ప్రియమైన వధువా,

మన తల్లియే మనతో ఉండే మొదటి వ్యక్తియైయున్నది, అలాగే మనము ఏమవుతాము మరియు మనము ఏ మార్గములో ప్రయాణము చేస్తాము అనేదానిని గూర్చిన గొప్ప బాధ్యత ఆమెకు ఇవ్వబడినది. మనల్ని సరియైన మార్గములో పెట్టాల్సిన బాధ్యత ఆమెకు దేవునిచేత ఇవ్వబడినది. అందువలనే తల్లులు దేవుని నుండి వారికి ఇవ్వబడిన, ఒక చిన్న ప్రత్యేకమైన తాకిడిని కలిగియుంటారు.

దేవునియొక్క ఏడవ దూత మాట్లాడి మన హృదయములలో మన తల్లుల కొరకు మనం కలిగియున్న ప్రేమను మరియు గౌరవమును వ్యక్తపరచడాన్ని మనం వింటున్నప్పుడు, మనం మన తల్లులందరికీ నివాళ్ళర్పిస్తుండగా, ఈ ఆదివారము మన కొరకు ఎటువంటి ఒక ప్రత్యేకమైన ఆశీర్వాదము దాచబడియున్నదో.

ప్రతీ రోజు మాతృ దినోత్సవమేనని మనకు తెలుసు, అయితే మన ప్రవక్త 67 సంవత్సరాల క్రితం సరిగ్గా ఇదే రోజు, అనగా 1959, మే 10 వ తేదీన, తాను మాట్లాడినప్పుడు వారి పట్ల గౌరవమును వ్యక్తపరచడాన్ని మనము వినుచుండగా, ఈ ఆదివారము మనము తల్లులందరికీ ప్రత్యేకమైన నివాళ్ళను అర్పిస్తాము.

సహోదరుడు. జోసఫ్ బ్రెన్హామ్

 

వర్తమానము: మాతృ దినోత్సవము 59-0510M

సమయము: జఫర్సన్విల్ కాలమానం ప్రకారంగా మధ్యాహ్నం 12:00 గంటలకు

లేఖనములు: మొదటి కొరింథీ 15:1-4

 

 

ప్రియమైన వధువా,

మనము వినడానికి ఎంతగానో ఇష్టపడే స్వరము ఈ ఆదివారము మాట్లాడి, మరియు ప్రత్యేకమైన ప్రేమ ఉత్తరపు వర్తమానమును మనకు అందిస్తుంది, అది కేవలం యేసుక్రీస్తుయొక్క వధువు కొరకైయున్నది.

ఆ స్వరము ప్రపంచముతో మాట్లాడి మరియు వారిని ఇట్లు హెచ్చరించినది, “అది నా చిత్తము కాకుండా నాకు ఒక సేవ చేయడానికి ప్రయత్నించకండి. నా వధువైయున్న, మీ కొరకు నేను సిద్ధపరచిన ఒక పరిపూర్ణమైన ఏర్పాటుచేయబడిన మార్గమును నేను కలిగియున్నాను. నా మాటలను గుర్తుంచుకోండి, నా టేపులలో నేను మాట్లాడినదానిని మాత్రమే మీరు చెప్పండి, ఏలయనగా మీరు తీర్పులోనికి ప్రవేశిస్తున్నారు. కనికరము త్రోసివేయబడినది. అయితే సంతోషించండి, మరియు కృతజ్ఞత కలిగియుండండి, ఏలయనగా యేసుక్రీస్తును గూర్చిన ప్రత్యక్షత యొక్క మంచితనము మరియు కనికరముపై మీరు బ్రతుకున్నట్లు, నేను మీకు దాచబడిన ఆహారమును, ఆత్మీయ ఆహారమును ఏర్పాటుచేసి మరియు మీకు ఇచ్చాను.

నా స్వరము వినడానికి ఇప్పుడు దేశములో కరువు వున్నది. మీరు టేపు ప్రజలని, మరియు టేపులలో ఉన్న నా స్వరమును మాత్రమే వినగోరుతున్నారని చెప్తున్నారు గనుక వారికి మీరు అర్థం కారు; అయితే నేను మిమ్మల్ని బయటకు పిలచి మరియు ఈ దినమునకైన నా పరిపూర్ణమైన ఏర్పాటుచేయబడిన మార్గమును మీకు బయలువరిచాను.

కరువు సమయములో మీరు అవిశ్వాసులతో సహవాసము చేయలేదు. మిమ్మల్ని పోషించడానికి నేను మీకు నా స్వరమును ఇచ్చాను. నా స్వరమును ప్లే చేయడం ద్వారా, నేను వచ్చి మిమ్మల్ని నా వధువుగా తీసుకునే ఆ దినము వరకు, మీ తొట్టి ఎన్నడూ ఖాళీ అవ్వదు, మీ బుడ్డి ఎన్నడూ ఎండిపోదు.

