ప్రియమైన ఓటమిలేని దేవుని సైన్యమా,

తండ్రి ఎన్నుకొని మరియు తనను గూర్చిన నిజ ప్రత్యక్షతను అనుగ్రహించినవారము మనమే; ఆయనయొక్క ఒకేఒక్క నిజమైన సంఘమైయున్నాము. ఆయనయొక్క గొప్ప కార్యములను చేయుటకు ఆయన ఎన్నుకున్నవారమైయున్నాము. ఏలయనగా ఆయన ఆత్మ ద్వారా, మనము సాతానుడియొక్క క్రీస్తువిరోధి ఆత్మను వివేచించి మరియు దానిని ఎదుర్కోగలము. వాడు మనయెదుట శక్తిలేనివాడైయున్నాడు, ఎందుకనగా మనము ఆయనయొక్క ఓటమిలేని సైన్యమైయున్నాము.

సాతానుడు ప్రత్యక్షతయంతటినీ ద్వేశిస్తాడు, కానీ మనము దానిని ప్రేమిస్తాము; ఏలయనగా మనము ప్రత్యక్షపరచబడిన దేవుని వాక్యమును ప్రేమించువారమైయున్నాము. మన జీవితములో ఆయనయొక్క అసలైన ప్రత్యక్షతను కలిగియుండగా, పాతాళలోక ద్వారములు మనయెదుట నిలువనేరవు; శత్రువుపై మనము జయము పొందుతాము. ప్రతీ దయ్యము మన పాదముల క్రిందనున్నది. మనము ఆయనయొక్క వాక్యమైయున్నాము గనుక, మనము ఆయనతో ఒక్కటైయ్యుండి మరియు వాక్యమును పలుకగలవారమై యున్నాము.

మనము ఏడుసంఘకాలములను అధ్యయనం చేస్తూ మరియు వాటిని వినవలెనని ప్రభువు నా హృదయములో పెట్టాడు. మనలో ప్రతీ ఒక్కరికీ ఇవి ముఖ్యమైన వారములుగా ఉండబోవుచున్నవి. ఆయనయొక్క జయించు శక్తిద్వారా, ముందెన్నడూ లేనివిధంగా ఆయన మనకు ఆయనయొక్క వాక్యమును బయలుపరుస్తూ ఉంటాడు.

ఇప్పుడు సమయమైనది. ఇప్పుడు తగిన ఋతువైయున్నది. ప్రత్యక్షతవలన మనకు ఉత్తేజమునిచ్చుట ద్వారా, ఆయన మనల్ని పురిగొల్పుతుంటాడు, మనల్ని ప్రోత్సహిస్తుంటాడు, మరియు అది మన అంతరాత్మలను రగుల్చుతుంది!!

యేసుక్రీస్తు యొక్క ప్రత్యక్షత ఒక ప్రవచనాత్మకమైన పుస్తకమైయున్నది, అది ప్రవచనాత్మకమైనవాటిని చూడగల దృష్టిని కలిగియున్న ఒక ప్రత్యేకమైన తరగతి ప్రజలకు, అనగా మనకు, ఆయన వధువుకు మాత్రమే అర్థమవుతుంది. మనకు సహజాతీతమైన సూచనలను ఇస్తున్నట్టి, ఆయనయొక్క ఎన్నుకోబడిన దూతయైన వర్తమానికుడి ద్వారా వస్తున్న దేవునియొక్క స్వరమును మీరు వింటున్నారని మరియు చదువుతున్నారని ఎరుగుటకు నిజమైన ప్రత్యక్షత అవసరమైయున్నది.

అన్ని కాలములలోని క్రైస్తవుల విషయమై అది యోహానుకు ఇవ్వబడిన యేసుక్రీస్తుయొక్క ప్రత్యక్షతయైయున్నది. బైబిలు గ్రంథమంతటిలో, యేసు స్వయంగా తానే, వ్యక్తిగంతంగా ఒక లేఖికుడికి ప్రత్యక్షమై వ్రాయించిన ఏకైక పుస్తకము ఇదేయైయున్నది.

ప్రకటన గ్రంథమనేది స్వయంగా దేవునిచేత వ్రాయబడినటువంటి దేవునియొక్క స్వంత తలంపులైయున్నవి. అయితే ఆయన తన దూత ద్వారా వర్తమానము పంపి మరియు తన దాసుడైన యోహానుకు దానిని సూచించాడు. యోహానుకు దాని అర్థము తెలియదు; అతడు కేవలం తాను చూసినదానిని మరియు వినినదానిని వ్రాసాడు.

