరియు సహోదరీలారా, మీరు ఈ విషయంలో నాతో ఖచ్చితంగా ఏకీభవించకపోవచ్చును. ఏకీభవించమని నేను మిమ్మల్ని అడగను. ఒకే ఒక్కటి ఏమిటంటే, మీరు కేవలం దానిని పరిగణించండి. మీరు నాకు ఏమి చెప్తారో, నేను దానిని పరిగణిస్తాను. సేవకులు వారి సంఘములలో టేపులను ప్లే చేయడం వారు నమ్మరని వారి సంఘమునకు చెప్పుకుంటే, నా సహోదరుడా, అది పర్వాలేదు. మీరు వారికి మీకు నచ్చినదానిని తినిపించండి.

నేను సరిగ్గా వాక్యముతో నిలిచియుండటానికి నా సాయశక్తులా ప్రయత్నిస్తున్నాను, ఎందుకంటే గొర్రెలు గొర్రెల ఆహారము తప్ప మరొకదానిని కోరుకోవు మరియు టేపులలో ఉన్న స్వరము మన గొర్రెల ఆహారమని మనము నమ్ముతున్నాము. మనము జీవించేది దానివలనేయై యున్నది: వచ్చు ప్రతీ మాటవలన…అప్పుడప్పుడు కేవలం ఒక మాట కాదు; కానీ టేపులలో పలుకబడి దేవుని నోటనుండి వచ్చు ప్రతీ మాట; మనము జీవించేది దానివాలనేయై యున్నది.

నేను మిమ్మల్ని అభ్యంతరపరచినా లేదా ఏదైనా తప్పుగా మాట్లాడినా దేవుడు నన్ను క్షమించును గాక మరియు మీరును నన్ను క్షమించుదురు గాక. ఇది కేవలం మేము సత్యమని నమ్ముచు మరియు సత్యముగా పరిగణిస్తూ మరియు దాని ప్రకారముగా జీవిస్తున్న విషయమైయున్నది. ఆయన స్వరమును వినడానికి దేవుడు మాకు ఒక పరిపూర్ణమైన మార్గమును ఇచ్చాడు మరియు మేము దానిని ప్రేమిస్తున్నాము.

ఎప్పటిలాగానే, ఒకే సమయములో ఆ స్వరమును వినడానికి మాతో చేరాలనుకుంటున్న ప్రతీ ఒక్కరినీ, జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు మాతో చేరమని నేను ఆహ్వానిస్తున్నాను, అప్పుడు మనం దీనిని వినుచున్న ఒక్క మొత్తమువలె ఐక్యమైయుంటాము: 65-0822M క్రీస్తు తన స్వంత వాక్యమందు బయలుపరచబడెను.

సహోదరుడు. జోసఫ్ బ్రెన్హామ్

 

వర్తమానమును వినడానికిముందు చదువవలసిన లేఖనములు:

నిర్గమకాండము 4:10-12
యెషయా 53:1-5
యిర్మియా 1:4-9
మలాకీ 4:5
పరిశుద్ధ. లూకా 17:30
పరిశుద్ధ. యోహాను 1:1 / 1:14 / 7:1-3 / 14:12 / 15:24 / 16:13
గలతి 1:8
2 తిమోతి 3:16-17
హెబ్రీ 1:1-3 / 4:12 / 13:8
2 పేతురు 1:20-21
ప్రకటన 1:1-3 / 10:1-7 / 22:18-19

 

 

ప్రియమైన ఎన్నుకోబడినవారలారా,

ఆయన తన వధువుకు ఆయనయొక్క వాక్యమును బయలుపరుస్తూ, దేవుడు తన పక్షిరాజు గుంపంతటినీ పరిపూర్ణమైన సమాధానములోనికి సమకూర్చుతున్నాడు.

అలాగైతే ప్రభువా, మేము ఏమి చేయాలి?

ప్రభువా, ఈ దినమునకు నీ పరిపూర్ణమైన స్వరము ఏమిటి?

మా హృదయమంతటితో మేము దానిని నమ్ముతున్నాము. ప్రభువా, మాకు ఈ విధంగా అనిపిస్తున్నది.

నీ వధువునకు టేపులలో ఉన్న స్వరము అంటే ఏమిటి?

టేపులు ఇంకను ఈ రోజుకి కూడా ప్రాముఖ్యమేనా?

