దేవునియొక్క ప్రియమైన ఎన్నుకోబడిన యువతి,

దానిని నిరాకరించడానికి ఏ దారి లేదు, నీవు దేవునియొక్క ఆత్మసంబంధమైన జన్యువు అయ్యున్నావు, ఆయన తలంపులయొక్క గుణలక్షణములయొక్క భావవ్యక్తీకరణయైయున్నావు, మరియు జగత్తుపునాది వేయబడకముందే ఆయనలో ఉండియున్నావు.

మనము ఇక ఎంతమాత్రము ముందుకు వెళ్ళలేము, మనము సరిగ్గా భూమిలోనికి వెళ్ళిన అదే విత్తనమువలె ఉన్నాము. మనము వధువు రూపములో ఉన్న, అదే యేసుయైయున్నాము, అదే శక్తిని కలిగియున్నాము, అదే సంఘమైయున్నాము, అదే వాక్యము మనలో జీవించుచు మరియు నివసించుచుండగా ఒక శిరస్సులోనికి రూపించబడుతూ, ఎత్తబడుటకు సిద్ధముగా ఉన్నాము.

మనము ఆత్మసంబంధమైన మరణము ద్వారా, మనయొక్క మొదటి ఐక్యత నుండి వేరుచేయబడ్డామని ఆయన మనకు చెప్పాడు, మరియు ఇప్పుడు తిరిగి జన్మించియున్నాము, లేదా మనయొక్క ఆత్మసంబంధమైన నూతన ఐక్యతకు, మరలా వివాహము గావించబడ్డాము. మనయొక్క పాత భౌతికమైన జీవితము మరియు లోకసంబంధమైన కార్యములు ఇక ఎంతమాత్రము లేవు గాని, నిత్యజీవ సంబంధమైన సంగతులున్నవి. ఆదిలో మనయందున్న ఆ కణము, మనలను కనుగొన్నది!

దాని అర్థం ఏమిటి? దాని అర్థం ఏమిటనగా మన పాత ఐక్యతతో మన పాత గ్రంథము వెళ్ళిపోయినది, అది బదిలీ చేయబడినది. అది ఇప్పుడు దేవునియొక్క “క్రొత్త గ్రంథములో” ఉన్నది; జీవ గ్రంథములో కాదు… కాదు, కాదు, కాదు… కానీ గొర్రెపిల్ల జీవ గ్రంథములో ఉన్నది. గొర్రెపిల్ల విమోచించినదైయున్నది. అది మనయొక్క నిజమైన నిత్యమైన కణము పట్టు తీసుకునేటటువంటి మనయొక్క వివాహ ధృవీకరణ పత్రమైయున్నది.

మీరు సిద్ధంగా ఉన్నారా? ఇదిగో విషయం వస్తున్నది. మీరు మిమ్మల్ని మీరు గిచ్చుకొని మరియు అరచి మరియు మహిమా, హల్లెలూయ, ప్రభువునకు స్తోత్రం అని కేకలు వేయడానికి సిద్ధపరచుకోవడం మంచిది, ఇది రెండు గొట్టములు కలిగి మరియు పరలోక సంబంధమైనవాటితో నింపబడియున్నది.

“నా పొరపాట్లు, నా వైఫల్యములన్నిటితో నిండియున్న నా పాత గ్రంథము అని నీవు నాకు చెప్పాలనుకుంటున్నావా…”

దేవుడు దానిని తనయొక్క మరచిపోవుట అనే సముద్రములో పడవేశాడు, మరియు మీరు క్షమించబడటం మాత్రమే కాదు గాని, మీరు నీతిమంతులుగా తీర్చబడ్డారు…మహిమ! “నీతిమంతులుగా తీర్చబడ్డారు.”

మరియు దాని అర్థం ఏమిటి? మీరు దేవుని దృష్టిలో దానిని ఎన్నడూ చేయలేదు అని దాని అర్థము. మీరు దేవునియెదుట పరిపూర్ణులుగా నిలబడతారు. మహిమ! వాక్యమైయున్న, యేసు, మీ స్థానమును తీసుకున్నాడు. ఒక మురికి పాపియైన మీరు, వాక్యమైయున్న, ఆయనవలె మారునట్లు, ఆయన మీవలె మారాడు. మనము వాక్యమైయున్నాము.

అదియే మనలను ఆదినుండే నిర్ణయించబడిన ఆయనయొక్క చిన్న కణముగా చేస్తుంది. మనము వాక్యము మీద వాక్యము, మీద వాక్యము, మీద వాక్యము, మీద వాక్యము వచ్చుటయైయున్నాము, మరియు ఆయనయొక్క వధువుగా ఉండుటకై, ఆయన వచ్చి మనల్ని తీసుకొనుటకు క్రీస్తుయొక్క సంపూర్ణ స్వరూపములోనికి వచ్చుచున్నాము.

ఇప్పుడు ఏమి జరుగుచున్నది?

ఇది ప్రపంచమంతటినుండి, వాక్యము చుట్టు కూడివచ్చుచున్న క్రీస్తు వధువుయొక్క అదృశ్యమైన ఐక్యతయైయున్నది.

