ప్రియమైన బ్రెన్హామ్ ఆలయమా,

మన కన్నులు చూచుచున్నవి గనుక; అవి ఎంత ధన్యమైనవి కదా. మన చెవులు వినుచున్నవి గనుక; అవి ఎంత ధన్యమైనవి కదా. ఎందరో ప్రవక్తలు మరియు నీతిమంతులు మనము చూచి మరియు వినిన సంగతులను చూచుటకును మరియు వినుటకును ఆశపడ్డారు, కానీ వారు చూడలేదు మరియు వినలేదు. మనము దేవుని స్వరమును చూశాము మరియు విన్నాము.

దేవుడు తానే తన ప్రవక్తల ద్వారా తన బైబిలు గ్రంథమును వ్రాయుటకు ఎన్నుకున్నాడు. దేవుడు ఈ అంత్య కాలములో తన ప్రవక్త ద్వారా తన వధువునకు తన మర్మములన్నిటినీ బయలుపరచుటకు కూడా ఎన్నుకున్నాడు. అది ఆయనయొక్క గుణలక్షణములైయున్నవి, ఆయనయొక్క వ్యక్తపరచబడిన వాక్యమైయున్నది, దానినంతా ఆయనలో భాగముగా చేయుచున్నది.

మన కాలము వచ్చినప్పుడు, ఆయన తన ప్రవక్తను సరిగ్గా అదే సమయములో ప్రవేశపెట్టాడు. ఆయన అతడిని ప్రేరేపించి మరియు అతని ద్వారా మాట్లాడినాడు. దానిని చేయుటకు అది ఆయనయొక్క ముందుగా నిర్ణయించబడిన ఏర్పరచబడిన మార్గమైయున్నది. అది మానవునియొక్క మాట కాదు గాని, బైబిలు గ్రంథమువలె, అది దేవునియొక్క వాక్యమైయున్నది.

మనమందరమూ ఒక సంపూర్ణతను కలిగియుండవలసియున్నాము, ఒక అంతిమమును; ఒక తుది వాక్యమును కలిగియుండవలసియున్నాము. టేపులలో చెప్పబడినది బైబిలు గ్రంథమునకు ఏదో భిన్నమైనదానిని చెప్పుచున్నట్లుగా, కొందరు టేపులలో చెప్పబడినది కాదు గాని; బైబిలు గ్రంథమే తమయొక్క సంపూర్ణత అని చెప్తారు. దేవుడు ఏ విధంగా తన వాక్యముయొక్క అసలైన ప్రత్యక్షతను అనేకులకు దాచిపెట్టి, మరి దానిని తన వధువునకు బయలుపరచి మరియు ఎంతో తేటగా చేసాడన్నది చాలా అద్భుతంగా ఉన్నది. ఇతరులు దానికి ఏమియు చేయలేరు, వారు గ్రుడ్డివారిగా చేయబడ్డారు మరియు దేవునియొక్క బయలుపరచబడిన వాక్యమును గూర్చిన సంపూర్ణ ప్రత్యక్షతను కలిగిలేరు.

దేవుడు ఆయనయొక్క వాక్యములో (బైబిలు గ్రంథములో) తన ప్రవక్త ద్వారా మాట్లాడి మరియు మనకు ఇట్లు చెప్పాడు, “పూర్వకాలమందు, నానా సమయములలోను నానా విధములుగాను ప్రవక్తలద్వారా మన పితరులతో మాటలాడిన దేవుడు”. కావున, దేవుని ప్రవక్తలు బైబిలు గ్రంథమును వ్రాసారు. అది వారు కాదు గాని, దేవుడే వారి ద్వారా మాట్లాడుటయైయున్నది.

మనలను సర్వసత్యములోనికి నడిపించడానికి మన దినములో ఆయనయొక్క సత్యస్వరూపియైన ఆత్మను పంపుతాడని ఆయన చెప్పాడు. ఆయన తనంతట తానే ఏమియు బోధింపక; వేటిని వినునొ, వాటిని బోధించి: సంభవింపబోవు సంగతులను మీకు తెలియజేయును అని ఆయన చెప్పాడు.

టేపులలో ఉన్న వార్తమానము దేవునియొక్క బయలుపరచబడిన సత్యములైయున్నవి. దానికి ఎటువంటి అనువాదము అవసరములేదు. ఆయన దానిని టేపులలో మాట్లాడుచుండగా అది దేవుడు తానే తన వాక్యమును అనువదించుటయైయున్నది.

ఇతరులు మాట్లాడేదానిలో ఎటువంటి కొనసాగింపు లేదు, దేవుడు మాట్లాడుచున్నదానిలో మాత్రమే ఉన్నది. టేపులలో చెప్పబడిన స్వరము మాత్రమే ఎన్నడూ మారని స్వరమైయున్నది. మనుష్యులు మారతారు, ఆలోచనలు మారుతాయి, అనువాదములు మారుతాయి; దేవుని వాక్యము ఎన్నడూ మారదు. అది వధువుయొక్క సంపూర్ణతయైయున్నది.

ఒక బంతి ఆట వద్ద ఒక అంపైరు సంపూర్ణతగా ఉండుటను గూర్చి ప్రవక్త మనకు ఉదాహరణ ఇచ్చాడు. అతని మాటే అంతిమము. మీరు దానిని ప్రశ్నించలేరు. అతడేమి చెప్తే, ఇక అది అంతే, విరామ చిహ్నము. ఇప్పుడు అంపైరు పాటించవలసిన ఒక నియమాల పుస్తకమున్నది. ఒక ఫౌల్ బంతికి లేదా ఒక తప్పిపోయిన బంతికి స్థలములు ఏవి అనేది, మీరు ఎప్పుడు ఔటు కాలేదు మరియు మీరు ఎప్పుడు ఔట్ అయ్యారు అనేది; బంతి ఆటయొక్క నియమములు ఏమిటి అనేది అది అతనికి చెప్తుంది.

