ప్రియమైన ఒక్క భాగమా,

మనము గొప్ప ఎదురుచూపులతో మరియు గొప్ప ఆశలతో ఉన్నాము. మనము దానిని అనుభూతి చెందగలుగుచున్నాము, ఏదో సంభవించబోవుచున్నది. నీ స్వరమును వినడానికి; నీవు చెప్పే ప్రతిదానిని మరియు దేనినైనా పొందుకొనుటకు మేము ఐక్యపరచబడగోరుచున్నాము. మాకు అది కావాలి. మేము దానిలో భాగమయ్యుండగోరుచున్నాము. మేము ప్రతీ వాక్యమును నమ్ముచున్నాము.

ఏమి జరుగుచున్నది? దేవుడు చరిత్రను సృష్టించుచున్నాడు. దేవుడు ప్రవచనమును నెరవేర్చుచున్నాడు. అది ఎల్లప్పుడూ ఒక ఆకర్షణను కలుగజేస్తుంది. అది పోయిన ఆదివారము మనము ఎవరి గురించియైతే విన్నామో అటువంటి విమర్శకులను, వర్తమానములో ఉన్న రాబందులను తీసుకొనివస్తుంది, అయితే అది ఆయనయొక్క పక్షిరాజులను కూడా సమకూర్చుతుంది. ఏలయనగా శరీరము ఎక్కడున్నదో, పక్షిరాజులు అక్కడ పోగవును.

ఇదిగో నేను ప్రవక్తయగు ఏలీయాను మీయొద్దకు పంపుదును, అన్నటువంటి ప్రవక్తయొక్క ప్రవచనమునకు అది జవాబైయున్నది. దేవుడు తన ప్రవక్తను నిర్ధారించుచున్నాడు. అది దేవుడే ప్రవచనమును నెరవేర్చుటయైయున్నది. దేవుడు తన వాక్యమును నెరవేర్చుతూ, చరిత్రను సృష్టిస్తున్నాడు. అది మూడవ ఈడ్పు నెరవేర్చబడటమైయున్నది.

నేను చేసేదంతయూ సంఘపు నాయకులతో ఏకీభవించకుండా, మరియు వారు చేసే ప్రతిదానిని ఖండించడమే అన్నట్లుగా అగుపిస్తుందని నాకు తెలుసు, అయితే మనము ప్లేను నొక్కి మరియు ఆ వర్తమానమును, ఆ స్వరమును విని, మరియు దానిని వెంబడించుటకు ముందుగా ఏర్పరచబడిన ఆ నిర్దిష్టమైన ప్రజల గుంపుయైయున్నామని నేను నమ్ముచున్నాను.

మనము జనసమూహములను పట్టించుకోము. మనము అవిశ్వాసియొక్క విమర్శను పట్టించుకోము. మనము వారితో ఎటువంటి వాదనను కలిగియుండము. మనము చేయవలసినది ఒకే ఒక్కటి ఉన్నది, అదేమిటనగా, నమ్మి మరియు దానిలో మనము పొందుకోగల ప్రతి చిన్నదానిని కూడా పొందుకొని; యేసు పాదాల వద్ద కూర్చున్న మరియ వలె దానిని నాన్చబడనివ్వవలసి యున్నాము.

మనము మరిదేనిలోను ఆసక్తి కలిగిలేము. మనకు మరేదియు అక్కరలేదు. మనము వినవలసిన ప్రతీది టేపులలో ఉన్నదని మనము నమ్ముచున్నాము. దేవుని వాక్యమునకు ఎటువంటి అనువాదము అవసరములేదు.

ఆకర్షణ ఏమిటి? దేవుడు, మరొక్కసారి, తన వాక్యమును నెరవేర్చుచున్నాడు, దేశమంతటినుండి, పశ్చిమ తీరములో, పైన ఆరిజోనా కొండలలో, టెక్సస్ మైదానములలో, దూరాన్న తూర్పు తీరములోనుండి; దేశవ్యాప్తంగా మరియు ప్రపంచవ్యాప్తంగా సంఘములలో, పెట్రోలు బంకులలో, గృహములలో చిన్న మైకుల చుట్టూ కూడియున్న తన ప్రజలను సమకూర్చుచున్నాడు.