అది క్రీస్తు మరియు ఆయన సంఘముయొక్క ఆత్మసంబంధమైన ఐక్యత అయ్యున్నదని ఆయన చెప్పాడు, మరియు అది సరిగ్గా ఇప్పుడు జరుగుచున్నది. శరీరము వాక్యమగుచున్నది, మరియు వాక్యము శరీరమగుచున్నది. మనము ప్రత్యక్షపరచబడ్డాము, మరియు నిర్ధారించబడ్డాము; సరిగ్గా బైబిలు గ్రంథము ఈ దినములో ఏమి జరుగుతుందని చెప్పినదో అదేయైయున్నది, మరియు అది ఇప్పుడు, దినదినము మనలో జరుగుచున్నది.

దేవుడు ఒక గుణవతియైన సంఘమును కలిగియుండబోవుచున్నాడు. ఆయనయొక్క నిజాయితీగల, విశ్వాసనీయురాలైన, వాక్య వధువైయున్నది. మన ప్రభువైన యేసుక్రీస్తుయొక్క ఎన్నుకోబడిన గౌరవప్రదమైన స్త్రీ మనమేయైయున్నాము.

అయ్యా, ఎంత వేళయైనది?

ఈ లేఖనములను ఎవరు నెరవేర్చారు?

ఆయనయొక్క బలమైన ఏడవ దూతయైన, విలియమ్ మారియన్ బ్రెన్హామ్ గారు. ఆయన దానిని ఎల్లప్పుడూ నమూనా ప్రకారముగా చేసాడు. ఆయన ప్రతీసారి దానిని నమూనా ప్రకారమే చేసాడు. ఆయన మరలా మన దినములో కూడా దానిని చేస్తున్నాడు, ఈ చివరి దినములో ఆయనయొక్క ప్రవక్త ద్వారా ఆయనయొక్క గుణవతియైన వధువును బయటకు పిలచుచు సమకూర్చుచున్నాడు.

వధువు ఎంతో గొప్ప సమయమును కలిగియుంటుంది. ప్రతి కూడిక గొప్పగా మరియు మరింత గొప్పగా మరియు మాధుర్యముగా మరియు మరింత మాధుర్యముగా మారుతుంది. ఇటువంటి ఒక సమయము ఎన్నడూ లేదు. సందేహములన్నీ మాయమైపోయినవి.

మన దినమునకైన వాగ్దాన వాక్యము మాట్లాడి, మరియు మనము ఎవరమనేది మరియు మన దినములో ఏమి జరుగుతుంది అనేది మనకు చెప్పడాన్ని వినుచుండగా వచ్చి మాతో చేరండి. క్రీస్తు వధువుయొక్క అదృశ్య ఐక్యత 65-1125.

సహోదరుడు. జోసఫ్ బ్రెన్హామ్

 

 

లేఖనములు:

పరిశుద్ధ. మత్తయి 24:24
పరిశుద్ధ. లూకా 17:30 / 23:27-31
పరిశుద్ధ యోహాను 14:12
అపొస్తలుల కార్యములు 2:38
రోమా 5:1 / 7:1-6
2 తిమోతి 2:14
1 యోహాను 2:15
ఆదికాండము 4:16-17 / 25-26
దానియేలు 5:12
యోవేలు 2:28
మలాకీ 4

గుమిగూడుతున్న ప్రియమైన వధువా,

మనం మన అవగాహన మీద గానీ లేదా ఎటువంటి మానవ-కల్పిత ఆలోచనల మీద గానీ ఆధారపడాలని దేవుడు కోరడంలేదు. అందునుబట్టియే ఆయన తన వధువు కొరకు ఒక మార్గదర్శిని పంపిస్తాడు; ఏలయనగా అతడు ఎలా వెళ్ళాలి మరియు ఏమి చేయాలి అనే అవగాహనను కలిగియుంటాడు. దేవుడు తన ప్రణాళికను ఎన్నడూ మార్చుకోలేదు. ఆయన తన ప్రజల వద్దకు ఒక మార్గదర్శిని పంపడంలో ఎన్నడూ విఫలమవ్వలేదు, అయితే మీరు ఆ మార్గదర్శిని స్వీకరించవలసియున్నారు.

ఆయన తన మార్గదర్శి ద్వారా చెప్పే ప్రతీ మాటను మీరు నమ్మవలసియున్నారు. ఆయనయొక్క మార్గదర్శి వెళ్ళమని చెప్పే దారిలో మీరు వెళ్ళవలసియున్నారు. మీకు మార్గదర్శిగా మీరు ఇతర స్వరములను వింటూ మరియు నమ్ముతూ ఉన్నట్లైతే, మీరు కేవలం తప్పిపోబోవుచున్నారు.

