కుమారులుగా స్వీకరించబడిన ప్రియమైనవారలారా,

“సిద్ధంగా ఉండండి, ప్రపంచ వినాశనము కొరకు సిద్ధపడండి. రాబోవుదాని కొరకు మీరు సిద్ధంగా ఉండునట్లు మీ కుటుంబము కొరకు ఆహారమును మరియు నీటిని భద్రపరచుకోండి,” అని ప్రపంచప్రభుత్వములు ప్రజలకు చెప్తున్నాయి. ప్రపంచమంతా ఒక భయభ్రాంతులలో ఉన్నది. ఏమి జరుగబోతున్నది? రేపటి దినము దేనిని తీసుకువస్తుంది?

మన కన్నుల ఎదుట ప్రవచనము నెరవేర్చబడటాన్ని మనము చూస్తున్నాము. ప్రపంచం తునాతునకలైపోవుచున్నది. ఏమి సంభవించబోతున్నదో తెలియక, భయము మరియు ఆందోళన ప్రపంచమంతటా వ్యాపిస్తున్నది. భవిష్యత్తు ఏమి కలిగియున్నది? మనము ఏమి చేయగలము? ఇది అంతమా?

ఈలోగా, తండ్రియైన దేవుడు మనల్ని కూడా హెచ్చరిస్తూ మరియు సిద్ధపరుస్తూ ఉన్నాడు. ఆయన మన కొరకు ఇదివరకే మన ఆహారమును మరియు నీటిని భద్రపరిచాడు, మరియు మనము విందుచేసుకుంటూ మన బుగ్గబావి నుండి త్రాగుచూ ఉన్నాము. మనము సిద్ధంగా ఉన్నాము, ప్రపంచ వినాశనము కొరకు కాదు గానీ, ఎత్తబడుట కొరకైయున్నది!!

క్రీస్తుయొక్క వధువు ఇంతకంటే సంతోషముగా లేదా తృప్తిగా ఎన్నడూ లేదు. “ఏమాత్రము భయపడకండి, సంతోషించండి. మీరు నా ఎన్నుకోబడినవారైయున్నారు. ఒక ఎత్తబడుట కొరకు, మీ పెండ్లి దినము కొరకు నేను మిమ్మల్ని సిద్ధపరుస్తున్నాను. ఈ గందరగోళము నుండి నేను మిమ్మల్ని బయటకు తీస్తున్నాను. మీరు నా దత్తపుత్రులు మరియు దత్తపుత్రికలైయున్నారు. కాలముయొక్క సంపూర్ణత వచ్చుచున్నది,” అని తండ్రియైన దేవుడు ప్రపంచవ్యాప్తంగానున్న తన చిన్న వధువుతో చెప్పుచున్నాడు.

మనము ఎటువంటి ఒక జూబిలీని కలిగియుంటున్నాము కదా. మనము వినే ప్రతీ మాట మనకు ఒక బంగారపు ఆణిముత్యమైయున్నది. మనము కేవలం దానిని తీసుకొని మరియు దానిని మరలా మరలా సానబెట్టుకుంటూ ఉంటాము. పిదప మనము ఇట్లంటాము:

“ప్రభువు, పరిశుద్ధుడు, పరిశుద్ధుడు, పరిశుద్ధుడు.” “ప్రభువు, పరిశుద్ధుడు, పరిశుద్ధుడు, పరిశుద్ధుడు.” “ప్రభువు, పరిశుద్ధుడు, పరిశుద్ధుడు, పరిశుద్ధుడు.”

మనము కల్వరి వైపే మన దృష్టిని నిలిపియున్నాము, మరియు మనల్ని ఆపబోయేది ఏదియు లేదు! మనము రాజమార్గములో నడుస్తున్నాము, ప్రశస్తమైన అభిషేక తైలముతో అభిషేకించబడి, అతిపరిశుద్ధ స్థలములోకి వెళ్తున్నాము.

మనము నశించిపోయామని మరియు మనము ఆయనయొక్క వధువు కాదని శత్రువు మనకు చెప్పడానికి ప్రయత్నించినప్పుడు, మనము కేవలం ప్లే ను నొక్కుతాము మరియు ఆయన మనకు కేకవేసి మరియు ఇట్లు చెప్తాడు:

ప్రపంచము ఒక భయములో ఉన్నది, మరియు అదే సమయములో తండ్రియైన దేవుడు మనకు ఇట్లు చెప్తున్నాడు, “దేనికీ భయపడకండి, మీరు ఎవరన్నది మరియు మీరు ఎక్కడికి వెళ్తున్నారన్నది నేను మీకు చెప్తున్నాను.” …మహిమ!!

మన మానవ బలహీనతలో మనము అనుదినము విఫలమవుతుంటాము. మనము అనేక పొరపాట్లను చేస్తుంటాము. మనము చేయకూడని అనేక కార్యాలను మనము చేస్తుంటాము. అప్పుడు మనము ఏ విధంగా వధువైయ్యుండగలము అంటూ, అపవాది మనపై దెబ్బ మీద దెబ్బ వేస్తుంటాడు.

కానీ మనకు బోధించబడినది. సరిగ్గా ఏమి చేయాలో మనకు తెలుసు: తండ్రియైన దేవుడు ఏమి చెప్తాడో వినడానికి ప్లే ను నొక్కడమే.

మనల్ని ముందుగా ఏర్పరచుకోవడం దేవునికి ఇష్టమైనది. మనల్ని కుమారులుగా మరియు కుమార్తెలుగా చేయడం దేవునికి ఇష్టమైనది. మనల్ని కుమారులుగా స్వీకరించడం దేవునికి ఇష్టమైనది. ఆయన ఎవరు మరియు మనము ఎవరము అనేదానిని గూర్చిన నిజమైన ప్రత్యక్షతను మనకు ఇవ్వడం దేవునికి ఇష్టమైనది. మనము సంతోషించి మరియు ఎటువంటి భయము లేకుండా ఉండునట్లు ఆయనయొక్క దూతను కాలమనే తెర ఆవలకు తీసుకెళ్ళి మరియు ఆ ఆవలి వైపున ఆయనకు మనల్ని చూపించడానికి దేవునికి ఇష్టమైనది.

