Archive - బ్రెన్హామ్ టెబర్నికల్

భద్రము చేయబడిన ఉత్తరములు

26, ఏప్రిల్ 2025, శనివారం

ప్రశస్తమైన ప్రియమైన స్నేహితులారా,

నా ప్రియులారా, సువార్తలోని నా ఆప్తులారా, దేవునికి నేను కనిన పిల్లలారా.

మనము మన ప్రభువుతో ఎటువంటి ఒక అద్భుతమైన వారాంతమును కలిగియున్నాము కదా. అది అసాధారణముగా ఉన్నది, కేవలం ఆయనతో సమయము గడపడం, ఆయనతో మాట్లాడటం, ఆయన స్వరమును వినడం, ఆయనను ఆరాధించడం, ఆయనకు కృతఙ్ఞతలు తెలుపడం, మరియు మనము ఆయనను ఎంతగా ప్రేమిస్తున్నామన్నది ఆయనకు చెప్పడమైయున్నది.

ఈ దినమందు జీవిస్తూ మరియు నెరవేర్చబడుచున్న లేఖనములో భాగవ్వడం ఎంతటి భాగ్యము కదా. మన హృదయములో ఉన్నదానంతటినీ మర్త్యమైన మాటలు ఎలా వ్యక్తపరచగలవు? ప్రవక్త చెప్పినట్లుగా, అది నేను కాదు, ముందుకు నెడుతూ మరియు నాలో ఉబుకుచున్నది, లోపల ఏదో ఉన్నది; అది పరిశుద్ధాత్మ అనే బుగ్గ బావియైయున్నది. అది వరుడి కొరకు వధువు తనను తాను సిద్ధపరచుకోవడమైయున్నది.

సరిగ్గా వివాహమునకు ముందు ఒక వధువు ఎంతగా ఉత్సాహపడుతుంది కదా. ఆ చివరి కొన్ని క్షణములు గడుస్తుండగా ఆమె గుండె ఎంతో వేగంగా కొట్టుకుంటుంది…ఆఖరికి సమయము ఆసన్నమైందని ఆమకు తెలుస్తుంది. “నన్ను నేను సిద్ధపరచుకున్నాను. ఆయన నా కొరకు వస్తున్నాడు. ఇప్పుడు మేము ఒక్కటవుతాము.”

మనము నిజముగా కాలముయొక్క ముగింపు క్షణములలో జీవిస్తున్నాము. వధువు త్వరలో ఎత్తబడుతుంది మరియు మన మధుమాస విందునకు పిలువబడుతుంది. ఆయన మనల్ని క్రొత్త ఎత్తులకు తీసుకొనివెళ్తున్నాడు. ఇకమీదట ఏ ప్రశ్న లేదు; ఎటువంటి ఆశ్చర్యపోవడము లేదు; మనము వధువైయున్నాము.

మరియు ఆయన అప్పుడే ఆగిపోలేదు. ఆయన ఇంకను ఆయనయొక్క ప్రియమైన ఎన్నుకోబడిన వధువును ఆశీర్వదించి మరియు ప్రోత్సాహపరచగోరుచున్నాడు. ఆమెను ప్రోత్సాహపరచి మరియు ఆయన ఆమెను ఎంతగా ప్రేమిస్తున్నాడన్నది ఆమెకు చెప్పడానికి ఆయన ఎంతగానో ఇష్టపడతాడు. ఆమె విషయమై ఆయనకు ఎంత గర్వంగా ఉన్నదో చెప్పుటకు ఇష్టపడతాడు.

ఆమెకు ఇవ్వడానికి ఆయన ఎంతో ప్రత్యేకమైన మరొక ప్రత్యక్షతను కలిగియున్నాడు. ప్రపంచములో టేపులను ప్లే చేయడానికి తృణీకరిస్తున్న అనేక స్వరములు ఉండగా, ఆయన తన వధువుకు వారు ఆయనయొక్క పరిపూర్ణమైన చిత్తములో మరియు ఆయనయొక్క ఏర్పాటు చేయబడిన మార్గములో ఉన్నారని మరలా తెలియజేయగోరుతున్నాడు.

ఆయనయొక్క ప్రణాళిక ఎల్లప్పుడూ తృణీకరించబడినది. ఆయనయొక్క వధువు ఎల్లప్పుడూ హింసించబడినది. ప్రజలు ఎల్లప్పుడూ తమ స్వంత మార్గమును, తమ ఆలోచనను కలిగియుండగోరతారు. వారిని నడిపించడానికి వారు వేరొక నాయకుణ్ణి కోరతారు. అయితే ఆయనయొక్క వధువును నడిపించడానికి దేవుడు ఒక నాయకుణ్ణి పంపించాడు, అది ఆయనే, అనగా పరిశుద్ధాత్మయేయైయున్నాడు, మరియు ఇతర దినములన్నిటిలో వలెనే, ఈ దినముయొక్క పరిశుద్ధాత్మ, దేవునియొక్క ప్రవక్తయైయున్నాడు.

మనుష్యులే వారిని నడిపించాలని వారు ఎల్లప్పుడూ కోరుకున్నారు. సమూయేలు దినములో, వారిని నడిపించడానికి సమూయేలును వద్దనడం ద్వారా వారు ఆయననే త్రోసివేయుచున్నారని దేవుడు చెప్పాడు. సమూయేలు కూడా మానవుడేయై యున్నందున అది వింతగా అగుపించినది, కానీ వ్యత్యాసమేమిటంటే సమూయేలు వారిని నడిపించడానికి దేవుడు ఎన్నుకున్నటువంటి వ్యక్తియైయున్నాడు. అది సమూయేలు కాదు, అది దేవుడు సమూయేలును ఉపయోగించుకోవడమైయున్నది. అతడు వారిని నడిపించడానికి దేవునిచేత ఎన్నుకోబడిన స్వరము మరియు మనుష్యుడుయై యున్నాడు, కానీ వారు వేరే స్వరములను కోరుకున్నారు.

