ప్రియమైన వధువా,
మీలో ప్రతి ఒక్కరూ మీ స్నేహితులతోను మరియు కుటుంబములతోను కలిసి ఒక అద్భుతమైన క్రిస్మసును కలిగియున్నారని నేను నమ్ముచున్నాను. ఈనాడు లోకము ఆయనను చూస్తున్న విధంగా మన ప్రభువైన యేసు ఒక పశులతొట్టిలోనే ఉండిపోలేదు గాని, ఆయన సజీవుడై మరియు తన వధువు మధ్యన ఉన్నాడని, ముందెన్నడూ లేనంతగా ఆయనయొక్క స్వరము ద్వారా తననుతాను బయలుపరచుకొనుచున్నాడని ఎరిగియుండుటకు నేను ఈ దినమున ఎంతో కృతజ్ఞుడనైయున్నాను, దేవునికి స్తోత్రం.
నేను ఇదివరకు ప్రకటించినట్లుగా, నూతన సంవత్సరమునకు ముందు దినమున, అనగా డిసెంబరు 31వ తేదీన, మరొకసారి మన గృహములలో/సంఘములలో ప్రభురాత్రి భోజనమును కలిగియుండగోరుచున్నాను. పాల్గొనాలని ఇష్టపడుచున్నవారికి చెప్పుచున్నాను, మేము, 62-1231 పోటీ, అనే వర్తమానమును వింటాము, మరియు పిదప నేరుగా ప్రభురాత్రి భోజనమును ప్రారంభిస్తాము, దానిని సహోదరుడు బ్రెన్హామ్ గారు వర్తమానముయొక్క ముగింపులో పరిచయం చేస్తారు.
స్థానిక విశ్వాసుల కొరకు, సాయంకాలం 7:00 గంటల సమయమప్పుడు మేము టేపును ప్రారంభిస్తాము. ఏదేమైనను, ఇతర కాలమండలములలో ఉన్నవారు, దయచేసి మీకు అనుకూలమైన సమయములో వర్తమానమును ప్రారంభించండి. సహోదరుడు బ్రెన్హామ్ గారు నూతన సంవత్సరమునకు ముందు దినపు వర్తమానమును అందించిన తర్వాత, 59 వ పేరా ముగింపులో మేము టేపును కొంత సమయం ఆపుతాము, మరియు మేము ప్రభురాత్రి భోజనమును తీసుకొనుచుండగా సుమారు 10 నిమిషాలపాటు పియానో సంగీతం వాయించబడుతుంది. పిదప సహోదరుడు బ్రెన్హామ్ గారు కూడికను ముగించుచుండగా మేము టేపును మరలా ప్లే చేస్తాము. ఈ టేపులో, ఆయన పాదపరిచర్య కార్యక్రమ భాగమును విడిచిపెడతారు, మేము కూడా దానిని విడిచిపెడతాము.
ద్రాక్షరసమును ఎలా పొందుకోవాలి, మరియు ప్రభురాత్రి భోజనపు రొట్టెను ఎలా కాల్చాలి అనేదానికి సూచనలు క్రింద ఇవ్వబడిన లింకులలో కనుగొనబడతాయి. మీరు వెబ్సైటు నుండి ఆడియోను ప్లే చేసుకొనవచ్చును లేదా డౌన్లోడు చేసుకొనవచ్చును, లేదా మీరు సులువుగా లైఫ్ లైన్ యాప్ లోని వాయిస్ రేడియో నుండి ఈ కూడికను ప్లే చేసుకొనవచ్చును (అది జఫర్సన్విల్ కాలమానం ప్రకారంగా సాయంత్రం 7:00 గంటల సమయమప్పుడు ఆంగ్లములో ప్లే చేయబడుతుంది.)
మన ప్రభువుయొక్క సేవలో మరొక సంవత్సరమును మనము సమీపిస్తుండగా, మొదటిగా ఆయన స్వరమును వినుట ద్వారా మనము మన ప్రేమను ఆయనకు వ్యక్తపరచుదాము, మరియు పిదప మనము ఆయనయొక్క భోజనములో పాలుపొందుదాము. మన జీవితములను ఆయనయొక్క సేవకై మరలా ప్రతిష్ఠించుకొనుచుండగా అది ఎటువంటి ఒక మహిమకరమైన పవిత్రమైన సమయముగా ఉంటుంది కదా.