సరిగ్గా ఆ కారణము నిమిత్తమే నేను నా స్వరమును రికార్డు చేపించాను, తద్వారా మీరు వెళ్ళడానికి ఒక పరిపూర్ణమైన ఏర్పాటుచేయబడిన మార్గమును కలిగియుండుటకైయున్నది, అది ఎటువంటి పొరపాటులేనిది, ఎటువంటి అనువాదము అవసరంలేనిది, కేవలం స్వచ్ఛమైన దేవుని స్వరమైయున్నది. సరిగ్గా నేను చెప్పినదానిని: యెహోవా ఈలాగు సెలవిచ్చుచున్నాడు ను వినడానికి మీరు వెళ్ళగల ఒక స్థలమైయున్నది.

ఆదివారము నేను మీతో ఎంతో స్పష్టంగా మాట్లాడబోతున్నాను. నేను మీతో మాట్లాడబోతున్నదానిని మీరెన్నడూ మర్చిపోవద్దని నేను కోరుతున్నాను. ఈ టేపులు ఈ ఋతువులో మీకు ఆత్మీయ ఆహారమైయున్నవి. అది వారిలో కొందరికి వారు తట్టుకోలేనంతటి విషయమైయున్నది; వారు అసలు దానిని తీసుకోలేరు. అది వారికి బయలుపరచబడలేదు, అయితే నేను మిమ్మల్ని ఎన్నుకున్నాను, మరియు నా పరిపూర్ణమైన ఏర్పాటుచేయబడిన మార్గమును గూర్చిన ప్రత్యక్షతను నేను మీకు ఇచ్చియున్నాను.

మీకైతే, అది దాచబడిన ఆహారమైయున్నది, అక్కడ మీరు సజీవ వాక్యముయొక్క మంచితనము మరియు కనికరముపై బ్రతుకుచున్నారు.

నేను శరీరములో నా కుమారునిలో జీవిస్తున్నపుడు, నేను ఏమైయున్నాను అనేదానిని అనగా: దేవుడిని మరియు మానవుడిని అనేదానిని వారు వరసలు అంగీకరించలేకపోయారు. పిదప నేను అబ్రాహాము ఎదుట చేసినట్లే ఈ అంత్య దినములలో మరలా తిరిగి వచ్చి మరియు మరొకసారి మానవ శరీరములో నివసిస్తానని, మరియు దిగివచ్చి అప్పుడు చేసినట్లే నన్ను నేను మానవ శరీరములో వ్యక్తపరచుకుంటానని నేను వాగ్దానము చేశాను.

అప్పుడును ఇప్పుడును, వారు తప్పిపోయిన విషయం ఇది, అయితే మీరెన్నడూ మర్చిపోవద్దని నేను కోరుతున్నాను. నేను మీకు అందిస్తున్న భద్రపరచబడిన-ఆహారము, మరియు నా వర్తమానికుడు, ఒక్కటే. మీరు వారిని వేరుచేయలేరు. వర్తమానికుడు మరియు వర్తమానము ఒక్కటే. నేను ఈ దినములో ఏమి చేస్తానన్నది నేను మీకు నా వాక్యములో చెప్పాను. దానిని బట్టియే మీ సంఘములలో, మీ గృహములలో, మీరు వెళ్ళే ప్రతిచోటా నా స్వరమును ఉంచాలన్నది నా చిత్తమైయున్నది; ఏలయనగా అది మీరు వినవలసిన అత్యంత ప్రాముఖ్యమైన స్వరమైయున్నది. యెహోవా ఈలాగు సెలవిచ్చుచున్నాడును పలికే ఏకైక నిర్ధారించబడిన స్వరము అదేయైయున్నది.

కనికరము త్రోసివేయబడినది. ఇప్పుడు మీరు నా వాక్యముపై బ్రతుకుచున్నారు. నేను ఎవరిననే ప్రత్యక్షతను మరియు మీరు ఎవరు అనే ప్రత్యక్షతను నేను మీకు ఇచ్చాను. మీ హృదయములలోనూ మరియు మీ మనస్సులలోను ఒక్క సందేహపు ఛాయయైనా ఉండకూడదు. మీరు నా ఎంపిక చేయబడిన, ఎన్నుకోబడిన, ముందుగా నిర్ణయించబడిన వధువైయున్నారు. మీరు ఆదిలో నాయందునట్టి నా పలుకబడిన మాటయైయున్నారు.

లోకమునకు దాని గురించి ఏమీ తెలియనటువంటి ఆహారమునకు, ఆత్మీయ ఆహారమునకు, మీరు ప్రవేశమును కలిగియున్నారు.

వైద్యులు విఫలమైనప్పుడు మీ శరీరముల స్వస్థత కొరకు మీకు మార్గమున్నది; అది ఈ అంత్యదినములలో నేను మీకు వాగ్దానము చేసి మరియు మీకిచ్చిన ఆహారములలో ఒకటైయున్నది.

