ప్రియమైన అతీతమైన రాజ సంతానమా,

మనం ఎంతో ఆసక్తితో వేచియుండి మరియు ఎంతోకాలంగా ఎదురుచూసిన సమయం వచ్చియున్నది. మనం చేరుకున్నాము. అది మన కన్నులయెదుట విప్పబడటాన్ని మనం చూస్తున్నాము. అనుదినము ప్రవచనము నెరవేర్చబడుచున్నది, మరియు మనము ఇట్లు చెప్పగలము: ఈ దినము ఈ లేఖనము మన కన్నులయెదుట నెరవేరినది.

వధువులో ప్రత్యక్షత వలన ఎటువంటి ఒక ఉత్తేజము కలుగుచున్నది కదా. మనము వింటున్న ప్రతీ వర్తమానముతో, మన హృదయాలలో మరియు అంతరాత్మలలో ఇట్లు అనుభూతి చెందుతున్నాము, “ప్రభువా, ఇది ఇక ఇంతకంటే గొప్పదిగా మరియు ఇంతకంటే అద్భుతంగా మారడం అసలు సాధ్యమా?” అప్పుడు ఆయన మరొకసారి మన మధ్యకు వచ్చి మరియు మనం ఆయనయొక్క స్వరము మనల్ని పిలిచి మరియు, “నీవు నా ప్రియురాలవు. నా వధువుగా ఉండుటకు నేను నిన్ను ఎన్నుకున్నాను. నేను నీకు వాగ్దానము చేసినట్లుగా, నేను నీ కొరకు వస్తున్నాను. నేను దారిలో ఉన్నాను. త్వరలో మనము కలుసుకొని ఇక నిత్యమూ కలిసేయుంటాము,” అని చెప్పడాన్ని మనము వింటుండగా మనల్ని అభిషేకిస్తాడు.

ప్రపంచవ్యాప్తంగా మనము కేకలు వేస్తున్నాము, మన హల్లెలూయలతో, మహిమలతో, స్తుతులతో, మరియు ఆయనకు చేసే ఆరాధనతో పరలోకాన్ని ముంచెత్తుతున్నాము. సాతానుడు ఓడించబడ్డాడు. తండ్రి మన సందేహములన్నిటినీ, మన అనిశ్చయతలన్నిటినీ, ఊహాగానములన్నిటినీ తొలగించినాడు. కాబట్టి మనమే అబ్రాహాముయొక్క అతీతమైన రాజ సంతానమని, మన పూర్ణహృదయము మరియు అంతరాత్మతో మనము ప్రకటించగలము. వాగ్దానము చేయబడిన రాజ కుమారునికి ఒక రాజ వధువైయున్నాము.

ముందెన్నడూ లేనివిధంగా ఆయన తన వాక్యమును బయలుపరుస్తుండగా దేవునియొక్క సన్నిధి ఎంతో అద్భుతంగా ఉన్నది. ఆయన తన వాక్యముచేత ఆయనయొక్క వధువును ఐక్యము చేశాడు, మరియు మనల్ని ఏకమనస్సు మరియు ఏకాత్మగల వారిగా ఒక్కటిగా ఉంచి, దేవునియొక్క స్వరము మాట్లాడుటను వినుచుండగా మనల్ని తన వాక్యముచేత పరిపూర్ణులుగా చేస్తున్నాడు.

మనము వింటున్న ప్రతీ వర్తమానము మన అంతరాత్మలో పొంగిపొర్లుతున్న ఒక బుగ్గబావి వలె ఉన్నది; అది దేవునియొక్క సింహాసనము నుండి తాజాగా ఉబుకుతూ, జోరుగా ప్రవహిస్తూ, మరియు ఉరకలు వేస్తూ ఉన్నది. మనము ఎడతెగక దానిని త్రాగుతూ, మన అంతరాత్మలను నూతనపరచుకుంటున్నాము.

నా సహోదరులారా మరియు సహోదరీలారా, ఆయన ఒక కన్యకయైన వాక్య వధువును కలిగియుంటాడని చెప్తున్న లేఖనములకు నెరవేర్పు మనమే అయ్యున్నాము. మనము: ఈ దినము ఈ లేఖనము నెరవేరినది అయ్యున్నాము.

స్వయంగా దేవుడే పరలోకమునుండి తన ఏడవ దూతతో మాట్లాడి మరియు ఇట్లు చెప్పాడు, “క్రీస్తుయొక్క మొదటి రాకడను పరిచయం చేయడానికి బాప్తిస్మమిచ్చు యోహాను పంపబడినట్లే, నీ వర్తమానము ప్రపంచమంతటికీ, ఆయనయొక్క రెండవ రాకడను పరిచయం చేస్తుంది.” వధువు ఇట్లు చెప్పగలదు: ఈ దినము ఈ లేఖనము నెరవేరినది.

