ప్రియమైన క్రీస్తు వధువా, ఈ ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, 60-1206 స్ముర్ణ సంఘ కాలమును వినడానికి మనమందరము కూడివద్దాము.
సహోదరుడు. జోసఫ్ బ్రెన్హామ్
సంబంధిత కూడికలు
ప్రియమైన క్రీస్తు వధువా, ఈ ఆదివారము జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు, 60-1205 ఎఫెసు సంఘ కాలమును వినడానికి మనం కూడివద్దాము.
సహోదరుడు. జోసఫ్ బ్రెన్హామ్
సంబంధిత కూడికలు
ప్రియమైన క్రీస్తు వధువా, ఈ ఆదివారము జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, 60-1204E పత్మాసు దర్శనం ను వినడానికి మనము కూడివద్దాము.
సహోదరుడు. జోసఫ్ బ్రెన్హామ్
సంబంధిత కూడికలు
ప్రియమైన ప్రవచనాత్మక తరగతి ప్రజలారా,
మనము వాక్యమును, ప్రత్యక్షతను ఎంతగా ప్రేమిస్తున్నాము కదా! ఒక విశ్వాసికి పరిశుద్ధాత్మ చేత ఇవ్వబడే సర్వసత్యముయొక్క ప్రాముఖ్యతను ఎంత చెప్పినా తక్కువే. ప్రత్యక్షత అనేది వధువుకు జీవముకంటే ఎక్కువైనది; ఏలయనగా ఈ బండ మీద, ప్రత్యక్షత మీద, నేను నా సంఘమును కట్టుదును, మరియు దేవునియొక్క కృప కనికరముల ద్వారా, మనము ఆయనయొక్క నిజమైన ప్రత్యక్షతను కలిగియున్న ఆయనయొక్క సంఘమైయున్నాము.
ప్రకటన గ్రంథము అందరికొరకు కాదు. దానిని గ్రహించగలిగేవారు ఎవ్వరూ లేరు. అది ఒక ప్రవచనాత్మకమైన గ్రంథమైయున్నది, అది ఒక ప్రవచనాత్మక తరగతి ప్రజల కొరకు మాత్రమే వ్రాయబడినది మరియు వారు మాత్రమే దానిని గ్రహిస్తారు: అది యేసుక్రీస్తు యొక్క వధువైనట్టి, మనమేయైయున్నాము.
బైబిలు మొత్తంలో స్వయంగా క్రీస్తు వ్రాసినట్టి గ్రంథము అది మాత్రమేయైయున్నది, అయితే ఆయన తన దూత ద్వారా దానిని పంపి తన దాసుడైన యోహానుకు దానిని సూచించాడు. వ్రాయబడిన ఈ సత్యములు శిష్యులకు తెలియదు. అవి వారికి ఇదివరకు బయలుపరచబడలేదు. దానిలో ఆయన స్థానము ఏమిటన్నది యేసు కూడా శిష్యులకు చెప్పలేకపోయాడు; ఏలయనగా తండ్రి దానిని ఆయనకు బయలుపరచలేదు.
కానీ ఇప్పుడు, ఆయనయొక్క మరణము మరియు పునరుత్థానము తర్వాత, ఈ నియమితమైన సమయములో, ఆయన తనను గూర్చిన ఈ ప్రత్యక్షతను యోహానుకు బయలుపరచగలిగాడు, సంఘములో ఆయన మహిమ మరియు ఆయన సన్నిధి ఎంత ప్రాముఖ్యమైనదిగా ఉంటుంది మరియు ఏమి చేస్తుందన్నది తెలియజేయగలిగాడు.
కానీ ఇప్పుడు, రెండువేల సంవత్సరాల తర్వాత, లోకము ఆలోచించినది, వేదపండితులు పఠించారు మరియు క్షుణ్ణంగా పరిశీలించారు, కానీ ఆయనయొక్క ఎన్నుకోబడిన వధువైనట్టి మనకు, దానంతటినీ బయలుపరచడానికి దేవుడు అదే దూతను భూమి మీదకు పంపినట్టి ఈ దినము వరకును, ఈ సమయము వరకును, ఎవ్వరు కూడా ప్రకటన గ్రంథములో వ్రాయబడిన ఈ మర్మముల యొక్క సరియైన అనువాదమును మరియు ప్రత్యక్షతను కలిగిలేరు.