అతడు ఆ పుస్తకమును చదివి మరియు దానిని అధ్యయనం చేస్తాడు, కావున అతడు పలికి, మరియు అతని నిర్ణయములు ఇస్తున్నప్పుడు, మరదే న్యాయమైయున్నది, అదియే చివరి మాటయైయున్నది. మీరు అతడు చెప్పినదానితో నిలబడవలసియున్నది, ఏ ప్రశ్న లేదు, ఏ వాదన లేదు, అతడేమి చెప్తే, అది ఆ విధంగానే ఉండవలసియున్నది మరియు అది మార్చబడజాలదు. మహిమ.

సహోదరుడు బ్రెన్హామ్ గారు మీరు బోధించకూడదని, లేదా ఉపదేశించకూడదని చెప్పలేదు; దానికి భిన్నంగా, ఆయన బోధించమనియు, మరియు మీ సంఘకాపరులు చెప్పేది వినమనియు చెప్పాడు, కానీ టేపులలో ఉన్న దేవుని స్వరమే మీ సంపూర్ణతయై యుండవలసియున్నది అని చెప్పాడు.

మనము కట్టుబడియుండే ఒకటి ఉండవలసియున్నది; మరో మాటలో చెప్పాలంటే, ఒక అంతిమము ఉండవలసియున్నది. ప్రతీ ఒక్కరూ ఆ అంతిమమును కలిగియుండవలసియున్నది. అదే చివరి మాటయై యుండవలసియున్నది. దానిని పొందుకొనుటకు దేవుడు ఒకే ఒక్క స్థలమును ఏర్పాటు చేసాడు, అది టేపులలో ఉన్న దేవునియొక్క స్వరమేయైయున్నది. అదియే దేవుని వాక్యముయొక్క దైవీక అనువాదమైయున్నది. అదియే చివరి మాటయైయున్నది, ఆమేన్ అయ్యున్నది, యెహోవా ఈలాగు సెలవిచ్చుచున్నాడు యైయున్నది.

ఆయనయొక్క వాక్యమును పలికినవారిని మనము “దైవములు,” అని అంటామని స్వయంగా యేసే చెప్పాడు; మరి వారు దైవములైయున్నారు. ప్రవక్తలు దేవుని ఆత్మతో అభిషేకించబడినప్పుడు, వారు సరిగ్గా దేవుని వాక్యమునే తీసుకొనివచ్చారని ఆయన చెప్పాడు. వారి ద్వారా మాట్లాడుచున్నది దేవుని వాక్యమేనని ఆయన చెప్పాడు.

అందునుబట్టియే మన ప్రవక్త అంత ధైర్యముగా ఉన్నాడు. దేవునియొక్క తప్పిపోని వాక్యమును పలుకడానికి అతడు పరిశుద్ధాత్మ చేత కదిలించబడ్డాడు. మన కాలము కొరకు దేవుడు అతడిని ఎన్నుకున్నాడు. అతడు మాట్లాడబోయే వర్తమానమును ఆయన ఎన్నుకున్నాడు, మన ప్రవక్తయొక్క స్వభావమును మరియు మన కాలములో ఏమి జరుగుతుందో కూడా ఎన్నుకున్నాడు.

అతడు మాట్లాడిన మాటలు, అతడు ప్రవర్తించిన విధానము ఇతరులకు గ్రుడ్డితనము కలుగజేస్తున్నాయి కానీ, మన కన్నులను తెరచుచున్నాయి. అతడు వేసుకున్నటువంటి దుస్తులను సైతం ఆయన అతనికి ధరింపజేసాడు. అతని స్వభావము, అతని లక్ష్యము, ప్రతీది సరిగ్గా అతడు ఉండవలసిన విధంగానే ఉన్నది. దేవుని వధువైయున్న మన కొరకు, అతడు పరిపూర్ణముగా ఎన్నుకోబడ్డాడు.

ఆ కారణమునుబట్టియే, మనము కూడివచ్చినప్పుడు, వినడానికి మనము ఆ స్వరమునే మొదటిగా ఉంచాలని కోరతాము. దేవునియొక్క ఏర్పరచబడిన ఎన్నుకోబడిన వర్తమానికుడి నుండి స్వచ్ఛమైన పలుకబడిన వాక్యమును వింటున్నామని మనము నమ్ముచున్నాము.

ఇతరులు దానిని చూడలేరనియు లేదా గ్రహించలేరనియు మనము ఎరిగియున్నాము, అయితే అతడు తన సంఘముతో మాత్రమే మాట్లాడుచున్నాడని అతడు చెప్పాడు. కాయుటకు దేవుడు ఇతరులకు ఏమి ఇచ్చాడో దానికై ఆయన బాధ్యుడు కాడు; ఆయన మనలను ఎటువంటి ఆహారముతో పోషించుచున్నాడు అన్నదానికే ఆయన బాధ్యుడైయున్నాడు.

అందునుబట్టియే మనము బ్రెన్హామ్ ఆలయం అయ్యున్నామని మనము చెప్తాము, ఎందుకనగా వర్తమానము ఆలయములో ఉన్న తన ప్రజలకు మాత్రమేనని, టేపులను పొందుకొని మరియు వాటిని వినగోరిన చిన్నమందకు మాత్రమేనని అతడు చెప్పాడు. నడిపించడానికి దేవుడు అతనికి ఎవరిని ఇచ్చాడో అతడు వారితోనే మాట్లాడుచున్నాడు.

అతడు ఇట్లు చెప్పాడు, “బయట అక్కడ ప్రజలు ఆహారమును మరియు అట్టిదానిని సంకరము చేయగోరినయెడల, దేవుని వద్దనుండి ప్రత్యక్షతను పొందుకొని మరియు దేవుడు మీకు ఏమి చేయమని చెప్తాడో దానిని చేయండి. నేను కూడా అలాగే చేస్తాను. కానీ టేపులలో ఉన్న ఈ వర్తమానములు, ఈ సంఘమునకు మాత్రమేయైయున్నవి.”

ఆయనయొక్క వధువు దేవుని స్వరమును చూచి మరియు దానిని విని మరియు ఆయనయొక్క సూచనలను వెంబడించడానికి అతడు దానిని నిజముగా ఎంత సులువుగా చేసాడు కదా.