ప్రభువా, టేపులు మరియు పుస్తకాలు నీవు వధువు కొరకు ఉంచినట్టి నీయొక్క జీవిస్తున్న, సజీవమైన పరిచర్య అని మేము నమ్ముతున్నాము.

టేపులు ఎందుకని మేము వినవలసిన అత్యంత ప్రాముఖ్యమైన స్వరమైయున్నది?

తద్వారా, మన అంతిమము దేవుని వాక్యమైయుండవలసియున్నది. దేవునియొక్క వాక్యము మరియు దేవునియొక్క స్వరము ఒక్కటేనని నీవు మాకు బయలుపరిచావు. నీవు బైబిలును వ్రాసినప్పుడు నీవు ప్రవక్తలతో చేసినట్లే, స్వరము అనగా స్వయంగా దేవునియొక్క పలుకబడిన తలంపులేయైయున్నవి; కానీ ఈ అంత్య దినమున, దానిని రికార్డు చేపించి మరియు టేపులో పెట్టడం ద్వారా, నీవు నీ వాక్యమును మరియు నీ స్వరమును భద్రపరిచావు. కాబట్టి, టేపులలో ఉన్న నీ పలుకబడిన స్వరము వధువుయొక్క అంతిమమైయున్నది.

ఈనాడు తమ సంఘములో ఆ స్వరమును ప్లే చేయడం ముఖ్యమని ప్రజలు అనుకోవడంలేదు. సంఘములో టేపులను ప్లే చేయమని సహోదరుడు బ్రెన్హామ్ గారు ఎన్నడూ చెప్పలేదని, వారు కేవలం సేవకుని పరిచర్యను మరియు వాక్యము ఊటంకించబడుటను వినాలని తమ సంఘములలో వారికి బోధించబడుతున్నది.

మరి ఈ అంత్య-కాల వర్తమానమును నమ్ముతున్నామని చెప్పుకునే ఎవరైనా గానీ, స్వయంగా దేవుని స్వరమునే వినే అవకాశమును కలిగియుండి తమ సంఘములలో టేపులను ప్లే చేయకుండా ఉండటం సరియని ఎలా చెప్పగలరు, ఎలా తీర్పు తీర్చగలరు, లేదా ఎలా సాకులు చెప్పగలరు? అది దేవుడు తన అభిషేకించబడిన ప్రవక్త ద్వారా మానవ పెదవులగుండా పలికినట్టి మాటలైయున్నవి. అది ఈ తరమునకు దేవుని స్వరమైయున్నది, అగ్నిస్తంభము ద్వారా నిర్ధారించబడి, హృదయ రహస్యములను ఎరుగుట ద్వారా నిరూపించబడి, సూచకక్రియలు మరియు అద్భుతముల ద్వారా ఋజువుచేయబడిన ఏకైక స్వరము అదేయైయున్నది.

ఎవరైనా ఏ సాకుయైనా, ఏ వివరణయైనా ఎలా చెప్పగలరు, లేదా వారు కూడుకున్న ప్రతిసారీ దేవుని స్వరమును వినడానికి కోరిక లేకుండా ఎలా ఉండగలరు?

ప్రభువా, టేపులలో ఉన్న నీ స్వరమును నేను ఎన్నడూ నిర్లక్ష్యం చేయకుండా ఉందునుగాక. వారు వినవలసిన స్వరము అది మాత్రమేనని నేను లోకమునకు ఎల్లప్పుడూ చాటి చెప్పుదును గాక. వారికి అవసరమైనదంతా టేపులలో ఉన్న దేవుని స్వరమేనని, నేను నీ వధువుకు ప్రకటించెదను గాక.

మేము సహవాసము చేయడానికి ఇష్టపడుతున్నాము. నీ గురించి మాట్లాడటానికి మరియు నీ వాక్యమును ఊటంకించడానికి మేము ఇష్టపడుతున్నాము, అయితే మాకు నీ వాక్యముపై వాక్యమును ఇచ్చి, నీ స్వరముయొక్క ప్రత్యక్షతను ఇచ్చి, మరియు పిదప మేము ఎవరమనేదానిని, నీయొక్క విశ్వాసనీయమైన వధువైయున్నాము అనేదానిని తెలియజేయడంకంటే నీవు నీ వధువు కొరకు చేయగల మరొక గొప్ప కార్యము ఏదియు లేదు.

