காலை வணக்கம் நண்பர்களே,

உலகம் முழுவதிலுமிருந்து கிறிஸ்துவின் மணவாட்டி ஒருமனதாக ஒன்றுபட முடியும்போது, அப்போது வானத்திலிருந்து ஒரு சத்தம், தேவனுடைய சத்தம், சடுதியாய் வர முடிந்த ஒரு நேரம் உலக வரலாற்றில் இதற்கு முன் எப்போதும் இருந்ததில்லை.

வேதவாக்கியங்கள் நிறைவேற்றப்படுகின்றன. இது இணையும் நேர வித்தின் அடையாளம். நாம் தேவனுடைய பிரசனத்தில் அமர்ந்து, முதிர்ச்சியடைந்து, தேவனுடைய சத்தத்தை கேட்பதன் மூலம் மணவாட்டி தாமே ஆயத்தப்படுத்திக் கொண்டிருக்கையில் கிறிஸ்துவின் மணவாட்டியின் காணக்கூடாத இணைப்பு நிகழ்ந்து கொண்டிருக்கிறது.

அவருடைய ஐந்து வகையான ஊழியத்தால் நாம் பரிபூரணப்படுத்தப்படுகிறோம்.

அப்பொழுது நாங்கள் அனைவரும் எங்களுடைய கரங்களை உயர்த்தி, "நாங்கள் அதன் பேரில்தான் இளைப்பாறிக் கொண்டிருக்கிறோம்!” என்றோம்.

ஏதோ காரியம் சம்பவிக்க ஆயத்தமாகிக் கொண்டிருக்கிறது. என்ன சம்பவித்துக் கொண்டிருக்கிறது? கிறிஸ்துவுக்குள் மரித்தவர்கள் என்னைச் சுற்றி எழத் தொடங்குகிறார்கள். என்னுடைய சரீரத்தில் ஒரு மாற்றம் வருவதை நான் உணர்கிறேன். என் நரை முடி, அது போய்விட்டது. என் முகத்தைப் பாருங்கள்...என் சுருக்கங்கள் அனைத்தும் மறைந்துவிட்டன. என் வலிகள் மற்றும் வேதனைகள் ... அவை போய்விட்டன. என் மனச்சோர்வு உணர்வு உடனடியாக மறைந்துவிட்டது. நான் ஒரு நிமிஷத்திலே, ஒரு இமைப் பொழுதிலே மறுரூபமாக்கப்பட்டிருக்கிறேன்.

பின்னர் நாம் நம்மைச் சுற்றிப் பார்க்கத் துவங்கி, நம்முடைய அன்புக்குரியவர்களைக் காண்போம். ஓ என்னே, அம்மாவும் அப்பாவும் இருக்கிறார்கள்...மகிமை, என்னுடைய மகன்... என்னுடைய மகள். தாத்தா, பாட்டி, நான் உங்கள் இருவரையும் மிகவும் இழந்துவிட்டேன். ஏய்... என்னுடைய பழைய நண்பன் இருக்கிறான். ஓ பாருங்கள், இது சகோதரன் பிரான்ஹாம், நம்முடைய தீர்க்கதரிசி, அல்லேலூயா!! அது இங்கே உள்ளது. அது சம்பவித்துக் கொண்டிருக்கிறது!

பின்னர் ஒன்றாக, ஒரே நேரத்தில், பூமிக்கு அப்பாலுள்ள விண்வெளியில் எங்கோ நாம் எடுத்துக் கொள்ளப்படுவோம். நாம் கர்த்தரை அவருடைய பாதையிலே சந்திப்போம். நாம் அங்கே இந்தப் பூமியின் வளையங்களில் அவருடன் நின்று மீட்பின் கீதங்களைப் பாடுவோம். அவர் நமக்கு அளித்துள்ள மீட்பின் கிருபைக்காக அவரைப் பாடித், துதிப்போம்.

அவருடைய மணவாட்டிக்காக எவ்வளவோ காத்திருக்கிறது. நித்தியம் முழுவதும் நாம் ஒருவருக்கொருவர் மற்றும் நம்முடைய கர்த்தராகிய இயேசுவுடன் என்ன ஒரு நேரத்தைக் கொண்டிருக்கப் போகிறோம். கர்த்தாவே, எங்களுடைய இருதயத்தில் நாங்கள் எப்படி உணர்கிறோம் என்பதை அழிவுக்குரிய மானிட வார்த்தைகளால் வெளிப்படுத்த முடியாது.

அவர் உங்களை மணவாட்டி என்று அழைப்பதையும், அவருடன் அது எப்படி இருக்கப் போகிறது என்பதை உங்களிடத்தில் சொல்வதையும் நீங்கள் கேட்க விரும்பினால், இந்த ஞாயிற்றுக்கிழமை பிற்பகல் 12:00 மணிக்கு, ஜெபர்சன்வில் நேரத்தில் வந்து எங்களுடன் சேர்ந்து கொள்ளுங்கள், நீங்கள் அளவுக்கதிகமாக ஆசீர்வதிக்கப்படுவீர்கள்.

சகோ. ஜோசப் பிரான்ஹாம்

60-1211M பத்து கன்னிகைகளும், இலட்சத்து நாற்பத்து நாலாயிரம் யூதர்களும்

அன்புள்ள திருமதி இயேசு கிறிஸ்துவே,

இயேசு கிறிஸ்துவின் மணவாட்டிக்காக இந்த ஞாயிறு என்ன காத்திருக்கும்? பரிசுத்த ஆவியானவர் நமக்கு என்னவெல்லாம் வெளிப்படுத்துவார்? பரிபூரண உணருதலையே. நாம் இப்போது வெளிப்படுத்தல் மூலமும், மாதிரியோடு வேறுபடுத்தப்பட்ட எதிர் மாதிரி மூலமும், மூலப் பொருளின் நிழலின் மூலமாகவும் முழுமையாக புரிந்துகொள்வோம். இயேசுவே உண்மையான ஜீவ அப்பமாயிருக்கிறார். அவர் அதனுடைய முழுமையாய் இருக்கிறார். அவர் ஒரே தேவன். அவர் எபிரெயர் 13:8. நான் இருக்கிறவராயிருக்கிறேன் என்பவராக அவர் இருக்கிறார்.