దేవుడు మిమ్మును దీవించును గాక,
సహోదరుడు జోసఫ్
సంబంధిత కూటములు
ప్రియమైన తెల్లని వస్త్రములు-ధరించిన పరిశుద్ధులారా,
దేవుని స్వరము మనతో మాట్లాడుటను మనము విన్నప్పుడు, మన అంతరంగపు లోతులలో ఏదో జరుగుతుంది. మన సమస్తము మార్చివేయబడుతుంది మరియు మన చుట్టూ ఉన్న ప్రపంచము పలచనబడిపోతుంది.
మనము వింటున్న ప్రతి వర్తమానముతో దేవుని స్వరము తన వాక్యమును బయలుపరచుచుండగా, మన హృదయములలో, మన మనస్సులలో, మన అంతరాత్మలో ఏమి జరుగుతుందన్న దానిని ఒకరు ఎలా వ్యక్తపరచగలరు?
మన ప్రవక్త వలె, మనము మూడవ ఆకాశములోనికి కొనిపోబడినట్లును మరియు మన ఆత్మ ఈ మర్త్యమైన శరీరమును విడిచిపోతున్నట్లును మనకు అనిపించుచున్నది. ముందెన్నడూ లేని విధంగా దేవుడు మనకు తన వాక్యమును బయలుపరుస్తుండగా మనకు కలిగే అనుభూతిని వ్యక్తపరచడానికి మాటలు లేనే లేవు.
యోహాను పత్మాసు ద్వీపంలో ఉంచబడ్డాడు మరియు తాను చూసినదానిని వ్రాసి మరియు దానిని ప్రత్యక్షత అనే గ్రంథములో పెట్టమని చెప్పబడినాడు, తద్వారా అది కాలములన్నిటిగుండా వెళ్ళుటకైయున్నది. ఆయనయొక్క ఎన్నుకోబడిన 7వ దూత వర్తమానికుడి ద్వారా మనకు బయలుపరచబడేవరకు ఆ మర్మములు దాచబడియున్నవి.
అప్పుడు యోహాను తన పైనుండి అదే స్వరమును విన్నాడు మరియు మూడవ ఆకాశమునకు కొనిపోబడ్డాడు. ఆ స్వరము అతనికి సంఘకాలములను, యూదులు వచ్చుటను, తెగుళ్ళు కుమ్మరించబడుటను, ఎత్తబడుటను, మరలా రాకడను, వెయ్యేండ్ల పాలనను, మరియు ఆయనయొక్క రక్షించబడినవారి నిత్య గృహమును చూపించినది. ఆయన అతడిని పైకి తీసుకెళ్ళి మరియు ఆయన చేస్తానని చెప్పినట్లే యోహానుకు పూర్తి కార్యమును ముందుగానే ప్రదర్శించాడు.
అయితే యోహాను ఆ ప్రదర్శనను చూసినప్పుడు అతడు ఎవరిని చూసాడు? వాస్తవంగా ఈనాటి వరకు ఎవరికీ తెలిసియుండలేదు.
రాకడలో అతడు మోషేను మొదటిగా చూసాడు. అతడు పునరుత్థానము కానున్న మృతులైన పరిశుద్ధులకు ప్రాతినిథ్యము వహించాడు; వారు ఆ ఆరు కాలములన్నిటిలో నిద్రించినవారు.
అయితే కేవలం మోషే మాత్రమే అక్కడ నిలబడియుండలేదు గాని, ఏలీయా కూడా అక్కడ ఉన్నాడు.
అక్కడ నిలబడియున్న ఏలీయా ఎవరు?
అయితే ఏలీయా అనగా; అంత్య దినపు వర్తమానికుడు, మార్పుచెందియున్న, ఎత్తబడియున్న, తన గుంపుతో అక్కడ ఉన్నాడు.
మహిమ…హల్లెలూయ…యోహాను అక్కడ ఎవరు నిలబడియుండటాన్ని చూసాడు?
అది మరెవరో కాదు గాని దేవునియొక్క 7వ దూత వర్తమానికుడే, విలియమ్ మారియన్ బ్రెన్హామ్, తన యొక్క మార్పుచెందిన, ఎత్తబడిన గుంపుతోనున్నాడు…మనలో ప్రతి ఒక్కరితోనున్నాడు!!
