ప్రియమైన నిత్యజీవపు వధువా,

టేపులలో మనతో మాట్లాడుచున్న ఆ స్వరము ఎవరు?

దేవునియొద్ద నుండి వచ్చే ప్రత్యక్షత ద్వారా మాత్రమే మనం ఆ ప్రశ్నకు జవాబును తెలుసుకోగలము. ఆయనయొక్క ముందుగా నిర్ణయించబడిన వధువు మాత్రమే ఆ ప్రత్యక్షతను కలిగియుంటుంది. కావున, మనము: ఆయన వాక్యముయొక్క ఏకైక అనువాదకుడు ఎవరు? ఏడు ముద్రలను బ్రదలుచేసి వాటిని బయలుపరిచేది ఎవరు? బైబిలు గ్రంథముయొక్క ఈ దాచబడిన మర్మములన్నిటినీ బయలుపరిచేది ఎవరు? ఆయనయొక్క వధువును బయటకు పిలిచి మరియు ఆమెను నడిపించేది ఎవరు? విఫలమవ్వజాలని స్వరమును కలిగియుండేది ఎవరు అని ఆయన చెప్పాడో గ్రహించడానికి, ఆయనయొక్క వాక్యమును పరిశోధించవలసియున్నాము.

వాక్య ప్రకారముగా, అది మరెవరో కాదు గానీ, స్వయంగా మెల్కీసెదెకుయేయై యున్నాడు. తండ్రియైనా లేదా తల్లియైనా లేనటువంటి ఒక వ్యక్తి, జీవితకాలమునకు ఆదియైనను అంతమైనను లేనివాడు. శరీరధారియై మరియు మాంసమును మరియు మొక్కజొన్న రొట్టెను తిని, మజ్జిగను త్రాగి, మరియు అబ్రాహాముతో మాట్లాడినది, దేవుడేయైయున్నాడు. ఆయన వ్యక్తిత్వమును కలిగియున్న ఒక వ్యక్తియైయున్నాడు, మానవ శరీరములో జీవించినవాడైయున్నాడు.

ఆ మెల్కీసెదెకు, ఆ వ్యక్తి, ఆ వ్యక్తిత్వము, సరిగ్గా తాను అబ్రాహాము వద్ద చేసినట్లే, పిదప ఇంకొకసారి యేసుక్రీస్తులో చేసినట్లే, మరలా మానవశరీరములో నివసించి తననుతాను బయలుపరచుకుంటాడని అదే వాక్యము చెప్పినది; అయితే ఈనాడు, అది ప్రకటన 10:7 లోని ఆయనయొక్క ఏడవ దూత వర్తమానికునిలోయైయున్నది.

ఆయన తన వధువుతో మాట్లాడి మరియు ఆమెకు తననుతాను బయలుపరచుకోగలుగుటకు ఆయన ఆ భూసంబంధమైన గుడారమును పూర్తిగా తనతోనే నింపివేస్తాడు. దేవుడు తానే మానవ శరీరములో నివసించుచు మరియు మాట్లాడుచున్నాడు. ఆయనయొక్క సంపూర్ణముగా పునరుద్ధరించబడిన మొదటి విత్తనము పూర్తి పరిపక్వతకు వచ్చినది. దేవునియొక్క పూర్తి ప్రణాళిక వచ్చియున్నది; దేవుడు మరియు మానవుడు ఒక్కటైయున్నారు. దేవుడు అబ్రాహాముతో మాట్లాడినట్లుగా తన వధువుతో నేరుగా మాట్లాడుచున్నాడు.

ఇప్పటివరకు...!! అలాగైతే మనము ఎవరము?

మన కన్నులు, మన రూపము, మనము ఏమైయున్నామో అదంతా కూడా, మనము ఆదిలోనే ఆయనయొక్క ఆలోచనలో ఉన్నాము. ఒక్క దూతయైనా, నక్షత్రమైనా, కెరూబుయైనా, లేదా మరేదైనా లేకముందే మనము ఆయన ఆలోచనలో ఉన్నాము. ఆయన దానిని ఆలోచించాడు, ఆయన దానిని పలికినాడు, మరియు ఇదిగో మనము ఇక్కడ ఉన్నాము.

మనము ఆదియందు ఆయనలో ఉన్నాము గనుక, ఇక్కడ భూమి మీద ఈ మర్త్యమైన శరీరము ముగిసిన తర్వాత మనకు ఏమి జరుగుతుంది?