అయితే ఈనాడు, ఈ గొప్ప ప్రత్యక్షతను ఆయనయొక్క వధువునకు బయలుపరచడానికి దేవుడు తనయొక్క బలిష్ఠుడైన దూతను భూమిమీదికి పంపించాడు, తద్వారా మనము సంఘకాలములన్నిటిలో ఏమి జరిగినదో చదివి మరియు వినగలుగుటకైయున్నది. ప్రతి కాలములోనూ వాక్యమునకు నమ్మకముగాను మరియు విశ్వసనీయముగాను నిలిచియున్న ఆయనయొక్క చిన్న గుంపును మనము చూడగలము.

దేవుడు తన దూత ద్వారా మాట్లాడి మరియు ఈ అంత్యదినములలో, ఆయనయొక్క ఏడవ సంఘకాల వర్తమానికుని స్వరము పలుకుటను ప్రారంభించినప్పుడు, ఆయన పౌలుకు బయలుపరచినట్లే దేవునియొక్క మర్మములను బయలుపరుస్తాడని చెప్పాడు. ఆ ప్రవక్తను తన స్వంత నామమందు స్వీకరించువారు ఆ ప్రవక్త పరిచర్యయొక్క ఫలమును పొందుకుంటారు.

మహిమ, మనము ఆ ప్రవక్తను తన స్వంత నామమందు స్వీకరించి, ప్లేను నొక్కే దేవుని వధువైయున్నాము, మరియు మనము దానియొక్క లాభమును పొందుచున్నాము. అది తన వధువుతో మాట్లాడుచు మరియు మరియు ఆమెను నడిపించుచున్న దేవునియొక్క స్వరమైయున్నదని మనము నమ్ముచున్నాము.

ఓ సంఘమా, ఈ రానున్న వారములలో మనము ఏమి చదువుచు మరియు ఏమి వినబోవుచున్నాము కదా. ఆయనకైతే, మనము శుద్ధసువర్ణముతో పోలినవారమైయున్నాము. ఆయన ఏమైయున్నాడో, మనము అదేయైయున్నాము. మనము ఆయనయొక్క నిజమైన ద్రాక్షావల్లియై యున్నాము. మనము జయించియున్నాము. మనము పరిపూర్ణులుగా చేయబడ్డాము, స్థిరపరచబడ్డాము, బలపరచబడ్డాము. ఆయనయొక్క ఎన్నికయైన ప్రేమద్వారా ఏర్పరచుకొనబడ్డాము. దేనికీ భయపడవలసిన అవసరము లేదు. మనము వర్తమానికుడిని మరియు ఆయనయొక్క వర్తమానమును విని మరియు దానిని తీసుకొని మరియు దానిని జీవించిన గుంపుయైయున్నాము.

ప్రతి వారము మనము ఇట్లు చెప్తుంటాము, “దారిలో ఆయన మనతో మాట్లాడి మరియు ఆయనయొక్క వాక్యమును మనకు బయలుపరుస్తుండగా మన హృదయములు మనలో మండలేదా”.

మీరు ఆయన పరిశుద్ధాత్మయొక్క అభిషేకమును అనుభూతి చెందగోరుచున్న యెడల, దేవుని వాక్యమును గూర్చి మరింత ప్రత్యక్షతను పొందగోరుచున్న యెడల, మరియు కుమారునియొక్క సన్నిధిలో కూర్చొని మరియు పరిపక్వమవ్వగోరుచున్న యెడల, మరియు ఎత్తబడు విశ్వాసమును పొందగోరుచున్న యెడల, ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు: యేసుక్రీస్తుయొక్క ప్రత్యక్షత 60-1204M పై మేము మాయొక్క గొప్ప అధ్యయనమును ప్రారంభిస్తుండగా వచ్చి మాతో చేరండి.

సహోదరుడు. జోసఫ్ బ్రెన్హామ్

 

సంఘకాలముల పుస్తకము నుండి, ప్రతి ఆదివారము మనము వినినట్టి అధ్యాయమును, ఆ వారములో మీరు వినవలెనని లేదా చదవవలెనని ప్రోత్సహించుటకు నేను ఇష్టపడుచున్నాను.

 

 

విశ్వాసపు తాళపుచెవిని కలిగియున్న ప్రియమైనవారలారా,

“నేనే గొర్రెల దొడ్డికి ద్వారమును. నేనే మార్గమును, ఏకైక మార్గమును, సత్యమును, జీవమును, మరియు నా ద్వారానే తప్ప ఎవడును తండ్రియొద్దకు రాడు. సమస్తవిషయములకు నేనే ద్వారమునైయున్నాను, మరియు మీరు ప్రవేశించే ద్వారమును తెరచు తాళపుచెవి విశ్వాసమైయున్నది.”