దేవుడు మనకు ఇచ్చిన గొప్ప ప్రత్యక్షతను గూర్చి సహవాసము చేస్తూ, నేను ఇంకా ఇంకా ఎంతగా మాట్లాడగలనో. దానికి అంతే లేదు; అయితే నేను చేయగల గొప్ప విషయము ఏమిటంటే ఈ ఆదివారము జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయానికి, మేము 65-0815 – దానిని ఎరుగదు అనే వర్తమానమును వినుచుండగా వచ్చి వధువుయొక్క భాగముతో కలిసి స్వయంగా మీరే దేవుని స్వరమును వినమని మిమ్మల్ని ఆహ్వానించడమే.

సహోదరుడు. జోసఫ్ బ్రెన్హామ్

 

చదువవలసిన లేఖనములు:

ప్రకటన 3:14-19
కొలస్సీ 1:9-20

 

 

ప్రియమైన క్రీస్తు వధువా, ఈ ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, 65-0801E ప్రవచనము ద్వారా తేటపరచబడిన సంఘటనలు అనే వర్తమానమును వినడానికి మనము కూడివద్దాము.

సహోదరుడు. జోసఫ్ బ్రెన్హామ్

 

 

క్రీస్తుయొక్క ప్రియమైన చిన్న కన్యక, వాక్యపు, మంద, వధువా:

మనము ఆయనయొక్క స్వరమును వెంబడించడం తప్ప మరొకటి చేయలేనట్టి దేవునియొక్క ముందుగా నిర్ణయించబడిన విత్తనమైయున్నామని ఆయనయొక్క బలమైన దూత ప్రకటించి మనకు చెప్పడాన్ని మనం విన్నప్పుడు మన హృదయములు ఎంతగా ఆనందించాయి కదా. అది మనకు జీవము కంటే విలువైనది. మీరు మా ప్రాణములను తీసుకోవచ్చు, కానీ మీరు ఆయన స్వరమును తీసుకోలేరు. మేము ఆయనయొక్క వాక్యముతో ఒక్కటైయున్నాము. మేము ఆయనయొక్క స్వరముతో ఒక్కటైయున్నాము. మేము ఆయనతో ఒక్కటైయున్నాము.

టేపులను ప్లే చేయడాన్ని; అది ఆయనయొక్క వధువుతో మాట్లాడుతున్న దేవుని స్వరమైయున్నదని నమ్ముతున్నామని మనము చెప్తున్నందుకు మనము ఎంతగానో అపార్థము చేసుకోబడి మరియు ఎగతాళి చేయబడటం అనేది మనకు ఎంతో వింతగా అనిపిస్తున్నది. సాతానుడు ప్రజలను ఎంతగా మోసము చేశాడంటే మనము ఒక టేపు సంఘమైయున్నామని మనము చెప్పడంవలన, అది వాక్యమునకు వెలుపల ఉన్న ఏదో ఒక విషయమని, అది తప్పని, మరియు మనము తప్పుగా నడిపించబడుతున్నామని వారు అనుకుంటున్నారు, మరి అన్నివేళలా అది ఆయనయొక్క వధువు కొరకు దేవుడు ఏర్పాటుచేసిన పరిపూర్ణమైన మార్గమైయున్నది.

అది వేరే ఏ విధంగానైనా ఎలా ఉండగలదు? పలుకబడిన ఒక్క మాటను మీరు తప్పుగా అనువదించినా గానీ, మీరు తప్పిపోయినట్లే. వారు సరియైన ఉద్దేశమును మరియు లక్ష్యమును కలిగియుడవచ్చును, కానీ తప్పైయుండవచ్చును. ఒకరు పరిశుద్ధాత్మతో అభిషేకించబడి కూడా తప్పైయుండవచ్చును.

వధువు స్వయంగా తామే ప్రతీ మాటను వినడానికి దేవుడు ఒక మార్గమును ఏర్పాటు చేసియుండకపోతే, అప్పుడు వేరొక మార్గము ఉండేది. కానీ ఎటువంటి అనువాదము, వివరణ, లేదా స్పష్టీకరణ కొరకు ఎటువంటి అవసరత లేకుండా నేరుగా వాక్యము తమతో మాట్లాడటాన్ని వినే అవకాశమును కలిగియుండుటకు, ఆయన భూమి మీదనున్న ప్రతీ మానవునికి ఒక మార్గమును కలుగజేశాడు. అదంతా యెహోవా ఈలాగు సెలవిచ్చుచున్నాడు అయ్యున్నది…ఇక అంతే!