ఆయన మనతో చెప్పడానికి మరియు మనకు బయలుపరచడానికి ఆయన అనేక సంగతులను కలిగియున్నాడని, తద్వారా మనకు మార్గదర్శకత్వము చేయడానికి మరియు మనకు చెప్పడానికి ఆయన తన పరిశుద్ధాత్మను పంపుతాడని, పరిశుద్ధ. యోహాను 16 చెప్పుచున్నది. ప్రతీ కాలమునకు పరిశుద్ధాత్మయే ప్రవక్తయైన మార్గదర్శియని ఆయన చెప్పాడు. తద్వారా, ఆయనయొక్క వధువును నడిపించుటకై పరిశుద్ధాత్మకు ప్రతినిధులుగా ఉండటానికి ఆయనయొక్క ప్రవక్తలు పంపబడినారు.

విషయం మనిషి కాదు గానీ, ఆ మనిషి లోపల ఉన్న పరిశుద్ధాత్మయే. తనకు ప్రాతినిథ్యం వహిస్తూ మరియు మనయొక్క పరలోక మార్గదర్శిచేత నడిపించబడుతూ భూమి మీద మనకు మార్గదర్శిగా ఉండుటకు ఆయన ఎన్నుకున్న మనిషియైయున్నాడు. మనం ఆ మార్గదర్శిని వెంబడించాలని వాక్యము మనకు చెప్తున్నది. మనం ఏమి తలంచినప్పటికినీ, ఏది హేతుబద్ధంగా అనిపించినప్పటికినీ, లేదా ఇతరులు ఏమీ చెప్పినప్పటికినీ, దానిని ఉపదేశించుటకు మనము బాధ్యులము కాము, మార్గదర్శి మాత్రమే దానిని చేస్తాడు.

ఆయనయొక్క వాక్యమును పలుకడానికి మన ప్రవక్తయైన మార్గదర్శి దేవునిచేత నియమించబడ్డాడు. ఆయన మాట దేవుని మాటయైయున్నది. ప్రవక్తయైన మార్గదర్శి, మరి అతడు మాత్రమే, వాక్యముయొక్క దైవీకమైన అనువాదమును కలిగియున్నాడు. దేవుడు ఆయనయొక్క వాక్యమును నేరుగా అతనితో మాట్లాడినాడు. అందునుబట్టి, మీ మార్గదర్శియొక్క మాటతో మీరెన్నడూ వివాదించలేరు, దానిని మార్చలేరు, లేదా హేతువాదము చేయలేరు.

మీరు ఆయనను, మరియు ఆయనను మాత్రమే వెంబడించవలసియున్నారు. మీరు వెంబడించకపోతే, మీరు తప్పిపోతారు. గుర్తుంచుకోండి, మీరు అతడిని, అనగా దేవుడు నియమించిన మార్గదర్శిని విడిచిపెట్టినప్పుడు, మీరు మీయంతట మీరే వెళ్తున్నారు, కావున మనము ఆయన ఎన్నుకున్న మార్గదర్శికి దగ్గరగా ఉండి, మరియు ఆయన అతనిగుండా చెప్పే ప్రతీ మాటను విని మరియు దానికి విధేయులమవ్వగోరుతున్నాము.

పాత నిబంధన క్రొత్త నిబంధనకు ఛాయ అయ్యున్నదని మన మార్గదర్శి మనకు బోధించినాడు.

అది ఈనాడు సంఘమని ఆయన చెప్పాడు. మనము కేవలం మనల్ని మనం సరిచేసుకొని మరియు క్రమపరచుకున్నట్లైతే మనము ఈపాటికి వెళ్ళియుండేవారము, అయితే ఆయన మనల్ని చుట్టూరా తిప్పి నడిపించాల్సివస్తుంది.

వారియొక్క మార్గదర్శి అగ్నిస్తంభమును వెంబడించి మరియు దానినుండి వినినట్లే వారు కూడా కేవలం అతడిని వెంబడించవలసియున్నారు. దేవుడు చెప్పినదానినే అతడు వారికి చెప్పాడు మరియు అతడు చెప్పిన ప్రతీ మాటకు వారు విధేయులవ్వవలసి యున్నారు. ఆయన మార్గదర్శియొక్క స్వరమైయున్నాడు. కానీ వారు దేవుడు నియమించిన మార్గదర్శిని ప్రశ్నించి మరియు అతనితో వాదించారు, తద్వారా వారు 40 సంవత్సరాలు అరణ్యములోనే తిరుగులాడారు.

మోషే దినములలో ఎంతో మంది సేవకులున్నారు. మోషే ఒక్కడే మొత్తం చేయలేడు గనుక, ప్రజలకు సహాయము చేయడానికి దేవుడు వారిని నియమించాడు. అయితే మోషే ఏమీ చెప్పాడో ప్రజలకు తిరిగి దానిని చూపించడమే వారి పనైయున్నది. ఆ మనుష్యులు పలికిన దేనిని కూడా బైబిలు గ్రంథము చెప్పడంలేదు, మోషే పలికినది ప్రజలను నడిపించుట కొరకైన వాక్యమయ్యున్నదని మాత్రమే అది చెప్తుంది.