ఈ తాళపుచెవిని పట్టుకోగల ఒకేఒక్క చెయ్యి ఉన్నది, మరదియే విశ్వాసముగల చెయ్యి యైయున్నది. దేవునియొక్క వాగ్దానములన్నిటినీ తెరచు తాళపుచెవి విశ్వాసమేయై యున్నది. ఆయన ముగించిన కార్యమునందు విశ్వాసము కలిగియుండుట అనేది దేవుని రాజ్యములో ప్రతీ ధనమునకు ఉన్న ప్రతీ ద్వారమును తెరుస్తుంది. విశ్వాసమనేది అన్ని తాళపుబుర్రలకు పనిచేయునటువంటి దేవునియొక్క గొప్ప తాళపుచెవియైయున్నది అది ఆయనయొక్క వధువు కొరకు అన్ని ద్వారములను తెరుస్తున్నది మరియు మనము విశ్వాసముగల మన చేతిలో ఆ తాళపుచెవిని పట్టుకొనియున్నాము.

ఆ విశ్వాసము మన హృదయములలో ఉన్నది, మరియు మనము ఇట్లు చెప్పుచున్నాము, “అది దేవునియొక్క వాక్యమైయున్నది; అవి మన కొరకైన దేవుని వాగ్దానములైయున్నవి, మరియు మనము తాళపుచెవిని పట్టుకొయున్నాము”. మరియు పిదప, ఒక్క సందేహపు ముక్కయైనా లేకుండా, మనము కలిగుయున్న ప్రతి విశ్వాసపు అణువుతో, దేవుడు మన కొరకు కలిగియున్న ఆశీర్వాదములకు మరియు మనకు మధ్యనున్న ప్రతీ ద్వారమును మనము తెరుస్తాము. అది బలమైన అగ్ని జ్వాలలను చల్లారుస్తుంది. అది రోగుల కొరకు స్వస్థతను తెరుస్తుంది. అది మన రక్షణను తెరుస్తుంది. మనము ద్వారమునొద్దకు వచ్చియున్నాము మరియు మనము మాటచేతగాని లేదా క్రియచేతగాని ఏది చేసినను, మనము విశ్వాసపు తాళపుచెవిని కలిగియున్నామని ఎరిగియుండి, సమస్తమును ఆయన నామములో చేస్తాము; మరియు అది లేఖనము-ద్వారా చేయబడిన తాళపుచెవియైయున్నది.

ఎవరు ఏమి అనుకుంటారన్నది మనము లెక్కచేయము, ఒక్కటి మాత్రం నిశ్చయము: దేవుడు మనల్ని పిలుచుకున్నాడు, మనల్ని ముందుగా నిర్ణయించుకున్నాడు, ఆయనయొక్క వాక్యమును మనకు బయలుపరచుకున్నాడు, మనము ఎవరమన్నది మనతో చెప్పియున్నాడు, మరియు ఆయన వాక్యమును వెంబడించాలని మనము తీర్మానించుకున్నాము, ఎందుకనగా ఆయన తనయొక్క వధువుగా ఉండుట కొరకు మనల్ని పిలచుకున్నాడు.

తండ్రి తన చేతిలో తనయొక్క ఏడు నక్షత్రములను, ఏడు కాలములకు, ఏడు వర్తమానికులను పట్టుకొనియున్నాడు. ఆయన వారిని తన చేతిలో పట్టుకొనియున్నాడు, అందునుబట్టియే వారు ఆయన శక్తితో సంబంధం కలిగియున్నారు. చెయ్యి దానినే సూచిస్తుంది. అది దేవునియొక్క శక్తిని సూచిస్తుంది! మరియు దేవునియొక్క అధికారమును సూచిస్తుంది.

మన విశ్వాసముగల చేతిలో మనము ఆయనయొక్క వాక్యమును పట్టుకొనియున్నాము, మన చేతులలో దేవునియొక్క శక్తి మరియు అధికారము ఉన్నదని అది సూచిస్తుంది మరియు మనకు అవసరత కలిగియున్న ప్రతిదాని కొరకు ప్రతి ద్వారమును తెరచుటకు ఆయన మనకు ఆ తాళపుచెవిని ఇచ్చాడు. అది ప్రతీ ద్వారమును తెరచునట్టి ప్రధానమైన తాళపుచెవియైయున్నది.

దేవుడు మన చేతికి 5 వ్రేళ్ళను ఎందుకిచ్చాడో ఇప్పుడు నాకు తెలుస్తుంది; 4 కాదు, 6 కాదు, అయితే 5, తద్వారా మనము మన చేతులవైపు చూసిన ప్రతిసారి, ప్రతి ద్వారమును తెరువగల విశ్వాసమును మనము కలిగియున్నామని మనకు గుర్తుకువస్తుంది.

ఆ విశ్వాసమును మన చేతులలో పట్టుకొనియున్నామని, ఎన్నడూ మర్చిపోకుండా; ఎల్లప్పుడూ జ్ఞాపకముంచుకొని మరియు ధైర్యము తెచ్చుకొనుటకు అది ఒక శాశ్వతమైన గురుతైయున్నది. మరియు మనయొక్క ఆవగింజంత విశ్వాసమును ఆయన హెచ్చించి మరియు ఎన్నడూ-విఫలమవ్వని, ఎన్నడూ తప్పిపోని నిత్యమైనటువంటి ఆయనయొక్క వాక్యమునందు ఆయనయొక్క గొప్ప విశ్వాసమును మనకు అనుగ్రహిస్తాడు!!!