ఆయనయొక్క వధువు కొరకు ఎటువంటి అద్భుతమైన సంగతులు సిద్ధపరచబడియున్నవి కదా. ముందెన్నడూ లేనివిధంగా ఆయన మనకు తన వాక్యమును బయలుపరుస్తుండగా సరిగ్గా ఇప్పుడు ఏమి జరుగుతున్నదో చూడండి. ఆయనయొక్క వధువు కొరకైన ప్రేమలేఖ గురించి మాట్లాడండి! మనము ఎటువంటి ఒక దినములో జీవిస్తున్నాము కదా.

మనము ప్రత్యక్షతను కలిగియుండి మరియు టేపులలో మనతో మాట్లాడుచున్నది, మెల్కీసెదెకుయేనని, దేవునియొక్క స్వరమేనని ఎరిగియున్నాము. అది ఈ దినము కొరకు దేవునిచేత ఏర్పాటు చేయబడిన పరిపూర్ణమైన చిత్తమైయున్నది అనే ప్రత్యక్షతను మనము కలిగియున్నాము. కావున, ఆయన ఎవరో మనకు తెలుసు మరియు మనము ఆయనయొక్క వధువైయున్నాము.

ప్రతీ రోజు ప్రత్యక్షత మరింత గొప్పగా మరియు మరింత గొప్పగా మారుచున్నది. గడుచుచున్న ప్రతి దినము మనకు మరింత సంతోషమును, మరింత ప్రత్యక్షతను తీసుకువస్తున్నది. మనము ఎవరమైయున్నాము, ఆయన మనల్ని ఎంతగా ప్రేమిస్తున్నాడు, మనతో కలిసి ఉండుటకు ఆయన ఎంతగా ఆత్రుతపడుచున్నాడు అనేది ఆయన మనతో చెప్తుండగా, వధువు ఆయన స్వరముయొక్క సన్నిధిలో కూర్చొని తననుతాను సిద్ధపరచుకుంటున్నది!!!

మనము మెల్కీసెదెకు స్వరమును వినుచుండగా, ఏమి జరుగబోవుచున్నదో దానికొరకు, వచ్చి, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయముకల్లా మిమ్మల్ని మీరు సిద్ధపరచుకోండి.

సహోదరుడు. జోసఫ్ బ్రెన్హామ్

 

వర్తమానము: 65-0221E "ఈ మెల్కీసెదెకు ఎవరు?"

 

చదువవలసిన లేఖనములు:

ఆదికాండము18వ అధ్యాయము
నిర్గమకాండము 33:12-23
పరిశుద్ధ. యోహాను 1:1
రోమా 8:1
2 కొరింథీ 5:1
1 థెస్సలొనీక 4:13-18
మొదటి తిమోతి 3:16 / 6:15
హెబ్రీ 7:1-3 /13:8
ప్రకటన 10:1-7 / 21:16

 

 

ప్రియమైన ఎంపిక చేయబడిన, ఎన్నుకోబడిన, & ముందుగా నిర్ణయించబడిన వధువా:

ఒక యవనస్థుడిగా ఎదుగుతున్నప్పుడు, వినడానికి ఒక టేపును ఎన్నుకొనుటకు ప్రయత్నించడం నాకు గుర్తున్నది. వాటి పేర్లను చదివేటప్పుడు, దానితో నాకు ఎటువంటి సంబంధము లేదు గనుక, నేను వివాహము మరియు పరిత్యాగము అనే వర్తమానమును ఎన్నడూ వినను; అది కేవలం వివాహితుల కొరకు మాత్రమే అని నేనెళ్ళప్పుడు అనుకునేవాణ్ణి.

పిదప ఒక రోజు, వివాహము మరియు పరిత్యాగమును వినుచుండగా, తండ్రి నాకు ఆ వర్తమానముయొక్క ప్రత్యక్షతను ఇచ్చాడు. ఆయనయొక్క అభిషేకము నా హృదయములోనికి వచ్చినది. ఆయన నాతో మాట్లాడుతున్నాడు. ఈ వర్తమానము నా కొరకేయైయున్నది. ఆయన నన్ను జగత్తుపునాది వేయబడకముందే ఎన్నుకున్నాడని ఆయన నాతో చెప్తున్నాడు. ఇది నా వివాహ వేడుకయైయున్నది. నాకు ఆయన తప్ప మరెవ్వరూ వద్దు. నేను ఆయనకే, మరియు ఆయనయొక్క వాక్యమునకే, మరియు ఆయనయొక్క స్వరమునకే, నమ్మకముగాను మరియు విశ్వాసనీయముగాను ఉన్నాను. మేము ఒక్కటైయున్నాము.