ఆయనయొక్క వధువుగా ఉండుటకు మనము వాక్యముతో నిలిచియుండాలని మనమందరమూ ఏకీభవిస్తాము.

ఆయనయొక్క ఎన్నుకోబడిన వధువుగా ఉండటానికి ఆయనయొక్క వాక్యముతో నిలిచియుండటం తప్ప వేరే ఏ మార్గమూ లేదని, స్పష్టముగా ప్రభువు తన వధువుతో మాట్లాడి మరియు ఆమెకు బయలుపరిచాడు. దేవుడు స్వయంగా తానే తన స్వంత వాక్యము అనువదించుకుంటాడు, మరియు దానికి తమ అనువాదమును జతచేయడానికి ఎవరికీ హక్కు లేదు.

ఆయనయొక్క ప్రవక్తయే ఆయనయొక్క వాక్యమునకు అనువాదకుడని కూడా వాక్యము చెప్తున్నది. ప్రజలకు ఆయనే దేవుని స్వరమైయున్నాడు. ఆయన చెప్పేది మన దినమునకు వాక్యమైయున్నది.

టేపులలో ఉన్న దేవుని స్వరమును వినడం ద్వారా, మనము నెరవేర్చబడుచున్న ప్రవచనమైయున్నాము.

దేవునియొక్క నిర్ధారించబడిన స్వరము మీతో మాట్లాడటాన్ని వినడం కంటే ఎక్కువ శక్తిగలది, ఎక్కువ పవిత్రమైనది, ఎక్కువ తృప్తినిచ్చేది, ఎక్కువ పరిపూర్ణమైనది మరేదియు లేదు.

బహుశా ఇతరులు దానిలో ఏమీ లేదు అని చెప్తుండగా, పక్షిరాజులు కూడుకొనుచు, వారు దేవుని వాక్యమును పాటిస్తున్నారన్న నిశ్చయతతో అత్యానందభరితులై సంతోషిస్తున్నారు. మీకు ఒక టేపు యంత్రము ఉన్నట్లైతే, ఒక గుంపు ప్రజలను పోగుచేసి, మరియు దానిని ప్లే చేసి, మరియు జాగ్రత్తగా వినండి అని ఆయన మనతో చెప్పాడు. ఆయనయొక్క కృప మరియు కనికరము ద్వారా, మనము సరిగ్గా దానినే చేస్తున్నాము.

దేవుడు ఆయన నామము కొరకు ఈ దుష్టయుగములో నుండి మనల్ని బయటకు పిలిచాడు. మనము ముందెన్నడూ లేనంతగా అనేకమైన పరీక్షలు మరియు శ్రమలలోనుండి వెళ్తున్నాము. వాడి సమయం ముగింపునకు వచ్చిందని వాడికి తెలుసు గనుక సాతానుడు యుద్ధమార్గములో ఉన్నాడు. నేను ఆయనయొక్క వధువైయుండగా, మరి నేను ఎందుకని ఈ శ్రమలన్నిటిగుండా వెళ్తున్నాను? అని మిమ్మల్ని మీరు ప్రశ్నించుకోవచ్చును.

మీరు ప్రత్యక్షపరచబడుతూ, పరీక్షించబడుతూ, మరియు మనము ఆయనయొక్క వధువైయున్నామని, సాతానుడికి ఋజువు చేయబడుతున్నారు. మనము శరీరములో ఉన్న వాక్యమైయున్నాము. మనము వాక్యమును పలుకగా అది నెరవేరుతుంది. అది యెహోవా ఈలాగు సెలవిచ్చుచున్నాడు అయ్యున్నది.

దేవునియొక్క స్వరము నేరుగా సాతానుడితో మాట్లాడి మరియు వాడికి ఇట్లు చెప్పడాన్ని మనము కలిగియున్నాము:

ఏదైనా సరే…మనకు ఏది అవసరమున్నా సరే, మనము కేవలం అడిగి, నమ్ముతూ మరియు సరిగ్గా అక్కడే ఉండవలసియున్నాము. అది అప్పటికప్పుడే జరుగవచ్చును; ఒక వారం, ఒక నెల, ఒక సంవత్సరం పట్టవచ్చును. మనకు ఏమి కనిపిస్తున్నది లేదా ఏమి అనిపిస్తున్నది అనేది ముఖ్యం కాదు, సరిగ్గా అప్పుడే అది జరిగింది.