సాక్షాత్తు దేవునియొక్క స్వరమే మన దినములో మానవ పెదవుల ద్వారా పలుకబడి, రికార్డు చేయబడి, భద్రపరచబడి, మరియు ఆయన మనలో ప్రతియొక్కరితో యెహోవా ఈలాగు సెలవిచ్చుచున్నాడును పలుకగలుగునట్లు అది నిలువ చేపించబడినది అన్న విషయమును మనము అసలు గ్రహించగలమా? మనము ఎవరి మాటను, ఎవరి తలంపులను, ఎవరి ఆలోచనలను తీసుకోవాల్సిన అవసరం లేకుండా, కేవలం కూర్చొని మరియు ఆయన స్వరము నేరుగా మనతో ఆయనయొక్క స్వచ్ఛమైన వాక్యమును మాట్లాడుటను వినడం సాధ్యపడేలా ఆయన చేశాడు.

ఈనాడు ఏమి జరుగుచున్నది?

“టేపులను ప్లే చేయడమనేది దేవుడు తన వధువు కొరకు ఏర్పాటుచేసిన మార్గమైయున్నది”: అని చెప్పడం ద్వారా మరియు నమ్మడం ద్వారా మనము దేవునియొక్క పరిపూర్ణమైన చిత్తములో ఉన్నామా?

టేపులు వినడంకంటే గొప్పది ఏదైనా ఉన్నదా?

కాబట్టి టేపులలో మనతో మాట్లాడుచున్నది ఎవరు?

ప్లే ను నొక్కడం ఎంత ప్రాముఖ్యము?

వధువు మరొకసారి ఏకమై మరియు దేవుడు మనల్ని ప్రోత్సహించుటను మరియు మనము ఆయనయొక్క ఎన్నుకోబడినవారమని, మరియు మనల్ని మన గొప్ప వివాహ విందునకు, పిదప మన భవిషత్తు గృహమునకు తీసుకెళ్ళడానికి ఆయన త్వరలో వస్తున్నాడని చెప్తూ మనకు భరోసా ఇవ్వడాన్ని వినుచుండగా, గడిచిన వారములోని మన హల్లెలూయలు మరియు ప్రభువును స్తుతించడము కేవలం ఈ ఆదివారము ఏమి జరుగబోతున్నదో దానికి ఒక సిద్ధపాటుయైయున్నది.

ఇది యెహోవా ఏర్పాటుచేసిన దినము; దీనియందు మనము ఉత్సహించి సంతోషించెదము.

సహోదరుడు. జోసఫ్ బ్రెన్హామ్

 

వర్తమానము: 65-0219 - "ఈ దినము ఈ లేఖనము నెరవేరినది"

 

లేఖనములు:

పరిశుద్ధ. యోహాను 16వ అధ్యాయము
యెషయా 61:1-2
పరిశుద్ధ. లూకా 4:16

 

 

దయచేసి ఈ వారము జఫర్సన్విల్ లో సమయ మార్పు గురించి మర్చిపోకండి.

 

 

ప్రియమైన కన్య వాక్య వధువా,

ఈ ఉదయము నేను ఇక్కడ కూర్చొని, ఆదివారము వధువు వినబోయే ఈ వర్తమానము వింటూ, చదువుతూ మరియు అధ్యయనము చేస్తుండగా, మహత్తరమైన అభిషేకమును నేను అనుభూతి చెందుతున్నాను. నా సమస్తము అభిషేకించబడినది. ప్రపంచమంతటి నుండి మనమందరమూ ఇదే అభిషేకముతో కూడివస్తామని ఎరిగియుండి, నా హృదయము అత్యానందముతో ఉబుకుచున్నది. ఆయన మనలో ప్రతి ఒక్కరితో మాట్లాడి మరియు ఆయనయొక్క వాక్యమును బయలుపరుస్తుండగా, ఒకే సమయములో, మనమందరమూ సంతోషిస్తూ మరియు ప్రభువును స్తుతిస్తూ ఉంటాము.

అభిషేకము ఎంత గొప్పగా ఉంటుందంటే, మనము మన స్తుతులతో మరియు ఆరాధనతో పరలోకమును ముంచెత్తుతుండగా, ప్రపంచమంతటా ఒకే సమయములో, “హల్లెలూయా, ఆమేన్, ప్రభువు నామమునకు స్తుతి కలుగునుగాక” అని అరవడము మరియు కేకలువేయడము ఉంటుంది.