ఆయన వాక్యముయొక్క నిజమైన ప్రత్యక్షతను కలిగియుండటానికి దేవుడు, నన్ను మరియు నిన్ను ఎన్నుకోవడమనేది అసలు ఎంత గొప్ప విషయమో అర్థం చేసుకోడానికి ప్రయత్నించడం మానవ వివరణకు అతీతమైనది. వర్తమానమును వెంబడిస్తున్నామని ప్రకటించుకుంటూ మరియు దేవుడు ఒక ప్రవక్తను పంపాడని నమ్ముతున్నామని చెప్పుకునేవారు అనేకులు ఉండగా, మరి ఆయన స్వరమునే వారు తప్పకుండా వినవలసిన అత్యంత ప్రాముఖ్యమైన స్వరముగా చేసుకోకపోవడం వలన కలిగే పరిణామాలను ఎరిగియుండుటలో వారు సంపూర్ణ ప్రత్యక్షతను కలిగిలేరు. ఈ దినమున ఆయన స్వరమును గూర్చిన ఈ ప్రత్యక్షతను కలిగియుండటం నిజంగానే మిగుల వెలగల ముత్యము వంటిదైయున్నది.
ఆ నిజమైన ప్రత్యక్షతను బయలుపరచడానికి దేవుడు మనల్ని ఎన్నుకున్నాడు. తద్వారా, మనమే ఆయనయొక్క నిజమైన సంఘమైయున్నాము, సాతానుడు ఎవరి యెదుట శక్తిహీనుడైపోతాడో మరియు ఖచ్చితంగా ఓడించబడతాడో, అటువంటి జయింపశక్యముకాని ఆయన సైన్యము మనమేయైయున్నాము. మన జీవితాలలో ఆయనయొక్క నిజమైన ప్రత్యక్షత ఉండగా, పాతాళలోక ద్వారములు మన యెదుట నిలువనేరవు గానీ, మనమే వాటిని జయిస్తాము. మన ఎదుట నిలబడగలిగేది ఏదియు లేదు.
మన దినమునకు దేవుని స్వరముయొక్క ప్రాముఖ్యతను గుర్తించడమే ఈ దినమునకు నిజమైన సంపూర్ణ ప్రత్యక్షతయైయున్నది. దేవుడు కోరుచున్నదంతా, సంఘానికి వెళ్ళడం, సంఘానికి చెందియుండటం, బల్యర్పణలు అర్పించడం, ప్రార్థించడం, మరియు దేవుడిని ఆరాధించడం మాత్రమేయైతే, అప్పుడు సరిగ్గా దేవుడు చేయమని చెప్పినదానినే కయీను చేసియుండగా అతణ్ణి ఖండించినందుకు దేవుడు అన్యాయస్థుడవుతాడు.
టేపులలో ఉన్న స్వరము మనకు ఏమైయున్నదంటే:
ఆ పూర్తి విషయముయొక్క ప్రత్యక్షత దానిని చదువువారి కొరకు మరియు దానిని వినేవారి కొరకు ఒక ఆశీర్వాదముతో, దానికి దేనినైనా కలిపేవారికి లేదా దానినుండి దేనినైనా తీసివేసేవారికి ఒక శాపముతో, ఈ వెనుక ఇక్కడ ఉంచబడినది. అది ఒక సంపూర్ణ గ్రంథమైయున్నది, ఓ, అంతిమమైయున్నది. దానికి ఏదియు కలపబడజాలదు. మరియు ఒక వ్యక్తి దానినుండి దేనినైనా తీసివేయడానికైనా, లేదా దానికి ఏదైనా కలపడానికైనా ప్రయత్నిస్తే, అతని భాగమును ఆయన జీవగ్రంథము నుండి తీసివేస్తాడని దేవుడు చెప్పాడు. చూశారా? అతడు దానికి కలిపినట్లైతే, ఆయన అతని భాగమును గ్రంథము నుండి తీసివేస్తాడు.
