ప్రియమైన వధువు-సంఘమా,

మనుష్యకుమారుడు వచ్చి మరియు మానవ శరీరములో తననుతాను తన వధువుకు బయలుపరచుకున్నాడు. ఆయనే దానిని చెప్పాడు, మనము దానిని నమ్ముచున్నాము, మరియు ఆయన దానిని ఋజువు చేసాడు. మనము ఆయన నోటనుండి వచ్చిన ప్రతీ మాటను వింటూ మరియు నమ్మడం ద్వారా మనల్ని మనము సిద్ధపరచుకున్న ఆయనయొక్క వధువు-సంఘమైయున్నాము.

మృతుల పునరుత్థానము కలదు. ఆయనే దానిని ఋజువు చేస్తాడు. సంఘముయొక్క ఎత్తబడుట కలదు. ఆయనే దానిని ఋజువు చేస్తాడు. ఒక వెయ్యేండ్ల పాలన కలదు. ఆయనే దానిని ఋజువు చేస్తాడు. ఒక క్రొత్త ఆకాశము మరియు క్రొత్త భూమి కలవు. ఆయనే దానిని ఋజువు చేస్తాడు, ఎందుకనగా ఆయనయొక్క వాక్యము దానిని చెప్పినది.

అక్కడ ఉండేది మనమే. ఆయనే దానిని ఋజువు చేస్తాడు. ఈ వాక్యములో భాగముగా చేయబడినది మనమే. అక్కడ ఉండుటకు ఆయన మనల్ని ముందుగా నిర్ణయించుకున్నాడు. ఆయనయొక్క ముందుజ్ఞానము ద్వారా ఒక ఎత్తబడుట జరుగబోవుచున్నది మరియు దానిని ఆపేది ఏదియు లేదు, మనము అక్కడ ఉండబోవుచున్నాము!

ఒక్క పలుకబడిన మాటను ప్రజలు సందేహపడునట్లు చేయడానికి సాతానుడు చాలాకాలంగా ప్రయత్నించాడు. మీరు అట్లు చేయకండి. సరిగ్గా ప్రతీ మాటను నమ్మండి. అక్కడ ఉండటానికి మీరు ప్రతీ మాటను నమ్మవలసియున్నది. రికార్డు చేయబడి మరియు టేపులలో నిలువచేయబడినది, ప్రవక్తయొక్క మాట కాదు గాని, అది దేవునియొక్క మాటయైయున్నది.

దేవుని నోటనుండి వచ్చు ప్రతీ మాటను మీరు తప్పక నమ్మవలసియున్నది. టేపులలో ఉన్నది ఆయనయొక్క మాటయేనని ఆయన ఋజువు చేసాడు. విలియమ్ మారియన్ బ్రెన్హామ్ ఆయనయొక్క ఏడవ దూత వర్తమానికుడనియు; మన దినమునకు దేవునియొక్క స్వరమనియు ఆయన ఋజువు చేసాడు. వర్తమానమును మరియు వర్తమానికుడిని నమ్మని వారందరూ నశించిపోతారు.

ఆయన వాక్యమైయున్నాడు, మరియు మనము ఆయన వాక్యములో భాగమైయున్నాము. ఆ కారణముచేతనే, జీవితములో మన స్థానాన్ని నిర్ధారించుకొనుటకు మనము ఇక్కడున్నాము. ప్రతీ మాటను నమ్ముటకైయున్నది. వాక్యముతో నిలిచియుండుటకైయున్నది. టేపులలో ఉన్న ప్రతీ మాటను వధువుకు చూపించుటకైయున్నది.

మన దినములో, మనుష్యకుమారుడు బయలుపరచబడినాడు. ఆయన సంఘమును శిరస్సుతో ఐక్యపరచినాడు; వధువుయొక్క వివాహమును జతకలిపినాడు. పెండ్లి కుమారుని పిలుపు వచ్చియున్నది. ఇరువురిని ఐక్యపరచుటకు మనుష్యకుమారుడు మానవ శరీరములో వచ్చియున్నాడు. ఆయన వాక్యమైయున్నాడు. మనము ఆయనయొక్క వాక్యమైయున్నాము, మరియు ఇరువురు ఐక్యపరచబడుచున్నారు.