ప్రజలు సమూయేలుకు భయపడతారని సౌలుకు తెలుసు, కావున అతడు, “సౌలు మరియు సమూయేలు” అని ప్రకటించవలసివచ్చినది. వారు అతణ్ణి వెంబడించునట్లుగా అతడు ప్రజలను భయపెట్టవలసివచ్చినది. నిజంగానే, అతడు పిలువబడ్డాడు. నిజంగానే, వారి రాజుగా ఉండుటకు అతడు సమూయేలు చేత అభిషేకించబడ్డాడు, కానీ దేవుడు ఇంకను ఒక ఏర్పాటు చేయబడిన మార్గమును కలిగియున్నాడు, మరియు వారిని నడిపించడానికి, సౌలును సైతం నడిపించడానికి ఆయన ఎన్నుకున్నట్టి ఆ ప్రవక్తను కలిగియున్నాడు. దేవుడు తన ప్రవక్త ద్వారా మాట్లాడి మరియు ఏమి చేయాలో సౌలుకు చెప్పాడు. సౌలు తాను కూడా అభిషేకించబడ్డాడని నిర్ణయించుకొని, మరియు కేవలం ప్రవక్త చెప్పినదానిని వినుటకు ఇష్టపడనప్పుడు, దేవుడు అతని రాజ్యమును తీసివేసాడు.

కావున పిదప వారు దానిని చేసినప్పుడు, ఆ గొప్ప ఓటమి వచ్చినప్పుడు, అప్పుడు సౌలు రెండు పెద్ద ఎడ్లను తునకలుగా చేసి మరియు వాటిని ప్రజలందరికీ పంపించాడు. మరియు సౌలు ఆ ఎడ్ల ముక్కలను ఇశ్రాయేలంతటికీ పంపి, మరియు, “సమూయేలును మరియు సౌలును వెంబడించని ప్రతి మనుష్యుడు, వాని, ఎడ్లు, ఈ విధముగా చేయబడును,” అని చెప్పినప్పుడు మీరు ఇక్కడ గమనిస్తారని నేను కోరుతున్నాను. అతడు ఎంత మొసపూరితముగా తనను తాను దేవునియొక్క మనుష్యునితో ప్రదర్శించుకోవడానికి ప్రయత్నించాడో మీరు చూస్తున్నారా? అది క్రైస్తవ స్వభావమునకు ఎంత—ఎంత విరుద్ధంగా ఉన్నది కదా! ప్రజలయొక్క భయము సమూయేలు వలనైయున్నది. అయితే ప్రజలు సమూయేలునకు భయపడుతున్న కారణంగా సౌలు వారందరినీ తనను వెంబడించేలా చేసాడు. “సమూయేలుతోను సౌలుతోను వారిని చేరనివ్వండి.”

ఒక రోజు సౌలు కలవరపెట్టబడ్డాడు. అతడు దేవునియొద్ద నుండి ఒక జవాబును పొందుకోలేకపోయాడు. అతడు ఆదరణ పొందుకోలేకపోయాడు. అతడు జవాబులు కావాలని కోరుకున్నాడు. అతనికి కావలసిన జవాబును పొందుకోవడానికి ఎక్కడికి వెళ్ళాలో అతనికి తెలుసు; ఒకే ఒక్క చోటు ఉన్నది, అది దేవునియొక్క ప్రవక్తయైనట్టి, సమూయేలే. అతడు వెళ్ళిపోయాడు, కాని పరదైసులో కూడా, అతడే ఇంకను దేవునియొక్క స్వరమైయున్నాడు.

ఈ అంత్య దినములో ఆయనయొక్క వధువును నడిపించడానికి ఆయన ఎవరిని ఎన్నుకున్నాడో ఆయనయొక్క వధువు ఎరిగియుండాలని తండ్రి కోరుకున్నాడు, కావున మనము ఆయనయొక్క పరిపూర్ణమైన ఏర్పాటు చేయబడిన చిత్తములో ఉన్నామని మరొకసారి మనకు చెప్పి, మనల్ని ఆదరించి, మరియు మనల్ని ప్రోత్సహించడానికి ఆయన తనయొక్క బలబైన దూతను కాలమనే తెర వెలుపటికి తీసుకొనివెళ్ళాడు.

ప్రవక్త చెప్పుచున్నదానంతటినీ జాగ్రత్తగా వినండి.

ఇప్పుడు, మీరు దీనిని మరలా చెప్పాలని చేయాలని నేను కోరను. ఇది నా సంఘము, లేదా నేను కాపరత్వము చేస్తున్న నా గొర్రెల యెదుటయైయున్నది.

అతడు మనకు దేనినైనా చెప్పడానికంటే ముందు, మొదట ఇది మన కొరకు మాత్రమేనని, అనగా అతని సంఘము, అతని గొర్రెలు, అతడు కాపరత్వము చేస్తున్నవారి కొరకు మాత్రమేనని మనము తెలుసుకోవాలని అతడు కోరుతున్నాడు. కావున, “సహోదరుడు బ్రెన్హామ్ గారు నా సంఘకాపరి,” అని మీరు చెప్పలేకపోతే ఏమిటని, నేను దానిని మునుపే చెప్పాను, అయితే ఇంకా ముందుకు చదవవలసిన అవసరమే లేదు, ఇది మీ కొరకు కాదు, పైగా “సహోదరుడు బ్రెన్హామ్ గారు నా కాపరి,” అని నమ్మి మరియు ఆ విధంగా చెప్పేవారికి తప్ప మరెవరికినీ దీనిని కనీసం మరలా చెప్పాలని కూడా ఆయన మమ్మల్ని కోరలేదు.

