ఆత్మ-నింపుదలగల ప్రియమైన వధువా,

ఈ చివరి కాలములో ఆత్మ చెప్పుచున్నదానిని వినే సామర్థ్యముగల ఒక్క గుంపు ప్రజలు, ఒక్క అత్యంత ప్రత్యేకమైన గుంపు ప్రజలు మాత్రమే ఉన్నారు. అది ఈ కాలమునకైన బయలుపాటును పొందుకున్న ఒక ప్రత్యేకమైన గుంపుయైయున్నది. ఆ గుంపు దేవుని సంబంధమైనది. వినే సామర్థ్యము లేని గుంపు, దేవుని సంబంధమైనది కాదు.

ఆత్మ చెప్పుచున్నదానిని వినే సామర్థ్యము కలిగియుండి, మరియు దానిని వినుచున్న గుంపు, అసలైన బయలుపాటును పొందుకుంటుంది. దేవుని ఆత్మను కలిగియున్నది మనమే. దేవుని మూలముగా జన్మించి మరియు పరిశుద్ధాత్మతో బాప్తిస్మము పొందుకున్నది మనమే. మన కాలమునకైన బయలుపాటును పొందుకున్నట్టి ఆత్మ-నింపుదలగల ఆయనయొక్క వధువు మనమే.

ప్లేను నొక్కడం అంటే మనకు ఏమైయున్నది? ప్రత్యక్షతయైయున్నది! అది ఈ దినమునకై దేవుడు ఏర్పాటు చేసిన మార్గమును వినుచూ, స్వీకరించుచు మరియు దానితో నిలిచియుండుటయైయున్నది. స్వయంగా దేవునియొక్క స్వరమే నేరుగా ఆయన వధువుతో మాట్లాడుటయైయున్నది. అది పరిశుద్ధాత్మ మన హృదయములతోను మరియు మన అంతరాత్మలతోను మాట్లాడుటయైయున్నది.

దేవుడు మాట్లాడుటకు ఆయనయొక్క ఆత్మతో అభిషేకించబడిన పురుషులను ఉపయోగించుకుంటాడని మనకు తెలుసు, అయితే ప్లేను నొక్కి మరియు ఆయనయొక్క ఏడవ దూతయైన, విలియమ్ మారియన్ బ్రెన్హామ్ యొక్క స్వరమును వినుట తప్ప యెహోవా ఈలాగు సెలవిచ్చుచున్నాడు అనుదానిని వినడానికి వేరే ఏ చోటు లేదు. స్వయంగా పరిశుద్ధాత్మచేత నిర్ధారించబడిన ఒకే ఒక్క స్వరము ఇది మాత్రమేయైయున్నది. ఆయన దేవునియొక్క స్వరమైయున్నాడు, దేవుని ప్రవక్తయైయున్నాడు, మన కొరకు, మరియు ప్రపంచము కొరకైన, దేవునియొక్క సంఘకాపరియైయున్నాడు.

అతడు మాట్లాడినప్పుడు, మనము ప్రతీ మాటకు ఆమేన్ అని చెప్తాము; ఏలయనగా అది దేవుడు తానే మనతో మాట్లాడుటయైయున్నది. ఆయన మాట మాత్రమే అనువాదము అవసరములేనిదైయున్నది. అది దేవుడు తన వధువుతో మాట్లాడుటకు అతని స్వరమును ఉపయోగించుకొనుటయైయున్నది.

అది దేవుడు తానే మనతో ఈ విధంగా చెప్పడమైయున్నది, “నా చిన్నవారలారా, మీరు నన్ను ఎన్నుకోలేదు కానీ, నేనే మిమ్మల్ని ఎన్నుకున్నాను. ఒక్క చిన్న నక్షత్రపు ధూళియైనా లేకముందే; మీ దేవుడిగా నేను మీకు తెలియబడకముందే, నేను మిమ్మల్ని ఎరిగియున్నాను. మీరు నా మనస్సులో, నా నిత్యమైన తలంపులలో ఉనికి కలిగియున్నారు. మీరు నాయొక్క అచ్చమైన పలుకబడిన వాక్య విత్తనపు వధువైయున్నారు.

మీరు నాయొక్క నిత్యమైన తలంపులలో ఉన్నప్పటికినీ, నాయొక్క నియమించబడిన మరియు నిర్ణయించబడిన కాలము వచ్చేవరకు నేను మిమ్మల్ని వ్యక్తపరచలేదు. ఏలయనగా మీరు నా వాక్యముతో నిలిచియుండే నాయొక్క ప్రత్యేకమైన గుంపుగా ఉంటారని నేను ఎరిగియున్నాను. ఇతరులందరూ విఫలమయ్యారు, కానీ మీరు విఫలము కారని నేను ఎరిగియున్నాను.

మీరు నా ప్రవక్తతో నిలబడ్డారు గనుక మీరు హింసించబడుచున్నారని మరియు ఎగతాళి చేయబడుచున్నారని నాకు తెలుసు, అయితే మీరు నా వాక్యమునుండి తొలగిపోకుండా, నా మాటలను పలికే నా ప్రవక్తకు నమ్మకముగాను విశ్వాసనీయంగాను నిలిచియున్న నాయొక్క అసలైన ద్రాక్షావల్లియైయున్నారు.

విశ్వాసనీయంగా బోధించబడిన ఇతరులు అనేకులున్నారు, కానీ నేను నా వర్తమానికుడి ద్వారా పలికినదానిని మాత్రమే పలకడము ఎంత అవసరమన్నది వారు అన్నివేళలా నేర్చుకోరు.”