మనము కూడుకునే ప్రతీ కూడిక దేవుని పక్షిరాజులకు మరింత గొప్పగా మరింత గొప్పగా మారుచున్నది. మనము ఏకమనస్సుతో ఏకాత్మతో కూడియున్నాము, మనము కలిసి పరలోకస్థలములలో కూర్చొనియున్నాము, ఆ స్వరము మనతో మాట్లాడి మరియు వాక్యము ద్వారా మనల్ని పరిపూర్ణము చేయడాన్ని వినుచున్నాము.

ఈ ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, దేవుని స్వరము మరొకసారి మాతో మాట్లాడి ఆయన స్వంత వాక్యమునకు అనువాదమును ఇవ్వడాన్ని మేము వినుచుండగా మీరు వచ్చి మాతో చేరితే మేమెంతో సంతోషిస్తాము.

సహోదరుడు. జోసఫ్ బ్రెన్హామ్

 

 

వర్తమానము: ఈ దుష్టయుగపు దేవుడు 65-0801M

 

వర్తమానమును వినడానికిముందు చదువవలసిన లేఖనములు:

పరిశుద్ధ. మత్తయి 24వ అధ్యాయము / 27:15-23
పరిశుద్ధ. లూకా 17:30
పరిశుద్ధ. యోహాను 1:1 / 14:12
అపొస్తలుల కార్యములు 10:47-48
1 కొరింథీ 4:1-5 / 14వ అధ్యాయము
2 కొరింథీ 4:1-6
గలతి 1:1-4
ఎఫెసీ 2:1-2 / 4:30
2 థెస్సలొనీకయులు 2:2-4 / 2:11
హెబ్రీ 7వ అధ్యాయము
1 యోహాను 1వ అధ్యాయము / 3:10 / 4:4-5
ప్రకటన 3:14 / 13:4 / 6-8 మరియు 11-12 అధ్యాయములు / 18:1-5
సామెతలు 3:5
యెషయా 14:12-14

 

 

కూడుకొనుచున్న ప్రియమైన పక్షిరాజులారా,

ప్రపంచమంతటా చోటుచేసుకుంటున్న ఈ గొప్ప ఆకర్షణ ఏమిటి? ప్రపంచవ్యాప్తంగా ప్రజలు, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు కూడుకొని, గొప్ప ఎదురుచూపుతో తమ గృహములలో మరియు తమ సంఘములలో కూర్చొని, దేవునియొక్క స్వరము తమతో మాట్లాడటాన్ని వినడానికి వేచియుంటున్నారు.

కేవలం టేపులను వినడం ప్రపంచానికి ఎంతో వింతగా మరియు అసంబద్ధంగా అనిపిస్తున్నది. మనం టేపులను ఏ సమయములోనైనా వినవచ్చు అని వారంటారు. ఒకే సమయములో వినడంలో విషయమేమీ లేదని అంటారు. మీరు టేపులను మాత్రమే కాదు గానీ, ఒక ప్రత్యక్ష పరిచర్యను, ఒక బోధకుడు ప్రసంగించుటను తప్పకుండా వినాలని అంటారు. వారు వారి ఆచారములలో చిక్కుకొనియున్నారు.

ప్రపంచ చరిత్రలో ఇటువంటిది ఎన్నడూ చోటుచేసుకోలేదు. ఆ స్వరము ఆయనయొక్క వధువును పిలువడాన్ని వినుటకు అందరూ ఒకే సమయములో ఐక్యమవ్వడానికి ఈ ప్రజలను ఆకర్షించినది ఏమిటి? అది దేవుడు లూకా 17:30 ని నెరవేర్చడమైయున్నది. అది దేవుడు ప్రకటన 10:7 ను నెరవేర్చడమైయున్నది. అది దేవుడు హెబ్రీ 13:8 ని బయలుపరచడమైయున్నది, ఆయన అబ్రాహామునకు చేసినట్లే, మెల్కీసెదెకు మానవ శరీరములో ఉండుటయైయున్నది.

ఆయన ఏమి చెప్తాడు? ఆయన మాట్లాడటం ప్రారంభించినప్పుడు ఏమి జరుగుతుంది? అని వారు వేచియుంటున్నారు మరియు ఆశ్చర్యపోతున్నారు. ఆయన చెప్పే దేనినైనా పొందుకోడానికి వారు అనుసంధానములో ఉండగోరుతున్నారు. వారికి అది కావాలి. వారు ప్రపంచవ్యాప్తముగానున్న వధువుతో కలిసి అందరూ ఒకే సమయములో దానిని వినగోరుతున్నారు. ఏలయనగా తన వధువును బయటకు పిలిచి మరియు ఆమెను నడిపించడానికి తనయొక్క స్వరముగా ఉండుటకు దేవుడు ఎన్నుకున్న స్వరము ఆయనేయని వారు నమ్ముచున్నారు.

