అనుసంధానమైయున్న-ప్రియమైన వధువా,
దేవుడు తన ఏడవ దూత వర్తమానికుని ద్వారా మాట్లాడిన ఈ మాటలు ఇంకను మన ద్వారా, అనగా యేసుక్రీస్తు యొక్క వధువు ద్వారా నెరవేర్చబడుచున్నవి.
సంఘమునకు వెళ్ళుటను నేను నమ్మనియెడల, నేను ఒక సంఘమును ఎందుకు కలిగియున్నాను? మేము వారిని దేశవ్యాప్తంగా అంతటా కలిగియున్నాము, ఈ మధ్యనే ఒక రాత్రి అనుసంధానం అయ్యాము, ప్రతి ఐదువందల మైళ్ళలో నా సంఘమొకటి ఉన్నది.
వారు సంఘములలో ఉన్నారు, గృహములలో ఉన్నారు, చిన్న భవనములలో ఉన్నారు, మరియు చివరికి పెట్రోల్ బంకులలో కూడా ఉన్నారు; అమెరికా అంతటా వ్యాపించియున్నారు, సరిగ్గా వాక్యము బయలువెళ్ళుచున్న అదే సమయములో అందరూ, వినుచూ ఉన్నారు.
మరియు ఈ రోజు, మనము ఇంకను ఆయనయొక్క సంఘములలో ఒకటైయున్నాము. ఆయన ఇంకను మన కాపరియైయున్నాడు. ఆయన వాక్యమునకు ఇంకను ఎటువంటి అనువాదము అవసరంలేదు, మరియు మనము ఇంకను ప్రపంచవ్యాప్తంగా కూడుకొని, అనుసంధానమైయుండి, దేవునియొక్క స్వరము యేసుక్రీస్తు యొక్క వధువును పరిపూర్ణము చేయడాన్ని వినుచున్నాము.
ఈ దినము, ఈ వాక్యము ఇంకను నెరవేర్చబడుచున్నది.
ఆ వెనుక వారు దానిని ఎందుకని చేసారు? సరిగ్గా అప్పుడే వర్తమానమును వినడానికి సంఘకాపరులు ఎందుకని తమ సంఘములను మూసివేసారు? వారు కేవలం టేపులను పొందుకునేంతవరకు వేచియుండి, పిదప తర్వాత స్వయంగా వారే తమ ప్రజలకు ఆ వర్తమానమును బోధించియుండవచ్చును కదా; మరియు ప్రత్యక్షత లేకుండా అనేకులు ఆ విధంగా చేసారని నేను నిశ్చయంగా చెప్పగలను.
లేదా కొందరు తమ సంఘసమాజములతో ఈ విధంగా చెప్పియుండవచ్చును, “ఇప్పుడు వినండి, సహోదరుడు బ్రెన్హామ్ గారు దేవుని ప్రవక్త అని మనము నమ్ముచున్నాము, కానీ మన సంఘములలో మనము ఆయనను వినవలసియున్నామని ఆయన చెప్పలేదు. ఈ ఆదివారము, మరియు ప్రతి ఆదివారము నేనే బోధిస్తాను; కేవలం ఆ టేపులను తెచ్చుకొని మరియు మీ గృహములలో వాటిని వినండి.”
ఇప్పటి వధువువలెనే, అప్పటి వధువు కూడా, ఒక ప్రత్యక్షతను కలిగియుండి, మరియు స్వయంగా తామే నేరుగా దేవుని స్వరమును వినాలనుకున్నారు. దేవుని స్వరము బయలు వెళ్ళుచుండగా దానిని వినడానికి వారు దేశవ్యాప్తంగానున్న వధువుతో ఐక్యమవ్వగోరినారు. వారు ఆయనయొక్క సంఘములలో ఒకదానిగా, గృహముగా, లేదా వారెక్కడున్నను, ఆ వర్తమానముతో, ఆ స్వరముతో గుర్తించబడగోరినారు, మరి ఇప్పుడు, టేపులతో గుర్తించబడగోరుచున్నారు.
ఈ దినము, ఈ వాక్యము ఇంకను నెరవేర్చబడుచున్నది.
వారు/మనము దానిని చూసియుండగా మరియు ఇతరులు ఎందుకని చూడలేడు? దీనిని చూడటానికి, ముందుజ్ఞానముచేత మనము నియమించబడ్డాము. అయితే నియమించబడనివారు, మీరు దానిని ఎన్నడూ చూడరు. గోధుమ దానిని చూచుచున్నది మరియు వేరైపోవడం మొదలుపెట్టినది.
దాని అర్థం మీరు మీ సంఘమునకు వెళ్ళడం ఆపివేయాలని కాదు. లేదా మీ సంఘకాపరి పరిచర్య చేయడం ఆపివేయాలని కూడా దాని అర్థం కాదు. దాని అర్థం కేవలం ఏమిటంటే అనేక పరిచర్యలు మరియు సంఘకాపరులు ముఖ్యమైనదానిని మర్చిపోయారు, మరియు మీరు వినవలసిన అత్యంత ముఖ్యమైన స్వరము టేపులలో ఉన్న దేవుని స్వరమేనని తమ ప్రజలకు చెప్పడంలేదు.
ప్రతి వారములోని ప్రతి రోజు సంఘమునకు వెళ్ళడం మిమ్మల్ని వధువుగా చేయదు; దేవుడు కోరినది అది కాదు. పరిసయ్యులు మరియు సద్దూకయ్యులు ఆ బోధనను కంఠస్థం చేసుకున్నారు. వారు ప్రతి వాక్యములోని ప్రతి అక్షరమును ఎరిగియున్నారు, కానీ సజీవమైన వాక్యము మానవ శరీరములో సరిగ్గా అక్కడే నిలబడియున్నది, అయితే వారు ఏమి చేసారు? ఈనాడు అనేకమంది అదే కార్యమును చేస్తున్నారు.