మనము పరలోకము వైపునకు మన చేతులెత్తి, మన చేతులకు గల మనయొక్క 5 వ్రేళ్ళను చాపి ఆయనతో ఇట్లు చెప్పవచ్చును, “తండ్రీ, నీవు పలికిన ప్రతి మాటయందు మాకు విశ్వాసమున్నది మరియు మేము నమ్ముచున్నాము. అది నీ వాగ్దానమైయున్నది, నీ వాక్యమైయున్నది, మరియు మేము కేవలం నమ్మితే మాకు అవసరమైన విశ్వాసమును నీవు మాకు అనుగ్రహిస్తావు…మరియు మేము నమ్ముచున్నాము.”

ఆదివారము సాయంకాలము వరకు మనము ప్రభురాత్రి భోజనమును తీసుకొనబోవడంలేదు గనుక, ఆదివారము ఉదయము, మీకు అనుకూలమైన సమయములో, మీ సంఘముతో, కుటుంబముతో కలిసి వినుటకు, లేదా వ్యక్తిగతంగానైనా వినుటకు ఒక వర్తమానమును ఎన్నుకొనమని మిమ్మల్ని ప్రోత్సహించుటకు నేను ఇష్టపడుచున్నాను. మన విశ్వాసమును సరిచూసుకొనుటకు వాక్యమును వినుటకంటే నిజంగా ఏ ఉత్తమైన మార్గము లేదు; ఏలయనగా వినుటవలన విశ్వాసము కలుగును, వాక్యమును వినుటవలన కలుగును, మరియు వాక్యము ప్రవక్త యొద్దకు వచ్చెను.

పిదప మనమందరమూ (మీ స్థానిక కాలమానం ప్రకారంగా) సాయంత్రం 5:00 గంటలప్పుడు, 62-1007 ద్వారమునకు తాళపుచెవి అను వర్తమానమును వినుటకు కూడుకుందాము. ప్రకటించబడిన ప్రకారంగా, నేను దీనిని ఒక ప్రత్యేకమైన ప్రభురాత్రి భోజనపు కార్యక్రమముగా చేయాలనుకుంటున్నాను, జఫర్సన్విల్ కాలమానం ప్రకారంగా సాయంత్రం 5:00 గంటలప్పుడు ఇది వాయిస్ రేడియోలో ప్లే చేయబడుతుంది. ఇక్కడ నొక్కడం ద్వారా మీరు ఇంగ్లీషులోనైనా లేదా ఇతర భాషలలోనైనా డౌన్లోడ్ చేసుకొని మరియు దీనిని ప్లే చేసుకొనవచ్చును: LINK HERE.

గతంలో జరిగిన గృహ ప్రభురాత్రి భోజనపు కార్యక్రమముల వలె, టేపు ముగింపులో సహోదరుడు బ్రెన్హామ్ గారు రొట్టె మరియు ద్రాక్షరసమునకు ప్రార్థన చేస్తారు. మీరు ప్రభురాత్రి భోజనమును ముగించుకొనుటకు అనేక నిమిషములు పియానో సంగీతం ఉంటుంది. పిదప, సహోదరుడు బ్రెన్హామ్ గారు పాద పరిచర్యకు సంబంధించిన లేఖనమును చదువుతారు, మరియు ఆయన లేఖనమును చదివిన అనంతరం, మీరు పాద పరిచర్యను ముగించుకొనుటకు, అనేక నిమిషములు సువార్త గీతములు ఉంటాయి.

మన గృహములలో, సంఘములలో, లేదా మీరెక్కడుంటే అక్కడ మనతో భోజనము చేయుటకు ప్రభువైన యేసును ఆహ్వానించడానికి మనము ఎటువంటి భాగ్యమును కలిగియున్నాము కదా. మీరు ఆయనతో మాట్లాడినప్పుడు నా కొరకు ప్రార్థించండి, నేను కూడా నిశ్చయముగా మీ కొరకు ప్రార్థిస్తూ ఉంటాను.