నిజముగానే ఈ వర్తమానము వివాహము జరిగి మరియు ఇప్పుడు పరిత్యాగమైపోయిన అనేక సహోదరులు మరియు సహోదరీల కొరకైయున్నది, మరియు వారేమి చేయాలని ఆయన వారితో చెప్పుటయైయున్నది; కానీ అందులో ఇంకా చాలా పరిపూర్ణమైనదియు మరియు ఉన్నతమైనదియునైన అర్థము ఉన్నది, ఇంకా చాలా గొప్పదియు, ఇంకా చాలా శక్తివంతమైనదియునైన అర్థము ఉన్నది.

ఒక్క భర్త ఉన్నాడు, మరియు ఆయన తనయొక్క అనేకమైన, ఎన్నుకోబడిన వధువును పిలచుచు మరియు వారితో మాట్లాడుచున్నాడు. దేవునియొక్క స్వరము తనయొక్క స్వచ్ఛమైన, సంకరములేని, కన్య వాక్య వధువును పిలచుచున్నది. ఆమె మనుష్యునిచేత తాకబడనిది లేదా చెరపబడనిదైయున్నది. ఆయనకు మరియు ఆయనయొక్క వాక్యమునకే నమ్మకముగాను మరియు విశ్వాసనీయముగాను ఉన్నదైయున్నది. ఆయనతో మరియు ఆయనయొక్క స్వరముతో పూర్తిగా తృప్తిచెందినదైయున్నది.

ఆయనయొక్క కృపా మరియు కనికరము ద్వారా, మనము ఆయనయొక్క కన్య వాక్య వధువైయున్నామని, ఒక్క సందేహపు ఛాయయైనా లేకుండా, ఈనాడు మనము చెప్పగలము. మహిమ!!

ఆయనయొక్క వధువును పిలిచే విషయానికి వచ్చినప్పుడు ఆయన ఏ కార్యము కూడా అసంపూర్ణముగా వదిలిపెట్టబడకుండా సరిచూసుకోవాలనుకున్నాడు, కావున ఆయన స్వయంగా తానే వచ్చాడు మరియు తన వాక్యమును బయలుపరిచి మరియు తన వధువును తనయొద్దకు పిలుచుకోడానికి మానవ శరీరములో నివసించాడు. ఆయన తన స్వంత వధువును ఎన్నుకునే ఎలీయెజెరుయై యున్నాడు.

మనల్ని ప్రేమతో ఆకర్షిస్తున్నది ఎవరు అనే విషయములో మనము ఏ విధంగాను గందరగోళమవ్వకుండా చూసుకోడానికి, ఆయన ఒక చెట్టులో వ్రేలాడుతున్న ఒక సుడిగాలి నుండి అతనితో మాట్లాడటం ద్వారా, ఆయన స్వయంగా తానే తనయొక్క ఎన్నుకోబడిన పాత్రను నిర్ధారించాడు. పిదప వేలమంది ప్రజల ఎదుట ఓహియో నది వద్ద ఆయన దృశ్యముగా అతనితో మాట్లాడినాడు.

ఆయన ప్రపంచానికి చూపించి మరియు ఇట్లు చెప్పడానికి అతనితో ఆయనయొక్క ఫోటోను కూడా తీయబడనిచ్చాడు, నేను మరలా వచ్చి శరీరములో నివసిస్తానని మీతో చెప్పాను. నా వధువుగా ఉండుటకు మిమ్మల్ని బయటకు పిలుచునట్లు, నేను నివసించడానికి ఎన్నుకున్న వ్యక్తి అతడేయైయున్నాడు. అది అతడు కాదు; అది నేనే అతనిగుండా మాట్లాడుటయైయున్నది. మీకు నా స్వరముగా ఉండడానికి నేను కేవలం అతని స్వరమును ఉపయోగించుకుంటున్నాను. మిమ్మల్ని బయటకు పిలిచి మరియు నా పరిపూర్ణమైన వధువుగా ఉండుటకు మిమ్మల్ని పరిపూర్ణము చేసేదే నేనే.