ఏలీయా మార్పుపొందిన గుంపునకు ప్రాతినిథ్యం వహించాడు. గుర్తుంచుకోండి, మొదటిగా మోషే, మరియు ఆ తర్వాత ఏలీయా. ఏలీయా చివరి దినమునకు వర్తమానికుడిగా ఉండవలసియున్నాడు, తద్వారా అతనితో మరియు అతని గుంపుతో పునరుత్థానము సంభవించుటకైయున్నది…సంభవించుటకై…సరి, నా భావమేమిటనగా, ఎత్తబడుట సంభవిస్తుంది. మోషే పునరుత్థానము చెందినవారిని తీసుకొనివచ్చాడు మరియు ఏలీయా ఎత్తబడిన గుంపును తీసుకొనివచ్చాడు. మరియు, అక్కడ, సరిగ్గా అక్కడే ఆ ఇరువురూ ప్రదర్శించబడ్డారు.
ముసుగు తొలగించబడుట గురించి, బయలుపరచుట గురించి, మరియు ప్రత్యక్షత గురించి మాట్లాడండి.
ఇదిగో విషయమిదే! మనము దానిని, అనగా పరిశుద్ధాత్మను, నిన్నా, నేడు, మరియు నిరంతరము ఒక్కటే రీతిగా ఉన్న యేసుక్రీస్తును సరిగ్గా ఇప్పుడు మనతో కలిగియున్నాము. మీరు…అది మీకు బోధిస్తున్నది, అది మీకు ఉపదేశిస్తున్నది, ఏది తప్పు ఏది సరియైనది అని మీరు చూచునట్లు చేయుటకు అది ప్రయత్నిస్తున్నది. అది స్వయంగా పరిశుద్ధాత్మ తానే మానవ పెదవుల ద్వారా మాట్లాడుతూ, మానవుల మధ్య పని చేయుచూ, కనికరమును మరియు కృపను చూపించుటకు ప్రయత్నించుటయైయున్నది.
జీవాహారమును తినడానికి భూమియందంతటి నుండి వస్తుండగా ఆయనయొక్క దూత చూసినట్టి ఆ తెల్లని వస్త్రములు-ధరించిన పరిశుద్ధులము మనమేయైయున్నాము. మనము ప్రధానము చేయబడి మరియు వివాహము చేయబడి మరియు మన హృదయములో ఆయనయొక్క నిశ్చితార్థ ముద్దును అనుభూతిచెందియున్నాము. మనల్ని మనము ఆయనకు మరియు ఆయనయొక్క స్వరమునకు ప్రతిజ్ఞ చేసుకొనియున్నాము. మనము ఏ ఇతర స్వరముతోను మనల్ని మనము పాడు చేసుకోలేదు మరియు ఇకను పాడు చేసుకోము.
యోహాను వెళ్ళినట్లే దేవుని సన్నిధిలోనికి; పైకి వెళ్ళుటకు వధువు సిద్ధపడుచున్నది. సంఘముయొక్క ఎత్తబడుటలో మనము కొనిపోబడతాము. అది మన అంతరాత్మలో ఏ విధంగా నిండిపోయి ఉన్నది కదా!
తర్వాత ఆయన మనకు ఏమి బయలుపరచబోవుచున్నాడు?
తీర్పులను; పద్మరాగము రాయిని, మరియు అది దేనిని సూచిస్తుంది; అది ఎటువంటి పాత్ర వహించినది అన్నదానిని బయలుపరుస్తాడు. సూర్యకాంతపు రాయిని, మరియు వివిధమైన రాళ్ళన్నిటిని బయలుపరుస్తాడు. ఆయన వీటన్నిటిని యెహేజ్కేలు నుండి తీసుకొని, వెనుక ఆదికాండములోనికి వెళ్ళి, తిరిగి ప్రకటన వద్దకు వచ్చి, బైబిలు గ్రంథపు మధ్య భాగమునకు వెళ్ళి, దానంతటినీ ముడివేసి; ఈ వివిధమైన రాళ్ళను మరియు రంగులను బయలుపరుస్తాడు.