கிறிஸ்து, மாம்சத்தில் தோன்றி, தம்முடைய சொந்த இரத்தத்தைச் சிந்தியதன் மூலம், தம்மையே பலியாகக் கொண்டு நம்முடைய பாவங்களை ஒருமுறை நீக்கிவிட்டார்; ஆகையால் அவர் இப்போது நம்மை பரிபூரணமாக்கியுள்ளார். அவருடைய ஜீவன் நமக்குள் இருக்கிறது. அவருடைய இரத்தம் நம்மைச் சுத்திகரித்தது. அவருடைய ஆவி நம்மை நிரப்புகிறது. அவருடைய தழும்புகள் ஏற்கனவே நம்மைக் குணப்படுத்தியுள்ளன.

அவருடைய வார்த்தை நம்முடைய இருதயத்திலும் வாயிலும் இருக்கிறது. இது நம்முடைய ஜீவியங்களில் உள்ள கிறிஸ்து, வேறொன்றுமில்லை, ஏனெனில் அவரையும் அவருடைய வார்த்தையையும் தவிர நம்முடைய ஜீவியங்களில் உள்ள அனைத்தும் முக்கியமற்றதாக மறைந்துவிடும்.

அவருடைய தெய்வீக ஆணையின் மூலம், அவருடைய மணவாட்டி யார் என்பதை அவர் சரியாக அறிந்திருந்தார் என்று அவர் நமக்குச் சொல்லும்போது நம் இருதயம் மகிழ்ச்சியால் நிரப்பப்படும். அவர் நம்மை எப்படி தெரிந்து கொண்டார். அவர் நம்மை அழைத்தார். அவர் நமக்காக மரித்தார். அவர் நமக்கான கிரையத்தை செலுத்தினார், நாம் அவருக்குச் சொந்தமானவர்கள், அவருக்கு மாத்திரமே. அவர் பேசுகிறார், நாம் கீழ்ப்படிகிறோம், ஏனென்றால் அது நம்முடைய மகிழ்ச்சி. நாம் அவருடைய ஒரே சொத்து, அவருக்கு நம்மைத் தவிர வேறு யாரும் இல்லை. அவர் நம்முடைய ராஜாதி ராஜா, நாம் அவருடைய ராஜ்யம். நாம் அவருடைய நித்திய உடைமை.

அவர் நம்மைப் பலப்படுத்தி, தம்முடைய வார்த்தையின் சத்தத்தினால் நம்மை ஒளிரச் செய்வார். அவர் ஆடுகளின் வாசல் என்பதை அவர் தெளிவாக விளக்கி வெளிப்படுத்துவார். அவர் ஆல்பாவும் ஒமேகாவுமாய் இருக்கிறார். அவர் பிதாவாகவும், அவர் குமாரனாகவும், அவர் பரிசுத்த ஆவியாகவும் இருக்கிறார். அவர் ஒருவரே, நாம் அவரோடும் அவருக்குள்ளும் ஒன்றாக இருக்கிறோம்.

அவர் ஆபிரகாமுக்கு செய்தது போலவே, நாம் எந்த வாக்குத்தத்தத்தையும் பெற விரும்பினால், நாம் எவ்வாறு பொறுமையுடன் காத்திருந்து சகித்துக்கொள்ள வேண்டும் என்பதை விளக்குவதன் மூலம். அவர் நமக்கும் பொறுமையைக் கற்பிப்பார்.

நாம் ஜீவித்துக் கொண்டிருக்கிற நாளை அவர் நமக்குத் தெளிவாகக் காண்பிப்பார். உலக ஆலோசனை சபை சங்க அசைவு எவ்வாறு அரசியல் ரீதியாக மிகவும் வலுவாக மாற, சட்டத்தில் இயற்றப்பட்ட கொள்கைகளை பின்பற்றுவதன் மூலம் அனைவரும் தன்னுடன் சேருமாறு அரசாங்கத்தால் அழுத்தம் உண்டாகி, அதனால் அவர்களுடைய ஆலோசனை சங்கத்தின் நேரடி அல்லது மறைமுக ஆதிக்கம் இருந்தாலொழிய எந்த ஜனங்களுமே சபைகளாக அங்கீகரிக்கப்பட மாட்டார்கள்.

ஸ்தாபனத்தின் அமைப்பில் தேவனை சேவித்துக் கொண்டிருப்பதாக அவர்கள் எண்ணி, எத்தனை பேர் உடன் செல்வார்கள் என்பதை அவர் வெளிப்படுத்துவார். ஆனால் அவர் நமக்கு, “பயப்படாதே, மணவாட்டி வஞ்சிக்கப்படமாட்டாள், நாம் அவருடைய வார்த்தையோடும் அவருடைய சத்தத்தோடும் தரித்திருப்போம்” என்று சொல்லுகிறார்.

அவர் நம்மிடத்தில்: “பற்றிக் கொண்டிருங்கள், விடாமுயற்சியுடன் இருங்கள், ஒருபோதும் விட்டு விடாதீர்கள், தேவனுடைய முழு சர்வாயுத வர்க்கத்தையும் தரித்துக் கொள்ளுங்கள், ஒவ்வொரு ஆயுதமும், நான் உங்களுக்கு அளித்துள்ள ஒவ்வொரு வரமும் நம்முடைய உபயோகத்திற்காக உள்ளது. இனிய இருதயமே ஒரு போதும் திடனற்றுப் போக வேண்டாம், தொடர்ந்து மகிழ்ச்சியோடு எதிர்நோக்கியிருங்கள், ஏனென்றால் உங்களுடைய கணவனாகிய உங்களுடைய ராஜாதி ராஜாவும், கர்த்தாதி கர்த்தாவுமாகிய என்னால் நீங்கள் முடி சூட்டப்பட போகிறீர்கள்” என்று அவர் சொல்வதை கேட்பது எவ்வளவு உற்சாகமாயிருக்கும்.

