அன்புள்ள திருமதி இயேசு கிறிஸ்துவே,

நம்முடைய ஜீவியத்தில் எந்த காரியத்தைக் குறித்தாவது ஒரு கேள்வியைக் நாம் கேட்டால், அதற்கு ஒரு உண்மையான பதில் இருக்க வேண்டும். அதற்கு நெருக்கமாக ஏதாவது இருக்கலாம், ஆனால், ஒவ்வொரு கேள்விக்கும் ஒரு உண்மையான, நேரடியான பதில் இருக்க வேண்டும். எனவே, நம்முடைய ஜீவியங்களில் எழும் ஒவ்வொரு கேள்விக்கும், ஒரு உண்மையான, சரியான பதில் இருக்க வேண்டும்.

நமக்கு ஒரு வேதாகம கேள்வி இருந்தால், ஒரு வேதாகம பதில் இருக்க வேண்டும். இது மனிதக் குழுவிலிருந்தோ, ஏதேனும் ஒரு குறிப்பிட்ட ஐக்கியத்தின் மூலமாகவோ, அல்லது சில கல்வியாளரிடமிருந்தோ, அல்லது சில ஸ்தாபனத்திடமிருந்தோ வருவதை நாம் விரும்பவில்லை. அது வேதத்திலிருந்து நேராக வர வேண்டும் என்று நாம் விரும்புகிறோம். நாம் தெரிந்துகொள்ள வேண்டியது: தேவனை ஆராதிக்கும்படியான அவருடைய உண்மையான, சரியான இடம் எது?

தேவனை ஆராதிக்கும்படி அவர் தெரிந்து கொண்ட, சரியான ஸ்தலம் இயேசு கிறிஸ்துவில் மாத்திரமே உள்ளது; அது மாத்திரமே அவருடைய அருளப்பட்ட வழியாய் உள்ளது.

மல்கியா 4-ல் ஒரு கழுகை வேதம் நமக்கு வாக்களித்தது; நாம் பின்பற்ற வேண்டிய ஒரு அக்கினி ஸ்தம்பம். தவறிழைக்கும் சபையை அவர் எபிரேயர் 13:8, இயேசு கிறிஸ்து நேற்றும், இன்றும், மாறாதவர் என்று காட்டுவார். லூக்கா 17:30-ல் மனுஷகுமாரன் (கழுகு) தம்முடைய மணவாட்டிக்குத் தம்மை வெளிப்படுத்துவார் என்றும் கூட நமக்கு வாக்களிக்கப்பட்டுள்ளது.

வெளிப்படுத்துதல் 4:7-ல், நான்கு ஜீவன்கள் இருந்ததாக அது நமக்குச் சொல்கிறது, முதலாவது சிங்கம். அடுத்த ஜீவன் ஒரு காளையாயிருந்து. அதன் பின்னர், அடுத்து வருவது ஒரு மனிதனாயிருந்தது; அந்த மனிதர் சீர்திருத்தவாதிகளாய், மனிதனின் கல்வி, இறையியல் போன்றவற்றை உடையவர்களாக இருந்தனர்.

ஆனால் சாயங்கால நேரத்தில், வரவிருந்த கடைசி ஜீவன் ஒரு பறக்கும் கழுகு என்று வேதம் கூறியுள்ளது. தேவன் தம்முடைய கடைசி கால மணவாட்டிக்கு ஒரு கழுகை அருளுவார்; மனுஷகுமாரன் தாமே, தம்முடைய மணவாட்டியை வழிநடத்த மாம்சத்தில் தம்மை வெளிப்படுத்துகிறார்.

பழைய ஏற்பாட்டில் உள்ள, பழைய காரியங்கள் அனைத்தும், வரவிருக்கும் காரியங்களின் நிழல்களாயிருந்தன என்று வேதாகமம் கூட கூறுகிறது. அந்த நிழல் நெருங்க நெருங்க, எதிர்மறையானது நேர்மறையில் விழுங்கப்படுகிறது. அப்பொழுது என்ன நடந்தது என்பதோ இன்றைக்கு என்ன நடக்கும் என்பதற்கு ஒரு நிழலாய் உள்ளது.

I சாமுவேல் 8-ல், ஜனங்களை வழிநடத்துவதற்கு தேவன் சாமுவேல் தீர்க்கதரிசியை அருளியிருந்ததாக பழைய ஏற்பாடு நமக்குச் சொல்கிறது. ஜனங்கள் அவரை அணுகி, தங்களுக்கு ஒரு ராஜா வேண்டும் என்று சொன்னார்கள். சாமுவேலினுடைய இருதயம் கிட்டத்தட்ட நின்றுவிடுமளவிற்கு அவன் மிகவும் கலக்கமடைந்தான்.

இந்த அர்ப்பணிக்கப்பட்ட வேதத்தால்- ரூபகாரப்படுத்தப்பட்ட தீர்க்கதரிசியினூடாக தம்முடைய ஜனங்களை தேவன் வழிநடத்திக் கொண்டிருந்தார், ஆயினும் அவன் புறக்கணிக்கப்பட்டிருந்ததை உணர்ந்தான். அவன் ஜனங்களைக் கூட்டி, பிள்ளைகளை போல் சுமந்து வந்து, அவர்களை செழிப்படைய செய்து, அவர்களை ஆசிர்வதித்திருந்த தேவனை விட்டு அவர்கள் விலகாதபடிக்கு அவர்களிடத்தில் மன்றாடினான். ஆனால் அவர்கள் விடாப்பிடியாக இருந்தனர்.

