ప్రియమైన పరిపూర్ణ చిత్తపు వధువా,

దినము ఆలస్యమైనది మరియు ప్రభు రాకడ సమీపములో ఉన్నది. అది ఇదివరకే కానియెడల, ద్వారము మూసివేయబడుచున్నది మరియు సమయము అయిపోవుచున్నది. చుట్టూ తిరుగుతూ; గాలికి కదులు రెళ్ళు వలెనుండి; దురద చెవులు కలిగియుండుటకు సమయమిక లేదు. ఇది ఒక సూటియైన నిర్ణయమును తీసుకొను సమయమైయున్నది. నేను ఆయన వధువుగా ఉండుటకు ఏమి చేయాలి?

దేవుడు తన వాక్యవిషయమై తన మనసు మార్చుకుంటాడా? ఎన్నడూ మార్చుకోడు. అటువంటప్పుడు ఆయనయొక్క పరిపూర్ణ చిత్తములో ఉండుటకు మనము అనుదినము మన పూర్ణహృదయముతో మరియు అంతరాత్మతో ప్రయత్నించవలసియున్నాము. ఆయన చిత్తమునకు మరియు ఆయన వాక్యమునకు మనల్ని మనము సమర్పించుకోవలసియున్నాము. దానిని ఎన్నడూ ప్రశ్నించకుండా, కేవలం దానిని నమ్మి మరియు దానిని స్వీకరించావలసియున్నాము. దానిని తప్పించుక్కొని వచ్చుటకు ఒక దారిని కనుగొనడానికి ప్రయత్నించవద్దు. కేవలం అది ఉన్న విధంగానే దానిని తీసుకోవలసియున్నాము.

దేవుడు దేవునిగా ఉండుటకు తన వాక్యమును నిలబెట్టుకోవలసియున్నాడని చూపించుటయే తన పూర్తి ఉద్దేశ్యమైయున్నదని, అయితే అనేకులు దానిని తప్పించుకొని వెళ్ళి, మరియు ఇంకేదో మార్గములో వెళ్ళగోరతారని ఈ వర్తమానములో ప్రవక్త మనకు చెప్తాడు. వారట్లు చేసినప్పుడు, వారు కొనసాగుచుండుటను, మరియు దేవుడు వారిని ఆశీర్వదించుటను వారు కనుగొంటారు, కానీ వారు ఆయనయొక్క అనుమతిపూర్వకమైన చిత్తములో పనిచేయుచున్నారని మరియు ఆయనయొక్క పరిపూర్ణమైన, దైవీక చిత్తములో పనిచేయడంలేదని చెప్తాడు.

ప్రవక్త మనలను తిరిగి వాక్యమునొద్దకు తీసుకొనివెళ్ళి మరియు దేవుడు తన మనస్సునైనా, లేదా తన విధానమునైనా మార్చుకోడని, ఆయన దేవుడైయున్నాడు మరియు ఆయన మారడని మనము చూడటానికి, ధ్యానించడానికి, మరియు మనకు జ్ఞాపకము చేయడానికి ఉదాహరణలను ఇస్తాడు.

ప్రభువా, అది ఎంత సమీపముగా ఉన్నది? ఇద్దరూ ప్రవక్తలైయుండగా, నేను ఎట్లు తెలుసుకొందును? ఇద్దరును దేవునిచేత పిలువబడిన ఆత్మ-నింపుదల గలవారు, దేవునిచేత అభిషేకించబడినవారు; దేవుని వాక్యము ఎవరియొద్దకు వస్తుందో అట్టి ప్రవక్తలైయున్నారు. ఇద్దరును పరిశుద్ధాత్మ వారిని నడిపించుచున్నాడని చెప్పుచున్నారు.

దేవునియొక్క ఏడవ దూత వర్తమానికుడు చెప్పుచున్నదానిని గూర్చి మనము కొన్ని కోటేషన్లను చదివి మరియు జాగ్రత్తగా ధ్యానించుదాము. సంఘము ఏమి చెప్పుచున్నదని కాదు, డాక్టర్. జోన్స్ ఏమి చెప్పుచున్నాడన్నది కాదు, లేదా ఇంకెవరైనా ఏమి చెప్పుచున్నారన్నది కాదు గాని, ఆయన ఏమి చెప్పుచున్నాడన్నది మనకు కావలెను. తన ప్రవక్త ద్వారా యెహోవా ఈలాగు సెలవిచ్చుచున్నాడు అనునది ఏమి చెప్పుచున్నదో మనకు కావలెను.

ప్రజలను నడిపించుటకు దేవుడు ఎన్నుకున్నది మోషేనే. ఇతరులు లేచి మరియు వారు కూడా అభిషేకించబడినవారని, పరిశుద్ధాత్మచేత నింపబడినవారని చెప్పారు. నడిపించుటకే దేవుడు వారని కూడా పిలిచాడని చెప్పారు. కానీ వారిని నడిపించుటకు మోషేనే దేవునియొక్క అసలైన పరిపూర్ణ చిత్తపు నాయకుడైయున్నాడు.