ఏమి జరుగుతుంది? దేవుడు ఆయనయొక్క వధువును ఐక్యపరుస్తూ మరియు ఆమెతో మాట్లాడుతూ ఉంటాడు. ఆయన తననుతాను బయలుపరచుకుంటూ మరియు తననుతాను మనకు ప్రత్యక్షపరచుకొనుచుండగా మనము ఒక్కటైయుంటాము, ఏక మనస్సుతోను మరియు ఏక ఆత్మతోను ఉంటాము.

మీరు వెళ్ళగల మరే గొప్ప స్థలము లేదు, మీరు వినగల మరే గొప్ప స్వరము లేదు; టేపులలో దేవునియొక్క స్వరము నేరుగా మీతో మాట్లాడటం కాకుండా మరే గొప్ప అభిషేకము లేదు.

దేవుడు ఆదినుండి ఆయనయొక్క వాక్యమును కనిపెట్టుకొనియున్నాడు మరియు తన పిల్లలందరూ వెళ్ళి ఆయన మాట్లాడటాన్ని మరియు ఆయన తన స్వంత వాక్యమును అనువదించడాన్ని వినగలుగునట్టి ఒక స్థలమును ఏర్పాటుచేశాడు. అది ఎటువంటి అంచనాలు, ఎటువంటి ఆశించడాలు, ఎటువంటి ఆలోచించడాలు లేనట్టి ఒక స్థలమైయున్నది; అది యెహోవా ఈలాగు సెలవిచ్చుచున్నాడును వినుటకు దేవుడు ఏర్పాటుచేసిన స్థలమైయున్నది.

అది మీకు బయలుపరచబడినప్పుడు, అది మీ హృదయములో మరియు మీ అంతరాత్మలో ఆన్ చేయబడినట్టి ఒక గొప్ప వెలుగుగా ఉన్నది…మీరు ఇట్లు కేకవేస్తారు, “విషయం ఇదే. నేను దానిని చూస్తున్నాను. నేను వాక్యముతో ఒక్కటైయున్నాను. నేనే వాక్యమైయున్నాను. నేను వధువైయున్నాను. నేను చేరుకున్నాను.”

వాక్యమును వినడానికి మనము కూడివస్తుండగా, మన చింతలన్నీ, మన ఒత్తిడిలన్నీ, మన సమస్యలన్నీ, మటుమాయమైపోతాయి. మనము చింతించడానికి ఏదియు లేదని; మనము ఆయనయొక్క వధువైయున్నామని మనము గుర్తిస్తూండగా మనము సంతోషిస్తాము. ఆయన మనతో మాత్రమే కాదు గానీ, ఆయన మనలో ఉన్నాడు. మనము విత్తనపు వాక్య వధువైయున్నాము. సమస్తమూ సరిగ్గా ఉన్నది. ఆయన సమయము ఖచ్చితమైనది. మనము పరిపూర్ణులమైయున్నాము.

మనము ఆయనయొక్క కన్యక-జన్మ ద్వారాయైన శరీరధారియైన వాక్యమైయున్నామని చెప్పుటకు మనము ఎంతో తృప్తిచెందియున్నాము మరియు కృతజ్ఞులమైయున్నాము; నిన్నా, నేడు, మరియు నిరంతరము ఒక్కటేరీతిగా ఉన్న యేసుక్రీస్తు, మనలో జీవిస్తూ నివసిస్తున్నాడు. హల్లెలూయా!

మనము ఒక్క మాట విషయంలో కూడా రాజీపడలేము. మనము టేపులలో ఉన్న దేవునియొక్క స్వరమును వినవలసియున్నాము.

వధువా సిద్ధపడుము, ఈ ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, మనము: 65-0218 విత్తనము తొక్కతో వారసత్వము పొందదు అనుదానిని వినుచుండగా, అత్యంత గొప్ప అభిషేకము క్రింద కూర్చొని, ఆ తాజా మన్నాను భుజిస్తాము.

ఈ దినమునకు దేవుడు ఏర్పాటు చేసిన పరిపూర్ణమైన మార్గముపై విందునారగించుటకు ప్రపంచమంతటినుండి వధువును మేము ఆహ్వానిస్తున్నాము. అదియే వధువు ప్రతీ మాటకు ఆమేన్ చెప్పగల ఏకైక స్థలమైయున్నది. ప్లే ను నొక్కి మరియు వాక్యమును వినుచు మరియు దానిని స్వీకరించడం ద్వారా అక్కడ పరిశుద్ధాత్మయొక్క సర్వోన్నతమైన అభిషేకము మాట్లాడి మరియు ఆయన వధువును పరిపూర్ణము చేస్తుంది.