“నా వాక్యము ఎల్లప్పుడూ నా ప్రవక్త వద్దకు వచ్చినది, అయితే ఈ దినమున, నేను నా వధువునకు ఏమి చెప్పాను అనేదానిలో ఎటువంటి పొరపాట్లు లేకుండునట్లు నేను నా స్వరమును రికార్డు చేపించాను. ఒకే ఒక్క గుండునూలు ఉన్నది, ఒకే ఒక్క ఇనుపదండము ఉన్నది, మరియు అదియే నేను నా దూత ద్వారా పలికిన వాక్యమైయున్నది. ప్రతి కాలములో ఉన్నట్లే, నా ప్రవక్త ఈ దినమునకైన వాక్యమైయున్నాడు.”

టేపులు, ఆయన స్వరము, మనకు ఒక ప్రేమలేఖయైయున్నది. మన పరీక్షలు మరియు హింసలు మరియు కష్టాల ద్వారా శత్రువు మనల్ని స్థిరముగా కొట్టుచుండగా, అది మనకొరకైన దేవునియొక్క ఎన్నికయైన ప్రేమ తప్ప మరొకటి కాదని మనతో చెప్పడానికి ఆయన తనయొక్క బలిష్ఠుడైన దూతను పంపించాడు, మనము కదల్చబడకుండునట్లు ఆయన మనల్ని ఎన్నుకున్నాడని మనకు ఋజువు చేయుచున్నాడు.

ఆయనయొక్క గొప్ప ఉద్దేశ్యము ఏమిటనగా కొంతకాలము మనము శ్రమనొందిన తరువాత, ఆయన మనల్ని పరిపూర్ణులుగా చేసి, స్థిరపరచి మరియు మనల్ని బలపరచును. మన ప్రభువు సైతం తన శ్రమలవలన పరిపూర్ణుడాయెను అని ఆయన మనకు చెప్పాడు. ఆయన మనకొరకు ఎటువంటి ఆశీర్వాదమును విడిచిపెట్టాడు కదా. ఏలయనగా మన శ్రమల ద్వారానే, ఆయన మనలను పరిపూర్ణతలోనికి కూడా తీసుకొనివస్తాడు.

పరీక్షలు మరియు శ్రమల ద్వారా ఆయన మన గుణలక్షణమును-నిర్మిస్తున్నాడు. ఏలయనగా శ్రమలు లేకుండా మన గుణలక్షణము తయారుచేయబడదు. అందుచేత, మన శ్రమలు మనకు ఒక బహుమతి కాదు గాని, ఒక విజయమైయున్నది.

మనము మన ప్రేమను ఆయనకు ఎలా నిరూపించుకుంటాము?

• ఆయన చెప్పినదానిని నమ్ముట ద్వారాను.
• ఆయనయొక్క వాక్యముతో నిలిచియుండుట ద్వారాను.
• ఆయన, తనయొక్క గొప్ప జ్ఞానముచేత, జరుగుటకు అనుమతించిన, మన శ్రమలు మరియు హింసలగుండా సంతోషముగా నడుచుకొనుట ద్వారానుయైయున్నది.

ఆయనయొక్క వాక్యమును వినుటద్వారా ఆయన మన ఆత్మలను ఏ విధంగా ఉల్లాసపరుస్తాడు కదా. ఆయనయొక్క స్వరము మన అంతరాత్మను ఆదరిస్తుంది. మనము ప్లేను నొక్కి మరియు ఆయన మాట్లాడుటను విన్నప్పుడు, మన భారములన్నీ తొలగించబడతాయి. మన శ్రమయంతటిగుండా మనకొరకు ఎటువంటి ధనము ఉంచబడినదో మనము ఊహించలేము.

ఓ, యేసుక్రీస్తుయొక్క వధువా, మీలో ప్రతియొక్కరితో కలిసి వారిలో ఒకరిగా ఉండుటకు నేను ఎంతగానో సంతోషిస్తున్నాను. ఆయన మనకు తన వాక్య బయలుపాటును ఇచ్చాడని ఎరుగుటకు నా హృదయము గొప్ప ఆనందముతో నిండుచున్నది. అది సాధ్యమైతే ఏర్పరచబడినవారిని సైతం మోసపుచ్చేంత దగ్గరగా ఉంటుందని ఆయన మనతో చెప్పుచుండగా, ఆయన మనకు నిజమైన బయలుపాటును ఇచ్చియున్నాడు.

వచ్చి, ఈ ఆదివారము జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, మేము ఆయనయొక్క పరిపూర్ణ వాక్యమును వినుచుండగా మాతో కలిసి ఆత్మలోనికి ప్రవేశించండి: 60-1206 — స్ముర్ణ సంఘకాలము.

సహోదరుడు. జోసఫ్ బ్రెన్హామ్

 

 

ప్రియమైన నిజ వధువా,

ఆయనయొక్క జీవము మనలో మరియు మనగుండా ప్రవహించుచు మరియు నాడివలె కొట్టుకొనుచు, మనకు జీవమునిస్తుండగా మనము ఎటువంటి ఒక అద్భుతమైన సమయమును కలిగియుంటున్నాము కదా. ఆయన లేకుండా, జీవమనేది ఉండదు. ఆయనయొక్క వాక్యము సాక్షాత్తు మన ఊపిరియైయున్నది.

ఈ ఘోరమైన అంధకార దినములో, మనము ఆయనయొక్క పైకి లేచినట్టి చివరి కాలపు గుంపుయైయున్నాము; ఆత్మ చెప్పుదానిని అనగా మన దినమునకైన దేవుని స్వరమును మాత్రమే వినునట్టి, చివరి దినమునకైన ఆయనయొక్క నిజ వధువైయున్నాము.