ఇట్లు చెప్తున్నందుకు మనకు ఎంతో వెక్కిరింపు వస్తుంది అనే ప్రశ్నకు సరిగ్గా అక్కడే జవాబున్నది: “సహోదరుడు బ్రెన్హామ్ గారు మా సంఘకాపరి.” (వారే ఆ టేపు ప్రజలైయున్నారు.) వారు సరియే, అతడు అదేయైయున్నాడు, మరియు మనము అదేయైయున్నాము.

దయచేసి నా మీద కోపం తెచ్చుకోకండి, ఎవరినీ బాధపరచడానికి నేను ఈ విషయములను చెప్పడంలేదు, అది తప్పవుతుంది, అయితే ఇది ఆయనే వధువుతో చెప్తున్న సంగతియైయున్నది. నేను దానికి నా స్వంత అనువాదమును పెట్టడంలేదు, ఆయనే స్పష్టంగా దానిని చెప్తున్నాడు...దేవుని వాక్యమునకు ఎటువంటి అనువాదము అవసరములేదు.

అది, నేను ఈ శరీరములో ఉన్నానా లేదా వెలుపట ఉన్నానా నాకు తెలియదు, అది ఒక రూపాంతరమా నాకు తెలియదు, అది నేను పొందుకున్నటువంటి ఏ దర్శనమువలెను లేదు.

ఇప్పుడు ఇది అతడు పొందుకున్నటువంటి ఏ దర్శనమువలెను లేదని అతడు మనకు చెప్తున్నాడు. అతడు ముందెన్నడూ వెళ్ళనటువంటి ఒక స్థలమునకు అతడు వెళ్ళాడు. అతడు మునుపు చూసిన ఏ దర్శనము కంటెను అది ఎంతో గొప్పగా ఉన్నది. అతడు కలగనడంలేదు, అతడు మంచంపై తన శరీరమును చూసాడు; అతడు అక్కడ ఉన్నాడు.

యేసుక్రీస్తు యొక్క వధువా, దానిని మీ మనస్సులో లోతుగా వెళ్ళనివ్వండి. వర్తమాన కాలములో, ఆవలి వైపున, అతనియొద్దకు పరుగెత్తుకుంటూ వచ్చి, కేకలు వేస్తూ మరియు అతణ్ణి పట్టుకొని, అతణ్ణి కౌగలించుకొని మరియు, “ఓ, మా ప్రశస్తమైన సహోదరుడా!” అని కేకలు వేస్తున్నది యేసుక్రీస్తు యొక్క వధువైయున్నది.

అతడు అక్కడ ఉన్నాడు; అతడు దానిని అనుభూతి చెందగలిగాడు; అతడు వారి మాటలను వినగలిగాడు. వారు అతనితో మాట్లాడుతున్నారు. అతడు ఆగి, మరియు చూసాడు, అతడు యవ్వనస్థునిగా ఉన్నాడు. అతడు తిరిగి తన చేతులను తన తల క్రింద పెట్టుకొని పడుకొనియున్న అతని పాత శరీరము వైపు చూశాడు.

ఇప్పుడు అతడు అక్కడ ఉన్నాడని, మరియు అతడు చూస్తున్నది యేసుక్రీస్తు యొక్క వధువునని మనము నిర్ధారించాము. ఇప్పుడు పైనుండి ఒక స్వరము అతనితో ఏమి చెప్తున్నదో మనము విందాము.

మరియు అప్పుడు, నా పైనుండి మాట్లాడుచున్న ఆ స్వరము, ఇట్లన్నది, “ప్రవక్తలు తమ ప్రజలతో సమకూర్చబడ్డారని బైబిలు గ్రంథములో వ్రాయబడియున్నదని, నీకు తెలుసు కదా.”

దేవుడు కేవలం ఆయనయొక్క ప్రవక్తకు చూపిస్తూ మరియు ప్రోత్సాహపరచడం మాత్రమే కాదు గాని, దానిలో విషయం చాలా ఉంది. అతడు తిరిగి వచ్చి మనము ఎక్కడికి వెళ్ళబోతున్నాము మరియు అక్కడ ఎలాగుంటుంది అని మాత్రమే కాదు గాని, ప్లేను నొక్కడం ద్వారా మనము ఆయనయొక్క పరిపూర్ణమైన చిత్తములో ఉన్నామని మరియు ఆ విధంగానే మీరు వధువు ఉండు చోటునకు వెళ్తారని చెప్తున్నాడు.

సహోదరుడు బ్రెన్హామ్ గారు తాను యేసును చూడాలని ఎంతగానో ఆశపడుతున్నట్లు చెప్పారు. కానీ వారు అతనితో ఇట్లన్నారు:

“ఇప్పుడు, ఆయన కేవలం కొంచెం పైన, సరిగ్గా ఆ వైపున ఉన్నాడు.” ఇట్లన్నారు, “ఏదో ఒక రోజు ఆయన నీ దగ్గరికి వస్తాడు.”

అది అతడు ఎవరన్నది అతనికి చెప్పడమును కొనసాగించినది.

“నీవు, ఒక నాయకుడిగా పంపబడ్డావు. మరియు దేవుడు వస్తాడు. మరియు ఆయన వచ్చినప్పుడు, నీవు వారికి బోధించినదానిని బట్టి, మొదటిగా, ఆయన నీకు తీర్పు తీరుస్తాడు, వారు లోపలికి వెళ్తారా వెళ్ళరా అనేది దానిపై ఆధారపడియుంటుంది. నీ బోధన ప్రకారంగా మేము లోపలికి ప్రవేశిస్తాము.”