కాలవ్యవధిలో వారు అనేక గంటల వ్యత్యాసములో ఉన్నారు, అయినను వారందరూ ఒక్కటిగా ఉన్నారు, అనుసంధానమైయున్నారు, ఆ స్వరము వారితో మాట్లాడటాన్ని తమ స్థానిక సంఘములోనుండి వింటున్నారు. వారు కుమారుని సన్నిధిలో కూర్చొనియున్నారు, పరిపక్వము చెందుతూ మెస్సీయా యొక్క రాకడ కొరకు వేచియుంటున్నారు.

వారి గుండెలు వేగముగా కొట్టుకుంటున్నాయి. ఏమి జరుగుతున్నదో పరిశుద్ధాత్మ వారికి బయలుపరుస్తున్నాడు. ఆయనయొక్క వాక్యమును ప్రత్యక్షపరచడానికి మరియు ఆయనయొక్క వధువును సమకూర్చడానికి దేవుడు ఈ దినము వరకు వేచియున్నాడు. అది సంభవించుచున్నది, మరియు వారు దానిలో భాగమైయున్నారు. సంభవించుచున్నదానియొక్క వాస్తవికత వారి హృదయములలో నాటబడుచున్నది. శతాబ్దాలుగా వారు దాని గురించి లేఖనములలో చదివారు, కానీ ఇప్పుడు అది ఒక వాస్తవమైయున్నది. వాక్యముయొక్క ప్రత్యక్షత వారిలో ప్రత్యక్షపరచబడుచున్నది. ప్రవక్తయొక్క ప్రవచనాలు నెరవేర్చబడుచున్నవి.

ఆయనయొక్క బలిష్ఠమైన స్వరముయొక్క గొప్ప అభిషేకము క్రింద వారు కూర్చుండగా, సిద్ధపడమని ఆయన వారికి చెప్తాడు; ఏలయనగా ఈ రాత్రి ఆయన వారిలో ప్రతియొక్కరి కొరకు ప్రార్థించబోవుచున్నాడు. వారెక్కడున్నా గాని: టెక్సాస్ లో ఉన్నా, క్యాలిఫోర్నియాలో ఉన్నా, పైన ఆరిజోనాలో ఉన్నా, దక్షిణ అమెరికాలో ఉన్నా, చివరికి ప్రపంచముయొక్క అవతలి వైపున అడవులలోని గుడిసెలలో ఉన్నా గానీ, అంతటా వ్యాపించియుండే దేవుని సన్నిధి వారితో కూడా ఉంటుంది గనుక, ఆయన ప్రార్థించడం మొదలుపెట్టినప్పుడు, వెళ్ళి రోగుల మీద చేతులుంచమని ఆయన మనకు చెప్తాడు. ఎక్కడనుండి అనుసంధానమై వింటున్నాగాని, మనము ప్రార్థించడం మొదలుపెట్టినప్పుడు ఒకరిపై ఒకరు చేతులుంచండి, మరియు వారు నమ్మినట్లైతే దేవుడు వారిలో ప్రతీ ఒక్కరిని స్వస్థపరుస్తాడు, ఏలయనగా అది యెహోవా ఈలాగు సెలవిచ్చుచున్నాడు అయ్యున్నది.

ప్రతీ కాలములోను మరియు గతంలో వచ్చినట్టి లేదా భవిష్యత్తులో రాబోవునట్టి ప్రతీ ప్రవక్త ద్వారానూ, ఆ వర్తమానమును వినడానికి ముందుగా నిర్ణయించబడిన కొంతమంది ప్రజలు ఉంటారని, మరియు వారు దానిని వెంబడిస్తారని ఇప్పుడు వారు గ్రహిస్తారు. వారు గుంపులను లెక్కచేయరు. అది తప్పు లేదా అది దేవుడు ఏర్పాటుచేసిన మార్గము కాదు అని చెప్పే అవిశ్వాసియొక్క విమర్శను వారు లెక్కచేయరు. వారు వారితో ఎటువంటి వాదన పెట్టుకోరు. వారు తప్పకుండా చేయవలసిన ఒకే ఒక్కటి ఉన్నది, అదేమిటనగా నమ్మికయుంచి మరియు దానిలో వారు పొందుకోగల ప్రతిదానిని పొందుకోవడమైయున్నది, యేసు పాదముల దగ్గర కూర్చున్న మరియవలె అంతరంగములో పూర్తిగా దానితో నిండిపోవాలి. వారు సిగ్గుపడరు, వారు ప్లే ను నొక్కే టేపు అబ్బాయి లేదా టేపు అమ్మాయి అని చెప్పుకోడానికి వారు ఎంతో అతిశయిస్తారు.

