அன்புள்ள ஊக்குவிக்கப்பட்ட மணவாட்டியே,

ஆயத்தமாகுங்கள், இந்த ஞாயிற்றுக்கிழமை உங்கள் வாழ்க்கையில் நீங்கள் எப்போதும் பெற்றிருந்ததைவிட வெளிப்படுத்துதல் மூலம் அதிக ஊக்கமளித்தலை நீங்கள் பெற்றுக்கொள்ளப் போகிறீர்கள். நீங்கள் வார்த்தையில் நிறைந்திருப்பீர்கள். அது மிகவும் நன்றாகவும், தெளிவாகவும் இருக்கும்...மேலும் அவர் அதைப் பேசினபோதிருந்ததைக் காட்டிலும் கூடத் தெளிவாகவும் இருக்கும். அதைப் பெற்றுக்கொள்ள ஒரே ஒரு வழி மாத்திரமே உள்ளது, நீங்கள் அதற்கு இயங்கு பொத்தானை அழுத்தி கேட்க வேண்டும்!

தேவனுடைய ஏழாம் தூதனாகிய செய்தியாளர் என்ன கூறினார்? வேதாகமத்தின் எல்லா இரகசியங்களையும் வெளிப்படுத்த தேவன் தெரிந்துகொண்ட ஒருவர்; வெளிப்படுத்தின விசேஷத்தில் உள்ள ஏழு முத்திரைகளையும், இடிமுழக்கங்களையும், மற்றும் அவருடைய எல்லா வார்த்தையும் அளிக்க அவர் தெரிந்துகொண்ட ஒருவர். அவருடைய மணவாட்டியை வெளியே அழைக்க அவர் தெரிந்துகொண்ட தூதன். இந்த கடைசி நாட்களில் அவருடைய சத்தமாக இருக்கும்படி அவர் தெரிந்து கொண்ட ஒருவர்.

நாம் செய்யும்படிக்கு அவர் என்ன கூறினார் என்பதை நாம் உறுதியாக புரிந்துகொள்ளும்படிக்கு மீண்டும் ஒருமுறை அந்த மேற்கோளை நாம் வாசிப்போமாக.

"நீங்கள் அதைப் பெறுவீர்கள்", எங்கே?
"நீங்கள் அதைத் தெளிவாகப் பெறுவீர்கள்", எங்கே?

இயங்கு பொத்தானை அழுத்தி அந்த ஒலிநாடாக்களை கேட்பது எவ்வளவு முக்கியமானது என்பதை குறித்து பேசுகிறோம். மகிமை!! இது என்னுடைய வார்த்தையல்ல, இது அவருடைய மணவாட்டிக்கு சொல்லுகிற தேவனுடைய வார்த்தையாய் இருக்கிறது, அதை அங்கே பெறுங்கள்... ஒலிநாடாக்களில். பிரசங்கிமார்களே, என்னை தொந்தரவு செய்யாதீர்கள்.

இந்தச் செய்தியை தாங்கள் விசுவாசிப்பதாகக் கூறும் எந்தவொரு நபரும் ஒலிநாடாக்களை இயக்கிக் கேட்பது மணவாட்டி செய்யக்கூடிய மகத்தான காரியம் அல்ல என்று எப்படி கூற முடியும்? ஒரு மேய்ப்பர் எவ்வாறு தனது ஊழியத்தை தீர்க்கதரிசியின் ஊழியத்திற்கு மேலாக வைக்க முடியும்? அதை மேற்கோள் காட்டுவதற்காக மட்டும் அல்ல....நான் இப்போதும் கூட அதைச் செய்து கொண்டிருக்கிறேன், ஆனால் அவருடைய மந்தைக்கு அந்த சத்தத்தை இயக்குவதனால் அவர்கள் "அங்கே அதை தெளிவாகப் பெற்றுக்கொள்ள முடியும்."

உலகத்திலே மகத்தான ஊழியம் ஒலிநாடா ஊழியமே. இயங்கு பொத்தானை அழுத்தி கேட்பதைக் காட்டிலும் மகத்தானது வேறொன்றுமில்லை. ஒலிநாடாக்களில் உள்ள சத்தமே, அவருடைய மணவாட்டிக்கு கர்த்தர் உரைக்கிறதாவது என்பதாக இருக்கும்படி தேவனால் நியமிக்கப்பட்டிருக்கிற ஒரே ஒரு சத்தமாக இருக்கிறது.