నాయకుడిగా పంపబడినది ఎవరు? మనకు ఎవరి చేత బోధించబడిన దేని ద్వారా మనము తీర్పు తీర్చబడబోవుచున్నాము? ఎవరి ఉపదేశము ప్రకారంగా మనము పరలోకములోనికి ప్రవేశిస్తాము?

సరిగ్గా సహోదరుడు బ్రెన్హామ్ గారు చెప్పినదానినే నేను నా ప్రజలకు ఉపదేశిస్తాను అని, ఒకరు చెప్పవచ్చును…ఆమేన్, మీరు అలా చేయవలసియున్నారు మరియు కొందరు అలా చేస్తున్నారని నేను నమ్ముతున్నాను, అయితే “సహోదరుడు బ్రెన్హామ్ గారు మరియు నేను,” అన్నట్లుగా దానిని మార్చకండి.

మనకు ఇంకా స్పష్టంగా అర్థం కావాలని అతడు నిశ్చయించుకొనగోరుతుండగా మనము ఇంకా ముందుకు చదువుదాము.

మరియు ఆ ప్రజలు కేకవేసి, మరియు ఇట్లు చెప్పారు, “మాకు అది తెలుసు. మరియు ఏదో ఒక రోజు, నీతో కలిసి, తిరిగి భూమి మీదకు వెళ్తామని మాకు తెలుసు.” ఇట్లన్నారు, “యేసు వస్తాడు, మరియు నీవు మాకు బోధించిన వాక్య ప్రకారముగా తీర్పు తీర్చబడతావు.

ఆయన మనకు బోధించిన వాక్యము ద్వారా మనము తీర్పు తీర్చబడతాము.. కావున, దేవునియొక్క స్వరము టేపులలో ఏమి చెప్పినదో దానినుండి తీర్పు వస్తుంది. టేపులలో ఉన్న స్వరము మీరు వినగలిగే అత్యంత ముఖ్యమైన స్వరము కాదని ఎవరైనా ఎలా చెప్పగలరు?

“మరియు పిదప ఆ సమయములో నీవు అంగీకరించబడితే, మరి నీవు అంగీకరించబడతావు,”

మీరు సిద్ధంగా ఉన్నారు. యేసుక్రీస్తు యొక్క వధువు కొరకు ప్రభువుయొక్క పరిపూర్ణ చిత్తము ఏమిటన్నదానిని ఇది బలంగా స్థిరపరుస్తుంది. అతడు ఏమి చేస్తాడన్నది వధువు ప్రవక్తకు చెప్తున్నది. వేరెవ్వరూ కాదు. ఒక గుంపు కాదు. వేరొక సంఘకాపరి కాదు, దేవుని ప్రవక్తయైన, విలియమ్ మారియన్ బ్రెన్హామ్.

“అప్పుడు నీవునీ పరిచర్యయొక్క విజయ బహుమతులుగా, మమ్మల్ని ఆయనకు ప్రదర్శిస్తావు.”

ఎవరు మనల్ని ప్రభువైన యేసుకు ప్రదర్శించబోవుచున్నారు?
కేవలం ప్రవక్త చెప్పేది వినే రోజులు గతించిపోయినవా?
టేపులను ప్లే చేయమని సహోదరుడు బ్రెన్హామ్ గారు ఎన్నడూ చెప్పలేదా?

మీరు వధువైయుండగోరితే మీరు ప్లేను నొక్కడం మంచిది అని వధువు కేక వేస్తూ చెప్తున్నది.

ఇంకను ఒప్పించబడలేదా? సరే, ఇంకా చాలా ఉన్నది.

ఇట్లన్నారు, “నీవు మమ్మల్ని ఆయన దగ్గరికి నడిపిస్తావు, మరియు, ఎప్పటికీ జీవించడానికి, మనమందరము కలిసి, తిరిగి భూమి మీదకు వెళ్తాము.”

మనల్ని ఆయనయొద్దకు నడిపించవలసినది ఎవరు? వధువును ఎవరు నడిపిస్తున్నారు? అతడు వధువును ఆయన దగ్గరకు నడిపిస్తాడని వధువు అతనితో చెప్తున్నది, పిదప ఎప్పటికీ జీవించడానికి మనము తిరిగి భూమి మీదకు వెళ్తాము.

మీలో ఏ మాత్రమైనా ప్రత్యక్షత ఉన్నయెడల. మీరు ఈ వర్తమానమును నమ్ముతున్నారని మీరు చెప్పుకుంటున్నయెడల, మీరు తప్పక ఆయనయొక్క స్వరమునకు, అనగా టేపులకు, మొదటి స్థానమును ఇవ్వాలన్నది దేవుడు మీకు బయలుపరచాలని నేను ప్రార్థిస్తున్నాను.

సంఘకాపరులారా, ప్రవక్తను తిరిగి మీ ప్రసంగ వేదికల మీదకు తీసుకొనిరండి. మీరు ఆ స్వరము ద్వారా తీర్పు తీర్చబడబోవుతున్నారు గనుక టేపులే మీరు వినవలసినట్టి అత్యంత ముఖ్యమైన స్వరమైయున్నది.

వాక్య ప్రకారంగా, టేపులలోని దేవుని స్వరమును వినడం ద్వారా మనము మన దినమునకై ఆయనయొక్క పరిపూర్ణమైన ఏర్పాటు చేయబడిన చిత్తములో ఉన్నాము.