అంత్యకాలములో ఒక గొప్ప అభిషేకమును, పరిశుద్ధాత్మను కలిగియుండే అభిషిక్తులు ఉంటారని ఆ స్వరము వారిని ఇదివరకే హెచ్చరించినది. వారు ప్రవక్తను మరియు ఈ ఘడియయొక్క వర్తమానమును ఉల్లేఖిస్తారు; విశ్వాసులని చెప్పుకుంటారు, కానీ అబద్ధపు అభిషిక్తులైయుంటారు.

వారు అసలైన అభిషేకమునకు ఎంత దగ్గరగా ఉంటారంటే సాధ్యమైతే ఏర్పరచబడినవారిని సైతం అది మోసపరుస్తుంది, కానీ వారు మోసపరచబడలేరని వారికి తెలుసు, ఏలయనగా వారు వాక్యమైయున్నారు. వారు దేవుని స్వరముతో నిలబడిన అసలైన వధువైయున్నారు.

ఈ దినమున అది ఒక నిమ్మకాయనో, లేదా ఒక దబ్బనారింజనో అయ్యుండదని ఆ స్వరము వారికి ప్రకటిస్తుంది. వాటి మధ్య వ్యత్యాసమును గుర్తుపట్టడటం తేలికగా ఉంటుంది. అయితే అది ఒక సంకరజాతి నారింజయై యుంటుంది, అది సగం నిమ్మకాయ, సగం నారిజయై యుంటుంది, అది కలగలుపు చేయబడిన జాతియైయున్నది. అది చూడటానికి సరిగ్గా నారింజ వలెనే ఉంటుంది, కానీ అది కాదు, ఏలయనగా ఆ క్రొత్త కొమ్మ 100% అసలైనదాని వలెనే ఉంటుంది. వారు ఆ అసలైన వాక్యస్వరముతో నిలిచియుంటారు. వారు నిర్లక్ష్యంగా ఉండరు. స్వయంగా దేవుడే ఎవరినైతే అగ్నిస్తంభము ద్వారా నిర్ధారించబడిన ఆయనయొక్క స్వరమని, ఆయనయొక్క వాక్యమని ప్రకటించాడో, ఆయనతో వారు నిలిచియుంటారు.

ఏమి జరుగుతున్నది?

దేవునియొక్క ముందుగా నిర్ణయించబడిన విత్తనము దానిని వెంబడిస్తూ మరియు ఆ స్వరమును వినడం తప్ప మరొకటి చేయలేదు, ఏలయనగా అది వారికి జీవముకంటే విలువైనది. మీరు వారి ప్రాణములను తీసుకోవచ్చు, కానీ మీరు ఆ స్వరమును తీసుకోలేరు.

ఆకర్షణ ఏమిటి?

దేవుడు, ఎప్పటిలాగానే, ఆయనయొక్క వాక్యమును నెరవేరుస్తున్నాడు.

ఈ ఆదివారము జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, లేఖనము ప్రత్యక్షపరచబడటాన్ని మేము వినుచుండగా, వచ్చి మాతో చేరి ప్రవక్త ప్రవచనముయొక్క నెరవేర్పులో భాగము కండి.

సహోదరుడు. జోసఫ్ బ్రెన్హామ్

 

వర్తమానము: 65-0725E "ఆ పర్వతము మీద ఆకర్షణ ఏమిటి?"

లేఖనములు:

పరిశుద్ధ. మత్తయి 21:1-4
జెకర్యా 9:9 / 14:4-9
యెషయా 29:6
ప్రకటన 16:9
మలాకి 3:1 / 4వ అధ్యాయము
పరిశుద్ధ. యోహాను 14:12 / 15:1-8
పరిశుద్ధ. లూకా 17:22-30