மீண்டும் ஒருமுறை நான் தெளிவுபடுத்தட்டும். நான் எந்த ஊழியக்காரர் பிரசங்கிப்பதற்கும் எதிராக இருக்கவில்லை, ஒரு ஊழியக்காரனால் பிரசங்கிக்கவோ அல்லது போதிக்கவோ முடியாது என்று நான் நினைக்கிறதில்லை. ஆனால் எனக்கும் என்னுடைய ஊழியத்தையும் பொறுத்தவரையில், ஒலிப்பதிவு செய்யப்பட்டு காந்த ஒலிநாடாவில் சேமித்து வைக்கப்பட்டுள்ள, மாம்சத்தில் வெளிப்பட்ட வார்த்தைக்கு செவி கொடுக்கும்படி உலகத்திற்கு சொல்லவே நான் அழைக்கப்பட்டிருக்கிறேன். இது தேவனுடைய சத்தமாய் இருக்கிறது என்றும், இது, இது மாத்திரமே, உங்களுடைய எல்லா கேள்விகளுக்கும் பதில் அளிக்கிறது என்றும் நான் விசுவாசிக்கிறேன். இது உங்களுக்கு தேவைப்படுகிற ஒவ்வொரு காரியத்தையும், எடுத்துக்கொள்ளப்படுதலுக்கான விசுவாசம் உட்பட அளிக்கும், ஏனென்றால் இது கர்த்தர் உரைக்கிறதாவது என்பதாகும்.

மணவாட்டிக்கு என்னுடைய வார்த்தை தேவைப்படுகிறதில்லை, நான் மற்ற எல்லா ஊழியக்காரர்களைப் போல வார்த்தையை மேற்கோள் காட்டிக் கொண்டிருக்கிறேன். உங்களுடைய ஊழியத்திற்கு செவி கொடுப்பது எவ்வளவு முக்கியமானது என்றும், உங்களுடைய அழைப்பையும் நீங்கள் கூறி மேற்கோள் காட்டுகிறீர்கள், கர்த்தருக்கு ஸ்தோத்திரம். ஒலிநாடாவில் உள்ள தேவனுடைய சத்தமே மிக முக்கியமான ஊழியம் என்பதை நான் ஜனங்களுக்கு சொல்லிக் கொண்டிருக்கிறேன். வேறெதுவுமே மகத்தானதில்லை. அவர்கள் வேறெந்த காரியத்தையும் பெற்றுக்கொள்ள வேண்டியதில்லை.

எந்த ஊழியக்காரர் மீதோ அல்லது எந்த ஊழியத்தின் மீதோ தவறான ஆவியை அல்லது தவறான மனப்பான்மையை ஜனங்கள் கொண்டிருக்க நான் இந்தக் காரியங்களை கூறிக்கொண்டிருக்கவில்லை, அப்படியல்லவே. நான் அவர்களை நேசிக்கிறேன். அவர்கள் என்னுடைய சகோதரர்கள். தேவன் அவர்களுடைய ஜீவியங்களில் ஒரு அழைப்பை விடுத்துள்ளார். தேவனுடைய அபிஷேக்கப்பட்ட மனிதர்களுக்கு எதிராக நான் பேசத் துணிவேனா, ஆனால் நான் பேசும்படி கட்டாயப்படுத்தப்படுகிறேன் என்றும், அநேகர் தங்களுடைய ஊழியத்தின் பேரில் அதிக முக்கியத்துவத்தை அளித்து, மணவாட்டி கேட்கக்கூடிய மிக முக்கியமான சத்தமான ஒலிநாடாவில் உள்ள தேவனுடைய சத்தத்திற்கு முக்கியத்தும் அளிக்கவில்லை என்றே கூறுகிறேன்.

நான், "சகோதரன் பிரான்ஹாமை மீண்டும் உங்களுடைய பிரசங்க பீடத்திற்கு கொண்டு வாருங்கள்" என்றே கூறினேன், மேலும் சகோதரன் பிரான்ஹாம் அதை ஒருபோதும் ஒலிநாடாவில் கூறவேயில்லை என்பதைத் தங்களுடைய ஜனங்களுக்கு சொல்ல அநேக ஊழியக்காரர்கள் தாங்களாகவே முன்வந்து, வார்த்தையை எடுத்து அதை ஜனங்களுக்கு அளிக்க அவர்கள் அழைக்கப்பட்டுள்ளனர் என்றும்; அவர்களுடைய சபைகளில் ஒலிநாடாக்களை இயக்குவதற்கு அல்ல என்றும் சாக்குபோக்குகளை கூறிக் கொண்டிருக்கிறார்கள்.