అది అదే పరిశుద్ధాత్మ, అదే దేవుడు, అవే సూచనలను, అవే అద్భుతాలను చూపిస్తూ, సరిగ్గా ఆయన వాగ్దానము చేసినట్లు అదే కార్యమును చేయుటయైయున్నది. అది ఆయనయొక్క స్వరమును వినుటద్వారా యేసుక్రీస్తుయొక్క వధువు తననుతాను సిద్ధపరచుకొనుటయైయున్నది.
ఏలీయా, అనగా ఈ చివరి కాలమునకైన దేవునియొక్క వర్తమానికుడు, కాలములన్నిటి గుండా దాచబడియున్న మర్మములన్నిటిని బయలుపరచడాన్ని వినుటకు, మేము జఫర్సన్విల కాలమానం ప్రకారంగా మధ్యాహ్నం 12:00 గంటల సమయమప్పుడు పరలోక స్థలములలో కూడుకొనుచుండగా మాతో చేరమని మేము మిమ్మల్ని ఆహ్వానిస్తున్నాము.
సహోదరుడు. జోసఫ్ బ్రెన్హామ్
వర్తమానము: 60-1231 ప్రకటన గ్రంథము, నాలుగవ అధ్యాయము 1వ భాగము
• దయచేసి మన నూతన సంవత్సర వర్తమానమును గుర్తుపెట్టుకోండి, మంగళవారము రాత్రి: పోటీ 62-1231. నూతన సంవత్సరమును ప్రారంభించుటకు మరే శ్రేష్ఠమైన విధానము లేదు.
సంబంధిత కూటములు
ప్రియమైన శ్రీమతి. యేసు,
ఓ దేవుని గొర్రెపిల్లా, ఈ లోకమునకు నీవే దేవునియొక్క చుట్టబడిన గొప్ప కానుకయైయున్నావు. ఇవ్వబడినటువంటి అత్యంత గొప్ప కానుకను నీవు మాకు అనుగ్రహించావు, మరది స్వయంగా నీవేయైయున్నావు. నీవు మొట్టమొదటి నక్షత్రమును సృష్టించడానికిముందే, నీవు భూమిని, చంద్రుడిని, సౌర కుటుంబమును సృష్టించడానికిముందే, నీవు మమ్మల్ని ఎరిగియుండి మరియు నీ వధువుగా ఉండుటకు మమ్మల్ని ఎన్నుకున్నావు.
అప్పుడు నీవు మమ్మల్ని చూసినప్పుడే, నీవు మమ్మల్ని ప్రేమించావు. మేము నీ మాంసములో మాంసమైయున్నాము, నీ ఎముకలో ఎముకయైయున్నాము; మేము నీలో భాగమైయున్నాము. నీవు మమ్మల్ని ఎంతగానో ప్రేమించి మరియు మాతో సహవాసము కలిగియుండాలని ఎంతగానో కోరావు. నీవు నీయొక్క నిత్యజీవమును మాతో పంచుకోవాలని కోరావు. మేము నీయొక్క శ్రీమతి. యేసు అవుతాము అని అప్పుడు మేము ఎరిగియున్నాము.
మేము విఫలమవుతామని నీవు చూశావు, కావున మమ్మల్ని తిరిగి విమోచించడానికి నీవు ఒక మార్గమును ఏర్పాటు చేయవలసివచ్చినది. మేము తప్పిపోయి నిరీక్షణ లేనివారిగా ఉన్నాము. ఒకే ఒక్క మార్గము ఉన్నది, నీవే ఒక “నూతన సృష్టిగా” మారవలసివచ్చినది. దేవుడు మానవుడు ఒకటి అవ్వవలసివచ్చినది. మేము నీవలె మారునట్లు, నీవు మావలె మారవలసివచ్చినది. కావున, వేల సంవత్సరాల క్రితమే ఏదెను తోటలో నీవు నీ ప్రణాళికను కార్యనిర్వహణలో పెట్టియున్నావు.
నీయొక్క పరిపూర్ణ వాక్య వధువైయున్న మాతో ఉండాలని, నీవు ఎంతగానో పరితపించావు, అయితే మొదటిగా ఆదిలో కోల్పోయినదానంతటికీ మమ్మల్ని తిరిగి విమోచించవలసియున్నదని నీవు ఎరిగియున్నావు. నీ ప్రణాళికను పూర్తి చేయడానికి ఈ దినమువరకు నీవు ఎంతగానో వేచియున్నావు.