దేవుడు మోషేను రంగము మీద నుండి తీసివేసినప్పుడు, ప్రజలను నడిపించడానికి యెహోషువా అభిషేకించబడినాడు, అది ఈనాడు పరిశుద్ధాత్మను సూచిస్తుంది. యెహోషువ క్రొత్తది ఏమీయు బోధించలేదు, లేదా అతడు మోషే స్థానమును తీసుకోవడానికైనా ప్రయత్నించలేదు, లేదా అతడు మార్గదర్శి చెప్పినదానిని అనువదించడానికైనా ప్రయత్నించలేదు; అతడు కేవలం మోషే చెప్పినదానిని చదివి మరియు ప్రజలకు, “వాక్యముతో నిలిచియుండండి. మోషే చెప్పినదానితో నిలిచియుండండి,” అని చెప్పాడు. అతడు మోషే చెప్పినదానిని మాత్రమే చదివాడు.

ఈ రోజుకు అది ఎటువంటి ఒక పరిపూర్ణమైన మాదిరిగా ఉన్నది కదా. దేవుడు ఒక అగ్నిస్తంభము చేత మోషేని నిర్ధారించాడు. మన ప్రవక్త కూడా అదే అగ్నిస్తంభము చేత నిర్ధారించబడ్డాడు. మోషే పలికిన మాటలు దేవునియొక్క వాక్యమైయున్నది మరియు అది మందసములో పెట్టబడినది. మన దినములో దేవునియొక్క ప్రవక్త పలికాడు మరియు అది టేపులో పెట్టబడినది.

మోషే రంగము మీదనుండి తీసివేయబడినప్పుడు, మోషే పలికిన మాటలను వారి యెదుట ఉంచుట ద్వారా ప్రజలను నడిపించడానికి యెహోషువ నియమించబడ్డాడు. దేవునియొక్క మార్గదర్శి పలికిన ప్రతీ మాటను నమ్మి మరియు దానితో నిలిచియుండమని అతడు వారికి చెప్పాడు.

యెహోషువా ఎల్లప్పుడూ మోషే వ్రాసినదానిని గ్రంథపు చుట్టలలో నుండి ఉన్నది ఉన్నట్లుగా చదివాడు. అతడు ఎల్లప్పుడూ వాక్యమునే వారి యెదుట ఉంచాడు. మన దినము కొరకైన వాక్యము వ్రాయబడలేదు, కానీ పరిశుద్ధాత్మ ఆయనయొక్క వధువును, ప్లేను నొక్కడం ద్వారా ఆయన పలికినదానిని ఉన్నది ఉన్నట్లుగా వినులాగున చేయగలుగుటకు అది రికార్డు చేయబడినది.

దేవుడు ఎన్నడూ తన ప్రణాళికను మార్చుకోడు. ఆయనే మన మార్గదర్శియైయున్నాడు. ఆయన స్వరమే ఈనాడు ఆయనయొక్క వధువుకు మార్గదర్శకత్వము చేస్తూ మరియు ఆమెను ఐక్యపరచుచున్నది. మన మార్గదర్శియొక్క స్వరము అగ్నిస్తంభము ద్వారా మనల్ని నడిపిస్తుండగా మనము దానిని మాత్రమే వినగోరుతున్నాము. ఇది క్రీస్తు వధువుయొక్క అదృశ్యమైన ఐక్యతయైయున్నది. మనము ఆయన స్వరమును ఎరిగియున్నాము.

మన మార్గదర్శి ప్రసంగవేదిక మీదకు వచ్చినప్పుడు, పరిశుద్ధాత్మ అతడిని తాకుతాడు మరప్పుడు అది ఇక ఎంతమాత్రము అతడు కాదు గాని, అది మన మార్గదర్శియైయున్నాడు. అతడు తన తలను పైకెత్తి మరియు ఇట్లు కేక వేస్తాడు, “యెహోవా ఈలాగు సెలవిచ్చుచున్నాడు, యెహోవా ఈలాగు సెలవిచ్చుచున్నాడు, యెహోవా ఈలాగు సెలవిచ్చుచున్నాడు!” మరియు ప్రపంచవ్యాప్తంగానున్న క్రీస్తుయొక్క వధువు నేరుగా అతనియొద్దకు వస్తుంది. ఎందుకని? ఆయన మాట్లాడేదానిని బట్టి మనము మన నాయకుణ్ణి ఎరిగియున్నాము.

మన మార్గదర్శి = వాక్యము
వాక్యము = ప్రవక్త యొద్దకు వస్తుంది
ప్రవక్త = దేవునియొక్క ఏకైక దైవీకమైన అనువాదకుడు; భూమి మీదనున్న ఆయనయొక్క మార్గదర్శి.

మీరు తప్పిపోకూడదనుకుంటే, ఈ ఆదివారము జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, మన మార్గదర్శి భూమి మీద నియమించబడిన ఆయనయొక్క మార్గదర్శి ద్వారా మాట్లాడుతుండగా వచ్చి ఆయన చెప్పేదానిని వినండి.