ఆయన వాక్యముయొక్క నిజమైన ప్రత్యక్షతకు దేవుడు మీ కన్నులను తెరచినయెడల, ఈ ఆదివారం జఫర్సన్విల్ కాలమానం ప్రకారంగా మధ్యాహ్నం 12:00 P.M. గంటల సమయమప్పుడు, 60-0515M త్రోసివేయబడిన రాజు అనే వర్తమానమును మేము వినుచుండగా, వచ్చి మాతో చేరమని నేను మిమ్మల్ని ఆహ్వానిస్తున్నాము.

సహోదరుడు. జోసఫ్ బ్రెన్హామ్

సంబంధిత కూటములు

27 ఏప్రిల్ 2025: 60-0515M నిరాకరించబడిన రాజు

20, ఏప్రిల్ 2025, ఆదివారం

ప్రియమైన వధువా, ఈ రోజు మనమందరము కూడుకొని మరియు 63-0324e ఏడవ ముద్ర అను వర్తమానమును విందాము. అది జఫర్సన్విల్ కాలమానం ప్రకారంగా మధ్యాహ్నం 12:30pm గంటల సమయమప్పుడు, వాయిస్ రేడియోలో ప్లే చేయబడుతుంది.

సహోదరుడు జోసఫ్ బ్రెన్హామ్

సంబంధిత కూటములు

20 ఏప్రిల్ 2025: 63-0324E ఏడవ ముద్ర

19, ఏప్రిల్ 2025, శనివారం

ప్రియమైన వధువా, ఈ రోజు మనమందరము కూడుకొని మరియు 63-0324m ముద్రల మీద ప్రశ్నలు మరియు జవాబులు అను వర్తమానమును విందాము. అది జఫర్సన్విల్ కాలమానం ప్రకారంగా మధ్యాహ్నం 12:30pm గంటల సమయమప్పుడు, వాయిస్ రేడియోలో ప్లే చేయబడుతుంది, అయితే విదేశములలో ఉన్నవారు, మీ కుటుంబ ప్రణాళికకు సరిపోయే ఏ సమయములోనైనా దానిని వినడానికి సంకోచించకండి.

సహోదరుడు జోసఫ్ బ్రెన్హామ్

సంబంధిత కూటములు

19 ఏప్రిల్ 2025: 63-0324M ముద్రల మీద ప్రశ్నలు మరియు జవాబులు

18, ఏప్రిల్ 2025, శుక్రవారం

ప్రియమైన వధువా, ఈ రోజు మనమందరము కూడుకొని మరియు 63-0323 ఆరవ ముద్ర అను వర్తమానమును విందాము. అది జఫర్సన్విల్ కాలమానం ప్రకారంగా మధ్యాహ్నం 12:30pm గంటల సమయమప్పుడు, వాయిస్ రేడియోలో ప్లే చేయబడుతుంది, అయితే విదేశములలో ఉన్నవారు, మీ కుటుంబ ప్రణాళికకు సరిపోయే ఏ సమయములోనైనా దానిని వినడానికి సంకోచించకండి.

సహోదరుడు జోసఫ్ బ్రెన్హామ్

సంబంధిత కూటములు

18 ఏప్రిల్ 2025: 63-0323 ఆరవ ముద్ర

15, ఏప్రిల్ 2025, మంగళవారం

క్రీస్తుయొక్క ప్రియమైన వధువా,

ఈ ఈస్టరు వారాంతమున వధువు ఎటువంటి ఒక మహిమకరమైన సమయమును కలిగియుంటుంది కదా. అది మన జీవితములలో ముఖ్య ఘట్టములలో ఒకటిగా ఉంటుందని; మనమెన్నడూ మర్చిపోలేని ఒక సమయముగా ఉంటుందని నేను నమ్ముతున్నాను. ఒక అత్యంత-ముఖ్యమైన వారాంతము.

మనము మన పరికరములన్నిటినీ ఆపివేసి మరియు లోకసంబంధమైన అంతరాయములన్నిటినీ ఆపివేయడం ద్వారా బయటి ప్రపంచమునకు మన తలుపులను మూసివేసి, మరియు మనం కేవలం మన జీవితములను మరలా ఆయనకు ప్రతిష్ఠించుకొనుచుండగా, ప్రతీ ఈస్టరు వధువునకు ఒక ప్రత్యేకమైన సమయముగా ఉండినది. మనము ప్రతి రోజు ఆయనతో మాట్లాడి, మరియు పిదప ఆయనయొక్క వాక్యమును వినుచుండగా, అది ఆయనకు ప్రతిష్ఠించబడిన ఒక వారాంతమైయున్నది.

శత్రువు మన జీవితములలో ఎంతో అంతరాయమును కలుగజేసాడు మరియు జీవితములోని అనేక విషయాలతో తీరికలేకుండా చేసాడు ఎంతగా అంటే అసలు లోకమును పూర్తిగా ప్రక్కన పెట్టి ఆయనతో మాట్లాడటం ఎంతో కష్టంగా మారిపోయినది. చివరికి వాక్యమును వినడానికి మనము ఉపయోగిస్తున్న పరికరాలను సైతం, సాతానుడు మన సమయమును వృధా చేయడానికి ఉపయోగిస్తాడు.

అయితే ఈ వారాంతము భిన్నముగాను, మరియు మనము ముందెన్నడూ కలిగిలేనటువంటి ఈస్టరు వారాంతముగాను ఉంటుంది.

ముద్రలు వినాలని ప్రభువు నా హృదయములో పెట్టినప్పుడు, తేదీలు ఎలా వస్తాయి అనేదాని గురించి నాకు కొంచెమైనా అవగాహన లేదు. అయితే ఎప్పటిలాగానే, ఆయనయొక్క సమయము పరిపూర్ణమైనది. రెండు ఆదివారముల క్రితం, ప్రవక్తగారి పుట్టినరోజైనట్టి, 6వ తేదీన, పక్షిరాజు కాలమైనట్టి, 4వ ముద్రను వినే భాగ్యమును మనము కలిగియున్నాము; అది ఎంత సముచితంగా ఉన్నది కదా.