అనుకోకుండా, ఈ టేపులు అందరి కొరకు కాదు. అవి కేవలం ప్రవక్తయొక్క సంఘము కొరకేయైయున్నవి…మహిమ, అది మనమే. ప్రతి నిమిషము మనము ప్లే ను నొక్కగలము, మరియు మనము కూడుకున్న ప్రతిసారి, మనము చేయగోరే ఒకే ఒక్కటి ఏమిటంటే దేవుని స్వరమును వినడానికి ప్లే ను నొక్కడమే.

ఇతరులు కూడా దానిని బాగుగానే కలిగియున్నారు. అయితే వారు కేవలం మనము చూస్తున్న విధంగా దానిని చూడరు. వారు దానిని సరిగ్గా మనలాగే కలిగియున్నారు, కానీ మనకైతే… దానిని చూడటానికి ఎంతో బాగున్నది; ఏలయనగా అది ఈ దినమునకు తండ్రియైన దేవుడు ఏర్పాటు చేసిన మార్గమని మనకు తెలుసు.

ప్రతీ రోజు లోకము మరియు దానిలోని ప్రజలు ఇంకా ఎక్కువగా కృంగిపోతున్నారు. సమస్తము అంధకారముయముగాను నిరాశాజనకముగాను కనబడుతున్నది. కానీ వధువుకైతే, ప్రతీ దినము ప్రత్యక్ష్యత ద్వారా అధిక ఉత్తేజమును తీసుకొనివస్తున్నది. మనము ఆయనయొక్క పరిశుద్ధాత్మతో నింపబడి, ఏకముగా కలిసి పరలోకస్థలములలో కూర్చొని, విశ్రాంతిలో ఉన్నాము.

పెంతెకొస్తు దినమున వేగముగా వీచు బలమైన గాలి వచ్చి మరియు పరిశుద్ధాత్మ ఆ గదిని, మరియు అక్కడున్న ప్రతియొక్కరినీ నింపినప్పుడు అది ఏ విధంగా ఉన్నదో అని మీరు ఎప్పుడైనా ఆలోచించారా?

ఇక ఎంతమాత్రము ఊహించుకోకండి. ఆదివారము జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు వచ్చి మాతో చేరండి, ఆయన తన పక్షిరాజులను సమకూర్చుతాడు, మీ గదిని ఆయనయొక్క పరిశుద్ధాత్మతో నింపుతాడు, మరియు ఆయనయొక్క భద్ర-పరచబడిన ఆహారమును మనకు తినిపించుట ద్వారా ఆయనయొక్క త్వరితమైన రాకడ కొరకు మనల్ని సిద్ధపరుస్తాడు. మీరు ఆయనయొక్క గోదామునుండి, అనగా టేపులలో ఉన్న దేవునియొక్క స్వరము నుండి తినుచు మరియు త్రాగుచు ఉంటారు.

సహోదరుడు. జోసఫ్ బ్రెన్హామ్

 

వర్తమానము: పుత్రస్వీకారము #3 60-0522M

లేఖనములు:

మత్తయి 28:19
యోహాను 17:7-19
అపొస్తలుల కార్యములు 9:1-6, 18 మరియు 19వ అధ్యాయములు
రోమా 8:14-19
1 కొరింథీ 12:12-13
గలతి 1:8-18
ఎఫెసీ 1వ అధ్యాయము
హెబ్రీ 6:4-6, 9:11-12

 

 

ప్రియా,

దేవునియొక్క ప్రత్యక్షపరచబడిన మరియు పిల్లలుగా స్వీకర్ణించబడిన కుమారులారా మరియు కుమార్తెలారా, ప్రపంచవ్యాప్తంగా ఉన్న వధువుతో ఐక్యమై, పరలోక స్థలములలో కలిసి కూర్చోడానికి, దేవునియొక్క స్వరము నేరుగా మీతో మాట్లాడటాన్ని వినడానికి మీరు సిద్ధంగా ఉన్నారా?

అవును!!! దేవుని స్వరము సరిగ్గా మనము ఎవరమనేది చెప్పుటను వినడానికి మనము సిద్ధంగా ఉన్నాము.

దేవునికి మహిమ, ఆయనయొక్క దూత మనల్ని ఆయనకు ప్రధానము చేశాడు. ఆయనయొక్క వాక్యమునకు, ఈ వర్తమానమునకు, టేపులలో ఉన్న ఆయనయొక్క స్వరమునకు మనము పవిత్రురాలైన కన్యకలమైయున్నాము. మనమిప్పుడు క్రీస్తుకు ప్రధానము చేయబడియున్నాము.

ఆదివారము మనము సిద్ధముగా ఉంటాము మరియు గొప్ప ఎదురుచూపుతో ఉంటాము. మనము మన వ్రేళ్ళను కొరుక్కునేటంత అతురతతో, మన అంతరాత్మను గిద్దించుకుంటూ, మరియు మన హృదయాలను కుదిపివేసుకుంటూ ఉండబోతున్నాము. జగత్తుపునాదికి ముందే దేవుడు మన పేర్లను తన గ్రంథములో పెట్టినప్పుడు, వారు రక్షణ ప్రణాళికను చూసినప్పుడు, సరిగ్గా ఉదయ నక్షత్రములు ఏకముగా పాడి మరియు దేవుని కుమారులు సంతోషముతో కేకలు వేసినప్పటివలెనే, మరొకసారి మనము కేకలు వేస్తూ, ప్రభువును స్తుతించుచు, “ఆమేన్, హల్లెలూయ” అని ఎలుగెత్తి అరుస్తూ ఉంటాము.