ఆ స్వరమును వినడానికి మీరు మాతో చేరాలనుకుంటే, ఈ ఆదివారము, జఫర్సన్విల్ కాలమానం ప్రకారంగా 12:00 P.M గంటలప్పుడు, మేమంతా ఒకే సమయములో: 65-0822M - "క్రీస్తు తన స్వంత వాక్యమందు ప్రత్యక్షమాయెను" అనుదానిని వింటూ ఉంటాము.

మీరు మాతో చేరలేనియెడల, మీకు సాధ్యమైన ఏ సమయములోనైనా ఈ వర్తమానమును వినమని నేను మిమ్మల్ని ప్రోత్సహిస్తున్నాను.

సహోదరుడు. జోసఫ్ బ్రెన్హామ్

 

వర్తమానమును వినడానికిముందు చదువవలసిన లేఖనములు:

నిర్గమకాండము 4:10-12
యెషయా 53:1-5
యిర్మియా 1:4-9
మలాకీ 4:5
పరిశుద్ధ. లూకా 17:30
పరిశుద్ధ. యోహాను 1:1 / 1:14 / 7:1-3 / 14:12 / 15:24 / 16:13
గలతి 1:8
2 తిమోతి 3:16-17
హెబ్రీ 1:1-3 / 4:12 / 13:8
2 పేతురు 1:20-21
ప్రకటన 1:1-3 / 10:1-7 / 22:18-19

 

 

ప్రియమైన సహోదర సహోదరీలారా,

తండ్రీ, అన్ని సమయాలలో కల్లా అత్యంత మోసపూరితమైన కాలములో మేము జీవిస్తున్నామని నీవు మమ్మల్ని హెచ్చరించావు. లోకములోని రెండు ఆత్మలు ఎంతో దగ్గరగా ఉంటాయని, సాధ్యమైతే ఏర్పరచబడినవారిని సైతం, అది మోసపుచ్చుతుందని హెచ్చరించావు. అయితే ప్రభువునకు స్తుతి కలుగను గాక, నీ వధువైయున్న మమ్మల్ని, మోసపరచడం సాధ్యము కాదు; మేము నీ వాక్యముతో నిలిచియుంటాము.

మేము నీయొక్క నూతన సృష్టియైయున్నాము, మరియు మేము మోసపరచబడలేము. మేము నీ స్వరముతో నిలిచియుంటాము. ఎవరు ఏమి చెప్పినా గాని, మేము ప్రతీ మాటను ఊటంకిస్తూ మరియు ప్రతీ మాటకు వ్రేలాడియుంటాము. నీవు ఏర్పాటు చేసిన మార్గము తప్ప వేరే ఏ మార్గము లేదు; అది టేపులలో ఉన్న యెహోవా ఈలాగు సెలవిచ్చుచున్నాడు అయ్యున్నది.

నీ ప్రవక్త ఇక్కడ భూమి మీద ఉన్నప్పుడు, పలుకబడిన ప్రతీ మాటను వినడము నీ వధువుకి ఎంత ప్రాముఖ్యమో ఆయన ఎరిగియున్నాడు, కావున టెలిఫోను-మాద్యమం ద్వారా ఆయన నీ వధువును ఐక్యపరిచాడు. నీయొక్క నిర్ధారించబడినట్టి పలుకబడిన వాక్యపు స్వరము చుట్టూ ఆయన మమ్మల్ని సమకూర్చాడు.

నీ స్వరము కంటే గొప్పదైన అభిషేకము ఏదియు లేదని ఆయన ఎరిగియున్నాడు.

నీ రాకడ కొరకు వధువుకు అవసరమైన ప్రతీది పలుకబడి, భద్రపరచబడి మరియు నీయొక్క దూత ద్వారా నీయొక్క వధువుకు బయలుపరచబడినది; అది నీ వాక్యమైయున్నది. మాకు ఏవైనా ప్రశ్నలు ఉన్నయెడల, టేపులయొద్దకు వెళ్ళమని నీవు మాకు చెప్పావు. విలియమ్ మారియన్ బ్రెన్హామ్ గారు మా కొరకైన నీ స్వరమని నీవు మాకు చెప్పావు. ఆమె వినవలసిన అత్యంత ప్రాముఖ్యమైన స్వరముగా నీ స్వరమునే ఉంచడము ఎంత ప్రాముఖ్యము అనేదాని గురించి నీ వధువుయొక్క మనస్సులో ఒక ప్రశ్న ఎలా ఉండగలదు? నీయొక్క వధువుకు, ప్రశ్న లేదు ప్రభువా.

“నేను ఈ మార్గమున మరొక్కసారి స్వారీ చేస్తాను,” అని నీ ప్రవక్త అన్నటువంటి ఒక కలను గూర్చి ఆయన మాకు చెప్పాడు. దాని భావము ఏమిటో మాకు తెలియదు, అయితే నిజముగా ప్రభువా, ఈనాడు నీ స్వరము మాటలాడుచు, మరియు ప్రపంచమంతటి నుండి నీ వధువును బయటకు పిలచుచు మరొక్కసారి వాయు తరంగాల మార్గము గుండా స్వారీ చేయుచున్నది.

ఆదివారము జఫర్సన్విల్ కాలమానం ప్రకారంగా 12:00 P.M. గంటల సమయమప్పుడు, వాయు తరంగాలగుండా దేవునియొక్క స్వరము 65-0815 - "మరియు దానిని ఎరుగదు" అను వర్తమానమును అందించడాన్ని మేము వినుచుండగా, వచ్చి, బ్రెన్హామ్ ఆలయపువారమైన మాతో చేరమని, మీరు ఆహ్వానించబడ్డారు.

సహోదరుడు. జోసఫ్ బ్రెన్హామ్

 

చదువవలసిన లేఖనములు:

ప్రకటన 3:14-19
కొలస్సీ 1:9-20

 

 

ప్రియమైన పక్షిరాజులారా,

శరీరము ఎక్కడున్నదో, అక్కడ పక్షిరాజులు కూడుకొనుచున్నవి. ఇది సాయంకాల సమయమైయున్నది, మరియు ప్రవచనము మన కన్నులయెదుట నెరవేర్చబడుచున్నది. మనము మన సంఘములలోనికి, మన గృహములలోనికి, మరియు బయట పొదలలోనున్న మన మట్టి గుడిసెలలోనికి ఆయనను ఆహ్వానించియుండగా మన హృదయములు మనలో మండుచున్నవి. ఆయన మనతో మాటలాడి మరియు తన వాక్యమును మనకు బయలుపరచబోవుచున్నాడు. మనము దేవునిలో ఇంకా అధిక భాగం కొరకు ఆకలిగొనుచు దప్పిగొనుచున్నాము.