நீங்கள் என்னுடைய உண்மையான சபையாயும்; உங்களுக்குள் ஜீவித்துக் கொண்டிருக்கிற என்னுடைய பரிசுத்த ஆவியினாலே தேவனுடைய ஆலயமாய் இருக்கிறீர்கள். நீங்கள் புதிய ஆலயத்தில் தூண்களாயும்; மேற்கட்டுமானத்தை நிலைநிறுத்தும் அஸ்திபாரமாயுமிருப்பீர்கள். நான் உங்களை அப்போஸ்தலர்களுடனும் தீர்க்கதரிசிகளுடனும் ஜெயங்கொள்பவர்களாய் வைப்பேன், ஏனென்றால் நான் உங்களுக்கு என்னைக் குறித்த, என்னுடைய வார்த்தையின் வெளிப்பாட்டைக் கொடுத்திருக்கிறேன்.

உலகத் தோற்றத்திற்கு முன்னே நம்முடைய பெயர்கள் அவருடைய ஆட்டுக்குட்டியானவருடைய ஜீவ புத்தகத்தில் எழுதப்பட்டிருந்தன என்பதை அவர் நமக்கு தெளிவாக வெளிப்படுத்துவார். ஆகவே அவருடைய ஆலயத்தில் அவரைச் சேவிக்க இரவும் பகலும் அவருடைய சிங்காசனத்திற்கு முன்பாக இருப்போம். நாம் கர்த்தரின் விசேஷித்த பராமரிப்பில் இருக்கிறோம்; நாம் அவருடைய மணவாட்டி.

அவருடைய நாமத்தை ஏற்றுக் கொள்வதன் மூலம் நாம் ஒரு புதிய நாமத்தைப் பெறுவோம். அவர் நம்மைத் தம்மிடம் ஏற்றுக் கொள்ளும் போது அந்த நாமம் நமக்கு கொடுக்கப்படும். நாம் அவருடைய திருமதி இயேசு கிறிஸ்துவாக இருப்போம்.

புதிய எருசலேம் தன்னுடைய கணவருக்காக அலங்கரிக்கப்பட்ட ஒரு மணவாட்டியாக பரலோகத்திலுள்ள தேவனிடத்திலிருந்து இறங்கி வருகிறது, இனி மரணமோ, துக்கமோ, அழுகையோ இருக்காது. முந்தினவைகள் ஒழிந்து போனதால் இனி வேதனை இருக்காது. தேவனுடைய அற்புதமான வாக்குத்தத்தங்கள் அனைத்தும் நிறைவேற்றப்படும். மாற்றம் முடிவுற்றுவிடும். ஆட்டுக்குட்டியும் அவருடைய மணவாட்டியும் தேவனுடைய அனைத்து பரிபூரணங்களிலும் என்றென்றும் நிலைத்திருப்பார்கள்.

அன்புள்ள திருமதி இயேசு கிறிஸ்துவே, அதைப் பற்றிக் கனவு காணுங்கள். நீங்கள் எப்போதும் நினைத்ததை விட இது மிகவும் அற்புதமாக இருக்கும்.

இந்த ஞாயிற்றுக்கிழமை, பிற்பகல் 12:00 மணிக்கு, ஜெபர்சன்வில் நேரப்படி, நம்முடைய கணவர் இயேசு கிறிஸ்து, தம்முடைய பலமுள்ள ஏழாம் தூதனாகிய செய்தியாளர் மூலமாக இந்த எல்லா காரியங்களையும் நமக்கு சொல்லவிருப்பதால் எங்களுடன் சேர்ந்துகொள்ள வருமாறு ஒவ்வொருவரையும் நான் அழைக்கிறேன்.

சகோ. ஜோசப் பிரான்ஹாம்

செய்தி: பிலதெல்பியா சபையின் காலம் 60-1210

அன்புள்ள ஒலிநாடாவைக் கேட்கிற ஜனங்களே,

“ஒலிநாடாவைக் கேட்கிற ஜனங்கள்" என்று அழைக்கப்படுவதில் நாம் எவ்வளவு பெருமைப்படுகிறோம். தேவனுடைய சத்தம் நம்மிடம் பேசுவதைக் கேட்பதன் மூலம் உலகம் முழுவதும் ஒன்றுபடுவோம் என்பதை அறிந்து ஒவ்வொரு வாரமும் நம்முடைய இதயங்கள் உற்சாகத்துடன் ஓடுகின்றன.

எந்த ஒரு சந்தேகத்தின் நிழலுமின்றி, அவருடைய வார்த்தையோடு தரித்திருப்பதன் மூலம் நாம் தேவனுடைய பரிபூரண சித்தத்தில் இருக்கிறோம் என்றும்; அவருடைய பலமுள்ள ஏழாம் தூதனாகிய செய்தியாளர் மூலமாக அவருடைய சத்தத்திற்கு செவி கொடுக்கிறோம் என்றும் நாம் அறிவோம்.

நம்முடைய நாளுக்காக அவர் தெரிந்து கொண்ட செய்தியாளர் வில்லியம் மரியன் பிரான்ஹாம். அவர் உலகத்திற்கு தேவனுடைய தீபமாயிருந்து, தேவனுடைய ஒளியை பிரதிபலிக்கிறார். அவர் தன்னுடைய தூதனின் மூலமாக அவர் தெரிந்து கொண்ட சுத்தமான வார்த்தை மணவாட்டியை அழைத்துக் கொண்டிருக்கிறார்.

அவருடைய வார்த்தையைக் கவனமாகப் படிப்பதன் மூலம், வில்லியம் மரியன் பிரான்ஹாம், நம்முடைய நாளுக்காக அவருடைய வெளிப்பாட்டையும் ஊழியத்தையும் கொடுக்க அவர் தெரிந்து கொண்ட தூதன் என்பதை அவருடைய பரிசுத்த ஆவியின் மூலம் நமக்கு வெளிப்படுத்தினார். அவருடைய தூதனை, நம்முடைய நட்சத்திரத்தை, நாம் அவருடைய வலது கரத்தில் பார்க்கிறோம், அவருடைய வார்த்தையை வெளிப்படுத்தவும் அவருடைய மணவாட்டியை அழைக்கவும் அவர் அவருக்கு அதிகாரத்தை வழங்குகிறார்.