మీ హృదయ రహస్యములను బయలుపరచి మరియు ఈ కార్యములను చేస్తానని నేను వాగ్దానము చేశాను. నేను మీలో ఉన్నాను. మీరు నాలో భాగమైయున్నారు, మరియు నేను మీలో భాగమైయున్నాను. నమ్మినవారిని ఈ సూచకక్రియలు వెంబడిస్తాయి.

ఈ ఆదివారము నా స్వరముతో నేను ప్రపంచమంతటి నుండి నా వధువును ఐక్యపరుస్తుంటాను. మీరు ఒకరి మీద ఒకరు చేతులుంచమని నేను మీకు చెప్తాను. మీ కొరకు మీరు ప్రార్ధించుకోకండి, మీరు ఎవరి మీద చేతులుంచారో వారి కొరకు ప్రార్థించండి, ఎందుకనగా వారు మీ కొరకు ప్రార్థిస్తున్నారు. మనము కలిసి ప్రార్థించుదాము, మరియు మీరు గనుక నమ్మినట్లైతే ప్రపంచవ్యాప్తంగా ఎక్కడను ఒక్క బలహీనుడు కూడా ఉండడు.

మీరు నమ్మి, మరియు మీ హృదయములో ఎటువంటి సందేహమును కలిగిలేకపోతే, నేను ఇట్లు ప్రకటిస్తాను:

ముందెన్నడూ లేనట్లుగా ప్రపంచవ్యాప్తంగా స్వస్థత జరుగుతుంది.

ఈ ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు వచ్చి మాతో చేరి, మరియు వర్తమానము మరియు ఆయనయొక్క వర్తమానికుడు ఋతువునకు తగిన ఆత్మీయ ఆహారమును, వధువు కొరకు దాచబడిన ఆహారమును మనకు అందిస్తుండగా వినమని నేను ప్రపంచమంతటినీ ఆహ్వానిస్తున్నాను.

సహోదరుడు. జోసఫ్ బ్రెన్హామ్

 

వర్తమానము: ఋతువునకు తగిన ఆత్మీయ ఆహారము 65-0718E

వర్తమానికుడు: గౌరవనీయులైన. విలియమ్ మారియన్ బ్రెన్హామ్ గారు

లేఖనములు: 1 రాజులు 17:1-7 / ఆమోసు 3:7 / యోవేలు 2:28
మలాకి 4:4 / లూకా 17:30 / పరిశుద్ధ. యోహాను 14:12

 

 

ప్రియమైన అపురూపమైన వధువా,

ఘడియ మించిపోయినది. సమయం ఆసన్నమైనది. తప్పక నిర్ణయము తీసుకోబడవలసియున్నది. దేవుడు తన పిల్లలను హెచ్చరిస్తున్నాడు. ప్రభువైన మన దేవుడు ఆయనయొక్క వాక్యము ద్వారా, మరియు ఆయనయొక్క ఆత్మ ద్వారా సత్యము ఏమిటన్నదానిని మనకు ప్రకటించాడు మరియు నిర్ధారించాడు. శక్తిచేత కాదు, బలముచేత కాదు, కానీ నా ఆత్మచేతనైయున్నది, మరియు నీ వాక్యమే సత్యమైయున్నది.

యేసుక్రీస్తు నిన్నా, నేడు, మరియు నిరంతరము ఒక్కటేరీతిగా ఉన్నాడని ఆయన తన వధువుకు క్షుణ్ణంగా నిర్ధారించాడు. ఈ ఘడియయొక్క వర్తమానము మరియు వర్తమానికుడు ఒక్కటేనని ఆయన మనకు చూపించి మరియు బయలుపరిచాడు. వాక్యములో దాచబడియున్న మర్మములన్నిటినీ ఆయన మనకు బయలుపరిచాడు. ఆయనయొక్క పరిశుద్ధాత్మ ద్వారా ఆయన మనకు దానిని ఋజువుచేశాడు. మన మనస్సులలో, హృదయములలో లేదా అంతరాత్మలలో ఒక్క ప్రశ్నయైనా లేదు. టేపులలో ఉన్న ఆయనయొక్క స్వరము ఆయనయొక్క వధువునకు యెహోవా ఈలాగు సెలవిచ్చుచున్నాడు అయ్యున్నది.

దేవుడు తన వద్దకు రావడానికి ఎల్లప్పుడూ అనేక మార్గములను అనుమతించాడు. ఆయన తన అనుమతిపూర్వకమైన చిత్తమును తన పరిపూర్ణమైన చిత్తములోనికి పనిచేసేవిధంగా చేస్తాడు. అయితే ఆయన ఎల్లప్పుడూ ఆయనయొక్క పిల్లల కోసం ఒక పరిపూర్ణమైన చిత్తమును మరియు పరిపూర్ణమైన మార్గమును కూడా ఏర్పాటుచేశాడు. అది ఆయనయొక్క పరిపూర్ణమైన చిత్తము కాకపోయినా అనేకులు దేవునికి ఒక సేవచేయడం ద్వారా వేరొక మార్గములో రావడానికి ప్రయత్నిస్తారు. అది చూడటానికి మరియు వినడానికి ఆయనయొక్క పరిపూర్ణమైన చిత్తములాగా అనిపించవచ్చును, కానీ అది వాక్య ప్రకారముగా ఉండదు.

