அன்புள்ள திருமதி இயேசு கிறிஸ்துவே,

இதுவே அந்த நாள். இதுவே அந்த நேரம். தேவன் தம்முடைய திருமதி. இயேசு கிறிஸ்துவை அழைப்பதற்காகவும், அவளிடம் பேசி, "நீயே நான் தெரிந்துகொண்ட ஒருவள். நீயே நான் நேசிக்கிற ஒருவள். நீயே என்னுடைய பரிபூரண வார்த்தையாகிய கன்னிகையான மணவாட்டி. நாம் ஒன்றாயிருக்கிறோம்," என்று சொல்வதற்காகவும், தம்முடைய வல்லமையுள்ள கழுகை பூமிக்கு அனுப்பினார்.

அந்த வார்த்தைகளைக் கேட்ட மாத்திரத்திலேயே, நம்முடைய இருதயங்கள் மகிழ்ச்சியால் துள்ளுகின்றன. கோடிக்கணக்கான மக்கள் வாழும் இந்த முழு உலகிலும், ஒரே ஒரு திருமதி இயேசு கிறிஸ்து மட்டுமே இருக்கிறாள் என்பதையும், அவர் அந்த ஒருவளுக்காகவே வருகிறார் என்பதையும், அந்த ஒருவள் நீங்களே என்பதையும் நினைத்துப் பார்க்க வேண்டும்.

ஒரே ஒரு தெரிந்துகொள்ளப்பட்ட ஆராதனை ஸ்தலம் மட்டுமே உண்டு. ஒரே ஒரு தெரிந்துகொள்ளப்பட்ட பரிபூரண செய்தி மட்டுமே உண்டு. ஒரே ஒரு தெரிந்துகொள்ளப்பட்ட பரிபூரண மணவாட்டி மட்டுமே உண்டு...அது நாமாக இருக்கிறோம்!!

பிதாவுக்குத் தெரிந்துகொள்ளப்பட்ட ஒரே ஒரு ஆராதனை ஸ்தலம் உண்டு, அதுவே கர்த்தராகிய இயேசு கிறிஸ்து; அவரே அந்த வார்த்தையாக இருக்கிறார். இன்று, ஆவிக்குரிய மரணம் தாக்க முடியாத ஒரே ஒரு ஸ்தலம் மட்டுமே உண்டு: அதுவே அந்த வார்த்தை. மரணத்தால் அந்த வார்த்தையைத் தாக்க முடியாது, ஏனெனில், அது ஜீவனுள்ள தேவனுடைய வார்த்தையாகும்.

அந்த ஜீவனுள்ள வார்த்தையின் முழுமையான வெளிப்பாடு, திருமதி இயேசு கிறிஸ்துவுக்கு மட்டுமே வெளிப்படுத்தப்பட்டிருக்கிறது. திருமதி இயேசு கிறிஸ்து சென்று, அந்தப் பரிபூரண வார்த்தை உரைக்கப்பட்டதைக் கேட்கக்கூடிய, தெரிந்துகொள்ளப்பட்ட ஒரே ஒரு ஸ்தலம் மட்டுமே உண்டு. தேவனுடைய சத்தமாயிருப்பதற்கு தெரிந்துகொள்ளப்பட்ட ஒரே ஒரு தீர்க்கதரிசி மட்டுமே உண்டு. திருமதி இயேசு சென்று, கர்த்தர் உரைக்கிறதாவது என்பதைக் கேட்கக்கூடிய ஒரே ஒரு ஸ்தலம் மட்டுமே உண்டு: அதுவே இயங்கு பொத்தானை அழுத்திக் கேட்பதாகும்.

தம்முடைய மணவாட்டி, அவளுடைய கணவருடைய சத்தம் அவளிடத்தில் பேசுவதைக் கேட்பதற்கும், அதைப் பின்பற்றுவதற்கும் எவ்வளவு கவனமாய் இருக்க வேண்டும்! நாம் சென்று, 100 % உறுதியைப் பெற்றுக்கொள்ளக்கூடிய ஒரே ஒரு ஸ்தலம் மட்டுமே உண்டு. நாம் நமது நித்திய இலக்கை முழுமையாகச் சார்ந்திருக்கும் ஒரே ஒரு சத்தம் மட்டுமே உண்டு.

ஒலிநாடாக்களில் அவள் கேட்கிற வார்த்தைகள், தன் கணவரின் வார்த்தைகளே என்று திருமதி இயேசு கிறிஸ்து விசுவாசிக்கிறாள். அவருடைய வார்த்தைக்கு எவ்வித வியாக்கியானமும் தேவையில்லை என்று அவள் விசுவாசிக்கிறாள். ஆகவே, அவள் செல்லக்கூடிய, ஒவ்வொரு வார்த்தைக்கும் ஆமென் என்று சொல்லக்கூடிய, ஒரே ஒரு அருளப்பட்ட ஸ்தலம் மட்டுமே இருப்பதாக அவள் விசுவாசிக்கிறாள், அதுவே, ஒலிநாடாக்களில் உள்ள அவளுடைய கணவரின் சத்தமாகும்.

மீண்டும் ஒருமுறை, உலகம் முழுவதிலும் உள்ள திருமதி. இயேசு கிறிஸ்து, "இந்த நாளில், இந்த உரைக்கப்பட்ட வார்த்தை நிறைவேற்றப்பட்டுள்ளது" என்று கூற முடியும்.

“தேவனால் தெரிந்து கொள்ளப்பட்ட ஆராதனை ஸ்தலம்" 65-0220 எனும் செய்தியை நாங்கள் கேட்கப் போகிறபடியால், ஜெஃபர்சன்வில் நேரப்படி, பிற்பகல் 12:00 மணிக்கு, பிரான்ஹாம் கூடாரத்தோடு கேட்க வரும்படி நீங்கள் அழைக்கப்படுகிறீர்கள்.

சகோ. ஜோசப் பிரான்ஹாம்

வேத வாக்கியங்கள்: உபாகமம் 16:1 முதல் 3 வரை.