ప్రియమైన యేసుక్రీస్తుయొక్క కుటుంబమా,
ప్రపంచవ్యాప్తంగానున్న క్రీస్తుయొక్క వధువు విషయంలో ఇంతకుముందెన్నడూ లేనివిధంగా ఏదో జరుగుచున్నది. మనము విన్న సంగతులు మరియు చూడటానికి ఎదురుచూసిన విషయాలు ఇప్పుడు మన కన్నుల యెదుట ప్రత్యక్షపరచబడుచున్నాయి.
ఈ దినమునకై తనయొక్క ఏకైక ఏర్పరచబడిన మార్గము ద్వారా, టేపులపై ఉన్న దేవునియొక్క స్వరము ద్వారా, ఆయన చేస్తానని చెప్పినట్లుగానే పరిశుద్ధాత్మ తన వధువును ఐక్యపరచుచున్నాడు.
ముందెన్నడూ లేనివిధంగా ఆయన తన వాక్యమును బయలుపరచుచూ మరియు దానిని నిర్ధారించుచున్నాడు. ఒక నీటి బుగ్గ లాగా, ప్రత్యక్షత మనలోపల ఉబుకుచున్నది.
శరీరము వాక్యమగుచుండగా, మరియు వాక్యము శరీరమగుచూ, ప్రత్యక్షపరచబడి, నిర్ధారించబడుచుండగా, ఇప్పుడు క్రీస్తు మరియు ఆయన వధువుయొక్క ఆ ఆత్మసంబంధమైన ఐక్యత. సరిగ్గా ఈ దినమున ఏమీ జరుగునని బైబిలు చెప్పినదో, దిన దినము, అవి జరుగుచున్నవి. ఏమిటీ, అక్కడ బయట, ఆ ఎడారి ప్రాంతములలో అది ఎంత త్వరగా పెరుగుతూ, మరియు ఎటువంటి కార్యములు జరుగుతున్నాయంటే, నేను వాటితో త్వరగా కొనసాగలేకపోవుచున్నాను.
ప్రతి దినము మనకు అధికమైన ప్రత్యక్షత బయలుపరచబడుచూ మరియు ప్రత్యక్షపరచబడుతున్నది. ప్రవక్తకువలె, సంగతులు ఎంత వేగంగా జరుగుతూ మరియు సంభవిస్తున్నాయంటే, మనం వాటితో సమానంగా వెళ్ళలేకపోతున్నాము...మహిమా!!!
మన సమయము వచ్చియున్నది. లేఖనము నెరవేర్చబడుచున్నది. శరీరము వాక్యమగుచున్నది, మరియు వాక్యము శరీరమగుచున్నది. ఏమీ జరుగుతుందని ప్రవక్త చెప్పాడో ఇప్పుడు సరిగ్గా అదే జరుగుచున్నది.
మనమే ఎందుకు?
పులిసినది గానీ, అస్పష్టమైన ధ్వని గానీ, ఏ మనుష్యుని అనువాదముయొక్క అవసరత గానీ మనమధ్య లేదు. పెదవి నుండి చెవికి అన్నట్టు ఆయన మనతో మాట్లాడుచుండగా దేవునియొక్క నోటనుండి వచ్చిన స్వచ్ఛమైన పరిపూర్ణమైన వాక్యమును మనము వినుచున్నాము.
ఇప్పుడు లూకా, మలాకీలోని అదే వాగ్దాన వాక్యము, ఈ దినమునకైన ఈ ఇతర వాగ్దానములన్నీ, శరీరధారియై, మన మధ్య నివసించడాన్ని మనము చూశాము, మన వినికిడిచేత విన్నదానిని; ఇప్పుడు ఆయన తన స్వంత వాక్యమును అనువదించడాన్ని మనము (మన కన్నులతో) చూస్తున్నాము, మనకు ఏ మనుష్యునియొక్క అనువాదము అవసరములేదు.