సహోదరుడు. జోసఫ్ బ్రెన్హామ్

 

 

వర్తమానము:
62-1014E — ఒక మార్గదర్శి

లేఖనములు:
పరిశుద్ధ. మార్కు 16:15-18
పరిశుద్ధ. యోహాను 1:1 / 16:7-15
అపొస్తలులు కార్యములు 2:38
ఎఫెసీ 4:11-13 / 4:30
హెబ్రీ 4:12
2 పేతురు 1:21
నిర్గమకాండము 13:21

ప్రియమైన సజీవ స్మారకములారా,

టేపులలో మనం వింటున్న స్వరము ఆయనయొక్క వధువుకు దేవునియొక్క ఊరీము తుమ్మీము అయ్యున్నది. ఇప్పుడు అది ఆయనయొక్క వధువును పూర్తిగా దేవునియొక్క శక్తితో నింపబడి, ఒక నిజమైన ఆత్మ-నింపుదల గల సంఘముగా ఉండునట్లు ఏక హృదయము మరియు ఏక మనస్సుతో స్థిరముగా జతచేసినది, పరిశుద్ధాత్మ మన మధ్య కదలాడుచుండగా, పరలోక స్థలములలో కూర్చుని, ఆత్మసంబంధమైన బలులను, దేవునియొక్క స్తుతులను అర్పించునట్లు చేయుచున్నది.

ఆయనయొక్క ఏడవ దూత ద్వారా మాట్లాడి క్రీస్తుయొక్క స్వరూపములోనికి వ్యక్తిగతంగా మనల్ని కట్టడానికి క్రీస్తు మనకు తనయొక్క పరిశుద్ధాత్మను పంపించాడు, తద్వారా మనము ఆయనయొక్క వాక్యము ద్వారా, శక్తి గృహముగాను మరియు పరిశుద్ధాత్మయొక్క నివాస స్థలముగాను ఉండుటకైయున్నది.

మనం సమస్తమునకు వారసులమైయున్నాము. అది మన వ్యక్తిగత ఆస్థియైయున్నది, అది మనకు చెందియున్నది. అది మనకొరకైన దేవునియొక్క వరమైయున్నది, మరియు దానిని ఎవ్వరూ మన నుండి తీసివేయలేరు. అది మనదైయున్నది.

దేవునికి మహిమ…మనం అడిగినది ఏదైనను!

కాలముయొక్క ప్రారంభము నుండి, దేవునియొక్క సృష్టియంతయు దేవుని కుమారులందరూ ప్రత్యక్షపరచబడే దినము కొరకు మూల్గుచు ఎదురుచూస్తున్నది. ఆ దినము వచ్చియున్నది. ఇదియే ఆ దినమైయున్నది. ఇదియే ఆ సమయమైయున్నది. మనమే ఆ దేవునియొక్క ప్రత్యక్షపరచబడిన కుమారులము మరియు కుమార్తెలమైయున్నాము.

ఆయన నడుస్తున్నటువంటి, ఆయన చూస్తున్నటువంటి, ఆయన మాట్లాడుతున్నటువంటి, ఆయన పనిచేస్తున్నటువంటి, దేవునియొక్క సజీవమైన సాధనములు మనమేయైయున్నాము. అది దేవుడే, మనలో ఉండి, రెండు పాదములతో నడచుటయైయున్నది.

మనుష్యులందరిచేత చదువబడుచున్న ఆయనయొక్క వ్రాయబడిన పత్రికలము మనమేయైయున్నాము. ఎన్నుకోబడి, ముందుగా నిర్ణయించబడిన, ఆయనయొక్క కుమారులుగా కుమార్తెలుగా స్వీకరించబడినవారమై యున్నాము, మనల్ని ఆయన ఒక సజీవ మానవునిలోనికి, ఒక సజీవ రూపములోనికి, ఒక పరిపూర్ణ మానవునియొక్క స్వరూపములోనికి మలచుచున్నాడు.

అది క్రీస్తే, పరిశుద్ధాత్మ రూపములో మనపై ఉండుటయైయున్నది, తన పరిశుద్ధాత్మయొక్క నిజమైన బాప్తిస్మముతో, ఆయనయొక్క గుణలక్షణములన్నీ మనలో ముద్రించబడుటయైయున్నది. దేవుడే, గృహము అని పిలువబడే ఆలయమైయున్న మనలో నివసించుటయై యున్నది. ఆ పరిపూర్ణమైన తలరాయి మనపై పెట్టబడుటకు; సజీవ దేవుని నివాస స్థలముయొక్క, సజీవమైన ఆలయమైయున్నాము.

తన వధువును బయటకు పిలిచి మరియు నడిపించుట కొరకు దేవుడు ఒక ప్రవక్తను పంపించాడు. ఆయన మొట్టమొదటిగా పూర్తిగా పునరుద్ధరించబడిన ఆయనయొక్క ఆదాముయై యున్నాడు, ఆయనయొక్క వధువునకు ఆయనయొక్క వాక్యమును బయలుపరచుటకు, మన దినములో ఒక పరిపూర్ణ మానవునియొక్క స్వరూపమైయున్నాడు.

