ప్రియమైన వధువా, ఈ రోజు మనమందరము కూడుకొని కల్వరిలో ఆ దినము 60-0925 అను వర్తమానమును విందాము. జఫర్సన్ విల్ కాలమానం ప్రకారంగా మధ్యాహ్నం 12:30pm గంటలప్పుడు, అది వాయిస్ రేడియోలో ప్లే చేయబడుతుంది, కానీ విదేశాలలో ఉన్నవారు, మీ కుటుంబానికి అనుకూలంగా ఉండుటకు సరిపోయే ఏ సమయానికైనా దానిని వినుటకు సంకోచించకండి.
సహోదరుడు జోసఫ్ బ్రెన్హామ్
ఈస్టరు ప్రణాళిక
సంబంధిత కూడికలు
ప్రశస్తమైన ప్రియమైన వారలారా,
మనము ఆయనయొక్క ప్రశస్తమైన మరియు ప్రియమైన వధువైయున్నామని తెలుసుకోవడం ఎంత అద్భుతము కదా. మనము ప్రపంచమంతటినుండి చేయబడ్డాము, మనకు మనముగా ఆయన వాక్యము చుట్టూ కూడుకొనుచు, దేవునియొక్క స్వరము మన అంతరాత్మలను పోషించుచుండగా దానిని వినుచున్నాము.
దానియొక్క సంపూర్ణతలో మనము దానిని స్వీకరించాము, మరియు దాని నిర్థారణయొక్క శక్తిలో మరియు ప్రత్యక్షతలో మనము దానిని స్వీకరించాము. మనము దానిలో ఒక భాగమయ్యాము. అది మనలో ఉన్న ఒక విషయమైయున్నది. అది మనకు జీవముకంటే విలువైనది.
మనము: ఆయనయొక్క ఏడవ దూత వర్తమానికుడిని గుర్తించాము.
మనము: అస్తమయకాలపు వెలుగుయొక్క వర్తమానమును గుర్తించాము.
మనము: మనము ఎవరమన్నది గుర్తించాము.
దేవుడు తన ప్రవక్తయొక్క వాక్యమును తీసుకొని మరియు మనల్ని కత్తిరించాడు. ఆయన చేస్తానని వాగ్దానము చేసినట్లే, మలాకీ 4 ద్వారా ఆయన మనల్ని చెక్కాడు. మనము ప్రతీ వాక్యమును మన హృదయమంతటితో నమ్ముచున్నాము.
ప్రజల మధ్యన గొప్ప మేల్కొల్పు చోటుచేసుకుంటున్నది. ఆ స్వరమును వినడము యొక్క ప్రాముఖ్యతను వారు కూడా గుర్తిస్తున్నారు. తిరిగి వచ్చి మరియు తమ సంఘములలో టేపులను ప్లే చేసుకోవాలని వారు కోరుచున్నారు.
ఈ దినమునకు దేవుడు ఏర్పాటుచేసిన మార్గము ఇదేనని, పరిశుద్ధాత్మ ద్వారా వారికి తెలియజేయబడినది. వారు వినవలసిన స్వరము ఇదేనని వారు గుర్తిస్తున్నారు. ఆయనయొక్క వధువును పరిపూర్ణము చేయుటకు ఇది దేవునియొక్క నిలువ చేయబడిన ఆహారమైయున్నది.
వాక్యము దానిని వాగ్దానము చేసినది. టేపులు దానిని ప్రకటిస్తున్నవి. వారు దానిని నమ్ముచున్నారు.
అది ఏమి చేసినది? ఆ ప్రజలు సంఘాలను విడిచి వెళ్ళడాన్ని చూచుటకు, అది యాజకులకు ఇబ్బంది కలుగజేసినది. అతడు ఇట్లన్నాడు, “మీలో ఎవరైనా ఆయనయొక్క కూటమునకు హాజరైతే, మీరు వెలివేయబడతారు. మేము మిమ్మల్ని నేరుగా సంఘశాఖలనుండి బయటకు పంపివేస్తాము.”
ఇది అసలు నమ్మసఖ్యంగా లేదు, కానీ ఈనాడు అది సరిగ్గా ఆ విధంగానే మారిపోయినది. “దయచేసి, టేపులను ప్లే చేయండి,” అని మీరు చెప్తే వారు మిమ్మల్ని వారి సంఘాలనుండి వెలివేస్తారు. ఇదే ప్రజలను వేరుచేసేదిగా ఉంటుందని మనము ఎన్నడైనా ఊహించగలమా? మన సంఘాలలో దేవుని స్వరమును ప్లే చేయడం వలనా?
సంఘము వారి ప్రవక్తలను మరిచిపోయినది. తమకు “ఇక వారు ఎంతమాత్రము అవసరము లేదు,” అని వారు చెప్పుచున్నారు. కానీ ఆయన వారిని కలిగియుండవలసియున్నది అని దేవుడు ఎరిగియున్నాడు; ఆయన తన ప్రజలను ఆయనయొక్క వాక్యము ద్వారా చెక్కుతాడు. అయితే ఈ దినమున అది వారికి చాల పాత-పద్దతిలాగా అయిపోయినది.