ஒரு மேய்ப்பர் அவர்களுடைய சபையில் ஒலிநாடாக்களை இயக்கினால் அது தவறு என்று அவர்கள் கூறுகிறார்கள், அவர்கள் ஒலிநாடாக்களை தங்களுடைய சபைகளில் கேட்டுக்கொண்டிருந்தால், அது ஊழியம் அல்லவென்றும், அவர்கள் மணவாட்டியும் அல்லவென்றும் கூறுவதன் மூலம் ஜனங்களை விமர்சிக்கிறார்கள்.

எத்தனையோ சாக்குபோக்குகளை அவர்கள் பயன்படுத்தி ஜனங்களிடம் சொல்வதை நான் கேள்விப்பட்டிருக்கிறேன். அவர்கள் தங்களுடைய ஜனங்களிடம், "நீங்கள் கேட்க வேண்டிய மிக முக்கியமான காரியம் ஒலிநாடாக்களே" என்று சொல்லமாட்டார்கள். அவர்கள் அப்படிக் கூறிவிட்டால், "அப்படியானால் ஒலிநாடாக்கள் மிக முக்கியமானதாக இருந்தால் நம்முடைய சபையில் நாம் ஏன் இயக்கக் கூடாது?"...என்று ஜனங்கள் கேட்பார்கள்.

ஞாயிற்றுக்கிழமை நாம் செவி கொடுக்கப்போவது இவருக்கே:

அந்த வார்த்தை ஒரு மனிதனால் திரும்பி வந்துள்ளது, ஒலிநாடாவில் பதிவு செய்யப்பட்டுள்ள அவருடைய சத்தத்தை நாம் பெற்றுள்ளோம், நாம் ஒவ்வொரு ஞாயிற்றுக்கிழமையும் அதையே கேட்கப்போகிறோம்.

இந்த ஞாயிற்றுக்கிழமை, பிற்பகல் 12 மணிக்கு, ஜெஃபர்சன்வில் நேரப்படி, காந்த ஒலிநாடாவில் ஒலிப்பதிவு செய்யப்பட்ட மாம்சமாக்கப்பட்ட வார்த்தைக்கு நாம் செவிகொடுப்போம் என்று மீண்டும் ஒருமுறை அறிவிப்பதில் நான் மகிழ்ச்சியடைகிறேன். அது: மூன்றாம் முத்திரை 63-0320 என்ற செய்தியின் பேரில் நமக்கு வெளிப்பாட்டை அளிக்கிறது.

மணவாட்டியே, நாம் என்னே ஒரு நேரத்தை உடையவர்களாக இருப்போம். என்னே சந்தோஷம் நம்முடைய இருதயங்களை நிரப்பும். தேவன் தாமே சாத்தானிடத்தில்: “அவர்களை விட்டுவிடு. அவர்களில் ஒருவரை நீ பிடித்துவிடுவாயானால், என்னுடைய சிறு மந்தை என்னுடைய எண்ணையினாலும் சுத்த வார்த்தையின் திராட்சை ரசத்தாலும் நிரப்பப்பட்டுள்ளது, எனவே 'மரியாளே வாழ்க' என்பதற்கும், உன்னுடைய கோட்பாடுகள் சிலவற்றை கூறுவதற்கும் அவர்களை நிர்ப்பந்தம் செய்ய வேண்டாம். உன்னுடைய கரங்களை அவர்களிடத்திலிருந்து விலக்கி வை. அவர்கள் எங்கே போய்க் கொண்டிருக்கிறார்கள் என்பதை அவர்கள் அறிந்திருக்கின்றனர், ஏனெனில் அவர்கள் என்னுடைய எண்ணெயால் அபிஷேகிக்கப்பட்டு, அவர்கள் சந்தோஷமென்னும் திராட்சரசத்தைப் பெற்றிருக்கின்றனர், ஏனென்றால் அவர்கள் என் வார்த்தையின் வாக்குத்தத்தத்தை அறிந்திருக்கிறார்கள். ‘நான் அவர்களை மறுபடியும் உயிரோடெழுப்புவேன்.’ அதை சேதப்படுத்தாதே! அவர்களை குழப்பமுறச் செய்ய முயற்சிக்காதே...அவர்களை விட்டு அகன்று நில்" என்று சொன்னதை நாம் கேட்கிறபடியால், என்னே சமாதானம் நம்முடைய ஆத்மாக்களை ஆறுதல் படுத்தும்.

