స్నేహితులారా శుభోదయము,
పరలోకము నుండి ఒక శబ్ధము, అనగా స్వయంగా దేవునియొక్క స్వరమే, లోపలికి రాగలిగియుండగా, ప్రపంచమంతటినుండి క్రీస్తుయొక్క వధువు వచ్చి ఏకమనస్సు కలిగి ఏకముగా కూడుకోగలిగే సమయము చరిత్రలో ముందెన్నడూ లేదు.
లేఖనములు నెరవేర్చబడుచున్నవి. ఇది ఐక్యమయ్యే సమయముయొక్క విత్తనపు సూచనయైయున్నది. మనము కుమారునియొక్క సన్నిధిలో కూర్చొని, పరిపక్వము చెందుతుండగా, స్వయంగా దేవునియొక్క స్వరమునే వినుచు ఆమె తననుతాను సిద్ధపరచుకొనుచుండగా క్రీస్తు వధువుయొక్క అదృశ్యమైన ఐక్యత సంభవించుచున్నది.
ఆయనయొక్క ఐదు-రకముల పరిచర్య ద్వారా మనము పరిపూర్ణము చేయబడుతున్నాము.
వరములు మరియు పిలుపులు పశ్చాత్తాపం లేకున్నను కలుగునని ఎంతమంది నమ్ముతారు? సంఘములో ఐదు వరములు ఉన్నాయని బైబిలు గ్రంథము చెప్పినది. దేవుడు సంఘములో అపొస్తలులను, లేదా మిషనరీలను, అపొస్తలులను, ప్రవక్తలను, ఉపదేశకులను, సువార్తికులను, సంఘకాపరులను పెట్టాడు.
• బోధకుడు: నేను వీధిలోనికి వెళ్తాను. ఎవరో ఇట్లంటారు, “నీవు ఒక బోధకుడవా?” నేను ఇట్లు చెప్తాను, “అవును, అయ్యా. ఓ అవును, నేను ఒక బోధకుడను.”
• ఉపదేశకుడు: మరియు నేను ఈ ఉదయమున బోధించడానికి అసలు తీసుకోకపోవుటకు కారణమేదనగా, కేవలం ఒక అంశమును తీసుకొని మరియు దానిని దాటివేస్తూ వెళ్ళేదానికంటే, ఉపదేశించుటలో మనము దానిని బాగుగా అర్థము చేసుకోగలమని, నేను తలంచాను. మేము కేవలం దానిని ఉపదేశిస్తాము.
• అపొస్తలుడు: “మిషినరీ” అనే పదమునకు “పంపబడినవాడు” అని అర్థము. “అపొస్తలుడు” అనగా “పంపబడినవాడు.” ఒక మిషినరీ ఒక అపొస్తలుడైయున్నాడు. మీరు ఎరిగియున్నట్లే, నేను—నేను, ఒక మిషినరీయైయున్నాను, సుమారు ఏడుమార్లు విదేశాలలో, ప్రపంచమంతటా, సువార్తిక పనిని, మిషినరీ పనిని చేశాను.
• ప్రవక్త: నేను దేవునియొక్క ప్రవక్తనని మీరు నమ్ముతున్నారా? అలాగైతే వెళ్ళి నేను మీకు ఏమి చేయమని చెప్పానో దానిని చేయండి.
• సంఘకాపరి: నేను మీకు చేసినది ఏమిటో మీకు తెలుసా? మీరు నన్ను మీ సంఘకాపరి అని పిలిచారు, మరియు మీరు సరిగ్గానే చెప్పారు, ఏలయనగా నేను అదేయైయున్నాను.
మరియు ఆ మిలియన్లమంది అక్కడ నిలబడియుండటాన్ని నేను చూశాను, నేను ఇట్లన్నాను, “వారంతా బ్రెన్హామువారా?” ఇట్లన్నాడు, “కాదు.” ఇట్లు చెప్పాడు, “వారు నీ ద్వారా మార్చబడినవారు.” మరియు నేను ఇట్లన్నాను, నేను—నేను ఇట్లన్నాను, “నేను యేసును చూడగోరుచున్నాను.” ఆయన ఇట్లన్నాడు, “ఇప్పుడే కాదు. ఆయన రావడానికిముందు కొంచెం సమయం పడుతుంది. అయితే ఆయన మొదటిగా నీయొద్దకు వస్తాడు మరియు నీవు బోధించిన వాక్యంచేత నీవు తీర్పు తీర్చబడతావు,
అప్పుడు మనమందరము మన చేతులనెత్తి మరియు ఇట్లన్నాము, “మేము దానిపై విశ్రాంతి తీసుకొనుచున్నాము!”
ఏదో జరుగబోవుచున్నది. ఏమి జరుగుచున్నది? నా చుట్టూ క్రీస్తునందు మృతులైనవారు లేచుచున్నారు. నా శరీరములో ఒక మార్పు రావడాన్ని నేను అనుభూతి చెందుతున్నాను. నా తెల్ల వెంట్రుకలు, పోయినవి. నా ముఖమును చూడుము…నా ముడతలన్నీ మాయమైపోయినవి. నా వేధనలు మరియు నొప్పులు…అవి పోయినవి. నా నిరాశ నిస్పృహ అంతయు ఇప్పటికిప్పుడే మాయమైపోయినది. ఒక్క క్షణములోనే, కనురెప్పపాటున నేను మార్పు చెందియున్నాను.
పిదప మనము మన చుట్టూ చూడటం ప్రారంభించి మరియి మన ప్రియులను కనుగొంటాము. ఓ మై, అదిగో అమ్మా నాన్న అక్కడున్నారు…మహిమ, నా కుమారుడు…నా కుమార్తె. తాతయ్య, నానమ్మ, ఓ, నాకు మీ ఇద్దరూ లేని లోటు బాగా తెలిసింది. హే…అదిగో నా పాత స్నేహితుడు అక్కడున్నాడు. ఓ చూడుము, సహోదరుడు బ్రెన్హామ్, మన ప్రవక్త, హల్లెలూయా!! ఇది వచ్చేసింది. ఇది జరుగుచున్నది!
పిదప మనము కలిసి, అందరమూ ఒకేసారి, భూమికి ఆవలిన శూన్యములో ఎక్కడికో ఎత్తబడతాము. ప్రభువు దిగివచ్చు మార్గములో మనము ఆయనను కలుసుకుంటాము. మనము ఈ భూమియొక్క కక్షపై అక్కడ ఆయనతో కలిసి నిలబడతాము మరియు విమోచనా గీతములను పాడతాము. ఆయన మనకు అనుగ్రహించిన ఆయనయొక్క విమోచనా కృపకై మనము పాటలు పాడుతూ ఆయనను స్తుతిస్తాము.