ఆయన తన వాక్యము మన వద్దకు వచ్చే మార్గమును ఎన్నుకున్నాడు; అది ఆయన ముందుగా నిర్ణయించుకొని మరియు ముందుగా ఏర్పరచుకున్న, తన ప్రవక్త ద్వారాయైయున్నది. ఆయనయొక్క ఎన్నుకోబడిన ప్రజలమైయున్న, మనలను, అనగా ఆయనయొక్క వధువును పట్టుకునే వ్యక్తిగా ఉండుటకు ఆయన విలియమ్ మారియన్ బ్రెన్హామ్ గారిని ఎన్నుకున్నాడు.

అతని స్థానమును తీసుకోగలిగే మరే వ్యక్తి కూడా లేడు. అతడు తనను తాను వ్యక్తపరచుకునే విధానమును మనము ప్రేమిస్తున్నాము; హేయింట్, టోట్, క్యారీ, ఫెచ్, అది దేవుడు నేరుగా మనతో మాట్లాడుటయైయున్నది. దేవుడు, మానవ పెదవులగుండా మాటలాడుచు, సరిగ్గా ఆయనేమి చేస్తానని చెప్పాడో దానినే చేయుచున్నాడు. మరదే దానిని స్థిరపరుస్తుంది!

దేవుడు దర్శనములలో అతని చేతులను మరియు కన్నులను కదిలించాడు. తానేమి చూస్తున్నాడో అది గాక మరిదేనిని అతడు చెప్పలేకుండెను. దేవుడు అతని నాలుక మీద, వ్రేలి మీద పూర్తి ఆధీనమును కలిగియున్నాడు, అతని శరీరములోని ప్రతి అవయవము కూడా పూర్తిగా దేవునియొక్క నియంత్రణలో ఉండినది. అతడు స్వయంగా దేవునియొక్క బూరయైయున్నాడు.

ఈ కాలములో సంఘము కలగలుపు అయిపోతుందని దేవుడు ముందుగానే ఎరిగియున్నాడు. అందునుబట్టి, ఆయనయొక్క నిర్ధారించబడిన వాక్యము ద్వారా ఆయనయొక్క ఎన్నుకోబడిన వధువును బయటకు పిలిచి మరియు ఆమెను నడిపించుటకై, మన కాలము కొరకు ఆయన తన ప్రవక్తను సిద్ధపరిచాడు.

ఆయనయొక్క గొప్ప ప్రణాళికలో, ఆయనయొక్క రాకడకు ముందు ఆయన తన ప్రవక్తను గృహమునకు తీసుకెళ్తాడని కూడా ఆయన ఎరిగియున్నాడు, కావున ఆయన అతని స్వరమును రికార్డు చేపించి మరియు దానిని భద్రము చేపించాడు, తద్వారా ఆయనయొక్క ఎన్నుకోబడిన వధువు ఎల్లప్పుడూ వారియొక్క వేళ్ళమీదనే యెహోవా ఈలాగు సెలవిచ్చుచున్నాడును కలిగియుండుటకైయున్నది. అప్పుడు వారు ఎన్నడూ ఒక ప్రశ్నను కలిగియుండరు. ఎటువంటి అనువాదము అవసరముండదు, అన్నివేళలా వారు వినగలిగే స్వచ్ఛమైన కన్యక వాక్యము మాత్రమే ఉంటుంది.

అంత్య దినములలో అనేక స్వరములు ఉంటాయని మరియు ఎంతో గందరగోళం ఉంటుందని ఆయన ఎరిగియున్నాడు.

గడిచిన మూడు వారములు ఆయన మనతో మాట్లాడి మరియు మనము జీవించుచున్న ఘడియను స్థానములో ఉంచాడు. లేచి మరియు సాధ్యమైతే ఏర్పరచబడినవారిని సైతం మోసముచేసే అబద్ధ ప్రవక్తల గురించి, ఆయన మనకు చెప్పాడు.

ఈ యుగపు దేవుడు ఏ విధంగా ప్రజల హృదయములకు గ్రుడ్డితనము కలుగజేసాడో చెప్పాడు. ఈ లవొదికయ కాలములో ఈ సంగతులు జరుగునని దేవుడు తానే తన ప్రవచనములలో ఏ విధంగా తెలియజేసాడో చెప్పాడు. ముగించబడకుండా విడిచిపెట్టబడిన ఒక్క కార్యము కూడా లేదని ఆయన మనకు చెప్పాడు.

ఈ దినమున ఆయన ఏ సంగతులను చేస్తాడని ఆయన గురించి ప్రవచింపబడినదో వాటి ద్వారా అయన తనను తాను మనయెదుట గుర్తింపజేసుకున్నాడు. ఆయన నిన్నా, నేడు, మరియు నిరంతరము ఒక్కటే రీతిగా ఉన్నాడని ఆయన స్వంత క్రియలే మనకు ఋజువు చేసినవి. అది ఆయనయొక్క వధువుతో మాట్లాడుచు, ఆమెలో జీవించుచున్న, దేవునియొక్క స్వరమైయున్నది.

ఈ వర్తమానము హెబ్రీ 13:8 అయ్యున్నదని మీరు నమ్ముచున్నారా? అది సజీవ వాక్యమైయున్నదా? అది మనుష్య కుమారుడు తనను తాను మానవ శరీరములో బయలుపరచుకొనుటయేనా? అటువంటప్పుడు మీరు నమ్మి లోబడితే ఈ ఆదివారము ప్రవచనము నెరవేరుతుంది.