దేవుడు మిమ్మల్ని దీవించును గాక,

సహోదరుడు జోసఫ్ బ్రెన్హామ్

 

 

సహోదరులారా మరియు సహోదరీలారా,

ప్రభువు చిత్తమైతే, ఈ ఆదివారము, అనగా సెప్టెంబరు 29న, మనము మరొక ప్రభురాత్రి భోజనమును మరియు పాదశుద్ధి కార్యక్రమాన్ని కలిగియుండాలని నేను కోరుచున్నాను. గతంలో మనము చేసినట్లే, మీ స్థానిక కాలమానం ప్రకారంగా సాయంత్రం 5:00 గంటల సమయమప్పుడు మీరు ప్రారంభించుటకు నేను మిమ్మల్ని ప్రోత్సహిస్తున్నాను. అపొస్తలులు తాము కూడివచ్చిన ప్రతిసారి ప్రభురాత్రి భోజనమును తీసుకున్నారని సహోదరుడు బ్రెన్హామ్ గారు చెప్పినప్పటికినీ, ఆయన దానిని సాయంకాలవేళలో తీసుకొనుటకు ఇష్టపడ్డారు, మరియు దానిని ప్రభువు భోజనము అని పిలిచారు.

వర్తమానము మరియు ప్రభురాత్రి భోజనపు కార్యక్రమము వాయిస్ రేడియోలో ప్రసారమౌతుంది, మరియు ఆదివారం సాయంకాలము వాయిస్ రేడియోకి అనుసంధానం అవ్వలేనివారి కొరకు డౌన్లోడ్ చేసుకోగల ఫైలుకు సంబంధించిన లింకు కూడా ఉంటుంది.

జఫర్సన్విల్ ప్రాంతములో ఉన్న విశ్వాసులు తీసుకొనుటకు, మా వద్ద ప్రభురాత్రి భోజనపు ద్రాక్షరసము మరలా అందుబాటులో ఉంటుంది. ప్రాంతము, దినము మరియు సమయమును తెలియజేస్తూ త్వరలో ఒక ప్రకటన చేయబడుతుంది.

ప్రభువు మనకు విడిచిపెట్టిన ఈ ప్రశస్తమైన నియమమును మనము పాటించుటకు నేను నిశ్చయంగా ఎదురుచూపుతో ఉన్నాను. రాజులకు రాజు వచ్చి మరియు ఆయనయొక్క బల్ల వద్ద మనతో భోజనము చేయుటకై మనము మన గృహములను సిద్ధపరచుకొని మరియు మన హృదయములను తెరచుటకు అది మనకు ఎటువంటి ఒక భాగ్యము కదా.

దేవుడు మిమ్మల్ని దీవించును గాక,
సహోదరుడు జోసఫ్

రొట్టెను కాల్చుటకు / ద్రాక్షరసమును చేయుటకు సూచనలు

ప్రభురాత్రి భోజనపు ద్రాక్షరసమును / పాదములు కడుగుటకు పాత్రలను పొందుకొనుటకు సూచనలు

 

 

ప్రియమైన దేవుని గుణలక్షణమా,

మనం సాక్షాత్తు మన పరలోకపు తండ్రియొక్క గుణలక్షణమైయున్నాము; ఏలయనగా ఆదిలో మనము ఆయనలో ఉన్నాము. మనకు ఇప్పుడు అది జ్ఞాపకముండదు, కానీ మనము ఆయనతో ఉండియున్నాము, మరియు ఆయన మనల్ని ఎరిగియున్నాడు. ఆయన మనల్ని ఎంతగా ప్రమించాడంటే, ఆయన మనతో సంబంధము కలిగియుండుటకు, మనతో మాట్లాడుటకు, మనల్ని ప్రేమించుటకు, మనతో కరచాలనము కూడా చేయుటకు ఆయన మనల్ని శరీరులుగా చేశాడు.

అయితే సాతానుడు వచ్చి మరియు దేవునియొక్క అసలైన వాక్యమును, ఆయన రాజ్యమును, మనకొరకైన ఆయన ప్రణాళికను వంకర చేశాడు. వాడు స్త్రీ పురుషులను మలిచివేసి మరియు వంకర చేయుటలో మరియు మనము నివసిస్తున్న ఈ ప్రపంచమును చేజిక్కించుకొనుటలో సఫలమయ్యాడు. వాడు భూమిని వాని రాజ్యముగా, వాని ఏదెను తోటగా చేసియున్నాడు.

ఇది ఎన్నడూ లేనటువంటి అత్యంత మోసపూరితమైన మరియు ద్రోహపూరితమైన ఘడియయైయున్నది. అపవాది ఒక పెద్ద మోసగాడు కాబట్టి; వాడు బిగించగల ప్రతీ కుయుక్తిగల ఉచ్చును బిగించాడు. ఏ కాలములోనైనా ఉన్నదానికంటే ఈ దినమునే ఒక క్రైస్తవుడు ఎంతో మెలకువగా ఉండవలసియున్నాడు.

అయితే అదే సమయములో, అన్ని కాలములలో కంటే ఇదే అత్యంత మహిమకరమైన కాలమైయున్నది, ఎందుకనగా మనము ఆ గొప్ప వెయ్యేండ్ల పాలనను ఎదుర్కొంటున్నాము. ఎక్కడైతే మనం పరిపూర్ణమైన ప్రేమను మరియు దేవునియొక్క ప్రేమను గూర్చి పరిపూర్ణమైన అవగాహనను కలిగియుంటామో, అట్టి మన ఏదెను తోట త్వరలో వచ్చుచున్నది. మనం మన ఏదెనులో ఆయనతోపాటు నిత్యమూ సజీవులుగాను మరియు సురక్షితంగాను ఉంటాము.