చివరికి ఒక గొప్ప వ్యక్తి, తాజాగా అభిషేకించబడినవాడు, సాక్షాత్తు దేవుని సన్నిధినుండే వస్తున్నవాడు, దేవుని కొరకు ఒక కార్యమును చేయాలని ప్రత్యక్షత పొందుకున్నాడు, మరియు దేవుని కొరకు దానిని చేయగోరాడు; కానీ అతడు కలిగియున్న ప్రత్యక్షత తప్పైయున్నది.

మనలో ప్రతియొక్కరమూ ఆయనచేత ఏర్పాటుచేయబడిన పరిపూర్ణమైన మార్గమును కనుగొనవలసియున్నాము. నిజముగా అభిషేకించబడి, సాక్షాత్తు దేవుని సన్నిధినుండే తాజాగా వస్తూ, ఒక ప్రత్యక్షత కలిగియున్న ఒక వ్యక్తియే, దేవునియొక్క పరిపూర్ణమైన చిత్తములో లేనప్పుడు, మనము ఆయనయొక్క పరిపూర్ణమైన చిత్తములో ఉన్నామా లేదా అనేది మనకు ఎలా తెలుస్తుంది?

దానిని ఖచ్చితంగా తెలుసుకోవడానికి ఒకేఒక్క మార్గమున్నది, మరియు దేవుడు ఆ మార్గమును తన వధువు కొరకు ఏర్పాటుచేశాడు.

స్వయంగా దేవునియొక్క స్వరమే ఈ సంఘమునకు, మరియు టేపులలో వింటున్న మీ అందరికీ, మరియు అప్పుడును ఇప్పుడును, ప్రపంచవ్యాప్తంగా ఇతర ప్రాంతములలో అనుసంధానము ద్వారా వింటున్న ప్రజలకు దీనిని చెప్పినది. ఆయన చెప్పేదానిని చాలా జాగ్రత్తగా వినమని, మరియు దానిని అస్సలు తప్పిపోవద్దని ఆయన మనకు చెప్పాడు.

ప్రసంగించేవారు వాక్యమును ప్రసంగించకూడదని, బోధకులు వాక్యమును బోధించకూడదని, లేదా సంఘకాపరులు లేక ప్రవక్తలు తాము దేనిని చేయడానికి పిలివబడ్డారో దానిని చేయకూడదని ఆయన చెప్పలేదు, మరియు దాని భావము అది కాదు; వారు దానిని చేయవలసియున్నారు, నేను దానిని చేయవలసియున్నాను. దానిని చేయడానికి మనము పిలువబడి మరియు నియమించబడ్డాము. అయితే మనము ప్రజలకు ఈ వర్తమానమును మరియు వర్తమానికుణ్ణి చూపించవలసియున్నాము మరియు నొక్కిచెప్పవలసియున్నాము, ఏలయనగా ఇది మన దినము కొరకైన వాక్యమైయున్నది.

అయితే మనమందరమూ ఒక నిజమైన అభిషేకముతో, అభిషేకించబడి, ఆయనయొక్క పరిశుద్ధాత్మతో, ఒక తాజా ప్రత్యక్షతతో నింపబడి, మరియు ఆయనయొక్క చిత్తమునకు వెలుపల ఉండటమనేది జరుగగలదని ఆయన మనకు స్పష్టంగా చెప్తున్నాడు. మన దినములో, మనము స్వయంగా దేవునియొద్ద నుండి వస్తున్న దేవుని స్వరమును వింటున్నామని ఖచ్చితంగా ఎరిగియుండుటకు ఆయన ఒక పరిపూర్ణమైన మార్గమును ఏర్పాటుచేశాడు. అదియే ఏకైక పరిపూర్ణమైన మార్గమైయున్నది.

పరిచర్యవారు కేవలం ఈ వర్తమానమును నొక్కిచెప్పి మరియు ప్రసంగించడం మాత్రమే కాదుగానీ, మనము టేపులలో ఉన్న దేవుని స్వరమును ప్రజల కొరకు ప్లే చేయవలసియున్నాము. దేవుని స్వరమును వినడంకంటే మరింత గొప్ప అభిషేకము ఏదియు లేదు. మనము వినేది ఖచ్చితంగా దేవుడు మాట్లాడినదే అని ఒక్క సందేహపు ఛాయయైనా లేకుండా తెలుసుకోడానికి వేరే ఏ మార్గము లేదు.