ఆయనయొక్క వధువు కొరకు ఏమి దాచబడియున్నదో కదా. నిత్యత్వమంతా మనము మన ప్రభువైన యేసుతోను, మరియు ఒకరితోనొకరమును ఎటువంటి సమయమును కలిగియుండబోవుచున్నాము కదా. ప్రభువా, మేము మా హృదయములలో ఎటువంటి భావన కలిగియున్నామన్నది, మర్త్యమైన పెదవులు వ్యక్తపరచలేవు.
ఆయన మిమ్మల్ని తన వధువు అని పిలచి, మరియు ఆయనతో ఉండడం ఎలాగుంటుందో చెప్పడాన్ని మీరు వినగోరినయెడల, వచ్చి ఈ ఆదివారము జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు, మాతోకలిసి కూడుకొనండి, మరియు మీరు కొలతకు మించి ఆశీర్వదించబడతారు.
సహోదరుడు. జోసఫ్ బ్రెన్హామ్
60-1211M పదిమంది కన్యకలు, మరియు ఒక లక్షా నలుబది నాలుగు వేలమంది యూదులు
ప్రియమైన శ్రీమతి. యేసుక్రీస్తు,
యేసుక్రీస్తు యొక్క వధువు కొరకు ఈ ఆదివారము ఏమి కలిగియున్నదో కదా? పరిశుద్ధాత్మ మనకు ఏ విషయమును బయలుపరుస్తాడో కదా? పరిపూర్ణమైన గ్రహింపు. ఇప్పుడు బయలుపాటు ద్వారా మనము ముంగుర్తుతో పోల్చబడిన అసలైనదానిని మరియు ఛాయతో పోల్చబడిన నిజస్వరూపమును పూర్తిగా అర్థం చేసుకోగలము. యేసే నిజమైన జీవాహారమైయున్నాడు. అది పూర్తిగా ఆయనేయైయున్నాడు. ఆయన ఒక్క దేవుడైయున్నాడు. ఆయన హెబ్రీ 13:8 అయ్యున్నాడు. ఆయన ఉన్నవాడు.
క్రీస్తు, శరీరములో ప్రత్యక్షమై మరియు తన స్వంత రక్తమును చిందించుట ద్వారా, తననుతాను అర్పించుకొనుట ద్వారా మన పాపములను ఒక్కసారే ఎన్నటెన్నటికీ దూరపరిచాడు; కావున ఇప్పుడు ఆయన మనలను పరిపూర్ణులుగా చేశాడు. స్వయంగా ఆయనయొక్క జీవమే మనలో ఉన్నది. ఆయన రక్తము మనలను పవిత్ర పరచినది. ఆయనయొక్క ఆత్మ మనల్ని నింపుచున్నది. ఆయన పొందిన దెబ్బలు ఇదివరకే మనల్ని స్వస్థపరచినవి.
ఆయనయొక్క వాక్యము మన హృదయములోను మరియు నోటిలోను ఉన్నది. ఆయన మరియు ఆయనయొక్క వాక్యము తప్ప, మన జీవితములలోనున్న ప్రతీది అప్రాముఖ్యమైనదిగా మారుతుండగా, ఇక మన జీవితములలోనున్నది క్రీస్తే గాని మరేదియు కాదు.
ఆయన తనయొక్క దైవీకమైన నిర్ణయము ద్వారా, ఖచ్చితంగా ఎవరు ఆయనయొక్క వధువైయుంటారని ఆయన ముందుగా ఎరిగియున్నాడని మనకు చెప్తుండగా మన హృదయము సంతోషముతో నిండిపోతుంది. ఆయన మనల్ని ఎలా ఎన్నుకున్నాడు కదా. ఆయన మనల్ని పిలుచుకున్నాడు. ఆయన మన కొరకు మరణించాడు. ఆయన మన కొరకు వెల చెల్లించాడు మరియు మనము ఆయనకు చెందినవారము, మరియు ఆయనకు మాత్రమే చెందియున్నాము. ఆయన మాట్లాడుతాడు, మరియు మనము విధేయులమౌతాము, ఏలయనగా అది మనయొక్క సంతోషమైయున్నది. మనమే ఆయనయొక్క ఏకైక ఆస్తియైయున్నాము మరియు మనము గాక ఆయనకు వేరెవ్వరూ లేరు. ఆయనే మన రాజుల రాజైయున్నాడు మరియు మనము ఆయనయొక్క రాజ్యమైయున్నాము. మనము ఆయనయొక్క నిత్యమైన స్వాస్థ్యమైయున్నాము.
ఆయనయొక్క వాక్యపు స్వరము ద్వారా ఆయన మనల్ని బలపరచి మరియు మనల్ని వెలిగిస్తాడు. ఆయన తేటగా వివరించి మరియు ఆయనే గొర్రెలు పోవు ద్వారమైయున్నాడని బయలుపరుస్తాడు. ఆయనే అల్ఫాయు ఓమెగయునైయున్నాడు. ఆయనే తండ్రి, ఆయనే కుమారుడు, మరియు ఆయనే పరిశుద్ధాత్మయైయున్నాడు. ఆయన ఒక్కటైయున్నాడు, మరియు మనము ఆయనయందు, ఆయనతో ఒక్కటైయున్నాము.
ఆయన అబ్రాహముకు నేర్పించినట్లే, మనము ఏ వాగ్దానమునైనా పొందుకోగోరినయెడల మనము ఏ విధంగా సహనముతో వేచియుండి మరియు ఓర్పుతో ఉండవలెనో ఆయన మనకు నేర్పిస్తాడు.
సరిగ్గా మనము జీవిస్తున్న దినమును ఆయన మనకు తేటగా చూపిస్తాడు. సార్వత్రిక కదలిక రాజకీయ పరంగా ఎంతో బలంగా మారి, మరియు చట్టములోనికి ప్రవేశపెట్టబడిన నిబంధనలకు అందరూ కట్టుబడియుండుట ద్వారా దానిలో చేరుటకు ప్రభుత్వాన్ని ఏ విధంగా ఒత్తిడి చేస్తుందో చూపిస్తాడు, తద్వారా ప్రత్యక్షంగానైనా లేదా పరోక్షంగానైనా వారి సమైఖ్యయొక్క అధికారము క్రింద ఉంటేనే తప్ప ఏ ప్రజలైనా సంఘముగా గుర్తించబడకుండా ఉండుటకైయున్నది.