ఎవ్వరునూ దేవునియొక్క అనుమతిపూర్వకమైన చిత్తములో ఉండాలని కోరరు. నిజమైన వధువు, ఏది ఏమైనప్పటికీ, అన్నివేళలా, ఆయనయొక్క పరిపూర్ణమైన చిత్తములో ఉండుటకు ఇష్టపడుతుంది.

టేపులను ప్లే చేయవలసిన ప్రాముఖ్యత విషయములో, అనేక విభేదాలు, ఆలోచనలు, అభిప్రాయాలు, ఎంతో గందరగోళము ఉన్నది.

ఈనాడు వర్తమాన విశ్వాసులను వేరుచేసినది ఈ విషయమేనని మనందరికీ తెలుసు. వధువు తప్పక ఐక్యపరచబడాలని, మరియు ఐక్యపరచబడుతుందని మనకు తెలుసు; అది వాక్యమైయున్నది.

ఆత్మచేత-నింపబడి, దేవునిచేత-పిలువబడిన పురుషులు ఈనాడు సంఘములో ఉన్నారు. వారు ఈ వర్తమానమును ప్రకటించుటకు దేవునిచేత అభిషేకించబడి పిలువబడిన పురుషులైయున్నారు. అయితే మనమందరము ఏకాభిప్రాయం వ్యక్తం చేయగలిగే ఒక్కరూ కూడా వారిలో లేరు.

వధువును ఐక్యపరిచేవారిగా వారు ఎలా ఉండగలరు? మనము వారి పరిచర్య చుట్టూ ఐక్యమవ్వగలమా? నిజముగా వారు తమ మందను నడిపించుట కొరకు పిలువబడినారు, అయితే వారిని తిరిగి దేవునియొక్క అసలైన ప్రణాళికవద్దకు నడిపించుటకైయున్నది. ఆయన నాయకునివద్దకు. ఆయన ప్రవక్తయొద్దకు నడిపించుటకైయున్నది. తమ పరిచర్య వద్దకు నడిపించడానికి కాదు.

టేపులలో ఉన్న స్వరము మీరు వెంబడించవలసిన స్వరమైయున్నదని, మరియు మీరు వినవలసిన అత్యంత ప్రాముఖ్యమైన స్వరమైయున్నదని మీరు నమ్మవలసియున్నారని వారు మీకు బోధించనియెడల, అప్పుడు వారు కేవలం ఆయనయొక్క అనుమతిపూర్వకమైన చిత్తములో ఉన్నారు.

అది అత్యంత ప్రాముఖ్యమైన స్వరమని వారు మీకు చెప్తూ, మరియు వారు దానిని నిజంగా నమ్ముచున్నయెడల, అప్పుడు మీరు కూడుకున్న ప్రతిసారి వారు ప్లే నొక్కకుండా ఎలా ఉండగలరు?

మీరు నిశ్చయంగా, ఆయనయొక్క పరిపూర్ణమైన చిత్తములో ఉన్నారన్న నిశ్చయతను, మీరు కలిగియుండగోరితే, ఒకే ఒక్క నిశ్చయమైన మార్గము ఉన్నది. అది టేపులలో ఉన్నట్టి నిర్ధారించబడిన దేవుని స్వరమును వినుటయేయైయున్నది.

నేను నిశ్చయతను కలిగియుండాలి. నా నిత్య గమ్యము విషయమును, నేను కొంచెం కూడా తేలికగా తీసుకోలేను, మరియు తీసుకోను. టేపులలో ఉన్న స్వరము వధువు కొరకైనటువంటి దేవుని స్వరమని నాకు తెలుసు. అది పొరపాట్లు చేయదని నాకు తెలుసు. అది అగ్నిస్తంభముచేత నిర్ధారించబడినదని నాకు తెలుసు. దేవుడు తన వధువును నడిపించుటకు దానిని ఎన్నుకున్నాడని నాకు తెలుసు. ఆ స్వరము మాత్రమే వధువును ఐక్యము చేసేదైయున్నదని మరియు ఐక్యము చేస్తుందని నాకు తెలుసు. అది “ఇదిగో, దేవుని గొర్రెపిల్ల,” అని చెప్పే స్వరముగా ఉంటుందని నాకు తెలుసు.

నేను ప్లేను నొక్కి మరియు ఆ స్వరమును వినవలసియున్నాను. ఈ ఆదివారమునాడు, జఫర్సన్విల్ కాలమానం ప్రకారంగా, 12:00 P.M., గంటల సమయమప్పుడు మేము దీనిని వినుచుండగా మీరు వచ్చి మాతో చేరుటకు మీరు ఆహ్వానించబడ్డారు: 65-0418E వాక్య విషయంలో దేవుడెన్నడైనా తన మనస్సును మార్చుకొనునా?

సహోదరుడు. జోసఫ్ బ్రెన్హామ్

మనము వర్తమానమును 61 వ పేరా వద్ద ప్రారంభించుకుంటాము.

వర్తమానమును వినుటకు ముందు చదువవలసిన లేఖనములు:

నిర్గమకాండము 19వ అధ్యాయము
సంఖ్యాకాండము 22:31
పరిశుద్ధ. మత్తయి 28:19
లూకా 17:30
ప్రకటన 17వ అధ్యాయము