ఆయన వాక్యమునకు దేనిని కలపకుండా లేదా దానినుండి దేనిని తీసివేయకుండా ఉండునట్లు, ముందెన్నడూ లేని విధంగా, దేవుడు ఒక పరిపూర్ణమైన మార్గమును ఏర్పాటుచేశాడు. ఆయన మాట్లాడుతూ మరియు ఆయనయొక్క వాక్యమును మనకు బయలుపరుస్తుండగా ఆయన స్వరమును వినే అవకాశమును ఆయన మనకు ఇచ్చాడు. దానికంటే గొప్ప విషయం అసలు ఏదియు ఉండజాలదు.
ఇది ఈ దినమునకైన నిజమైన ప్రత్యక్షతయైయున్నది.
మనము ఏడు సంఘకాలములను వినుచుండగా, చదువుతుండగా, మరియు అధ్యయనం చేస్తుండగా ప్రభువు మన కొరకు దాచియుంచిన దానంతటి కొరకు నేను ఎంతో ఉత్సాహభరితుడనైయున్నాను మరియు గొప్ప ఎదురుచూపుతో ఉన్నాను. దేవుడే దానిని వ్రాశాడు, దానిని యోహానుకు సూచించడానికి తన దూతను పంపించాడు, పిదప ఈ క్షణములో మనము ఇక్కడ భూమి మీదకు వచ్చేవరకు వేచియున్నాడు, తద్వారా ఆయన అదే దూతను మనకు పంపించి దానిని బయలుపరచగలుగుటకై యున్నది!
ఈ దినముకంటే మహిమకరమైన సమయము ప్రపంచ చరిత్రలోనే ముందెన్నడూ లేదు. స్వయంగా తామే దేవుని స్వరమును వినే అవకాశమును కలిగియుండటం కంటే మానవుడికి ఇవ్వబడిన గొప్ప ఘనత మరేదియు లేదు. ఆయనయొక్క వధువు ఆయనయొక్క స్వరము ద్వారా అందరూ ఒకే సమయములో ఐక్యము చేయబడటం సాధ్యమైన కాలము ముందెన్నడూ లేదు.
సిద్ధంగా ఉండండి, దేవుడు స్వయంగా ఆయన గురించి మరియు: ఆయనయొక్క జయింపశఖ్యముకాని సైన్యము, ఆయనయొక్క ఏర్పరచుకోబడిన, ఎన్నుకోబడిన గౌరవప్రదమైన స్త్రీ, కాలముయొక్క ఆరంభము నుండి ఆయన ఎవరి కొరకైతే ఎదురుచూశాడో అటువంటి తన ప్రియురాలైన మనము ఎవరమైయున్నాము అనేదాని గురించి ఇంకా అధిక ప్రత్యక్షతను ఇవ్వబోతున్నాడు.
ఏది కూడా దానిని మన నుండి తీసివేయలేదు. అది ముందెన్నడూ లేనివిధంగా మన హృదయములలో మరియు అంతరాత్మలలో లంగరువేయబడియున్నది. అది ఇప్పుడు మనకు ఎత్తబడు విశ్వాసమును ఇస్తున్న ఒక వాస్తవికతయైనది.
మనము ఈ ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, మొదటి వర్తమానమును: 60-1204M యేసుక్రీస్తు యొక్క ప్రత్యక్షత ను వినుచుండగా మన గొప్ప ప్రయాణమును ప్రారంభిస్తాము.
మీరు మీ సంఘకాల పుస్తకమును తీసుకొని, మరియు మీ నిశబ్ధమైన గదిలో దానిని చదవాలని మరియు ప్రతివారం, అధ్యాయము వెంబడి అధ్యాయము, దానిని అధ్యయనము చేయాలని నేను మిమ్మల్ని ప్రోత్సహించగోరుతున్నాను. మనము ఆయన స్వరమును వినుచు, పిదప ఆయనయొక్క వాక్యమును అధ్యయనము చేస్తూ ఐక్యమవ్వబోవుచున్నాము.