తాము దేవుడిని సేవిస్తున్నారని అనుకొనుచు సంఘశాఖయొక్క నియమాలలో, ఎంతమంది కొనసాగుతారో ఆయన బయలుపరుస్తాడు. అయితే “వధువు మోసపరచబడదు గనుక, భయపడవద్దని, మనము ఆయనయొక్క వాక్యముతో, ఆయనయొక్క స్వరముతో నిలిచియుంటామని,” ఆయన మనకు చెప్తాడు.
ఆయన ఈ విధంగా మనకు చెప్పడాన్ని వినడం ఎంత ప్రోత్సాహకరంగా ఉంటుంది కదా, “గట్టిగా పట్టుకొనియుండండి, పట్టుదలతో ఉండండి. ఎన్నడూ నిష్క్రమించకండి, అయితే దేవునియొక్క సర్వాంగ కవచమును ధరించుకోండి, ప్రతి ఆయుధము, నేను మీకిచ్చిన ప్రతి వరము మన అధికారములోనున్నది. ప్రియా ఎన్నడూ నిరుత్సాహపడకుము, కేవలం సంతోషముతో ముందుకు చూస్తూనే ఉండుము ఎందుకనగా నీ రాజుల రాజును మరియు ప్రభువుల ప్రభువును, నీయొక్క భర్తనుయైన నాచేత నీకు కిరీటము ధరింపజేయబడుతుంది.”
నీవు నా నమ్మకమైన సంఘమైయున్నావు; నీలో నివసించుచున్న నాయొక్క పరిశుద్ధాత్మ వలన, నీవు స్వయంగా దేవునియొక్క ఆలయమైయున్నావు. క్రొత్త ఆలయములో మీరు స్తంభములవుతారు; స్వయంగా ఆ మాహాకట్టడను నిలిపియుంచే పునాదియౌతారు. వాక్యమును గూర్చిన, అనగా స్వయంగా నన్ను గూర్చిన బయలుపాటును నేను మీకు ఇచ్చాను గనుక, అపొస్తలులతోను మరియు ప్రవక్తలతోను మిమ్మల్ని జయించినవారిగా నిలబెడతాను.
జగత్తుపునాది వేయబడకముందే మన పేర్లు గొర్రెపిల్ల జీవగ్రంథములో వ్రాయబడియున్నవని ఆయన మనకు తేటగా బయలుపరుస్తాడు. తద్వారా మనము ఆయనయొక్క ఆలయములో ఆయనను సేవించడానికి రాత్రింబవళ్ళు ఆయనయొక్క సింహాసనము ఎదుట ఉంటాము. మనము ప్రభువుయొక్క ప్రత్యేకమైన శ్రద్ధయైయున్నాము; మనము ఆయనయొక్క వధువైయున్నాము.
ఆయన నామమును తీసుకొనుట ద్వారా మనము ఒక క్రొత్త నామమును పొందుకుంటాము. అది ఆయన మనలను తనకై తీసుకున్నప్పుడు మనకివ్వబడిన నామమైయుంటుంది. మనము శ్రీమతి. యేసుక్రీస్తు అవుతాము.
తన భర్త కొరకు అలంకరింపబడిన ఒక వధువు, పరలోకమందున్న దేవుని యొద్దనుండి దిగివచ్చుచున్న ఆ నూతన యెరూషలేమైయుంటాము. మరణము ఇక ఉండదు, దుఃఖమైనను, ఏడ్పైనను ఇక ఉండదు. మొదటి సంగతులు గతించిపోయినవి గనుక వేదనయైనను ఇక ఉండదు. దేవునియొక్క అద్భుతమైన వాగ్దానముల్నీ నెరవేర్చబడియుంటాయి. మార్పు అనేది పూర్తవుతుంది. గొర్రెపిల్ల మరియు ఆయనయొక్క వధువు దేవునియొక్క సమస్త పరిపూర్ణతలలో ఎన్నటెన్నటికీ స్థిరపరచబడియుంటారు.
ప్రియమైన శ్రీమతి. యేసుక్రీస్తు, దాని గురించి కలగనండి. అది మీరు ఎన్నడైనా ఊహించగలిగేదానికంటే ఎంతో అద్భుతంగా ఉంటుంది.
ఈ ఆదివారము జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు, మన భర్తయైన యేసుక్రీస్తు, ఆయనయొక్క బలిష్ఠుడైన ఏడవ దూత ద్వారా మాట్లాడి మరియు మనకు ఈ సంగతులన్నిటినీ చెప్తుండగా, వచ్చి మాతో చేరవలెనని నేను అందరినీ ఆహ్వానిస్తున్నాను.
సహోదరుడు. జోసఫ్ బ్రెన్హామ్
వర్తమానము: ఫిలదెల్ఫియ సంఘకాలము 60-1210
సంబంధిత కూటములు
ప్రియమైన టేపు ప్రజలారా,
“టేపు ప్రజలు” అని పిలువబడుటకు మనమెంత అతిశయపడుచున్నాము కదా. దేవుని స్వరము మనతో మాట్లాడుటను వినడం ద్వారా ప్రపంచవ్యాప్తంగా మనము కూడివస్తామని ఎరిగియుండి ప్రతీ వారము మన హృదయములు ఉత్సాహముతో వేగముగా కొట్టుకొనుచున్నాయి కదా.
ఆయనయొక్క బలిష్ఠుడైన ఏడవ దూత వర్తమానికుని ద్వారా ఆయనయొక్క స్వరమును వినుచు; ఆయనయొక్క వాక్యముతో నిలిచియుండటం వలన మనము దేవునియొక్క పరిపూర్ణమైన చిత్తములో ఉన్నామని, ఒక్క సందేహపు ఛాయయైనా లేకుండా, మనము ఎరిగియున్నాము.
మన దినమునకై ఆయన ఎన్నుకున్న వర్తమానికుడు విలియమ్ మారియన్ బ్రెన్హామైయున్నాడు. అతడు లోకమునకు దేవునియొక్క దీపమైయుండి, దేవునియొక్క వెలుగును ప్రతిబింబించుచున్నాడు. ఆయన తాను ఎన్నుకొనిన స్వచ్ఛమైన వాక్య వధువును తనయొక్క దూత ద్వారా బయటకు పిలుచుచున్నాడు.
ఆయనను గూర్చిన బయలుపాటును మరియు మన దినమునకైన పరిచర్యను ఇవ్వడానికి ఆయన ఎన్నుకున్న దూత విలియమ్ మారియన్ బ్రెన్హామేనని, ఆయన వాక్యముయొక్క శ్రద్ధపూరితమైన అధ్యయనం ద్వారాను, ఆయనయొక్క పరిశుద్ధాత్మ ద్వారాను ఆయన మనకు బయలుపరిచాడు. తన వాక్యమును బయలుపరచుటకు మరియు తన వధువును బయటకు పిలచుటకు ఆయన అతనికి ఆయనయొక్క అధికారమును అప్పగిస్తుండగా, మనము ఆయనయొక్క దూతను, అనగా మన నక్షత్రమును, ఆయనయొక్క కుడి చేతిలో చూస్తాము.