ఈ వర్తమానముయొక్కయు, ఆయన వాక్యముయొక్కయు, ఆయన స్వరముయొక్కయు, మరియు ఇప్పుడు మనము ఎవరైయున్నాము అనేదానియొక్కయు ప్రత్యక్షతను వ్యక్తపరచడానికి ప్రయత్నించుటకు అది మానవ పదములకు మించినదైయున్నది. నేను సరిగ్గా ఏమి చెప్తున్నానో మీకు తెలుసని నాకు తెలుసు. ఎత్తబడు విశ్వాసము చోటుచేసుకుంటున్నది. వధువు స్వయంగా దేవునియొక్క సన్నిధిలోనే కూర్చొని, పరిపూర్ణము చేయబడుతూ తననుతాను సిద్ధపరచుకుంటున్నది.

ప్రపంచము దేవునియొక్క స్వరము తమతో మాట్లాడటాన్ని వినుటకు ఎటువంటి ఒక అవకాశమును కలిగియున్నది కదా; ఆయన మాట్లాడుతూ మరియు తన వాక్యమును బయలుపరుస్తూ మరియు మనమెవరన్నది మనతో చెప్తుండగా కూర్చొని మాట వెంబడి మాట వినడం ఎటువంటి అవకాశము కదా. ఆయనయొక్క సన్నిధిలో కూర్చొనియుండడం వంటిది ఏదియు లేదు, కాబట్టి ఈ ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, ఆయన తన వధువుతో, "వివాహము మరియు పరిత్యాగము" 65-0221M అనే వర్తమానమును మాట్లాడుటను మేము వినుచుండగా, వచ్చి మాతో చేరండి.

సహోదరుడు. జోసఫ్ బ్రెన్హామ్

 

వర్తమానము వినడానికిముందు చదువవలసిన లేఖనములు:

పరిశుద్ధ. మత్తయి 5:31-32 / 16:18 / 19:1-8 / 28:19
అపొస్తలుల కార్యములు 2:38
రోమా 9:14-23
మొదటి తిమోతి 2:9-15
మొదటి కొరింథీ 7:10-15 / 14:34
హెబ్రీ 11:4
ప్రకటన 10:7
ఆదికాండము 3 వ అధ్యాయము
లేవీయకాండము 21:7
యోబు 14:1-2
యెషయా 53
యెహెజ్కేలు 44:22

 

 

ప్రియమైన శ్రీమతి. యేసుక్రీస్తు,

ఇదియే దినము. ఇదియే సమయము. తనయొక్క శ్రీమతి. యేసుక్రీస్తును బయటకు పిలిచి, ఆమెతో మాట్లాడి మరియు, “నేను ఎన్నుకున్నది నిన్నే. నేను ప్రేమించుచున్నది నిన్నే. నీవు నాయొక్క పరిపూర్ణ వాక్యపు కన్యక వధువైయున్నావు. మనము ఒక్కటైయున్నాము,” అని ఆమెతో చెప్పడానికి దేవుడు తనయొక్క బలమైన పక్షిరాజును భూమి మీదకు పంపించాడు.

కేవలం ఆ మాటలు వినడంతోనే, మన హృదయములు ఆనందముతో గంతులు వేస్తాయి. ప్రపంచమంతటిలో, మిలియన్లు మరియు మిలియన్ల కొలది ప్రజలు ఉండగా, ఒకే ఒక్క శ్రీమతి. యేసుక్రీస్తు ఉన్నది, మరియు ఆయన ఎవరికొరకైతే వస్తున్నాడో, అట్టి ఆమె మీరేయైయున్నారు అనేది ఆలోచించడానికే ఎలాగున్నది కదా.

ఎన్నుకోబడిన ఆరాధనా స్థలము ఒకే ఒక్కటి ఉన్నది. ఎన్నుకోబడిన పరిపూర్ణమైన వర్తమానము ఒకే ఒక్కటి ఉన్నది. ఎన్నుకోబడిన ఒకే ఒక్క పరిపూర్ణమైన వధువు ఉన్నది…మరియు అది మనమేయైయున్నాము!!

తండ్రి ఎన్నుకున్న ఒకే ఒక్క ఆరాధనా స్థలమును కలిగియున్నాడు, అది ప్రభువైన యేసుక్రీస్తుయైయున్నాడు; ఆయన వాక్యమైయున్నాడు. ఈ రోజు, ఆత్మసంబంధమైన మరణము తాకలేని స్థలము ఒకే ఒక్కటి ఉన్నది: అది వాక్యమైయున్నది. వాక్యమును మరణము తాకలేదు, ఎందుకనగా అది దేవునియొక్క సజీవ వాక్యమైయున్నది.