సహోదరుడు. జోసఫ్ బ్రెన్హామ్

 

లేఖనములు:

పరిశుద్ధ. మత్తయి 24:24
పరిశుద్ధ. లూకా 17:30
పరిశుద్ధ. యోహాను 5:24 / 14:12
రోమా 8:1
గలతి 4: 27-31
హెబ్రీ 13:8
1 యోహాను 5:7
ప్రకటన 10
మలాకీ 4

 

 

ప్రియమైన గొర్రెపిల్లలారా,

“మనము దేవుని గొర్రెలమైయున్నాము, మనల్ని బయటకు పిలిచి మరియు మనల్ని ఆయనయొక్క భద్రము-చేయబడి మరియు దాచబడిన మన్నాతో పోషించడానికి ఆయన తన ఏడవ దూత వర్తమానికుడిని పంపించాడు,” అని చెప్పడానికి అది ఎంత గౌరవప్రదముగా మరియు ఎటువంటి భాగ్యముగా ఉన్నది కదా.

ఈ వర్తమానము ఆయనయొక్క వధువును పరిపూర్ణము చేయడానికి పంపబడిన దేవునియొక్క స్వరమైయున్నదని మనము సంపూర్ణముగా తృప్తిపరచబడి మరియు దానిని నమ్ముతున్నాము. గోధుమ నుండి పొట్టు వేరైపోతున్నదని మనము నమ్ముతున్నాము, మరియు ఇప్పుడు ఆయనయొక్క వధువు పరిపక్వము చెందడానికి కుమారునియొక్క సన్నిధిలో పడియుండి, ప్లే ను నొక్కుచున్నది.

ప్లే ను నొక్కి మరియు దేవునియొక్క నిర్ధారించబడిన స్వరము మాట్లాడుటను వినడమే మీరు వినవలసిన అత్యంత ముఖ్యమైన స్వరమైయున్నదని నమ్మని ఎవరైనా, అతడు దేవుని సన్నిధినుండి పారిపోవుచున్న వ్యక్తియైయున్నాడు.

ఈ దినమునకు ఈ కొటేషన్ ఎంత సత్యమైనదిగా మరియు ఎంత ప్రాముఖ్యమైనదిగా ఉన్నది కదా. దేవునిచేత బయటకు పిలువబడినవారిలో ఎంతో విభజన ఉన్నది. దేవునియొక్క స్వరమును వినడానికి సంఘములో టేపులను ప్లే చేయడం అవసరమైయున్నదా, లేదా ఇప్పుడు సేవకులు వాక్యోపదేశము చేయడం అవసరమైయున్నదా?

వాక్యమును ప్రజల ఎదుట ఉంచడానికి దేవుడు పిలిచి మరియు పరిచర్యను ఇక్కడ ఉంచాడు. వారు కాపరులైయున్నారు. వాక్యము దీనిని బోధిస్తున్నది. దేవుడు పిలిచి మరియు నియమించిన పురుషులుగా వారు గౌరవించబడి మరియు సత్కరించబడవలసి యున్నారు.

వారు వధువు కాదని, మనము ఎన్నడూ చెప్పలేము, మరియు అలా చెప్పకూడదు కూడా. అది తప్పైయున్నది మరియు అది ప్రవక్త మనకు నేర్పించినదానికి విరుద్ధమైయున్నది. ప్రజలు: “వారు వారి సంఘములలో టేపులను ప్లే చేయకపోతే, వారు వాక్య-విరోధులు” అని చెప్పడాన్ని నేను విన్నాను.” ఆ విధంగా మీరెన్నడూ అనకూడదు. మీరు తప్పుడు ఆత్మను కలిగియున్నారని అది నాకు చూపిస్తుంది.

ఇంకా ఇతరులు, “వారందరూ బ్రెన్హామ్ టెబర్నికల్ తో పాటు లైవ్ ప్రసారమును వినాలి లేదా వారు దేవుని చిత్తములో లేనట్లే” అని చెప్పారని నేను విన్నాను. మీరు ఆ విధంగా ఎన్నడూ అనకూడదు. ఎవరు వధువు మరియు ఎవరు వధువు కాదు అనేది దేవుడు మాత్రమే ఎరిగియున్నాడు. ఆ విధంగా మాట్లాడటం అది వధువు ఆత్మ కాదు.