ఈ దినమున మనం ఎంత జాగ్రత్తగా ఉండాలన్నది మత్తయి 24లో యేసు మనకు చెప్పాడు. ఎన్నడూ లేనటువంటి అత్యంత మోసపూరితమైన దినముగా ఇది ఉంటుందని ఆయన మనల్ని హెచ్చరించాడు, “సాధ్యమైతే దేవునిచేత ఏర్పరచబడినవారిని సైతం మోసపరిచేంత సమీపంగా అది ఉంటుంది”; ఏలయనగా అపవాదియొక్క కుయుక్తి, ప్రజలను వారు క్రైస్తవులు కాకుండానే వారు క్రైస్తవులని నమ్మున్నట్లు చేస్తుంది.

అయితే ఈ కాలము మోసపోని, మోసపరచబడలేని, ఆయనయొక్క స్వచ్ఛమైన వాక్య వధువును కూడా తీసుకొనివస్తుంది; ఏలయనగా వారు ఆయనయొక్క అసలైన వాక్యముతో నిలిచియుంటారు.

యెహోషువ మరియు కాలేబు వలె, వారికిలాగానే మన వాగ్దాన దేశము కూడా కనబడేంత సమీపంగా వచ్చుచున్నది. యహోషువ అనగా అర్థము, “యెహోవాయే-రక్షకుడు” అని మన ప్రవక్త చెప్పియున్నాడు. అసలైన నాయకుడిగా పౌలు వచ్చినట్లే, సంఘమునకు వచ్చునటువంటి అంత్య-కాలపు నాయకుడికి అతడు ప్రాతినిధ్యము వహించాడు.

యెహోషువతో నమ్మకముగా నిలబడినవారికి కాలేబు ప్రాతినిధ్యము వహించాడు. ఇశ్రాయేలు పిల్లల వలెనే ఉన్నది, దేవుడు తనయొక్క వాక్యముతో వెళ్తున్న ఒక కన్యక వలె వారిని బయటకు నడిపించాడు; కానీ వారు భిన్నమైనదానిని కోరుకున్నారు. మన ప్రవక్త ఇట్లన్నాడు, “ఈ అంత్య-దినపు సంఘము కూడా అలాగే చేస్తుంది.” కావున దేవుడు, ఆయనయొక్క స్వంత నియామక కాలము వచ్చేదాకా ఇశ్రాయేలును వాగ్దాన దేశములోనికి వెళ్ళనివ్వలేదు.

ప్రజలు, దేవుడు వారికి అనుగ్రహించినట్టి నాయకుడైన యెహోషువను ఒత్తిడిచేసి, మరియు ఇట్లన్నారు, “ఆ దేశము మనది, మనము వెళ్ళి దానిని స్వాధీనపరచుకుందాము. యెహోషువా, నీ పని అయిపోయినది, నీవు నీ ఆజ్ఞను కోల్పోయినట్లున్నావు. నీవు ఇదివరకు కలిగియుండే శక్తిని ఇప్పుడు కలిగిలేవు. నీవు ఇంతకుముందు దేవునియొద్దనుండి విని మరియు దేవునియొక్క చిత్తమును ఎరిగి, మరియు వెంటనే పనిచేసేవాడివి. నీతో ఏదో సమస్య ఉన్నది.”

యెహోషువ దేవునిచేత పంపబడిన ప్రవక్తయైయున్నాడు, మరియు అతడు దేవుని వాగ్దానములను ఎరిగియున్నాడు. మన ప్రవక్త మనతో ఇట్లు చెప్పాడు:

దేవుడు సరిగ్గా యెహోషువతో చేసినట్లే, పూర్తి నాయకత్వమును తనయొక్క దూత ప్రవక్తయైన, విలియమ్ మారియన్ బ్రెన్హామ్ చేతులలో పెట్టాడు; ఏలయనగా ఆయన అతడిని నమ్మగలడు కానీ, ఇతరులను నమ్మలేడని ఆయన ఎరిగియున్నాడు. ఒక్క స్వరము, ఒక్క నాయకుడు, ఒక్క ఆఖరి మాట ఉండవలసియున్నది, అప్పుడును, మరియు ఇప్పుడును అంతే.

టేపులను వినేవారు వేలకు వేల మంది ఉంటారని ప్రవక్త మనకు చెప్పినదానిని నేను ఇష్టపడుచున్నాను. టేపులు ఒక పరిచర్యయై యున్నవని ఆయన చెప్పాడు. దేవునియొక్క ముందుగా ఏర్పరచబడిన విత్తనమును పట్టుకోవడానికి మనలో కొందరు ఒక టేపుతో (ఆయనయొక్క పరిచర్యతో) గృహములలోనికి మరియు సంఘములలోనికి వెళతామని చెప్పాడు.