ఆయన స్వయంగా తనను గూర్చిన పూర్తి బయలుపాటును మనకు ఇచ్చియున్నాడు. తన ఏడవ దూత వర్తమానికునియొక్క జీవితము ద్వారా; మన దినమునకై ఆయనయొక్క నేత్రములుగా ఉండుటకు ఆయన ఎన్నుకున్న దూత ద్వారా పరిశుద్ధాత్మ తననుతాను మనకు గుర్తింపజేసుకొనుచున్నాడు.
మనల్ని ఆయనయొద్దకు తెచ్చుకోవడమనేది ఆయనయొక్క ఉద్దేశమని; మనము ఆయనయొక్క వాక్య వధువైయున్నామని ప్రతి వర్తమానము ద్వారా ఆయన మనతో చెప్తుండగా మన హృదయములు మనలో ఏ విధముగా మండుచున్నవి కదా.
జగత్తుపునాది వేయబడకముందే ఆయన ఏ విధంగా మనల్ని ఆయనయందు ఎన్నుకున్నాడన్నది మళ్ళీ మళ్ళీ చెప్పుటకు ఆయన ఇష్టపడుచున్నాడు. ఏ విధంగా మనము ముందే ఆయనచేత ఎరుగబడి మరియు ప్రేమించబడ్డామని చెప్పుటకు ఇష్టపడుచున్నాడు.
ఆయన మనతో మాట్లాడి మరియు మనము ఆయనయొక్క రక్తముచేత విమోచించబడ్డామని మరియు ఎన్నడూ శిక్షావిధిలోనికి రామని మనతో చెప్పడాన్ని వినుటకు మనమెంతగా ఇష్టపడుచున్నాము కదా. మనమెన్నడూ తీర్పులోనికి రాలేము, ఎందుకనగా మనమీద పాపము ఆరోపించబడజాలదు.
ఆయన భూమి మీద తనయొక్క దావీదు సింహాసనమును తీసుకుంటుండగా మనము ఏ విధంగా ఆయనతో కూర్చుంటాము కదా, మరియు సరిగ్గా ఆయన పరలోకమందు చేసినట్లే; శక్తితోను మరియు భూమియంతటిపై అధికారముతోను, మనము ఆయనతో కలిసి పరిపాలిస్తాము. అప్పుడు ఈ జీవితముయొక్క పరీక్షలు మరియు శోధనలు ఏమియు కానట్లుగా అగుపిస్తాయి.
అయితే మనమెంత జాగ్రత్తగా ఉండవలెనని కూడా ఆయన మనల్ని హెచ్చరించాడు. కాలములగుండా ఆ రెండు ద్రాక్షావల్లులు ప్రక్కప్రక్కనే ఎదిగాయని హెచ్చరించాడు. ఏ విధంగా శత్రువు ఎల్లప్పుడు ఎంతో దగ్గరగా ఉన్నాడనియు; ఎంతో మోసపూరితముగా ఉన్నాడనియు చెప్పాడు. యూదా సహితం దేవునిచేత ఎన్నుకోబడి, మరియు సత్యములో నిర్దేషించబడినవాడే. అతడు మర్మములను గూర్చిన జ్ఞానమును పంచుకున్నవాడు. అతడు అతనికివ్వబడిన శక్తివంతమైన పరిచర్యను కలిగియున్నాడు మరియు అతడు యేసు నామములో రోగులను స్వస్థపరచి మరియు దయ్యములను వెళ్ళగొట్టాడు. కానీ అతడు ముగింపువరకు వెళ్ళలేకపోయాడు.
మీరు కేవలం వాక్యంలో కొంత భాగముతో మాత్రమే వెళ్ళలేరు, మీరు పూర్తి వాక్యమును తీసుకోవలసియున్నది. దేవునియొక్క కార్యములలో దాదాపుగా వంద శాతము పాలుపొందుచున్నట్లు అగుపించే ప్రజలు ఉన్నారు, కానీ వారు ఆ విధంగా లేరు.
ఆయన స్వయంగా తానే సంఘమంతటితో సహవాసము కలిగియున్నది, లేదా ఎఫెసీ నాలుగులోని ఐదు రకముల పరిచర్యతో సైతం సహవాసము కలిగియున్నది కూడా సరిపోలేదని చెప్పాడు. ప్రతి కాలములోను సంఘము దారితప్పిపోతుందని ఆయన మనల్ని హెచ్చరించాడు, మరియు అది కేవలం ప్రజలు మాత్రమే కాదు గాని మతపెద్దలు కూడాయైయున్నారు — గొర్రెలతో పాటు గొర్రెలకాపరులు కూడా తప్పైయున్నారు.
కావున ఆయనయొక్క స్వంత సంకల్పము ద్వారా నిర్ణయించబడిన ఆలోచన ప్రకారము, మన కాలములో ఆయనయొక్క ప్రజలను తిరిగి సత్యమునొద్దకు మరియు ఆ సత్యముయొక్క సమృద్ధియైన శక్తియొద్దకు నడిపించడానికి ఆయనయొక్క ఏడవ దూత వర్తమానికుని పరిచర్యలో ప్రధాన కాపరిగా ఆయన తననుతాను రంగం మీదికి తెచ్చుకున్నాడు.
ఆయన తన వర్తమానికునిలో ఉన్నాడు మరియు ఆ వర్తమానికుడు ఆయనయొక్క వాక్యము ద్వారా ప్రభువును వెంబడిస్తున్న వాడైయుండుటను బట్టి ఆ వర్తమానికుడిని దేవునియొక్క సంపూర్ణత వెంబడిస్తుంది.
నేను దేవునియొక్క సంపూర్ణతను కలిగియుండి మరియు ఆయనయొక్క వర్తమానికుడిని వెంబడించగోరుచున్నాను. కావున, మనకైతే, అనగా బ్రెన్హామ్ గుడారమునకైతే, ఆయనయొక్క వాక్యము ద్వారా ఆ వర్తమానికుడు ప్రభువును వెంబడిస్తుండగా మనము ఆ వర్తమానికుడిని వెంబడించుటకుగల ఒకే ఒక్క మార్గమేదనగా ప్లేను నొక్కి మరియు దేవునియొక్క స్వచ్ఛమైన స్వరము తప్పిపోని వాక్యములను మనతో మాట్లాడుటను వినుటయేయైయున్నది.
