Sun Apr 26, 2020 10:00 AM EDT
ప్రియమైన ప్రత్యక్షపరచబడిన వాక్యమా,
మనము దాని గురించి ఆలోచించగలమా! బైబిలు గ్రంథమును వ్రాసినట్టి ఆ మనుష్యుల మీదకు వచ్చిన అదే అగ్నిస్తంభము మనము అనుదినము వింటున్న అదే అగ్నిస్తంభమైయున్నది, అది మనకు బైబిలుయొక్క మర్మములన్నిటినీ అనువదించుచున్నది: దేవునియొక్క వాక్యము ప్రత్యక్షపరచబడినది!
దేవుడు ఆయనయొక్క వాక్యములను వారితో మాట్లాడుటకు తననుతాను పూర్వమందున్న తన ప్రవక్తలలో ముసుగు దాల్చుకున్నాడు. అప్పుడు ఆయన చేసినది అదేయైయున్నది. కానీ మన దినములో, మన ప్రవక్తయైన, విలియమ్ మారియన్ బ్రెన్హామ్ గారు ప్రజలకు అగ్నిస్తంభమును ముసుగుగా ధరించిన, సజీవమైన వాక్యమైయున్నాడు.
అభిషేకము ఒక వ్యక్తియైయున్నాడు. క్రీస్తు అనే పదమునకు “ఒక అభిషేకించబడినవాడు” అని అర్థము, చూడండి, “అభిషేకించబడినవాడు.” అలాగైతే, మోషే తన దినములలో క్రీస్తైయున్నాడు, అతడు అభిషేకించబడినవాడై యున్నాడు. యిర్మియా ఆ దినము కొరకైన వాక్య భాగమును కలిగియుండి, తన దినములలో క్రీస్తైయున్నాడు.
దేవుడే తన స్వంత వాక్యమును అనువదిస్తాడు. బ్రెన్హామ్ సహోదరుడు వాటిని పలికాడు; దేవుడు వాటిని అనువదించాడు. అతడు వాక్యమును కలిగియున్నాడు. ఒక గుంపు కాదు, విలియమ్ మారియన్ బ్రెన్హామ్! దేవుడు ఒక్క మనిషిని తీసుకున్నాడు. వివిధమైన ఆలోచనలను కలిగియున్న రెండు లేదా మూడు భిన్నమైన మనస్సులను ఆయన తీసుకోలేడు. ఆయన ఒక్క మనిషిని తీసుకుంటాడు, మరియు అతడు మానవ శరీరము వెనుక ముసుగు ధరించినట్టి సజీవమైన దేవుని వాక్యమయ్యాడు.
చిన్నవారలారా, మనము ఇక ఎంతమాత్రము ఆ ముసుగు వెనుక లేము. దేవుడు మీ యెదుట పూర్తి దృశ్యములోనికి వచ్చాడు. దేవునియొక్క వాక్యము పైనుండి ఆ పాత సంఘశాఖపరమైన మరియు మతాచారపరమైన ముసుగు చీల్చివేయబడినది, తద్వారా అది ప్రత్యక్షపరచబడుటకైయున్నది! ఈ అంత్య దినములో, మతాచారపరమైన ఆ తెర నడిమికి చీల్చివేయబడినది, మరియు ఇదిగో అగ్నిస్తంభము ఇక్కడ నిలబడియున్నది. ఆయన ఇక్కడ ఉన్నాడు, ఈ దినము కొరకైన వాక్యమును ప్రత్యక్షపరచుచున్నాడు. తెర చీల్చివేయబడినది.
ఆ టేపులు వస్తుండగా వాటిని గమనించండి, ఒకొక్కదానిని గమనించండి, అది ఇంకెంత తేటగా మరియు ఇంకెంత తేటగా వచ్చినదో గమనించండి; వినడానికి మీకు చెవులుంటే, చూడండి, చూడటానికి కన్నులుంటే చాలును.
ఈనాడు ఇంకనూ ప్రజలకు గ్రుడ్డితనము కలుగజేసేది అదేయైయున్నది. దేవునియొక్క ప్రవక్త వాక్యమును తెచ్చాడని నమ్ముతున్నాము కానీ, ఇప్పుడు మనల్ని నడిపించడానికి ఆ అభిషేకము ప్రవక్త మీద కాకుండా, ఇతరుల మీద ఉన్నది అని వారు చెప్పాలనుకుంటారు.