“నాకైతే, మీరు శుద్ధసువర్ణమును పోలియున్నారు. మీ నీతి నా నీతియైయున్నది. మీ గుణలక్షణములు నా మహిమకరమైన గుణలక్షణములైయున్నవి. మీరు నాయొక్క ప్రియమైన నిజ వధువైయున్నారు,” అని ఆయన మనతో చెప్పుటను వినడానికి మనమెంతంగా ఇష్టపడుచున్నాము కదా.

ప్రతి వారము మన పోరాటములు కఠినమగుచున్నా కొద్దీ, ఆయన మనతో మాధూర్యముగా మాట్లాడి మరియు, “చింతించకండి, మీరు నా సువార్తకు తగినవారైయున్నారు. మీరు సౌందర్యమైనదియు మరియు సంతోషకరమైనదియునైన ఒక సంగతియైయున్నారు. ఈ జీవితములో మీ శోధనలు మరియు పరీక్షలగుండా మీరు శతృవును జయించడాన్ని చూచుటకు నేను ఇష్టపడతాను,” అని చెప్పుటను వినడానికి మనము కేవలం ప్లేను నొక్కుతాము.

ప్రేమతో కూడిన మీ ప్రయాసను నేను చూస్తున్నాను; అది నన్ను సేవించడానికి మీ జీవితమునకు ఇవ్వబడిన ఉన్నతమైన పిలుపుయైయున్నది. మీ కొరకు నా స్వరముగా ఉండుటకు నేను పంపే నాయొక్క బలిష్ఠుడైన దూతను మీరు గుర్తిస్తారని జగత్తుపునాది వేయబడకముందే నేను ఎరిగియున్నాను; ఆ భయంకరమైన తోడేళ్ళు సరిసమానమైన ప్రత్యక్షతను కలిగియున్నారని చెప్పుకొనుచూ వచ్చిప్పుడు ఏ విధంగా మీరు మోసపరచబడకుండా ఉంటారో నేను ఎరిగియున్నాను. మీరు ఒక్క క్షణమైనా గాని, ఒక్క పొల్లుయంతైనా గాని, నా వాక్యమునుండి తొలగిపోరు. మీరు నా వాక్యముతో, నా స్వరముతో నిలిచియుంటారు.

నేను మీకు నా వాక్యమును బయలుపరచుచుండగా ఏదెను తోటలో ఆరంభమైన నిజ ద్రాక్షావల్లి మరియు కారు ద్రాక్షావల్లి కాలములగుండా ఏ విధంగా కలిసి ఎదుగుతాయని మీరు గ్రహిస్తారు.

ఆదిమ సంఘములో ప్రారంభమైనది ప్రతి కాలములో కొనసాగుతుందని గ్రహిస్తారు. మొదటి సంఘకాలములో, సాతానుడి కారు ద్రాక్షావల్లి లోపలికి జొరబడటం ప్రారంభించి మరియు వానియొక్క నికోలాయితు ఆత్మతో ఏ విధంగా ప్రజలను జయించాడన్నది గ్రహిస్తారు. అయితే నా ఎన్నుకోబడిన వధువుయైనట్టి మీరు మాత్రమే, మోసపరచబడరు అనే విషయమును నేను ఎంతగానో ఇష్టపడుచున్నాను.

ఈ వారము, సర్ప సంతానమును గూర్చిన గొప్ప మర్మమును బయలుపరచుట ద్వారా నేను నా వాక్యమును మీలో దృఢపరుస్తాను. ఏదెను తోటలో ఏమి జరిగినది; సాతానుడు ఏ విధంగా మానవజాతిలో కలిసాడు అన్నదాని గురించి ప్రతీ వివరమును నేను మీకు బయలుపరుస్తాను.

ఏదెను తోటలో జీవవృక్షమునై, ఆదాముయొక్క పతనమువలన ఇప్పటివరకును సమీపించబడలేకుండా ఉన్న నేను, ఇప్పుడు నాయొక్క జయించినవారైనా మీకు ఇవ్వబడ్డాను, అనే విషయమును మీరు గుర్తించినప్పుడు, అది ఎంతో ఉత్తేజకరమైన ఒక తలంపుగా ఉంటుంది.

ఇది మీకు బహుమానముగా ఉంటుంది. దేవుని పరదైసుయొక్క భాగ్యమును; అనగా నాతో ఒక స్థిరమైన సహవాసమును నేను మీకు ఇచ్చెదను. మీరెన్నడూ నానుండి వేరు చేయబడరు. నేను వెళ్ళు ప్రతిచోటుకు, నా వధువైన, మీరును వెళ్ళుదురు. నాకు చెందిన ప్రతిదానిని, నా ప్రియులైన మీతో, నేను పంచుకుంటాను.

మనము ఈ మాటలను చదువుతుండగా ఏ విధంగా మన హృదయములు మనలో వేగముగా కొట్టుకుంటాయి కదా. ఆయన వాగ్దానములయొక్క నెరవేర్పు త్వరగా సమీపిస్తున్నదని మనము ఎరిగియున్నాము, మరియు వేచియుండలేకపోవుచున్నాము. మనము ఆయన వాక్యమునకు విధేయులగుటకు త్వరపడుచు మరియు దానిద్వారా ఆయన మహిమను పంచుటకై మన అర్హతను ఋజువు చేసుకుందాము.

ఎక్కడైతే దేవుడు ఆయనయొక్క ఏర్పాటు చేయబడిన మార్గము ద్వారా, అనగా ఆయనయొక్క ఏడవ దూత వర్తమానికుడి ద్వారా ఆయనయొక్క వాక్యమును మనకు బయలుపరచుచున్నాడో, అట్టి ఏడు సంఘకాలములను గూర్చిన మా గొప్ప అధ్యయనమును మేము కొనసాగిస్తుండగా వచ్చి మాతో చేరమని మిమ్మల్ని ఆహ్వానించుటకు నేను ఇష్టపడుచున్నాను.