మనము వినుచున్నదానిని ఊహించనక్కర్లేదు లేదా సరిచూసుకోనక్కర్లేదు, మనము కేవలం ప్లేను నొక్కి మరియు మనము వినుచున్న ప్రతీ మాటను నమ్మవలసియున్నది.
ఒక ఉదయమున తెల్లవారుజామున వాయిస్ రేడియోలో సహోదరుడు బ్రెన్హామ్ గారు ఈ కొటేషన్ ను చెప్పడం నేను విన్నాను. నేను దానిని విన్నప్పుడు, మనము ఈ విధంగా చెప్పడం గురించి నేను / మనము భావించేది సరిగ్గా ఇదేనని నా హృదయములో అనిపించినది:
మేము కేవలం ప్లేను నొక్కి మరియు టేపులను వింటాము.
నాకైతే అది మన విశ్వాసమును గూర్చిన ఒక వాక్యమువలె వినిపించినది.
ఆ కారణముచేతనే నేను ఈ వర్తమానమును నమ్ముతాను, ఎందుకనగా అది దేవునియొక్క వాక్యము నుండి వచ్చుచున్నది. మరియు దేవుని వాక్యమునకు వెలుపలనున్న దేనినైనా, నేను నమ్మను. అది ఆ విధంగా ఉండవచ్చును, కానీ అయినను నేను కేవలం దేవుడు చెప్పినదానితో నిలిచియుంటాను, మరియు పిదప నేను సరియేనన్న నిశ్చయతను కలిగియుంటాను. ఇప్పుడు, దేవుడు తాను కోరినదానిని చేయవచ్చును. ఆయన దేవుడైయున్నాడు. అయితే నేను ఆయనయొక్క వాక్యముతో నిలిచియున్నంతకాలం, అప్పుడు అంతా బాగానే ఉన్నదని నాకు తెలుసు. నేను దానిని నమ్ముచున్నాను.
మహిమ, ఆయన దానిని ఎంతో పరిపూర్ణముగా చెప్పాడు. ఇతర పరిచర్యలన్నీ ఉండవచ్చును, ఎందుకనగా దేవుడు తాను కోరినవారితో, తాను కోరినదానిని చేయగలడు, ఆయన దేవుడు. కానీ నేను ఆయన వాక్యముతో, ఆయన స్వరముతో, అనగా టేపులతో నిలిచియున్నంతకాలం, అప్పుడు అంతా బాగానే ఉన్నదని నాకు తెలుసు. నేను దానిని నమ్ముచున్నాను.
అనేకులు నా ఉత్తరాలను చదివి మరియు నేను చెప్పుచున్నదానిని మరియు మన సంఘమునకై దేవునియొక్క చిత్తము ఏమిటని నేను నమ్ముచున్నానో దానిని అపార్థము చేసుకుంటారని నాకు తెలుసు. ప్రవక్త చెప్పినట్లే మరలా నేను దీనముగా చెప్పుచున్నాను: “ఈ ఉత్తరాలు నా సంఘము కొరకు మాత్రమేయైయున్నవి. బ్రెన్హామ్ టెబర్నికల్ ను తమ సంఘమని పిలుచుకోగోరిన వారికేయైయున్నవి. టేపు ప్రజలని గుర్తించబడి మరియు అట్లు పిలువబడుటకు ఇష్టపడేవారికి మాత్రమేయైయున్నవి”.
నేను చెప్పేదానితో మరియు నమ్మేదానితో మీరు ఏకీభవించనియెడల, నా సహోదరులారా మరియు సహోదరీలారా అది 100% మంచిదే. నా ఉత్తరాలు మీ కొరకు కావు లేదా మీకు వ్యతిరేకముగానైనా లేదా మీ సంఘములకు వ్యతిరేకముగానైనా కావు. మీ సంఘము స్వతంత్ర్యము గలది మరియు మీరు ఏమి చేయుటకు నడిపించబడుచున్నారని మీకు అనిపించుచున్నదో మీరు దానిని చేయవలసియున్నది, అయితే అది వాక్యప్రకారము ఉండవలసియున్నది, మాది కూడా ఆ విధంగానే ఉన్నది, మరియు మా కొరకు దేవుడు ఏర్పాటు చేసిన మార్గము ఇదేనని మేము నమ్ముచున్నాము.
ప్రతి ఆదివారము, జఫర్సన్విల్ కాలమానం ప్రకారంగా మధ్యాహ్నం 12:00 గంటల సమయమప్పుడు మాతో ఐక్యమవ్వడానికి అందరికీ ఎల్లప్పుడూ స్వాగతం. ఈ వారము, మన కాలమునకైన దేవుని నక్షత్రము, అనగా విలియమ్ మారియన్ బ్రెన్హామ్ గారు, మనకు, 60-1209 సార్దీసు సంఘకాలము అను వర్తమానమును అందిస్తారు.
సహోదరుడు. జోసఫ్ బ్రెన్హామ్
సంబంధిత కూటములు
ప్రియమైన వెలిగించబడిన వధువా,
కాలములన్నిటి గుండా ఆయనయొక్క వాక్యముతో నిలబడిన ఒక చిన్న గుంపు ఉన్నదని ప్రభువు మనకు ఏ విధంగా బయలుపరుస్తున్నాడు కదా. వారు శత్రువుయొక్క మోసకరమైన ఉచ్చులో పడలేదు కానీ, వారి దినమునకైన వాక్యమునకు నమ్మకముగాను మరియు విశ్వాసనీయముగాను ఉన్నారు.
కానీ మనకంటే దేవుడు గర్వకారణముగా పరిగణించినట్టి, లేదా ఎక్కువ నమ్మకము కలిగియున్నట్టి, ఒక గుంపు ప్రజలైనా, లేదా ఒక సమయమైనా, ముందెన్నడూ లేదు. మనము మోసపరచబడని, మరియు మరీ ముఖ్యంగా, మోసపరచబడలేని, ఆయనయొక్క ఎన్నుకోబడిన గౌరవనీయమైన వధువైయున్నాము; ఏలయనగా మనము కాపరియొక్క స్వరము విని మరియు ఆయనను వెంబడిస్తాము.