దేవుడు తన వాక్యమును బ్రద్దలు చేయలేడని ప్రవక్త మనతో చెప్పాడు. అంత్య దినములలో, అది మరల అదే కార్యమైయుండవలసియున్నది. దేవుడు తన విధానమును మార్చుకోలేడు, లేదా తన వాక్యమునైనా మార్చుకోలేడు. ఆయన మారనివాడని అతడు చెప్పాడు. ఆయనయొక్క వాక్యమును తెచ్చుటకు మాత్రమే కాదు గాని, ఆయనయొక్క వధువును నడిపించడానికి ఆయన ఎల్లప్పుడూ తన ప్రవక్తలను పంపించాడు.
ప్రతి కాలములో జరిగినట్లే, దైవత్వము మానవ శరీరమును ముసుగుగా ధరించినది. గమనించండి, ఆయన అలా చేశాడు. ప్రవక్తలు అనగా, దైవత్వము ముసుగు ధరించుటయైయున్నారు. వారు దేవునియొక్క వాక్యము (అది సరియేనా?) మానవ శరీరమును ముసుగుగా ధరించుటయైయున్నారు. కావున, చూడండి, మన మోషేయైయున్న యేసును కూడా, వారు గుర్తించలేదు.
ఇప్పుడు మనకు అది కేవలం వ్రాయబడిన వాక్యము మాత్రమే కాదు, అది ఒక వాస్తవమైయున్నది. మనము ఆయనలో ఉన్నాము. ఇప్పుడు మనము సంతోషిస్తున్నాము. ఇప్పుడు మనము ఆయనను చూస్తున్నాము. ఇప్పుడు మనము, వాక్యమైయున్న ఆయన, తననుతాను ప్రత్యక్షపరచుకోడాన్ని చూస్తున్నాము.
అప్పుడు, మనము ఆయనలో భాగమవుతాము. ఆయనకు ముసుగుగా ఉండే తెర మనమేయైయున్నాము. క్రీస్తు దేవునిలో ఉన్నలాగున, క్రీస్తు మీలో ఉన్నంతవరకు; మనము ఆయనలో భాగమైయున్నాము.
మనము మన మానవ శరీరపు తెర వెనుక క్రీస్తుకు ఆలయముగా-ఉంటున్నాము. మనము వ్రాయబడిన పత్రికలమైయున్నాము, వ్రాయబడిన వాక్యమైయున్నాము. మనము వ్రాయబడిన వాక్యము, ప్రత్యక్షపరచబడుటయైయున్నాము.
మరియు వాక్యము ప్రత్యక్షపరచబడటాన్ని మీరు చూసినప్పుడు, మీరు తండ్రియైన దేవుడిని చూస్తారు, ఎందుకంటే వాక్యము తండ్రియైయున్నాడు. వాక్యము దేవుడైయున్నాడు. మరియు వాక్యము, ప్రత్యక్షపరచబడుట అనగా, దేవుడు తానే తన స్వంత వాక్యమును తీసుకొని మరియు దానిని విశ్వాసుల మధ్య నెరవేర్చడమైయున్నది. విశ్వాసులు, విశ్వాసులే తప్ప దానిని మరేదియు జీవింపజేయలేదు.
దేవుడు, మానవ శరీరములో ముసుగు ధరించి, దినదినము ఆయనయొక్క వాక్యమును పలుకుతూ మరియు మనకు దానిని బయలుపరచుచున్నాడు. దేవుడు మానవ శరీరములో మనలో ప్రతి ఒక్కరిలో జీవించుచున్నాడు.
సహోదరుడు. జోసఫ్ బ్రెన్హామ్
వర్తమానము: 64-0614M - "దేవునియొక్క ముసుగు తొలగించబడుట"
సమయము: జఫర్సన్విల్ కాలమానం ప్రకారంగా మధ్యాహ్నం 12:00 గంటలకు
*డే లైట్ సేవింగ్ సమయమును గుర్తుంచుకోండి