మనము మన ప్రవక్తతో నిలిచియుంటాము. అది ఆయనయొక్క వధువును పిలుచుచున్న స్వరమని మనము నమ్ముచున్నాము. మనకైతే, ప్లేను నొక్కడముకంటే ప్రాముఖ్యమైనది ఏదియు లేదు.
ఓ, దేవుని గొర్రెపిల్లలారా, దేవునియొక్క స్వరమును వినండి! “నా గొర్రెలు నా స్వరమును వినును.”
ఈ ఆదివారము, జఫర్సన్ విల్ కాలమానం ప్రకారంగా 12:00 P.M. గంటలప్పుడు, మేము, 64-0726M నీ దినమును దాని వర్తమానమును గుర్తించుట అను వర్తమానమును వినుచుండగా, వచ్చి మాతోపాటు ఆ స్వరమును గుర్తించండి.
సహోదరుడు. జోసఫ్ బ్రెన్హామ్
ప్రసంగ తర్జుమాలు
ప్రియమైన క్రీస్తుయొక్క వధువా,
కల్వరి ప్రతి దినము గుర్తుచేసుకోబడవలసియున్నది. మరియు మనము దాని గురించి ఎంతో విన్నాము, దాని గురించి ఎంతో చదివాము. కాలముయొక్క ఆరంభమునుండి, బోధకులు దానిపై ప్రసంగించారు. కాలములగుండా, గాయకులు దాని గురించి పాడారు. అది సంభవించడానికి నాలుగువేల సంవత్సరాల ముందే, ప్రవక్తలు దాని గురించి పలికారు. మరియు ఈ దినపు ప్రవక్తలు తిరిగి అది జరిగిన సమయము వైపుకు చూపిస్తుంటారు. అది అంతటి ఒక ప్రాముఖ్యమైన దినమైయున్నది! దేవుడు భూమి మీద ఉదయించుటకు అనుమతించిన దినములన్నిటిలోకల్లా అది ప్రాముఖ్యమైన దినమైయున్నది.
ఈ ఈస్టరు వారంతమున ప్రపంచవ్యాప్తంగా వధువు ఎటువంటి ఒక ప్రత్యేకమైన కూడికను కలిగియుంటుంది కదా. మనము మన తలుపులను మూసివేసి మరియు బయటి ప్రపంచమును మూసివేస్తాము. మన ధ్యాస మళ్ళించబడకుండునట్లు మనము మన పరికరములన్నిటిని ఆపు చేసి, మరియు ప్రతీ దినము ఆయనతో మాట్లాడుతాము. ఆయనను స్తుతించడానికి, ఆయనను ఆరాధించడానికి, మనము ఆయనను ఎంతగా ప్రేమిస్తున్నామో ఆయనకు చెప్పడానికి, సమాధానముతో, ఏక మనస్సుతో మరియు ఏక ఆత్మతో మనము ఆయన తట్టు మన స్వరములను ఎత్తుతాము.
మనము మన జీవితాలను మరలా ఆయనకు ప్రతిష్ఠిస్తుండగా ఆయనయొక్క స్వరము మన హృదయాలతో మాట్లాడుటను మనము వింటాము. త్వరలో జరుగనైయున్న ఆయనయొక్క రాకడ కొరకు మనల్ని మనము సిద్ధపరచుకొనుచుండగా మనకు అంతకంటే విలువైనది ఏదియు ఉండదు. ముందెన్నడూ లేనట్లుగా వధువు తననుతాను సిద్ధపరచుకొనుచున్నది.
ఈ క్రిందనున్న ప్రణాళిక కొరకు మనమందరము ఐక్యమవ్వాలని నేను కోరుచున్నాను:
గురువారము
ఇశ్రాయేలు పిల్లలయొక్క నిర్గమమునకు ముందు తీసుకోబడిన పస్కాకు జ్ఞాపకార్ధంగా, ప్రభువైన యేసు తన శిష్యులతో చివరి భోజమును తీసుకున్నది గురువారము రాత్రియే. మన పవిత్రమైన వారంతమునకు ముందు, మన గృహములలో ప్రభురాత్రి భోజనమును చేయుటకు, మరియు మన పాపముల విషయమై మనల్ని క్షమించమని ఆయనను అడుగుటకు, మరియు మార్గములో మనకు అవసరమైయున్న ప్రతీదానిని అనుగ్రహించమని అడుగుటకు మనము ఎటువంటి ఒక అవకాశమును కలిగియున్నాము కదా.
ప్రభువా, దానిని అనుగ్రహించము. రోగులను స్వస్థపరచుము. అలసినవారికి ఆదరణ దయచేయుము. కృంగియున్నవారికి సంతోషము కలుగజేయుము. దిగులుతో ఉన్నవారికి సమాధానము దయచేయుము, ఆకలితో ఉన్నవారికి ఆహారము దయచేయుము, దాహముగలవారికి నీటిని దయచేయుము, విచారముతో ఉన్నవారికి ఆనందాన్ని దయచేయుము, సంఘానికి శక్తిని అనుగ్రహించుము. ప్రభువా, ఆయనయొక్క విరగగొట్టబడిన శరీరమును సూచిస్తున్న ప్రభురాత్రి భోజనమును తీసుకొనుటకు మేము సిద్ధపడుచుండగా, ఈ రాత్రి యేసును మా మధ్యకు తీసుకొనిరమ్ము. ప్రభువా, ఒక మహత్తరమైన విధానములో ఆయన మమ్మల్ని దర్శిస్తాడని, మేము ప్రార్థిస్తున్నాము...