మనము తిరిగి వచ్చి మరియు ఇట్లు చెప్పినప్పుడు, ప్రభువా, మేము నీ ఆజ్ఞలకు విధేయత చూపాము, మరియు మేము టేపులను ప్లే చేసినప్పుడు నమ్మినట్టి ప్రజలు ఉండుటను మేము కనుగొన్నాము. ఇప్పుడు మేము దానిని, ప్రపంచవ్యాప్తంగా ప్రకటించియున్నాము, నీవు దానిని ఘనపరచుదువా?

ఆయన ఇట్లంటాడు: “దానిని చేయుటకే నేను మిమ్మల్ని పంపించాను.”

దేవుడు దానిని ఘనపరుస్తాడు. మీ ఇల్లు ఎన్నడూ కూలిపోదు. సమస్తమును నాశనము చేయమని దేవుడు సైగ చేసినప్పుడు, మీ కుటుంబమంతా, మీరు కలిగియున్నదంతా, మీ ఇంటిలో సురక్షితముగా ఉంటుంది. మీరు అక్కడ నిలబడగలరు. మీరు కిటికీనుండి బయటకు చూడనవసరంలేదు, యుద్ధము జరుగుచుండగా కేవలం ప్లేను నొక్కండి.

ఈ ఆదివారము, జఫర్సన్విల్ కాలమానం ప్రకారంగా 12:00 P.M. గంటల సమయమప్పుడు, దేవునియొక్క గొప్ప, ప్రత్యక్ష, అంత్య-కాల పరిచర్యను మేము తినుచుండగా, వచ్చి మాతో చేరమని నేను మిమ్మల్ని ఆహ్వానిస్తున్నాను, మనము: సాతానుని ఏదెను 65-0829 అనుదానిని వింటాము.

సహోదరుడు. జోసఫ్ బ్రెన్హామ్

 

వర్తమానమును వినుటకు ముందు చదువవలసిన లేఖనములు:

2 తిమోతి 3:1-9
ప్రకటన 3:14
2 థెస్సలొనిక 2:1-4
యెషయా 14:12-14
మత్తయి 24:24

 

 

ప్రియమైన శ్రీమతి. యేసుక్రీస్తు,

జీవముగల దేవుని ఆత్మా, మాపైన ఊదుము. ప్రభువా, నీ వడపోత సాధనమును తీసుకొని మరియు మమ్మల్ని దానిక్రింద బ్రతుకనిమ్ము. అనుదినము పరిశుద్ధాత్మయొక్క తాజా శ్వాసను మా ఊపిరితిత్తులలోనికి మరియు మా అంతరాత్మలలోనికి ఊదుము. మేము కేవలం నీ వాక్యము ద్వారా మాత్రమే జీవించగలము; మేము జీవిస్తున్న ఈ కాలము కొరకు నీ నోటనుండి వచ్చు ప్రతి మాటవలన మాత్రమే జీవించగలము.

మేము నీ పరలోకపు సంగతులను రుచి చూశాము మరియు నీ వాక్యమును మా హృదయాలలో కలిగియున్నాము. నీ వాక్యము మా యెదుట ప్రత్యక్షపరచబడుటను మేము చూసియున్నాము, మరియు మా ప్రాణమంతయు దానిలో నిమగ్నమైపోయినది. ఈ లోకము, మరియు ఈ లోక సంగతులన్నియు మాకు మృతమైయున్నవి.

మేము ఆది నుండి నీ లోపలనున్న నీయొక్క వాక్య విత్తనపు బీజమైయున్నాము, ఇక్కడ నిలబడి, నీయొక్క విత్తనపు జీవమును పీల్చుకొనుచున్నాము. నీయొక్క ముందుజ్ఞానమునుబట్టి నీ విత్తనము మా హృదయాలలో ఉన్నది. టేపులలోనున్న నీ వాక్యము నుండియు, నీ స్వరము నుండియు కాక, మరిదేని నుండియు మేము ఏదియు పొందుకొనకుండునట్లు నీవు మమ్మల్ని ముందుగా నిర్ణయించుకున్నావు.

కన్ను కాలము వచ్చియున్నది; నీ వధువు కొరకు నీవు రావడం తప్ప మరేదియు మిగిలిలేదు. నీ వాక్యమే మా వడపోత సాధనముమైయున్నది, మలాకి 4, యెహోవా ఈలాగు సెలవిచ్చుచున్నాడు.