మీరు గనుక ఆయనయొక్క ముందుగా నిర్ణయించబడిన వధువైయ్యుంటే, దానిని తప్పిపోవుటను అసాధ్యముగా చేయునట్టి ఒక మార్గమును, ప్రపంచ చరిత్రలో ఏ దినమున లేనట్లుగా, ఈ దినములో దేవుడు ఏర్పాటుచేశాడు. అది స్వయంగా దేవునియొక్క స్వరమే నేరుగా తన సంఘముతో మాట్లాడుటయైయున్నదని స్వయంగా అగ్నిస్తంభముచేత నిర్ధారించబడి మరియు బయలుపరచబడినది.

వేలకొలది సంవత్సరాలుగా, దేవుని పిల్లలు స్వయంగా తామే దేవుని స్వరమును వినాలని పరితపించారు మరియు ఆకలిగొన్నారు. ఆ కొండ మీద యేసు వేలకొలది మందికి బోధించినప్పుడు తాము అక్కడ ఉండియుంటే బాగుండునని వారు ఎంతగానో కోరుకున్నారు. ఆయన ఏ విధంగా తన వాక్యమును ప్రేమతోనూ కనికరముతోనూ మాట్లాడినాడో వినగోరినారు. ఆయన ప్రతీ మాటను ఏ విధంగా నొక్కిచెప్పాడో వినగోరినారు. అది మాట్లాడి మరియు ఏ విధంగా వారి హృదయములను ప్రోత్సాహపరుస్తుందో వినగోరినారు.

ఇప్పుడు మనము సజీవులమైయుండి మరియు దేవుని సన్నిధిలో దేవుని స్వరమును వినుచున్నాము.

అతి త్వరలో ఒకానొక దినమున మనమిక ఇటువంటి జీవితమునకు ఎన్నడూ తిరిగిరాము. మనము ఒక అమర్త్యమైన జీవిగా తిరిగివస్తాము. పాపము ఇక ఉండదు. వెయ్యి సంవత్సరాలు సాతానుడు బంధించబడియుంటాడు మరియు ప్రభువైన మన దేవుడు మనకు అనుగ్రహించినట్టి ఈ భూమి మీద మనము జీవిస్తాము.

మనము 100% పరిపూర్ణులమైయున్నాము. మనము ఇంతకంటే సంతోషముగా మరియు ఇంతకంటే తిరుగులేనివారిగా ముందెన్నడూ లేము. మనము ఆయనతోను ఆయనయొక్క వాక్యముతోను ఒక్కటైయున్నాము. మనము ఆయనయొక్క వాక్యమైయున్నాము. ఆయనయొక్క స్వరముతో, ఆయనయొక్క వాక్యముతో నిలిచియుండటం ద్వారా మనము ఆయనయొక్క పరిపూర్ణమైన చిత్తములో ఉన్నాము. మనల్ని ఆయనతో కూడ తీసుకెళ్ళడానికి ఇప్పుడు ఆయన ఏ రోజైనా తిరిగివస్తాడు.

ప్రభువైన యేసూ నీకు కృతజ్ఞతలు!

ఆయనయొక్క స్వరము ఆయనయొక్క ఏడవ దూత వర్తమానికునిగుండా మాట్లాడి మరియు మనకు: దేవుని చిత్తము కాకుండా దేవునికి ఒక సేవ చేయడానికి ప్రయత్నించుట 65-0718M అనే వర్తమానమును అందించడాన్ని వినడానికి, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు ప్రపంచవ్యాప్తంగా మేము ఐక్యమవుతుండగా వచ్చి మాతో చేరమని మీలో ప్రతీ ఒక్కరిని నేను నా హృదయపూర్వకముగా ఆహ్వానిస్తున్నాను.

సహోదరుడు. జోసఫ్ బ్రెన్హామ్

 

వర్తమానము వినడానికి ముందు చదువవలసిన లేఖనములు:

ద్వితియోపదేశకాండము 4:1-4 / 4:25-26
1 దినవృత్తాంతములు 13
1 దినవృత్తాంతములు 15:15
కీర్తనలు 22
పరిశుద్ధ. మార్కు 7:7
యోవేలు 2:28
ఆమోసు 3:7
మాలాకి 3
పరిశుద్ధ. మత్తయి 11:1-15
1 కొరింథీ 13:1

 

 