వారు ఇట్లంటారు, “ఆయన మాట్లాడుచున్నది సంఘశాఖల గురించియైయున్నది. ప్రసంగించడానికి వారు సహోదరుడు బ్రెన్హామ్ గారిని వారి సంఘములలోనికి అనుమతించరు, కానీ మేమైతే వాక్యమును బోధించి మరియు సరిగ్గా ఆయన చెప్పినదానినే చెప్పుచున్నాము.”
అది అద్భుతము. ప్రభువునకు స్తుతి కలుగును గాక. మీరు చేయవలసినది అదేయైయున్నది. కానీ పిదప, ఈ రోజు అది భిన్నముగా ఉన్నది, మీ సంఘములలో సహోదరుడు బ్రెన్హామ్ గారి టేపులను ప్లే చేయడం తప్పు అని చెప్తారు. మీకు మరియు పరిసయ్యులు, సద్దూకయ్యులు లేదా సంఘశాఖలకు మధ్య ఎటువంటి తేడా లేదు.
మీరు ఒక వేషధారియైయున్నారు.
అప్పటివలెనే, నేరుగా తన సంఘముతో మాట్లాడుటకై లోపలికి వచ్చుటకు ప్రయత్నిస్తూ, ద్వారమునొద్ద నిలబడి తట్టుచున్నది, యేసేయైయున్నాడు, మరియు వారు తమ తలుపులను తెరువరు, మరియు వారి సంఘములలో టేపులను ప్లే చేయరు. “అతడు మా సంఘములోనికి వచ్చి మరియు బోధించడానికి మేము ఒప్పుకోము”.
శత్రువు వాడు బహిర్గతం చేయబడుటను ద్వేశిస్తాడు గనుక వాడు దానిని మలచి మరియు అనేక దిశలలోనికి త్రిప్పబోవుచున్నాడు, కానీ ఏది ఏమైనను, అది సరిగ్గా మన కన్నులయెదుట ప్రత్యక్షపరచబడుచున్నది మరియు అనేకులు విడిచిపెట్టుచున్నారు.
“ఆదియందు” [“వాక్యముండెను,” అని సంఘము చెప్పుచున్నది,—సంపా.] “మరియు వాక్యము” [“దేవుని వద్ద ఉండెను.”] “మరియు వాక్యము” [“దేవుడైయుండెను.”] “మరియు ఆ వాక్యము శరీరధారియై మన మధ్య నివసించెను.” అది సరియేనా? ఇప్పుడు లూకా లో, మలాకీ లో, చెప్పబడిన అదే వాగ్దాన వాక్యము, ఈ దినము కొరకైన ఈ ఇతర వాగ్దానములన్నీ, శరీరధారియై, మన మధ్య నివసించడాన్ని మనము చూచుచున్నాము, మన వినికిడిచేత విన్నదానిని; ఆయన తన స్వంత వాక్యమును అనువదించడాన్ని, ఇప్పుడు (మన కన్నులార) చూచుచున్నాము, మనకు మనుష్యునియొక్క ఏ అనువాదము అవసరములేదు. ఓ జీవముగల దేవుని సంఘమా, ఇక్కడ మరియు ఫోన్లలో వినుచున్నవారలారా, ఎంతో ఆలస్యమైపోకముందే, త్వరగా మేల్కొనండి!
ఆయనయొక్క సమస్త సంఘములారా, దేవుడు ఇప్పుడే మీతో ఏమి చెప్పాడో మీ హృదయములను తెరచి వినండి. ఆయన తన స్వంత వాక్యమును అనువదించడాన్ని, ఇప్పుడు మనం, మన కన్నులార చూచుచున్నాము. మనకు మనుష్యునియొక్క ఏ అనువాదము అవసరంలేదు!! ఎంతో ఆలస్యమైపోకముందే మేల్కొనండి!!
అంత్య దినములలో ఏమి జరుగబోవుచున్నదని ఈ సంగతులను మనము మన జీవితకాలమంతా విన్నాము. మరియు ఇప్పుడు అవి నెరవేరడాన్ని మన కన్నులతో చూస్తున్నాము.
ఒకే ఒక్క మార్గమున్నదని, మరది దేవుడు తన వధువు కొరకు ఏర్పాటుచేసిన మార్గమైయున్నదని ఆయన మనకు చెప్పాడు. మీరు తప్పక టేపులలో ఉన్న దేవుని స్వరముతో నిలిచియుండవలసియున్నారు.
ఈ ఆదివారము, జఫర్సన్విల్ కాలమానం ప్రకారముగా మధ్యాహ్నం 12:00 గంటల సమయమప్పుడు వచ్చి మాతో చేరి, మరియు ఈ దినమునకై దేవుడు ఏర్పాటు చేసిన మార్గమును వినమని నేను ప్రపంచమును ఆహ్వానిస్తున్నాను. అప్పుడు మీరు కూడా, “నేను వింటిని కానీ ఇప్పుడు నేను చూచుచున్నాను,” అని చెప్పగలరు.
సహోదరుడు. జోసఫ్ బ్రెన్హామ్
వర్తమానము: 65-1127E నేను వింటిని కానీ ఇప్పుడు నేను చూచుచున్నాను
లేఖనములు
ఆదికాండము 17
నిర్గమకాండము 14:13-16
యోబు 14వ అధ్యాయము మరియు 42:1-5
ఆమోసు 3:7
మార్కు 11:22-26 మరియు 14:3-9
లూకా 17:28-30
ప్రియమైన క్రీస్తు వధువా, ఈ ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, 65-1127B – దేవుని చిత్తము కానప్పటికీ దేవునికొక సేవచేయ ప్రయత్నించుట ను వినడానికి మనము కూడివద్దాము.