ఆ సజీవ వాక్యముయొక్క సంపూర్ణ ప్రత్యక్షత శ్రీమతి. యేసుక్రీస్తుకు మాత్రమే బయలుపరచబడినది. ఎక్కడికైతే శ్రీమతి. యేసుక్రీస్తు వెళ్ళి మరియు పరిపూర్ణ వాక్యము పలుకబడుటను వినగలదో అట్టి స్థలము ఒకే ఒక్కటి ఉన్నది. దేవునియొక్క స్వరముగా ఉండుటకు ఎన్నుకోబడిన ప్రవక్త ఒకే ఒక్కడు ఉన్నాడు. శ్రీమతి. యేసు వెళ్ళి మరియు యెహోవా ఈలాగు సెలవిచ్చుచున్నాడును వినగల స్థలము ఒకే ఒక్కటి ఉన్నది: అది ప్లే ను నొక్కడమేయైయున్నది.

ఆమె భర్తయొక్క స్వరము ఆమెతో మాట్లాడుటను వినుచు మరియు వెంబడించడానికి ఆయనయొక్క వధువు ఎంత జాగ్రతగా ఉండవలసియున్నది కదా. మనము ఎక్కడికైతే వెళ్ళి మరియు 100% నిశ్చయతను కలిగియుండగలమో అట్టి స్థలము ఒకే ఒక్కటి ఉన్నది. మనము మన నిత్యమైన గమ్యమును ఆధారము చేసుకున్నట్టి స్వరము ఒకే ఒక్కటి ఉన్నది.

శ్రీమతి. యేసుక్రీస్తు తాను టేపులలో వింటున్న మాటలు ఆమె భర్తయొక్క మాటలని నమ్ముతుంది. ఆయనయొక్క మాటలకు ఎటువంటి అనువాదము అవసరంలేదని ఆమె నమ్ముతుంది. కావున, తాను ఎక్కడికైతే వెళ్ళి మరియు ప్రతీ మాటకు ఆమేన్ చెప్పగలదో అట్టి ఏర్పాటుచేయబడిన స్థలము ఒకే ఒక్కటి ఉన్నదని, అది టేపులలో ఉన్న ఆమె భర్తయొక్క స్వరమని ఆమె నమ్ముతుంది.

మరొకసారి, ప్రపంచమంతటి నుండి, శ్రీమతి. యేసుక్రీస్తు, ఇట్లు చెప్పగలదు, “ఈ దినము, ఈ పలుకబడిన వాక్యము, నెరవేరుచున్నది”.

దేవుడు తన వధువుతో మాట్లాడుతూ: "దేవుడు ఎన్నుకున్న ఆరాధనా స్థలము" 65-0220 అనే వర్తమానమును పలుకడాన్ని మేము వినుచుండగా, జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు, మీరు బ్రెన్హామ్ టెబర్నికల్ తో కలిసి వినడానికి ఆహ్వానించబడుతున్నారు.

సహోదరుడు. జోసఫ్ బ్రెన్హామ్

 

లేఖనములు: ద్వితియోపదేశకాండము16:1 to 3.

 

 

ప్రియమైన అతీతమైన రాజ సంతానమా,

మనం ఎంతో ఆసక్తితో వేచియుండి మరియు ఎంతోకాలంగా ఎదురుచూసిన సమయం వచ్చియున్నది. మనం చేరుకున్నాము. అది మన కన్నులయెదుట విప్పబడటాన్ని మనం చూస్తున్నాము. అనుదినము ప్రవచనము నెరవేర్చబడుచున్నది, మరియు మనము ఇట్లు చెప్పగలము: ఈ దినము ఈ లేఖనము మన కన్నులయెదుట నెరవేరినది.