ప్రియమైన ఎన్నుకోబడిన వధువా,

వధువును ఎన్నుకొనుట అనే ఈ వర్తమానమును, మనము వినుచుండగా, ప్రవక్త కేవలం ఒక పురుషుడు తన భార్యగా ఉండటానికి ఒక స్త్రీని ఎన్నుకుంటున్నప్పుడు అతడు ఎటువంటి గుణలక్షణము కొరకు మరియు ఎటువంటి ఆత్మసంబంధమైన స్వరూపము కొరకు వెదకాలి అనేదాని గురించి మనతో మాట్లాడుతూ మరియు మనకు సూచనలిస్తున్నాడని కొందరు అనుకుంటారు. అది నిజమే, ఆయన దానిని చెప్తున్నాడు, అయితే ఆయన మాటల్లో ఒక నిజమైన దాచబడిన ప్రేమ లేఖ ఉన్నది. ఆయన తన వధువుకు బయలుపరచుచున్న విషయం ఇంకా చాలా లోతైనది. దేవుడు నేరుగా ఆమెతో మాట్లాడి, ఆయన ఆమెలో దేని కొరకు వెదకుచున్నాడో ఆమెకు చెప్తున్నాడు, మరియు ఆదినుండి ఆయన ఆమెను ఎందుకు ఎన్నుకున్నాడో ఆమెకు చెప్తున్నాడు. ఆయన తన నిత్యత్వమును ఎవరితో పంచుకోవాలనుకున్నాడో, అట్టి ఆయనయొక్క అత్యంత ప్రియమైన వధువుగా ఉండటానికి ఆయన ఆమెను ఎన్నుకున్నాడన్న విషయమును ఆమె తెలుసుకోవాలని ఆయన కోరాడు.

ఆదిలో, దేవుడు సరిగ్గా ఆయనయొక్క గుణలక్షణమును కలిగియుండే ఒక వధువు కొరకు వెదుకుచూ ఉన్నాడు. సరిగ్గా ఆయనయొక్క ఆత్మయే ఆమెలో ప్రత్యక్షపరచబడుతుంది. సరిగ్గా ఆయనలో ఉన్న మనస్సే ఆమెలో ఉండేంతగా, ఆయనకు, మరియు ఆయనయొక్క వాగ్దాన వాక్యమునకు కట్టబడియుండే ఒక వధువును ఆయన కోరుకున్నాడు. ఆయన మలచబడినట్లే ఆమె మలచబడవలసియున్నది.

ఆమె ఆయనయొక్క అదే శరీరము, అదే ఎముకలు, అదే ఆత్మ, అదే సమస్తము అయ్యుండాలని, సరిగ్గా ఆయనవలె ఉండాలని ఆయన కోరాడు. వారిరువురూ ఒక్కటవుతారు.

ఆమె వంకర చూపును కలిగియుండదు. ఆమె వేరే ఏ స్వరముతోను సరసమాడుతూ తిరుగదు. ఎవరు ఏమి చెప్పినా గాని, ఆమె ఆయనకు నమ్మకముగాను విశ్వాసనీయముగాను ఉంటుంది. ఆమె ఆయనను ఆయనయొక్క వాక్యము వద్దనే తీసుకుంటుంది. ఆయన ఏమి చెప్తాడో, ఆ ప్రతీ మాటను ఆమె నమ్ముతుంది, అది నెరవేరడానికి ఎంత సమయము పట్టినా గానీ, ఆమె దానిని నమ్ముతుంది. ఆమె ఆయనయొక్క వాక్యముతో నిలిచియుంటుంది.

ఆమె ఆయనను, మరియు ఆయనను మాత్రమే ప్రేమిస్తుంది. ఆయన ఆమెకు గొప్ప ధనసంపదలను ఇవ్వాల్సిన అవసరంలేదు, ఆమె అమూల్యమైన ముత్యమును కలిగియున్నది, ఆయనను గూర్చిన సత్యమైన ప్రత్యక్షతను కలిగియున్నది. వారు ఏకమైయున్నారని మరియు ఒక్కటైయున్నారని, ఆమె ఎరిగియుంటుంది. ఆయనయొక్క ఆత్మ ఆమెలో నివసిస్తుంది. ఆమెకు అవసరమున్న ప్రతిదానిని, ఆయన ఆమెకు ఇస్తాడు; ఆమె చేయవలసిందల్లా అడిగి మరియు నమ్మడమే, మరియు ఆయన దానిని చేస్తాడు.

ప్రతీది సరిగ్గా ఆమె స్పర్శకు మరియు ఆమె ఇష్టానికి తగినట్లుగా ఉండే ఒక ఇల్లును కట్టడానికి ఆయన వెళ్ళి చాలా కాలం వరకు దూరంగా ఉంటాడని ఆమెకు తెలుసు. ఆయన సరిగ్గా ఆమెకు నచ్చే విధంగా దానిని నిర్మిస్తున్నాడు. ఆయన వాగ్దానము చేసిన విధంగా, ఒక రోజు ఆయన తిరిగి వస్తాడని ఆమెకు తెలుసు, అప్పుడు వారు వెయ్యి సంవత్సరాలు ఒక గొప్ప పెండ్లి విందును కలిగియుంటారు. పిదప, నిత్యత్వమును గడపడానికి ఆయన ఆమె కొరకు కట్టినట్టి ఆ అందమైన గృహానికి వారు కలిసి వెళ్తారు.

