పరలోకమున-పుట్టిన ప్రియమైన పరిశుద్ధులారా,
తండ్రి ఆయనయొక్క వాక్యము ద్వారా మనల్ని సమకూర్చుచున్నాడు, మరియు ఆ ప్రత్యక్షతయొక్క నిర్ధారణ మనకు ఉత్తేజమును కలిగించుచున్నది. జగత్తుపునాది వేయబడకముందే ఆయన మనల్ని ఎన్నుకున్నాడు, ఎందుకనగా మన స్వంత ఎన్నిక ద్వారా మనము ఆయనయొక్క వాక్యమునకు విశ్వాసనీయంగా ఉంటామని ఆయన ఎరిగియున్నాడు.
అది లోతుగా నాటబడులాగున నన్ను దానిని మరలా చెప్పనివ్వండి. ఆయన కాలమంతటిగుండా చూసాడు, కాలముయొక్క ముగింపు వరకు చూసాడు, మరియు మనల్ని చూసాడు…మీరు దానిని వింటున్నారా? ఆయన నిన్ను చూసాడు, ఆయన నన్ను చూసాడు, మరియు మనల్ని ప్రేమించాడు, ఎందుకనగా మన స్వంత ఎన్నిక ద్వారా, మనము ఆయనయొక్క వాక్యముతో నిలిచియుంటాము.
సరిగ్గా అప్పుడే, ఆయన తన దూతలను మరియు కెరూబులందరినీ ఒక దగ్గరికి పిలిచి మరియు మన వైపు చూపించి మరియు ఇట్లు చెప్పియుండవచ్చును: “ఆమెనే,” “నా వధువు ఆమెనే,” “నేను వేచియున్నది వారి కొరకే!”
యోహాను వలె, ఆ కారణమును బట్టియే మనము ఈ కేకలు వేయడం మరియు అరవడం, మరియు ప్రభువుని స్తుతించడం చేస్తున్నాము, మనము క్రొత్త ద్రాక్షరసముతో ఉత్తేజింపబడ్డాము, మరియు మనము ఆయనయొక్క వధువైయున్నామని, నిస్సందేహముగా ఎరిగియున్నాము.
ఇక్కడ జఫర్సన్విల్ లో మనకు ఈ వారమంతా కురిసిన వర్షము మరియు ఉరుములతో కూడిన తుఫానుల వలె అది ఉన్నది…మనము కూడా లోకమునకు ఒక హెచ్చరికను పంపుచున్నాము.
వధువు ఒక ప్రత్యక్షతతో కూడిన తుఫానును పొందుకుంటున్నది, మరియు అది ప్రత్యక్షత వరదను ఉత్పత్తి చేస్తున్నది. వధువు తననుతాను సిద్ధపరచుకున్నది మరియు తామెవరో గుర్తించియున్నది. వెంటనే సురక్షితమైన చోటుకు వెళ్ళండి. ప్లేను నొక్కండి లేదా నశింపజేయబడండి.
మనము సింహపు కాలములో, లేదా ఎద్దు కాలములో, లేదా మనుష్యుని కాలములోనైనా జీవించడంలేదు; మనము పక్షిరాజు కాలములో జీవిస్తున్నాము, మరియు దేవుడు తన వధువును బయటకు పిలిచి మరియు ఆమెను నడిపించడానికి, మనకు ఒక బలమైన పక్షిరాజును, మలాకీ 4 ను పంపించాడు.
ఈ ఆదివారము, మనము నాలుగవ ముద్రను వినుచు ఏకముగా కూడుకొనియుండగా అది ఎంత ఖచ్చితంగా సరిపోవునట్లు ఉంటుంది కదా. అది దేవునియొక్క బలమైన పక్షిరాజు ప్రవక్తయొక్క పుట్టినరోజై యుంటుంది.
ఆయనయొక్క పక్షిరాజు వర్తమానికుడిని మనకు పంపినందుకు మనము ఈ అద్భుతమైన దినమును ఉత్సవముగా జరుపుకొని మరియు ప్రభువునకు కృతఙ్ఞతలు చెల్లించుదాము, మనల్ని బయటకు పిలిచి మరియు ఆయనయొక్క వాక్యమును బయలుపరచడానికి ఆయన అతణ్ణి పంపించాడు.
సహోదరుడు. జోసఫ్ బ్రెన్హామ్
వర్తమానము: నాలుగవ ముద్ర 63-0321
సమయము: 12:00 P.M., జఫర్సన్విల్ కాలమానం ప్రకారముగా
సిద్ధపాటులో చదువవలసిన లేఖనములు.
పరిశుద్ధ. మత్తయి 4
పరిశుద్ధ. లూకా 24:49
పరిశుద్ధ. యోహాను 6:63
అపొస్తలుల కార్యములు Acts 2:38
ప్రకటన 2:18-23, 6:7-8, 10:1-7, 12:13, 13:1-14, 16:12-16, 19:15-17
ఆదికాండము 1:1
కీర్తనలు 16:8-11
II సమూయేలు 6:14
యిర్మియా 32
యోవేలు 2:28
ఆమోసు 3:7
మలాకీ 4