அவர்கள் சாமுவேலிடம், “உம்முடைய வழிநடத்துதலில் நீர் ஒருபோதும் தவறாயிருந்து வரவில்லை. உம்முடைய நிதி பரிவர்த்தனைகளில் நீர் ஒருபோதும் நேர்மையற்றவராக இருந்ததில்லை. கர்த்தருடைய வார்த்தைக்கு ஏற்ப எங்களை வைத்திருக்க உம்மால் முடிந்த அனைத்தையும் செய்துள்ளீர். தேவனுடைய அற்புதங்கள், ஞானம், தேவைகளை சந்தித்தல் மற்றும் பாதுகாப்பை நாங்கள் பாராட்டுகிறோம். நாங்கள் அதில் விசுவாசங் கொண்டுள்ளோம். நாங்கள் அதை விரும்புகிறோம். மேலும் அது இல்லாமல் இருக்க நாங்கள் விரும்பவில்லை. ஆனால் எங்களை யுத்தத்திற்கு வழிநடத்த ஒரு ராஜா எங்களுக்கு வேண்டும் என்பதேயாகும்.

இப்போது நிச்சயமாக நாங்கள் யுத்தத்திற்கு செல்லும்போது யூதாவைப் பின்தொடர்ந்து ஆசாரியர்கள் முன்னோக்கிச் செல்ல வேண்டும் என்பது இன்னும் எங்கள் நோக்கம், நாங்கள் எக்காளங்களை ஊதி ஆரவாரம் செய்து பாடுவோம். நாங்கள் அதை நிறுத்த நினைக்கவில்லை. ஆனால் எங்களை வழிநடத்த எங்களில் ஒருவரான ராஜா வேண்டும்.

இது அந்த நாளின் ஸ்தாபன ஜனங்களாக இருக்கவில்லை. இது உண்மையாகவே அவர் ஜனங்களை வழிநடத்த தேவனால் தெரிந்து கொள்ளப்பட்ட தேவனுடைய தீர்க்கதரிசியாயிருந்தார் என்று அவர்கள் உரிமைக் கோரினதாயிருந்தது.

“ஆம், நீர் ஒரு தீர்க்கதரிசி. நாங்கள் செய்தியை விசுவாசிக்கிறோம். தேவன் தம்முடைய வார்த்தையை உமக்கு வெளிப்படுத்துகிறார், நாங்கள் அதை விரும்புகிறோம், அது இல்லாமல் இருக்க நாங்கள் விரும்பவில்லை, ஆனால் உம்மைத் தவிர வேறு யாராவது எங்களை வழிநடத்த வேண்டும் என்று நாங்கள் விரும்புகிறோம்; எங்களுக்கு சொந்தமான ஒருவர். நீர் எங்களுக்குக் கொண்டு வந்த செய்தியை நாங்கள் விசுவாசிக்கிறோம் என்று நாங்கள் இன்னும் சொல்ல விரும்புகிறோம். இது வார்த்தை. நீர் தீர்க்கதரிசி, ஆனால் நீரோ அல்லது உம்முடைய சத்தமோ மாத்திரமே மிக முக்கியமானது அல்ல.”

இன்றைக்கு உலகில் அருமையான ஜனங்கள், அருமையான சபைகள் இருக்கின்றன. ஆனால் ஒரு திருமதி. இயேசு கிறிஸ்துதான் இருக்கிறாள். நாமே அவளாக இருக்கிறோம், அந்த ஒருவளுக்காகவே அவர் வருகிறார்; அவருடைய கற்புள்ள கன்னிகையான வார்த்தை மணவாட்டி கர்த்தர் உரைக்கிறதாவது என்றிருக்கும்படியான தேவனுடைய ரூபகாரப்படுத்தப்பட்ட நிரூபிக்கப்பட்ட ஒரே சத்தத்தோடு தரித்திருப்பாள்.

நீங்கள் இந்த ஞாயிற்றுக்கிழமை பிற்பகல் 12 மணிக்கு, ஜெஃபர்சன்வில் நேரப்படி, எங்களுடன் சேர்ந்துகொள்ள விரும்பினால், அப்பொழுது நாங்கள் உலகம் முழுவதும் தொலைபேசி இணைப்பில் கேட்டுக் கொண்டிருப்போம். இதுதான் சம்பவிக்கப் போகிறது.

சகோ. ஜோசப் பிரான்ஹாம்

தேவனால் தெரிந்துக் கொள்ளப்பட்ட ஆராதனை ஸ்தலம் 65-0220

செய்தியைக் கேட்பதற்கு முன் படிக்க வேண்டிய வேதவசனங்கள்:

உபாகமம் 16:1-3
யாத்திராகமம் 12:3-6
மல்கியா 3வது & 4வது அதிகாரங்கள்
லூக்கா 17:30
ரோமர் 8:1
வெளிப்படுத்தின விசேஷம் 4:7