அன்புள்ள திருமதி. இயேசுவே,

ஓ தேவாட்டுக் குட்டியே, நீர் உலகத்திற்கு தேவனுடைய மகத்தான சுற்றப்பட்ட வெகுமதியாய் இருக்கிறீர். எப்போதும் அளிக்கப்பட்டதிலேயே மகத்தான வெகுமதியாக உம்மையே நீர் எங்களுக்கு அளித்திருக்கிறீர். நீ முதல் நட்சத்திரத்தை சிருஷ்டிக்கும் முன்னே, நீர் பூமியை, சந்திரனை, சூரிய குடும்பத்தை சிருஷ்டிக்கும் முன்னே, நீர் எங்களை அறிந்து, உம்முடைய மணவாட்டியாக இருக்கும்படி எங்களை தெரிந்து கொண்டீர்.

நீர் எங்களை அப்பொழுது கண்டபோது, நீர் எங்களை நேசித்தீர். நாங்கள் உம்முடைய மாம்சத்தின் மாம்சமும், உம்முடைய எலும்பின் எலும்புமாயிருந்தோம்; நாங்கள் உம்முடைய ஒரு பாகமாக இருந்தோம். நீர் எப்படியாய் எங்களை நேசித்து, எங்களோடு ஐக்கியம் கொள்ள விரும்பினீர். நீர் உம்முடைய நித்திய ஜீவனை எங்களோடு பகிர்ந்து கொள்ள விரும்பினீர். நாங்கள் உம்முடைய திருமதி. இயேசுவாய் இருப்போம் என்பதை அப்பொழுதே நாங்கள் அறிந்து கொண்டோம்.

நாங்கள் தவறிப் போவோம் என்பதை நீர் கண்டீர், எனவே எங்களை திரும்பவும் மீட்டெடுக்க ஒரு வழியை நீர் அளிக்க வேண்டியதாயிருந்தது. நாங்கள் இழக்கப்பட்டு நம்பிக்கையற்றவர்களாக இருந்தோம். ஒரே ஒரு வழி இருந்தது, நீர் ஒரு “புது சிருஷ்டியாக” வேண்டியதாயிருந்தது. தேவனும் மனிதனும் ஒன்றாக மாறவேண்டியதாயிருந்தது. நாங்கள் உம்மைப் போலாகும்படிக்கு நீர் எங்களைப் போலாக வேண்டியதாய் இருந்தது. இவ்வாறு, நீர் ஏதேன் தோட்டத்தில் ஆயிரக்கணக்கான ஆண்டுகளுக்கு முன்பு உம்முடைய பெரிய திட்டத்தை செயல்படுத்தினீர். உம்முடைய பரிபூரண வார்த்தை மணவாட்டியான எங்களுடன் இருக்க நீர் மிகவும் வாஞ்சித்தீர், ஆனால் ஆதியிலே இழக்கப்பட்டிருந்த யாவற்றையும் நீர் எங்களுக்கு மீண்டும் திரும்பளிக்க வேண்டியதாய் இருந்தது என்பதை முதலில் நீர் அறிந்திருந்தீர். நீர் உம்முடைய திட்டத்தை முடிக்க இந்நாள் வரை காத்துக் கொண்டேயிருந்தீர்.

அந்த நாளானது வந்துவிட்டது. நீர் ஆதியில் கண்ட அந்த சிறிய குழு இங்கே உள்ளது. எல்லாவற்றைக் காட்டிலும் உம்மையும் உம்முடைய வார்த்தையையும் உம்முடைய இனிய இருதயம் நேசிக்கிறாள்.

நீர் ஆபிரகாமுடன் செய்தது போல, நீர் ஒரு புது சிருஷ்டியானபோது செய்தது போல, இது நீர் மானிட மாம்சத்தில் வந்து உம்மையே வெளிப்படுத்த வேண்டிய நேரமாயிருந்தது. உலகத் தோற்றத்திற்கு முன்னே மறைக்கப்பட்டிருந்த உம்முடைய மகத்தான எல்லா இரகசியங்களையும் நீர் எங்களுக்கு வெளிப்படுத்தும்படியாக இந்த நாளுக்காக நீர் எவ்வளவாய் வாஞ்சித்திருந்தீர்.