సహోదరుడు. జోసఫ్ బ్రెన్హామ్
ప్రియమైన శరీరధారియైన వాక్యమా,
హల్లెలూయ! వాక్యమును వినుట ద్వారా మన హృదయ గర్భము సిద్ధపరచబడినది మరియు మనము క్రీస్తుయొక్క గుణవతియైన వధువైయున్నామని అది మనకు బయలుపరచినది; ప్రశస్తమైనవాడును, యోగ్యుడునైన, పాపములేని దేవుని కుమారుడు, నిష్కల్మషమైనదియు, ఆయన స్వంత రక్తపు నీటితో కడుగబడినదియునైన, సంకరము లేని వాక్య-వధువుతో నిలబడియున్నాడు.
మనము ప్రత్యక్షపరచబడినట్టి శరీరధారియైన వాక్యమైనాము, తద్వారా జగత్తుపునాది వేయబడకముందే ఆయన ముందుగా ఏర్పరచుకున్నటువంటి మనలను, యేసు, తండ్రియొక్క రొమ్మునకు తీసుకొనివెళ్ళుటకైయున్నది.
మనము ప్రవర్తిస్తున్న విధానాన్ని బట్టి మరియు మనము ఆయనయొక్క నిర్ధారించబడిన వాక్యముయొక్క నిజమైన ప్రత్యక్షతను దేవుని యొద్దనుండి పొందుకొనియున్నామని వ్యక్తపరచుటను బట్టి, మరియు మనము భయము లేనివారిగా ఉండుటను బట్టి, లోకము మన విశ్వాసముయొక్క భావవ్యక్తీకరణను చూడగలదు. ప్రపంచమంతా ఏమి చెప్తుందో లేదా దేనిని నమ్ముతుందో మనము లెక్కచేయము…మనము భయము లేనివారిగా ఉన్నాము. ప్లే ను నొక్కడమే యేసుక్రీస్తు యొక్క వధువునకు దేవుడు ఏర్పాటుచేసిన మార్గమైయున్నది.
తాము ఈ అంత్య-కాల వర్తమానమును నమ్ముతున్నారని చెప్పే అనేకులు ఉన్నారు, దేవుడు ఒక ప్రవక్తను పంపించాడని వారు నమ్ముతారు, విలియమ్ మారియన్ బ్రెన్హామ్ గారు ఏడవ దూత వర్తమానికుడని వారు నమ్ముతారు, యెహోవా ఈలాగు సెలవిచ్చుచున్నాడు నే ఆయన పలికాడని వారు నమ్ముతారు, కానీ ఆ స్వరమే మీరు వినవలసిన అత్యంత ముఖ్యమైన స్వరమైయున్నదని వారు నమ్మరు. విఫలమవ్వజాలని మాటలను ఆయన పలికాడని వారు నమ్మరు. వారి సంఘములలో టేపులను ప్లే చేయాలన్నది వారు నమ్మరు.
దాని అర్థం ఏమిటి? అది వారికి బయలుపరచబడలేదని దాని అర్థము!
అది ఒక ప్రత్యక్షతైయున్నది. ఆయనయొక్క కృపచేత ఆయన దానిని మీకు బయలుపరిచాడు. అది మీరు చేసినదేదీ కాదు. మిమ్మల్ని మీరు విశ్వాసములోనికి తెచ్చుకోలేదు. మీరెన్నడైనా విశ్వాసమును కలిగియుంటే, దేవునియొక్క కృప ద్వారానే అది మీకు ఇవ్వబడినది. మరియు దేవుడే దానిని మీకు బయలుపరుస్తాడు, కావున విశ్వాసమనేది ఒక ప్రత్యక్షతైయున్నది. మరియు దేవునియొక్క సంఘమంతయు ప్రత్యక్షత మీదనే కట్టబడినది.
ఈ వర్తమానము, యేసుక్రీస్తు యొక్క వధువును పోషించుటకై మరియు పరిపూర్ణము చేయుటకై రికార్డు చేయబడి, మరియు భద్రపరచబడిన టేపులలో ఉన్నట్టి దేవునియొక్క స్వరమైయున్నదని, విశ్వాసము ద్వారా మనకు బయలుపరచబడినది.
అది దేవుడు సత్యము అని చెప్పినదానిలోగల నిజమైన, సంకరములేని విశ్వాసమైయున్నది. మరియు అది మన హృదయములో మరియు అంతరాత్మలో లంగరు వేయబడియున్నది మరియు దానిని కదల్చునది ఏదియు లేదు. ఆయనయొక్క ప్రవక్త మనల్ని మన ప్రభువునకు పరిచయం చేసేవరకు అది సరిగ్గా అక్కడే ఉండబోవుచున్నది.
మనంతట మనము ఏమియు చేయలేము. దానిని స్వీకరించి మరియు దానిని నమ్మడానికై జగత్తుపునాది వేయబడకముందే ఆయన మనల్ని సిద్ధపరిచాడు. ఈ కాలములో మనము ఆయనయొక్క స్వరమును స్వీకరిస్తామని ఆయన ఎరిగియున్నాడు. ఆయన మనల్ని ముందుగా ఎరిగియుండి మరియు స్వీకరించడానికి మనల్ని నియమించాడు.