కాలములన్నిటి గుండా రెండు గుంపుల ప్రజలు ఉన్నారని, ఇరువురును తాము దేవునియొద్దనుండి ప్రత్యక్షతను పొందుకున్నారని మరియు దేవునితో సంబంధము కలిగియున్నారని చెప్పుకున్నారని ఆయన మనకు చూపించుచున్నాడు. అయితే ప్రభువు తనవారిని ఎరిగియున్నాడని, ఆయన మనతో చెప్పాడు. ఆయన మన ఆలోచనలను పరిశోధిస్తాడు. మన హృదయములలో ఏమున్నదో ఆయన ఎరిగియున్నాడు. ఆయనయొక్క ప్రవక్తతో మరియు ఆయనయొక్క వాక్యముతో నిలబడటంవంటి మన క్రియలను ఆయన చూస్తాడు, మరి అవి మనలోపల ఉన్న విషయముయొక్క ఖచ్చితమైన నెరవేర్పుయైయున్నవి. ఆయన మనయొక్క ప్రతీ క్రియను గమనిస్తుండగా మన ఉద్దేశాలు, మన లక్ష్యాలు ఆయనకు ఎరుకైయున్నవి.
ఆయన ప్రతీ కాలమునకు ఇచ్చిన వాగ్దానములు మనవేనని, ఆయన మనకు చెప్పుచున్నాడు. అంతమువరకు విశ్వాసనీయముగా ఆయన క్రియలను చేస్తూ ఉండే మనల్ని ఆయన చూస్తాడు. ఆయన మనకు రాజ్యముల మీద అధికారమును ఇచ్చాడు. మనము బలవంతులమని, సమర్థవంతులమని, ఏ పరిస్థితినైనా శక్తివంతముగా తట్టుకొని వ్యవహరించగల లొంగనటువంటి అధికారులమని ఆయన మనతో చెప్పుచున్నాడు. అవసరమైతే అత్యంత విపరీతమైన శత్రువు కూడా విరుగగొట్టబడతాడు. ఆయనయొక్క శక్తిచేతయైనట్టి మన పరిపాలనయొక్క దృష్టాంతం సరిగ్గా కుమారుని దాని వలెనే ఉంటుంది. మహిమ!!
మనము మన జీవితములో దేవునియొక్క లోతును అనుభవించాము. అది దేవునియొక్క ఆత్మ మనలో నివసించుట అనే ఒక వ్యక్తిగత అనుభవమైయున్నది. మన మనస్సులు దేవునియొక్క వాక్యము ద్వారా ఆయనయొక్క తెలివి మరియు జ్ఞానముతో వెలిగించబడినవి.
పెండ్లికుమారుడు ఎక్కడ ఉంటాడో మనము అక్కడికి వెళ్తాము. మనమెన్నడూ ఆయనచేత విడిచిపెట్టబడము. మనమెన్నడూ ఆయన ప్రక్కను విడిచిపెట్టము. మనమాయనతో సింహాసనమును పంచుకుంటాము. మనము ఆయనయొక్క మహిమతోను గౌరవముతోను కిరీటము ధరింపజేయబడతాము.
ప్రతికాలములోను శత్రువు ఎంత మోసపూరితముగా ఉన్నాడన్నది మరియు ఆయనయొక్క అసలైన వాక్యముతో నిలిచియుండటం ఎంత ప్రాముఖ్యము అనేది ఆయన మనకు బయలుపరిచాడు. ఒక్క మాటయైనా మార్చబడజాలదు. ప్రతి కాలములోను వాక్యమునకు తమ స్వంత అనువాదమును ఇచ్చుకొనుచు, దానికి కలిపియున్నారు మరియు దానినుండి తీసివేసారు; మరియు ఆ విధంగా చేయడం ద్వారా నిత్యముగా నశించిపోయారు.
తుయతైర సంఘకాలములో, ఆ మోసపరచు ఆత్మ పోపులోనుండి మాట్లాడి మరియు ఆయనయొక్క వాక్యమును మార్చివేసినది. వాడు దానిని “(మానవులకి కాదు గాని) మానవునికి దేవునికి మధ్య ఒకేఒక్క మధ్యవర్తి” అన్నట్లుగా చేసాడు. కావున ఇప్పుడు వాడు ఆ మధ్యవర్తికి మరియు మనుష్యులకు మధ్య మధ్యవర్తిత్వము చేస్తుంటాడు. తద్వారా, దేవునియొక్క ప్రణాళిక అంతయు మార్పుచేయబడినది; ఒక పదమును మార్చుటవలన కాదు గాని, ఒక్క అక్షరమును మార్చుటవలనైయున్నది. సాతానుడు ఒక “ల” ను ఒక “ని” గా మార్చాడు.
ప్రతి వాక్యము టేపులలో పలుకబడినట్టి ఆయనయొక్క అసలైన వాక్యముతో తీర్పు తీర్చబడుతుంది. కావున, ఆయనయొక్క వధువు టేపులతో నిలిచియుండవలసియున్నది. శత్రువు ప్రజలకు ఒక భిన్నమైన ప్రణాళికను, ఒక భిన్నమైన ఆలోచనను, ఒక భిన్నమైన అక్షరమును ఇచ్చుట ద్వారా వారిని నిరుత్సాహపరచడానికి ప్రయత్నిస్తుండగా, వధువు మాత్రం అసలైన వాక్యముతో నిలిచియుంటుంది.
యేసు ప్రతికాలములోను ఆ కాలపు వర్తమానికుడితో తననుతాను గుర్తింపజేసుకుంటాడు. వారు ఆయననుండి వారి కాలమునకైన వాక్యముయొక్క ప్రత్యక్షతను పొందుకుంటారు. ఈ ప్రత్యక్షత అనే మాట దేవునియొక్క ఎన్నుకోబడినవారిని లోకమునుండి బయటకు తెచ్చి మరియు యేసుక్రీస్తుతో సంపూర్ణ ఐక్యతలోనికి తీసుకొనివెళ్తుంది.
సంఘమునకు ఒక ఆశీర్వాదముగా ఉండుటకు ఆయన అనేకులను పిలిచి మరియు నియమించాడు, కానీ ఆయనయొక్క పరిశుద్ధాత్మ ద్వారా ఆయనయొక్క సంఘమును నడిపించుటకు మాత్రం ఆయన ఒకేఒక్క వర్తమానికుణ్ణి కలిగియున్నాడు. యెహోవా ఈలాగు సెలవిచ్చుచున్నాడుతో ఒకేఒక్క స్వరమున్నది. ఒక్క స్వరము ద్వారా ఆయన మనకు తీర్పు తీరుస్తాడని ఆయన మనతో చెప్పాడు. ఆయనయొక్క వధువు తన నిత్యమైన గమ్యమును నిలుపుచున్నట్టి ఒకేఒక్క స్వరము ఉన్నది. అదియే టేపులలో ఉన్న దేవునియొక్క స్వరమైయున్నది.