నేను దానినుండి కదల్చబడను. ఏదియు నన్ను కదల్చలేదు. ఎవరు ఏమి చెప్పినా నేను లెక్కచేయను; అది నన్ను ఒక్క అంగుళమైనా కదిలించదు. నేను సరిగ్గా అక్కడే నిలిచియుంటాను.

నేను వేచియుంటాను, వేచియుంటాను, వేచియుంటాను, వేచియుంటాను. ఎటువంటి వ్యత్యాసమును కలిగించదు. అది సరిగ్గా అక్కడే ఉంటుంది. పిదప, ఒక రోజు, నేను మిగతా పరిశుద్ధులందరితో కలిసి ఏక మనస్సుతో ఇట్లు కేక వేస్తాను: “మేము ప్రతీ మాట మీద నిశ్చయతతో విశ్రాంతి తీసుకొనుచున్నాము! పిదప నీవు మమ్మల్ని ఆయనకు బహుకరిస్తావు. పిదప సదా జీవించుటకు, మనమందరమూ తిరిగి భూమి మీదకు వెళ్తాము.”

నాకైతే, టేపులలో ఉన్న దేవుని స్వరమును వినడమే ఈ దినము కొరకైన దేవుని ప్రణాళికయైయున్నది. అదియే యేసుక్రీస్తు యొక్క సజీవ వాక్యమైయున్నది. దేవుని వాక్యం ప్రకారంగా అదియే నా సంపూర్ణతైయున్నది. అది ఈ దినమునకు దేవుడు ఏర్పాటు చేసిన మార్గమైయున్నది.

అందువలన, ఆదివారము జఫర్సన్విల్ కాలమానం ప్రకారముగా మధ్యాహ్నం 12:00 గంటల సమయమప్పుడు, ఎవరైతే మన దినమునకు దేవునియొక్క స్వరమైయున్నాడని నేను నమ్ముచున్నానో, ఆ విలియమ్ మారియన్ బ్రెన్హామ్ గారు: ఒక పరిపూర్ణ మానవుని స్వరూపము 62-1014M గా ఎలా మారాలి అని, క్రీస్తుయొక్క వధువునకు బోధించుటను నేను వినుచుండగా వచ్చి నాతో చేరమని మిమ్మల్ని ఆహ్వానించుటకు నేను ఇష్టపడుచున్నాను.

సహోదరుడు. జోసఫ్ బ్రెన్హామ్

 

 

వర్తమానమునకు ముందు చదువవలసిన లేఖనములు:

పరిశుద్ధ. మత్తయి 5:48
పరిశుద్ధ. లూకా 6:19
పరిశుద్ధ. యోహాను 1:1 / 3:3 / 3:16 / 5:14 / 14:12
అపొస్తలుల కార్యములు 2:38 / 7:44–49 / 10వ అధ్యాయము / 19:11 / 28:19
ఎఫెస్సీ 4:11-13
కొలస్సీ 3వ అధ్యాయము
హెబ్రీ 10:5 / 11:1 / 11:32-40
యాకోబు 5:14
2 పరిశుద్ధ. పేతురు 1-7
యెషయా 28:19

మారుమనస్సు పొందిన ప్రియమైన వారలారా,

ప్లే ను నొక్కడం ద్వారా, మనం విఫలమవ్వజాలని దేవునియొక్క వాక్యమును వింటున్నాము. అది ప్రతీ వాక్యము సత్యమైయున్నది, దానిలోని ప్రతీ వాక్యభాగము సత్యమే. మనము పిలువబడి మరియు భద్రపరచబడియున్నాము, నింపబడి మరియు ప్రత్యేకపరచబడియున్నాము; పరిశుద్ధాత్మతో నింపబడి, మరియు ఇప్పుడు ఇదివరకే కనాను దేశములో ఉన్నాము. మనము దేనికీ భయపడము...దేనికీ, మనమెవరమో మనకు తెలుసు.

ఆయన మనకు చేయమని ఆజ్ఞాపించినదాని ప్రకారంగా, మనము ఆయనయొక్క వాక్యముతో నిలిచియున్నాము గనుక, ఆయన మనకు ఒక స్వాస్థ్యమును విడిచిపెట్టాడని ఆయన మనకు చెప్పబోవుచున్నాడు. తండ్రీ, దానిని నీవు ఎప్పుడు చేసావు? జగత్తుపునాది వేయబడకముందే నేను మిమ్మల్ని ఎన్నుకొని మరియు మీ పేర్లు గొర్రెపిల్ల జీవగ్రంథములో పెట్టినప్పుడైయున్నది.

మీరు నా కుమారులు మరియు కుమార్తెలుగా, చిన్న దేవుళ్ళుగా ఉండునట్లు మీరు మీ స్వాస్థ్యమును పొందుకొనుటకు, కాలము సంపూర్ణమైనప్పుడు, జగదుత్పత్తి మొదలుకొని వధింపబడిన, గొర్రెపిల్లయైన యేసును నేను పంపియున్నాను.