పిదప, ఎన్నడూ విఫలము కానటువంటి ఈ దర్శనముల ద్వారా, ఎన్నడూ విఫలము కానటువంటి వాగ్దానముల ద్వారా, పరిశుద్ధాత్మ ఈనాడు చేయుచున్న కార్యములు, బైబిలు గ్రంథములో వాగ్దానము చేయబడిన అపొస్తలుల సూచలనలన్నీ, మలాకీ 4, మరియు, ఓ, ప్రకటన 10:7, అవన్నియు నెరవేర్చబడుచున్నవి; మరియు విజ్ఞానశాస్త్రపరముగాను, ప్రతి ఇతర విధానములోను ఋజువుచేయబడుచున్నవి. మరియు నేను మీకు సత్యమును చెప్పనియెడల, ఈ కార్యములు జరిగేవి కావు. అయితే నేను మీకు సత్యమును చెప్పియున్నయెడల, నేను మీకు సత్యమును చెప్పియున్నానని అవియే సాక్ష్యమిస్తాయి. ఆయన ఇంకను నిన్నా, నేడు, మరియు నిరంతరము ఒక్కటే రీతిగా ఉన్నాడు, మరియు ఆయనయొక్క ఆత్మ ప్రత్యక్షపరచబడుటయే వధువును పట్టుకొనిపోవుచున్నది. “ఇదియే ఆ ఘడియ అయ్యున్నది” అనే ఆ విశ్వాసమును, ప్రత్యక్షతను, మీ హృదయములో పడనివ్వండి.
ఇదియే ఘడియ అయ్యున్నది. ఇదియే వర్తమానమైయున్నది. ఇదియే యేసుక్రీస్తు యొక్క వధువును పిలచుచున్న దేవుని స్వరమైయున్నది. ఓ సంఘమా, విశ్వాసమును కలిగియుండుటకై దేవుడు మీ హృదయ గర్భములను సిద్ధపరచును గాక మరియు టేపులలో ఉన్న ఈ స్వరమును వినడమే, యేసుక్రీస్తు యొక్క వధువును పరిపూర్ణము చేసి మరియు ఐక్యపరుస్తుందని, మీకు బయలుపరచును గాక.
ఆయనయొక్క త్వరితమైన రాకడ కొరకు దేవునియొక్క స్వరము మనల్ని సిద్ధపరచుటను మేము వినుచుండగా మీ విశ్వాసమును ఎత్తైన స్థలములకు తీసుకొనివెళ్ళి, మరియు మాతో కలిసి పరలోక స్థలములలో కూర్చొనుటకై, ఆదివారం జఫర్సన్విల్ కాలమానం ప్రకారముగా, మధ్యాహ్నం 12:00 గంటల సమయమప్పుడు వచ్చి మాతో చేరమని నేను మరొకసారి మిమ్మల్ని ఆహ్వానిస్తున్నాను.
సహోదరుడు. జోసఫ్ బ్రెన్హామ్
మేము మాయొక్క మొదటి స్టిల్ వాటర్స్ క్యాంపును ప్రారంభిస్తుండగా వచ్చే వారం దయచేసి మా కొరకు ప్రార్థనలో ఉండండి.
వర్తమానము: క్రియలనగా విశ్వాసమును వ్యక్తపరచుటయే 65-1126
చదువవలసిన లేఖనములు:
ఆదికాండము 15:5-6, 22:1-12
అపొస్తలుల కార్యములు 2:17
రోమా 4:1-8, 8:28-34
ఎఫెసీ 1:1-5
యాకోబు 2:21-23
పరిశుద్ధ. యోహాను 1:26, 6:44-46
సంబంధిత కూటములు
దేవునియొక్క ప్రియమైన ఎన్నుకోబడిన యువతి,
దానిని నిరాకరించడానికి ఏ దారి లేదు, నీవు దేవునియొక్క ఆత్మసంబంధమైన జన్యువు అయ్యున్నావు, ఆయన తలంపులయొక్క గుణలక్షణములయొక్క భావవ్యక్తీకరణయైయున్నావు, మరియు జగత్తుపునాది వేయబడకముందే ఆయనలో ఉండియున్నావు.
మనము ఇక ఎంతమాత్రము ముందుకు వెళ్ళలేము, మనము సరిగ్గా భూమిలోనికి వెళ్ళిన అదే విత్తనమువలె ఉన్నాము. మనము వధువు రూపములో ఉన్న, అదే యేసుయైయున్నాము, అదే శక్తిని కలిగియున్నాము, అదే సంఘమైయున్నాము, అదే వాక్యము మనలో జీవించుచు మరియు నివసించుచుండగా ఒక శిరస్సులోనికి రూపించబడుతూ, ఎత్తబడుటకు సిద్ధముగా ఉన్నాము.
మనము ఆత్మసంబంధమైన మరణము ద్వారా, మనయొక్క మొదటి ఐక్యత నుండి వేరుచేయబడ్డామని ఆయన మనకు చెప్పాడు, మరియు ఇప్పుడు తిరిగి జన్మించియున్నాము, లేదా మనయొక్క ఆత్మసంబంధమైన నూతన ఐక్యతకు, మరలా వివాహము గావించబడ్డాము. మనయొక్క పాత భౌతికమైన జీవితము మరియు లోకసంబంధమైన కార్యములు ఇక ఎంతమాత్రము లేవు గాని, నిత్యజీవ సంబంధమైన సంగతులున్నవి. ఆదిలో మనయందున్న ఆ కణము, మనలను కనుగొన్నది!
దాని అర్థం ఏమిటి? దాని అర్థం ఏమిటనగా మన పాత ఐక్యతతో మన పాత గ్రంథము వెళ్ళిపోయినది, అది బదిలీ చేయబడినది. అది ఇప్పుడు దేవునియొక్క “క్రొత్త గ్రంథములో” ఉన్నది; జీవ గ్రంథములో కాదు… కాదు, కాదు, కాదు… కానీ గొర్రెపిల్ల జీవ గ్రంథములో ఉన్నది. గొర్రెపిల్ల విమోచించినదైయున్నది. అది మనయొక్క నిజమైన నిత్యమైన కణము పట్టు తీసుకునేటటువంటి మనయొక్క వివాహ ధృవీకరణ పత్రమైయున్నది.