நாம் பயப்படுவதற்கு ஒன்றுமில்லை. நம்மிடம் வார்த்தை இருக்கிறது. நாம் வார்த்தையாயிருக்கிறோம். நாம் வேறெதற்காகவும் நிறுத்துவதில்லை. நாம் தேவனுடைய குமாரரும் குமாரத்திகளுமாய் இருக்கிறோம். சாத்தானே, அப்பாலே போ, ஒவ்வொரு காரியமும் எங்களுக்கு சொந்தமானதாய் இருக்கிறது. தேவன் அவண்ணமாய் கூறினார். அது எழுதப்பட்டிருக்கிறதே!

சகோ. ஜோசப் பிரான்ஹாம்

அன்புள்ள மணவாட்டியே,

1933 ஆம் ஆண்டு ஓஹையோ நதியில் அக்கினி ஸ்தம்பம் தோன்றிய அந்த நாளிலிருந்தே, மணவாட்டி இந்தச் செய்தியைப் பற்றியோ அல்லது இதனுடைய செய்தியாளரைப் பற்றியோ சந்தேகித்திருக்கவில்லை. தேவன் தம்முடைய மணவாட்டியை அழைக்க அவர் பூமிக்கு அனுப்பின அவருடைய வல்லமையான 7-ம் தூதனாகிய செய்தியாளரே வில்லியம் மரியன் பிரான்ஹாம் என்பதை நாம் அறிந்திருக்கிறோம்.

அந்த நாளிலிருந்தே, தேவன் தம்முடைய வருகைக்காகத் தம்முடைய மணவாட்டியை ஒன்றுசேர்த்து வருகிறார். நாம் அத்தகைய மகத்தான எதிர்பார்ப்பின் கீழ் இருக்கிறோம்; ஏனென்றால் அது எந்த நாளிலும் இருக்கும் என்பதை நாம் அறிவோம்.

முன்னெப்போதும் இல்லாத வகையில் அவர் நம்முடைய விசுவாசத்தைக் உருவாக்கிக்கொண்டு, நாம் அவருடைய உண்மையுள்ள மணவாட்டி என்பதை, நமக்கு சொல்லிக்கொண்டும், நமக்கு உறுதியளித்துக்கொண்டும் வருகிறார். நாம் அவருடைய சேமிக்கப்பட்ட ஆகாரத்தோடு தரித்திருப்பதன் மூலம், நம்முடைய தேவை என்னவாக இருந்தாலும் அங்கே, அது ஒலிநாடாக்களில் உள்ளது என்பதை நாம் அறிந்திருக்கிறோம்.

அதை நாம் எப்படி உறுதியாக அறிவோம்? தேவன் தம்முடையத் தீர்க்கதரிசிகளாகிய தம்முடைய ஊழியக்காரருக்குத் அதை வெளிப்படுத்தாமல் ஒரு காரியத்தையும் செய்யார் என்று வார்த்தை கூறுகிறது. தேவன் எந்த காரியத்தையாவது வெளிப்படுத்தப் போவதாக அல்லது எந்த காரியத்தையாவது செய்யப்போவதாக இருந்தாலும், எடுத்துக்கொள்ளப்படுதலுக்கேற்ற விசுவாசத்தை நமக்கு அளிக்கப் போவதாக இருந்தாலும், அவர் அதை நம்முடைய தீர்க்கதரிசி மூலமாக, அவருடைய தீர்க்கதரிசி மூலமாக மாத்திரமே இடிமுழக்கமிடப்போகிறார் என்பதை நாம் இதனால் அறிந்திருக்கிறோம்.

யோசனையின் நாட்கள் முடிவுற்றன. மணவாட்டி ஒரு நிலைப்பாட்டை எடுத்துள்ளாள். தேவன் தம்முடைய மணவாட்டியினிடத்தில் ஒலிநாடாக்களில் பேசுவதைக் கேட்பதை விட முக்கியமானது எதுவுமேயில்லை. அது கர்த்தர் உரைக்கிறதாவது என்று தேவனாலே ரூபகாரப்படுத்தப்பட்ட வார்த்தைகளாய் மாத்திரமே உள்ளன.