సమయములో మేము అనేక గంటల వ్యత్యాసమును కలిగియున్నాము, అయితే ప్రభువా, మేము ఒక్క భాగముగా, విశ్వాసులుగా కలిసియున్నాము, మెస్సీయా యొక్క రాకడ కొరకు వేచియున్నాము. నీ ప్రవక్త ఇక్కడ ఉన్నప్పుడు నీ వధువును ఐక్యపరచుటకు ఆయన ఏమి చేసాడో దానిని వెంబడిస్తూ మరియు సరిగ్గా దానిని చేయుటకే నేను ప్రయత్నిస్తున్నాను. ఆయన ఏమి చేసాడో అదియే నాకు ఉదాహరణగా ఉన్నది.

ఇక్కడ బ్రెన్హామ్ టెబర్నికల్ వద్ద అందరినీ కూర్చోబెట్టుటకు మాకు సరిపడా స్థలము లేదు, కావున ఆయన అప్పుడు చేసినట్లే, మేము వారికి టెలిఫోన్ అనే మాధ్యమము ద్వారా వాక్యమును పంపవలసియున్నది. ప్రభువు రాకడ కొరకు వేచియుంటూ, ఇక్కడ జఫర్సన్విల్ లో, మేము మా స్థానిక సంఘములలో కూడుకుంటాము.

ఈ చివరి దినములలో నీ పరిపూర్ణ చిత్తము కాకుండా నీకు సేవచేయ ప్రయత్నించువారు అనేకులు ఉంటారని నీవు మాకు చెప్పావు. నిజమైన పరిశుద్ధాత్మతో నింపబడినవారు అనేకులు ఉంటారు కానీ, వారు తప్పుడు బోధకులుగా ఉంటారని చెప్పావు. ప్రభువా, మేము నిశ్చయత కలిగియుండుటకు మాకు తెలిసిన ఒకేఒక్క మార్గమేదనగా వాక్యముతో నిలిచియుండటమే, టేపు బోధనతో నిలిచియుండటమే, నీయొక్క నిర్ధారించబడిన స్వరముతో నిలిచియుండటమే.

మేము వెంబడించడము తప్ప మరేదియు చేయలేనటువంటి నీయొక్క ముందుగా ఏర్పరచబడిన విత్తనమైయున్నామని మేము నమ్ముచున్నాము; అది మాకు జీవముకంటే విలువైనది. మా ప్రాణములను తీసివేసుకొనుము, కానీ దానిని తీసుకొనవద్దు.

ఈ ఆదివారము ఏమి జరుగబోవుచున్నది? దేవుడు తన వాక్యమును నెరవేర్చుతుంటాడు. దేశవ్యాప్తంగా, టెలిఫోను అనే మాధ్యమము ద్వారా వింటూ, దేశమంతటా, ఒక తీరమునుండి మరొక తీరము వరకు, ఉత్తరము నుండి దక్షిణము వరకు, తూర్పు నుండి పశ్చిమము వరకు, వందలకొలది ప్రజలు ఒకరిపై మరొకరు తమ చేతులనుంచుతారు.

ప్రపంచ వ్యాప్తంగా విదేశాలలో కూడా, మేమంతా ఒకరిపై ఒకరము చేతులనుంచుతాము. “మాకు ఒక ప్రార్థనా కార్డు అవసరము లేదని, మేము ఒక వరుస గుండా రావలసిన అవసరం లేదని, మాకు విశ్వాసము మాత్రమే అవసరమైయున్నదని,” నీవు మాతో చెప్పావు.

మేము మా చేతులనెత్తి మరియు, “నేను ఒక విశ్వాసిని,” అని చెప్తాము. ఏమి జరుగబోవుచున్నది?

దేవుడు తన వాక్యమును నెరవేర్చుతాడు!