అయితే ఇప్పుడు, ప్రభువు మన కొరకు ఇంకా ఎక్కువ కలిగియున్నాడు. నేను చెప్పినట్లుగా, ముద్రలను ప్లే చేయమని ప్రభువు నా హృదయంలో పెట్టినప్పుడు, ఆ శీర్షికలో 10 వర్తమానములు ఉన్నాయి గనుక వాటిని వినడం పూర్తి చేయుటకు అనేక వారములు పడుతుందని నేను ఎరిగియున్నాను.

నేను క్యాలెండరు వైపు చూడగా, మనము ఆ శీర్షికయంతటినీ వినడం పూర్తి చేయడానికిముందే ఈస్టరు వస్తుందని నేను చూసాను. మనము ముద్రలను వినడం ఆపవలసియుంటుందేమో మరియు ఈస్టరు కొరకు ఆయన నాకు వర్తమానములను ఇస్తాడేమో అని, నాలో నేను అనుకున్నాను.

ఒక్క క్షణములోనే…అది పరిపూర్ణముగా ఉంటుందని నేను చూసాను. ఈస్టరు ఆదివారపు ఉదయమున ఏడవ ముద్ర ప్లే చేయబడుతుండే విధంగా మనము ముద్రలను ప్లే చేయడం కొనసాగించవచ్చును. నేను దానిని నమ్మలేకపోయాను, అది ప్రణాళికలో పరిపూర్ణముగా సరిపోయినది. సరిగ్గా అప్పుడే, ప్రభువా, ఇది నీవే అని నేను తెలుసుకున్నాను.

ఒకరితోనొకరము, మరియు ఆయనతోను కలిసి మనము కలిగియుండే మన ఈస్టరు సమయము కొరకు నేను ఎంతో ఉత్సాహభరితుడనయ్యాను మరియు గొప్ప ఎదురుచూపుతో ఉన్నాను. ఆయనే మన కొరకు ప్రణాళికను తయారు చేసాడని నాకు తెలుసు.

అందునుబట్టి, ప్రభువు చిత్తమైనయెడల, మనము మన ప్రత్యేకమైన ఈస్టరు వారాంతముగుండా ముద్రలను వినడం కొనసాగిస్తాము.

గురువారము

ఇశ్రాయేలు పిల్లలయొక్క నిర్గమమునకు ముందు జరిగినట్టి పస్కాకు జ్ఞాపకార్థముగా, ప్రభువైన యేసు తన శిశువులతో కలిసి ఆఖరి భోజనమును చేసినది గురువారము రాత్రియైయున్నది. మన పవిత్రమైన వారాంతమునకు ముందు, మనము మన గృహములలో ప్రభువుతో ప్రభురాత్రి భోజనమును కలిగియుండి, మన పాపములను క్షమించమని, మరియు మన ప్రయాణములో మనకు అవసరమైయున్న సమస్తమును మనకు అనుగ్రహించమని కోరడానికి మనము ఎటువంటి అవకాశమును కలిగియున్నాము కదా.

ప్రభువా, దానిని దయచేయుము. రోగులను స్వస్థపరచుము. అలసినవారికి ఆదరణ దయచేయుము. బాధింపబడినవారికి ఆనందము దయచేయుము. అలసినవారికి విశ్రాంతి దయచేయుము, ఆకలిగొనుచున్నవారికి ఆహారమును, దప్పిగొనుచున్నవారికి త్రాగుటకును, విచారముతో నింపబడినవారికి ఆనందమును, సంఘమునకు శక్తిని దయచేయుము. ప్రభువా, ఆయనయొక్క విరువబడిన శరీరమును సూచిస్తున్న ప్రభురాత్రి భోజనమును తీసుకొనుటకు మేము సిద్ధపడుచుండగా, ఈ రాత్రి యేసును మా మధ్యలోనికి తీసుకొనిరమ్ము. ప్రభువా, ఒక అసాధారణమైన విధానములో ఆయన మమ్మల్ని దర్శిస్తాడని, మేము ప్రార్థిస్తున్నాము...

ప్రభువా, ఇతరులను ఆశీర్వదించుము, ప్రపంచవ్యాప్తంగా, ప్రభువుయొక్క రాకడ కొరకు ఆనందముతో వేచియుండి, దివిటీలను చక్కపరచుకొని, మరియు పొగగొట్టములను శుభ్రపరచుకొనియున్నవారిని, మరియు చీకటి స్థలములలో ప్రకాశిస్తున్న సువార్త వెలుగును ఆశీర్వదించుము.

మనందరము సహవాసము 62-0204 అను వర్తమానమును వినడానికి, మీ స్థానిక కాలమానం ప్రకారంగా సాయంత్రం 6:00 P.M గంటల సమయమప్పుడు ప్రారంభించుదాము, మరియు పిదప ప్రవక్తగారు మనల్ని మనయొక్క ప్రత్యేకమైన ప్రభురాత్రి భోజనము మరియు పాద పరిచర్యలోనికి మనల్ని నడిపిస్తారు, అది లైఫ్ లైన్ యాప్ లో (ఆంగ్లములో) ప్లే చేయబడుతుంది, లేదా క్రింద ఇవ్వబడిన లింకును నొక్కడం ద్వారా మీరు ఆంగ్లములోనైనా లేదా ఇతర భాషలలోనైనా ఆ కూడికను డౌన్లోడ్ చేసుకోవచ్చును.