ప్రభువా, దివిటీలు చక్కపరచబడి, పొగగొట్టాలు శుభ్రపరచబడి, మరియు అంధకార స్థలములలో సువార్త వెలుగు ప్రకాశించుచుండగా, ప్రపంచవ్యాప్తంగా, సంతోషముతో, ప్రభువుయొక్క రాకడ కొరకు ఎదురుచూస్తున్న ఇతరులను ఆశీర్వదించుము.
మనమందరము ప్రభు సంస్కారము 62-0204 వర్తమానమును వినడానికి మీ స్థానిక కాలమానం ప్రకారంగా సాయంకాలము 6:00 P.M. గంటల సమయమప్పుడు ప్రారంభించుకుందాము, మరియు పిదప మన ప్రవక్త మన ప్రత్యేకమైన ప్రభురాత్రి భోజనము మరియు పాద పరిచర్యలోనికి మనల్ని నడిపిస్తాడు, అది లైఫ్ లైన్ యాప్ లో (ఇంగ్లీషులో) ప్లే చేయబడుతుంది, లేదా క్రింద ఇవ్వబడిన లింకుపై నొక్కుట ద్వారా ఇంగ్లీషులోనైనా లేదా ఇతర భాషలలోనైనా ఆ కూడికను మీరు డౌన్ లోడ్ చేసుకోవచ్చు.
వర్తమానము తరువాత, మనము మన గృహములలో మన కుటుంబాలతో కూడుకొని మరియు ప్రభురాత్రి భోజనమును తీసుకుంటాము.
శుక్రవారము
మనల్ని మనము ఆయనకు ప్రతిష్ఠించుకొనుచుండగా మనతో ఉండమని మరియు మన గృహములను పరిశుద్ధాత్మతో నింపమని ప్రభువును ఆహ్వానిస్తూ, ఉదయము 9:00 A.M. గంటలప్పుడు, మరియు పిదప మరలా మధ్యాహ్నము 12:00 P.M. గంటలప్పుడు మనము మన కుటుంబాలతో కలిసి ప్రార్థనలో నిమగ్నమౌదాము.
మన మనస్సులు, 2000 సంవత్సరాల క్రితమునకు, ఆ కల్వరి దినము వద్దకు వెళ్ళును గాక, మరియు మన రక్షకుడు సిలువ మీద వ్రేలాడుటను చూసి పిదప అదే విధంగా ఎల్లప్పుడూ తండ్రికి ఆనందము కలుగజేసేదానిని చేయుటకు మనల్ని మనము సమర్పించుకొందుము గాక:
మరియు ఈ దినము, ఎంతో ప్రాముఖ్యమైనదైయ్యుండగా, అతిగొప్ప దినములలో ఒకటైయ్యుండగా, ఈ దినము మనకు ఏమైయున్నదని మనము మూడు భిన్నమైన సంగతులను చూద్దాము. మనము వందల కొలది సంగతులను తీసుకోవచ్చును. అయితే, ఈ ఉదయము, తదుపరి కొద్ది నిమిషాలు, కల్వరి మనకు ఏమైయున్నదని, మనం చూడటానికి, నేను కేవలం మూడు భిన్నమైన, ముఖ్యమైన సంగతులను ఎంచుకున్నాను. మరియు అది ఇక్కడున్న ప్రతి పాపిని గద్దించాలని; ప్రతి పరిశుద్ధుడిని మోకరించేటట్లు చేయాలని; ప్రతీ వ్యాధిగ్రస్తుడిని దేవునిపై తనకున్న విశ్వాసమును పెంచుకొని, మరియు స్వస్థపరచబడి, వెళ్ళేటట్లు చేయాలని ప్రార్థిస్తున్నాను; ప్రతీ పాపి, రక్షించబడాలని; ప్రతీ పడిపోయిన వ్యక్తిని తిరిగి వచ్చి, మరియు తనను గూర్చి తాను సిగ్గుపడాలని; మరియు ప్రతి పరిశుద్ధుడు, సంతోషిస్తూ, నూతన పట్టును మరియు నూతనమైన నిరీక్షణను తీసుకోవాలని నేను ప్రార్థిస్తున్నాను.
పిదప 12:30 P.M. గంటల సమయమప్పుడు, కల్వరిలో ఆ దినము 60-0925 వర్తమానము వినుటకు మనము మన గృహములలో కూడుకుందాము.
పిదప మన ప్రభువుయొక్క సిలువ మరణానికి జ్ఞాపకార్థంగా మధ్యాహ్నం 3:00 P.M. గంటల సమయమప్పుడు ప్రార్థనలో మనము మరలా కూడుకుందాము.
శనివారము
మనమందరము మరొకసారి ఉదయము 9:00 A.M. గంటలప్పుడు మరియు మధ్యాహ్నము 12:00 P.M. గంటలప్పుడు ప్రార్థనలో కూడుకుందాము, మరియు మన మధ్యన ఆయన మనకొరకు చేయునట్టి గొప్ప కార్యముల కొరకు మన హృదయాలను సిద్ధపరచుకుందాము.