మేము ఈ వర్తమానమును వినుచుండగా, ఆయనయొక్క వధువులో ఒక భాగమైయున్న మాతో కలిసి వినడానికి, మిమ్మల్ని ఆహ్వానించుటకు నేను ఇష్టపడుచున్నాను: 65-0725E ఆ పర్వతము మీద ఆకర్షణ ఏమిటి? మేము జఫర్సన్విల్ కాలమానం ప్రకారంగా ఆదివారము 12:00 P.M., గంటల సమయమప్పుడు కూడుకుంటాము.

కూడుకొని, ఒకే సమయములో ఒకే వర్తమానమును వినడంవలన మేము ఒక సంఘశాఖయని కొంతమందికి అనిపించవచ్చును, అయితే సహోదరుడు బ్రెన్హామ్ గారు ఇక్కడ ఉండియుంటే, ప్రపంచమంతటి నుండి వధువును సమకూర్చుతూ, ఈయన మాట వినుడి అని చెప్పబడినదానిని ఒకే సమయములో వింటూ, మేము దేనిని చేస్తున్నామో, ఆయన సరిగ్గా దానినే చేస్తాడని నేను నమ్ముచున్నాను.

సహోదరుడు. జోసఫ్ బ్రెన్హామ్

 

లేఖనములు:

పరిశుద్ధ. మత్తయి 21:1-4
జెకర్యా 9:9 / 14:4-9
యెషయా 29:6
ప్రకటన 16:9
మలాకీ 3:1 / 4th Chapter
పరిశుద్ధ. యోహాను 14:12 / 15:1-8
పరిశుద్ధ. లూకా 17:22-30

 

 

ప్రియమైన దాచబడిన మన్నాను తినువారలారా,

దేవుడు ఆయనయొక్క వధువును నడిపించుటకు తన ఏడవ దూత వర్తమానికుడిని పంపించాడు; వేరొక వ్యక్తిని కాదు, ఒక గుంపు పురుషులను కాదు, అయితే ఒక్క మానవుడిని పంపించాడు, ఏలయనగా వర్తమానము మరియు ఆయనయొక్క వర్తమానికుడు ఒక్కటే. దేవుని వాక్యమునకు ఎటువంటి అనువాదము అవసరములేదు. మానవ పెదవుల ద్వారా ఆయన దానిని తన వధువునకు పలికియున్నాడు మరియు ఆయన దానిని ఏ విధంగా చెప్పాడో సరిగ్గా అట్లే మేము దానిని నమ్ముచున్నాము.

మనల్ని ఏ స్వరము నడిపించుచున్నది అనేదాని గురించి, మరియు అది మనకు ఏమి చెప్పుచున్నది అనేదాని గురించి ఈనాడు మనము ఎంతో జాగ్రత్త వహించవలసియున్నాము. సరిగ్గా ఆ నిర్ణయము మీదనే మన నిత్యమైన గమ్యము ఆధారపదియుంటుంది; కావున మనము వినవలసిన అత్యంత ప్రాముఖ్యమైన స్వరము ఏదని మనము నిర్ణయించుకోవలసియున్నాము. ఏ స్వరము దేవునిచేత నిర్ధారించబడినది? ఏ స్వరము యెహోవా ఈలాగు సెలవిచ్చుచున్నాడును కలిగియున్నది? అది నా స్వరమో, నా మాటలో, నా సిద్ధాంతమో అయ్యుండజాలదు, అయితే అది వాక్యమే అయ్యుండవలసియున్నది, కావున అది మనకు ఏమి చెప్పుచున్నదో చూడటానికి మనము వాక్యమునొద్దకు వెళ్ళవలసియున్నాము.

అంతమున మనల్ని నడిపించుటకు ఆయన ఐదు రకముల పరిచర్యను లేపుతాడని అది మనకు చెప్పుచున్నదా? అవి వాటి స్థానమును; అత్యంత ప్రాముఖ్యమైన స్థానములను కలిగియున్నవని మనము వాక్యములో తేటగా చూడగలము, అయితే వధువుగా ఉండుటకు మనము తప్పకుండా వినవలసిన అత్యంత ప్రాముఖ్యమైన స్వరములను అవి కలిగియుంటాయని వాక్యము ఎక్కడైనా చెప్పుచున్నదా?