మీరు సిద్ధంగా ఉన్నారా? ఇదిగో విషయం వస్తున్నది. మీరు మిమ్మల్ని మీరు గిచ్చుకొని మరియు అరచి మరియు మహిమా, హల్లెలూయ, ప్రభువునకు స్తోత్రం అని కేకలు వేయడానికి సిద్ధపరచుకోవడం మంచిది, ఇది రెండు గొట్టములు కలిగి మరియు పరలోక సంబంధమైనవాటితో నింపబడియున్నది.
“నా పొరపాట్లు, నా వైఫల్యములన్నిటితో నిండియున్న నా పాత గ్రంథము అని నీవు నాకు చెప్పాలనుకుంటున్నావా…”
దేవుడు దానిని తనయొక్క మరచిపోవుట అనే సముద్రములో పడవేశాడు, మరియు మీరు క్షమించబడటం మాత్రమే కాదు గాని, మీరు నీతిమంతులుగా తీర్చబడ్డారు…మహిమ! “నీతిమంతులుగా తీర్చబడ్డారు.”
మరియు దాని అర్థం ఏమిటి? మీరు దేవుని దృష్టిలో దానిని ఎన్నడూ చేయలేదు అని దాని అర్థము. మీరు దేవునియెదుట పరిపూర్ణులుగా నిలబడతారు. మహిమ! వాక్యమైయున్న, యేసు, మీ స్థానమును తీసుకున్నాడు. ఒక మురికి పాపియైన మీరు, వాక్యమైయున్న, ఆయనవలె మారునట్లు, ఆయన మీవలె మారాడు. మనము వాక్యమైయున్నాము.
అదియే మనలను ఆదినుండే నిర్ణయించబడిన ఆయనయొక్క చిన్న కణముగా చేస్తుంది. మనము వాక్యము మీద వాక్యము, మీద వాక్యము, మీద వాక్యము, మీద వాక్యము వచ్చుటయైయున్నాము, మరియు ఆయనయొక్క వధువుగా ఉండుటకై, ఆయన వచ్చి మనల్ని తీసుకొనుటకు క్రీస్తుయొక్క సంపూర్ణ స్వరూపములోనికి వచ్చుచున్నాము.
ఇప్పుడు ఏమి జరుగుచున్నది?
ఇది ప్రపంచమంతటినుండి, వాక్యము చుట్టు కూడివచ్చుచున్న క్రీస్తు వధువుయొక్క అదృశ్యమైన ఐక్యతయైయున్నది.
ఇది దేశవ్యాప్తంగా అంతటా వెళ్తుంది. న్యూ యార్క్ లో, ఇప్పుడు పదకొండు ఇరువై-ఐదు నిమిషములవుతుంది. ఆ పైన ఫిలదెల్ఫియలో మరియు ఆ చుట్టుప్రక్కల, అంతటా సంఘములలో, ఆ ప్రియమైన పరిశుద్ధులు అక్కడ కూర్చొని, సరిగ్గా ఇప్పుడు, వింటున్నారు. ఆ పైన, దిగువున మెక్సికో చుట్టు, ఆ పైన కెనెడాలో మరియు చుట్టూ, అంతటా వింటున్నారు. ఇక్కడ ఉత్తర అమెరికా ఖండములో, దాదాపు, రెండువందల మైళ్ళలో ఎక్కడైనా, ప్రజలు సరిగ్గా ఇప్పుడు, దానిని వింటున్నారు. వేలకు వేలమంది, వింటున్నారు.
మరియు మీకు, అనగా సంఘమునకు, ఒక ఐక్యత అయ్యున్న మీకు, వాక్యము ద్వారాయైన ఆత్మసంబంధమైన ఐక్యతయైయున్న మీకు, అదియే నా వర్తమానము,
అది క్రీస్తు మరియు ఆయన సంఘముయొక్క ఆత్మసంబంధమైన ఐక్యత అయ్యున్నదని ఆయన చెప్పాడు, మరియు అది సరిగ్గా ఇప్పుడు జరుగుచున్నది. శరీరము వాక్యమగుచున్నది, మరియు వాక్యము శరీరమగుచున్నది. మనము ప్రత్యక్షపరచబడ్డాము, మరియు నిర్ధారించబడ్డాము; సరిగ్గా బైబిలు గ్రంథము ఈ దినములో ఏమి జరుగుతుందని చెప్పినదో అదేయైయున్నది, మరియు అది ఇప్పుడు, దినదినము మనలో జరుగుచున్నది.
దేవుడు ఒక గుణవతియైన సంఘమును కలిగియుండబోవుచున్నాడు. ఆయనయొక్క నిజాయితీగల, విశ్వాసనీయురాలైన, వాక్య వధువైయున్నది. మన ప్రభువైన యేసుక్రీస్తుయొక్క ఎన్నుకోబడిన గౌరవప్రదమైన స్త్రీ మనమేయైయున్నాము.
అయ్యా, ఎంత వేళయైనది?
ప్రభువైన దేవునియొక్క వర్తమానము ఆయనయొక్క వధువును ఏకముగా సమకూర్చుటకు తగిన ప్రత్యక్షతను, ఈ అంత్య దినములలో మనము కలిగియున్నాము. వేరే ఏ కాలమునకైనా ఇది వాగ్దానము చేయబడలేదు. ఈ కాలమునకే ఇది వాగ్దానము చేయబడినది: మలాకీ 4, లూకా 17:30, పరిశుద్ధ యోహాను 14:12, యోవేలు 2:38. ఆ వాగ్దానములు సరిగ్గా బాప్తిస్మమిచ్చు యోహాను లేఖనములో తననుతాను గుర్తించుకున్నట్లుగానే ఉన్నవి.
ఈ లేఖనములను ఎవరు నెరవేర్చారు?