వర్తమానము తర్వాత, మనము మన గృహములలో మన కుటుంబాలతో కూడుకొని మరియు ప్రభువు భోజనమును తీసుకుంటాము.

శుక్రవారము

మనల్ని మనము ఆయనకు ప్రతిష్ఠించుకొనుచుండగా మనతో ఉండమని మరియు మన కుటుంబాలను పరిశుద్ధాత్మతో నింపమని ప్రభువును ఆహ్వానిస్తూ మనము ఉదయం 9:00 A.M. గంటల సమయమప్పుడు, మరియు పిదప మరలా మధ్యాహ్నం 12:00 P.M. గంటల సమయమప్పుడు, మన కుటుంబాలతో కలిసి ప్రార్థనలోనికి ప్రవేశించుదాము.

మన మనస్సులు, సుమారు 2000 సంవత్సరాల క్రితం, కల్వరి వద్ద జరిగిన ఆ దినముయొద్దకు వెళ్ళి మరియు మన రక్షకుడు సిలువపై వ్రేలాడుటను చూచును గాక, మరియు పిదప అదే విధంగా ఎల్లప్పుడూ తండ్రికి ఇష్టమైనదానినే చేయడానికి మనల్ని మనము సమర్పించుకొందుము గాక:

మరియు ఈ రోజు, ఎంతో ప్రాముఖ్యమైనదైయుండగా, అత్యంత గొప్ప దినములలో ఒకటైయుండగా, ఆ రోజు మనకు ఏమైయున్నదనే మూడు భిన్నమైన విషయాలను మనము చూద్దాము. మనము కొన్ని వందల విషయాలను తీసుకోవచ్చును. అయితే, ఈ ఉదయం, కల్వరి మనకు ఏమైయున్నదని, తదుపరి కొన్ని నిమిషములు, మనము చూడగోరుతున్న మూడు భిన్నమైన, ముఖ్యమైన సంగతులను మాత్రమే నేను ఎన్నుకున్నాను. మరియు అది ఇక్కడున్న ప్రతి పాపిని ఖండిస్తుందని; ప్రతి పరిశుద్ధుడిని తన మోకాళ్ళ మీద పడునట్లు చేస్తుందని; ప్రతి వ్యాధిగ్రస్తుడిని దేవుని వైపునకు తన విశ్వాసమును పెంచుకొని, మరియు స్వస్థపరచబడి, వెళ్ళునట్లు చేస్తుందని; ప్రతి పాపి, రక్షించబడునట్లును; భక్తి విడచిన ప్రతి వ్యక్తి తిరిగివచ్చి, మరియు తన విషయమై తాను సిగ్గుపడునట్లును; మరియు ప్రతి పరిశుద్ధుడు, ఆనందిస్తూ, క్రొత్త పట్టును మరియు క్రొత్త నిరీక్షణను పొందుకునేటట్లును చేస్తుందని నేను ప్రార్థిస్తున్నాను.

పిదప మధ్యాహ్నం 12:30 P.M. గంటల సమయమప్పుడు, దీనిని వినడానికి మనము మన గృహములలో కూడుకుందాము: 63-0323 ఆరవ ముద్ర.

పిదప కూటము ముగిసిన వెంటనే, మన ప్రభువుయొక్క సిలువ మరణమునకు జ్ఞాపకార్థముగా మనము ప్రార్థనలో మరలా కూడుకుందాము.

శనివారము

మరొకసారి మనమందరము ఉదయం 9:00 A.M. గంటల సమయమప్పుడు మరియు మధ్యాహ్నం 12:00 P.M. గంటల సమయమప్పుడు ప్రార్థనలో కూడుకొని, మరియు ఆయన మన కొరకు మన మధ్యన చేయనైయున్న గొప్ప కార్యముల కొరకు మన హృదయములను సిద్ధపరచుకుందాము.

ఆయన ఇట్లు చెప్పడాన్ని నేను వినగలుగుచున్నాను, “సాతానా, ఇటు రా!” ఇప్పుడు ఆయన యజమానియైయున్నాడు. ముందుకు జరిగి, ఆ మరణము మరియు పాతాళముయొక్క తాళపుచెవిని వాని ప్రక్కనుండి లాక్కొని, మరియు దానిని తన ప్రక్కలో తగిలించుకున్నాడు. “నేను నీకు హెచ్చరిక ఇవ్వాలనుకుంటున్నాను. నీవు ఎంతో కాలంగా ఒక మోసగాడివైయున్నావు. నేను కన్యక-ద్వారా జన్మించినట్టి సజీవ దేవుని కుమారుడినైయున్నాను. సిలువ మీద నా రక్తము ఇంకను తడిగానే ఉన్నది, మరియు పూర్తి వెల చెల్లించబడినది! నీకు ఇకమీదట ఎటువంటి హక్కులు లేవు. నీవు ఒలిచివేయబడ్డావు. నాకు ఆ తాళపుచెవులను ఇవ్వు!”

పిదప మధ్యాహ్నం 12:30 P.M. గంటల సమయమప్పుడు, వాక్యమును వినడానికి మనమందరము కూడుకుంటాము: 63-0324m ముద్రల మీద ప్రశ్నలు మరియు జవాబులు.

ప్రపంచ వ్యాప్తంగానున్న ఆయనయొక్క వధువునకు ఇది ఎటువంటి ఒక అత్యంత-ముఖ్యమైన దినముగా ఉండబోవుచున్నది కదా.

పిదప కూటము ముగిసిన వెంటనే మనము తిరిగి ప్రార్థనలో కూడుకుందాము.