అంత్య దినములలో దేవుని చిత్తము లేకుండా ఆయనకు సేవచేయడానికి ప్రయత్నించే అనేకమంది లేస్తారని ప్రవక్త మనకు చెప్పాడు. ఆయన వారి పరిచర్యను ఆశీర్వదిస్తాడు, కానీ తన వధువును నడిపించుటకు అది ఆయనయొక్క పరిపూర్ణమైన మార్గము కాదు. తనయొక్క నిర్ధారించబడిన ప్రవక్త స్వరమును విని మరియు దానిని నమ్ముటయే, ఆయనయొక్క ప్రరిపూర్ణమైన చిత్తమైయున్నదని, మరియు ఎల్లప్పుడూ అలాగే ఉండినదని ఆయన చెప్పాడు. ఏలయనగా అది, మరియు అది మాత్రమే, యెహోవా ఈలాగు సెలవిచ్చుచున్నాడును కలిగియున్నది. అందునుబట్టియే ఆయన తన దూతను పంపియున్నాడు; అందునుబట్టియే ఆయన అతడిని ఎన్నుకున్నాడు; అందునుబట్టియే ఆయన దానిని రికార్డు చేపించాడు. అది ఆయనయొక్క వధువుకు, రుతువునకు తగిన ఆత్మీయ ఆహారమైయున్నది, దాచబడిన మన్నాయైయున్నది.

ఏడు కాలములకు ఏడు కాలములలోను మనుష్యులు నా మాట కంటే వారి మాటను గౌరవించుకున్నారు. మిమ్మల్ని మీరు ఇట్లు ప్రశించుకోవలసియున్నారు, సరిగ్గా ఇప్పుడు ఇది మన మధ్యన జరగడంలేదా? “సంఘములో టేపులను ప్లే చేయవద్దు కానీ, మీరు మీ సంఘకాపరి చెప్పేది వినవలసియున్నారు, టేపులను కేవలం మీ ఇంటివద్ద ప్లే చేసుకోండి.” టేపులో ఉన్న ఆయనయొక్క స్వరమును కాదు గాని, వారియొక్క స్వరమును వారు అత్యంత ప్రాముఖ్యమైన స్వరముగా ఉంచుతారు.

వారు ప్రజలకు తమనుతాము చూపించుకొనుచున్నారు, వారి పరిచర్యయొక్క ప్రాముఖ్యతను, వధువును నడిపించుటకై, వాక్యమును తెచ్చుటకై వారికున్న పిలుపుయొక్క ప్రాముఖ్యతను చూపించుకొనుచున్నారు, అయితే వధువు దానికి నిలబడలేదు. వారు దానిని అంగీకరించరు. వారు దానిని చేయరు. వారు దానిపై రాజీపడరు; దేవునియొక్క స్వరమే తప్ప మరేదియు ముఖ్యమైనది కాదు. వాక్యము దానినే చెప్పుచున్నది.

ఈనాడు ప్రజల మనస్సులలో ఉన్న ప్రశ్న ఏమిటంటే: తన వధువును నడిపించుటకు దేవుడు ఎవరిని ఎన్నుకున్నాడు, టేపులనా లేదా ఐదు రకముల పరిచర్యనా? పరిచర్య వధువును పరిపూర్ణము చేస్తుందా? పరిచర్య వధువుకు మార్గదర్శకత్వము చేస్తుందా? దేవుని వాక్యప్రకారంగా, అది ఎన్నడూ ఆయనయొక్క మార్గముగా ఉండలేదు.

సంవత్సరాల తరబడి ఈ వర్తమానమును వెంబడిస్తూ దీనిని నమ్మియున్నారని చెప్పుచున్న అనేకమంది ఈనాడు ఉన్నారు, అయితే ఇప్పుడు పరిచర్యను మీరు వినవలసిన అత్యంత ప్రాముఖ్యమైన స్వరముగా ఉంచుచున్నారు.