நீர் உம்முடைய மணவாட்டியைக் குறித்து மிகவும் பெருமைப்படுகிறீர். நீர் எப்படி அவளைக் காண்பித்து சாத்தானிடம், “நீ அவர்களுக்கு என்ன செய்ய முயற்சித்தாலும் அது ஒரு பொருட்டல்ல, அவர்கள் அசைய மாட்டார்கள்; அவர்கள் என் வார்த்தை, என்னுடைய சத்தத்தின் பேரில் சமரசம் செய்ய மாட்டார்கள். அவர்கள் என்னுடைய பரிபூரண வார்த்தை மணவாட்டி” என்று சொல்ல விரும்புகிறீர். அவர்கள் எனக்கு மிகவும் அழகாக இருக்கிறார்கள். அவர்கள் தங்களுடைய எல்லா சோதனைகள் மற்றும் பரிசோதனைகளினூடாகவும் என்னுடைய வார்த்தைக்கு உண்மையாய் தரித்திருக்கிறார்கள். நான் அவர்களுக்கு நித்திய வெகுமதியை கொடுப்பேன். எனக்கு இருக்கிற எல்லாவற்றையும் அவர்களுக்கு கொடுக்கிறேன். நாங்கள் ஒன்றாக இருப்போம்.

நம்மால் சொல்ல முடிந்ததெல்லாம், “இயேசுவே, நாங்கள் உம்மை நேசிக்கிறோம். நாங்கள் உம்மை எங்களுடைய வீட்டுக்குள் வரவேற்போமாக. நாங்கள் உமக்கு எண்ணெய் பூசி, உம்முடைய பாதங்களை எங்களுடைய கண்ணீரால் கழுவி, அவைகளை முத்தம் செய்வோம். நாங்கள் எப்படியாய் உம்மை நேசிக்கிறோம் என்பதை நாங்கள் உமக்கு சொல்வோமாக.”

எங்களுக்கு இருக்கிற எல்லாவற்றையும், நாங்கள் இயேசுவே உமக்கு அளிக்கிறோம். அதுவே உமக்கு எங்களுடைய வெகுமதியாய் உள்ளது. நாங்கள் உம்மை நேசிக்கிறோம். நாங்கள் உம்மை போற்றுகிறோம். நாங்கள் உம்மை ஆராதிக்கிறோம்.

ஞாயிற்றுக்கிழமை பிற்பகல் 12 மணிக்கு, ஜெபர்சன்வில் நேரப்படி, இயேசுவை உங்களுடைய வீட்டில், உங்களுடைய சபையில், உங்களுடைய காரில், நீங்கள் எங்கே இருந்தாலும், மனிதனுக்கு எப்போதும் அளிக்கப்பட்டதிலேயே மகத்தான வெகுமதியான: தேவன் தாமே பேசி உங்களோடு ஐக்கியங்கொள்ளுகிறதை பெற்றுக் கொள்ள நீங்கள் ஒவ்வொருவரும் எங்களுடன் சேர்ந்து கொள்ளும்படி நான் அழைக்கிறேன்.

சகோ. ஜோசப் பிரான்ஹாம்

60-1225 தேவனுடைய சுற்றப்பட்ட வெகுமதி

 

 

அன்புள்ள மணவாட்டியே,

இந்த ஆண்டு புத்தாண்டு தினத்திற்கு முந்தைய மாலை மீண்டும் ஒரு சிறப்பு செய்தியும், இராப்போஜன ஆராதனையும் நடத்த வேண்டும் என்று கர்த்தர் என் இருதயத்தில் வைத்துள்ளார். நண்பர்களே, புத்தாண்டின் தொடக்கத்தில் தேவனுடைய சத்தம் நம்மிடம் பேசுவதைக் கேட்டு, கர்த்தருடைய இராப்போஜனத்தில் கலந்துகொண்டு, அவருடைய சேவைக்காக நம்முடைய ஜீவியங்களை மீண்டும் அர்ப்பணிப்பதை விட என்ன பெரிய காரியத்தை நாம் செய்ய முடியும். உலகத்தை ஒதுக்கிவிட்டு, இந்த விசேஷமான வார்த்தையில் மணவாட்டியுடன் ஒன்றுபடுவது என்னே ஒரு புனிதமான நேரமாக இருக்கும், “கர்த்தாவே, நாங்கள் ஆண்டு முழுவதும் செய்த எல்லா தவறுகளையும் எங்களுக்கு மன்னியும்; இப்போது நாங்கள் உம்மை அணுகி கொண்டிருக்கிறோம், இந்த வரவிருக்கும் ஆண்டில் நீர் எங்கள் கையைப் பிடித்து எங்களுக்கு வழிகாட்டுவீரா என்று கேட்கிறோம். நாங்கள் எப்போதும் இல்லாத அளவுக்கு உமக்கு சேவை செய்வோமாக, அது உமது தெய்வீக சித்தத்தில் இருந்தால், அது மகத்தான எடுத்துக் கொள்ளப்படுதல் நடைபெறவிருக்கும் ஆண்டாக இருப்பதாக. கர்த்தாவே, நித்தியத்தினூடாக உம்மோடு ஜிவிக்க நாங்கள் பரமவீட்டிற்குச் செல்ல விரும்புகிறோம்” என்று நாம் நம்முடைய இருதயத்திலிருந்து சொல்கிறோம். இந்த விசேஷமான மறு பிரதிஷ்டை சேவைக்காக அவருடைய சிங்காசனத்தை சுற்றிக் கூடிவர நான் காத்திருக்க முடியவில்லை, கர்த்தருக்கு ஸ்தோத்திரம்.