ఆయనయొక్క బలమైన ఏడవ దూతయైన, విలియమ్ మారియన్ బ్రెన్హామ్ గారు. ఆయన దానిని ఎల్లప్పుడూ నమూనా ప్రకారముగా చేసాడు. ఆయన ప్రతీసారి దానిని నమూనా ప్రకారమే చేసాడు. ఆయన మరలా మన దినములో కూడా దానిని చేస్తున్నాడు, ఈ చివరి దినములో ఆయనయొక్క ప్రవక్త ద్వారా ఆయనయొక్క గుణవతియైన వధువును బయటకు పిలచుచు సమకూర్చుచున్నాడు.
వధువు ఎంతో గొప్ప సమయమును కలిగియుంటుంది. ప్రతి కూడిక గొప్పగా మరియు మరింత గొప్పగా మరియు మాధుర్యముగా మరియు మరింత మాధుర్యముగా మారుతుంది. ఇటువంటి ఒక సమయము ఎన్నడూ లేదు. సందేహములన్నీ మాయమైపోయినవి.
మన దినమునకైన వాగ్దాన వాక్యము మాట్లాడి, మరియు మనము ఎవరమనేది మరియు మన దినములో ఏమి జరుగుతుంది అనేది మనకు చెప్పడాన్ని వినుచుండగా వచ్చి మాతో చేరండి. క్రీస్తు వధువుయొక్క అదృశ్య ఐక్యత 65-1125.
సహోదరుడు. జోసఫ్ బ్రెన్హామ్
లేఖనములు:
పరిశుద్ధ. మత్తయి 24:24
పరిశుద్ధ. లూకా 17:30 / 23:27-31
పరిశుద్ధ యోహాను 14:12
అపొస్తలుల కార్యములు 2:38
రోమా 5:1 / 7:1-6
2 తిమోతి 2:14
1 యోహాను 2:15
ఆదికాండము 4:16-17 / 25-26
దానియేలు 5:12
యోవేలు 2:28
మలాకీ 4
గుమిగూడుతున్న ప్రియమైన వధువా,
ఇప్పుడు దేవుడెల్లప్పుడూ తన మార్గదర్శులను పంపించాడు, కాలములన్నిటిలోను, ఆయన ఒక మార్గదర్శి లేకుండా ఎన్నడూ లేడు. అన్ని కాలములలోను, ఈ భూమి మీద తనకు ప్రాతినిధ్యం వహించినట్టి ఎవరో ఒకరిని దేవుడు ఎల్లప్పుడూ కలిగియున్నాడు.
మనం మన అవగాహన మీద గానీ లేదా ఎటువంటి మానవ-కల్పిత ఆలోచనల మీద గానీ ఆధారపడాలని దేవుడు కోరడంలేదు. అందునుబట్టియే ఆయన తన వధువు కొరకు ఒక మార్గదర్శిని పంపిస్తాడు; ఏలయనగా అతడు ఎలా వెళ్ళాలి మరియు ఏమి చేయాలి అనే అవగాహనను కలిగియుంటాడు. దేవుడు తన ప్రణాళికను ఎన్నడూ మార్చుకోలేదు. ఆయన తన ప్రజల వద్దకు ఒక మార్గదర్శిని పంపడంలో ఎన్నడూ విఫలమవ్వలేదు, అయితే మీరు ఆ మార్గదర్శిని స్వీకరించవలసియున్నారు.
ఆయన తన మార్గదర్శి ద్వారా చెప్పే ప్రతీ మాటను మీరు నమ్మవలసియున్నారు. ఆయనయొక్క మార్గదర్శి వెళ్ళమని చెప్పే దారిలో మీరు వెళ్ళవలసియున్నారు. మీకు మార్గదర్శిగా మీరు ఇతర స్వరములను వింటూ మరియు నమ్ముతూ ఉన్నట్లైతే, మీరు కేవలం తప్పిపోబోవుచున్నారు.
ఆయన మనతో చెప్పడానికి మరియు మనకు బయలుపరచడానికి ఆయన అనేక సంగతులను కలిగియున్నాడని, తద్వారా మనకు మార్గదర్శకత్వము చేయడానికి మరియు మనకు చెప్పడానికి ఆయన తన పరిశుద్ధాత్మను పంపుతాడని, పరిశుద్ధ. యోహాను 16 చెప్పుచున్నది. ప్రతీ కాలమునకు పరిశుద్ధాత్మయే ప్రవక్తయైన మార్గదర్శియని ఆయన చెప్పాడు. తద్వారా, ఆయనయొక్క వధువును నడిపించుటకై పరిశుద్ధాత్మకు ప్రతినిధులుగా ఉండటానికి ఆయనయొక్క ప్రవక్తలు పంపబడినారు.
ఏదో ఒక గుంపు వ్యక్తులను కాదు గానీ, సంఘమును నడిపించడానికి పరిశుద్ధాత్మ పంపబడ్డాడు. పరిశుద్ధాత్మయే సమస్త-జ్ఞానమైయున్నాడు. మనుష్యులు బిగుసుకుపోయిన వారిగాను, నిర్లక్ష్యవైఖరి గలవారిగాను మారతారు.
విషయం మనిషి కాదు గానీ, ఆ మనిషి లోపల ఉన్న పరిశుద్ధాత్మయే. తనకు ప్రాతినిథ్యం వహిస్తూ మరియు మనయొక్క పరలోక మార్గదర్శిచేత నడిపించబడుతూ భూమి మీద మనకు మార్గదర్శిగా ఉండుటకు ఆయన ఎన్నుకున్న మనిషియైయున్నాడు. మనం ఆ మార్గదర్శిని వెంబడించాలని వాక్యము మనకు చెప్తున్నది. మనం ఏమి తలంచినప్పటికినీ, ఏది హేతుబద్ధంగా అనిపించినప్పటికినీ, లేదా ఇతరులు ఏమీ చెప్పినప్పటికినీ, దానిని ఉపదేశించుటకు మనము బాధ్యులము కాము, మార్గదర్శి మాత్రమే దానిని చేస్తాడు.