ఆయన ఇట్లు చెప్పడాన్ని నేను వినగలుగుచున్నాను, “సాతానా, ఇక్కడికి రా!” ఆయన ఇప్పుడు బాస్ అయ్యున్నాడు. ముందుకు జరిగి, వాని ప్రక్కనుండి మరణము మరియు పాతాళముయొక్క తాళపుచెవిని లాక్కొని, ఆయన తన ప్రక్కలో తగిలించుకున్నాడు. “నేను నిన్ను హెచ్చరించగోరుచున్నాను. ఎంతో కాలంగా నీవొక మోసగాడిలా ఉన్నావు. నేను కన్యక-జన్మ వలనైన సజీవ దేవుని కుమారుడినై యున్నాను. సిలువ మీద నా రక్తము ఇంకనూ తడిగానే ఉన్నది, మరియు పూర్తి వెల చెల్లించబడినది! నీకు ఇకమీదట ఎటువంటి హక్కులూ లేవు. నీవు ఒలిచివేయబడ్డావు. ఆ తాళపుచెవులను నాకు ఇవ్వు!”
పిదప మధ్యాహ్నం 12:30 P.M. గంటల సమయమప్పుడు, వాక్యమును వినడానికి మనమంతా కూదివద్దాము: భూస్థాపితము 57-0420.
ప్రపంచవ్యాప్తంగానున్న ఆయనయొక్క వధువుకు ఇది ఎటువంటి ఒక ప్రాముఖ్యమైన దినముగా ఉండబోవుచున్నది కదా.
పిదప మనము మరలా 3:00 P.M. గంటలప్పుడు ప్రార్థనలో కూడుకుందాము.
ఆదివారము
మొదటిగా తనయొక్క చిన్న స్నేహితుడైన, రాబిన్ పక్షి 5:00 A.M. గంటలకు ఆయనను లేపిన ఆ ఉదయమున సహోదరుడు బ్రెన్హామ్ గారు లేచినట్లే మనము కూడా తెల్లవారుజామున లేద్దాము. యేసును మృతులలోనుండి లేపినందుకు మనము ప్రభువుకు కృతఙ్ఞతలు చెల్లించుదాము:
ఈ ఉదయము ఐదు గంటలప్పుడు, ఎర్రని రొమ్ముగల నా చిన్న స్నేహితుడు కిటికీ వద్దకు ఎగిరి వచ్చి మరియు నన్ను నిద్రలేపాడు. "ఆయన లేచాడు,” అని చెప్తూ, దాని చిన్న గుండె పగిలిపోతుందేమో అన్నట్లు అగుపించినది.
మనము మరొకసారి 9:00 A.M. గంటలప్పుడు మరియు 12:00 P.M. గంటలప్పుడు, మన ప్రార్థనా గొలుసులో కూడుకుందాము, ఒకరికొరకు ఒకరము ప్రార్థిస్తూ మరియు దేవుని స్వరమును వినడానికి మనల్ని మనము సిద్ధపరచుకుందాము.
మనము 12:30 P.M. గంటలప్పుడు, మన ఈస్టరు వర్తమానమును వినడానికి కూడివద్దాము: నిజమైన ఈస్టరు ముద్ర 61-0402.
మనము మరొకసారి 3:00 P.M. గంటలప్పుడు, ప్రార్థనలో కూడుకుందాము, ఆయనతో మరియు ప్రపంచవ్యాప్తంగా ఆయనయొక్క వధువుతో ఆయన మనకిచ్చినట్టి అద్భుతమైన వారాంతమును బట్టి ఆయనకు కృతఙ్ఞతలు చెల్లించుదాము.
ఇతర దేశాలలో ఉన్న, నా సహోదరీ సహోదరులారా, గడిచిన సంవత్సరములో వలెనే, ఈ ప్రణాళికలోనున్న ప్రార్థనా సమయాలన్నిటికీ జఫర్సన్ విల్ కాలమానం ప్రకారంగా, మాతో ఐక్యమవ్వడానికి మిమ్మల్ని ఆహ్వానించేందుకు నేను ఇష్టపడుచున్నాను. అయితే ఎలాగైనను, జఫర్సన్ విల్ కాలమానం ప్రకారంగా, గురువారము, శుక్రవారము, మరియు శనివారము మధ్యాహ్నము టేపులను ప్లే చేయడం మీలో అనేకులకు చాలా కష్టంగా ఉంటుందని నేను గ్రహిస్తున్నాను, కావున దయచేసి మీకు అనుకూలంగా ఉన్న సమయానికి ఆ వర్తమానములను ప్లే చేసుకోవడానికి సంకోచించకండి. ఏది ఏమైనను, మన ఆదివారపు వర్తమానమును వినడానికి, ఆదివారమునాడు, జఫర్సన్ విల్ కాలమానం ప్రకారంగా 12:30 P.M. గంటలప్పుడు, మనమందరము కూడుకోవాలని, నేను కోరుచున్నాను.
క్రియేషన్స్ ప్రాజెక్టులు, జర్నలింగ్, మరియు YF యూత్ ఫౌండేషన్ క్విజ్ లో పాలిభాగస్తులు అవ్వడానికి మిమ్మల్ని మరియు మీ పిల్లల్ని ఆహ్వానించుటకు నేను ఇష్టపడుచున్నాను, మీ కుటుంబమంతా కలిసి వాటిలో ఆనందించగలరు. మనము వినే వాక్యము మీదనే అవన్నియు ఆధారపడి ఉన్నాయి గనుక మీరు వాటిని బాగా ఇష్టపడతారని మేము అనుకుంటున్నాము.