వధువా, మన కొరకైన దేవుని చిత్తము పరిపూర్ణతయైయున్నది, మరియు ఆయన దృష్టిలో, మనము పరిపూర్ణులమైయున్నాము. మరియు ఆ పరిపూర్ణతయే సహనమైయున్నది, దేవునిపై ఆనుకోవడమైయున్నది…మరియు దేవుని కొరకు వేచియుండటమైయున్నది. అది మన గుణలక్షణమును మెరుగుచేసే ప్రక్రియ అని ఆయన మనతో చెప్పుచున్నాడు. మనము అనేక పరీక్షలను, శోధనలను మరియు శ్రమలను కలిగియుండవచ్చును, కానీ మనము సంపూర్ణులును మరియు అనూనాంగులును, ఏ విషయములోనైనను కొదువలేనివారునై యుండునట్లుగా ఆయన వాక్యముపట్ల మనకున్న విశ్వసనీయత మనలో ఓర్పును పుట్టించుచున్నది.
వినుట వలన, వాక్యమును వినుటవలన విశ్వాసము కలుగునని, మరియు వాక్యము ప్రవక్తయొద్దకు వచ్చునని మనమెన్నడూ మర్చిపోము.
జఫర్సన్విల్ కాలమానం ప్రకారముగా మధ్యాహ్నం 12:00 గంటల సమయమప్పుడు, దేవునియొక్క స్వరము: తుయతైర సంఘకాలము 60-1208 పై వాక్యమును అందించడాన్ని మేము వినుచుండగా, వచ్చి మరియు మీరు మాతోకలిసి పరలోక స్థలములలో కూర్చొని మరియు మీ జీవితములోని అత్యంత గొప్ప సంతోషమును అనుభవించండి.
సహోదరుడు. జోసఫ్ బ్రెన్హామ్
సంబంధిత కూటములు
ప్రియ పవిత్రమైన కన్యక వధువా,
ఏడు సంఘకాలములను మీరు ఆనందిస్తున్నారా? ముందెన్నడూ లేని విధంగా దేవుడు తన వధువునకు ఉజ్జీవమును ఇస్తున్నాడు. మనమెవరమనియు, మరియు ఈ దినమునకై ఆయనయొక్క ఏర్పాటు చేయబడిన మార్గమైనటువంటి, వాక్యముతో నిలిచియుండుట ద్వారా మనము ఏమి చేస్తున్నామనియు ఎరిగియుండే విషయములో ఆయన మనకు ఎక్కువ బయలుపాటును, ఎక్కువ విశ్వాసమును, మరియు ఎక్కువ నిశ్చయతను ఇస్తున్నాడు.
ఇప్పుడు ఆయన మనకు ఇట్లు చెప్పుచున్నాడు: “ఆదివారపు కూడిక మొదలుకొని దానంతటి గురించి, ఆత్మసంబంధముగా ఆలోచించండి. పరిశుద్ధాత్మ దానిని నాంచి మరియు నేను చేయబోవుదానంతటిలో ఆత్మ సంబంధమైన అన్వయింపును పట్టుకొనునట్లు చేయును గాక. అది మలాకి 4 లోని నా ప్రవక్త ద్వారా పలుకబడినటువంటి నా ఆత్మచేత-పురిగొల్పబడిన వాక్యమైయున్నది”.
మనము ఆయన మాటలలో కొన్నిటిని చదివి మరియు వాటిని పట్టుకొని మరియు వాటికి మన ఆత్మ సంబంధమైన ఆలోచనను అన్వయించుదాము.
దేవుడు తన ఆత్మ-నింపుదలగల గుంపు కొరకు తన ఆత్మ-నింపుదలగల నాయకుడిని; తన దూతను ఏర్పాటు చేసాడు; మరియు అది అతని మీద ఒక నామముయొక్క ముద్రను ఉంచినది, కానీ అతడు దానిని బయలుపరచకూడదు. అతడు దానిని తనమట్టుకే ఉంచుకోవలసియున్నది, చూడండి. “అతడు గాక ఏ మనుష్యుడును ఎరుగడు.”
కావున దేవుడు తన ఆత్మ-నింపుదలగల గుంపుకు తన ఆత్మ-నింపుదలగల ఒక నాయకుడిని ఇచ్చాడు. తన ఆత్మ-నింపుదలగల గుంపుకు నాయకులను కాదుగాని, నాయకుడిని ఇచ్చాడు.
మన వద్దకు వచ్చి, మనలను బయటకు నడిపించే ఆ గొప్పవెలుగు దూత త్వరలో లోకమునకు వచ్చుచున్నాడు, ఒక గొప్ప పరిశుద్ధాత్మ, శక్తిలో వచ్చి, మరియు మనలను ప్రభువైన యేసుక్రీస్తు యొద్దకు నడిపిస్తాడు.
ఒక గొప్ప వెలుగు దూత. ఈ చివరి కాలమునకు ఆ గొప్ప వెలుగు దూత ఎవరు? విలియమ్ మారియన్ బ్రెన్హామ్. ఆయన పరిశుద్ధాత్మ గురించి మాట్లాడటంలేదు. ఆయన ఇదివరకే వచ్చియున్నాడు మరియు ఆయనేమో రాబోవువాని గురించి చెప్పుచున్నాడు.
ఆయన మనల్ని బయటకు నడిపించువాడు. మనల్ని నడిపించుచున్నది పరిశుద్ధాత్మేనని మనము నిజముగా ఎరిగియున్నాము మరియు దానిని నమ్ముచున్నాము, అయితే ఆయన తేటగా ఆయనయొక్క దూతను మరియు పరిశుద్ధాత్మను ఒక్కటిగా పెట్టి మరియు ఆయన (ఆయనయొక్క పరిశుద్ధాత్మ) ఆయనయొక్క గొప్ప వెలుగు దూత (ద్వారా) మనల్ని నడిపిస్తాడని చెప్పుచున్నాడు.
ఇట్లు చెప్పుట ద్వారా వారిరువురిని ఒక్కటిగా కట్టుటను ఆయన కొనసాగిస్తాడు:
ఆయనకది తెలియకపోవచ్చును,
అది ఎవరన్నది పరిశుద్ధాత్మకు తెలియదని ఆయన చెప్పడంలేదు, కానీ మనలను బయటకు నడిపించడానికి ఆయన ఎన్నుకున్న భూమి మీదనున్న దూతకు తెలియకపోవచ్చునని చెప్పుచున్నాడు.
అయితే ఒకానొక ఈ దినములలో అతడు ఇక్కడుంటాడు. అతడు...దేవుడు అతడిని తెలియజేస్తాడు. అతడు తననుతాను తెలియజేసుకోవలసిన అవసరంలేదు, దేవుడే అతడిని తెలియజేస్తాడు. దేవుడు తన స్వంతవారిని ఋజువుచేస్తాడు.