వధువులో ప్రత్యక్షత వలన ఎటువంటి ఒక ఉత్తేజము కలుగుచున్నది కదా. మనము వింటున్న ప్రతీ వర్తమానముతో, మన హృదయాలలో మరియు అంతరాత్మలలో ఇట్లు అనుభూతి చెందుతున్నాము, “ప్రభువా, ఇది ఇక ఇంతకంటే గొప్పదిగా మరియు ఇంతకంటే అద్భుతంగా మారడం అసలు సాధ్యమా?” అప్పుడు ఆయన మరొకసారి మన మధ్యకు వచ్చి మరియు మనం ఆయనయొక్క స్వరము మనల్ని పిలిచి మరియు, “నీవు నా ప్రియురాలవు. నా వధువుగా ఉండుటకు నేను నిన్ను ఎన్నుకున్నాను. నేను నీకు వాగ్దానము చేసినట్లుగా, నేను నీ కొరకు వస్తున్నాను. నేను దారిలో ఉన్నాను. త్వరలో మనము కలుసుకొని ఇక నిత్యమూ కలిసేయుంటాము,” అని చెప్పడాన్ని మనము వింటుండగా మనల్ని అభిషేకిస్తాడు.

ప్రపంచవ్యాప్తంగా మనము కేకలు వేస్తున్నాము, మన హల్లెలూయలతో, మహిమలతో, స్తుతులతో, మరియు ఆయనకు చేసే ఆరాధనతో పరలోకాన్ని ముంచెత్తుతున్నాము. సాతానుడు ఓడించబడ్డాడు. తండ్రి మన సందేహములన్నిటినీ, మన అనిశ్చయతలన్నిటినీ, ఊహాగానములన్నిటినీ తొలగించినాడు. కాబట్టి మనమే అబ్రాహాముయొక్క అతీతమైన రాజ సంతానమని, మన పూర్ణహృదయము మరియు అంతరాత్మతో మనము ప్రకటించగలము. వాగ్దానము చేయబడిన రాజ కుమారునికి ఒక రాజ వధువైయున్నాము.

ముందెన్నడూ లేనివిధంగా ఆయన తన వాక్యమును బయలుపరుస్తుండగా దేవునియొక్క సన్నిధి ఎంతో అద్భుతంగా ఉన్నది. ఆయన తన వాక్యముచేత ఆయనయొక్క వధువును ఐక్యము చేశాడు, మరియు మనల్ని ఏకమనస్సు మరియు ఏకాత్మగల వారిగా ఒక్కటిగా ఉంచి, దేవునియొక్క స్వరము మాట్లాడుటను వినుచుండగా మనల్ని తన వాక్యముచేత పరిపూర్ణులుగా చేస్తున్నాడు.

మనము వింటున్న ప్రతీ వర్తమానము మన అంతరాత్మలో పొంగిపొర్లుతున్న ఒక బుగ్గబావి వలె ఉన్నది; అది దేవునియొక్క సింహాసనము నుండి తాజాగా ఉబుకుతూ, జోరుగా ప్రవహిస్తూ, మరియు ఉరకలు వేస్తూ ఉన్నది. మనము ఎడతెగక దానిని త్రాగుతూ, మన అంతరాత్మలను నూతనపరచుకుంటున్నాము.

నా సహోదరులారా మరియు సహోదరీలారా, ఆయన ఒక కన్యకయైన వాక్య వధువును కలిగియుంటాడని చెప్తున్న లేఖనములకు నెరవేర్పు మనమే అయ్యున్నాము. మనము: ఈ దినము ఈ లేఖనము నెరవేరినది అయ్యున్నాము.

స్వయంగా దేవుడే పరలోకమునుండి తన ఏడవ దూతతో మాట్లాడి మరియు ఇట్లు చెప్పాడు, “క్రీస్తుయొక్క మొదటి రాకడను పరిచయం చేయడానికి బాప్తిస్మమిచ్చు యోహాను పంపబడినట్లే, నీ వర్తమానము ప్రపంచమంతటికీ, ఆయనయొక్క రెండవ రాకడను పరిచయం చేస్తుంది.” వధువు ఇట్లు చెప్పగలదు: ఈ దినము ఈ లేఖనము నెరవేరినది.

సాక్షాత్తు దేవునియొక్క స్వరమే మన దినములో మానవ పెదవుల ద్వారా పలుకబడి, రికార్డు చేయబడి, భద్రపరచబడి, మరియు ఆయన మనలో ప్రతియొక్కరితో యెహోవా ఈలాగు సెలవిచ్చుచున్నాడును పలుకగలుగునట్లు అది నిలువ చేపించబడినది అన్న విషయమును మనము అసలు గ్రహించగలమా? మనము ఎవరి మాటను, ఎవరి తలంపులను, ఎవరి ఆలోచనలను తీసుకోవాల్సిన అవసరం లేకుండా, కేవలం కూర్చొని మరియు ఆయన స్వరము నేరుగా మనతో ఆయనయొక్క స్వచ్ఛమైన వాక్యమును మాట్లాడుటను వినడం సాధ్యపడేలా ఆయన చేశాడు.