அவர் தன்னைப் பற்றிய முழு வெளிப்பாட்டையும் நமக்குத் தந்துள்ளார். பரிசுத்த ஆவியானவர் அவருடைய ஏழாவது தூதனின் ஜீவியத்தின் மூலம் தம்மை நமக்கு அடையாளம் காட்டுகிறார்; நம்முடைய நாளுக்கான அவருடைய கண்களாய் இருக்கும்படி அவர் தெரிந்து கொண்ட தூதன்.

நாம் அவருடைய வார்த்தை மணவாட்டி என்றும், ஒவ்வொரு செய்தியிலும் நம்மைத் தம்மிடம் கொண்டு வருவதே அவருடைய நோக்கம் என்றும் அவர் நமக்கு சொல்லும்போது; நம்முடைய இருதயங்கள் நமக்குள்ளே எப்படி கொழுந்துவிட்டு எரிகின்றன.

உலகத் தோற்றத்திற்கு முன்பே அவர் எப்படியாய் நம்மை அவருக்குள் தெரிந்து கொண்டார் என்பதை மீண்டும் மீண்டும் நமக்கு சொல்ல அவர் விரும்புகிறார். நாம் எப்படியாய் முன்னறிவிக்கப்பட்டு, அவரால் நேசிக்கப்பட்டோம்.

அவருடைய இரத்தத்தால் நாம் மீட்கப்பட்டோம் என்றும், ஒருபோதும் ஆக்கினைத்தீர்ப்புக்குள் வர முடியாது என்றும் அவர் நமக்கு சொல்வதை கேட்பதற்கு நாம் எவ்வளவாய் விரும்புகிறோம். நாம் ஒருபோதும் நியாயத்தீர்ப்பில் இருக்க முடியாது, ஏனென்றால் பாவத்தை நம்மீது சுமத்த முடியாது.

அவர் தம்முடைய பூமிக்குரிய தாவீதின் சிங்காசனத்தை எடுத்துக் கொள்ளும்போது, பூமி முழுவதையும் வல்லமையோடும் அதிகாரத்தோடும் அவர் பரலோகத்தில் செய்தது போலவே, நாம் எப்படியும் அவருடன் அமர்ந்து ஆளுகை செய்வோம். இந்த ஜீவியத்தின் சோதனை மற்றும் பரிசோதனைகள் அப்பொழுது ஒன்றுமற்றதாய் தென்படும்.

ஆனால் நாம் எவ்வளவு கவனமாக இருக்க வேண்டும் என்பதையும் கூட அவர் எச்சரித்துள்ளார். காலங்காலமாக இரண்டு திராட்சைச் செடிகளுமே அருகருகே வளர்ந்தன. சத்துரு எப்போதுமே எப்படி மிக நெருக்கமாக இருந்து வந்துள்ளான்; மிகவும் வஞ்சிப்பதற்காகவே. யூதாஸ் கூட தேவனால் தெரிந்து கொள்ளப்பட்டு, சத்தியத்தில் அறிவுறுத்தப்பட்டான். அவன் இரகசியங்களைப் பற்றிய அறிவைப் பகிர்ந்து கொண்டான். அவன் தனக்கு அளிக்கப்பட்ட ஒரு வல்லமையான ஊழியத்தை உடையவனாயிருந்து இயேசுவின் நாமத்தில் வியாதியஸ்தரை சுகப்படுத்தி, பிசாசுகளை துரத்தினான். ஆனால் அவனால் முடிவு பரியந்தம் செல்ல முடியவில்லை.

உங்களால் வார்த்தையின் ஒரு பகுதியை மட்டும் சேர்த்துக் கொள்ள முடியாது, எல்லா வார்த்தைகளையும் ஏற்றுக்கொள்ள வேண்டும். ஏறக்குறைய நூறு சதவிகிதம் தேவனுடைய காரியங்களில் ஈடுபாடு கொண்டவர்களாகத் தோன்றுகிறவர்கள் இருக்கிறார்கள், ஆனால் அவர்கள் அப்படி இல்லை.

அவர் தன்னை முழு சபையுடனும் அல்லது எபேசியர் நான்கின் ஐந்து வகையான ஊழியத்துடனும் தன்னை இணைத்துக்கொண்டது போதாது என்று அவர் கூறினார். ஒவ்வொரு காலத்திலும் சபையானது வழிதவறிச் செல்கிறது என்றும், அது சபை மக்கள் மட்டுமல்ல, ஆனால் மதகுருமார் குழுவும் - மேய்ப்பர்களும் ஆடுகளைப் போலவே தவறாய் இருக்கிறார்கள் என்று நம்மை எச்சரித்தார்.

எனவே அவருடைய சொந்த சித்தத்தின் உறுதியான ஆலோசனையின் மூலம், அவருடைய ஜனங்களை திரும்பவும் சத்தியத்திற்கும் நிறைவான சத்தியத்தின் வல்லமைக்கும் வழிநடத்த அவர் தம்முடைய ஏழாம் தூதனின் ஊழியத்தில் பிரதான மேய்ப்பராக நம்முடைய காலத்தில் தன்னைக் காட்சியில் கொண்டுவந்தார்.

நான் தேவனுடைய பரிபூரணத்தை உடையவனாய் இருந்து அவருடைய செய்தியாளரை பின்பற்ற விரும்புகிறேன். எனவே, நம்மைப் பொறுத்தவரை, பிரான்ஹாம் கூடாரம், செய்தியாளர் கர்த்தரை அவருடைய வார்த்தையின் மூலம் பின்பற்றுவது போல, அவரைப் பின்பற்றுவதற்கான ஒரே வழி, இயங்கு பொத்தானை அழுத்தி பிழையற்ற வார்த்தைகளை நம்மிடத்தில் பேசுகிற சுத்தமான தேவனுடைய சத்தத்தை கேட்பதாகும்.