నేను మిమ్మల్ని స్థానములో పెట్టగలుగుటకుముందు వదులు శబ్దములు మరియు వదులైన చోట్ల కోసం నేను మిమ్మల్ని పరీక్షించవలసియున్నాను.

• “టేపులలో ఉన్న నా స్వరమును సంఘములో ప్లే చేయడం తప్పు అని మీరు నమ్ముచున్నారా?”
• “అవును, సంఘములో మీరు టేపులను ప్లే చేయకూడదు.”
• “దానిని ఖండిస్తున్నాను. వదులు శబ్దమా.”

• “టేపులలో ఉన్న నా వాక్యమునకు అనువాదము అవసరమని మీరు నమ్ముచున్నారా?”
• “అవును, దానిని ఎవరైనా ఒకరు వివరించడం అవసరమైయున్నది.”
• “వదులు శబ్దమా. దానిని తన్నివేయండి. మీరింకను సిద్ధమవ్వలేదు.”

మీరు సిద్ధపడియుంటే, మీరు ప్రతీ మాటకు, “ఆమేన్” అని చెప్తారు.

• “నేను నిన్నా, నేడు మరియు నిరంతరము ఒక్కటే రీతిగా ఉన్నాను అని మీరు నమ్ముచున్నారా?”
• “ఆమేన్.”
• “టేపులలోని నా స్వరము మీరు తప్పక వినాల్సిన అత్యంత ప్రాముఖ్యమైన స్వరమని మీరు నమ్ముచున్నారా?”
• “ఆమేన్.”
• “టేపులోని నా స్వరము వధువును ఐక్యము చేస్తుందని మీరు నమ్ముచున్నారా?”
• “ఆమేన్.”
• “నా బలిష్టుడైన దూత మిమ్మల్ని నాకు పరిచయం చేస్తాడని మీరు నమ్ముచున్నారా?”
• “ఆమేన్.”

ఇప్పుడు మీరు బిగించబడుచున్నారు. వదులు శబ్దాలు మరియు వదులు చోట్ల కోసం నేను మిమ్మల్ని పరీక్షించాను. ద్వారము మూసివేయుటకు నేను సిద్ధంగా ఉన్నాను. నేను నా ముద్రను మీపై వేస్తాను. నా తనిఖీలో మీరు ఉత్తీర్ణులయ్యారు.

ఇప్పుడు నన్ను మీకు ఒక విషయమును చెప్పనివ్వండి, టేపు విను దేశములలోనున్న నా ప్రియమైన ప్రశస్తమైన ప్రజలారా; విదేశాలలో ఉన్నను మరియు మీరు ఎక్కడున్నను; మీరు భయపడకండి. సమస్తమూ సజావుగా ఉన్నది. జగత్తుపునాది వేయబడకముందే నేను మిమ్మల్ని ఎరిగియున్నాను. జరుగనైయున్న ప్రతీది నాకు తెలుసు.

త్వరలో నేను మీ కొరకు వచ్చుచున్నాను మరియు ఎటువంటి మరణము, ఎటువంటి విచారము, ఎటువంటి అసూయ, అటువంటిదేదియు లేకుండా; కేవలం పరిపూర్ణత, పరిపూర్ణమైన ప్రేమ మాత్రమే ఉండే చోటునకు మిమ్మల్ని తీసుకెళ్ళబోవుచున్నాను.

అప్పటివరకు, ఎన్నడూ మర్చిపోకండి, నేను మీకు నా వాక్యమును ఇస్తున్నాను, మీరు శరీరధారియైన నా వాక్యమైయున్నారు. మీకు ఏదైనా అవసరమున్నయెడల, దానిని పలుకండి, పిదప దానిని నమ్మండి; అది మీ స్వాస్థ్యమైయున్నది.

నేను మరలా ఈ ఆదివారము మీకు నా స్వరమును పంపించి మరియు దానంతటినీ మీకు వివరించబోవుచున్నాను. మీరు ఎవరు, మీరు ఎక్కడికి వెళ్ళుచున్నారు, మరియు అక్కడ ఎలాగుంటుంది అని సరిగ్గా ఇప్పుడే మరొకసారి నేను మీకు చెప్పబోవుచున్నాను.

ఈ ఆదివారము జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, నేను నా వధువును సమకూర్చి పరలోక స్థలములలో కూర్చుండబెట్టగా వచ్చి వారితో చేరి, నా వాక్యము ద్వారా నేను మిమ్మల్ని స్థానము ప్రకారముగా స్థాపించుటను వినండి. 60-0522E పుత్ర స్వీకారము #4

సహోదరుడు. జోసఫ్ బ్రెన్హామ్

ప్రియమైన పవిత్రురాలైన కన్యక,

మనము ప్లేను నొక్కినప్పుడు, అది బండలోనున్న తేనెయైయున్నది, అది చెప్పనశక్యము కాని ఆనందమైయున్నది, అది ధన్యకరమైన నిశ్చయతయైయున్నది, అది మన అంతరాత్మకు ఒక లంగరుయైయున్నది, అది మన నిరీక్షణ మరియు ఆశ్రయమైయున్నది, అది యుగముల బండయైయున్నది, అది సమస్తమైన మంచియైయున్నది, అది ఈ దినము కొరకు దేవుడు ఏర్పాటు చేసిన మార్గమైయున్నది.