ప్రపంచముయొక్క ఆది మొదలుకొని, ఈ దినమువరకు కూడా, తండ్రియైన దేవుడు, మన కొరకు వేచియుండటాన్ని మనము అసలు అర్థం చేసుకోగలమా? ఈ అంత్య దినములలో మనము ప్రత్యక్షపరచబడేదానిని ఆయన చూశాడు, మరియు ఈ దినము వరకు దాచబడిన రహస్య విషయాలను మనకు బయలుపరచడం కొరకు మనము పరోశుద్ధాత్మయొక్క శక్తితో పైకి లేవాలని ఆయన ఎదురుచూస్తూ మూలుగుతూ ఉన్నాడు.

కాలములన్నిటి గుండా, ఈ కార్యములు కనపరచబడుటకు ఈ కడవరి దినముల కొరకే ప్రవక్తలందరూ వేచియున్నారు. ఆయనయొక్క సంఘము లూథరను కాలమునుండి, బ్యాప్టిస్టు కాలమునుండి, మెథడిస్టు కాలమునుండి, పెంతెకొస్తు కాలమునుండి, మరియు ఇప్పుడు నేరుగా ఆ తలరాయి అమర్చబడే స్థాయికి ఎదిగేవరకు తాను వేచియున్నాడని తండ్రియైన దేవుడు చెప్పాడు. అప్పుడు భవనము పూర్తవుతుంది.

ప్రభువు మాట్లాడి మరియు పరితపించినట్టి వాగ్దాన దినములు ఇప్పుడు చోటుచేసుకుంటున్నాయి మరియు మన యెదుట నెరవేర్చబడుతున్నాయి…మరియు మనలో నెరవేర్చబడుతున్నాయి. మనము ఇప్పుడు క్రీస్తుయేసులో ఉన్నాము, ఎక్కడైతే సమస్తము మనదేయై యున్నదో, అట్టి పరలోకస్థలములలో కూర్చొనియున్నాము, పరలోకపు ఆశీర్వాదములలో, పరలోకపు ఆత్మలో ఉండియున్నాము. మనము వాగ్దాన దేశములో ఉన్నాము మరియు సమస్తము మన స్వాధీనములో ఉన్నది.

ఆయనయొక్క మొదటి విత్తనము సంపూర్ణ పరిపక్వతలోకి వచ్చినది మరియు ఆయనయొక్క వధువు యెదుట అల్లాడించబడినది. పరిశుద్ధాత్ముడు తండ్రియైన దేవునికి నివేదించి మరియు ఆయనయొక్క బలిష్ఠుడైన దూత గురించి దీనిని చెప్పాడు:

నీ దూత కృపలో ఎదుగుతున్నాడు! అతడు అడవులలో ఫిరంగి దాడులు చేస్తున్నాడు. అతడు ఆ గొర్రెలను తీసుకొని మరియు సరిగ్గా నీవు వ్యవహరించినట్లే అతడు వారితో వ్యవహరించగలుగుతాడు. అతడు వారికి సముద్రపు నాచును ఎన్నడూ ఇవ్వడు. అతడు వారికి కలుపు మొక్కలను ఎన్నడూ ఇవ్వడు. ‘మేము సంఘములో చేరాలనుకుంటున్నాము’ అని చెప్తూ వారు వచ్చినప్పుడు, అతడు ఇట్లంటాడు, ‘మీ నోరు మూసుకోండి, మీకు అది అవసరము లేదు! లేదు, అయ్యా. మీకు అవసరమైనది ఏమిటో వినండి, “పశ్చాత్తాపపడి, పాప క్షమాపణ నిమిత్తము, మీలో ప్రతివాడును యేసుక్రీస్తు నామములో బాప్తిస్మము పొందండి. మీరు పరిశుద్ధాత్మ అను వరమును పొందెదరు.”’

“ఓ, అతడు నిజంగా ఆ విధంగా అంటాడా?”

“అవును, అయ్యా, అతడు నిశ్చయంగా అట్లు చెప్తాడు.”

“మంచిది, నేను దానిని వ్రాసినది సరిగ్గా అట్లేయైయున్నది.”

“అతడు దానిని సరిగ్గా అట్లే చెప్తాడు.”

“ఏమిటో నీకు తెలుసా? అతడు ‘ఈ టౌనుకు వచ్చి మరియు కూడికను నిర్వణించడం కుదరదని’ ఒక ఫలానా-ఫలానా ఆర్చ్ బిషప్పు అతనితో చెప్పడాన్ని నేను చూశాను. కానీ, నీకు తెలుసా, నేను ఒక విధంగా అతణ్ణి నడిపించాను, ‘ఎలాగైనా వెళ్ళు’ అని, నేను చెప్పాను. అతడు తన టేపులన్నిటినీ వెనుకకు తీసుకోవడం మంచిదని, మరియు అవి బయటకు పంపిణీ చేయబడుటకు అనుమతించవద్దని వారు అతనితో చెప్పారు. అయితే ఎలాగైనా మేము వెళ్ళాము!”

“నేను ఎవరికొరకైతే ఎదురుచూస్తున్నానో అట్టి నా దత్తపుత్రుడు అతడే. ఇప్పుడు నేను అతనిలోనుండి మాట్లాడి మరియు నా దాచబడిన మర్మములన్నిటినీ నా గొర్రెలకు బయలుపరచగలను.”

“తండ్రియైన దేవా అద్భుతము.”

“ఇప్పుడు నేను నీ ఇతర పిల్లల గురించి కూడా నీకు చెప్పాలని కోరుతున్నావా?”

“అవును, వారు ఎలా సాగుతున్నారు?”