అటువంటప్పుడు మీరు ఏ పరిచర్యను వెంబడిస్తారు? మీ నిత్యమైన గమ్యమును మీరు ఏ పరిచర్యపై ఉంచుతారు? వర్తమానమును బోధించుటకు వారు దేవునిచేత పిలువబడ్డారని వారందరూ చెప్తారు. నేను దానిని నిరాకరించుటలేదు లేదా దానిని ప్రశ్నించుటలేదు, అయితే ఐదు రకముల పరిచర్యకు చెందినవారైన కొంతమంది అత్యంత పలుకుబడిగల సేవకులు ఇట్లు చెప్పుచున్నారు, “అది దేవుని స్వరము కాదు, అది కేవలం విలియమ్ బ్రెన్హామ్ యొక్క స్వరమైయున్నది”. ఇతరులు ఇట్లు చెప్పుచున్నారు, “ఒక్క-వ్యక్తి వర్తమానము వంటి దినములు గతించిపోయినవి”, లేదా “ఈ వర్తమానము సంపూర్ణత కాదు”. మిమ్మల్ని నడిపించేది వారేనా?

వారియొక్క వందలకొలది సమావేశాలలో ప్రసంగించిన వ్యక్తులు; ఐదు రకముల పరిచర్యలో గొప్ప నాయకులు, ఇప్పుడు ఈ వర్తమానమును నిరాకరించి మరియు ఇట్లంటున్నారు, “ఇది తప్పుడు వర్తమానము”.

దాదాపు ఈనాడు ఉన్నట్టి పరిచర్య అంతా కూడా ఇట్లు చెప్పుచున్నది, “మీరు దేవుని దూతయొక్క స్వరమును సంఘములో వినకూడదు, మీ గృహములలో మాత్రమే వినవలసియున్నారు.” “సంఘములో టేపులను ప్లే చేయమని సహోదరుడు బ్రెన్హామ్ గారు ఎన్నడూ చెప్పలేదు.”

అది నమ్మసఖ్యంగా లేదు. తాము ఈ వర్తమానమును నమ్ముచున్నారనియు, సహోదరుడు బ్రెన్హామ్ గారు దేవునియొక్క ఏడవ దూత వర్తమానికుడనియు, మనుష్యకుమారుడు మాటలాడుటయై యున్నదని నమ్ముచున్నారని చెప్పుచున్న ఒక సహోదరుడు లేదా సహోదరి, అంతటి ఒక మోసపూరితమైన ప్రకటనకు పడిపోతారని నేను నమ్మలేకపోవుచున్నాను. అది మీకు బాధ కలిగించవలసియున్నది. మీరు వధువైనయెడల, అది అట్లు చేస్తుంది.

దేవుడు తన వాక్య విషయమై తన మనస్సును ఎన్నడూ మార్చుకొనడు. తన ప్రజలను నడిపించుటకు ఆయన ఎల్లప్పుడూ ఒక్క వ్యక్తిని ఎన్నుకున్నాడు. ఇతరులు వారి స్థానమును కలిగియున్నారు, అయితే ప్రజలను నడిపించుటకు ఆయన ఎవరినైతే ఎన్నుకున్నాడో అతనియొద్దకు ప్రజలను నడిపించుటకు మాత్రమే వారు ఉన్నారు. ప్రజలారా మేల్కొనండి. ఈ సేవకులు మీకు ఏమి చెప్పుచున్నారో ఆలకించండి. ప్రవక్త పరిచర్యకంటే వారి పరిచర్యను ముందు పెట్టుటకు వారు ఉపయోగిస్తున్న కొటేషన్లను చూడండి. యెహోవా ఈలాగు సెలవిచ్చుచున్నాడు అయ్యున్నదని ఆయన ఋజువుచేసి మరియు నిర్ధారించినట్టి దేవునియొక్క నిర్ధారించబడిన స్వరము కంటే వినవలసిన ప్రాముఖ్యమైన స్వరముగా ఏ సేవకునియొక్క పరిచర్యయైనా ఎలా ఉండగలదు?