మనము ప్లేను నొక్కుతాము గనుక, దేవునియొక్క స్వరము మనలను; ఒక పవిత్రురాలైన కన్యకగా ఆయనయొక్క వాక్యమునకు నిశ్చితార్థం చేసి, క్రీస్తునకు ప్రధానము చేసినది. మనకు ఒకే ఒక్క బోధకుడు ఉన్నాడు, ఒకే ఒక్క స్వరము ఉన్నది, ఒకే ఒక్క ప్రవక్త ఉన్నాడు, ఆయన మనల్ని పరిశుద్ధాత్మ ద్వారా నడిపించుచున్నాడు.

మనము ఆయనయొక్క పరిపూర్ణమైన చిత్తములో ఉన్నామని మనకు ఎటువంటి ఒక నిశ్చయత కదా. టేపులు ఆయనయొక్క సంఘము కొరకైయున్నవి. ఆయన మనకు బోధిస్తున్నాడు. టేపులను వినండి అని, ఆయన మనకు చెప్తున్నాడు.

కేవలం కొద్ది దినముల క్రితము ఏమి జరిగినదో చెప్తూ ఆయన పుత్ర స్వీకారము శీర్షికను మొదలుపెట్టాడు. పిదప, ప్రతీ వర్తమానములో, ఆయన మార్పుచెందినదాని గురించి మాట్లాడుతున్నాడు. ఏమి జరిగినదో మరియు వధువు ఆయనతో ఏమి చెప్పినదో వినడం వధువుకు ఎంత ముఖ్యము కదా.

మన ప్రవక్త తాను బోధించి మరియు టేపులలో విడిచిపెట్టిన వాక్యము ద్వారా తీర్పు తీర్చబడతాడు. మరొక వైపు ఆయన మన ప్రభువుచేత స్వీకరించబడతాడని వధువు ఆయనతో చెప్పినది. పిదప తన పరిచర్యయొక్క విజయ చిహ్నములుగా ఆయన మనల్ని ఆయనకు బహుకరిస్తాడు, పిదప సదా జీవించడానికి మనము తిరిగి భూమి మీదకు వెళ్తాము.

మనము వినే ప్రతీ మాట ఒక ఆణిముత్యమైయున్నది. మనము పరిశీలించి చదువుతుండగా ఆయన మనకు ఇంకా ఎక్కువగా బయలుపరుస్తున్న కొలది మనము దానిని ఇంకా ఇంకా మెరుగుదిద్దుతూ ఉంటాము.

మన సహోదరులతో మరియు సహోదరీలతో దానిని పంచుకోవడానికి మనము ఎంతగా ఇష్టపడతాము కదా, “నీవు దీనిని విన్నావా?”

పిదప, దాని తరువాత వెంటనే, నీవు దీనిని పట్టుకున్నావా?

మనము సరిగ్గా అహారోను చేతి కర్రవలె ఉన్నాము, అతడు నలభై సంవత్సరాలు అరణ్యముగుండా తన వెంటబెట్టుకున్నట్టి ఒక పాత ఎండిపోయిన కర్ర. కానీ ఇప్పుడు, మనము టేపులలో ఉన్న దేవుని స్వరము మనతో మాట్లాడుటను వినుట ద్వారా దానిని పరిశుద్ధ స్థలములో ఉంచాము గనుక, మనము మొలకెత్తాము మరియు చిగురించాము, పూర్తిగా ఆయనయొక్క పరిశుద్ధాత్మతో నింపబడ్డాము, మరియు ఆయనయొక్క వధువైయ్యుండి గట్టిగా ఈ విధంగా కేకలు వేస్తున్నాము:

ఆదివారము జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, ప్రవక్త ప్రతి మాటను తీసుకొని మరియు దానిని మెరుగు దిద్దుచుండగా వచ్చి మాతో చేరండి. ఆయన దానిని ఆదికాండమునకు తీసుకొనివెళ్ళి మరియు దానిని మెరుగు దిద్దుతాడు, దానిని నిర్గమకాండమునకు తీసుకొనివెళ్ళి మరియు మరలా దానిని మెరుగు దిద్దుతాడు, మరియు ప్రకటన గ్రంథమునకు కూడా తీసుకెళ్తాడు; మరియు అది ప్రతీ అణువు యేసుయైయున్నాడు!

సహోదరుడు. జోసఫ్ బ్రెన్హామ్

 

 

వర్తమానము:

పుత్ర స్వీకారం #3 60-0522M

 

లేఖనములు:

మత్తయి 28:19
యోహాను 17:7-19
అపొస్తలుల కార్యములు 9:1-6, అధ్యాయములు 18 మరియు 19
రోమా 8:14-19
1 కొరింథీ 12:12-13
గలతి 1:8-18
ఎఫెసీ అధ్యాయము 1
హెబ్రీ 6:4-6, 9:11-12