మేము మా హృదయాలలో నీ వాక్యమును విత్తుకొని, మరియు మేము కుడికైనను లేదా ఎడమకైనను తిరుగకుండా, మా జీవితకాలమంతయు దానికి నమ్మకముగా బ్రతుకనుద్దేశించుదుము గాక. తండ్రీ, జీవముగల పరిశుద్ధాత్మను మా మీదికి పంపించుము, మరియు మేము నిన్ను ప్రత్యక్షపరచునట్లు, నీ వాక్యమును మాయందు పురిగొల్పుము.

మేము నీకు నిజమైన కుమారులు మరియు కుమార్తెలుగా ఉండాలన్నదే మా హృదయములయొక్క కోరికయైయున్నది. మేము నీ స్వరముయొక్క సన్నిధిలో కూర్చొనియున్నాము, పరిపక్వము చెందుతూ, అతిత్వరలో నీతో జరుగనైయున్న పెండ్లి విందుకొరకు మమ్మల్ని మేము సిద్ధపరచుకొనుచున్నాము.

దేశములు బ్రద్దలైపోవుచున్నవి. ప్రపంచము తునాతునకలైపోవుచున్నది. నీవు మాతో అలా జరుగుతుందని చెప్పినట్లే భూకంపములు క్యాలిఫోర్నియాను కుదిపివేయుచున్నవి. అతి త్వరలో పదిహేను-వందల-మైళ్ళ విస్తీర్ణముతో; మూడు లేదా నాలుగు వందల మైళ్ళ వెడల్పుతోనున్న పెద్ద భూభాగము, అక్కడ ఆ పెద్ద చీలికలో, బహుశా నలభై మైళ్ళ లోతులోనికి మునిగిపోతుందని మాకు తెలుసు. ప్రకంపనాలు నేరుగా కెంటకీ రాష్ట్రముదాకా తాకుతాయి, మరియు అది జరిగినప్పుడు, అది ప్రపంచమును ఎంత ఘోరముగా కుదిపివేస్తుందంటే దానిపైనున్న ప్రతీది కుదిపివేయబడుతుంది.

నీ చివరి హెచ్చరిక బయలువెళ్ళుచున్నది. ప్రపంచము పూర్తి గందరగోళములో ఉన్నది, కానీ నీ వధువు మాత్రం అన్నివేళలా నీలోపల మరియు నీ వాక్యములోపల విశ్రాంతి పొందుచున్నది, నీవు మాతో మాటలాడుచు, మరియు మార్గమున మమ్మల్ని ఆదరించుచుండగా పరలోక స్థలములలో కూర్చొనియున్నది.

తండ్రీ, మేము తేలికగా “ప్లేను నొక్కి,” మరియు నీ స్వరము మాతో మాట్లాడి, మమ్మల్ని ప్రోత్సాహపరచి మరియు మాకు ఈ విధంగా చెప్పడాన్ని వినగలుగుచున్నందుకు, మేమెంతో కృతజ్ఞులమైయున్నాము:

ఓ తండ్రీ, మేము భయపడుటకు ఏదియు లేదు. నీవు నీ ప్రేమను, ధైర్యమును మరియు సామర్థ్యతను మాకిచ్చియున్నావు. మాకు అవసరమైనప్పుడు దానిని ఉపయోగించుటకు నీ వాక్యము మాలో ఉన్నది. మేము దానిని పలుకుతాము, మరియు నీవు దానిని నెరవేర్చుతావు. అది నీ నిబంధనయైయున్నది, మరియు అది ఎన్నడూ విఫలమవ్వజాలదు.

తండ్రీ, మేము ఏ విధంగా అనుభూతి చెందుతున్నామో మర్త్యమైన మాటలు వ్యక్తపరచలేవు, కానీ నీవు మా హృదయములలోనికి మరియు మా అంతరాత్మలలోనికి చూచుచున్నావని మాకు తెలుసు; ఏలయనగా మేము నీలో ఒక భాగమైయున్నాము.

ఈ అంత్య-కాలములో నీ స్వరమును వినడానికి లోకమునకు నీవు ఒక మార్గమును ఏర్పాటు చేసినందుకు మేమెంతో కృతజ్ఞులమైయున్నాము. నీవు మా కొరకు తిరిగి వచ్చేదాకా మమ్మల్ని పోషించుటకై దాచబడిన గొర్రెపిల్ల ఆహారమును నీవు మాకు అందించుచుండగా నీయొక్క వర్తామానికుడైన దూత చెప్పేది వినుటకు వచ్చి చేరమని, ప్రతీ వారము నీవు ప్రపంచమును ఆహ్వానించుచున్నావు.

తండ్రీ మేము నిన్ను ప్రేమిస్తున్నాము.

సహోదరుడు. జోసఫ్ బ్రెన్హామ్

 

వర్తమానము: 65-0822E ఆలోచనాపరుని వడపోత సాధనము

సమయము: 12:00 p.m., జఫర్సన్విల్ కాలమానం ప్రకారముగానే

లేఖనములు: సంఖ్యాకాండం 19:9 / ఎఫెసీ 5:22-26