வேளையானது தாமதமாகிவிட்டதையும், நம்மைச் சுற்றிலும் நம்முடைய சத்துருவின் துர்நாற்றத்தின் வாடை வீசும் அழுத்தத்தையும் நம்மால் உணர முடிகிறது. போர்கள் அணிவகுத்து நிற்கின்றன, சாத்தான் எல்லா முனைகளிலும் தாக்கிக் கொண்டிருக்கிறான், ஆனாலும் நாம் ஆவிக்குரிய ஆகாரத்தை பெற்றுள்ளதற்காக தேவனுக்கு ஸ்தோத்திரம் உண்டாவதாக, நாம் இரவும் பகலும் எஜமானுடைய மேஜையண்டையிலே அமர்ந்துகொண்டு அந்த மறைவான மன்னாவை விருந்துண்கிறோம். அவர் நம்மிடத்தில், "எல்லாம் நன்றாக இருக்கிறது என் இனிய இருதயமே. நான் உன்னுடன் இருக்கிறேன். நான் உன்னை விட்டு விலகுவதுமில்லை, உன்னைக் கைவிடுவதுமில்லை என்று நான் உன்னிடத்தில் சொன்னேன். தொடர்ந்து முன்னேறிக்கொண்டேயிரு. அந்த பிசாசுகளை துரத்து. நான் உனக்கு என்னுடைய அணுகுண்டை, என்னுடைய வார்த்தையை கொடுத்திருக்கிறேன் அதை பயன்படுத்து. நான் அதை நினைத்தேன், அதன் பின்னர் அது எழுதப்பட்டு, இப்பொழுது, உன்னுடைய நாளில், கர்த்தர் உரைக்கிறதாவது, நீ என்னுடைய மணவாட்டி, நீ மாமிசமாக்கப்பட்ட வார்த்தையாக இருக்கிறாய் என்று, நான் உனக்கு சொல்வதை நீ கேட்கும்படியாக அதை நான் உரைத்திருக்கிறேன்" என்று சொல்லும்போது அனுதினமும் நமக்கு அவர் தொடர்ந்து அதிக அதிகமாக வெளிப்படுத்திக் கொண்டிருக்கிறார்.

தேவன் மானிட உதடுகளினூடாக உரைத்து, அவருடைய வார்த்தையை நமக்கு கொடுத்திருக்கிறார்; நாம் பயப்படுவதற்கு ஒன்றுமேயில்லை. இது நம்முடைய வார்த்தைகளோ, நம்முடைய சிந்தனைகளோ, நம்முடைய கற்பனையோ அல்ல, அது தேவன் நமக்கு கொடுத்திருக்கிற அவருடைய வார்த்தையாய் இருக்கிறது. நம்முடைய விசுவாசம் அவருடைய வார்த்தையில் இருக்கிறது, அவருடைய வார்த்தை ஒருபோதும் தவறிப்போக முடியாதே!

இப்போது, இந்த முத்திரைகள் திறப்பதை நாம் கேட்கும்போது, பரிசுத்த ஆவியானவர் மீண்டும் நம்மிடம் பேசிக் கொண்டிருப்பதையும், நம்முடைய பெயர்கள் அங்கே ஆட்டுக்குட்டியானவருடைய ஜீவ புத்தகத்தில் எழுதப்பட்டிருப்பதையும் நம்மால் காண முடியும். நம்மால் நம்மை அடக்கிக்கொள்ள முடியவில்லை...ஆம், அங்கே என்னுடைய பெயர் எழுதப்பட்டுள்ளது. அவர் என்னைப் பற்றிப் பேசிக்கொண்டிருக்கிறார்.

உங்களுடைய பெயர்கள் ஆட்டுக்குட்டியானவருடைய ஜீவ புத்தகத்தில் எழுதப்பட்டிருக்கின்றன என்று தேவனுடைய சத்தம் உங்களிடத்தில்சொல்லுகிறபடியால், இரண்டாம் முத்திரை 63-0319 என்ற செய்தியைக் கேட்க, இந்த ஞாயிற்றுக்கிழமை, பிற்பகல் 12 மணிக்கு, ஜெஃபர்சன்வில் நேரப்படி, எங்களுடன் வந்து சேர்ந்துகொள்ளுங்கள்.