సహోదరుడు. జోసఫ్ బ్రెన్హామ్

 

ఆదివారము 12:00 P.M., జఫర్సన్విల్ కాలమానం.

60-1205 ఎఫెసు సంఘకాలము

 

 

ప్రియమైన పరిపూర్ణ వాక్యపు వధువా,

ప్రపంచవ్యాప్తముగానున్న వధువులో ఏమీ జరుగుచున్నది? మనము ఆత్మలోనికి ప్రవేశించుచున్నాము, పైకి లేచుచున్నాము మరియు కేకలు వేయుచున్నాము, “మహిమ! హల్లెలూయా!” దేవుడు మనలను పరవశింపజేయుచున్నాడు మరియు ఆయన వధువునకు ఆయనయొక్క వాక్యమును బయలుపరచుచున్నాడు.

మన జీవితమంతా మనము చదివి మరియు మనము వినిన సంగతులు ఇప్పుడు నెరవేర్చబడుచున్నవి. ఒక గొప్ప పురిగొల్పు చోటుచేసుకొనుచున్నది. మనము ముందెన్నడూ లేని విధంగా వాక్యము ద్వారా వెలిగింపబడుచున్నాము.

మనము దానిని మన ఆత్మలోని అంతరంగములలో అనుభూతి చెందుచున్నాము. ఏదో భిన్నముగా ఉన్నది, ఏదో సంభవించుచున్నది. పరిశుద్ధాత్మ మనలను అభిషేకిస్తూ, మన హృదయములను మరియు మన మనస్సులను వాక్యముతో నింపుటను మనము అనుభూతిచెందుతున్నాము.

ఆయన ఈ విధంగా మనతో మాట్లాడుటను మనము వినగలుగుచున్నాము: ముందెన్నడూ లేని విధంగా శత్రువు మీతో పోరాడుచున్నాడని నాకు తెలియును, కానీ చిన్నవారలారా భయపడకుడి, మీరు నా వారైయున్నారు. నేను మీకు నా ప్రేమను, ధైర్యమును మరియు సామర్థ్యతను ఇస్తాను. మాట మాత్రం పలుకుడి, మరియు నేను దానిని జరిగిస్తాను. నేను ఎల్లప్పుడూ మీతోనే ఉన్నాను.

యేసుక్రీస్తు యొక్క ప్రత్యక్షతను గూర్చిన మన గొప్ప అధ్యయనంలో, తరువాత ఆయన మనకు ఏమి బయలుపరచబోవుచున్నాడని మనము ప్రతీ వారము గొప్ప ఎదురుచూపుతో ఉంటున్నాము. ఆయన వాక్యము మాత్రమే మన ఏకైక ఆశ్రయము, సమాధానము మరియు ఆదరణయైయున్నది. మనము శ్రద్ధగా మళ్ళీ మళ్ళీ వింటూ ఉంటాము. ప్రతీ పేరాను మనము చదువుచున్నప్పుడు, వాక్యము మన కన్నుల ఎదుట విప్పబడుచుండగా మనము కేకలు వేయుచూ అరవగోరుచున్నాము. ఎత్తబడు విశ్వాసము వధువు మీదికి వచ్చుచున్నది, మన అంతరాత్మలను నింపుచున్నది.

ఊహించండి, దేవుని స్వరము మీతో మాట్లాడి మరియు తన వాక్యమును బయలుపరచుటను వినడానికి ప్రపంచములో మీరు వెళ్ళగలిగే ఏ ఇతర చోటు లేదు గానీ, అది సరిగ్గా మీ చేతులలోనే ఉన్నది.

ఏ విధంగా దేవుడు ఆ తెరను తీసివేసి, దానిని వెనుకకు లాగి, మరియు యోహానును లోపలికి చూడనిచ్చి మరియు ప్రతియొక్క సంఘము ఏమీ చేయబోవుచున్నదో చూడనిచ్చాడు కదా, మరియు దానిని ఒక గ్రంథమందు వ్రాసి మరియు దానిని మనకు పంపించాడు. పిదప, కాలము సంపూర్ణమైనప్పుడు, దానిని పలుకుటకు, మరియు దానంతటి భావము ఏమిటన్నది బయలుపరచుటకు, దేవుడు తనయొక్క బలిష్ఠుడైన ఏడవ దూతను మనకు పంపించాడు.

యోహాను తాను చూసినదానిని వ్రాశాడు, కానీ దాని అర్థమేమిటో అతనికి తెలియదు. తాను ఇక్కడ భూమి మీదనున్నప్పుడు యేసు కూడా దానిని ఎరుగకయున్నాడు. ఈ దినము, ఈ కాలము, ఈ ప్రజలు, అనగా మనము, ఆయనయొక్క వధువు వచ్చేదాకా కాలములన్నిటిలోనూ ఎవరికినీ అది తెలియదు.

ఆ ముఖ్యమైన గిన్నెలోనున్న వనరులనుండి ఆ ఏడు దీపములు జీవమును మరియు వెలుగును పీల్చుకుంటున్నాయన్నది ఆయన మనకు ఏ విధంగా బయలుపరిచాడు కదా. ప్రతియొక్కటి వాటి వత్తులను ఏ విధంగా అక్కడ ముంచుకొనియున్నవని ఆయన మనతో చెప్పాడు. ప్రతీ సంఘకాల వర్తమానికుడు క్రీస్తులో తన వత్తి ముంచబడియుండి పరిశుద్ధాత్మతో మండుచున్నాడు, క్రీస్తుయొక్క స్వంత జీవమును పీల్చుకొనుచు మరియు సంఘమునకు ఆ వెలుగును ఇచ్చుచున్నాడు. మరియు ఇప్పుడు, అందరు వర్తమానికులకంటే గొప్పవాడైన, మన చివరి దినపు వర్తమానికుడు, క్రీస్తుతో దేవునియందు దాచబడిన ఒక జీవితము ద్వారా ప్రత్యక్ష్యపరచబడిన అదే జీవమును మరియు అదే వెలుగును కలిగియుండెను.