நாம் என்ன கேட்டுக் கொண்டிருக்கிறோம் என்பதை யூகிக்கவோ அல்லது சரிபார்க்கவோ தேவையில்லை, நாம் இயங்கு பொத்தானை அழுத்தி நாம் கேட்டுக் கொண்டிருக்கிற ஒவ்வொரு வார்த்தையையும் விசுவாசிக்க வேண்டும்.

ஒரு நாள் அதிகாலையில் வானொலி சத்தத்தில் (வாய்ஸ் ரேடியோவில்) சகோதரன் பிரான்ஹாம் பின்வரும் மேற்கோளைச் சொல்வதைக் கேட்டேன். நான் அதைக் கேட்டதும், இதைத்தான் நான்/நாம் இப்படித்தான் சொல்கிறேன் என்று என் மனதில் தோன்றியது:

நாம் இயங்கு பொத்தானை அழுத்தி ஒலிநாடாக்களைக் கேட்கிறோம்.

அது எனக்கு எங்களுடைய விசுவாசத்தின் ஒரு அறிக்கை போன்று தென்பட்டது.

மகிமை, அவர் அதை மிகப் பரிபூரணமாக கூறினார். மற்ற எல்லா ஊழியங்களும் இருக்கலாம், ஏனென்றால் தேவன் யாரை விரும்புகிறோரோ, அவர் விரும்புகிறதை அவரால் செய்ய முடியும், அவர் தேவனாய் இருக்கிறார். நான் அவருடைய வார்த்தையோடு, அவருடைய சத்தத்தோடு, ஒலிநாடாக்களோடு தரித்திருக்கும் வரை சரியாய் இருக்கிறது என்று அப்பொழுதே நான் அறிந்து கொள்கிறேன். நான் அதை விசுவாசிக்கிறேன்.

என்னுடைய கடிதங்களை பலர் படித்து, நான் கூறுவதையும், நம்முடைய சபைக்கான கர்த்தருடைய சித்தம் என்று நான் விசுவாசிப்பதையும் தவறாகப் புரிந்துகொள்வதை நான் அறிவேன். தீர்க்கதரிசி கூறியது போல் நான் மீண்டும் ஒருமுறை தாழ்மையுடன் கூறுகிறேன்: “இந்த கடிதங்கள் என் சபைக்கு மட்டுமே. பிரான்ஹாம் கூடாரத்தை தங்கள் சபை என்று அழைக்க வாஞ்சிக்கிறவர்களுக்கே. ஒலிநாடாவை கேட்கிற ஜனங்கள் என்று அழைக்கப்பட்டு அடையாளம் கண்டு கொள்ளப்பட விரும்புகிறவர்களுக்கே.

நான் என்ன கூறுகிறேன் என்பதையும், விசுவாசிக்கிறேன் என்பதையும் நீங்கள் ஒப்புக் கொள்ளவில்லையென்றால், என்னுடைய சகோதர சகோதரிகளே அது 100% நல்லது. என்னுடைய கடிதங்கள் உங்களுக்கோ அல்லது உங்களுக்கும் அல்லது உங்களுடைய சபைகளுக்கும் விரோதமானதாக பொருட்படுத்தப்பட்டதல்ல. உங்களுடைய சபை ராஜாதிபத்தியமுடையது, செய்யும்படி வழிநடத்தப்படுவதை நீங்கள் உணரும் பொழுது நீங்கள் அதை செய்ய வேண்டும், எனவே எங்களுடையதும் அவ்வாறு தான், நமக்காக தேவன் அருளியிருக்கிற வழி என்றும் இதைத்தான் நாங்கள் விசுவாசிக்கிறோம்.

ஒவ்வொரு ஞாயிற்றுக்கிழமையும் ஜெபர்சன்வில் நேரப்படி, பிற்பகல் 12:00 மணிக்கு எங்களுடன் ஒன்றிணைவதற்கு அனைவரையும் வரவேற்கிறோம். இந்த வாரம், நம்முடைய காலத்திற்கான தேவனுடைய நட்சத்திரம், வில்லியம் மரியன் பிரான்ஹாம், 60-1209 சர்தை சபையின் காலம் என்ற செய்தியைக் கொண்டு வருவார்.

சகோ. ஜோசப் பிரான்ஹாம்

அன்புள்ள பிரகாசிக்கப்பட்ட மணவாட்டியே,

எல்லா காலங்களிலும் அவருடைய வார்த்தையுடன் தரித்திருக்கும் ஒரு மிகச் சிறிய குழு எப்போதும் இருந்திருக்கிறது என்பதை கர்த்தர் நமக்கு எப்படி வெளிப்படுத்திக் கொண்டிருக்கிறார். அவர்கள் சந்துருவின் வஞ்சக வலையில் விழவில்லை, ஆனால் தங்களுடைய நாளுக்கான வார்த்தைக்கு உண்மையாகவும் உத்தமமாகவும் இருந்தார்கள்.

ஆனால் கர்த்தர் நம்மைவிட பெருமை கொண்டிருந்த அல்லது அதிக நம்பிக்கை கொண்ட ஒரு காலமோ அல்லது ஒரு குழுவோ இருந்ததில்லை. நாம் அவருடைய தெரிந்து கொள்ளப்பட்ட சீமாட்டியான மணவாட்டியாய் வஞ்சிக்கப்படாத, முக்கியமாக, வஞ்சிக்கப்பட முடியாததாயும் கூட இருக்கிறோம்; ஏனென்றால் நாம் மேய்ப்பனுடைய சத்தத்தைக் கேட்டு அவரைப் பின்பற்றுகிறோம்.