ఆ దినము వచ్చియున్నది. ఆదిలో నీవు చూసిన ఆ చిన్న గుంపు ఇక్కడున్నది. దేనికంటెను నిన్ను మరియు నీ వాక్యమును ప్రేమించే నీ ప్రియమైనది ఇక్కడున్నది.
నీవు అబ్రాహాముతో చేసినట్లే, మరియు నీవు ఒక నూతన సృష్టియైనప్పుడు నీవు చేసినట్లే, మానవ శరీరములో వచ్చి మరియు నిన్ను నీవు బయలుపరచుకోడానికి సమయమైనది. జగత్తుపునాది నుండి దాచబడియున్న నీయొక్క గొప్ప మర్మములన్నిటినీ నీవు మాకు బయలుపరచగలుగునట్లు నీవు ఈ దినము కొరకు ఎంతగానో పరితపించావు.
నీవు నీ వధువు విషయమై ఎంతో అతిశయపడుతున్నావు. ఆమెను చూపించి మరియు సాతానుడితో ఇట్లు చెప్పడానికి నీవు ఎంతగానో ఇష్టపడతావు, “నీవు వారికి ఏమి చేయడానికి ప్రయత్నించినా గాని, వారు కదలరు; నా మాట విషయంలో, నా స్వరము విషయంలో వారు రాజీపడరు. వారు నాయొక్క పరిపూర్ణ వాక్య వధువైయున్నారు.” వారు నాకు ఎంతో అందముగా కనబడుచున్నారు. కేవలం వారిని చూడుము! వారియొక్క శోధనలు మరియు పరీక్షలన్నిటిగుండా, వారు నా వాక్యమునకు నిజాయితీగా నిలబడతారు. నేను వారికి ఒక నిత్యమైన కానుకను ఇస్తాను. నేను ఏమైయున్నానో దానంతటినీ, నేను వారికి ఇస్తాను. మేము ఒక్కటైయుంటాము.
మనము చెప్పగలిగేదంతా ఏమిటంటే: “యేసూ, మేము నిన్ను ప్రేమిస్తున్నాము. మా గృహములోనికి నిన్ను ఆహ్వానించనిమ్ము. నిన్ను అభిషేకించి మరియు మా కన్నీటితో నీ పాదములను కడిగి మరియు వాటిని ముద్దుపెట్టుకోనిమ్ము. మేము నిన్ను ఎంతగా ప్రేమిస్తున్నామో నీకు చెప్పనిమ్ము.”
యేసూ, మేము ఏమైయున్నామో దానంతటినీ మేము నీకు ఇస్తున్నాము. యేసూ అదియే నీకు మేము ఇచ్చే కానుకయైయున్నది. మేము నిన్ను ప్రేమిస్తున్నాము. మేము నిన్ను ఎంతగానో గౌరవిస్తున్నాము. మేము నిన్ను ఆరాధిస్తున్నాము.
ఆదివారము, జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు మాతో కలిసి, మరియు మీ గృహములోనికి, మీ సంఘములోనికి, మీ కారులోని, మీరు ఎక్కడుంటే అక్కడికి యేసును ఆహ్వానించి, మరియు మానవునికి ఇవ్వబడిన అత్యంత గొప్ప కానుకను స్వీకరించాలని కోరుచున్నాను; అది మరేమిటో కాదు గాని దేవుడు తానే మీతో మాట్లాడుచు మరియు మీతో సహవాసము చేయుటయైయున్నది.