వారాంతపు ప్రణాళిక నిమిత్తము, ప్రభురాత్రి భోజనముకై సిద్ధపరచుట కొరకు సమాచారము, క్రియేషన్స్ ప్రాజెక్టుల కొరకు అవసరమైన వస్తువులు, ఈస్టర్ క్విజ్ లు, మరియు ఇంకా ఇతర సమాచారము కొరకు, క్రింద ఇవ్వబడిన లింకులను దర్శించండి.
ఈస్టరు వారాంతమున, ఫోటోలను తీయడానికి, ఈ దినమునకు కొటేషన్ ను వినడానికి, థ టేబుల్ యాప్ నుండి, లైఫ్ లైన్ యాప్ నుండి, లేదా డౌన్ లోడ్ చేసుకొనుటకు ఇవ్వబడిన లింకునుండి టేపులను వినడానికి తప్ప మిగతా సమయమప్పుడు మన ఫోనులను స్విచ్ ఆఫ్ చేసేద్దాము.
ఆరాధన, స్తుతులు, మరియు స్వస్థతతో నిండిన ఒక వారాంతము కొరకు ప్రపంచవ్యాప్తంగా ఉన్న వధువుతో కూడివచ్చుటకు మిమ్మల్ని మరియు మీ కుటుంబమును ఆహ్వానించడం నాకు ఎంతో ఘననీయముగా ఉన్నది. ఇది మీ జీవితాన్ని ఎప్పటికీ మార్చివేసే ఒక వారంతమైయున్నదని నేను నిజంగా నమ్ముచున్నాను.
సహోదరుడు జోసఫ్ బ్రెన్హామ్
ప్రసంగముయొక్క ఆడియో
ఈస్టరు వారాంతపు ప్రసంగములు క్రింద ఇవ్వబడినవి. గురువారపు ప్రభురాత్రి భోజనము/పాదపరిచర్య కూడిక డౌన్ లోడ్ లో భాగమైయున్నవి.
గురువారము- 6:00 PM (స్థానిక సమయం)
62-0204ప్రభు సంస్కారము (ప్రత్యేకమైన ప్రభురాత్రి భోజనము & పాద పరిచర్య కార్యక్రమము)
శుక్రవారము - 12:30 PM (స్థానిక సమయము)
60-0925కల్వరిలో ఆ దినము
శనివారము- 12:30 PM (స్థానిక సమయము)
57-0420భూస్థాపితము
ఆదివారము- 12:30 PM (జఫర్సన్ విల్ కాలమానం)
61-0402నిజమైన ఈస్టరు ముద్ర
సంబంధిత కూడికలు
ప్రియమైన క్రైస్తవ సైనికులారా,
దీనిని ఆలోచించండి! ఇది అంత్యకాలమైయున్నది, హల్లెలూయా! మనమిక్కడ ఉన్నాము. తన వధువు కొరకైన ప్రభువు రాకడయొక్క మహాదినము సమీపించియున్నది. ప్రపంచ నలుమూలల నుండి మనం స్వయంగా మనకు మనము కూడుకొనుచు, దేవునియొక్క స్వరమును వినుటద్వారా పరిపూర్ణులుగా చేయబడుచున్నాము. మన ప్రియులు ప్రత్యక్షమగుటకు మనము వేచిచూస్తూ మరియు ఎదురుచూస్తున్నాము...ఇప్పుడు అది ఏ రోజైనా కావచ్చును.
మనం చేయవలెనని మనకు ఇవ్వబడిన ఒకే ఒక్క ఆజ్ఞ ఏదనగా “వాక్యముతో నిలిచియుండుడి”. మనము యేసునే చూస్తున్నాము, మరియు ఆయన శరీరధారియైన వాక్యమైయున్నాడు. అదియే మన దినముయొక్క ప్రత్యక్షతయైయున్నది. అదియే ఆయన వధువు కొరకైన దేవునియొక్క శిబిరమైయున్నది.
ఎత్తబడుట కొరకు మనకు అవసరమైనదంతా ఈ వర్తమానము, ఈ స్వరము, ఈ టేపులే. మనకు ఇంకేదియు అవసరంలేదు. మనము బయటకు పిలువబడినాము, ఆ స్వరము తప్ప ప్రతీదానినుండి వేరు చేయబడ్డాము. ఆ స్వరమే ఈ దినము కొరకు దేవుడు ఏర్పాటుచేసిన మార్గమని మనము ఒప్పించబడ్డాము.
దీనిని ఆలోచించండి, అన్నికాలములోకంటే అత్యంత గొప్ప ప్రవక్తను ఆయన మనకు అనుగ్రహించాడు. “ఈయన నా బలిష్టుడైన దూత. మీ కొరకైన నా స్వరము ఈయనే. ఈయన భూమి మీద మాట్లాడినప్పుడు, నేను పరలోకములో ప్రతిధ్వనిస్తాను. ఈయన వంటివారు ఎవ్వరును లేరు,” అని ఆయన ప్రపంచానికి చెప్పగలుగునట్లు అగ్నిస్తంభము తానే ఈయనతో ఫోటోను తీయబడనిచ్చిన ఒక వ్యక్తియైయున్నాడు.