సహోదరుడు. జోసఫ్ బ్రెన్హామ్
సంబంధిత కూడికలు
ప్రియమైన పరిపూర్ణమైన వధువా,
అయితే శత్రువుయొక్క మోసపూరితమైన స్వభావమును చూస్తుండగా, మరి మనమిప్పుడు జీవిస్తున్నటువంటి ఒక దినమును మనము ముందెన్నడూ కలిగిలేము. ఇది అత్యంత కుయుక్తితోనిండిన, అత్యంత మోసపూరితమైన దినమైయున్నది. మరియు నేను దానిని చూసినప్పుడు, అది నాకు ఈ ఆలోచనను కలిగిస్తున్నది, అదేమిటంటే, ఒక క్రైస్తవుడు ముందు ఏ కాలములో ఉన్నదానికంటే ఈ రోజే ఎక్కువ అప్రమత్తంగా ఉండవలసియున్నాడు.
సహోదరుడు బ్రెన్హామ్ గారు వధువుతో ఈ మాటలను ఈనాటికి దాదాపు 61 సంవత్సరాల క్రితం మాట్లాడినాడు. ఇప్పటితో పోలిస్తే 61 సంవత్సరాల క్రితం శత్రువుయొక్క మోసపూరిత స్వభావము ఎలాగున్నది? ఒక భిన్నమైన కోణములో చూపించడానికి, ఈనాడు లోకములో ఉన్న సాంకేతిక పరిజ్ఞానముతో పోలిస్తే 61 సంవత్సరాల క్రితం ఉన్న సాంకేతిక పరిజ్ఞానం ఎటువంటిది?
1961 సంవత్సరం అంతరిక్ష పోటీ ప్రారంభ దశలో ఉన్న సమయమైయున్నది, అప్పుడు కంప్యూటర్లు ఒక గది-మొత్తాన్ని ఆక్రమించేంత పెద్దగా ఉన్న మెయిన్ ఫ్రేమ్ యంత్రాలైయున్నవి, అవి వ్యాక్యూమ్ ట్యూబులు మరియు పంచ్ కార్డుల సహాయంతో పనిచేసేవి, వాటిని ప్రోగ్రామ్ చేయడానికి ప్రత్యేక నిపుణులైన శాస్త్రవేత్తలు అవసరమయ్యేవారు. టెలిఫోన్లు గోడలకు అమర్చబడియుండేవి మరియు తీగెలతో అనుసంధానించబడి మరియు అనలాగ్ రాగి తీగెల లైన్లపై ఆధారపడి పనిచేసేవి, ట్రాన్సిస్టర్ ఆధారిత మెయిన్ ఫ్రేమ్ లు, కాగితపు దస్త్ర వ్యవస్థలు మరియు ప్రారంభ దశలోని గణక యంత్రాలు ఉండేవి.
కానీ ఈనాడు మనకు ఇంటర్నెట్ ఉంది. చిత్రాలను సృష్టించగల, రచనలు చేయగల, అలాగే పనులను తక్షణమే చేయడంలో సహాయపడగల కృత్రిమ మేధస్సు వ్యవస్థలు ఉన్నాయి. అంగారక గ్రహానికి వెళ్ళే వ్యక్తిగత రాకెట్లు ఉన్నాయి. జేబులో-పట్టేంత చిన్న స్మార్ట్ ఫోన్లు, స్మార్ట్ వాచీలు మరియు వ్యక్తిగత పరికరాలు ఉన్నాయి, ఇవన్నీ ప్రపంచవ్యాప్తంగా ఉన్న వైర్ లెస్ నెట్ వర్కుల ద్వారా పనిచేస్తూ, స్వరము, టెక్స్ట్ మెసేజీ, మరియు వీడియోల ద్వారా కోట్లాదిమంది ప్రజలను క్షణాల్లోనే ఒకరితో ఒకరిని అనుసంధానము చేస్తుంటాయి. అలాగే రోబోటిక్ సహాయక యంత్రాలు కూడా ఉన్నాయి.
శత్రువుయొక్క కుయుక్తి మరియు మోసపూరితమైన స్వభావము ముందెన్నడూ లేనివిధంగా ఉన్నది. సాతానుడియొక్క దుష్ట సంతానము పరిపూర్ణముగా పరిపక్వముచెంది మరియు సాతానుడి ఏదెనును సృష్టించినది. కానీ అదే సమయములో, పరిపూర్ణముగా పరిపక్వముచెందిన ఒక వధువును దేవుడు కలిగియున్నాడు, ఆయన కుమారునియొక్క సన్నిధిలో, ఆయనయొక్క వాక్యము, ఆయన స్వరముయొక్క సన్నిధిలో కూర్చోనియుండుట ద్వారా తననుతాను సిద్ధపరచుకున్న ఆయనయొక్క రాజ సంతానమును కలిగియున్నాడు.