మరలా, ఒకానొక ఈ దినములలో, పరిశుద్ధాత్మ ఇక్కడుంటాడని ఆయన చెప్పడంలేదు కానీ ఆయనయొక్క వధువును నడిపించుటకు ఆయనయొక్క గొప్ప వెలుగు దూత ఇక్కడ ఉంటాడని చెప్పుచున్నాడు. అతడు తననుతాను తెలియజేసుకోవలసిన అవసరంలేదు, దేవుడు స్వయంగా తానే బయలుపాటు ద్వారా తనయొక్క వధువునకు ఆయనయొక్క గొప్ప నాయకుడిని తెలియజేస్తాడు.
ఆత్మసంబంధమైన అన్వయింపును మీరు పట్టుకుంటున్నారా? దేవుడు తన వధువును నడిపించుటకు ఎన్నుకున్న ఆ వెలుగు దూత ఎవరన్నది మీరు చూస్తున్నారా? ఆ సంగీతపు కర్ర ఇతర నాయకులకు అందించబడినదని ఇక్కడ చెప్పబడుచున్నదా?
మీరెన్నడూ మీ సంఘకాపరికంటె ఉన్నతముగా జీవించలేరు. మీరు కేవలం దానిని గుర్తుంచుకోండి, చూడండి.
ఇతరులు అర్థము చేసికొనక మరియు మనల్ని ఎగతాళి చేస్తుండగా, విలియమ్ బ్రెన్హామ్ మా సంఘకాపరి, అని చెప్పుటకు బయలుపాటును కలిగియున్నందుకు మనము ఎంతో సంతోషమును మరియు నిజమైన కృతజ్ఞతను కలిగియున్నాము.
ఇప్పుడు ఈ సమస్త వర్తమానములు ఆ “దూతకు” నిర్దేషించబడియున్నవి గనుక — (మానవ దూత) ఒక గొప్ప భాద్యత అలాగే ఒక అద్భుతమైన భాగ్యము అతనియొక్క భాగమైయున్నది.
వర్తమానము ఆయనయొక్క దూతకు నిర్దేషించబడినది, పిదప ఆయనయొక్క దూత దానిని వధువుకు ఇచ్చుచున్నాడు; కేవలం పరిచర్య మాత్రమే కాదు, కానీ ఆయనయొక్క వధువందరికీ అయ్యున్నది మరియు అందరూ వినుటకు అది టేపులో ఉన్నది. దానికి కలపబడజాలదు లేదా దానినుండి తీసివేయబడజాలదు, మరియు దానికి ఎటువంటి అనువాదము అవసరంలేదు.
ఆయన త్వరగా వచ్చుచున్నాడు, మరియు ఆయన వచ్చినప్పుడు ఆయన మొదటిగా మీయొద్దకు వచ్చును, మరియు మీరు ప్రకటించిన సువార్త ప్రకారము మీరు తీర్పు తీర్చబడతారు, మరియు మేము నీ జనులమైయుంటాము.” నేను ఇట్లన్నాను, “నేను వీటన్నిటికీ భాద్యుడనైయున్నానని నీ భావమైయున్నదా?” ఆయన ఇట్లన్నాడు, “ప్రతీ ఒక్కరూ. నీవొక నాయకుడిగా జన్మించావు.”
ఆ గొప్ప న్యాయతీర్పు దినము వచ్చినప్పుడు, ఆయన మొదటిగా తనయొక్క వెలుగు దూత వద్దకు వచ్చి, మరియు మొదటిగా అతడిని తాను ప్రకటించిన సువార్త ప్రకారము తీర్పు తీరుస్తాడు. మనము ఆయన ప్రజలమైయున్నాము. అతడు దేవునిచేత ఎన్నుకోబడిన నాయకుడు గనుక అతడు మనలో ప్రతిఒక్కరి విషయములో భాద్యుడైయున్నాడు.
దానికి మీయొక్క ఆత్మ సంబంధమైన అన్వయింపును జోడించండి. దేవునియొక్క దూత చెప్పినదాని ప్రకారము మనము తీర్పు తీర్చబడతాము. కావున, నేరుగా అతని యొద్దనుండే మీరు వినగలిగినప్పుడు, అతడేమి చెప్పాడని ఇంకెవరో చెప్పుచున్నదానిపై మీరు మీయొక్క నిత్యజీవమును ప్రమాదంలో పెట్టగోరుచున్నారా?
టేపులలో ఉన్నదానికంటె ఎక్కువ ప్రాముఖ్యమైన పరిచర్య ఉన్నదని ఎవరైనా ఎలా నమ్మగలరు. మీరు దానిని నమ్మినట్లైతే, లేదా హేతుబుద్దితో అలా ఒప్పించబడినట్లైతే, మీరు తిరిగి అసలైన వాక్యము నొద్దకు రావడం మంచిది; ఏలయనగా టేపులలో ఉన్న మాటల ద్వారా మీరు తీర్పు తీర్చబడబోవుచున్నారు. అది పలుకబడినట్లుగానే ఆ వాక్యముతో నిలిచియుండండి.
ఈ ప్రవక్త వస్తాడు, మరియు, “ఇదిగో లోక పాపములను మోసుకొనిపోవు, దేవుని గొర్రెపిల్ల,” అని మొదటిరాకడను పరిచయము చేయువాడు కేక వేసినట్లు, ఇతడు కూడా ఎటువంటి సందేహము లేకుండా, “ఇదిగో మహిమలో వచ్చుచున్న దేవుని గొర్రెపిల్ల” అని కేక వేస్తాడు. అతడు దానిని చేస్తాడు, ఏలయనగా యోహాను ఎలాగైతే ఎన్నుకొనబడినవారికై సత్యమునకు వర్తమానికుడిగా ఉన్నాడో, ఈ చివరి వర్తమానికుడు కూడా ఎన్నుకోబడినవారికి మరియు వాక్యము-ద్వారా జన్మించిన వధువుకు అలాగేయున్నాడు.
ప్రభువైన యేసుకు మనల్ని ఎవరు పరిచయం చేస్తారు? ఆయనయొక్క గొప్ప వెలుగు దూత, విలియమ్ మారియన్ బ్రెన్హామ్.
ఆయనయొక్క గొప్ప వర్తమానికుడైన దూత చెప్పేది మేము వినుచుండగా వచ్చి ఒక పవిత్రమైన కన్యక వధువుగా ఉండండి, ఆదివారము, జఫర్సన్విల్ కాలమానం మధ్యాహ్నం 12:00 గంటల సమయమప్పుడు, 60-1207 - "పెర్గమ సంఘకాలము" ను మేము వినుచుండగా అట్లు చేయండి.
సహోదరుడు. జోసఫ్ బ్రెన్హామ్