“నేను జగత్తు పునాది వేయబడకముందు నుండి దాచిన నా మర్మములన్నిటిని, నేను ఈయనకు, ఈయనకు మాత్రమే అప్పగించాను. ఈ లోకమునుండి మిమ్మల్ని నాయొద్దకు పిలుచుటకు నేను ఈయననే ఏర్పరచుకున్నాను. మిమ్మల్ని నడిపించుటకు, మార్గములో తీసుకొనివెళ్ళుటకు, నిర్దేశించుటకు నేను ఈయననే ఎన్నుకున్నాను. ఈయన మాట వినుడి, అని నేను మీకు ప్రకటించుచున్నాను, ఏలయనగా మాట్లాడుచున్నది ఈయన కాదు, అది గొప్ప ఉన్నవాడనైయున్న నేనే!”
ప్రపంచానికి దీనిని ప్రకటించుటకు నేను బలిష్టులైన ప్రజలను ఏర్పరచుకొని పిలుచుకున్నాను, “మలాకీ 4, ప్రకటన 10:7, మరియు లూకా 17:30 లోని లేఖనములు, ఈ దినమున మీ కన్నులయెదుట నెరవేరినవి. లేఖములు చెప్పినట్లుగా, ఆయనయొక్క బలిష్టుడైన దూత వచ్చాడు. ఆయన చేస్తానని చెప్పినట్లే దేవుడు తననుతాను మానవ శరీరములో బయలుపరచుకుంటూ, దేవుడు ఇక్కడ మన మధ్యన ఉన్నాడు.”
అది నిన్నా, నేడు మరియు నిరంతరము ఒక్కటే రీతిగానున్న యేసు క్రీస్తుయైయున్నాడు. ఆయనను, అనగా ఆ దేవుని దూతను మీకు చూపించుటకు మేము పిలువబడ్డాము. ఆయనయొక్క వధువును బయటకు పిలుచుటకు మరియు నడిపించుటకు పరిశుద్ధాత్మ ఎన్నుకున్నది ఆయననే. ప్రధాన యాజకునిగా ఎవరు ఉండబోవుచున్నారని; ఇది, అది, లేదా ఇంకేదో ఎవరు అవుతారని తర్కించుకోకండి, గొనగకండి, గొడవపడకండి మరియు మదనపడకండి. ఆ స్వరముతో నిలిచియుండండి. ఏలయనగా నిర్ధారించబడిన దేవుని స్వరము కేవలం ఒకే ఒక్కటి ఉన్నది మరియు అతని పేరే విలియమ్ మారియన్ బ్రెన్హామ్.
మనము ఆ స్వరముతో నిలిచియుండునట్లు ఎంతో జాగ్రత్తపడవలసియున్నాము, ఏలయనగా మిమ్మల్ని దానినుండి దూరంగా నడిపించుటకు అనేకులు ఉన్నారు. వారి ఆచారములు ఆ నిజమైన స్వరమును ప్రజలనుండి దూరంగా ఉంచుతున్నాయి. వారిలో అనేకులకు ఆయన ఒక అపరిచితుడైయ్యాడు. వారి స్వరము, ఆ స్వరముయొక్క స్థానమును తీసుకున్నవి, ఎంతగా అంటే, దేవుడు టేపుల ద్వారా వారిని దర్శించినప్పుడు, ఆయన వారికి ఒక పరదేశిగా ఉన్నాడు.
ఆ గొప్ప ఘనమైన సన్నిధి మనతో ఉన్నది. ఆత్మయొక్క స్పర్శను కలిగియున్న ఏ వ్యక్తియైనా ఆ స్వరము దేవునియొక్క స్వరమని చెప్పగలడు. అది ఈ దినమునకైన దేవునియొక్క శిబిరమైయున్నది.
క్రీస్తుయొక్క వధువు అని చేపుకొనుచున్న ప్రతీ వ్యక్తి తాము ఏ శిబిరములో ఉన్నారో నిర్ణయించుకోవలసియున్నది. వారు తమకు తాము ఈ సాధారణమైన ప్రశ్నను వేసుకోవలసియున్నది: వధువు అంతయూ ఏ స్వరమునకు “ఆమేన్” అని చెప్పగలదు?
మీరు ఈ దినమునకైన నిజ ప్రత్యక్షతను కలిగి, నిజంగా మీరు క్రీస్తుయొక్క వధువైనయెడల, అప్పుడు ఒకేఒక్క జవాబు ఉన్నది: అది టేపులలో ఉన్న దేవునియొక్క స్వరమే. అవును సాతానుడు ఎన్నో భిన్నమైన విధానాలలో దానిని తారుమారు చేయుటకు ప్రయత్నిస్తాడు, కానీ వధువుకు ఇంకే ఇతర జవాబు లేదు. అది అంత సామాన్యముగా ఉన్నది.
మనల్ని విభాగించుటకు సాతానుడు ఆ జవాబును ఉపయోగిస్తున్నాడని మనందరికీ తెలుసు. అయితే వధువు ఐక్యపరచబడియుండాలని వాక్యము మనకు చెప్పుచున్నది…మనల్ని ఐక్యపరిచే ఆ ఒకే ఒక్క స్వరముచేత మనము ఐక్యపరచబడియున్నాము.