పిదప ప్రతీ వర్తమానికుడు మాత్రమే కాదు గాని, దేవునియొక్క నిజ విశ్వాసులమైన మనలో ప్రతియొక్కరు కూడా అక్కడ చూపించబడ్డారని, మన బలిష్ఠుడైన దూత మనతో చెప్పాడు. మనలో ప్రతీ ఒక్కరము కూడా గురుతులుగా అక్కడ ప్రదర్శించబడ్డారు. ఆ వర్తమానికులు పీల్చుకుంటున్న అదే మూలము నుండి మనలో ప్రతి ఒక్కరమూ పీల్చుకుంటున్న. మనమందరమూ అదే గిన్నెలో ముంచబడ్డాము. మరియు మనకు మనము చచ్చినవారమైయున్నాము మరియు మన జీవితములు మన ప్రభువైన క్రీస్తుయేసుతోపాటు, ఆయనలోనే దాచబడియున్నవి.

ఏ మనుష్యుడును మనలను దేవుని చేతిలోనుండి పెరికివేయలేడని చెప్పుట ద్వారా ఆయన మనల్ని ఏ విధంగా ప్రోత్సహిస్తున్నాడు కదా. మన జీవితములు చరపబడలేవు. మనయొక్క దృశ్యమైన జీవితము మండుచు మరియు ప్రకాశించుచు, పరిశుద్ధాత్మయొక్క వ్యక్తీకరణలను మరియు వెలుగును ఇచ్చుచున్నది. మనయొక్క అంతర్గత, అదృశ్యమైన జీవము దేవునిలో దాచబడి మరియు ప్రభువుయొక్క వాక్యముచేత పోషించబడుచున్నది

పోరాటములు భయంకరముగా ఉన్నవి. ముందెన్నడూ లేనట్లుగా శత్రువు కోపోద్రేకముతో రేగుచున్నాడు, మనలను నిరుత్సాహపరచుటకు, అణగద్రొక్కుటకు ప్రయత్నిస్తున్నాడు, కానీ వాడు దానిని చేయలేడు. స్వయంగా దేవుడే మానవ పెదవుల గుండా మనతో మాట్లాడుచు మరియు, మనము ఆయన ఎన్నుకున్నట్టి, ఆయనయొక్క వధువైయున్నామని, మనకు చెప్తాడు, మరియు అది అపవాదిని ప్రతీసారి ఓడిస్తుంది.

మనయొక్క పరిపూర్ణుడైన ప్రభువు, తనయొక్క పరిపూర్ణమైన వాక్యమును మాట్లాడుచు, ఆయనయొక్క పరిపూర్ణమైన వధువునకు, పరిపూర్ణమైన సమాధానమును ఇచ్చుచున్నాడు.

ఎప్పటిలాగానే, ఆ అసలైన గిన్నెలో, అనగా వధువు కొరకు దాచబడి మరియు భద్రపరచబడిన ఈ వర్తమానములో తమ వత్తిని ముంచుకొనుటకు మేము ప్రపంచమును ఆహ్వానిస్తున్నాము. జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయప్పుడు, దేవుని స్వరము మాట్లాడి మరియు: పత్మాసు దర్శనము 60-1204E లో ఏమి జరిగినదని బయలుపరుచుచుండగా మేము అరచుచు కేకలువేస్తూ ఉంటాము.

సహోదరుడు. జోసఫ్ బ్రెన్హామ్

 

 

ప్రియమైన ఓటమిలేని దేవుని సైన్యమా,

తండ్రి ఎన్నుకొని మరియు తనను గూర్చిన నిజ ప్రత్యక్షతను అనుగ్రహించినవారము మనమే; ఆయనయొక్క ఒకేఒక్క నిజమైన సంఘమైయున్నాము. ఆయనయొక్క గొప్ప కార్యములను చేయుటకు ఆయన ఎన్నుకున్నవారమైయున్నాము. ఏలయనగా ఆయన ఆత్మ ద్వారా, మనము సాతానుడియొక్క క్రీస్తువిరోధి ఆత్మను వివేచించి మరియు దానిని ఎదుర్కోగలము. వాడు మనయెదుట శక్తిలేనివాడైయున్నాడు, ఎందుకనగా మనము ఆయనయొక్క ఓటమిలేని సైన్యమైయున్నాము.

సాతానుడు ప్రత్యక్షతయంతటినీ ద్వేశిస్తాడు, కానీ మనము దానిని ప్రేమిస్తాము; ఏలయనగా మనము ప్రత్యక్షపరచబడిన దేవుని వాక్యమును ప్రేమించువారమైయున్నాము. మన జీవితములో ఆయనయొక్క అసలైన ప్రత్యక్షతను కలిగియుండగా, పాతాళలోక ద్వారములు మనయెదుట నిలువనేరవు; శత్రువుపై మనము జయము పొందుతాము. ప్రతీ దయ్యము మన పాదముల క్రిందనున్నది. మనము ఆయనయొక్క వాక్యమైయున్నాము గనుక, మనము ఆయనతో ఒక్కటైయ్యుండి మరియు వాక్యమును పలుకగలవారమై యున్నాము.