బ్రెన్హామ్ టెబర్నికల్ తో లైవ్ ప్రసారమును వింటున్న కొందరు ప్రజలు కూడా, “మీరు టేపులు వినడానికి సంఘానికి వెళ్ళి మరియు మీ ఇంటి వద్ద లైవ్ ప్రసారమును విననట్లైతే మీరు తప్పైయున్నారు!” అని చెప్తున్నారు. సహోదరులారా మరియు సహోదరీలారా అది సరి కాదు. మీరు గనుక అలా చెప్తున్నట్లే, అలా చెప్పడం ఆపివేయండి, మీరు తప్పు చెప్తున్నారు. ప్రతియొక్కరు తాము ప్రభువుచేత ఎలా నడిపించబడుతున్నారని భావిస్తున్నారో అలాగే చేయవలసియున్నారు.

ప్రసంగించడమే ఈ దినమునకు దేవుడు ఏర్పాటుచేసిన మార్గమని అనేకమంది సేవకులు భావిస్తున్నారు. మనము కేవలం సంగతులను భిన్నముగా చూస్తున్నాము, అది పర్వాలేదు. సహోదరుడు బ్రెన్హామ్ గారు ఇటువంటిదానినే ఎన్నిసార్లు చెప్పారు? ఈ మధ్యనే ప్రశ్నలు మరియు జవాబులలో ఆయన చెప్పినది మనము విన్నాము, జాక్సన్ సహోదరుడు తప్పైయుండటం గురించి ప్రజలు మాట్లాడుతున్నప్పుడు, అతనికి గానీ అతని సంఘమునకు గానీ వ్యక్తిరేకముగా మాట్లాడినవారిని ఆయన ఖండించారు.

బ్రెన్హామ్ టెబర్నికల్ కు దేవుడు ఏర్పాటుచేసిన మార్గము ఏమిటని నేను నమ్ముతున్నానో కేవలం దానిని ఈ లేఖ విధానములో నేను బోధిస్తున్నాను. వారును మన సహోదరులు మరియు సహోదరీలైయున్నారు. వారు ప్రభువును మరియు ఈ వర్తమానమును ప్రేమిస్తారు. ప్రభువు వారిని ఆ విధంగా నడిపిస్తున్నాడని వారు భావిస్తున్నారు. ప్రభువునకు స్తుతి కలుగును గాక.

వారు దానిని ఒక విధంగా చూస్తున్నారు మరియు మనము దానిని మరొక విధంగా చూస్తున్నాము, అది పర్వాలేదు. వారు చూసే విధంగా నేను దానిని చూడలేను మరియు నేను చూసే విధంగా వారు దానిని చూడలేరు. నా విషయానికి వస్తే, దేవుడు ఏర్పాటుచేసిన అనేక మార్గములు ఉన్నాయి, కానీ పరిపూర్ణమైన మార్గము ఒకేఒక్కటి ఉన్నది, మరియు నాకైతే, అది ప్లే ను నొక్కడమేయైయున్నది.

ఇక్కడ నేను చెప్పేదానిని తప్పుగా అర్థంచేసుకోరని నేను ఆశపడుతున్నాను. చేతులుంచి మరియు ప్రజల కొరకు ప్రార్థించడమనేది 100% వాక్యప్రకారమైనదే. నూనెతో అభిషేకించి మరియు రోగుల కొరకు ప్రార్థించడమనేది లేఖనానుసారముగా దేవునియొక్క వాక్యమైయున్నది. ఆ రెండూ వాక్యమేయైయున్నవని సహోదరుడు బ్రెన్హామ్ గారు మనకు బోధించి నేర్పించారు. కానీ నాకైతే దేవుడు ఏర్పాటుచేసినట్టి ఆయనయొక్క పరిపూర్ణమైన మార్గము కావాలి….మరది కేవలం దేవుడు ఆలాగు చెప్పాడు గనుక దానిని నమ్మడమైయున్నది. నేను దానిని చేయడానికే ప్రయత్నిస్తున్నాను.

నేను 5-రకముల పరిచర్యను నమ్ముతాను. వాక్యమును బోధించడానికి మరియు ఉపదేశించడానికి మనుష్యులు దేవునిచేత పిలువబడటాన్ని నేను నమ్ముతాను. కానీ, టేపులలో ఉన్న దేవుని స్వరమును వినడమే నాకు దేవునియొక్క పరిపూర్ణమైన మార్గమైయున్నదని నేను నమ్ముతాను.

టేపులను వినడంలోయైతే, నాకు అవి అర్థమవ్వాల్సిన అవసరము కూడా లేదు, కేవలం నేను వినే ప్రతీ మాటను నమ్మవలసియున్నాను. ఎక్కడైతే నేను ప్రతీ మాటను నమ్మి మరియు నా నిత్యమైన గమ్యమును ఆధారము చేసుకోగలనో, అటువంటిది, టేపులు తప్ప ఏ వ్యక్తి, ఏ సేవకుడు, వేరే ఏ స్థలము లేదు.