నిజమైన పరిశుద్ధాత్మను తమపై కలిగియున్నవారై, నిజముగా అభిషేకించబడినవారై, తప్పైయున్న వ్యక్తులు ఉండగలరని, ఆయన మనకు మళ్ళీ మళ్ళీ చెప్పియున్నాడు. నిశ్చయతను కలిగియుండుటకు ఒకే ఒక్క మార్గమున్నది, అసలైన వాక్యముతో నిలిచియుండటమే, ఏలయనగా ఈ వర్తమానము మరియు వర్తమానికుడు ఒక్కటే. యెహోవా ఈలాగు సెలవిచ్చుచున్నాడుగా ఉండుటకు దేవుడు ఎన్నుకున్న ఒకే ఒక్క స్వరమున్నది…ఒకే ఒక్కటి.

టేపులో ఉన్న దేవునియొక్క స్వరమునుండి దేవునియొక్క వాక్యమును వినుటకంటే ప్రాముఖ్యమైనది ఏదియు లేదని నిజమైన పరిచర్య మీకు చెప్తుంది. వారు ప్రసంగించవచ్చు, బోధించవచ్చు, లేదా వారేమి చేయుటకు పిలువబడ్డారో దానిని చేయవచ్చు, అయితే వారు దేవునియొక్క స్వరమును మొదటి స్థానములో ఉంచవలసియున్నారు; కానీ వారు దానిని చేయడంలేదు, అయితే వారు వారి పరిచర్యను మొదటి స్థానములో ఉంచుకొనుచున్నారు. వారేమి నమ్ముచున్నారనేదానిని వారి క్రియలే ఋజువు చేస్తున్నాయి.

సహోదరుడు జోసఫ్ సేవకులయందు నమ్మికయుంచడు అని చెప్పడం ద్వారా, దేవుని స్వరమును వారియొక్క ప్రసంగ వేదికలలో ఉంచాలి అనేదానిని గూర్చిన ప్రశ్నను వారు తప్పించుకుంటారు. అతడు సంఘమునకు వెళ్ళుటను నమ్మడు. వారు ఒక మనుష్యుడిని ఆరాధిస్తారు. వారు ఆ జోసఫ్ సిద్ధాంతమును వెంబడించుచున్నారు. అవే టేపులను ప్లే చేసి వినుట ద్వారా అతడు ఒక సంఘశాఖను తయారు చేస్తున్నాడు అని అంటారు. కేవలం ముఖ్యమైన ప్రశ్ననుండి ప్రజల దృష్టిని మళ్ళిస్తున్నారు. మొదట వారి పరిచర్య అంటూ, వారు ప్రజలకు బోధించేదానినిబట్టి వారి క్రియలే వారేమి నమ్ముచున్నారనేదానిని ఋజువు చేస్తున్నాయి.

ఒకే సమయములో ప్రజలు ఒకే టేపును వినునట్లు చేయడమనేది ఒక సంఘశాఖ అని, వారంటారు. సహోదరుడు బ్రెన్హామ్ గారు ఇక్కడ ఉన్నప్పుడు ఆయన చేసినది సరిగ్గా అది కాదా; అందరూ ఒకేసారి వినునట్లు ప్రజలకు వివిధ మార్గాలలో కనెక్షన్-ఏర్పాటు చేయలేదా?

మిమ్మల్ని మీరు ఇలా ప్రశ్నించుకోండి, ఈనాడు సహోదరుడు బ్రెన్హామ్ గారు శరీరములో ఇక్కడ ఉండియుంటే, ఆయన చెప్పేదానిని అందరూ ఒకే సమయములో వినడానికి వధువు అంతా టెలిఫోన్ మొదలగువాటిలో కనెక్ట్-అయ్యి ఉండేలా ఆయన చూసుకోడా? దేవుడు ఆయనను గృహమునకు తీసుకొనివెళ్ళడానికి ముందు ఆయన చేసినట్లే వధువును ఆయనయొక్క పరిచర్య చుట్టూ పోగుచేయుటకు ఆయన ప్రయత్నించడా?