వధువా, అది అంతకంటే ఇక ఎంతమాత్రమూ తేటగా అవ్వజాలదు. ఆయన మాట్లాడుచు మరియు తన స్వంత వాక్యమును అనువదించుచు, మరియు దానిని టేపులో ఉంచుటను, మనం మన స్వంత కన్నులతో చూడటానికి, అది దేవుడే, ఆయనయొక్క వధువు యెదుట మానవ శరీరములో నిలబడుటయైయున్నది. స్వయంగా దేవునిచేత పలుకబడి రికార్డు చేయబడిన పరిపూర్ణమైన వాక్యమైయున్నది, కాగా దానికి మనుష్యునియొక్క ఎటువంటి అనువాదము అవసరంలేదు.
• టేపులలో, దేవుడు నేరుగా తన వధువుతో మాట్లాడుచున్నాడు.
• టేపులలో, దేవుడు తన స్వంత వాక్యమును అనువదించుచున్నాడు.
• టేపులలో, దేవుడు తననుతాను బయలుపరచుకుంటున్నాడు.
• మీకు ఏ మనుష్యుని అనువాదము అవసరములేదు, నా వధువుకు అవసరమైయున్నదంతా టేపులలో ఉన్న నా వాక్యమేనని, దేవుడు తన వధువునకు చెప్పుచున్నాడు.
గుర్తుంచుకోండి, మీరు ఇక్కడనుండి వెళ్ళినప్పుడు, ఇప్పుడు తొక్కనుండి బయటకు రావడం ప్రారంభించండి; మీరు విత్తనములోనికి వెళ్ళుచున్నారు, అయితే కుమారుని సన్నిధానంలో పడియుండండి. నేను చెప్పినదానికి, దేనినీ కలపవద్దు; నేను చెప్పినదాని నుండి, దేనిని తీసివేయవద్దు. ఎందుకనగా, నాకు అది తెలిసినంతవరకు, తండ్రి నాకు అనుగ్రహించినకొలది నేను సత్యమునే పలుకుతాను. చూశారా?
సరిగ్గా ఆయన మనకు ఆజ్ఞాపించినదానిని చేయడమునే దేవుడు వధువునకు ఏర్పాటుచేసిన ఏకైక పరిపూర్ణమైనా మార్గముగా చేశాడు. ఈ దినము వరకును, ఇది ఎన్నడూ సాధ్యపడలేదు. అంచనావేయడం వంటిదేదీ లేదు, ఆశ్చర్యపోవడం వంటిదేదీ లేదు, ఏదైనా కలుపబడినదా, తీసివేయబడినదా, లేదా అనువదించబడినదా అని ఎటువంటి ప్రశ్నా లేదు. వధువునకు నిజమైన ప్రత్యక్షత ఇవ్వబడినది: టేపులను ప్లే చేయడమే దేవునియొక్క పరిపూర్ణమైనా మార్గమైయున్నది.
ఎందుకైనా మంచిది, దానిని మరలా చెప్పనివ్వండి. నా ప్రత్యక్షత ఏమిటంటే యేసుక్రీస్తు యొక్క వధువుకు, ఇతరులకు కాదు గాని, వధువుకు, టేపులలో ఉన్న దేవునియొక్క స్వరము తప్ప మరేదియు అవసరము లేదు.
కానీ ఒక్కసారి ఆ పరిశుద్ధాత్మ నిజంగా…ఆ అసలైన వాక్యము (వాక్యమైయున్న, క్రీస్తు) నీలోనికి వచ్చినప్పుడు, అప్పుడు, సహోదరుడా, అప్పుడు ఇక వర్తమానము నీకు ఒక రహస్యము కాదు; నీవు దానిని ఎరిగియుంటావు, సహోదరుడా, అది నీ యెదుట అంతా వెలిగించబడియున్నది.
వర్తమానము నాకు ఇక రహస్యము కాదు. యేసుక్రీస్తు నిన్నా, నేడు మరియు నిరంతరము ఒక్కటే రీతిగా ఉన్నాడు. ఆకాశము భూమి అంతయూ యేసు అని పిలువబడుచున్నది. యేసు వాక్యమైయున్నాడు.
మరియు ఆ నామము వాక్యములో ఉన్నది ఎందుకనగా ఆయన వాక్యమైయున్నాడు. ఆమేన్! అలాగైతే ఆయన ఏమైయున్నాడు? వాక్యము అనువదించబడటమే దేవునియొక్క నామము రూపుదాల్చుటయైయున్నది.