కాలము ప్రారంభమైనది మొదలుకొని ఆయనయొక్క స్వరము నేరుగా తమతో మాట్లాడుటను స్వయంగా తామే వినే అవకాశమునైనా లేదా సామర్థ్యతనైనా దేవుడు తన ప్రజలకు ముందెన్నడూ ఇవ్వలేదు. టేపులలో ప్రతీ మర్మము బయలుపరచబడినది, టేపులలో ప్రతీ ప్రశ్నకు జవాబు ఇవ్వబడినది. వధువు పరిపూర్ణమవ్వడానికి అవసరమైయున్న ప్రతీది టేపులలో ఉన్నది.

టేపులలో పలుకబడిన ప్రతీ మాట దేవునియొక్క మాటయైయున్నది. దానంతటినీ నేను గ్రహించలేకపోవచ్చును లేదా వివరించలేకపోవచ్చును, అయితే నేను అలా చేయవలసిన అవసరము కూడా లేదు. నేను కేవలం ప్రతీ మాటకు ఆమేన్ చెప్పాలని ఆయన కోరుతున్నాడు, మరియు నేను అలా చేయగల ఏకైక చోటు టేపులలో మాత్రమేయైయున్నది.

మనము దేవునియొక్క పరిపూర్ణమైన చిత్తములో ఉన్నామని మరియు నీనెవెకి వెళ్ళే ఓడలో ఉన్నామని, నాలోని సమస్తముతో నేను నమ్ముతున్నాను. ఈ ఆదివారము జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, దేవుడు తన గొర్రెలతో మాట్లాడుటను మేము వినుచుండగా, ప్రపంచం వచ్చి మాతో కలిసి మా ఓడలో ప్రయాణము చేయాలని నేను కోరుతున్నాను.

సహోదరుడు. జోసఫ్ బ్రెన్హామ్

 

వర్తమానము: 65-0217 "ప్రభువు సన్నిధినుండి పారిపోవుచున్న ఒక మనుష్యుడు"

 

చదువవలసిన లేఖనములు:

యోనా 1:1-3
మలాకీ 4
పరిశుద్ధ. యోహాను 14:12
లూకా 17:30

 

 

ప్రియమైన రాజ కుటుంబమా,

ప్రభువు ఆయనయొక్క దూత ద్వారా మీతో మాట్లాడి మరియు, “ఎల్లప్పుడూ గుర్తుంచుకోండి, మీరు దేవుని పిల్లలైయున్నారు, రాజవంశపు రక్తముగల రాజ కుటుంబమైయున్నారు. ప్రపంచములో మీ రక్తము కంటే శ్రేష్ఠమైన రక్తము లేదు. మీరు నా పిల్లలైయున్నారు, ప్రపంచమంతటా వ్యాపించియున్నారు, నేను క్రీస్తునకు కనినవారైయున్నారు” అని చెప్పడాన్ని వినడానికి మీరు వెళ్ళగల ఒకే ఒక్క స్థలము ఉన్నది.

మనము దేవునియొక్క రాజ కుటుంబమైయున్నాము మన నరములలో రాజవంశపు రక్తము ప్రవహిస్తున్నది. దేవునియొక్క స్వరము తన బలమైన ప్రవక్తగుండా మాట్లాడుటచేత క్రీస్తునకు జన్మించిన పిల్లలమైయున్నాము. స్నేహితులారా ఇంతకంటే శ్రేష్ఠమైనది లేదు.

బ్రెన్హామ్ సహోదరుడా, ఎత్తబడుటలో ఉండటానికి వధువు జఫర్సన్విల్ కు గాని లేదా ఆరిజోనాకు గాని వెళ్ళవలసిన అవసరమున్నదా?

కావున భౌతికంగా, మనము ఒకే సమయములో ఒకే స్థలములో ఉండము. అయితే దేవునికి మహిమ, ఆయన తన వధువును సమకూర్చడానికి ఇంకా గొప్ప ప్రణాళికను కలిగియున్నాడు.

ఈ రోజు, ఆయన తన వధువును ఈ దేశము నుండి మాత్రమే కాదు గాని, ఆయన మనలను 7 ఖండాల నుండి సమకూర్చుచున్నాడు. ఆఫ్రికా మొదలుకొని అంటార్కిటికా నుండి సమకూర్చుచున్నాడు. ఉత్తర అమెరికా మరియు దక్షిణ అమెరికా, ఆసియా, ఆస్ట్రేలియా మరియు యూరప్ నుండి సమకూర్చుచున్నాడు. దేవునియొక్క స్వరమును వినడానికి ఆయన తన వధువును ఒక్క మొత్తముగా సమకూర్చుచున్నాడు.