ప్రపంచ చరిత్రలోనే ముందెన్నడూ సాధ్యపడని ఒక విషయము ప్రపంచవ్యాప్తంగా సంభవించును. దేవుడు మానవ పెదవుల గుండా పలుకుచు, ప్రపంచవ్యాప్తంగా ఉన్న తన వధువతంటితో ఒకే సమయములో మాట్లాడుతుంటాడు. ఆయన మనందరి కొరకు ప్రార్థిస్తుండగా మనము ఒకరిపై ఒకరము చేతులుంచుకొనునట్లు ఆయన చేస్తాడు.

మనకేది అవసరమున్ననూ, మనము కేవలం నమ్మినయెడల, దేవుడు దానిని మనకు అనుగ్రహిస్తాడు…మరియు మనము నమ్ముచున్నాము. మనము ఆయనయొక్క విశ్వాసముగల వధువైయున్నాము. అది సంభవిస్తుంది. మనమెక్కడ కూడుకున్నను అగ్నిస్తంభము అక్కడ ఉండి మరియు మనకు అవసరమైనదానిని మనకు అనుగ్రహిస్తాడు, అది యెహోవా ఈలాగు సెలవిచ్చుచున్నాడు అయ్యున్నది.

మీరు ఆయనయొక్క వధువైయున్నారు. ఏదియు దానిని మీ యొద్దనుండి తీసివేయలేదు, ఏదియు తీసివేయలేదు. సాతానుడు ఓడించబడ్డాడు. మీరు ఆయనను ఒక చెంచాడు మాత్రమే కలిగియున్నారని మీకు అనిపించవచ్చును, మీకు అవసరమైయున్నదంతా అదియే, అది వాస్తవమైనది. అది ఆయనే. మీరు ఆయనవారు. ఆయన వాక్యము విఫలమవ్వజాలదు.

దానిని నమ్మండి, దానిని అంగీకరించండి, దానిని పట్టుకొనియుండండి, అది విఫలము కానేరదు. మీరు శక్తిని కలిగిలేరు గాని మీరు ఆయనయొక్క అధికారమును కలిగియున్నారు. ఇట్లు చెప్పండి, “ప్రభువా నేను దానిని తీసుకొనుచున్నాను, అది నాది, నీవే దానిని నాకు ఇచ్చావు మరియు సాతానుడు దానిని తీసుకొనిపోవుటకు నేను అనుమతించను.”

మనము ఎటువంటి సమయమును కలిగియుంటాము కదా. నేను ఉండగోరునట్టి వేరే ఏ చోటును లేదు. పరిశుద్ధాత్మ మన చుట్టూ ఆవరించియుంటాడు. అధిక ప్రత్యక్షత మనకు ఇవ్వబడుతుంది. విరిగిన హృదయములు బాగుచేయబడతాయి. ప్రతియొక్కరు స్వస్థపరచబడతారు. మనము ఇట్లు చెప్పకుండా ఎలా ఉండగలము, “మన హృదయములు మనలో మండలేదా, మరియు ఇప్పుడు మనము పునరుత్థానుడైన ప్రభువైన యేసుక్రీస్తు యొక్క సన్నిధిలో ఉన్నామని తెలుసుకొనుటకు, ఇప్పుడు మన హృదయములు మండుటలేదా, ఆయనకే యుగయుగములకు ఘనత మరియు మహిమ చెల్లును గాక.”

సహోదరుడు. జోసఫ్ బ్రెన్హామ్.

 

మాతో చేరమని మేము ప్రపంచమును ఆహ్వానిస్తున్నాము:

సమయము: 12:00 P.M. జఫర్సన్విల్ కాలమానం
వర్తమానము: 65-0801E ప్రవచనము ద్వారా తేటపరచబడిన సంగతులు

 

వర్తమానము వినుటకుముందు చదువవలసిన లేఖనములు:

ఆదికాండము: 22:17-18
కీర్తనలు: 16:10 / అధ్యాయము 22 / 35:11 / 41:9
జెకర్యా 11:12 / 13:7
యెషయా: 9:6 / 40: 3-5 / 50:6 / 53:7-12
మలాకి: 3:1 / 4వ అధ్యాయము
పరిశుద్ధ. యోహాను 15:26
పరిశుద్ధ. లూకా: 17:30 / 24:12-35
రోమా: 8:5-13
హెబ్రీ: 1:1 / 13:8
ప్రకటన: 1:1-3 / అధ్యాయము 10

 

 

ప్రియమైన పరిపూర్ణులారా,

ఏదెను తోటలో, సినాయి కొండమీద, మరియు రూపాంతరపు కొండమీద ఆయన వాక్యమును పలికిన అదే స్వరమును మనము టేపులలో వింటున్నాము. యేసుక్రీస్తు యొక్క సంపూర్ణమైన మరియు ఆఖరి ప్రత్యక్షతతో ఈనాడు అది పలుకుచున్నది. అది ఆయన వధువును బయటకు పిలుస్తూ, ఎత్తబడుట కొరకు ఆమెను సిద్ధపరుస్తున్నది. వధువు దానిని వినుచున్నది, దానిని స్వీకరించుచున్నది, దాని ప్రకారం జీవించుచున్నది, మరియు దానిని నమ్ముట ద్వారా తననుతాను సిద్ధపరచుకున్నది.

ఎవరునూ మనయొద్ద నుండి దానిని తీసివేయలేరు. మన జీవితములు వంకర చేయబడలేవు. ఆయనయొక్క ఆత్మ మనలో మండుచూ ప్రకాశించుచున్నది. ఆయన మనకు ఆయనయొక్క జీవమును, ఆయనయొక్క ఆత్మను ఇచ్చాడు, మరియు ఆయన మనలో ఆయనయొక్క జీవమును ప్రత్యక్షపరచుచున్నాడు. మనము దేవునిలో దాచబడియున్నాము మరియు ఆయనయొక్క వాక్యముచేత పోషించబడుచున్నాము. సాతానుడు మనల్ని ముట్టలేడు. మనము కదల్చబడలేము. ఏదియు మనల్ని మార్చలేదు. ప్రత్యక్షత ద్వారా, మనము ఆయనయొక్క వాక్య వధువు అయ్యాము.