ఈ మోసపూరితమైన, దుష్ట యుగములో ఆయనయొక్క వధువును కాపాడటానికి దేవుడు ఒక మార్గమును ఏర్పాటు చేయవలసియున్నాడని తాను ఎరిగియున్నాడు. వారెన్నడు ఆశ్చర్యపోతూ ఆలోచిస్తూ ఉండకుండా, ఊహిస్తూ ఉండకుండా, లేదా నిజమైన సంకరములేని వాక్యముగా ఏ మనుష్యుని మాటనైనా తీసుకోకుండా ఉండునట్లు ఒక పరిపూర్ణమైన మార్గము. స్వయంగా వారే దేవునియొక్క స్వరమును వినాల్సిన అవసరమున్నదని ఆయన ఎరిగియున్నాడు, ఎందుకంటే సాధ్యమైతే ఏర్పరచబడినవారిని సైతం మోసపరిచేంత దగ్గరగా అది ఉంటుందని ఆయన మనల్ని హెచ్చరించాడు.
మనుష్యులు అభిషేకించబడగలరు, పరిశుద్ధాత్మతో నింపబడగలరు, మరియు తప్పైయుండగలరు. కాబట్టి ఆయన ఒక మార్గమును ఏర్పాటుచేయాల్సివచ్చింది. అందునుబట్టి, ఆయన తన వధువు కొరకు ఒక పరిపూర్ణమైన మార్గమును ఏర్పాటుచేశాడు, మరి 1947 లో ఆయన తన స్వరమును రికార్డు చేయడం మొదలుపెట్టినప్పుడు; కేవలం తమ వ్రేలుయొక్క స్పర్శతో, ప్రపంచము స్వయంగా తామే ఆయన పలికిన ప్రతీ మాటను, చివరికి తమ స్వంత భాషలోనే వినగలగడమనేది అసాధ్యమన్నట్లు కనబడినది. ఎటువంటి ప్రశ్నలు ఉండవు, ఎటువంటి ఆలోచనలు ఉండవు. వారు స్వయంగా తామే యెహోవా ఈలాగు సెలవిచ్చుచున్నాడును వినగలరు.
దేవుడు ఆయనయొక్క వధువు, అందరూ ఒకేసారి, ఆయనయొక్క స్వరమును వినడానికి కూడా ఒక మార్గమును ఏర్పాటుచేశాడు, తద్వారా వారి ఏక మనస్సును, ఏకాత్మను కలిగియుండి, ఆయన మాట్లాడుటను వినగలుగుటకైయున్నది.
ఆయన తన వర్తమానికుడిని తీసుకోవాల్సివచ్చినది, కానీ ఆయనయొక్క పరిపూర్ణమైన వధువు కొరకు ఆయనయొక్క స్వరమును, ఆయనయొక్క పరిపూర్ణమైన వాక్యమును ఆయన ఇక్కడ విడిచిపెట్టాడు. ఆయనయొక్క స్వరమును వినుచు దానితో నిలిచియుండుట ద్వారా, వారు మోసపరచబడలేరని వారు ఎరుగుతారు.
మరియు ఇదిగో విషయం ఇదియే: దేవుడు తన సంఘమును స్థాపించేది ఆ విధంగానేయైయున్నది, ప్రతీ వాక్యము దాని జాతి ప్రకారము! “మనుష్యుడు రొట్టెవలన మాత్రము కాదు గానీ, దేవుని నోటనుండి వస్తున్న ప్రతి మాటవలన జీవించును.”
ఇది పరిశుద్ధాత్మ మాట్లాడే ప్రతీ మాటను నమ్మడమని మనకు తెలుసు, కానీ నాకైతే, నేను ఒక మానవుడికి ఇవ్వబడినట్టి అత్యంత గొప్ప భాగ్యమును కలిగియున్నాను. దేవుని నోటనుండి వస్తున్న ప్రతీ మాటను పలుకుతున్నట్టి అచ్చమైన స్వరమును, నా చెవులతో, నేను వినగలుగుతున్నాను.