ఆమెకు మిగతాదేదియు ముఖ్యము కాదు. ఆమె మిగతాదేనినీ కోరదు. ఆయన ఎవరు, మరియు ఆమె ఎవరు అని ఎరిగియుండే ప్రత్యక్షతను కలిగియుండి ఆమె ఎంతో తృప్తిచెంది మరియు సంతృప్తి కలిగియుంటుంది. ఆయన తన మాటను నిలబెట్టుకుంటాడని ఆమె ఎరిగియుంటుంది. ఆయనయొక్క వధువుగా ఉండటానికి ఆయన ఎన్నుకున్నది ఆమెనే అని ఎరిగియుండి, ఆమె పరిపూర్ణముగా తృప్తి చెందియుంటుంది.

నా సహోదరులారా మరియు సహోదరీలారా, భూమ్యాకాశములయొక్క బలవంతుడగు దేవుడు నిత్యత్వము గుండా చూసి మరియు ఆయనయొక్క ఎన్నుకోబడిన ప్రియమైన వధువుగా ఉండటానికి మిమ్మల్ని...నిన్ను ఎన్నుకున్నాడు.

ఆయన తనయొక్క బలిష్ఠుడైన దూత ద్వారా మాట్లాడి మరియు మనము ఆయనయొక్క ఎన్నుకోబడిన వధువైయున్నామని మనకు చెప్తుండగా, ఈ ఆదివారము వచ్చి నాతో మరియు ఆయనయొక్క వధువులోని ఒక భాగముతో చేరడానికి నేను మిమ్మల్ని ఆహ్వానిస్తున్నాను.

సహోదరుడు. జోసఫ్ బ్రెన్హామ్

 

వర్తమానము: 65-0429E / వధువును ఎన్నుకొనుట

సమయము: జఫర్సన్విల్ కాలమానం ప్రకారంగా మధ్యాహ్నం 12:00 గంటలకు

 

లేఖనములు:

ఆదికాండము24:12-14
యెషయా 53:2
ప్రకటన 21:9

 

 

ప్రియమైన పురిగొల్పబడినవారలారా,

ఈ ఈస్టరు వారాంతమున మన హృదయములు పక్షిరాజుల వలె ఏ విధంగా ఎగిరాయి కదా. దినము వెంబడి దినము, ఆయనయొక్క అభిషేకము ఇంకా ఇంకా అధికమైనది. ప్రభురాత్రి భోజనము, భూస్తాపితము, పరిపూర్ణత, పిదప ఆయన మనల్ని దేనికొరకైతే కట్టినాడో అట్టి అంతిమ ఘట్టము: అది సూర్యోదయము...మహిమా, ఆయన తిరిగి లేచాడు మరియు మనలో ప్రతియొక్కరిలో సజీవుదైయున్నాడు. మనము ముందెన్నడూ వినని విధంగా ఆయన తన వాక్యమును మనకు బయలుపరుస్తూ ఉన్నాడు. ఆ అభిషేకము మన హృదయాలను నింపివేసినది, ఆయనయొక్క సన్నిధి అంతటా నిండిపోయినది; ఎత్తబడుట అత్యంత సమీపముగా ఉన్నట్లు అగుపించినది.

2000 సంవత్సరాల క్రితం ఏమి జరిగినదో ఆయన మనకు చెప్పాడో, మరియు పిదప ఇప్పుడు 2026 లో ఏమి జరుగుతున్నదో చెప్పాడు. యేసు మృతులలో నుండి లేపబడిన దేవుని గోధుమలోని మొదటి గింజయైయున్నాడు. ఆయన దేవునియొక్క పురిగొల్పే శక్తి ద్వారా లేపబడ్డాడు. దేవుడు ఆయన జీవమును పురిగొల్పాడు, ఆయనను మృతులలోనుండి పైకి లేపాడు, మరియు ఆయన నిద్రించినవారిలో ప్రథమఫలమైయున్నాడు. ఆయన మొట్టమొదట పరిపక్వము చెందినదైయున్నాడు, తక్కిన మనమందరమూ వస్తామని నమ్ముతూ, దేవునికి కృతజ్ఞతార్పణ జ్ఞాపకార్ధముగా అల్లాడించబడిన దేవుని పనయైయున్నాడు. ఆది ఒక గురుతైయున్నది.

పిదప ఈనాడు ఏమి జరిగినదో ఆయన మనకు బయలుపరిచాడు. పెంతెకొస్తు దినమున పరలోకము నుండి అల్లాడించబడుచున్నట్లు ఒక శబ్దము వచ్చి, వేగముగా వీచు బలమైన గాలి ప్రజల మీద అల్లాడించబడినప్పుడు ఆయన అల్లాడించబడినట్లే జరుగుచున్నది. లూకా 17:30 మరియు మలాకీ 4 లో ఆయన వాగ్దానము చేసినట్లే, మనుష్య కు-మా-రు-డు ప్రత్యక్షపరచబడి తిరిగి మరలా ప్రజల మీద అల్లాడించబడినప్పుడు, అది మరలా ప్రజల ఎదుట అల్లాడించబడుచున్నది.