సాతానుడు మనల్ని క్రిందికి తెచ్చుటకు ప్రయత్నించినప్పుడు, మనము కేవలం దేవుడు మనల్ని ఎలా చూస్తున్నాడన్నది వాడికి గుర్తు చేస్తాము. ఆయన క్రింద మనవైపుకు చూసినప్పుడు, ఆయనకు కనబడేదంతా శుద్ధ సువర్ణమేయై యున్నది. ఆయన నీతియే మన నీతియైయున్నది. ఆయన స్వంత మహిమకరమైన గుణలక్షణములే మన గుణలక్షణములై యున్నవి. మన గుర్తింపు ఆయనలో కనుగొనబడినది. ఆయన ఏమైయున్నాడో, దానిని మనమిప్పుడు ప్రతిబింభిస్తున్నాము. ఆయన ఏమైయుండెనో, దానిని మనమిప్పుడు ప్రత్యక్షపరుస్తున్నాము.

సాతానుడితో ఇట్లు చెప్పడానికి ఆయన ఎంతగా ఇష్టపడతాడో గదా, “నాకు ఆమెలో ఏ తప్పిదము కనబడుటలేదు; ఆమె పరిపూర్ణముగా ఉన్నది. నాకైతే, ఆమె నా వధువైయున్నది, లోపటనుండి వెలుపటనుండి మహిమకరముగా ఉన్నది. ఆదినుండి అంతము వరకు, ఆమె నా చేతి పనియైయున్నది, మరియు నా చేతి పనులన్నియు పరిపూర్ణమైయున్నవి. వాస్తవానికి, నా నిత్యమైన జ్ఞానము మరియు ఉద్దేశ్యము ఆమెలోనే ఉండి మరియు ఆమెలోనే ప్రత్యక్షపరచబడియున్నవి.”

“నేను నా ప్రియమైన వధువును అర్హురాలిగా కనుగొన్నాను. సువర్ణము మలచబడుటకు కొట్టబడునట్లుగా, ఆమె నా నిమిత్తము బాధననుభవించినది. ఆమె రాజీ పడలేదు, లొంగిపోలేదు, లేదా పగులగొట్టబడలేదు, అయితే సౌందర్యమైనదానిగా మలచబడినది. ఈ జీవితములోని ఆమెయొక్క పరీక్షలు మరియు శోధనలు ఆమెను నాయొక్క ప్రియమైన వధువుగా తయారు చేసినవి.”

అదియే కదా మన ప్రభువు? సరిగ్గా మనలను ఎలా ప్రోత్సాహపరచాలో ఆయనకు తెలుసు. “ఎన్నడూ నిరుత్సాహపడకండి గాని, ఉత్సాహపరచబడి యుండండి,” అని ఆయన మనకు చెప్తాడు. ఆయన కొరకైనట్టి మనయొక్క ప్రేమపూర్వకమైన క్రియలను ఆయన చూస్తాడు. మనము దేనిగుండా వెళ్ళవలసియున్నదో ఆయన చూస్తాడు. మనము ఓర్చుకోవలసిన అనుదిన పోరాటములను ఆయన చూస్తాడు. ప్రతిదానిలోనూ ఆయన మనలను ప్రేమించుచున్నాడు.

ఆయన దృష్టిలో మనము పరిపూర్ణముగా ఉన్నాము. కాలముయొక్క ఆరంభమునుండి ఆయన మన కొరకు వేచియున్నాడు. మన మేలు కొరకైతేనే తప్ప ఆయన మనకు ఏదియు జరుగనివ్వడు. సాతనుడు మన ముందుంచే ప్రతీ అడ్డంకును మనము దాటివస్తామని ఆయన ఎరిగియున్నాడు. మనము ఆయనయొక్క వధువైయున్నామని వాడికి ఋజువు చేయుటకు ఆయన ఇష్టపడతాడు. మనము కదల్చబడలేము. ఆది నుండి ఆయన వేచియున్నది మన కొరకేయైయున్నది. ఆయన నుండి మరియు ఆయనయొక్క వాక్యమునుండి మనలను ఏదియు వేరు చేయలేదు.

ఆయన మనతో నేరుగా మాట్లాడుటకు తనయొక్క బలిష్ఠుడైన దూత వర్తమానికుడిని మనకు పంపించాడు. ఆయన ఏమి చెప్పాడని ఎటువంటి ప్రశ్నలు ఉండకుండా ఆయన దానిని రికార్డు చేపించాడు. ఆమె కొరకు ఆయన వచ్చేదాకా ఆమె తినడానికి ఏదైనా కలిగియుండునట్లు ఆయన దానిని భద్రము చేపించాడు.

మనము “టేపు ప్రజలము,” అని చెప్పుచున్నందుకు ఇతరులు మనలను అపార్థము చేసుకొని మరియు వేదించినాగాని, మనము సంతోషిస్తాము, ఏలయనగా దీనిని చేయమనే ఆయన మనకు బయలుపరిచాడు. ఇతరులు వారు ఏమి చేయుటకు నడిపించబడితే దానిని చేయాలి, కానీ మనకైతే, మనము ఒక్క స్వరము క్రింద, టేపులలో ఉన్న దేవునియొక్క నిర్ధారించబడిన స్వరము క్రింద ఐక్యమవ్వవలసి యున్నాము.

మనము మరి దేనిని గ్రహించలేము. మనకు మరేదియు అర్థం కాదు. మనము మరి దేనిని చేయలేము. మనము మరిదేనిని అంగీకరించలేము. ఇతర విశ్వాసులు ఏమి చేయుటకు ప్రభువుచేత నడిపించబడ్డారని వారికి అనిపించుచున్నదో దానికి మనము వ్యతిరేకముగా లేము, అయితే దీనిని చేయుటకే దేవుడు మనల్ని నడిపించాడు, మరియు మనము ఇక్కడే నిలిచియుండవలసి యున్నాము.

మనము తృప్తిపరచబడ్డాము. మనము దేవునియొక్క స్వరముచేత పోషించబడుచున్నాము. మనము వినే ప్రతీ మాటకు మనము “ఆమేన్” అని చెప్పగలము. ఇది దేవుడు మన కొరకు ఏర్పాటు చేసిన మార్గమైయున్నది. మనము ఇంకేమి చేయలేము.