ఈనాడు ఏమి జరుగుచున్నది?

“టేపులను ప్లే చేయడమనేది దేవుడు తన వధువు కొరకు ఏర్పాటుచేసిన మార్గమైయున్నది”: అని చెప్పడం ద్వారా మరియు నమ్మడం ద్వారా మనము దేవునియొక్క పరిపూర్ణమైన చిత్తములో ఉన్నామా?

టేపులు వినడంకంటే గొప్పది ఏదైనా ఉన్నదా?

కాబట్టి టేపులలో మనతో మాట్లాడుచున్నది ఎవరు?

ప్లే ను నొక్కడం ఎంత ప్రాముఖ్యము?

వధువు మరొకసారి ఏకమై మరియు దేవుడు మనల్ని ప్రోత్సహించుటను మరియు మనము ఆయనయొక్క ఎన్నుకోబడినవారమని, మరియు మనల్ని మన గొప్ప వివాహ విందునకు, పిదప మన భవిషత్తు గృహమునకు తీసుకెళ్ళడానికి ఆయన త్వరలో వస్తున్నాడని చెప్తూ మనకు భరోసా ఇవ్వడాన్ని వినుచుండగా, గడిచిన వారములోని మన హల్లెలూయలు మరియు ప్రభువును స్తుతించడము కేవలం ఈ ఆదివారము ఏమి జరుగబోతున్నదో దానికి ఒక సిద్ధపాటుయైయున్నది.

ఇది యెహోవా ఏర్పాటుచేసిన దినము; దీనియందు మనము ఉత్సహించి సంతోషించెదము.

సహోదరుడు. జోసఫ్ బ్రెన్హామ్

 

వర్తమానము: 65-0219 - "ఈ దినము ఈ లేఖనము నెరవేరినది"

 

లేఖనములు:

పరిశుద్ధ. యోహాను 16వ అధ్యాయము
యెషయా 61:1-2
పరిశుద్ధ. లూకా 4:16

 

 

దయచేసి ఈ వారము జఫర్సన్విల్ లో సమయ మార్పు గురించి మర్చిపోకండి.

 

 

ప్రియమైన కన్య వాక్య వధువా,

ఈ ఉదయము నేను ఇక్కడ కూర్చొని, ఆదివారము వధువు వినబోయే ఈ వర్తమానము వింటూ, చదువుతూ మరియు అధ్యయనము చేస్తుండగా, మహత్తరమైన అభిషేకమును నేను అనుభూతి చెందుతున్నాను. నా సమస్తము అభిషేకించబడినది. ప్రపంచమంతటి నుండి మనమందరమూ ఇదే అభిషేకముతో కూడివస్తామని ఎరిగియుండి, నా హృదయము అత్యానందముతో ఉబుకుచున్నది. ఆయన మనలో ప్రతి ఒక్కరితో మాట్లాడి మరియు ఆయనయొక్క వాక్యమును బయలుపరుస్తుండగా, ఒకే సమయములో, మనమందరమూ సంతోషిస్తూ మరియు ప్రభువును స్తుతిస్తూ ఉంటాము.

అభిషేకము ఎంత గొప్పగా ఉంటుందంటే, మనము మన స్తుతులతో మరియు ఆరాధనతో పరలోకమును ముంచెత్తుతుండగా, ప్రపంచమంతటా ఒకే సమయములో, “హల్లెలూయా, ఆమేన్, ప్రభువు నామమునకు స్తుతి కలుగునుగాక” అని అరవడము మరియు కేకలువేయడము ఉంటుంది.

ఏమి జరుగుతుంది? దేవుడు ఆయనయొక్క వధువును ఐక్యపరుస్తూ మరియు ఆమెతో మాట్లాడుతూ ఉంటాడు. ఆయన తననుతాను బయలుపరచుకుంటూ మరియు తననుతాను మనకు ప్రత్యక్షపరచుకొనుచుండగా మనము ఒక్కటైయుంటాము, ఏక మనస్సుతోను మరియు ఏక ఆత్మతోను ఉంటాము.

మీరు వెళ్ళగల మరే గొప్ప స్థలము లేదు, మీరు వినగల మరే గొప్ప స్వరము లేదు; టేపులలో దేవునియొక్క స్వరము నేరుగా మీతో మాట్లాడటం కాకుండా మరే గొప్ప అభిషేకము లేదు.