నాకైతే వేరొక మార్గము లేదు. దేవుడు తన పిల్లల్ని కాపాడటానికి అనేక మార్గములను ఏర్పాటుచేశాడు, కానీ నాకైతే, దేవుడు తన వధువును పరిపూర్ణము చేయడానికి ఒక పరిపూర్ణమైన మార్గమును ఏర్పాటుచేశాడు.
ఈనాడు, సాతానుడు ఈ దినమునకు వర్తించే లేఖన భాగమునకు తప్పైన అర్థమును ఇస్తున్నాడు. యేసు చేసినందంతా పరిపూర్ణముగా సరియైయున్నది అని వాడు మీకు తెలియజేస్తాడు. బ్రెన్హామ్ సహోదరుడు చేసినదంతా పరిపూర్ణముగా సరియైయున్నదని, మరియు ఆయన దేవుని ప్రవక్త అని వాడు మీకు తెలియజేస్తాడు. కానీ స్వయంగా దేవునియొక్క నిర్ధారించబడిన స్వరమును వారి సంఘములో ప్లే చేసే విషయానికి వచ్చినప్పుడు మాత్రం, అది ఈ దినమునకు వర్తించదని, పరిచర్యనే ముఖ్యమైనదని వారంటారు.
వాడు చేయవలసినదంతా కేవలం అది మాత్రమే, చూడండి, ప్రజలు దానిని ఆ విధంగా నమ్మేటట్లు చేయడమేయైయున్నది, మరియు ఇక—ఇక అంతే. ఏలయనగా, “మీరు దాని నుండి ఒక్క మాటను తీసివేయకూడదు, లేదా దానికి ఒక్క మాటను కలపకూడదు.” కానీ వాడు చేసేది అదేయైయున్నది.
మీ ఆత్మీయ నాయకుడు మీ సంఘములో దేనిని ప్రోత్సహిస్తాడు? ఈరోజు వధువు వినవలసిన అత్యంత ప్రాముఖ్యమైన స్వరము ఏమిటి? మీరు 1 ప్రధానమైనదానిని మాత్రమే కలిగియుండగలుగుతారు.
A: పరిచర్యయొక్క స్వరమా?
B: టేపులలో ఉన్న దేవుని స్వరమా?
“ప్రతీ విత్తనము దాని జాతి ప్రకారము ఉత్పత్తి అవ్వవలసియున్నది.” దేవుడు తన ఏదెనును స్థాపించినది ఆ విధంగనేయైయున్నది.
సేవకులు పరిచర్యను చేయడాన్ని నేను వ్యతిరేకించను. దేవుడు వారిని పిలిచాడని నాకు తెలుసు, మరియు నేను దానిని నమ్ముతాను. కానీ నాకైతే, నిజమైన పరిచర్య తమ సంఘస్థులకు వారు వినవలసిన అత్యంత ముఖ్యమైన స్వరము టేపులలో ఉన్న స్వరమేనని చెప్తారు, తద్వారా వారు తమ సంఘములో టేపులను చేయవలసియున్నది, ఏలయనగా అదియే ప్రధాన స్వరమైయున్నది.
నేను మరియు నా ఇంటివారము, మరియు బ్రెన్హామ్ టెబర్నికల్ మట్టుకైతే, మేము దేవుడు ఏర్పాటుచేసిన పరిపూర్ణమైన మార్గముతో నిలిచియుంటాము. మేము ప్లే ను నొక్కి మరియు దేవుని స్వరమును వింటాము.
ఈ ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, ఈ దినమునకై ఆయనయొక్క ఎన్నుకోబడిన ఏర్పాటుచేయబడిన మార్గము చుట్టూ మరొకసారి మేము ఐక్యమవుతుండగా, వచ్చి ఆ స్వరమును వినడానికి మాతో చేరుటకు ప్రపంచమంతటినీ ఆహ్వానించడానికి నేను ఎంతగానో ఇష్టపడుతున్నాను.
సహోదరుడు. జోసఫ్ బ్రెన్హామ్
వర్తమానము: సాతానుని ఏదెను 65-0829
వర్తమానమును వినడానికిముందు చదువవలసిన లేఖనములు:
2 తిమోతి 3:1-9
ప్రకటన 3:14
2 థెస్సలొనికయ 2:1-4
యెషయా 14:12-14
మత్తయి 24:24