ஜெபர்சன்வில் பகுதியில் உள்ள விசுவாசிகளுக்கு, எங்கள் உள்ளூர் நேர மண்டலத்தில் இரவு 7:00 மணிக்கு ஒலிநாடாவை இயக்கத் தொடங்க விரும்புகிறேன். நாங்கள் முன்பு செய்தது போல், முழுமையான செய்தியும், இராஜபோஜன ஆராதனையும் அந்த நேரத்தில் வாய்ஸ் ரேடியோவில் இருக்கும். டிசம்பர் 18, புதன்கிழமை அன்று மதியம் 1:00 முதல் 5:00 மணி வரை, நீங்கள் YFYC கட்டிடத்தில் எடுத்துச் செல்வதற்காக எங்களிடம் இராப்போஜன திராட்சை ரசப் பொதிகள் கிடைக்கும்.

ஜெபர்சன்வில் பகுதிக்கு வெளியே வசிக்கும் நீங்கள், உங்களுக்கு வசதியான நேரத்தில் இந்த சிறப்பு ஆராதனையை வைத்துக் கொள்ளுங்கள். செய்தியையும், இராப்போஜன ஆராதனையையும் விரைவில் பதிவிறக்கக்கூடிய இணைப்பு நமக்கு கொடுக்கப்படும்.

நாங்கள் கிறிஸ்துமஸ் விடுமுறையை நெருங்குகையில், உங்களுக்கும் உங்கள் குடும்பத்தாருக்கும் ஒரு அற்புதமான மற்றும் பாதுகாப்பான விடுமுறை காலமும், உயிர்த்தெழுந்த கர்த்தராகிய இயேசுவின் சந்தோஷத்தால் நிரப்பப்பட்ட, ஒரு மகிழ்வார்ந்த கிறிஸ்துமஸ் வாழ்த்துக்களைத் தெரிவித்துக் கொள்கிறேன்... வார்த்தை.

தேவன் உங்களை ஆசீர்வதிப்பாராக,

சகோதரன் ஜோசப்

 

 

அன்புள்ள வீட்டில் கூடுகிற மணவாட்டி சபையே,

நாம் யாவரும் ஒன்று கூடி, இந்த ஞாயிற்றுக்கிழமை, பிற்பகல் 12 மணிக்கு, ஜெபர்சன்வில் நேரப்படி, 60-1218 விளங்காத சத்தம் என்ற செய்தியைக் கேட்போமாக.

சகோதரன் ஜோசப் பிரான்ஹாம்

 

 

அன்பான தெரிந்து கொள்ளப் பட்டவர்களே,

ஊழியக்காரர்களே, தாமதமாகும் முன் தேவனுடைய தூதனுக்கு உங்கள் வாசல்களைத் திறவுங்கள். ஒலிநாடாக்களை இயக்குவதன் மூலம் தேவனுடைய சத்தத்தை உங்களுடைய பிரசங்க பீடங்களில் மீண்டும் கொண்டு வாருங்கள். இது பிழையற்ற வார்த்தைகளுடன் நம்முடைய நாளுக்கான ஒரே ரூபகாரப்படுத்தப்பட்ட தேவனுடைய சத்தமாயுள்ளது. இது மாத்திரமே கர்த்தர் உரைக்கிறதாவது என்பதோடுள்ள சத்தமாயுள்ளது. இது மாத்திரமே மணவாட்டி யாவரும் ஆமென் என்று சொல்லக்கூடிய சத்தமாயுள்ளது.

இது எல்லா காலத்திலும் மிக மகத்தான காலம. தம்முடைய கிருபையின் நாட்கள் முடிவடையும் போது இயேசு தம்மைப் பற்றிய விளக்கத்தை நமக்கு அளித்துக் கொண்டிருக்கிறார். நேரமானது முடிவுக்கு வந்துவிட்டது. இந்த கடைசி காலத்தில் அவர் தம்முடைய குணாதிசயங்களை நமக்கு வெளிப்படுத்தியுள்ளார். அவர் தம்முடைய சொந்த மகிமையான உன்னத தெய்வீக தன்மையை பற்றிய ஒரு இறுதிப் பார்வையை நமக்கு அளித்துள்ளார். இந்தக் காலம் அவரைக் குறித்த தலைக்கல் வெளிப்பாடாயுள்ளது.