“ఓ తండ్రీ…నీవు వారి విషయమై ఎంతో గర్వపడతావు. వారు కూడా అతనివంటివారే. ఆ ఆర్చ్ బిషప్పులు ఇంకను వారికి అదే విషయాన్ని చెప్తున్నారు, నీ స్వరమును వినడానికి ఆ టేపు సంఘాలకు వెళ్ళవద్దని చెప్తున్నారు. వారు వినవలసిన అత్యంత ప్రాముఖ్యమైన స్వరము టేపులు కాదని; ఇప్పుడు తామే ప్రాముఖ్యమైన స్వరములని వారు చెప్తారు.”

“నీ గొర్రెలు ఆ బోధకులతో ఏమంటాయో నీకు తెలుసా?”

“మీ నోరు మూసుకోండి, మేము టేపులతో నిలిచియుంటున్నాము, మేము దేవునియొక్క స్వరముతో నిలిచియుంటున్నాము.”

“వారు నిజంగా అట్లంటారా?”

“అవును, అయ్యా, వారు సరిగ్గా నీ వలెనే ఉన్నారు.”

“ఓ, ఎంత అద్భుతము. అది నాకెంతో సంతోషాన్ని కలిగిస్తుంది. నేను వారి కొరకు ఎంతో కాలంగా వేచి చూస్తున్నాను. ఇప్పుడు పుత్రస్వీకారము కొరకు వారు కూడా సిద్ధంగా ఉన్నారు!!”

“నీ స్వరమును వినడానికి, వారు ఈ ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, వారియొక్క విధినిర్వహణలో ఉంటారు. ప్రపంచమంతటినుండి వారు కూడుకుని ఐక్యమైయ్యుండి మరియు ప్రతియొక్కరినీ వారితో చేరమని ఆహ్వానిస్తారు.”

“అద్భుతము, నేను వారితో అక్కడ ఉంటాను.”

సహోదరుడు. జోసఫ్ బ్రెన్హామ్

 

గమనిక: డేలైట్ సేవింగ్ సమయము గురించి మర్చిపోకండి.

 

వర్తమానము: పుత్రస్వీకారము #2 60-0518

లేఖనములు:

ఆదికాండము 1:26
ఎఫెసీ మొదటి అధ్యాయము
రోమా 8:19
గలతి 1:6-9
హెబ్రీ ఆరవ అధ్యాయము
యోహాను 1:17

 

 

క్రీస్తుయేసునందు ప్రియమైన విశ్వాసనీయులారా,

మనము ఎటువంటి ఒక మహిమకరమైన సమయమును కలిగియుంటున్నాము కదా. మనము ఆయనయొక్క స్వరము చుట్టూ ఐక్యమవుతుండగా ప్రతి వారము మనము గొప్ప ఎదురుచూపుతో ఉంటున్నాము. మన ఆత్మసంబంధమైన మనస్సు ఎటువంటి గందరగోళము-లేకుండా ఉన్నది. ఖచ్చితంగా ఆయన ఎవరో మనకు తెలుసు. ఖచ్చితంగా ఆయన ఏమైయున్నాడో మనకు తెలుసు. ఖచ్చితంగా మనము ఎవరమో మనకు తెలుసు; ఆయనతో ఒక్క పెద్ద కుటుంబమైయున్నాము!

ఆయనయొక్క వధువు కుటుంబము స్వయంగా యెహోవా యొక్క స్వరము చేతనే పరిపూర్ణము చేయబడుతున్నది. మనపై దాడి చేసే ప్రతీ శత్రువుకు వ్యతిరేకముగా ఎలా పోరాడాలి అనేది; ఆయనయొక్క వాక్యము మనలో జీవిస్తూ మరియు నివసిస్తున్నది గనుక, వాక్యముతో మనము ఏ విధంగా వాడిని ఓడించి మరియు జయించగలము అనేది ఆయన మనకు బోధించాడు. “మనము వాక్యమైయున్నాము” అని, ఆయన మనకు మరొకసారి నిశ్చయతనిచ్చాడు. అందునుబట్టి మనము ఆయన నామమున దేనిని అడిగినను, మనము నమ్మినట్లైతే మనము దానిని పొందుకోవచ్చును…మరియు మనము నమ్ముతున్నాము!

మనము ఆయన జీవించునట్టి నివాస స్థలముగా ఉండటానికి పరిపూర్ణమైన పురుషులయొక్క మరియు పరిపూర్ణమైన స్త్రీలయొక్క స్వరూపములుగా ఎలా మారాలి అనేది ఆయన మాట్లాడి మరియు మనకు బయలుపరిచాడు. ఆయనే మన మార్గదర్శియని, మరియు ఆయన తన భూసంబంధమైన దూత మార్గదర్శియైనట్టి విలియమ్ మారియన్ బ్రెన్హామ్ ద్వారా మనల్ని నడిపిస్తూ మరియు మనకు మార్గదర్శకత్వము చేస్తున్నాడని మనకు తెలియజేయడానికి ఆయన తనయొక్క ప్రియమైన వధువును సమకూర్చుటకు ఆయన స్థిరముగా కేక వేశాడు.

ఇప్పుడు ఆయన మనకు ఉపదేశించి మరియు మనకు బయలుపరచాలని కోరుతున్నట్టి మరొక ప్రత్యేకమైన పాఠమును ఆయన కలిగియున్నాడు. మనము ఆయనయొక్క దత్తపుత్రులమని ఆయన ప్రకటించగోరుతున్నాడు. ఆయన నామము ఎంతో ఇక మన నామము అంతే. మనము కనాను నుండి బయటకు వచ్చాము, లోకము నుండి బయటకు వచ్చాము, మరియు ఇప్పుడు కలిసి పరలోకస్థలములలో కూర్చొనియుంటున్నాము, భద్రపరచబడిన, దాచబడిన మన్నాను భుజిస్తున్నాము.

ఇప్పుడు ఆయనయొక్క తదుపరి వర్తమానము కొరకు సిద్ధపడియుండటానికి మనము ఏమి చేయాలి అనేది, మరియు మనము సిద్ధపడియున్నట్లైతే ఏమి జరుగుతుంది అనేది ఆయన మనకు చెప్పబోతున్నాడు.