ఆదివారము

ఆయనయొక్క చిన్న స్నేహితుడైన, రాబిన్ పక్షి, ఉదయం 5:00 A.M. గంటల సమయానికి ఆయనను మేల్కొల్పినప్పుడు, సహోదరుడు బ్రెన్హామ్ గారు లేచినట్లే మనము కూడా మొదట తెల్లవారుజామునే మేల్కొందాము. యేసును మృతులలోనుండి లేపినందుకు మనము కేవలం ప్రభువునకు కృతఙ్ఞతలు చెల్లించుదాము:

ఈ ఉదయం ఐదు గంటలప్పుడు, ఎర్రని రొమ్ముగల నా చిన్న స్నేహితుడు కిటికీ దగ్గరికి ఎగురుకుంటూ వచ్చి మరియు నన్ను నిద్రలేపాడు. "ఆయన లేచియున్నాడు,” అని చెప్తూ, దాని చిన్న గుండె బ్రద్దలైపోద్దేమో అన్నట్లు అగుపించినది.

ఉదయం 9:00 A.M. గంటల సమయమప్పుడు మరియు మధ్యాహ్నం 12:00 P.M. గంటల సమయమప్పుడు, మనము మరలా మన ప్రార్థన గొలుసులో కూడుకొని, ఒకరి కొరకు ఒకరము ప్రార్థించుకుంటూ మరియు దేవునియొక్క స్వరమును వినడానికి మనల్ని మనము సిద్ధపరచుకుందాము.

మధ్యాహ్నం 12:30 P.M. గంటల సమయమప్పుడు, మన ఈస్టరు వర్తమానమును వినడానికి మనము కూడుకుంటాము: 63-0324e ఏడవ ముద్ర.

మధ్యాహ్నం 3:00 P.M. గంటల సమయమప్పుడు, మనము మరలా ఒకసారి ప్రార్థనలో ఐక్యమై, ఆయనతోను మరియు ప్రపంచ వ్యాప్తంగానున్న ఆయనయొక్క వధువుతోను ఆయన మనకు అనుగ్రహించిన అద్భుతమైన వారాంతము కొరకై ఆయనకు కృతఙ్ఞతలు చెల్లించుదాము.

విదేశాలలో ఉన్న నా సహోదరీ సహోదరులకు చెప్తున్నాను, గడచిన సంవత్సరము వలెనే, ఈ ప్రణాళికలో ఉన్న ప్రార్థనా సమయములన్నిటికీ జఫర్సన్విల్ కాలమానం ప్రకారంగా, మాతో ఐక్యమవ్వడానికి మిమ్మల్ని ఆహ్వానించుటకు నేను ఇష్టపడుచున్నాను. ఏది ఏమైనను, గురువారము, శుక్రవారము, మరియు శనివారము మధ్యాహ్నము జఫర్సన్విల్ కాలమానం ప్రకారంగా టేపులను ప్లే చేయడం మీలో చాలా మందికి ఎంతో కష్టమని, నేను గ్రహిస్తున్నాను, కావున దయచేసి మీకు అనుకూలమైన సమయములో ఆ వర్తమానములను ప్లే చేసుకోడానికి సంకోచించకండి. ఎలాగైనను, కలిసి మన ఆదివారపు వర్తమానమును వినడానికి, ఆదివారము మాత్రం జఫర్సన్విల్ కాలమానం ప్రకారంగా, మధ్యాహ్నం 12:30 P.M. గంటల సమయమప్పుడు, మనమందరము ఏకముగా కూడుకోవాలని నేను కోరతాను.

క్రియేషన్స్ ప్రాజెక్టులు, జర్నలింగ్, మరియు యంగ్ ఫౌండేషన్ క్విజ్ లలో కూడా మీరు మరియు మీ పిల్లలు పాలిభాగస్థులవ్వాలని మిమ్మల్ని ఆహ్వానించుటకు నేను ఇష్టపడుచున్నాను, వాటిని మీ కుంటుంబమంతా కలిసి ఆనందించవచ్చును. అవన్నియు ఈ వారాంతములో మనము వినే వాక్యము మీదనే ఆధారపడియున్నవి గనుక మీరు వాటిని ఇష్టపడతారని మేము అనుకుంటున్నాము.

వారాంతపు ప్రణాళిక కొరకు, ప్రభురాత్రి భోజనమునకు సిద్ధపరచుకొనుటకై కావలసిన సమాచారము కొరకు, క్రియేషన్స్ ప్రాజెక్టులకై అవసరమయ్యే పదార్థముల కొరకు, ఈస్టర్ క్విజ్ లు, మరియు ఇతర సమాచారము కొరకు, క్రింద ఇవ్వబడిన లింకులను చూడండి.

ఫోటోలు తీసుకోడానికి, ఈ దినమునకు కొటేషన్ ను వినడానికి, ద టేబుల్ యాప్ నుండి, లైఫ్ లైన్ యాప్ నుండి, లేదా డౌన్లోడు చేసుకోగల లింకు నుండి టేపులను వినడానికి తప్ప మిగతావాటన్నిటికీ మన ఫోనులను ఆపివేసుకుందాము.

ఆరాధనతో, స్తుతులతో మరియు స్వస్థతతో నిండిన ఒక వారాంతము కొరకు ప్రపంచ వ్యాప్తంగానున్న వధువుతో కూడివచ్చుటకు మిమ్మల్ని మరియు మీ కుటుంబమును ఆహ్వానించడం నాకు ఒక గొప్ప భాగ్యమైయున్నది. ఇది నిజముగా మీ జీవితమును ఎప్పటికీ మార్చివేసేటటువంటి ఒక వారాంతమైయున్నదని నేను నమ్ముచున్నాను.

సహోదరుడు జోసఫ్ బ్రెన్హామ్