ప్రియమైన టేపు కుటుంబమా,
నా భావమేదనగా, నా కుటుంబమైయున్న మీరు, మరియు ఎక్కడైతే…ఎక్కడికైతే మన టేపులు వెళ్తాయో అక్కడ బయట ప్రపంచములోనున్న కుటుంబము.
అది మనమే, ప్రవక్తయొక్క టేపు కుటుంబము; ప్రపంచమంతటా చెదిరియున్న ఆయనయొక్క పిల్లలము, ఆయనచేత క్రీస్తునకు కనబడినవారము. ఈ అంత్య దినములలో తండ్రి ఎవరికైతే స్వయంగా తనను గూర్చిన ప్రత్యక్షతను ఇచ్చాడో అట్టివారము.
ఈ దినములలో ఏదో ఒక రోజు నేను వారందరినీ సమకూర్చాలని కోరుచున్నాను, చూడండి, తండ్రి సమకూర్చుతాడు, మరియు పిదప మనము—మనము ఇక ఎంతమాత్రము తిరగవలసిన అవసరంలేని ఒక గృహమును కలిగియుంటాము.
నేను వారందరినీ సమకూర్చగోరుచున్నాను. అది సరిగ్గా ఇప్పుడు జరుగుచున్నది. ఈ వర్తమానము, ఆయన వాక్యము, ఈ టేపులు సరిగ్గా దానినే చేయుచున్నవి: వధువునంతయూ సమకూర్చుతూ, ప్రపంచమంతటినుండి మనలను ఒక్కటిగా ఐక్యము చేయుచున్నది. ఆయనయొక్క వధువును సమకూర్చగలిగేది, ఆయనయొక్క స్వరము తప్ప, టేపులలో ఉన్న దేవునియొక్క స్వరము తప్ప మరేదియు లేదు.
మరియు మీరు, మీరు ఆత్మతో నింపబడినప్పుడు, నేను ఎరిగియున్నట్టి అత్యుత్తమమైన గురుతులలో ఒకటి ఏమిటంటే: మీరు క్రీస్తుతో ఎంతగానో ప్రేమలో ఉంటారు మరియు ఆయన చెప్పే ప్రతీ మాట సత్యమని నమ్ముతారు. చూశారా? మీరు పరిశుద్ధాత్మను కలిగియున్నారనుటకు సాక్ష్యాధారము అదే. మరియు మీ జీవితం ఆనందముతో నిండియుంటుంది, మరియు—మరియు ఓ మై, ప్రతీది ముందున్న విధానం నుండి (చూశారా?) భిన్నముగా మారిపోతుంది. పరిశుద్ధాత్మ అనగా అదియే.
మన హృదయములు, మనస్సులు మరియు అంతరాత్మలు ఆనందము, ప్రేమ మరియు ప్రత్యక్షతతో ఎంతగానో నిండియున్నవి, మనము అసలు ఊరకుండలేకపోవుచున్నాము. మనము వినే ప్రతీ వర్తమానము ఇంకా ఎక్కువ ప్రత్యక్షతను తీసుకొనివస్తుంది. మనము ఎవరమన్నది మనము చూస్తున్నాము మరియు ఆయనయొక్క పరిపూర్ణమైన చిత్తములో ఉండుటకు మనమేమి చేయవలెనన్నది చూస్తున్నాము. దేవుడు మన హృదయములలో పెట్టినదాని నుండి మనలను కదిలించేది ఏదియు లేదు. ప్లేను నొక్కడమే ఈ దినమునకు దేవుడు ఏర్పాటు చేసిన మార్గమైయున్నది. అంచనావేయడమనేది లేదు, నిరీక్షించడమనేది లేదు, పరిశుద్ధాత్మను ఈ విధంగా ప్రశ్నించడమనేది లేదు, “నేను కేవలం ఇప్పుడే విన్నది సత్య వాక్యమేనా?” “దానిని నేను వాక్యముతో సరిచూసుకోవలసియున్నదా?”
మనము అట్లు కాదు. టేపులలో మనము వినేది వాక్యమైయున్నది. టేపులలో మనము వినే ఆ వాక్యమే వధువునకు యెహోవా ఈలాగు సెలవిచ్చుచున్నాడు అయ్యున్నదని, స్వయంగా పరిశుద్ధాత్మచేత, అగ్నిస్తంభముచేత నిర్ధారించబడిన ఏకైక వాక్యమైయున్నది.
ఎవరైనా మనకిట్లు చెప్పవచ్చును, “అభిషేకించబడిన వాక్యము కాకుండా, కేవలం సహోదరుడు బ్రెన్హామ్ గారే మాట్లాడటమైయున్న అనేక విషయాలు టేపులలో చెప్పబడ్డాయి. అది కేవలం మానవుడు మాత్రమే. పరిశుద్ధాత్మ మనలను వాక్యమునొద్దకు మరియు కేవలం సహోదరుడు బ్రెన్హామ్ గారు మాట్లాడుచున్నవాటి వద్దకు నడిపించాడు.”
అయితే మనకు అలా కాదు. ప్రవక్త దేనిని మర్చిపోవద్దని మనకు చెప్పాడో మనము కేవలం దానిని నమ్ముతాము.
మీరు ఎన్నడూ ఆ వాక్యమును మర్చిపోవద్దని నేను కోరుచున్నాను. మోషే చెప్పినదానిని, దేవుడు ఘనపరిచాడు, ఎందుకనగా దేవునియొక్క వాక్యము మోషేలో ఉన్నది.
ప్రవక్త చెప్పినదానిని మనము ఎన్నడూ మర్చిపోము, మరియు మనము దానిని నమ్ముతాము; ఏలయనగా అది ఇనుపపోగరతో మన హృదయముల మీద చెక్కబడినది. టేపులలో ఆయన ఏదైతే చెప్పాడో, దేవుడు దానిని ఘనపరిచాడు, మరియు మనము దానిని నమ్ముచున్నాము.
కూర్చొని మరియు దేవునియొక్క స్వరము మనతో మాట్లాడుటను వినడంకంటే గొప్ప ఘనత ఏదియు లేదు. ఈ ఆదివారము జఫర్సన్ విల్ కాలమానం ప్రకారంగా 12:00 P.M. గంటల సమయమప్పుడు, ఆయన తన వధువుతో మాట్లాడుచు, మరియు ప్రశ్నలకు జవాబులనిస్తుంటాడు: 64-0830E ప్రశ్నలు మరియు జవాబులు #4. మీరు మాతో ఐక్యమవ్వుటకు మిమ్మల్ని ఆహ్వానించడానికి నేను ఇష్టపడుచున్నాను. ఇది మీరెన్నడూ పశ్చాతాప్పపడలేనట్టి ఒక నిర్ణయమైయున్నది.
సహోదరుడు. జోసఫ్ బ్రెన్హామ్