వర్తమానము కొరకు మనము ప్రార్థించుకొని మరియు సిద్ధంగా ఉండవలసియున్నాము; ఆయనయొక్క స్వరమును వినడానికి మనము పరిశుద్ధులుగా ఏకముగా కూడుకోవలసియున్నాము, పరిశుద్ధాత్మతో బాప్తిస్మము పొంది, దేవునియొక్క ఆశీర్వాదములతో నింపబడవలసియున్నాము; ఎటువంటి దుష్ట ఆలోచనలను కలిగియుండక; ఒకరికొకరు ఎటువంటి విరోధములు కలిగియుండక; ప్రేమా సమాధానములతో మాట్లాడుకొనుచు; ఏకమనస్సుతో, ఒక్క స్థలములో కూడుకొని పరలోకస్థలములలో ఒక పరలోకసంబంధమైన వాతావరణము క్రింద ఉండవలసియున్నాము; మన పాపములన్నీ రక్తము క్రింద ఉండవలసియున్నవి, పరిపూర్ణమైన ఆరాధనలో ఉండవలసియున్నాము; మన చేతులు మరియు మన హృదయములు దేవుని తట్టు ఎత్తబడి, పరలోకస్థలములలో కలిసి ఆరాధిస్తూ ఉండవలసియున్నాము.

మనము ఈ కార్యములను చేసినట్లైతే, ఈ ఆదివారము ఈ విధంగా జరుగుతుంది:

• దైవిక స్వస్థత
• ముందుజ్ఞానము
• ప్రత్యక్ష్యత
• దర్శనములు
• శక్తులు
• భాషలు
• అనువాదములు
• జ్ఞానము
• తెలివి
• పరలోక ఆశీర్వాదములు
• చెప్పనశక్యమును మహిమా యుక్తమునైన సంతోషము

ప్రతీ హృదయము ఆత్మతో నింపబడుతుంది. పిదప అకస్మాత్తుగా పరలోకము నుండి బలముగా వీచు బలమైన గాలివంటి ఒక శబ్దము వస్తుంది మరియు ఆత్మసంబంధమైన ఆశీర్వాదములన్నిటితో ఆయన మనల్ని ఆశీర్వదిస్తాడు.

ఈ ఆదివారము, జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు జరుగబోతున్నది అదేయైయున్నది, ఎక్కడైతే దేవునియొక్క స్వరమును వినడానికి వధువు ఏక మనస్సుతో, ఒక్క చోట ఏకముగా కూడుకొని, మన చేతులు మరియు మన హృదయములు దేవుని తట్టుకు ఎత్తబడి, పరలోకపు వాతావరణములో ఏకముగా ఆరాధిస్తూ ఉంటామో అట్టి దేవుడు ఏర్పాటుచేసిన ప్రత్యేకమైన స్థలములో ఆ విధంగా జరుగుతుంది.

సహోదరుడు. జోసఫ్ బ్రెన్హామ్

 

వర్తమానము: పుత్రస్వీకారము #1 60-0515E

లేఖనము:
యోవేలు 2:28
ఎఫెసీ 1:1-5
I కొరింథీ 12:13
I పేతురు 1:20
ప్రకటన 17:8
ప్రకటన 13

 

 

ప్రియమైన శక్తికేంద్రమా,

దేవుడు ఆయనయొక్క కుమారుడైన యేసులో, భూమి మీదకు వచ్చినప్పుడు చేసినట్లే, తననుతాను శరీరములో ప్రత్యక్షపరచుకొనునట్లు ఈ అంత్యదినములలో ఒక మార్గదర్శకుడిని పంపిస్తాడని వాగ్దానము చేశాడు. తననుతాను మానవ శరీరములో ప్రత్యక్షపరచుకుంటున్న మనుష్యకుమారుడైయుండునట్టి, ప్రవక్తయైన ఏలీయాను ఆయన పంపిస్తాడని ఆయనయొక్క వాక్యములో ఆయన మనకు చెప్పాడు; ఏలయనగా ఆయన మనకు చెప్పవలసిన సంగతులు మరియు బోధించవలసిన ఇంకా సంగతులు అనేకమైనవి ఉన్నాయి.

ఆయనయొక్క వాక్యమును నెరవేర్చడానికి మరియు మనల్ని వ్యక్తులుగా యేసుక్రీస్తుయొక్క స్వరూపముగా ఉండునట్లు; ప్రతీ శత్రువును ఓడించే ఒక పరిపూర్ణమైన మానవుడిగా ఉండునట్లు, మరియు పరిశుద్ధాత్మ జీవించడానికి ఒక శక్తికేంద్రముగా ఉండునట్లు నిర్మించడానికి ఆయన విలియమ్ మారియన్ బ్రెన్హామ్ ను పంపించాడు.

దేవుడు తన ప్రజలకు ఎల్లప్పుడూ ఒక మార్గదర్శిని పంపడంలో ఎన్నడూ విఫలమవ్వలేదు. కానీ ఆయనయొక్క వధువుగా ఉండుటకు, మీరు ఆ మార్గదర్శిని అంగీకరించవలసియున్నారు. మీరు దానిని నమ్మవలసియున్నారు. ఆయన చెప్పిన మార్గములో మీరు వెళ్ళవలసియున్నారు లేదంటే మీరు తప్పిపోబోతున్నారు. మనము ఏమి ఆలోచించినా, ఏది ఎంత సమంజసముగా కనిపించినా, లేదా ఏది ఎంత విడ్డూరంగా అనిపించినా లెక్కలేదు, దానిని విశ్లేషించి తీర్పుతీర్చడం మన బాధ్యత కాదు, మార్గదర్శి మాత్రమే దానిని చేయవలసియున్నాడు.