దేవుడు ఆదినుండి ఆయనయొక్క వాక్యమును కనిపెట్టుకొనియున్నాడు మరియు తన పిల్లలందరూ వెళ్ళి ఆయన మాట్లాడటాన్ని మరియు ఆయన తన స్వంత వాక్యమును అనువదించడాన్ని వినగలుగునట్టి ఒక స్థలమును ఏర్పాటుచేశాడు. అది ఎటువంటి అంచనాలు, ఎటువంటి ఆశించడాలు, ఎటువంటి ఆలోచించడాలు లేనట్టి ఒక స్థలమైయున్నది; అది యెహోవా ఈలాగు సెలవిచ్చుచున్నాడును వినుటకు దేవుడు ఏర్పాటుచేసిన స్థలమైయున్నది.

అది మీకు బయలుపరచబడినప్పుడు, అది మీ హృదయములో మరియు మీ అంతరాత్మలో ఆన్ చేయబడినట్టి ఒక గొప్ప వెలుగుగా ఉన్నది…మీరు ఇట్లు కేకవేస్తారు, “విషయం ఇదే. నేను దానిని చూస్తున్నాను. నేను వాక్యముతో ఒక్కటైయున్నాను. నేనే వాక్యమైయున్నాను. నేను వధువైయున్నాను. నేను చేరుకున్నాను.”

వాక్యమును వినడానికి మనము కూడివస్తుండగా, మన చింతలన్నీ, మన ఒత్తిడిలన్నీ, మన సమస్యలన్నీ, మటుమాయమైపోతాయి. మనము చింతించడానికి ఏదియు లేదని; మనము ఆయనయొక్క వధువైయున్నామని మనము గుర్తిస్తూండగా మనము సంతోషిస్తాము. ఆయన మనతో మాత్రమే కాదు గానీ, ఆయన మనలో ఉన్నాడు. మనము విత్తనపు వాక్య వధువైయున్నాము. సమస్తమూ సరిగ్గా ఉన్నది. ఆయన సమయము ఖచ్చితమైనది. మనము పరిపూర్ణులమైయున్నాము.

మనము ఆయనయొక్క కన్యక-జన్మ ద్వారాయైన శరీరధారియైన వాక్యమైయున్నామని చెప్పుటకు మనము ఎంతో తృప్తిచెందియున్నాము మరియు కృతజ్ఞులమైయున్నాము; నిన్నా, నేడు, మరియు నిరంతరము ఒక్కటేరీతిగా ఉన్న యేసుక్రీస్తు, మనలో జీవిస్తూ నివసిస్తున్నాడు. హల్లెలూయా!

మనము ఒక్క మాట విషయంలో కూడా రాజీపడలేము. మనము టేపులలో ఉన్న దేవునియొక్క స్వరమును వినవలసియున్నాము.

వధువా సిద్ధపడుము, ఈ ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, మనము: 65-0218 విత్తనము తొక్కతో వారసత్వము పొందదు అనుదానిని వినుచుండగా, అత్యంత గొప్ప అభిషేకము క్రింద కూర్చొని, ఆ తాజా మన్నాను భుజిస్తాము.

ఈ దినమునకు దేవుడు ఏర్పాటు చేసిన పరిపూర్ణమైన మార్గముపై విందునారగించుటకు ప్రపంచమంతటినుండి వధువును మేము ఆహ్వానిస్తున్నాము. అదియే వధువు ప్రతీ మాటకు ఆమేన్ చెప్పగల ఏకైక స్థలమైయున్నది. ప్లే ను నొక్కి మరియు వాక్యమును వినుచు మరియు దానిని స్వీకరించడం ద్వారా అక్కడ పరిశుద్ధాత్మయొక్క సర్వోన్నతమైన అభిషేకము మాట్లాడి మరియు ఆయన వధువును పరిపూర్ణము చేస్తుంది.

సహోదరుడు. జోసఫ్ బ్రెన్హామ్

 

లేఖనములు:

పరిశుద్ధ. మత్తయి 24:24
పరిశుద్ధ. లూకా 17:30
పరిశుద్ధ. యోహాను 5:24 / 14:12
రోమా 8:1
గలతి 4: 27-31
హెబ్రీ 13:8
1 యోహాను 5:7
ప్రకటన 10
మలాకీ 4