దేవుడు ఆయనయొక్క వధువును ఆయనయొక్క స్వరముతో ఐక్యపరచుచున్నాడు, ఆయన తన వధువును ఒక్క పెద్ద మొత్తముగా సమకూర్చగలుగునట్లు, ఆయన దానిని రికార్డు చేపించి మరియు ఈ దినము కొరకై భద్రపరిచాడు. వధువు దానిని చూస్తుంది మరియు ఆయన తన వధువును సమకూర్చగలుగుటకు ఉన్న ఏకైక మార్గముగా దానిని గుర్తిస్తుంది.
ఆయన ఈ దినమున దానిని ఎలా చేయబోవుచున్నాడో మనకు చూపించడానికి ఆయన దాదాపు 60 ఏండ్ల ముందే దానిని చేశాడు. మనము “అనుసంధానములో ఉన్న ఆయన సంఘములలో ఒకటైయున్నాము”
సంఘమునకు వెళ్ళుటను నేను నమ్మనియెడల, నేను ఒక సంఘమును ఎందుకు కలిగియున్నాను? మేము వారిని దేశవ్యాప్తంగా అంతటా కలిగియున్నాము, ఈ మధ్యనే ఒక రాత్రి అనుసంధానం అయ్యాము, ప్రతి ఐదువందల మైళ్ళలో నా సంఘమొకటి ఉన్నది.
“అనుసంధానములో ఉండటం” లేదా “ప్రత్యక్ష ప్రసారములో ఉండటం,” “ఒకే సమయములో వర్తమానమును వినడం” అనేవి, సంఘమునకు వెళ్ళడం కాదని అనేక సేవకులు తమ సంఘములకు చెప్తారు. అది అదేనని ఆయన ఇప్పుడే చెప్పాడు! వారు కేవలం వాక్యమును ఎరుగకయున్నారు లేదా వధువువలె ప్రేమ లేఖను చదువలేకపోవుచున్నారు.
ఒక సంఘము అంటే ఏమిటి? ఒక సంఘము అంటే ఏమిటని సహోదరుడు బ్రెన్హామ్ గారు చెప్పారో మనము చూద్దాము.
టెబర్నికల్ నుండి ఇక్కడ మీరు పొందుకున్న ఈ సౌకర్యమునే అనేక, అనేక సభలు పొందుకున్నాయి. ఫీనిక్సులో కూడా వారు అనుసంధానమైయున్నారు, తద్వారా కూడికలు జరుగుచున్న ప్రతి చోట, అది నేరుగా వస్తుంది…మరియు ఒక చక్కటి తరంగము ద్వారా, వారు సంఘములలో మరియు గృహములలో, మరియు అటువంటి స్థలములలో కూడుకుంటారు.
తమ “గృహములలో” మరియు “అటువంటి స్థలములలో” ఉన్న ప్రజలు అనుసంధానములో ఉన్న ఆయనయొక్క సంఘములలో ఒకటని సహోదరుడు బ్రెన్హామ్ గారు స్పష్టముగా చెప్పుచున్నారు. కావున ఆయనయొక్క అనుసంధానములో కూడుకున్న గృహములు, పెట్రోల్ బంకులు, భవనములు, కుటుంబములు, అది వారిని ఒక సంఘముగా చేసినది.
మనము ప్రేమ లేఖను ఇంకా కొంచం చదువుదాము.
బయట అంతటా, దేశమంతటా, పశ్చిమ తీరమువరకు, పైన ఆరిజోనా పర్వతములలో, దిగువున టెక్సాస్ మైదానములలో, ఉత్తర తీరమున, దేశవ్యాప్తంగా, ప్రభువా, ఆ—ఆ—ఆ చిన్న మైకుల చుట్టూ వారు కూడుకున్న చోట అన్ని సంఘములు మరియు జనసమూహముల కొరకు మేము ప్రార్థిస్తున్నాము. కాలములో, మేము అనేక గంటలు వ్యత్యాసముతో ఉన్నాము, కానీ, ప్రభువా, ఈ రాత్రి మేము ఒక్క మొత్తముగా, మెస్సీయ్యా యొక్క రాకడ కొరకు వేచియున్న విశ్వాసులుగా ఏకమైయున్నాము.