సహోదరుడా జోసఫ్, మాకు మార్గదర్శకత్వము చేయాల్సినది పరిశుద్ధాత్మయైయున్నాడు, బ్రెన్హామ్ సహోదరుడు కాదు, అని మీరంటారు. ఆయన పలికిన మాటలు పరిశుద్ధాత్మయే గాని బ్రెన్హామ్ సహోదరుడు కాదు; అయితే ఆయనలో పరిశుద్ధాత్మను ప్రత్యక్షపరచి, మరియు మన భూలోకపు మార్గదర్శిగా ఉండటానికి దేవునిచేత ఎన్నుకోబడినది ఆయనేయైయున్నాడు.

ఇక్కడ భూమి మీద ఆయనకు ప్రాతినిథ్యం వహిస్తున్న ఆ భూలోకపు మార్గదర్శి ఎవరో మనము గుర్తించాలి; అక్కడే ఆయన వాక్యముయొక్క నిజమైన ప్రత్యక్షత ఉంటుంది.

ఆయనయొక్క వధువును నడిపించడానికి తండ్రి పంపినట్టి ప్రధాన మార్గదర్శకుడు పరిశుద్ధాత్మయే అని మనకు తెలుసు, కానీ స్వయంగా తనకు ప్రాతినిధ్యం వహించి మరియు తన వధువును నడిపించడానికి మార్గదర్శిగా ఉండుటకు ఆయన ఎల్లప్పుడూ ఒక మానవుడిని పంపిస్తాడని దేవుడు చెప్పాడు.

కొర్నేలీ సంఘములను నిర్మించినటువంటి ఒక గొప్ప గౌరవప్రదమైన వ్యక్తి అని మన మార్గదర్శి మనకు చెప్పాడు. అతడు ధర్మకార్యములను చేశాడు మరియు అనుదినము ప్రార్థించాడు. కానీ పరిశుద్ధాత్మ వచ్చినప్పుడు మాత్రం, అతనికి ఒక మార్గదర్శి అవసరమయ్యాడు.

పేతురు ఇంక మాట్లాడుచుండగా, పరిశుద్ధాత్మ వారి మీదికి దిగెను. పేతురు ఇట్లన్నాడు,

మనము ఒక మనుష్యునిచేత నడిపించబడటంలేదు; మనము, మన భూలోకపు మార్గదర్శిగా ఉండటానికి దేవుడు ఎన్నుకున్నటువంటి వ్యక్తిలోనుండి మాట్లాడుతున్న పరిశుద్ధాత్మచేత నడిపించబడుతున్నాము.

ఆయనయొక్క దూత మార్గదర్శిలోనుండి మాట్లాడుతున్న పరిశుద్ధాత్మ ఎల్లప్పుడూ వాక్యమునే పలుకుతాడు. ఆయన మనతో ఇట్లు చెప్పాడు, “నేను మీతో చెప్పవలసినవి ఇనకను అనేక సంగతులు కలవు. ఇప్పుడు మీరు వాటిని గ్రహింపలేరు, అయితే ఆయన వచ్చినప్పుడు, ఆయన మిమ్మల్ని వాటియొద్దకు నడిపిస్తాడు.”

యోహాను ప్రకటన గ్రంథము వ్రాసినప్పుడు అతడు నడిపించబడ్డాడు. అతడు మార్గదర్శిచేత నడిపించబడ్డాడు. “దీని నుండి ఒక్క మాటను తీసివేసినా, లేదా దీనికి ఒక్క మాటను కలిపినా, జీవగ్రంథములోనుండి అతని పాలు తీసివేయబడును,” అని చెప్పడానికి కూడా అతడు నడిపించబడ్డాడు.

మనము టేపులలో ఉన్నదానిని మాత్రమే చెప్పాలని; దానికి దేనిని కలపకూడదని లేదా దానినుండి దేనిని తీసివేయకూడదని చెప్పునట్లు సహోదరుడు బ్రెన్హామ్ గారిని కూడా పరిశుద్ధాత్మ నడిపించాడు. మరియు మనము ఏమి చేయాలని ఆయన మనకు సూచన ఇచ్చాడో దానిని చేయగలుగునట్లు ఆయన మనకు ఒక మార్గమును ఏర్పాటుచేశాడు, ప్లే ను నొక్కడమే.

మనము పరిశుద్ధాత్మచేత నడిపించబడుతున్నాము, ఆయన ఎవరు, ఆయనయొక్క వధువును బయటకు పిలువడానికి ఆయనయొక్క భూలోకపు మార్గదర్శిగా ఆయన ఎవరిని పంపించాడు అనే ప్రత్యక్షతను, మరియు ఇప్పుడు ఆ తలరాయి గురించి: మనము ఎవరము అనే ప్రత్యక్షతను ఆయన మనకు ఇచ్చాడు. వ్యక్తపరచడానికి అది మానవ పదములకు మించిన విషయమైయున్నది.

కేవలం ఈ చివరి కొన్ని వారములలోనే, ఆయన మన కొరకు ఏమి చేశాడో చూడండి. మన యెదుటకు వచ్చే ప్రతీ శత్రువును ఎలా ఓడించాలో ఆయన మనకు నేర్పించాడు; ఏ విధంగా మన విశ్వాసపు ఖడ్గమును తీసి మరియు ఏ విధంగా వాడిని మరణదెబ్బ కొట్టాలో నేర్పించాడు. మనము దేనికి భయపడాల్సిన అవసరము లేదు. మన యెదుట ఏదీ నిలబడజాలదు.

ఆయనయొక్క వధువు తినడం కొరకు ఆయన ఆహారమును ఎలా భద్రపరిచాడు కదా. ఆయనయొక్క వర్తమానికుడు ఎంతో దూరములో ఉన్నాగాని, మనమింకను లోకమునకు ఏమియు తెలియనటువంటి ఒక మార్గదర్శిని కలిగియున్నాము; అయితే ఆయనయొక్క వధువుకు మాత్రం అది ఋతువునకు తగిన ఆత్మీయ ఆహారమైయున్నది, మనము అనుదినము విందారగిస్తున్న దాచబడిన మన్నాయైయున్నది.