మనము ఏడుసంఘకాలములను అధ్యయనం చేస్తూ మరియు వాటిని వినవలెనని ప్రభువు నా హృదయములో పెట్టాడు. మనలో ప్రతీ ఒక్కరికీ ఇవి ముఖ్యమైన వారములుగా ఉండబోవుచున్నవి. ఆయనయొక్క జయించు శక్తిద్వారా, ముందెన్నడూ లేనివిధంగా ఆయన మనకు ఆయనయొక్క వాక్యమును బయలుపరుస్తూ ఉంటాడు.

ఇప్పుడు సమయమైనది. ఇప్పుడు తగిన ఋతువైయున్నది. ప్రత్యక్షతవలన మనకు ఉత్తేజమునిచ్చుట ద్వారా, ఆయన మనల్ని పురిగొల్పుతుంటాడు, మనల్ని ప్రోత్సహిస్తుంటాడు, మరియు అది మన అంతరాత్మలను రగుల్చుతుంది!!

యేసుక్రీస్తు యొక్క ప్రత్యక్షత ఒక ప్రవచనాత్మకమైన పుస్తకమైయున్నది, అది ప్రవచనాత్మకమైనవాటిని చూడగల దృష్టిని కలిగియున్న ఒక ప్రత్యేకమైన తరగతి ప్రజలకు, అనగా మనకు, ఆయన వధువుకు మాత్రమే అర్థమవుతుంది. మనకు సహజాతీతమైన సూచనలను ఇస్తున్నట్టి, ఆయనయొక్క ఎన్నుకోబడిన దూతయైన వర్తమానికుడి ద్వారా వస్తున్న దేవునియొక్క స్వరమును మీరు వింటున్నారని మరియు చదువుతున్నారని ఎరుగుటకు నిజమైన ప్రత్యక్షత అవసరమైయున్నది.

అన్ని కాలములలోని క్రైస్తవుల విషయమై అది యోహానుకు ఇవ్వబడిన యేసుక్రీస్తుయొక్క ప్రత్యక్షతయైయున్నది. బైబిలు గ్రంథమంతటిలో, యేసు స్వయంగా తానే, వ్యక్తిగంతంగా ఒక లేఖికుడికి ప్రత్యక్షమై వ్రాయించిన ఏకైక పుస్తకము ఇదేయైయున్నది.

ప్రకటన గ్రంథమనేది స్వయంగా దేవునిచేత వ్రాయబడినటువంటి దేవునియొక్క స్వంత తలంపులైయున్నవి. అయితే ఆయన తన దూత ద్వారా వర్తమానము పంపి మరియు తన దాసుడైన యోహానుకు దానిని సూచించాడు. యోహానుకు దాని అర్థము తెలియదు; అతడు కేవలం తాను చూసినదానిని మరియు వినినదానిని వ్రాసాడు.

అయితే ఈనాడు, ఈ గొప్ప ప్రత్యక్షతను ఆయనయొక్క వధువునకు బయలుపరచడానికి దేవుడు తనయొక్క బలిష్ఠుడైన దూతను భూమిమీదికి పంపించాడు, తద్వారా మనము సంఘకాలములన్నిటిలో ఏమి జరిగినదో చదివి మరియు వినగలుగుటకైయున్నది. ప్రతి కాలములోనూ వాక్యమునకు నమ్మకముగాను మరియు విశ్వసనీయముగాను నిలిచియున్న ఆయనయొక్క చిన్న గుంపును మనము చూడగలము.

దేవుడు తన దూత ద్వారా మాట్లాడి మరియు ఈ అంత్యదినములలో, ఆయనయొక్క ఏడవ సంఘకాల వర్తమానికుని స్వరము పలుకుటను ప్రారంభించినప్పుడు, ఆయన పౌలుకు బయలుపరచినట్లే దేవునియొక్క మర్మములను బయలుపరుస్తాడని చెప్పాడు. ఆ ప్రవక్తను తన స్వంత నామమందు స్వీకరించువారు ఆ ప్రవక్త పరిచర్యయొక్క ఫలమును పొందుకుంటారు.

మహిమ, మనము ఆ ప్రవక్తను తన స్వంత నామమందు స్వీకరించి, ప్లేను నొక్కే దేవుని వధువైయున్నాము, మరియు మనము దానియొక్క లాభమును పొందుచున్నాము. అది తన వధువుతో మాట్లాడుచు మరియు మరియు ఆమెను నడిపించుచున్న దేవునియొక్క స్వరమైయున్నదని మనము నమ్ముచున్నాము.

ఓ సంఘమా, ఈ రానున్న వారములలో మనము ఏమి చదువుచు మరియు ఏమి వినబోవుచున్నాము కదా. ఆయనకైతే, మనము శుద్ధసువర్ణముతో పోలినవారమైయున్నాము. ఆయన ఏమైయున్నాడో, మనము అదేయైయున్నాము. మనము ఆయనయొక్క నిజమైన ద్రాక్షావల్లియై యున్నాము. మనము జయించియున్నాము. మనము పరిపూర్ణులుగా చేయబడ్డాము, స్థిరపరచబడ్డాము, బలపరచబడ్డాము. ఆయనయొక్క ఎన్నికయైన ప్రేమద్వారా ఏర్పరచుకొనబడ్డాము. దేనికీ భయపడవలసిన అవసరము లేదు. మనము వర్తమానికుడిని మరియు ఆయనయొక్క వర్తమానమును విని మరియు దానిని తీసుకొని మరియు దానిని జీవించిన గుంపుయైయున్నాము.

ప్రతి వారము మనము ఇట్లు చెప్తుంటాము, “దారిలో ఆయన మనతో మాట్లాడి మరియు ఆయనయొక్క వాక్యమును మనకు బయలుపరుస్తుండగా మన హృదయములు మనలో మండలేదా”.