మాతో ఐక్యమవ్వడానికి అందరినీ ఆహ్వానించుటకు నేను అసలు ఎంతగానో ఇష్టపడుచున్నాను. సహోదరుడు బ్రెన్హామ్ గారు ఇక్కడ భూమి మీద ఉన్నప్పుడు ఆయన వాటిని ఎలా చేసాడో సరిగ్గా అదే విధంగా మేము కూడికలను జరిగించుచున్నాము. ఆయన ఇక్కడ శరీరములో లేకపోయినా గాని, దేవుడు టేపులో తన వధువుతో ఏమి చెప్పాడన్నదే ముఖ్యమైన విషయమైయున్నది.

టెలిఫోన్-ద్వారా వినేదానిలో భాగమైయుండుటకు ఆయన ప్రపంచమంతటినీ ఆహ్వానించాడు, అయితే అది కేవలం వారు అట్లు చేయగోరితేనే. దేవునియొక్క స్వరము వారితో మాట్లాడుటను అందరూ ఒకే సమయంలో వినగలుగుటకు వారికి సాధ్యమైన చోట ఆయన వారిని కూడుకొనునట్లు చేసాడు. అప్పుడు దేవుని ప్రవక్త చేసినది అదేయైయున్నది, కావున నాకు మాదిరి చూపించుటకు ఆయన ఏమి చేసాడో నేను కేవలం దానిని చేయుటకే ప్రయత్నించుచున్నాను.

కావున, ఆదివారము జఫర్సన్విల్ కాలమానం ప్రకారంగా, 12:00 P.M. గంటల సమయమప్పుడు, దేవుని వర్తమానికుడు: ఈ దుష్టయుగపు దేవుడు 65-0801M అను వర్తమానమును మనకు అందించడాన్ని మేము వినుచుండగా అనుసంధానము-విధానములో మాతో చేరవలెనని మీరు ఆహ్వానించబడ్డారు.

సహోదరుడు. జోసఫ్ బ్రెన్హామ్

 

వర్తమానము వినుటకు ముందు చదువవలసిన లేఖనములు:

పరిశుద్ధ. మత్తయి 24వ అధ్యాయము / 27:15-23
పరిశుద్ధ. లూకా 17:30
పరిశుద్ధ. యోహాను 1:1 / 14:12
అపొస్తలుల కార్యములు 10:47-48
1 కోరింథీ 4:1-5 / 14వ అధ్యాయము
2 కోరింథీ 4:1-6
గలతి 1:1-4
ఎఫెసీ 2:1-2 / 4:30
2 థెస్సలొనీకయ 2:2-4 / 2:11
హెబ్రీ 7వ అధ్యాయము
1 యోహాను అధ్యాయము 1 / 3:10 / 4:4-5
ప్రకటన 3:14 / 13:4 / అధ్యాయములు 6-8 మరియు 11-12 / 18:1-5
సామెతలు 3:5
యెషయా 14:12-14

 

 

ప్రియమైన ఒక్క భాగమా,

మనము గొప్ప ఎదురుచూపులతో మరియు గొప్ప ఆశలతో ఉన్నాము. మనము దానిని అనుభూతి చెందగలుగుచున్నాము, ఏదో సంభవించబోవుచున్నది. నీ స్వరమును వినడానికి; నీవు చెప్పే ప్రతిదానిని మరియు దేనినైనా పొందుకొనుటకు మేము ఐక్యపరచబడగోరుచున్నాము. మాకు అది కావాలి. మేము దానిలో భాగమయ్యుండగోరుచున్నాము. మేము ప్రతీ వాక్యమును నమ్ముచున్నాము.

ఏమి జరుగుచున్నది? దేవుడు చరిత్రను సృష్టించుచున్నాడు. దేవుడు ప్రవచనమును నెరవేర్చుచున్నాడు. అది ఎల్లప్పుడూ ఒక ఆకర్షణను కలుగజేస్తుంది. అది పోయిన ఆదివారము మనము ఎవరి గురించియైతే విన్నామో అటువంటి విమర్శకులను, వర్తమానములో ఉన్న రాబందులను తీసుకొనివస్తుంది, అయితే అది ఆయనయొక్క పక్షిరాజులను కూడా సమకూర్చుతుంది. ఏలయనగా శరీరము ఎక్కడున్నదో, పక్షిరాజులు అక్కడ పోగవును.

ఇదిగో నేను ప్రవక్తయగు ఏలీయాను మీయొద్దకు పంపుదును, అన్నటువంటి ప్రవక్తయొక్క ప్రవచనమునకు అది జవాబైయున్నది. దేవుడు తన ప్రవక్తను నిర్ధారించుచున్నాడు. అది దేవుడే ప్రవచనమును నెరవేర్చుటయైయున్నది. దేవుడు తన వాక్యమును నెరవేర్చుతూ, చరిత్రను సృష్టిస్తున్నాడు. అది మూడవ ఈడ్పు నెరవేర్చబడటమైయున్నది.

నేను చేసేదంతయూ సంఘపు నాయకులతో ఏకీభవించకుండా, మరియు వారు చేసే ప్రతిదానిని ఖండించడమే అన్నట్లుగా అగుపిస్తుందని నాకు తెలుసు, అయితే మనము ప్లేను నొక్కి మరియు ఆ వర్తమానమును, ఆ స్వరమును విని, మరియు దానిని వెంబడించుటకు ముందుగా ఏర్పరచబడిన ఆ నిర్దిష్టమైన ప్రజల గుంపుయైయున్నామని నేను నమ్ముచున్నాను.

మనము జనసమూహములను పట్టించుకోము. మనము అవిశ్వాసియొక్క విమర్శను పట్టించుకోము. మనము వారితో ఎటువంటి వాదనను కలిగియుండము. మనము చేయవలసినది ఒకే ఒక్కటి ఉన్నది, అదేమిటనగా, నమ్మి మరియు దానిలో మనము పొందుకోగల ప్రతి చిన్నదానిని కూడా పొందుకొని; యేసు పాదాల వద్ద కూర్చున్న మరియ వలె దానిని నాన్చబడనివ్వవలసి యున్నాము.

మనము మరిదేనిలోను ఆసక్తి కలిగిలేము. మనకు మరేదియు అక్కరలేదు. మనము వినవలసిన ప్రతీది టేపులలో ఉన్నదని మనము నమ్ముచున్నాము. దేవుని వాక్యమునకు ఎటువంటి అనువాదము అవసరములేదు.