ఆయన మనలో ప్రతియొక్కరిలో జీవించి నివసించునట్లు ఆయన మనల్ని పరిపూర్ణ మానవుని స్వరూపములుగా నిర్మించాడు. ఆయన 2000 సంవత్సరాల క్రితం చేసినట్లే, ఆయనయొక్క భూలోకపు మార్గదర్శిలో జీవిస్తూ మరియు ఆయనలోనుండి మాట్లాడుతూ, మనకు మార్గదర్శిగా ఉండటానికి, ఆయన మనకు తన పరిశుద్ధాత్మను పంపించి మరియు తననుతాను శరీరములో ప్రత్యక్షపరచుకున్నాడు.

మీరు వచ్చి మరియు ఆయనయొక్క “హాంక్-హాంక్, హాంక్-హాంక్!” ను వినాలని నేను మీలో ప్రతియొక్కరిని ఆహ్వానిస్తున్నాను, మరి ఆయనయొక్క వధువు నేరుగా ఆ హాంక్ వద్దకు వస్తుంది. ఆయన, “హాంక్-హాంక్, హాంక్-హాంక్!” అని అంటాడు మరియు ప్రపంచమంతటా ఒక మహా జూబిలీ ఉంటుంది. ఎందుకు? వధువు తమ మార్గదర్శియొక్క స్వరమును ఎరుగును.

మీరు తప్పిపోకూడదు అనుకుంటే, ఈ ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు ఆయనయొక్క నియమించబడిన భూలోకపు మార్గదర్శి ద్వారా మన మార్గదర్శి మాట్లాడుతుండగా వచ్చి వినండి.

సహోదరుడు. జోసఫ్ బ్రెన్హామ్

 

వర్తమానము:

62-1014E — ఒక మార్గదర్శి

 

లేఖనములు:

పరిశుద్ధ. మార్కు 16:15-18
పరిశుద్ధ. యోహాను 1:1 / 16:7-15
అపొస్తలుల కార్యములు 2:38
ఎఫెసీ 4:11-13 / 4:30
హెబ్రీ 4:12
2 పేతురు 1:21
నిర్గమకాండము 13:21

 

 

ప్రియమైన పరిపూర్ణ మానవుని స్వరూపమా,

మనము ఎటువంటి ఒక తర్ఫీదు పొందుతూ ఉన్నాము కదా. దేవుని స్వరము మాట్లాడుతూ, శత్రువును సరిగ్గా ఎలా ఓడించాలన్నది, వాక్యము వెంబడి వాక్యముగా మనకు తర్ఫీదునిస్తూ ఉన్నది. మనము వాక్యమైయున్నాము అని ఆయన మనకు బయలుపరచి మరియు మన హృదయములో లంగరువేశాడు. తద్వారా, మనము ఓడించబడజాలము.

శత్రువు మన వెంబడిపడినప్పుడు, మనము కేవలం మనలో జీవిస్తూ మరియు మనలో నివసిస్తున్నట్టి, పలుకబడిన దేవుని వాక్యము అనే మన అణుబాంబుతో, వాడిని కొడతాము మరియు మరలా కొడతాము మరియు మరలా కొడతాము.

నిజంగా, పోరాటము తీవ్రంగా సాగుతున్నది, కానీ ఇప్పుడు మనకు ఇక ఎటువంటి భయమూ లేదు; ఇక ఎటువంటి చింతలు లేవు. మనము మన స్వంత బుద్ధికి చెవియొగ్గడంలేదు. మనము మన జ్ఞాపకముకు చెవియొగ్గడంలేదు. మనము మన యిచ్ఛలకు చెవియొగ్గడంలేదు. మనము వీటికి మన మనస్సులను మూసివేసి మరియు మన హృదయములోను అంతరంగములోను ఆయన వాక్యముయొక్క ఆత్మను స్థిరపరచుకున్నాము. ఆయనయొక్క వాక్యమునకు వ్యతిరేకమైన ప్రతిదానిని మనము బయటకు ఎగురగొట్టాము.

ప్రతీ సందేహము తొలగిపోయినది. ప్రతీ భయము వెడలిపోయినది. ప్రతీ సందేహపు స్పర్శ తొలగిపోయినది. ప్రతీ అనుభూతి తొలగిపోయినది. దేవుని వాక్యము మనలో జీవిస్తూ మరియు నివసిస్తూ ఉండటం తప్ప అక్కడ మరేమియు లేదు, మరియు సాతానుడు దానికి వ్యతిరేకముగా పోరాడలేడు.

మనము సజీవ దేవునియొక్క సజీవ ఆలయముగా మారుతున్నాము. దేవుడే మనలో నివసిస్తూ, మనల్ని స్వయంగా ఆయనవలె ఉండునట్లు చేస్తూ, మనలో ఆయనయొక్క ఉనికిని ప్రతిబింబిస్తున్నాడు.

మనము క్రీస్తుయొక్క పరిచర్యను కొనసాగిస్తూ, ఆయన స్థానమును తీసుకుంటున్నాము. ఆయన మనలో తననుతాను ప్రతిబింబించుకొనుచుండగా ఆయన ఒక మానవుని రూపములో నివసిస్తున్నాడు. ఇప్పుడు మనము ఆయనతో పరిపూర్ణ ఆరాధనను కలిగియుంటున్నాము! మనము ఆయనయొక్క ఆలయమైయుండగా, అది దేవుడు తననుతానే మనలో ప్రత్యక్షపరచుకోవడమైయున్నది.