నన్ను ఇక్కడ ఒక విషయమును జొప్పించనివ్వండి. విమర్శకులు ఇట్లంటారు, చూడండి, అతడు మొదలుపెట్టాడు, మనుష్యునిపై ఎంతో ఎక్కువ ఉంచుతారు; వారు, విలియమ్ మారియన్ బ్రెన్హామ్ అనే ఒక మనుష్యుడిని వెంబడించుచున్నారు!! దాని గురించి వాక్యము ఏమి చెప్పుచున్నదో కూడా మనము చూద్దాము:

మరేదియు కలుగజేయని విధంగా ఇది అపవాదికి కోపమును కలుగజేస్తుంది, మరియు వాడు ఇంకా ఎక్కువగా నా మీద దాడి చేస్తాడు, కానీ ప్రజలారా, మీరు దీనిని వాక్యముతో సరిచూసుకోవడం మంచిది. నేను దానిని చెప్పినందువలన కాదు, అందుకు కాదు, అప్పుడు నేను కూడా ఏ ఇతర వ్యక్తిలాగానే అవుతాను, అయితే మీ హృదయములను మీ మనస్సులను తెరచి మరియు దానిని వాక్యముతో సరిచూసుకోండి. ఏ ఇతర వ్యక్తియైనా మీకు ఏమి చెప్పుచున్నాడు లేదా ఏమి అనువాదమిస్తున్నాడు అనేది కాదు గాని, దేవుని ప్రవక్త ఏమి చెప్పాడన్నదే విషయమైయున్నది.

ఈ ఉత్తరము తరువాత వారు మీకు కొటేషన్ వెంబడి కొటేషన్ వెంబడి కొటేషన్ ను ఇస్తారు, మరియు నేను ప్రతీ కొటేషన్ కు ఆమేన్ చెప్పుచున్నాను, కానీ అలసు ముఖ్యమైన విషయము సంగతి ఏమిటి? ప్రవక్త చెప్పింది వినడమే మీరు చేయవలసిన విషయము అని మీకు చెప్పుటకు వారు కొటేషన్లను ఉపయోగిస్తున్నారా, లేదా వారి పరిచర్యకై ఉపయోగిస్తున్నారా? వర్తమానము, ప్రవక్త అని వారంటే, అప్పుడు మీ సంఘములో మొదట ఆ స్వరమును ఉంచమని వారికి చెప్పండి.

విషయం అదే. అది ఒక ప్రజల గుంపు అయ్యుండజాలదని, అట్లు ఉండదని, ఈ ఒక్క కొటేషనే మీకు చెప్పుచున్నది. ప్రజలను ఐక్యము చేసేది పరిచర్య కాదు ఎందుకంటే మానవ ప్రవర్తన ఆధారంగానే, పెద్ద సిద్ధాంతములయొక్క చిన్న అంశాలపై వారు విభాగింపబడియున్నారు, వారందరూ ఏకీభవించలేరు, కావున మీరు అసలైన వాక్యమునొద్దకు తిరిగి వెళ్ళవలసియున్నారు.

మనల్ని ఎవరు నడిపిస్తారు? విఫలమవ్వజాలని శక్తిని కలిగియున్న ఒక్క స్వరము వధువును నడిపించవలసియుంటుంది.

మహిమ…అది పరిపూర్ణముగా ఇవ్వబడి మరియు పరిపూర్ణముగా గ్రహించబడినది. అది పరిపూర్ణముగా ఇవ్వబడినది గనుక, దానికి ఎటువంటి అనువాదము అవసరంలేదు, మరియు, వధువైయున్న మనము, ప్రతీ వాక్యము పరిపూర్ణముగా గ్రహించి మరియు నమ్ముతాము.

మనము దానిని చూస్తున్నాము. మనము దానిని నమ్ముచున్నాము. మనము దానిపై విశ్రాంతి పొందుచున్నాము.

జఫర్సన్విల్ కాలమానం ప్రకారంగా, 12:00 P.M., గంటల సమయమప్పుడు, దేవునియొక్క నోరు, యేసుక్రీస్తు యొక్క వధువును ఐక్యపరిచే స్వరము, ఆయనయొక్క నిర్ధారించబడిన ప్రవక్త, ఆయన ఖచ్చితమైన సత్యమును ఇచ్చుటను మేము వినుచుండగా వచ్చి మాతో చేరవలెనని మీరు ఆహ్వానించబడ్డారు.

సహోదరుడు. జోసఫ్ బ్రెన్హామ్

 

65-0725M — అంత్యకాలమందు అభిషక్తులు