எல்லாக் காலங்களிலும் இரண்டு குழுக்கள் இருந்ததை அவர் நமக்குக் காண்பித்துக் கொண்டிருக்கிறார், இருவருமே தேவனிடமிருந்து தங்களுடைய வெளிப்பாட்டையும் தேவனுடனான தங்களுடைய உறவையும் பறைசாற்றுகிறார்கள். ஆனால் கர்த்தர் தம்முடையவர்களை அறிந்திருக்கிறார் என்றும். அவர் நம்முடைய எண்ணங்களைக் கண்காணிக்கிறார் என்றும். அவர் நம்மிடம் சொன்னார். நம்முடைய இருதயத்தில் உள்ளதை அவர் அறிவார். தீர்க்கதரிசியோடும் அவருடைய வார்த்தையோடும் தரித்திருப்பதன் மூலம் நம்முடைய கிரியைகளை அவர் காண்கிறார், அவை நமக்குள் என்ன இருக்கிறது என்பதன் ஒரு திட்டவட்டமான வெளிப்படுத்துதலாகும். நம்முடைய ஒவ்வொரு செயலையும் அவர் கவனிக்கும்போது நம்முடைய நோக்கங்களும், குறிக்கோள்களும் அவருக்கு தெரிந்திருக்கிறது.

ஒவ்வொரு காலத்திற்கும் அவர் அளித்த வாக்குத்தத்தங்கள் அனைத்தும் நம்முடையது என்று அவர் நமக்குச் சொல்கிறார். முடிவு பரியந்தம் அவருடைய கிரியைகளை உண்மையாகச் செய்துகொண்டே இருக்கும் நம்மை அவர் காண்கிறார். அவர் தேசங்களின் மீது நமக்கு அதிகாரம் அளித்துள்ளார். நாம் வலிமையானவர்கள் என்றும், திறமையானவர்கள் என்றும், வளைந்துகொடுக்காத ஆட்சியாளர்களாய் எந்தச் சூழலையும் மிகவும் வலிமையாகச் சமாளிக்கக்கூடியவர்கள் என்றும் அவர் நமக்கு சொல்கிறார். மிகவும் அவநம்பிக்கையான சத்துருவும் கூட தேவைப்பட்டால் நொறுக்கப்படுவான். அவருடைய வல்லமையினால் நாம் ஆட்சி செய்வதை நிரூபிப்பது, குமாரனுடையது போலவே இருக்கும். மகிமை! !

நாம் தேவனுடைய ஆழத்தை நம்முடைய ஜீவியத்தில் அனுபவித்திருக்கிறோம். இது தேவனுடைய ஆவி நமக்குள் வாசம் செய்கிற ஒரு தனிப்பட்ட அனுபவமாக இருக்கிறது. அவருடைய வார்த்தையின் மூலம் தேவனைப் பற்றிய ஞானம் மற்றும் அறிவால் நம்முடைய சிந்தனைகள் பிரகாசிக்கப்படுகின்றன.

மணவாளன் எங்கிருந்தாலும் நாம் செல்கிறோம். நாம் அவரால் ஒருபோதும் கைவிடப்பட மாட்டோம். நாம் அவருடைய பட்சத்திலிருந்து ஒருபோதும் விலக மாட்டோம். நாம் அவருடன் சிங்காசனத்தைப் பகிர்ந்து கொள்வோம். நாம் அவருடைய மகிமையினாலும் கனத்தினாலும் முடிசூட்டப்படுவோம்.

ஒவ்வொரு காலகட்டத்திலும் சத்துரு எப்படி வஞ்சித்து வந்திருக்கிறான் என்பதையும், அவருடைய மூல வார்த்தையுடன் தரித்திருப்பது எவ்வளவு முக்கியம் என்பதையும் அவர் நமக்கு வெளிப்படுத்தியுள்ளார். ஒரு வார்த்தையை கூட மாற்றப்பட முடியாது. ஒவ்வொரு காலத்தினரும் தங்களுடைய சொந்த வியாக்கியானத்தை மூல வார்த்தையுடன் சேர்த்தும், அகற்றியுமுள்ளனர்; அவ்வாறு செய்வதன் மூலம் நிரந்தரமாக இழக்கப்படுகின்றனர்.

தியத்தீரா சபையின் காலத்தில், அந்த வஞ்சிப்பின் ஆவி ரோமாபுரியின் போப் மூலம் பேசி அவருடைய வார்த்தையை மாற்றியது. அவன் அதை "தேவனுக்கும் மனிதனுக்கும் இடையே ஒரு மத்தியஸ்தர் (மனிதர்கள் அல்ல)" என்றே கூறியிருந்தான். எனவே இப்போது அவன் மத்தியஸ்தருக்கும் மனிதர்களுக்கும் இடையில் மத்தியஸ்தம் செய்கிறான். இவ்வாறு, தேவனுடைய முழு திட்டமும் மாற்றப்பட்டது; ஒரு வார்த்தையை மாற்றுவதன் மூலம் அல்ல, ஆனால் ஒரு எழுத்தை மாற்றுவதன் மூலமே. சாத்தான் “மனிதர்கள்” என்பதை “மனிதன்” என்பதாக மாற்றியுள்ளானான்.

ஒவ்வொரு வார்த்தையும் ஒலிநாடாக்களில் உரைக்கப்பட்ட அவருடைய மூல வார்த்தையின் மூலமே நியாயந்தீர்க்கப்படும். எனவே அவருடைய மணவாட்டி ஒலிநாடாக்களோடு தரித்திருக்க வேண்டும். சத்துரு ஜனங்களுக்கு ஒரு வித்தியாசமான திட்டத்தை, ஒரு வித்தியாசமான யோசனையை, ஒரு வித்தியாசமான எழுத்தை அவர்களுக்கு கொடுப்பதன் மூலம் மனத்தளர்வடையச் செய்ய முயற்சிக்கும்போது, மணவாட்டி மூல வார்த்தையுடன் தரித்திருப்பாள்.