சகோ. ஜோசப் பிரான்ஹாம்

அன்பானவர்களே...நான் உங்களை மணவாட்டி என்று அழைக்கப்போகிறேன்,

தேவன், மகத்தான சிருஷ்டிகர், ஆல்பாவும் ஒமேகாவும், பள்ளத்தாக்கின் லீலியும், சாரோனின் ரோஜாவும், பிரகாசமான விடிவெள்ளி நட்சத்திரமும், பிதா, குமாரன், பரிசுத்த ஆவியுமானவர், அக்கினி ஸ்தம்பமான, தேவன் தாமே பூமிக்கு வந்து மனித உதடுகளின் வழியாக நம்மிடம் பேசி, மகிமை!, அதைக் காந்த ஒலிநாடாவில் பதிவுசெய்து வைத்தார், அதனால் அவர் உங்களை…"உங்களை" அவருடைய மணவாட்டி என்று அழைப்பதை நீங்கள் கேட்கலாம்.

என் நண்பர்களே அதை கற்பனை செய்து பாருங்கள். நம்முடைய கர்த்தராகிய இயேசு கிறிஸ்து, உங்கள் கண்களைப் பார்த்து: “நீங்கள் என்னுடைய மணவாட்டி. நான் உங்களை நேசிக்கிறேன். நான் உங்களுக்காக இவ்வளவு காலம் காத்திருந்தேன். என்னைப் பொறுத்தவரை, நீங்கள் பரிபூரணமாயிருக்கிறீர்கள். நீங்கள் என் மாம்சத்தின் மாம்சமும், என் எலும்பின் எலும்புமாயிருக்கிறீர்கள். நான் பூமியை அல்லது நட்சத்திரங்களை உண்டாக்குவதற்கு முன்பே நான் உங்களைத் தெரிந்துகொண்டேன். நான் உங்களை மிகவும் நேசிக்கிறேன். நாம் நித்தியத்தை ஒன்றாகக் கழிப்போம். இப்பொழுது, நான் உங்களுக்காக வருகிறேன்."

அது மாத்திரமே நம் ஒவ்வொருவருக்கும் எடுத்துக்கொள்ளப்படுதலுக்குரிய விசுவாசத்தை கொடுக்க வேண்டும். பிசாசு உங்கள் மீது எதை எறிய முடியும், உங்களிடத்தில் எதைச் சொல்ல முடியும், உங்களுக்குத் தீங்கு விளைவிக்கக் கூடிய எதை உங்கள் மீது வைக்க முடியும்? ஒன்றுமில்லையே, நீங்கள் கிறிஸ்துவின் மணவாட்டியாய் இருக்கிறீர்களே! நீங்கள் அவருடைய வார்த்தையால் மாம்சமாக்கப்பட்டவர்களாய் இருக்கிறீர்கள், நீங்கள் திருமதி. இயேசு கிறிஸ்துவாய் இருக்கிறீர்கள்.

எவராலும், எந்த மொழியிலும், நமக்கு என்ன அர்த்தம் என்பதை எப்படி எழுதவும் வெளிப்படுத்தவும் முடியும்? உங்களால் வெறுமனே அதைச் செய்ய முடியாது.

நீங்கள் சரியான வெளிப்படுத்துதலைப் பெற்று இயங்கு பொத்தானை அழுத்திக் கேட்டாலொழிய இந்த வார்த்தைகளை கேட்கும்படியான கனத்தையும் சிலாக்கியத்தையும் நீங்கள் பெற்றுக்கொள்ளக்கூடிய இடம் இந்த உலகத்தில் எங்குமே இல்லை.

காலத்தின் தொடக்கத்திலிருந்தே உலகம் எதிர்பார்த்துக் கொண்டிருக்கிற மிக மகத்தான நிகழ்வுகள், இப்பொழுது நடைபெற்றுக் கொண்டிருக்கின்றன, நாமும் அதனுடைய ஒரு பாகமாக இருக்கிறோம். அவர் இந்த நாளுக்காக, இந்த மணிநேரத்திற்காக, இந்த ஜனத்திற்காகக் காத்திருந்தார்; உங்களுக்காக, அவருடைய மகத்தான திட்டத்தைக் கொண்டு வந்து நிறைவேற்றவே.