మీరు ఆయన పరిశుద్ధాత్మయొక్క అభిషేకమును అనుభూతి చెందగోరుచున్న యెడల, దేవుని వాక్యమును గూర్చి మరింత ప్రత్యక్షతను పొందగోరుచున్న యెడల, మరియు కుమారునియొక్క సన్నిధిలో కూర్చొని మరియు పరిపక్వమవ్వగోరుచున్న యెడల, మరియు ఎత్తబడు విశ్వాసమును పొందగోరుచున్న యెడల, ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు: యేసుక్రీస్తుయొక్క ప్రత్యక్షత 60-1204M పై మేము మాయొక్క గొప్ప అధ్యయనమును ప్రారంభిస్తుండగా వచ్చి మాతో చేరండి.

సహోదరుడు. జోసఫ్ బ్రెన్హామ్

 

సంఘకాలముల పుస్తకము నుండి, ప్రతి ఆదివారము మనము వినినట్టి అధ్యాయమును, ఆ వారములో మీరు వినవలెనని లేదా చదవవలెనని ప్రోత్సహించుటకు నేను ఇష్టపడుచున్నాను.

 

 

విశ్వాసపు తాళపుచెవిని కలిగియున్న ప్రియమైనవారలారా,

“నేనే గొర్రెల దొడ్డికి ద్వారమును. నేనే మార్గమును, ఏకైక మార్గమును, సత్యమును, జీవమును, మరియు నా ద్వారానే తప్ప ఎవడును తండ్రియొద్దకు రాడు. సమస్తవిషయములకు నేనే ద్వారమునైయున్నాను, మరియు మీరు ప్రవేశించే ద్వారమును తెరచు తాళపుచెవి విశ్వాసమైయున్నది.”

ఈ తాళపుచెవిని పట్టుకోగల ఒకేఒక్క చెయ్యి ఉన్నది, మరదియే విశ్వాసముగల చెయ్యి యైయున్నది. దేవునియొక్క వాగ్దానములన్నిటినీ తెరచు తాళపుచెవి విశ్వాసమేయై యున్నది. ఆయన ముగించిన కార్యమునందు విశ్వాసము కలిగియుండుట అనేది దేవుని రాజ్యములో ప్రతీ ధనమునకు ఉన్న ప్రతీ ద్వారమును తెరుస్తుంది. విశ్వాసమనేది అన్ని తాళపుబుర్రలకు పనిచేయునటువంటి దేవునియొక్క గొప్ప తాళపుచెవియైయున్నది అది ఆయనయొక్క వధువు కొరకు అన్ని ద్వారములను తెరుస్తున్నది మరియు మనము విశ్వాసముగల మన చేతిలో ఆ తాళపుచెవిని పట్టుకొనియున్నాము.

ఆ విశ్వాసము మన హృదయములలో ఉన్నది, మరియు మనము ఇట్లు చెప్పుచున్నాము, “అది దేవునియొక్క వాక్యమైయున్నది; అవి మన కొరకైన దేవుని వాగ్దానములైయున్నవి, మరియు మనము తాళపుచెవిని పట్టుకొయున్నాము”. మరియు పిదప, ఒక్క సందేహపు ముక్కయైనా లేకుండా, మనము కలిగుయున్న ప్రతి విశ్వాసపు అణువుతో, దేవుడు మన కొరకు కలిగియున్న ఆశీర్వాదములకు మరియు మనకు మధ్యనున్న ప్రతీ ద్వారమును మనము తెరుస్తాము. అది బలమైన అగ్ని జ్వాలలను చల్లారుస్తుంది. అది రోగుల కొరకు స్వస్థతను తెరుస్తుంది. అది మన రక్షణను తెరుస్తుంది. మనము ద్వారమునొద్దకు వచ్చియున్నాము మరియు మనము మాటచేతగాని లేదా క్రియచేతగాని ఏది చేసినను, మనము విశ్వాసపు తాళపుచెవిని కలిగియున్నామని ఎరిగియుండి, సమస్తమును ఆయన నామములో చేస్తాము; మరియు అది లేఖనము-ద్వారా చేయబడిన తాళపుచెవియైయున్నది.

ఎవరు ఏమి అనుకుంటారన్నది మనము లెక్కచేయము, ఒక్కటి మాత్రం నిశ్చయము: దేవుడు మనల్ని పిలుచుకున్నాడు, మనల్ని ముందుగా నిర్ణయించుకున్నాడు, ఆయనయొక్క వాక్యమును మనకు బయలుపరచుకున్నాడు, మనము ఎవరమన్నది మనతో చెప్పియున్నాడు, మరియు ఆయన వాక్యమును వెంబడించాలని మనము తీర్మానించుకున్నాము, ఎందుకనగా ఆయన తనయొక్క వధువుగా ఉండుట కొరకు మనల్ని పిలచుకున్నాడు.

తండ్రి తన చేతిలో తనయొక్క ఏడు నక్షత్రములను, ఏడు కాలములకు, ఏడు వర్తమానికులను పట్టుకొనియున్నాడు. ఆయన వారిని తన చేతిలో పట్టుకొనియున్నాడు, అందునుబట్టియే వారు ఆయన శక్తితో సంబంధం కలిగియున్నారు. చెయ్యి దానినే సూచిస్తుంది. అది దేవునియొక్క శక్తిని సూచిస్తుంది! మరియు దేవునియొక్క అధికారమును సూచిస్తుంది.