ஒவ்வொரு காலத்திலும் இயேசு அந்த காலத்தின் செய்தியாளரோடு தம்மை அடையாளம் கண்டு கொள்கிறார். அவர்கள் தங்களுடைய காலத்தில் அவரிடமிருந்து வார்த்தையின் வெளிப்பாட்டைப் பெறுகிறார்கள். இந்த வார்த்தையின் வெளிப்பாடு தேவனால் தெரிந்து கொள்ளப்பட்டவர்களை உலகத்திலிருந்து வெளியே கொண்டு வந்து இயேசு கிறிஸ்துவுடன் முழுமையாக இணைக்கிறது.

சபைக்கு ஆசீர்வாதமாக இருக்கும்படி அவர் பல மனிதர்களை அழைத்து நியமித்துள்ளார், ஆனால் அவருடைய பரிசுத்த ஆவியானவரால் அவருடைய சபையை வழிநடத்த அவர் அழைத்த ஒரே ஒரு செய்தியாளர் மட்டுமே இருக்கிறார். கர்த்தர் உரைக்கிறதாவது என்பதுடன் ஒரு சத்தம் உண்டு. ஒரு சத்தம் உண்டு என்றும், அதன் மூலம் அவர் நம்மை நியாயந்தீர்ப்பார் என்றும் கூறினார். அவருடைய மணவாட்டி தங்களுடைய நித்திய இலக்கை வைத்துக்கொண்டிருக்கும் ஒரு சத்தம் உள்ளது. அந்த சத்தம் ஒலிநாடாக்களில் உள்ள தேவனுடைய சத்தமாயுள்ளது.

மணவாட்டி, நமக்கான தேவனுடைய சித்தம் பரிபூரணமானது, அவருடைய பார்வையில் நாம் பரிபூரணமாக இருக்கிறோம். அந்த பரிபூரணம் என்பது பொறுமை, தேவன் பேரில் காத்திருப்பதாயுள்ளது...தேவனுக்காக காத்திருப்பது. இது நம்முடைய குணாதிசய வளர்ச்சியின் செயல்முறை என்று அவர் நமக்கு சொல்கிறார். நமக்கு பல சோதனைகள், பரிசோதனைகள் மற்றும் உபத்திரவங்கள் இருக்கலாம், ஆனால் அவருடைய வார்த்தையின் மீதான உங்களின் உண்மைத்தன்மை, நாம் எதிலும் குறையில்லாமல் பரிபூரணமாகவும், முழுமையுடனும் இருக்கக்கூடிய பொறுமையை நமக்குள் ஏற்படுத்துகிறது.

விசுவாசம் கேட்பதன் மூலமும், வார்த்தையைக் கேட்பதன் மூலமும், வார்த்தை தீர்க்கதரிசியிடம் வருவதையும் நாம் ஒருபோதும் மறக்க மாட்டோம்.

60-1208 தியத்தீரா சபையின் காலம் என்ற வார்த்தையின் பேரிலான செய்தியை தேவனுடைய சத்தம் எங்களுக்கு கொண்டு வருவதை நாங்கள் கேட்கப் போகிறபடியால், பிற்பகல் 12 மணிக்கு, ஜெபர்சன்வில் நேரப்படி, உன்னதங்களிலே எங்களோடு நீங்கள் ஒன்று சேர்ந்து உட்கார்ந்திருக்கையில் உங்களுடைய ஜீவியத்தின் மகத்தான சந்தோஷத்தின் அனுபவத்தை பெற வாருங்கள்.

சகோ. ஜோசப் பிரான்ஹாம்

அன்பான கற்புள்ள கன்னிகை மணவாட்டியே,

நீங்கள் ஏழு சபைக் காலங்களை கேட்டு மகிழ்ந்து வருகின்றீர்களா? தேவன் தம்முடைய மணவாட்டிக்கு முன் எப்போதும் இல்லாத ஒரு எழுப்புதலைக் கொடுத்துக் கொண்டிருக்கிறார். அவர் நாம் யாராக இருக்கிறோம் என்பதை அறிந்து கொள்ளும்படியான அதிக உறுதியையும், வார்த்தையோடு தரித்திருப்பதன் மூலம், இன்றைக்கான அவருடைய அருளப்பட்ட வழியின் மூலம் நமக்கு அதிக வெளிப்பாட்டையும், அதிக விசுவாசத்தையும் நமக்கு கொடுத்துக் கொண்டிருக்கிறார்.

இப்போது அவர் நம்மிடத்தில்: “ஞாயிற்றுக்கிழமை ஆராதனையிலிருந்து, உங்களுடைய ஆவிக்குரிய சிந்தையை தரித்துக் கொள்ளுங்கள். பரிசுத்த ஆவியானவர் அதை உள்ளே பதியச் செய்து, நான் செய்யப்போகும் எல்லாவற்றிலும் ஆவிக்குரிய செயல்பாட்டைப் புரிந்து கொள்ள செய்வாராக. இது என்னுடைய தீர்க்கதரிசியாகிய மல்கியா 4-ன் மூலம் உரைக்கப்பட்டு என்னுடைய ஆவியினால் உயிர்ப்பிக்கப்பட்ட வார்த்தையாக இருக்கிறது” என்று சொல்லுகிறார்.

அவருடைய வார்த்தைகளில் சிலவற்றைப் படித்துப் புரிந்து கொண்டு, நமது ஆவிக்குரிய சிந்தனையை அவற்றில் பொருத்துவோம்.

ஆகவே தேவன் தம்முடைய மணவாட்டிக்குத் தம்முடைய ஆவியால் நிரப்பப்பட்ட குழுவிற்கு ஆவியினால் நிரப்பப்பட்ட ஒரு தலைவரைக் கொடுத்தார். தலைவரை, அவரது ஆவியினால் நிரப்பப்பட்ட குழுவிற்கு தலைவர்களை அல்ல.

ஒரு மகத்தான ஒளியின் தூதன். இந்த கடைசி காலத்திற்கு மகத்தான ஒளியின் தூதன் யார்? வில்லியம் மரியன் பிரான்ஹாம். அவர் பரிசுத்த ஆவியைப் பற்றி பேசிக் கொண்டிருக்கவில்லை. அவர் ஏற்கனவே வந்துவிட்டார் என்றும், வருவார் என்றும் அவர் கூறுகிறார்.