ఆకర్షణ ఏమిటి? దేవుడు, మరొక్కసారి, తన వాక్యమును నెరవేర్చుచున్నాడు, దేశమంతటినుండి, పశ్చిమ తీరములో, పైన ఆరిజోనా కొండలలో, టెక్సస్ మైదానములలో, దూరాన్న తూర్పు తీరములోనుండి; దేశవ్యాప్తంగా మరియు ప్రపంచవ్యాప్తంగా సంఘములలో, పెట్రోలు బంకులలో, గృహములలో చిన్న మైకుల చుట్టూ కూడియున్న తన ప్రజలను సమకూర్చుచున్నాడు.

సమయములో మేము అనేక గంటల వ్యత్యాసమును కలిగియున్నాము, అయితే ప్రభువా, మేము ఒక్క భాగముగా, విశ్వాసులుగా కలిసియున్నాము, మెస్సీయా యొక్క రాకడ కొరకు వేచియున్నాము. నీ ప్రవక్త ఇక్కడ ఉన్నప్పుడు నీ వధువును ఐక్యపరచుటకు ఆయన ఏమి చేసాడో దానిని వెంబడిస్తూ మరియు సరిగ్గా దానిని చేయుటకే నేను ప్రయత్నిస్తున్నాను. ఆయన ఏమి చేసాడో అదియే నాకు ఉదాహరణగా ఉన్నది.

ఇక్కడ బ్రెన్హామ్ టెబర్నికల్ వద్ద అందరినీ కూర్చోబెట్టుటకు మాకు సరిపడా స్థలము లేదు, కావున ఆయన అప్పుడు చేసినట్లే, మేము వారికి టెలిఫోన్ అనే మాధ్యమము ద్వారా వాక్యమును పంపవలసియున్నది. ప్రభువు రాకడ కొరకు వేచియుంటూ, ఇక్కడ జఫర్సన్విల్ లో, మేము మా స్థానిక సంఘములలో కూడుకుంటాము.

ఈ చివరి దినములలో నీ పరిపూర్ణ చిత్తము కాకుండా నీకు సేవచేయ ప్రయత్నించువారు అనేకులు ఉంటారని నీవు మాకు చెప్పావు. నిజమైన పరిశుద్ధాత్మతో నింపబడినవారు అనేకులు ఉంటారు కానీ, వారు తప్పుడు బోధకులుగా ఉంటారని చెప్పావు. ప్రభువా, మేము నిశ్చయత కలిగియుండుటకు మాకు తెలిసిన ఒకేఒక్క మార్గమేదనగా వాక్యముతో నిలిచియుండటమే, టేపు బోధనతో నిలిచియుండటమే, నీయొక్క నిర్ధారించబడిన స్వరముతో నిలిచియుండటమే.

మేము వెంబడించడము తప్ప మరేదియు చేయలేనటువంటి నీయొక్క ముందుగా ఏర్పరచబడిన విత్తనమైయున్నామని మేము నమ్ముచున్నాము; అది మాకు జీవముకంటే విలువైనది. మా ప్రాణములను తీసివేసుకొనుము, కానీ దానిని తీసుకొనవద్దు.

ఈ ఆదివారము ఏమి జరుగబోవుచున్నది? దేవుడు తన వాక్యమును నెరవేర్చుతుంటాడు. దేశవ్యాప్తంగా, టెలిఫోను అనే మాధ్యమము ద్వారా వింటూ, దేశమంతటా, ఒక తీరమునుండి మరొక తీరము వరకు, ఉత్తరము నుండి దక్షిణము వరకు, తూర్పు నుండి పశ్చిమము వరకు, వందలకొలది ప్రజలు ఒకరిపై మరొకరు తమ చేతులనుంచుతారు.

ప్రపంచ వ్యాప్తంగా విదేశాలలో కూడా, మేమంతా ఒకరిపై ఒకరము చేతులనుంచుతాము. “మాకు ఒక ప్రార్థనా కార్డు అవసరము లేదని, మేము ఒక వరుస గుండా రావలసిన అవసరం లేదని, మాకు విశ్వాసము మాత్రమే అవసరమైయున్నదని,” నీవు మాతో చెప్పావు.

మేము మా చేతులనెత్తి మరియు, “నేను ఒక విశ్వాసిని,” అని చెప్తాము. ఏమి జరుగబోవుచున్నది?

దేవుడు తన వాక్యమును నెరవేర్చుతాడు!

మేము ఈ వర్తమానమును వినుచుండగా, ఆయనయొక్క వధువులో ఒక భాగమైయున్న మాతో కలిసి వినడానికి, మిమ్మల్ని ఆహ్వానించుటకు నేను ఇష్టపడుచున్నాను: 65-0725E ఆ పర్వతము మీద ఆకర్షణ ఏమిటి? మేము జఫర్సన్విల్ కాలమానం ప్రకారంగా ఆదివారము 12:00 P.M., గంటల సమయమప్పుడు కూడుకుంటాము.

కూడుకొని, ఒకే సమయములో ఒకే వర్తమానమును వినడంవలన మేము ఒక సంఘశాఖయని కొంతమందికి అనిపించవచ్చును, అయితే సహోదరుడు బ్రెన్హామ్ గారు ఇక్కడ ఉండియుంటే, ప్రపంచమంతటి నుండి వధువును సమకూర్చుతూ, ఈయన మాట వినుడి అని చెప్పబడినదానిని ఒకే సమయములో వింటూ, మేము దేనిని చేస్తున్నామో, ఆయన సరిగ్గా దానినే చేస్తాడని నేను నమ్ముచున్నాను.

సహోదరుడు. జోసఫ్ బ్రెన్హామ్

 

లేఖనములు:

పరిశుద్ధ. మత్తయి 21:1-4
జెకర్యా 9:9 / 14:4-9
యెషయా 29:6
ప్రకటన 16:9
మలాకీ 3:1 / 4th Chapter
పరిశుద్ధ. యోహాను 14:12 / 15:1-8
పరిశుద్ధ. లూకా 17:22-30