ఎక్కడైతే వారు సంపూర్ణ వాక్యమును బోధిస్తారో అటువంటి ఒక సంఘమును మనము కనుగొనేవరకు; సగం వాక్యమును బోధించే సంఘమైనా, అక్కడికి వెళ్ళమని ఆయన మనకు చెప్పాడు. వధువు ఇప్పుడు ఆ స్థలమును కనుగొన్నది గనుక దేవునికి స్తుతి కలుగును గాక, టేపులలో ఉన్న దేవునియొక్క స్వరమే సంపూర్ణ వాక్యమైయున్నది.

మీరు మీ గృహ టేపు సంఘములో ఉన్నాగాని, అనేక కుటుంబాలు కూడుకునే మీ సంఘములో ఉన్నాగాని, లేదా అమేజాన్ లేదా ఆఫ్రికాయొక్క అడవులలో ఒక గుడిసెలో ఉన్నాగాని, దేవునియొక్క స్వరము మీతో నేరుగా మాట్లాడటాన్ని వినుటకు మీరు ప్లేను నొక్కగల ఏ స్థలములో ఉన్నాగాని, మీరు ఒక సంపూర్ణ వాక్య సంఘములో ఉన్నట్లే.

మేము ఆ సంపూర్ణ వాక్య సంఘమును కనుగొన్నాము మరియు ఈ ఆదివారము జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు మేము: ప్రశ్నలు మరియు జవాబులు #4 64-0830E ను వినుచుండగా మాతో చేరమని మేము మిమ్మల్ని ఆహ్వానిస్తున్నాము.

సహోదరుడు. జోసఫ్ బ్రెన్హామ్

 

 

క్రీస్తుకు జన్మించినట్టి ప్రియమైనవారలారా,

మన దినము కొరకైన ఆయన వాక్యముయొక్క నిజమైన ప్రత్యక్షతను తెలుసుకొనుటకు మన హృదయములలో ఉన్న ప్రేమను మరియు ఆనందమును అల్పమైన మర్త్యమైన మాటలలో ఎవరైనా ఎలా చెప్పగలరు? దానిలో మనము చేయవలసింది ఏమియు లేదు గాని, ఆయన, ఆ గొప్ప ఉన్నవాడు అనువాడు, ఆయన మనకు ఇవ్వగల అత్యంత గొప్ప సంగతియైనట్టి, మన దినము కొరకైన ఆయన వాక్యముయొక్క ప్రత్యక్షతను, మనము కలిగియుండుటకు తన స్వంత ఎన్నిక ద్వారా మనల్ని ముందుగా నిర్ణయించుకున్నాడు, అని ఆలోచించుటకే ఎలాగున్నది కదా.

ఆయన మనతో మాట్లాడి మరియు ఇట్లు చెప్పడాన్ని మనము వినగలుగునట్లు, జీవవాయువును మనలో ఊదడానికి, కాలము సంపూర్ణమయ్యేంతవరకు ఆయన వేచియున్నాడు:

దేవుడు, ఆయనయొక్క బలిష్ఠుడైన దూత ద్వారా మాట్లాడుతూ, యేసుక్రీస్తు యొక్క వధువైయున్న మనల్ని, నిర్దేశిస్తూ మరియు నడిపిస్తూ ఉన్నాడు. మనము ఆయనయొక్క పూర్తిగా పరిపక్వము చెందినట్టి, పవిత్రురాలైన కన్యకయైయున్నాము, పిల్లలమైయున్నాము. మరియు ఆయనయొక్క అద్భుతమైన కృప ద్వారా, మనము వినే ప్రతీ వాక్యమునకు మనము ఆమేన్ అని చెప్తున్నాము! అది దైవికమైన నిర్ధారణతో వస్తున్నట్టి వాక్యముయొక్క పరిపూర్ణమైన అనువాదమైయున్నది!

• మనము టేపులలో వింటున్న స్వరము: వాక్యముయొక్క పరిపూర్ణమైన అనువాదమైనట్లైతే, యేసుక్రీస్తుయొక్క వధువునకు ఇంకేమి అవసరమున్నది?...ఏమియు అవసరము లేదు!

జాగ్రత్తగా-ఎంపిక చేయబడిన చిన్న గుంపుయైన మనల్ని, మన దినము కొరకైన ఆయన వాక్యముయొక్క నిజమైన ప్రత్యక్షతను కలిగియుండటానికి, ఆయన ఎన్నుకున్నాడు. వెయ్యేండ్ల పాలన సమయములో, భౌతికమైన శరీరములలో, భూమి మీద ఉండటానికి ఆయన మనల్నే ఎన్నుకున్నాడు.

నా స్నేహితులారా, ఒక్క నిమిషము మనము దాని గురించి చూద్దాము.