ஏழு முத்திரைகளின் இரகசியத்தின் வெளிப்பாடு, இடிமுழக்கங்களால் வெளிப்படுத்தப்பட்டு, நம்முடைய பரிபூரணத்திற்காக, முழுமையாக திரும்ப அளிக்கப்பட்ட அவருடைய ஆதாம், அவருடைய வருகை, இவை அனைத்தும் இப்போது வெளிப்படுத்தப்பட்டு, அவருடைய மணவாட்டியான உங்களுக்குள் இப்பொழுது நிறைவேறிக் கொண்டிருக்கிறதே!

மோசேயின் நாளில் இல்லை. நோவாவின் நாளில் இல்லை. இயேசுவின் நாளில் இல்லை, யோவான் அல்லது பவுலின் நாளிலும் கூட இல்லை; அது இப்போது, உங்களுடன் சம்பவித்துக் கொண்டிருக்கிறது.

நாம் அதைத் தவறவிட விரும்பவில்லை. அவருடைய வருகைக்காக நாம் ஆயத்தமாயிருக்க விரும்புகிறோம். அதைச் செய்ய, நம்முடைய பதில்களுக்காக நாம் வார்த்தைக்கு செல்லும்படி கட்டளையிடப்பட்டுள்ளோம். என்னுடைய யோசனையோ, அல்லது ஏதோ ஒரு மனிதனுடைய யோசனையோ அல்லது சிந்தனைகளோ அல்ல, ஆனால் தேவனுடைய ரூபகாரப்படுத்தப்பட்ட வார்த்தை என்ன கூறுகிறது என்பதேயாகும்.

மணவாட்டி ஒவ்வொரு வார்த்தைக்கும் "ஆமென்" என்று சொல்லி ஒன்றாக இணைக்கப்பட்டிருக்க வேண்டும் என்பதை நாம் அறிவோம். எனவே மணவாட்டியை ஒன்று சேர்த்து இணைக்கப்போவது என்ன என்பதைப் பார்க்க நாம் தேவனுடைய வார்த்தையில் நோக்கிப் பார்க்க வேண்டும்.

அது அங்கே சரியாக வார்த்தையில் உள்ளது. ஏழு இடிமுழக்கங்கள் எடுத்துக்கொள்ளப்படுதலுக்கான விசுவாசத்திற்காக மணவாட்டியை ஒன்று சேர்க்கும்படியாக நம்முடைய நாளில் வெளிப்படுத்தப்படும்.

அதன்பின்னர் நாம் தெரிந்துகொள்ள வேண்டிய அடுத்த கேள்வி: இடிமுழக்கங்கள் என்றால் என்ன?

எனவே இடிமுழக்கங்கள் எடுத்துக்கொள்ளப்படுதலுக்கான விசுவாசத்தை மணவாட்டிக்கு (நமக்குக்) கொடுக்கும்படி அவர்களை ஒன்று சேர்த்து கொண்டுவரும்படியான தேவனுடைய சத்தமாய் இருக்கின்றன. அங்குதான் நம்முடைய பதிலே உள்ளது.

மணவாட்டிக்கு தேவனுடைய சத்தமாக இருக்கிறது யார்? வில்லியம் மரியன் பிரான்ஹாம்.

நாம் ஒன்று கூடி, எடுத்துக்கொள்ளப்படுதலுக்கான விசுவாசத்தைப் பெற்றுக்கொள்ள, அவருடைய மணவாட்டிக்கான அவருடைய இடிமுழக்கத்தை கேட்கும்போது, இதை விசுவாசித்து, இந்த ஞாயிற்றுக்கிழமை என்ன சம்பவிக்கிறது என்றும், என்ன நடக்கிறது என்பதையும் கவனியுங்கள்.

இந்த மகிமையான நேரத்தில் தவறவிட்டுவிடாதீர்கள். ஜெஃபர்சன்வில் நேரப்படி, பிற்பகல் 12:00 மணிக்கு, 63-0318 முதலாம் முத்திரை என்ற செய்தியை நாங்கள் கேட்கும்போது எங்களோடு சேர்ந்துகொள்ளும்படி நீங்கள் அழைக்கப்படுகிறீர்கள்.

சகோ. ஜோசப் பிரான்ஹாம்