మన విశ్వాసముగల చేతిలో మనము ఆయనయొక్క వాక్యమును పట్టుకొనియున్నాము, మన చేతులలో దేవునియొక్క శక్తి మరియు అధికారము ఉన్నదని అది సూచిస్తుంది మరియు మనకు అవసరత కలిగియున్న ప్రతిదాని కొరకు ప్రతి ద్వారమును తెరచుటకు ఆయన మనకు ఆ తాళపుచెవిని ఇచ్చాడు. అది ప్రతీ ద్వారమును తెరచునట్టి ప్రధానమైన తాళపుచెవియైయున్నది.

దేవుడు మన చేతికి 5 వ్రేళ్ళను ఎందుకిచ్చాడో ఇప్పుడు నాకు తెలుస్తుంది; 4 కాదు, 6 కాదు, అయితే 5, తద్వారా మనము మన చేతులవైపు చూసిన ప్రతిసారి, ప్రతి ద్వారమును తెరువగల విశ్వాసమును మనము కలిగియున్నామని మనకు గుర్తుకువస్తుంది.

ఆ విశ్వాసమును మన చేతులలో పట్టుకొనియున్నామని, ఎన్నడూ మర్చిపోకుండా; ఎల్లప్పుడూ జ్ఞాపకముంచుకొని మరియు ధైర్యము తెచ్చుకొనుటకు అది ఒక శాశ్వతమైన గురుతైయున్నది. మరియు మనయొక్క ఆవగింజంత విశ్వాసమును ఆయన హెచ్చించి మరియు ఎన్నడూ-విఫలమవ్వని, ఎన్నడూ తప్పిపోని నిత్యమైనటువంటి ఆయనయొక్క వాక్యమునందు ఆయనయొక్క గొప్ప విశ్వాసమును మనకు అనుగ్రహిస్తాడు!!!

మనము పరలోకము వైపునకు మన చేతులెత్తి, మన చేతులకు గల మనయొక్క 5 వ్రేళ్ళను చాపి ఆయనతో ఇట్లు చెప్పవచ్చును, “తండ్రీ, నీవు పలికిన ప్రతి మాటయందు మాకు విశ్వాసమున్నది మరియు మేము నమ్ముచున్నాము. అది నీ వాగ్దానమైయున్నది, నీ వాక్యమైయున్నది, మరియు మేము కేవలం నమ్మితే మాకు అవసరమైన విశ్వాసమును నీవు మాకు అనుగ్రహిస్తావు…మరియు మేము నమ్ముచున్నాము.”

ఆదివారము సాయంకాలము వరకు మనము ప్రభురాత్రి భోజనమును తీసుకొనబోవడంలేదు గనుక, ఆదివారము ఉదయము, మీకు అనుకూలమైన సమయములో, మీ సంఘముతో, కుటుంబముతో కలిసి వినుటకు, లేదా వ్యక్తిగతంగానైనా వినుటకు ఒక వర్తమానమును ఎన్నుకొనమని మిమ్మల్ని ప్రోత్సహించుటకు నేను ఇష్టపడుచున్నాను. మన విశ్వాసమును సరిచూసుకొనుటకు వాక్యమును వినుటకంటే నిజంగా ఏ ఉత్తమైన మార్గము లేదు; ఏలయనగా వినుటవలన విశ్వాసము కలుగును, వాక్యమును వినుటవలన కలుగును, మరియు వాక్యము ప్రవక్త యొద్దకు వచ్చెను.

పిదప మనమందరమూ (మీ స్థానిక కాలమానం ప్రకారంగా) సాయంత్రం 5:00 గంటలప్పుడు, 62-1007 ద్వారమునకు తాళపుచెవి అను వర్తమానమును వినుటకు కూడుకుందాము. ప్రకటించబడిన ప్రకారంగా, నేను దీనిని ఒక ప్రత్యేకమైన ప్రభురాత్రి భోజనపు కార్యక్రమముగా చేయాలనుకుంటున్నాను, జఫర్సన్విల్ కాలమానం ప్రకారంగా సాయంత్రం 5:00 గంటలప్పుడు ఇది వాయిస్ రేడియోలో ప్లే చేయబడుతుంది. ఇక్కడ నొక్కడం ద్వారా మీరు ఇంగ్లీషులోనైనా లేదా ఇతర భాషలలోనైనా డౌన్లోడ్ చేసుకొని మరియు దీనిని ప్లే చేసుకొనవచ్చును: LINK HERE.

గతంలో జరిగిన గృహ ప్రభురాత్రి భోజనపు కార్యక్రమముల వలె, టేపు ముగింపులో సహోదరుడు బ్రెన్హామ్ గారు రొట్టె మరియు ద్రాక్షరసమునకు ప్రార్థన చేస్తారు. మీరు ప్రభురాత్రి భోజనమును ముగించుకొనుటకు అనేక నిమిషములు పియానో సంగీతం ఉంటుంది. పిదప, సహోదరుడు బ్రెన్హామ్ గారు పాద పరిచర్యకు సంబంధించిన లేఖనమును చదువుతారు, మరియు ఆయన లేఖనమును చదివిన అనంతరం, మీరు పాద పరిచర్యను ముగించుకొనుటకు, అనేక నిమిషములు సువార్త గీతములు ఉంటాయి.

మన గృహములలో, సంఘములలో, లేదా మీరెక్కడుంటే అక్కడ మనతో భోజనము చేయుటకు ప్రభువైన యేసును ఆహ్వానించడానికి మనము ఎటువంటి భాగ్యమును కలిగియున్నాము కదా. మీరు ఆయనతో మాట్లాడినప్పుడు నా కొరకు ప్రార్థించండి, నేను కూడా నిశ్చయముగా మీ కొరకు ప్రార్థిస్తూ ఉంటాను.

దేవుడు మిమ్మల్ని దీవించును గాక,

సహోదరుడు జోసఫ్ బ్రెన్హామ్