వాక్యముయొక్క ప్రత్యక్షతయే వధువును ఐక్యపరుస్తుంది. అది సంఘముయొక్క వేదపండితులను కాదు గాని, మరలా మనుష్యకుమారుడిని ప్రత్యక్షపరుస్తుంది. మనుష్యకుమారుడిని! వాక్యము మరియు సంఘము ఒక్కటవుతారు. మనుష్యకుమారుడు చేసిన ప్రతీది వాక్యమైయున్నది. ఆయనయొక్క వధువైయున్న, మనము కూడా, అదే కార్యమును చేస్తాము.

మనము పరిశుద్ధాత్మ ద్వారా, ఆయనయొక్క వాక్యము ద్వారా, ఆయనయొక్క స్వరము ద్వారా ఐక్యమైయున్నాము, మరియు పెండ్లి విందుకు వెళ్ళడానికి సిద్ధపడుచున్నాము. వాక్యము మనల్ని ఐక్యపరచినది, మరియు ఇరువురము ఒక్కటయ్యాము.

టేపులు, టేపులు, టేపులు అని మనము అంటాము. మీ గృహములలో, మీ సంఘములలో మీరు టేపులను ప్లే చేసుకోవలసియున్నది. టేపులను ప్లే చేసే విషయానికి మేము అంతగా ప్రాధాన్యతను ఇస్తున్నందుకు మేము విమర్శించబడుచున్నాము. మేము దానిని ఎందుకు చెప్తున్నాము? టేపులలో మనతో మాట్లాడేది ఎవరు?

మన దినములో మనుష్యకుమారుడు బయలుపరచబడ్డాడని; దేవుడే మానవ పెదవుల ద్వారా మాట్లాడుచున్నాడని మీరు నమ్ముచున్నయెడల, మీరు వినవలసిన అత్యంత ప్రాముఖ్యమైన స్వరముగా ఆ స్వరమును ఉంచుకొనుటలోగల ప్రాధాన్యతను చూడకుండా ఎవరైనా ఎలా ఉండగలరు?

మేము నమ్ముచున్నదానిని చూడకుండా మరియు నమ్మకుండా ఉండే ఇతరులను నేను విమర్శించడంలేదు; వారు మన సహోదరులు మరియు సహోదరీలైయున్నారు, కానీ ఆయన వధువు కొరకు దేవుడు ఏర్పాటు చేసిన మార్గము ఇదేనని నేను ఎంతో నిశ్చయతను కలిగియుండి, ఎంతో నింపబడి, ఎంతో సంతృప్తిగా ఉన్నాను. నేను వేరే దేనితో వెళ్ళలేను. నాకు మరియు నా ఇంటివారికైతే, ప్లేను నొక్కడమే మార్గమైయున్నది.

ఆదివారము జఫర్సన్ విల్ కాలమానం ప్రకారంగా మధ్యాహ్నం 12:00 P.M. గంటలకు, మేము: ఆయనయొక్క వాక్యమును ఋజువు చేయుట 64-0816 అను వర్తమానమును వినుచుండగా వచ్చి మాతో ఐక్యమవ్వాలని నేను ప్రపంచాన్ని మరొకసారి ఆహ్వానిస్తున్నాను.

సహోదరుడు. జోసఫ్ బ్రెన్హామ్

కూటమునకు ముందు చదువవలసిన లేఖనములు:

పరిశుద్ధ. మత్తయి 24:24
పరిశుద్ధ. మార్కు 5:21-43 / 16:15
పరిశుద్ధ. లూకా 17:30 / 24:49
పరిశుద్ధ. యోహాను 1:1 / 5:19 / 14:12
రోమా 4:20-22
I థెస్సలొనీకయ 5:21
హెబ్రీ 4:12-16 / 6:4-6 /13:8
I రాజులు 10:1-3
యోవేలు 2:28
యెషయా 9:6
మాలాకీ 4