దేవుడు ఒక మార్గదర్శిని పంపిస్తాడు, మరియు అతడు ఆయనచేత నియమింపబడిన మార్గదర్శి అనే విషయమును మీరు గుర్తుంచుకోవాలని దేవుడు కోరుతున్నాడు.
ఆయనయొక్క వాక్యమును పలుకడానికి మన ప్రవక్తయైన మార్గదర్శి దేవునిచేత నియమించబడ్డాడు. ఆయన మాట దేవుని మాటయైయున్నది. ప్రవక్తయైన మార్గదర్శి, మరి అతడు మాత్రమే, వాక్యముయొక్క దైవీకమైన అనువాదమును కలిగియున్నాడు. దేవుడు ఆయనయొక్క వాక్యమును నేరుగా అతనితో మాట్లాడినాడు. అందునుబట్టి, మీ మార్గదర్శియొక్క మాటతో మీరెన్నడూ వివాదించలేరు, దానిని మార్చలేరు, లేదా హేతువాదము చేయలేరు.
మీరు ఆయనను, మరియు ఆయనను మాత్రమే వెంబడించవలసియున్నారు. మీరు వెంబడించకపోతే, మీరు తప్పిపోతారు. గుర్తుంచుకోండి, మీరు అతడిని, అనగా దేవుడు నియమించిన మార్గదర్శిని విడిచిపెట్టినప్పుడు, మీరు మీయంతట మీరే వెళ్తున్నారు, కావున మనము ఆయన ఎన్నుకున్న మార్గదర్శికి దగ్గరగా ఉండి, మరియు ఆయన అతనిగుండా చెప్పే ప్రతీ మాటను విని మరియు దానికి విధేయులమవ్వగోరుతున్నాము.
పాత నిబంధన క్రొత్త నిబంధనకు ఛాయ అయ్యున్నదని మన మార్గదర్శి మనకు బోధించినాడు.
నిర్గమకాండము 13:21 లో, ఇశ్రాయేలు వాగ్దాన దేశము కొరకు ఐగుప్తు నుండి బయలుదేరినప్పుడు, వారు ఇదివరకెన్నడూ ఆ మార్గముగుండా ప్రయాణించలేదని దేవుడు ఎరిగియున్నాడు. అది నలభై మైళ్ళ దూరం మాత్రమే ఉన్నది, కానీ అయినను వారితో వెళ్ళడానికి వారికి ఒకటి అవసరమైనది. వారు మార్గమును తప్పిపోతారు. కావున, ఆయన, అనగా దేవుడు, వారికి ఒక మార్గదర్శిని పంపించాడు. నిర్గమకాండము 13:21, ఈ విధంగా ఉంటుంది, “మిమ్మల్ని మార్గములో ఉంచడానికి, నేను మీకు ముందు నా దూతను, అగ్నిస్థంభమును పంపిస్తున్నాను,” వారిని ఈ వాగ్దాన దేశమునకు నడిపించడానికైయున్నది. మరియు ఇశ్రాయేలీయులు ఆ మార్గదర్శిని, (రాత్రివేళ) అగ్నిస్తంభమును, పగటివేళ మేఘస్తంభమును వెంబడించారు. అది ఆగినప్పుడు, వారు ఆగిపోయారు. అది ప్రయాణమైనప్పుడు, వారు ప్రయాణమయ్యారు. మరియు ఆయన వారిని దేశమునకు సమీపముగా తీసుకొనివచ్చినప్పుడు, మరియు వెళ్ళడానికి వారు తగిన స్థితిలో లేనప్పుడు, ఆయన వారిని మరలా తిరిగి అరణ్యములోనికి నడిపించాడు.
అది ఈనాడు సంఘమని ఆయన చెప్పాడు. మనము కేవలం మనల్ని మనం సరిచేసుకొని మరియు క్రమపరచుకున్నట్లైతే మనము ఈపాటికి వెళ్ళియుండేవారము, అయితే ఆయన మనల్ని చుట్టూరా తిప్పి నడిపించాల్సివస్తుంది.
వారియొక్క మార్గదర్శి అగ్నిస్తంభమును వెంబడించి మరియు దానినుండి వినినట్లే వారు కూడా కేవలం అతడిని వెంబడించవలసియున్నారు. దేవుడు చెప్పినదానినే అతడు వారికి చెప్పాడు మరియు అతడు చెప్పిన ప్రతీ మాటకు వారు విధేయులవ్వవలసి యున్నారు. ఆయన మార్గదర్శియొక్క స్వరమైయున్నాడు. కానీ వారు దేవుడు నియమించిన మార్గదర్శిని ప్రశ్నించి మరియు అతనితో వాదించారు, తద్వారా వారు 40 సంవత్సరాలు అరణ్యములోనే తిరుగులాడారు.
మోషే దినములలో ఎంతో మంది సేవకులున్నారు. మోషే ఒక్కడే మొత్తం చేయలేడు గనుక, ప్రజలకు సహాయము చేయడానికి దేవుడు వారిని నియమించాడు. అయితే మోషే ఏమీ చెప్పాడో ప్రజలకు తిరిగి దానిని చూపించడమే వారి పనైయున్నది. ఆ మనుష్యులు పలికిన దేనిని కూడా బైబిలు గ్రంథము చెప్పడంలేదు, మోషే పలికినది ప్రజలను నడిపించుట కొరకైన వాక్యమయ్యున్నదని మాత్రమే అది చెప్తుంది.