వచ్చి మాతో ఐక్యమవ్వండి, ఏలయనగా సమయం గతించిపోవుచున్నది.
“నేను శిబిరము వెలుపటికి వెళ్ళగోరుచున్నాను. దాని కొరకు నేను ఏమి చెల్లించవలసి వచ్చినాగాని, నేను నా సిలువను తీసుకొని మరియు ప్రతీ దినము దానిని మోస్తాను. నేను శిబిరమును దాటి వెళ్తాను. ప్రజలు నా గురించి ఏమి అన్నాగాని, శిబిరము వెలుపటికి నేను ఆయనను వెంబడించగోరుచున్నాను. నేను వెళ్ళుటకు సిద్ధంగా ఉన్నాను.”
మీరు ఈనాడు దేవుని శిబిరములో ఉండగోరినయెడల, మీరు వినవలసిన అత్యంత ప్ర్రాముఖ్యమైన స్వరము టేపులలో ఉన్న దేవునియొక్క స్వరమేనని మీరు నమ్మవలసియున్నారు.
ఈ ఆదివారము జఫర్సన్ విల్ కాలమానం ప్రకారంగా 12:00 P.M., గంటల సమయమప్పుడు, దేవుడు తన వధువును నడిపించుట కొరకు ఎన్నుకున్న ఆ స్వరము, శిబిరము వెలుపలికి వెళ్ళుట 64-0719E అనే వర్తమానమును అతడు అందించడాన్ని మేము వినుచుండగా వచ్చి వధువులోని భాగములో చేరండి.
అది “ఒక శిబిరము కాదు”; అది “ఆ శిబిరమైయున్నది.”
సహోదరుడు. జోసఫ్ బ్రెన్హామ్
కూటమునకు ముందు చదువవలసిన లేఖనములు:
హెబ్రీ 13:10-14
మత్తయి 17:4-8
సంబంధిత కూడికలు
వెలుగు సంబంధులైన పిల్లలారా,
మనము ఆయన వెలుగులో నడుచుచున్నందుకు ఎంత కృతజ్ఞులమైయున్నాము కదా. ఆ వెలుగులో భాగమైయ్యుండుటకు, ఆయన వెలుగుతో గుర్తించబడుటకు ఎంత కృతజ్ఞులమైయున్నాము కదా. ఆయన చేత ఎన్నుకోబడి మరియు పిలువబడినందుకు ఎంత కృతజ్ఞులమైయున్నాము కదా. మనము క్రీస్తుయొక్క వధువైయ్యుండి, ఆయనతో గుర్తించబడియున్నాము. ఇరువురు ఇప్పుడు ఒక్కటయ్యారు.
నేను దానిని ఎన్నిసార్లు రాసినా తక్కువే. మనము దానిని ఎన్నిసార్లు చెప్పినా సరిపోదు. ఈ వర్తమానమే మన సర్వస్వమైయున్నది. ఆయన వాక్యముయొక్క సత్య ప్రత్యక్షతను మనము కలిగియున్నామని తెలుసుకోవడం మనము మాటలలో చెప్పలేనటువంటి విషయమైయున్నది.
ఈ దినమున జీవిస్తూ మరియు జరుగుచున్నదానిలో భాగమవ్వడమనేది, దేవుడు మనకు అనుగ్రహించగల అత్యంత గొప్ప ఘనతయైయున్నది. బ్రెన్హామ్ టెబర్నికల్ వద్ద కూడికలలో కూర్చొని, దేవుని దూత ఈ వర్తమానాలను తీసుకొనిరావడాన్ని చూడటము మరియు వినడము ఎంతో గొప్ప విషయమైయ్యుండగా, ఈ దినములో, మరియు ఈ సమయములో జీవిస్తూ, మరియు ఆ వాక్యముయొక్క నెరవేర్పుయైయ్యుండటం ఇంకెంతో గొప్ప విషయమైయున్నది.
ఆయనయొక్క వాక్యముచేత పరిపూర్ణము చేయబడుటకై, ప్రపంచమంతటినుండి మనము కూడుకొని, అందరమూ ఒకే సమయములో దేవుని స్వరమును వినడానికి, దేవుడు, తన గొప్ప ప్రణాళికలో, ఒక మార్గమును కలుగజేశాడు. ఏ క్షణమునయైనా మన ఏడవ దూత వర్తమానికుడు ఇట్లు చెప్పడాన్ని వినుటకు వేచియుండుట;
“ఇదిగో లోకపాపములను మోసుకొనిపోవు దేవుని గొర్రెపిల్ల!”
కాలము ప్రారంభమైనప్పటినుండి అటువంటి ఒక విషయము ఎన్నడూ లేదు. దేవుని గొప్ప ప్రణాళికయొక్క ముగింపు, సరిగ్గా ఇప్పుడు, సంభవించుచున్నది, మరియు మనము దానిలో భాగమైయున్నాము. ప్రభువుయొక్క మహాదినము సమీపమైనది.