அது நம்மை வழி நடத்தும். அது நம்மை வழி நடத்திக் கொண்டிருக்கிற பரிசுத்த ஆவி என்பதை நாம் உண்மையாகவே அறிந்து விசுவாசிக்கிறோம். ஆனால் அவர் தம்முடைய தூதனையும் பரிசுத்த ஆவியையும் ஒன்றாக இணைத்து, அவர் (அவருடைய பரிசுத்த ஆவியானவர்) அவருடைய மகத்தான ஒளியின் (மூலம்) நம்மை வழிநடத்துவார் என்று கூறுகிறார்.

அவர் தொடர்ந்து கூறி அவர்களை இணைக்கிறார்:

பரிசுத்த ஆவியானவருக்கு அது யாரென்று தெரியாது என்று அவர் கூறிக் கொண்டிருக்கவில்லை, ஆனால் அவர் நம்மை வழிநடத்தத் தெரிந்து கொண்ட அவருடைய பூமிக்குரிய தூதனே.

மீண்டும், இந்த நாட்களில் பரிசுத்த ஆவியானவர் இங்கு இருப்பார் என்று அவர் கூறிக் கொண்டிருக்கவில்லை, ஆனால் அவருடைய மணவாட்டியை வழிநடத்த அவருடைய மகத்தான ஒளியின் தூதன். அவர் தன்னை வெளிப்படுத்த வேண்டிய அவசியமில்லை, தேவன் தம்முடைய மகத்தான தலைவரை வெளிப்பாட்டின் மூலம் தம்முடைய மணவாட்டிக்குத் தாமே தெரியப்படுத்துவார்.

நீங்கள் ஆவிக்குரிய பொருத்தத்தை புரிந்து கொள்கிறீர்களா? தம்முடைய மணவாட்டியை வழிநடத்தத் தேவன் தெரிந்துகொண்ட ஒளியின் தூதன் யார் என்று நீங்கள் புரிந்து கொள்கிறீர்களா? இந்த சிறு கோல் மற்ற தலைவர்களுக்கு கொடுக்கப்பட்டிருக்கிறது என்று இது கூறுகிறதா?

மற்றவர்கள் நம்மைப் புரிந்துகொள்ளாமல் கேலி செய்து கொண்டு இருக்கையில், வில்லியம் மரியன் பிரான்ஹாம் எங்கள் மேய்ப்பர் என்று கூறும்படியான வெளிப்பாட்டிற்காக நாம் எவ்வளவு மகிழ்ச்சியாகவும் உண்மையாகவும் நன்றியுள்ளவர்களாகவும் இருக்கிறோம்.

செய்தி அவருடைய தூதனுக்கு அனுப்பப்பட்டது, பின்னர் அவருடைய தூதன் அதை மணவாட்டிக்கு கொடுக்கிறார்; ஊழியம் மட்டுமல்ல, அவருடைய மணவாட்டி யாவருக்குமமே எல்லோரும் கேட்கும்படியாக அது ஒலிநாடாவில் உள்ளது. அது சேர்க்கப்படவும் அல்லது எடுக்கப்படவும் முடியாது, மேலும் இதற்கு எந்த வியாக்கியானமும் தேவையில்லை.

மகத்தான நியாயத்தீர்ப்பின் நாள் வருகிறபோது, அவர் முதலில் அவருடைய ஒளியின் தூதனிடம் வருகிறார், அவர் பிரசங்கித்த சுவிசேஷத்தின்படி அவரை முதலில் நியாயந்தீர்ப்பார். நாங்கள் அவருடைய பிரஜைகள். அவர் தேவனால் தெரிந்து கொள்ளப்பட்ட தலைவராக இருந்ததால், அவர் நம் ஒவ்வொருவருக்கும் பொறுப்புடையவராக இருக்கிறார்.

உங்களுடைய ஆவிக்குரிய பொருத்தத்தை அதில் வைக்கவும். தேவனுடைய தூதன் என்ன கூறினார் என்பதன் மூலம் நாம் நியாயந்தீர்க்கப்படுவோம். எனவே நீங்கள் அதை அவரிடமிருந்து நேரடியாக கேட்க முடியும்போது, அவர் கூறினார் என்று யாரோ ஒருவர் கூறுவதன் மூலம் உங்களிடம் நித்திய ஜீவனுக்கான ஒரு வாய்ப்பினைத் தெரிந்து கொள்ள விரும்புகிறீர்களா?

ஒலிநாடாக்களில் உள்ளதை விட ஒரு மிக முக்கியமான ஊழியம் உள்ளது என்று யாராலும் எப்படி நம்ப முடியும். நீங்கள் அதை நம்பினால், அல்லது தர்க்க அறிவின் மூலம் வற்புறுத்தியிருந்தால், நீங்கள் மூல வார்த்தைக்குத் திரும்புவது நல்லது; ஏனென்றால் ஒலிநாடாக்களில் உள்ள வார்த்தைகளால் நீங்கள் நியாயந்தீர்க்கப்படுவீர்கள். அது உரைக்கப்பட்டுள்ள விதமாகவே வார்த்தையோடு தரித்திருங்கள்.

கர்த்தராகிய இயேசுவை நமக்கு யார் அறிமுகப்படுத்துவார்? அவருடைய மகத்தான ஒளியின் தூதன், வில்லியம் மரியன் பிரான்ஹாம்.

60-1207 - "பெர்கமு சபையின் காலம்" என்ற செய்தியை நாங்கள் கேட்க போகிறபடியால், ஜெஃபர்சன்வில் நேரப்படி, ஞாயிற்றுக்கிழமை பிற்பகல் 12:00 மணிக்கு, அவருடைய மகத்தான ஒளியின் தூதன் நமக்கு அதிகமாக வெளிப்பாட்டைக் கொண்டு வருவதை கேட்டு போகிறபடியால், எங்களுடன் ஒரு கற்புள்ள கன்னிகை மணவாட்டியாக இருக்க வாருங்கள்.

சகோ. ஜோசப் பிரான்ஹாம்