దేవుడు మోషేను రంగము మీద నుండి తీసివేసినప్పుడు, ప్రజలను నడిపించడానికి యెహోషువా అభిషేకించబడినాడు, అది ఈనాడు పరిశుద్ధాత్మను సూచిస్తుంది. యెహోషువ క్రొత్తది ఏమీయు బోధించలేదు, లేదా అతడు మోషే స్థానమును తీసుకోవడానికైనా ప్రయత్నించలేదు, లేదా అతడు మార్గదర్శి చెప్పినదానిని అనువదించడానికైనా ప్రయత్నించలేదు; అతడు కేవలం మోషే చెప్పినదానిని చదివి మరియు ప్రజలకు, “వాక్యముతో నిలిచియుండండి. మోషే చెప్పినదానితో నిలిచియుండండి,” అని చెప్పాడు. అతడు మోషే చెప్పినదానిని మాత్రమే చదివాడు.
ఈ రోజుకు అది ఎటువంటి ఒక పరిపూర్ణమైన మాదిరిగా ఉన్నది కదా. దేవుడు ఒక అగ్నిస్తంభము చేత మోషేని నిర్ధారించాడు. మన ప్రవక్త కూడా అదే అగ్నిస్తంభము చేత నిర్ధారించబడ్డాడు. మోషే పలికిన మాటలు దేవునియొక్క వాక్యమైయున్నది మరియు అది మందసములో పెట్టబడినది. మన దినములో దేవునియొక్క ప్రవక్త పలికాడు మరియు అది టేపులో పెట్టబడినది.
మోషే రంగము మీదనుండి తీసివేయబడినప్పుడు, మోషే పలికిన మాటలను వారి యెదుట ఉంచుట ద్వారా ప్రజలను నడిపించడానికి యెహోషువ నియమించబడ్డాడు. దేవునియొక్క మార్గదర్శి పలికిన ప్రతీ మాటను నమ్మి మరియు దానితో నిలిచియుండమని అతడు వారికి చెప్పాడు.
యెహోషువా ఎల్లప్పుడూ మోషే వ్రాసినదానిని గ్రంథపు చుట్టలలో నుండి ఉన్నది ఉన్నట్లుగా చదివాడు. అతడు ఎల్లప్పుడూ వాక్యమునే వారి యెదుట ఉంచాడు. మన దినము కొరకైన వాక్యము వ్రాయబడలేదు, కానీ పరిశుద్ధాత్మ ఆయనయొక్క వధువును, ప్లేను నొక్కడం ద్వారా ఆయన పలికినదానిని ఉన్నది ఉన్నట్లుగా వినులాగున చేయగలుగుటకు అది రికార్డు చేయబడినది.
దేవుడు ఎన్నడూ తన ప్రణాళికను మార్చుకోడు. ఆయనే మన మార్గదర్శియైయున్నాడు. ఆయన స్వరమే ఈనాడు ఆయనయొక్క వధువుకు మార్గదర్శకత్వము చేస్తూ మరియు ఆమెను ఐక్యపరచుచున్నది. మన మార్గదర్శియొక్క స్వరము అగ్నిస్తంభము ద్వారా మనల్ని నడిపిస్తుండగా మనము దానిని మాత్రమే వినగోరుతున్నాము. ఇది క్రీస్తు వధువుయొక్క అదృశ్యమైన ఐక్యతయైయున్నది. మనము ఆయన స్వరమును ఎరిగియున్నాము.
మన మార్గదర్శి ప్రసంగవేదిక మీదకు వచ్చినప్పుడు, పరిశుద్ధాత్మ అతడిని తాకుతాడు మరప్పుడు అది ఇక ఎంతమాత్రము అతడు కాదు గాని, అది మన మార్గదర్శియైయున్నాడు. అతడు తన తలను పైకెత్తి మరియు ఇట్లు కేక వేస్తాడు, “యెహోవా ఈలాగు సెలవిచ్చుచున్నాడు, యెహోవా ఈలాగు సెలవిచ్చుచున్నాడు, యెహోవా ఈలాగు సెలవిచ్చుచున్నాడు!” మరియు ప్రపంచవ్యాప్తంగానున్న క్రీస్తుయొక్క వధువు నేరుగా అతనియొద్దకు వస్తుంది. ఎందుకని? ఆయన మాట్లాడేదానిని బట్టి మనము మన నాయకుణ్ణి ఎరిగియున్నాము.
మన మార్గదర్శి = వాక్యము
వాక్యము = ప్రవక్త యొద్దకు వస్తుంది
ప్రవక్త = దేవునియొక్క ఏకైక దైవీకమైన అనువాదకుడు; భూమి మీదనున్న ఆయనయొక్క మార్గదర్శి.
వాక్యము వెనుక నిలిచియుండండి! ఓ, అవును, అయ్యా! ఆ మార్గదర్శితో నిలిచియుండండి. సరిగ్గా దాని వెనుకనే నిలిచియుండండి. దాని ముందుకు రాకండి, మీరు దాని వెనుక నిలిచియుండండి. మీరు దానిని నడిపించకండి, దానినే మిమ్మల్ని నడిపించుటకు అనుమతించండి. దానిని ముందు వెళ్ళనివ్వండి.
మీరు తప్పిపోకూడదనుకుంటే, ఈ ఆదివారము జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, మన మార్గదర్శి భూమి మీద నియమించబడిన ఆయనయొక్క మార్గదర్శి ద్వారా మాట్లాడుతుండగా వచ్చి ఆయన చెప్పేదానిని వినండి.
సహోదరుడు. జోసఫ్ బ్రెన్హామ్
వర్తమానము:
62-1014E — ఒక మార్గదర్శి
లేఖనములు:
పరిశుద్ధ. మార్కు 16:15-18
పరిశుద్ధ. యోహాను 1:1 / 16:7-15
అపొస్తలులు కార్యములు 2:38
ఎఫెసీ 4:11-13 / 4:30
హెబ్రీ 4:12
2 పేతురు 1:21
నిర్గమకాండము 13:21