సహోదరుడు. జోసఫ్ బ్రెన్హామ్
60-1225 చుట్టబడిన దేవుని కానుక
సంబంధిత కూటములు
ప్రియమైన వధువా,
మరలా ఈ సంవత్సరముయొక్క ముగింపు దినమున ఒక ప్రత్యేకమైన వర్తమానమును మరియు ప్రభురాత్రి భోజనమును కలిగియుండమని ప్రభువు నా హృదయములో ఉంచాడు. స్నేహితులారా, నూతన సంవత్సరములోనికి ప్రవేశిస్తుండగా, దేవుని స్వరము మనతో మాట్లాడటాన్ని వినుచు, ప్రభువు భోజనములో పాల్గొని, మరియు మన జీవితములను మరలా-సమర్పించుకొనుట కంటే మనము ఇంకే గొప్ప కార్యమును చేయగలము. “ప్రభువా, మేము సంవత్సరముగుండా చేసిన మా పొరపాటులన్నిటికీ మమ్మల్ని క్షమించుము; ఇప్పుడు మేము నిన్ను సమీపిస్తున్నాము, నీవు మా చేయి పట్టుకొని ఈ రానున్న సంవత్సరములో మాకు మార్గదర్శకత్వము చేయుదువా అని వేడుకొనుచున్నాము. మేము ముందెన్నడూ సేవించనంతగా నిన్ను సేవించుదుము గాక, మరియు నీ దైవికమైన చిత్తములో ఉన్నయెడల, జరుగనైయున్న ఆ గొప్ప ఎత్తబడుట సంభవించు సంవత్సరము ఇదేయైయుండును గాక. ప్రభువా, నిత్యత్వమంతా నీతో జీవించుటకై మేము కేవలం గృహమునకు వెళ్ళాలని కోరుచున్నాము,” అని మనము మన హృదయాలనుండి చెప్తుండగా, లోకమంతటినీ వెలుపట ఉంచి తలుపులు మూసివేసి, మరియు వాక్యములో ఈ ప్రత్యేకమైన కూడిక కొరకు వధువుతో ఐక్యమవ్వడం ఎటువంటి ఒక పవిత్రమైన సమయముగా ఉంటుంది కదా. ఈ ప్రత్యేకమైన పునః ప్రతిష్ఠ కూడిక కొరకు ఆయనయొక్క సింహాసనము చుట్టూ కూడుకోవడానికి నేను వేచియుండలేకపోవుచున్నాను, ప్రభువునకు స్తుతి కలుగును గాక.
జఫర్సన్విల్ ప్రాంతములో ఉన్న విశ్వాసులకు, మన స్థానిక కాలమానం ప్రకారంగా సాయంత్రం 7:00 గంటల సమయమప్పుడు నేను టేపును ప్రారంభించగోరుచున్నాను. మనము గతంలో చేసినట్లే, ఆ సమయానికి పూర్తి వర్తమానము మరియు ప్రభు రాత్రి భోజనపు కూడిక వాయిస్ రేడియోలో వస్తుంది. మీరు YFYC భవనము వద్దనుండి తీసుకొనుటకు, ప్రభు రాత్రి భోజనపు ద్రాక్షరసము ప్యాకెట్లు, బుధవారము, డిసెంబరు 18న, మధ్యాహ్నం 1:00 – 5:00 గంటలవరకు అందుబాటులో ఉంచుతాము.
జఫర్సన్విల్ ప్రాంతమునకు వెలుపలనున్నవారు, దయచేసి మీకు అనుకూలమైన సమయములో ఈ ప్రత్యేకమైన కూడికను కలిగియుండండి. త్వరలో వర్తమానము కొరకు మరియు ప్రభు రాత్రి భోజనపు కూడిక కొరకు డౌన్లోడు చేసుకోగల ఒక లింకును మేము అందజేస్తాము.
మనము క్రిస్మస్ సెలవును సమీపిస్తుండగా, ఒక అద్భుతమైన సురక్షితమైన సెలవు సమయమును కలిగియుండాలని, మరియు పునరుత్థానుడైన ప్రభువైన యేసుయొక్క అనగా...వాక్యముయొక్క ఆనందముతో నిండినట్టి, ఒక సంతోషకరమైన క్రిస్మస్ ను కలిగియుండాలని మీకు మరియు మీ కుటుంబమునకు శుభాకాంక్షలు తెలియజేయగోరుచున్నాను.
దేవుడు మిమ్మల్ని దీవించును గాక,
సహోదరుడు జోసఫ్
ప్రియమైన గృహ సంఘపు వధువా, ఈ ఆదివారము జఫర్సన్విల్ కాలమానం ప్రకారంగా, మధ్యాహన్నం 12:00 గంటల సమయమప్పుడు, మనమందరమూ కూడి వచ్చి మరియు 60-1218 స్పష్టముకాని ధ్వని అనే వర్తమానమును విందాము.
సహోదరుడు జోసఫ్ బ్రెన్హామ్