కావున అనుసంధానమై, అందరూ ఒకేసారి సహోదరుడు బ్రెన్హామ్ గారి మాటలను వినడం ద్వారా; వారు ఒక్క మొత్తముగా, మెస్సీయ్యా యొక్క రాకడ కొరకు వేచియున్న విశ్వాసులుగా ఏకమైయున్నారు.
కానీ ఈ రోజు మీరు దానిని చేసినయెడల, అది సంఘమునకు వెళ్ళడం కాదని, అది తప్పని, దినము సమీపించుటను మనము చూస్తుండగా అది కూడుకోవడము కూడా కాదని, అది సంఘమునకు వెళ్ళడం కాదని మీరు చెప్తున్నారా?
నన్ను మిమ్మల్ని ఒక ప్రశ్నను అడుగనివ్వండి మరియు మీరు మీ సంఘమునకు జవాబునివ్వండి. సహోదరుడు బ్రెన్హామ్ గారు ఈనాడు ఇక్కడ, శరీరములో ఉన్నట్లైతే, మరియు మీరు ప్రతి ఆదివారం ఉదయం, ప్రపంచవ్యాప్తంగానున్న వధువుతో కలిసి అందరూ ఒకేసారి, ఆయన మాటలను ప్రత్యక్షప్రసారములో లేదా అనుసంధానములో వినగలిగితే, సంఘకాపరులారా, మీరు అనుసంధానమై సహోదరుడు బ్రెన్హామ్ గారి మాటలను వింటారా లేదా మీరే ప్రసంగిస్తారా?
మీ సంఘము మీ బాధ్యతైయున్నదని సహోదరుడు బ్రెన్హామ్ గారు స్పష్టముగా చెప్పుచున్నారు. ఒకవేళ 60 సంవత్సరాల క్రితం మీరు ఇక్కడ ఉండియుండి మరియు సహోదరుడు బ్రెన్హామ్ గారు ఒక కూడికను కలిగియుంటున్నట్లైతే, మరి మీ సంఘము దానికి హాజరవ్వకుండా తమ స్వంత కూడికను కలిగియుంటున్నట్లైతే (ఆ కాలములో అనేకులు ఆ విధంగా చేశారు), మీరు “మీ సంఘమునకు” వెళ్తారా, లేదా సహోదరుడు బ్రెన్హామ్ గారు చెప్పేది వినడానికి మీరు “బ్రెన్హామ్ గుడారమునకు” వెళ్తారా?
నేను మీకు నా జవాబును ఇస్తాను. దేవుని ప్రవక్తయొక్క మాటలు వినుటకై ఆలయములోనికి వెళ్ళడానికి నేను వర్షములో, మంచులో లేదా తుఫానులోనైనా ఆ ద్వారమునొద్ద నిలబడియుంటాను. ఒకవేళ నేను అటువంటి ఒక సంఘమునకు వెళ్ళుచున్నట్లైతే, ఆ రాత్రే నేను సంఘము మారిపోతాను.
అయితే ఆ స్త్రీ, ఆ శక్తి కర్రలో ఉందో లేదో ఆమెకు తెలియదు, కానీ దేవుడు ఏలీయాలో ఉన్నాడని ఆమెకు తెలుసు. దేవుడు ఉన్నది అక్కడేయైయున్నది: ఆయనయొక్క ప్రవక్తలోనేయైయున్నది. ఆమె ఇట్లన్నది, “యెహోవా జీవము తోడు మరియు నీ జీవము తోడు, నేను నిన్ను విడువను.”
దేవుని స్వరము: దేవుడు ఏర్పాటుచేసిన ఒకే ఒక్క ఆరాధన స్థలము 65-1128M అనే వర్తమానమును అందించడాన్ని మేము వినుచుండగా, మీరు మాతో చేరి మరియు ఆదివారము జాఫర్సన్విల్ కాలమానం ప్రకారముగా మధ్యాహ్నం 12:00 గంటల సమయమప్పుడు, అనుసంధానములో ఉండే సహోదరుడు బ్రెన్హామ్ గారి సంఘములలో ఒకటైయుండటానికి నేను మిమ్మల్ని ఆహ్వానిస్తున్నాను.
సహోదరుడు. జోసఫ్ బ్రెన్హామ్