మనము సరిగ్గా ఇక్కడ భూమి మీదనే ఒక మహిమపరచబడిన శరీరమును కలిగియుంటాము. మనము తింటాము, త్రాగుతాము, ఇండ్లను కడతాము, సరిగ్గా మనమిప్పుడు జీవిస్తున్న విధంగానే వెయ్యేండ్లు జీవిస్తాము. ఎక్కడైతే వధువు (మనము) మరియు పెండ్లికుమారుడు (ప్రభువైన యేసుక్రీస్తు) ఒక్కటయ్యారో అటువంటి మన హనీమూన్ గా అది ఉంటుంది.

ప్రతి రోజులోని ప్రతి నిమిషము మనము ఈ మహిమకరమైన సమయము కొరకు కనిపెట్టుకొనుచు వేచియుంటున్నాము. మనము దాదాపు దానిని ముట్టుకోవచ్చు అన్నట్లు అగుపించేంత దగ్గరగా అది ఉన్నది. ఈనాడు మనకు జరుగుతున్నది ఇదేనని, నేను, నా హృదయమంతటితో నమ్ముతున్నాను:

మనము వింటున్న ప్రతి వర్తమానముతో, ఆయన మనకు మరింత ప్రత్యక్షతను ఇస్తున్నాడు. అది ఎంత త్వరగా పెరుగుతూ ఉందంటే మనము దానితో త్వరగా కొనసాగలేకపోవుచున్నాము. ముందెన్నడూ లేనివిధంగా వాక్యము వాక్యముగా మారడాన్ని మనము చూస్తున్నాము. ఒక్క సందేహపు ఛాయయైనా లేదు; ప్రత్యక్షత ద్వారా, మనము సరిగ్గా ఎవరమన్నది మనము ఎరిగియున్నాము.

సరిగ్గా ఆయన చేస్తానని చెప్పినట్లే ఆయన తన వధువును ఐక్యపరుస్తున్నాడు, మరియు మనము దానిలో భాగమైయున్నాము. అది సంభవించడాన్ని మనము మన స్వంత కన్నులతో చూస్తున్నాము. ఇతరులు దానిని చూడలేకపోవచ్చును లేదా దానిని గ్రహించలేకపోవచ్చును. అది వారి కొరకు కాదు, అది ఆయనకు పుట్టిన పిల్లలమైన, మన కొరకైయున్నది.

ప్రవక్తను అడగడానికి వధువు ప్రశ్నలను కలిగియున్నది.

టేపులలో ఉన్న దేవుని స్వరమును మాత్రమే వింటే సరిపోతుందా? దేవుడు జవాబునిచ్చి మరియు ఇట్లు చెప్పాడు: అవును!!

కేవలం టేపులను వినడం ద్వారా మా పిల్లలు కూడా క్రీస్తుయొక్క వధువుగా ఉండుటకు వారికి అవసరమున్న సమస్తమును పొందుకోగలరా: అవును!!

అందువలన, వధువుకు అవసరమైయున్నదంతా టేపులలోనే ఉన్నది.

దేవుడు ఆయన పిల్లల కొరకు అనేక ఇతర మార్గములను ఏర్పాటుచేశాడని కూడా మనకు తెలుసు.

స్వస్థను ఎలా బోధించాలన్నది మరియు ఆయనయొక్క వాక్యమును ఇతరులకు ఎలా తేటపరచాలన్నది ఎరిగియుండుటకు ప్రేరేపించబడిన పురుషులను దేవుడు ఏర్పాటు చేసినందుకు మనమెంతో కృతజ్ఞులమైయున్నాము, కానీ ఆయనయొక్క వధువు ఆయనయొక్క పరిపూర్ణమైన సమృద్ధియైన ఏర్పరచబడిన మార్గమును కోరుకుంటుంది. మనకు అవసరమైనదంతా అదేయైయున్నది.

ఈ ఆదివారము జఫరసన్విల్ కాలమానం ప్రకారంగా మధ్యాహ్నం 12:00 గంటల సమయానికి మేము: ప్రశ్నలు మరియు జవాబులు #3 64-0830M అనుదానిని వినుచుండగా, వచ్చి బ్రెన్హామ్ టెబర్నికల్ తో చేరమని నేను మిమ్మల్ని ఆహ్వానిస్తున్నాను.

ఆయన వాక్యముయొక్క ప్రత్యక్షతను కలిగియుండి మరియు మనము శరీరధారియైన వాక్యమైయున్నామని ఎరుగుటకు ఎంత అద్భుతంగా ఉన్నది కదా.

సహోదరుడు. జోసఫ్ బ్రెన్హామ్