Sun Apr 26, 2020 10:00 AM EDT
ప్రియమైన రాజ కుటుంబమా,
ప్రభువు ఆయనయొక్క దూత ద్వారా మీతో మాట్లాడి మరియు, “ఎల్లప్పుడూ గుర్తుంచుకోండి, మీరు దేవుని పిల్లలైయున్నారు, రాజవంశపు రక్తముగల రాజ కుటుంబమైయున్నారు. ప్రపంచములో మీ రక్తము కంటే శ్రేష్ఠమైన రక్తము లేదు. మీరు నా పిల్లలైయున్నారు, ప్రపంచమంతటా వ్యాపించియున్నారు, నేను క్రీస్తునకు కనినవారైయున్నారు” అని చెప్పడాన్ని వినడానికి మీరు వెళ్ళగల ఒకే ఒక్క స్థలము ఉన్నది.
మనము దేవునియొక్క రాజ కుటుంబమైయున్నాము మన నరములలో రాజవంశపు రక్తము ప్రవహిస్తున్నది. దేవునియొక్క స్వరము తన బలమైన ప్రవక్తగుండా మాట్లాడుటచేత క్రీస్తునకు జన్మించిన పిల్లలమైయున్నాము. స్నేహితులారా ఇంతకంటే శ్రేష్ఠమైనది లేదు.
బ్రెన్హామ్ సహోదరుడా, ఎత్తబడుటలో ఉండటానికి వధువు జఫర్సన్విల్ కు గాని లేదా ఆరిజోనాకు గాని వెళ్ళవలసిన అవసరమున్నదా?
“ఇద్దరు మంచము మీద ఉందురు; నేను వారిలో ఒకరిని తీసుకొని ఒకరిని విడిచిపెట్టెదెను; మరియు ఇద్దరు పొలములో ఉందురు; నేను వారిలో ఒకరిని తీసుకొని ఒకరిని విడిచిపెట్టెదెను.” చూశారా? కావున వారు…ప్రపంచవ్యాప్తంగా ఉంటారు, విషయములను ఒకే విధంగా కలిగియుండటానికి వారు ఒకే చోట గుమిగూడియుండరు. కానీ వారు చిన్న గుంపులుగా భూమియందతటా వ్యాపించియుంటారు.
కావున భౌతికంగా, మనము ఒకే సమయములో ఒకే స్థలములో ఉండము. అయితే దేవునికి మహిమ, ఆయన తన వధువును సమకూర్చడానికి ఇంకా గొప్ప ప్రణాళికను కలిగియున్నాడు.
దేశవ్యాప్తంగా అంతటా, పశ్చిమ తీరమువరకు, పైన అరిజోనా కొండలలోను, టెక్సాస్ మైదాన ప్రాంతములలోను, తూర్పు తీరములోను, దేశవ్యాప్తంగా అంతటా, ప్రభువా, వారు ఎక్కడ కూడుకున్నా గాని, ఆ—ఆ—ఆ చిన్న మైక్రోఫోనుల చుట్టు కూడుకొనియున్న సంఘములన్నిటి కొరకు మరియు సంఘసమూహముల కొరకు మేము ప్రార్థిస్తున్నాము. కాల వ్యవధిలో చూస్తే, మేము అనేక గంటల వ్యత్యాసములో ఉన్నాము, కానీ, ప్రభువా, ఈ రాత్రి మేము ఒక్క మొత్తముగా కలిసియున్నాము, మెస్సీయాయొక్క రాకడ కొరకు ఎదురుచూస్తున్న, విశ్వాసులమైయున్నాము.
ఈ రోజు, ఆయన తన వధువును ఈ దేశము నుండి మాత్రమే కాదు గాని, ఆయన మనలను 7 ఖండాల నుండి సమకూర్చుచున్నాడు. ఆఫ్రికా మొదలుకొని అంటార్కిటికా నుండి సమకూర్చుచున్నాడు. ఉత్తర అమెరికా మరియు దక్షిణ అమెరికా, ఆసియా, ఆస్ట్రేలియా మరియు యూరప్ నుండి సమకూర్చుచున్నాడు. దేవునియొక్క స్వరమును వినడానికి ఆయన తన వధువును ఒక్క మొత్తముగా సమకూర్చుచున్నాడు.
ఎక్కడైతే వారు సంపూర్ణ వాక్యమును బోధిస్తారో అటువంటి ఒక సంఘమును మనము కనుగొనేవరకు; సగం వాక్యమును బోధించే సంఘమైనా, అక్కడికి వెళ్ళమని ఆయన మనకు చెప్పాడు. వధువు ఇప్పుడు ఆ స్థలమును కనుగొన్నది గనుక దేవునికి స్తుతి కలుగును గాక, టేపులలో ఉన్న దేవునియొక్క స్వరమే సంపూర్ణ వాక్యమైయున్నది.
మీరు మీ గృహ టేపు సంఘములో ఉన్నాగాని, అనేక కుటుంబాలు కూడుకునే మీ సంఘములో ఉన్నాగాని, లేదా అమేజాన్ లేదా ఆఫ్రికాయొక్క అడవులలో ఒక గుడిసెలో ఉన్నాగాని, దేవునియొక్క స్వరము మీతో నేరుగా మాట్లాడటాన్ని వినుటకు మీరు ప్లేను నొక్కగల ఏ స్థలములో ఉన్నాగాని, మీరు ఒక సంపూర్ణ వాక్య సంఘములో ఉన్నట్లే.
మేము ఆ సంపూర్ణ వాక్య సంఘమును కనుగొన్నాము మరియు ఈ ఆదివారము జఫర్సన్విల్ కాలమానం ప్రకారంగా, మధ్యాహ్నం 12:00 గంటల సమయమప్పుడు మేము: ప్రశ్నలు మరియు జవాబులు #4 64-0830E ను వినుచుండగా మాతో చేరమని మేము మిమ్మల్ని ఆహ్వానిస్తున్నాము.
సహోదరుడు. జోసఫ్ బ్రెన్హామ్