ప్రియమైన ఎన్నుకోబడిన వారలారా,

పరిచర్య, ఎంతో ఆలస్యము కాకముందే దేవునియొక్క దూతకు మీ తలుపులను తెరవండి. టేపులను ప్లే చేయుట ద్వారా దేవునియొక్క స్వరమును తిరిగి మీ ప్రసంగ వేదికల మీద పెట్టండి. విఫలమవ్వని మాటలను కలిగియుండి మన దినమునకు నిర్ధారించబడిన దేవునియొక్క స్వరము అది మాత్రమేయైయున్నది. అది మాత్రమే యెహోవా ఈలాగు సెలవిచ్చుచున్నాడును కలిగియున్న స్వరమైయున్నది. వధువు అందరూ ఆమేన్ అని చెప్పగల ఏకైక స్వరము అదేయైయున్నది.

అన్ని కాలములలోకల్లా ఇది అత్యంత గొప్ప కాలమైయున్నది. ఆయనయొక్క కృపా దినములు ముగిసిపోతుండగా యేసు స్వయంగా తనను గూర్చిన వివరణను మనకు ఇస్తున్నాడు. కాలము ఒక ముగింపునకు వచ్చినది. ఈ చివరి కాలములో ఆయన తన స్వంత గుణలక్షణములను మనకు బయలుపరచుకున్నాడు. కృపగలదియు అత్యున్నతమైనదియునైన ఆయనయొక్క స్వంత దైవత్వము వైపునకు ఒక్క చివరి దృష్టిని ఆయన మనకు ఇచ్చాడు. ఈ కాలము స్వయంగా ఆయన తలరాయి ప్రత్యక్షతయైయున్నది.

ఈ లవొదికయ కాలములో దేవుడే వచ్చి మరియు మానవ శరీరము ద్వారా మాట్లాడినాడు. ఆయనయొక్క వాక్య వధువును నడిపించడానికి మరియు పరిపూర్ణురాలిగా చేయడానికి ఆయన స్వరము రికార్డు చేయబడి మరియు భద్రపరచబడినది. ఆయన స్వంత స్వరము కాకుండా ఆయనయొక్క వధువును పరిపూర్ణురాలిగా చేయగల మరే ఇతర స్వరము అసలు లేనేలేదు.

ఈ చివరి కాలములో, టేపులలో ఉన్న ఆయనయొక్క స్వరము ప్రక్కకు పెట్టివేయబడినది; సంఘములలో నుండి బయటకు తీసివేయబడినది. వారు అసలు టేపులను ప్లే చేయరు. కావున దేవుడు ఇట్లు చెప్పుచున్నాడు, “నేను మీ అందరికీ విరోధినగుచున్నాను. నేను మిమ్మల్ని నా నోటి నుండి ఉమ్మివేస్తాను. ఇదే అంతము.”

ముందు జరిగినట్లు, అహాబు దినములలో వారి పితరులు ప్రవర్తించినట్లే వీరును ప్రవర్తించుచున్నారు. వారు నాలుగువందల మంది ఉన్నారు మరియు వారందరూ ఏకీభావంతో ఉన్నారు; మరియు వారందరూ ఒకే విషయమును చెప్పుట ద్వారా, వారు ప్రజలను వెర్రివారిగా చేశారు. కానీ దేవుడు ఒక్కనికి మాత్రమే ప్రత్యక్షతను అప్పగించాడు గనుక ఒక్క ప్రవక్త, కేవలం ఒక్కడు మాత్రమే, సరియైయున్నాడు మరియు ఆ మిగతావారందరూ తప్పైయున్నారు.

పరిచర్యలన్నీ తప్పని మరియు అవి ప్రజలను వెర్రివారీగా చేస్తున్నాయని దాని అర్థం కాదు. లేదా సేవ చేయడానికి పిలుపును కలిగియున్న ఒక పురుషుడు బోధించకూడదని లేదా ఉపదేశించకూడదని కూడా నేను చెప్పడంలేదు. నేను చెప్తున్నదేమనగా నిజమైన ఐదు-రకముల పరిచర్య, టేపులను, దేవుని స్వరమును, మీరు తప్పక వినవలసిన అత్యంత ప్రాముఖ్యమైన స్వరముగా వధువునకు ఇస్తుంది. టేపులలో ఉన్న స్వరము మాత్రమే యెహోవా ఈలాగు సెలవిచ్చుచున్నాడు అయ్యున్నదని స్వయంగా దేవునిచేత నిర్ధారించబడిన స్వరమైయున్నది.

ఈ దినమునకు సరియైన మాగ్రమును మీరు నిశ్చయంగా ఎలా తెలుసుకుంటారు? విశ్వాసుల మధ్య ఎంతో విభజన ఉన్నది. ఒక గుంపు ప్రజలేమో ఐదు-రకముల పరిచర్య వధువును పరిపూర్ణము చేస్తుంది అని చెప్తున్నారు, మరి ఇంకొకరేమో కేవలం ప్లేను నొక్కండి అని చెప్తున్నారు. మనము విభజన చేయబడుటకు లేము; మనము ఒక్క వధువుగా ఏకమవ్వుటకు ఉన్నాము. సరియైన సమాధానము ఏమిటి?

మనం కలిసి మన హృదయములను తెరచి మరియు తన ప్రవక్త ద్వారా తన వధువునకు దేవుడు ఏమి చెప్తున్నాడో విందాము. ఏలయనగా, సహోదరుడు బ్రెన్హామ్ గారు ఆయనయొక్క ఏడవ దూత వర్తమానికుడైయున్నాడని మనమందరమూ ఏకీభవిస్తున్నాము.

తద్వారా, ఆయనయొక్క వర్తమానికుని ద్వారా పలుకబడిన ఈ వర్తమానము పరిపూర్ణముగా ఇవ్వబడినది, మరియు పరిపూర్ణముగా గ్రహించబడినది.

ఏడవ దూత వర్తమానికుని గురించి మరియు ఆయన వర్తమానము గురించి దేవుడు ఇంకేమి చెప్పాడు?

మరియు పిదప ఆయన మన గురించి ఏమి చెప్పాడు?

ఇంకను మీకేదైనా సందేహమున్నట్లైతే, ఆయనయొక్క ఆత్మచేత మిమ్మల్ని నింపి మరియు మిమ్మల్ని నడిపించమని దేవుడిని అడగండి, ఏలయనగా “ఏర్పరచబడినవారు మోసపరచబడలేరు,” అని వాక్యము చెప్పుచున్నది. మీరు గనుక వధువైనట్లైతే మిమ్మల్ని మోసపరిచగలవారు ఎవ్వరును లేరు.

వధువు ఒక స్వరమును కలిగియున్నది, అయితే అది టేపులలో ఉన్నదానిని మాత్రమే చెప్తుంది. ఏలయనగా ఆ స్వరము నేరుగా దేవుని యొద్దనుండి వచ్చినది, తద్వారా అది పరిపూర్ణముగా ఇవ్వబడి మరియు పరిపూర్ణముగా గ్రహించబడినది గనుక దానికి ఎటువంటి అనువాదము అవసరము లేదు.

ఈ ఆదివారము జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమునకు, ఆ స్వరము మనకు దీనిని బయలుపరచడాన్ని వింటుండగా, వచ్చి మాతో చేరండి: లవొదికయ సంఘకాలము 60-1211E.

సహోదరుడు. జోసఫ్ బ్రెన్హామ్