దేవునియొక్క వర్తమానికుడైన దూత ద్వారా మర్మములన్నియు వధువుకు బయలుపరచబడినవి. ముద్రలు, కాలములు, ఉరుములు, ఎత్తబడే విశ్వాసము, మూడవ ఈడ్పు…ప్రతీది పలుబడి మరియు వధువు మరలా మరలా వాటిని వినగలుగునట్లు టేపులలో ఉన్నవి, మరియు అది మనల్ని పరిపూర్ణము చేస్తుంది.
పరిశుద్ధాత్మ తిరిగి మరలా సంఘములో ఉన్నాడు; ఆయన వాగ్దానము చేసినట్లే సాయంకాల సమయములో, క్రీస్తు, తానే, మానవ శరీరములో బయలుపరచుకున్నాడు.
వధువా ఇప్పుడు జాగ్రత్తగా విను, దానిని పట్టుకో.
మనము వాక్యముచేత బయటకు పిలువబడినాము; స్వయంగా క్రీస్తే మనలను బయటకు పిలిచాడు. ఆయన తననుతాను మనకు తేటపరచుకున్నాడు; హెబ్రీ 13:8, లూకా 17:30, మలాకీ 4, హెబ్రీ 4:12, ఆయన మనకు వాగ్దానము చేసిన ఈ లేఖనములన్నిటిని తేటపరిచాడు.
ఈ దినము కొరకు ముందుగా నిర్ణయించబడిన ఈ లేఖనముల ద్వారా తననుతాను మనకు బయలుపరచుకున్నది, మరలా జీవించుచున్న, దేవుని కుమారుడైన, యేసే.
మరియు దానిని నమ్మడం, పరిశుద్ధాత్మను కలిగియున్నారనుటకు రుజువైయున్నది.
దేవుడు తన వధువును బయటకు పిలువడానికి తన ప్రవక్తను పంపాడు. ప్రవక్త అనగా, దేవునియొక్క సజీవ వాక్యము ప్రత్యక్షపరచబడటమే అని వాక్యము మనకు చెప్పుచున్నది. లోకము పొందుకునే చివరి సూచన అదేయైయున్నది; యెహోవా ఒక మానవ రూపములోనుండి మాట్లాడుట.
ఒక ప్రవక్త వలె, మానవ శరీరములో ఉన్న ఒక మనుష్యుడు, మరి అయిననూ తన వెనుకాల ఉన్న శారా హృదయములోని తలంపును వివేచించుచున్న ఆయన ఎలోహిం అయ్యున్నాడు. మరియు యేసు ఇట్లు చెప్పాడు, “లోతు దినములలో జరిగినట్లే, ప్రపంచముయొక్క ముగింపులో, మనుష్యకుమారుడు,” దేవుని కుమారుడు కాదు, “మనుష్యకుమారుడు ప్రత్యక్షపరచుకుంటున్నప్పుడు జరుగును.”
మీరు స్థిరంగా వాక్యములో ఉంటేనే తప్ప ఆయన ఎవరో మీరు తెలుసుకోలేరని, వధువు ఎరిగియున్నది. ప్లే నొక్కడం ద్వారా ప్రతీ రోజు ఆ స్వరమును తమయెదుట ఉంచుకోవడం ఎంత అవసరమో వారికి తెలుసు.
ఇప్పుడు ఏడవ బూరను ఊదడానికి, ప్రకటనలోని దేవునియొక్క ఇద్దరు ప్రవక్తలు రంగం మీద ప్రత్యక్షమవ్వగలుగునట్లు, వధువు దారిలోనుండి తప్పుకొని, మరియు పైకి వెళ్ళవలసియున్నది. క్రీస్తును వారికి తెలియజేయుటకైయున్నది.
ఈ ఆదివారము జఫర్సన్ విల్ కాలమానం ప్రకారంగా 12:00 P.M., గంటల సమయమప్పుడు, దేవుని ప్రవక్త, బూరల పండుగ 64-0719M, అనే వర్తమానమును అందిస్తూ, మరియు తండ్రితో మాట్లాడుచు ఇట్లు చెప్పుచుండగా వచ్చి ప్రవచనముయొక్క నెరవేర్పులో భాగమవ్వండి,
ప్రపంచ వ్యాప్తంగా, బయట దేశములలో, తమ గృహములయందు లేదా తమ సంఘములయందు ఈ టేపు మాత్రమే వారిని కలిసేటటువంటి కొందరు ప్రజలు ఉండవచ్చును. ప్రభువా, కూడిక జరుగుచుండగా, ఎక్కడైతే—ఎక్కడైతే…లేదా టేపు ప్లే చేయబడుచుండగా, లేదా మేము ఏ స్థానములో ఉన్నా, లేదా—లేదా ఏ పరిస్థిలో ఉన్నా, ఈ ఉదయము దేవుడు మా హృదయములయొక్క ఈ యదార్థతను ఘనపరచి, మరియు అవసరతలో ఉన్నవారిని స్వస్థపరచాలని, వారికి అవసరమైనదానిని వారికి అనుగ్రహించమని మేము ప్రార్థిస్తున్నాము.
సహోదరుడు. జోసఫ్ బ్రెన్హామ్
వర్తమానము వినుటకు ముందు చదువవలసిన లేఖనములు:
లేవీయకాండము 16
లేవీయకాండము 23:23-27
యెషయా 18:1-3
యెషయా 27:12-13
ప్రకటన 10:1-7
ప్రకటన 9:13-14
ప్రకటన 17:8