పరిశుద్ధాత్మ మన మీద మరలా మరలా అల్లాడుతూనే ఉన్నాడు, మరలా మరలా ఆయనయొక్క వాక్యమును బయలుపరుస్తూనే ఉన్నాడు... క్రియాశీలకమైనది, యాంత్రికమైనది, పురిగొల్పే శక్తి...

పిదప, ఇది ఇక ఇంతకంటే గొప్పగా మారలేదన్నట్లు అగుపించినప్పుడు, ఆయన మనతో ఇట్లు చెప్పాడు:

ఆయన మనల్ని అక్కడ చూశాడు!! కాలమనే తెర వెలుపల....మనము అక్కడ ఆయనతో ఉన్నాము; మనకు ముందుగా వెళ్ళిన మన ప్రియులందరూ...తండ్రులు, తల్లులు, పిల్లలు అక్కడ ఉన్నాము. మనము వారితో అక్కడ ఉన్నాము మరియు మనము ఎన్నడూ కలువనటువంటి: మోషే, ఏలీయా, పేతురు, పౌలు మొదలగువారందరూ.... అక్కడ మనమందరము కలిసి ఉన్నాము.

పిదప, ఆయన ఎంతో ప్రేమామయుడైన పరిశుద్ధాత్మ గనుక, వ్యాధి కలిగి, కృంగిపోయి మరియు కొట్టబడిన మనల్ని ఆయన మర్చిపోవాలనుకోలేదు, కావున మనకు ఉన్న ప్రతీ అవసరతను బట్టి మనము స్వస్థపరచబడునట్లు ఆయన మరొకసారి తననుతాను మన మీద అల్లాడించుకున్నాడు.

ఆ వాక్యము. ఆ స్వరము. వధువా, మనకు అవసరమైయున్న ప్రతీది టేపులలో ఉన్నది. దేవుడు తన వాక్య విషయములో తన మనస్సు మార్చుకోడు. ఒక్క పొల్లైనను లేదా ఒక్క సున్నైనను మార్చబడజాలదు, కావున ఆయన తన వధువుకు ఏమి చెప్పగోరుతున్నాడో సరిగ్గా దానిని వారు తమ స్వంత చెవులతో వినగలిగేలా ఆయన ఒక మార్గమును ఏర్పాటు చేశాడు.

దేవుడు తన వధువుతో మాట్లాడి మరియు సమస్తమును బయలుపరిచాడు. అది రికార్డు చేయబడినది. పెండ్లికుమార్తె పెండ్లికుమారుని యొద్దకు రావలసియున్నది; అది ఈ దినమునకు ఆయన ఏర్పాటు చేసిన పరిపూర్ణమైన మార్గమైయున్నది. అది యెహోవా ఈలాగు సెలవిచ్చుచున్నాడు అయ్యున్నది.

దేవుడు తన వాక్య విషయములో ఎన్నడైనా తన మనస్సు మార్చుకుంటాడా? మార్చుకోడు. ఆయన ఒక పరిపూర్ణమైన చిత్తమును మరియు ఒక అనుమతిపూర్వకమైన చిత్తమును కలిగియుంటాడు. వధువు ఆయనయొక్క పరిపూర్ణమైన చిత్తములో ఉండవలసియున్నది. నేరుగా దేవునియొద్ద నుండే దేవునియొక్క స్వరమును వినడం కంటే పరిపూర్ణమైన చిత్తము, లేదా పరిపూర్ణమైన స్థలము మరేదియు లేదు.

ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, దేవునియొక్క స్వరము మనకు స్వచ్ఛమైన వాక్యమును అందించడాన్ని వినడానికి మాతో చేరండి అన్నదే మీలో ప్రతీ ఒక్కరికీ నా ఆహ్వానమైయున్నది. ఎటువంటి అంచనాలు వేయడం అవసరము లేదు, కేవలం కూర్చొని మరియు ప్రతీ మాటకు ఆమేన్ చెప్పడమే....ఆ విధంగా చేయడం వేరే ఏ స్థలములోనూ సాధ్యపడదు, ప్లే ను నొక్కినప్పుడే సాధ్యపడుతుంది.

సహోదరుడు. జోసఫ్ బ్రెన్హామ్.

 

వర్తమానము: 65-0418E — దేవుడు తన వాక్య విషయములో ఎన్నడైనా తన మనస్సు మార్చుకుంటాడా?

మనము 61 వ పేరా నుండి ప్రారంభించుకుందాము.

 

వర్తమానమును వినడానికిముందు చదువవలసిన లేఖనములు:

నిర్గమకాండము 19వ అధ్యాయము
సంఖ్యాకాండము22:31
పరిశుద్ధ. మత్తయి 28:19
లూకా 17:30
ప్రకటన 17వ అధ్యాయము