தேவன் இந்த லவோதிக்கேயா காலத்தில் வந்து மானிட மாம்சத்தின் மூலமாகப் பேசினார். அவருடைய வார்த்தை மணவாட்டியை வழிநடத்தவும் பரிபூரணப்படுத்தவும் அவருடைய சத்தம் ஒலிப்பதிவு செய்யப்பட்டு சேமிக்கப்பட்டுள்ளது. அவருடைய சொந்த சத்தத்தைத் தவிர, அவருடைய மணவாட்டியை பரிபூரணப்படுத்தக் கூடிய வேறு சத்தம் எதுவும் இல்லை.

இந்த கடைசி காலத்தில், ஒலிநாடாக்களில் உள்ள அவருடைய சத்தம் ஒதுக்கி வைக்கப்பட்டுள்ளது; சபைகளிலிருந்து வெளியே எடுக்கப்பட்டுவிட்டது. அவர்கள் ஒலிநாடாக்களை இயக்கமாட்டார்கள். எனவே தேவன், “நான் உங்கள் அனைவருக்கும் எதிராகப் போகிறேன். நான் உங்களை என் வாயிலிருந்து வாந்தி பண்ணிப் போடுவேன். இதுவே முடிவு” என்று கூறுகிறார்.

முன்பு இருந்ததைப் போலவே, ஆகாபின் நாட்களில் தங்களுடைய மூதாதையர்கள் செய்ததைப் போன்ற முறைமைக்கே அவர்களும் உண்மையாக செயல்பட்டுக் கொண்டிருக்கிறார்கள். அவர்கள் நானூறு பேராயிருந்தனர், அவர்கள் அனைவரும் கருத்தொற்றுமையில் இருந்தனர்; அவர்கள் அனைவரும் ஒரே காரியத்தையே கூறி, மக்களை ஏமாற்றினார்கள். ஆனால் ஒரு தீர்க்கதரிசி, சரியாக ஒருவரே சரியானவராயிருந்தார், மற்ற அனைவரும் தவறாயிருந்தனர், ஏனென்றால் தேவன் ஒருவரிடம் மட்டுமே வெளிப்பாட்டை ஒப்படைத்திருந்தார்.

இது எல்லா ஊழியங்களும் பொய்யாயுள்ளன என்றும், மக்களை ஏமாற்றிக் கொண்டிருக்கிறார்கள் என்றும் கூறவில்லை. ஊழியத்திற்கான ஒரு அழைப்போடுள்ள ஒரு மனிதனால் பிரசங்கிக்கவோ அல்லது கற்பிக்கவோ முடியாது என்று நான் கூறவில்லை. நீங்கள் கேட்க வேண்டிய மிக முக்கியமான சத்தமாக இருக்கிறபடியால், மணவாட்டிக்கு தேவனுடைய சத்தத்தை, ஒலிநாடாக்களை இயக்குவதே உண்மையான ஐந்து வகையான ஊழியம் என்று நான் கூறிக் கொண்டிருக்கிறேன். ஒலிநாடாக்களில் உள்ள சத்தம் மாத்திரமே கர்த்தர் உரைக்கிறதாவது என்று தேவனால் தாமே ரூபகாரப்படுத்தப்பட்டிருக்கிற ஒரே சத்தமாக உள்ளது.

நிச்சயமாகவே இன்றைக்கான சரியான வழியை நீங்கள் எப்படி அறிவீர்கள்? விசுவாசிகளிடையே இப்படி ஒரு பிரிவினை உள்ளது. ஐந்து வகையான ஊழியம் மணவாட்டியைப் பரிபூரணபடுத்தும் என்று ஒரு குழுவினர் கூறுகிறார்கள், மற்றொரு குழுவினர் இயங்கு பொத்தானை அழுத்திக் கேளுங்கள் என்று கூறுகின்றனர். நாம் பிளவுபடக் கூடாது; நாம் ஒரே மணவாட்டியாக ஒன்றுபட வேண்டும். சரியான பதில் என்ன?

உங்கள் இருதயங்களை ஒன்றாகத் திறந்து, தேவன் தம்முடைய தீர்க்கதரிசி மூலம் மணவாட்டிக்கு என்ன கூறிக் கொண்டிருக்கிறார் என்பதைக் கேட்போமாக. ஏனென்றால் சகோதரன் பிரான்ஹாம் அவருடைய ஏழாம் தூதனாகிய செய்தியாளர் என்று நாம் யாவரும் ஒப்புக்கொள்கிறோம்.

எனவே, அவருடைய தூதனால் உரைக்கப்பட்ட இந்தச் செய்தி பரிபூரணமாக கொடுக்கப்பட்டு, பரிபூரணமாக புரிந்துகொள்ளப்படுகிறது.

தேவன் தம்முடைய ஏழாவது தூதனாகிய செய்தியாளரையும், அவருடைய செய்தியைப் பற்றியும் வேறு என்ன கூறினார்?