ఈ కార్యములను నమ్మడానికి మన కదల్చబడని పునాది ఏమిటి? విశ్వాసము. మరియు మన విశ్వాసమునకు ఏమీ అవసరములేదు; ఏలయనగా మన విశ్వాసము దేవుని వాక్యమును నమ్ముతుంది. ఏలయనగా వినుటవలన, మరియు దేవుని వాక్యమును వినుటవలన విశ్వాసము కలుగుతుంది, మరియు దేవుని వాక్యము ప్రవక్త యొద్దకు మాత్రమే వస్తుంది, మరియు ప్లే ను నొక్కడం ద్వారా మాత్రమే ప్రవక్త మాటలను వినగలుగుతారు…ఫట్!!

ఆయన స్వరమును వినడం ద్వారా, మనము ఖాళీ చేయబడి ఆయనయొక్క శక్తితో నింపబడి మరియు మన స్వంత ఆలోచనకు మృతులమవుతున్నాము. మన విశ్వాసము అసలైన విశ్వాసముగా మారినది, మరియు మనము ఖాళీ చేయబడి ఆయనయొక్క జీవముతో నింపబడ్డాము. మనము దేవునియొక్క జీవించు ప్రాణులమయ్యాము, పరిశుద్ధాత్మ మన ద్వారా తన తేజోమయమైన ఆశీర్వాదములను క్రిందకు పంపడానికి మనము ఒక నివాసస్థలముగా మారినాము.

టేపులలో ఉన్న ఆ స్వరము ఏమి చేస్తున్నది?

ఆయనయొక్క స్వరమును వినడం ద్వారా, మరియు ఆయనయొక్క వాక్యమును నమ్మి మరియు దానిని వెంబడించడం ద్వారా, అది మనల్ని యేసుక్రీస్తుయొక్క స్వరూపములుగా మారునట్లు నిర్మించినది; ఆయనయొక్క ఆత్మకు ఒక నివాసస్థలముగా నిర్మించినది. మనము సజీవమైన సద్గుణము, సజీవమైన జ్ఞానము, సజీవమైన సహనము, సజీవమైన దైవత్వము, ఒక సజీవమైన శక్తియునైయున్నాము, అది సజీవ దేవునినుండి వచ్చుచున్నది, అది మనల్ని, దేవుని స్వరూపములో జీవిస్తున్న ఒక సజీవ వ్యక్తిగా, ఒక సజీవ రూపముగా చేస్తుంది.

మహిమ…!!! కాబట్టి, మనము ఒక డేరాలో నివసిస్తున్నామా లేదా ఒక కుటీరములో నివసిస్తున్నామా, బ్రతుకుతామా లేదా చస్తామా, మునిగిపోతామా లేదా తేలుతామా అన్నది మనము లెక్కచేయము. ఈ ఒక్కదానిలో మాత్రమే, ఈ వర్తమానము, ఈ స్వరము, దేవునియొక్క వాక్యములో మాత్రమే మనము ఆసక్తి కలిగియున్నాము. అది దేవుని రాజ్యమైయున్నది. అది ఈ దినము కొరకు దేవుడు ఏర్పాటుచేసిన మార్గమైయున్నది. అది ఒక పరిపూర్ణ మానవుని స్వరూపమును నిర్మిస్తున్నది, అది మనమేయైయున్నాము!

మనము కూడివచ్చి, మరియు దేవునియొక్క ప-రి-పూ-ర్ణ-మై-న కుమారులుగా మరియు కుమార్తెలుగా మారడానికి మనము ఏమి చేయాలి, మరియు మనము ఎలా జీవించాలి అని మన శిక్షకుడు మనకు సూచనలిస్తుండగా మన జీవితాలను సరిచూసుకుందాము.

ఆయన కోరినవాటిలో ప్రతియొక్కటి మన రూపములో ప్రవహిస్తున్నదని మనకు అనిపించేవరకు, ఆయనయొక్క సహాయము ద్వారా మరియు ఆయనయొక్క కృప దారా, మనము అనుదినము ఎడతెగక ప్రార్థిస్తూ ఆయనను వెదకుతామని మనము ప్రభువుకు ప్రమాణము చేద్దాము. మనము సజీవ క్రీస్తుయొక్క కార్యరూపణగా మారేవరకు మనము అక్కడే నిలిచియుందాము.

ప్రతి వారము ప్రభువు ఏమి చేయబోతున్నాడు మరియు మనకు ఏమి బయలుపరచబోతున్నాడు అనే ఉత్సాహమును మరియు ఎదురుచూపును మాటలలో వ్యక్తపరచడం అసాధ్యము. దేవుని స్వరముయొక్క సన్నిధిలో కూర్చొని మరియు ఆయనయొక్క పరిపూర్ణ వాక్య వధువుయొక్క పరిపూర్ణ స్వరూపముగా మారడంకంటే గొప్ప విషయము, లేదా అంతకంటే పరిపూర్ణమైన విషయము మరొకటి లేనందున, ప్రపంచము మనతో చేరాలని నేను ఎంతగానో కోరుతున్నాను.

సహోదరుడు. జోసఫ్ బ్రెన్హామ్

 

వర్తమానము: ఒక పరిపూర్ణ మానవుని స్వరూపము 62-1014M

సమయము: జఫర్సన్విల్, ఇండియానా కాలమానం ప్రకారంగా, మధ్యాహ్నం 12:00 గంటలకు

లేఖనములు:
పరిశుద్ధ. మత్తయి 5:48
పరిశుద్ధ. లూకా 6:19
పరిశుద్ధ. యోహాను 1:1 / 3:3 / 3:16 / 5:14 / 14:12
అపొస్తలుల కార్యములు 2:38 / 7:44–49 / 10వ అధ్యాయము / 19:11 / 28:19
ఎఫెసీ 4:11-13
కొలస్సీ 3వ అధ్యాయము
హెబ్రీ 10:5 / 11:1 / 11:32-40
యాకోబు 5:14
2 పరిశుద్ధ. పేతురు 1:1-7
యెషయా 28:19