ஓ, நாம் இங்கே இன்னும் ஒரு நிமிடம் நிறுத்துவோமாக. "உன்னதங்களிலே.” இப்பொழுது எங்கோ ஓரிடத்தில் அல்ல, ஆனால் உன்னதங்களில். நாம் "உன்னதங்களில்" ஒன்று கூடியிருக்கிறோம். அதுவே விசுவாசியின் ஸ்தானம் என்பதை பொருட்படுத்துகிறது. அதாவது, எனக்கு ஜெபிக்கப்பட்டிருந்தால், உங்களுக்கு ஜெபிக்கப்பட்டிருந்தால், அல்லது சபைக்கு ஜெபிக்கப்பட்டிருந்தால், நாம் செய்திக்காக ஆயத்தமாய் இருக்கிறோம், நாம் தாமே பரிசுத்தவான்களாக ஒன்று கூடி, வெளியே அழைக்கப்பட்டு, பரிசுத்த ஆவியினால் அபிஷேகிக்கப்பட்டு, தேவனுடைய ஆசிர்வாதங்களினால் நிரப்பப்பட்டு, அழைக்கப்பட்டு, தெரிந்துகொள்ளப்பட்டு, இப்பொழுது உன்னதங்களிலே ஒன்று கூடி உட்கார்ந்திருக்கிறோம், நம்முடைய ஆத்துமாக்களில் நாம் பரலோகத்தை சேர்ந்தவர்களாயிருக்கிறோம். நம்முடைய ஆவிகள் நம்மை ஒரு பரலோக சூழலுக்கு கொண்டு வந்துள்ளன. ஓ, சகோதரனே! அங்கு தான் நீங்கள் இருக்கிறீர்கள், ஒரு பரலோக சூழலிலே! ஓ, இன்று இரவு என்ன சம்பவிக்கக் கூடும், நாம் இங்கே ஒரு பரலோக சூழலில் உட்கார்ந்து கொண்டிருப்போமானால் இன்றிரவு என்ன சம்பவிக்க கூடும், புதிதாக்கப்பட்டிருக்கிற ஒவ்வொரு இருதயத்தின் மேலும் பரிசுத்த ஆவியானவர் அசைவாடி கிறிஸ்து இயேசுவுக்குள் ஒரு புது சிருஷ்டியாக்கினால் என்னவாயிருக்கும்? பாவங்கள் யாவும் இரத்தத்தின் கீழிருக்க, பரிபூரண ஆராதனையில், நம்முடைய கரங்கள் தேவனிடத்தில் உயர்த்தப்பட்டிருப்பதோடு, நம்முடைய இருதயங்களும் உயர்த்தப்பட்டிருக்க, கிறிஸ்து இயேசுவுக்குள் உன்னதங்களிலே உட்கார்ந்து, உன்னதங்களிலே ஒன்று சேர்ந்து ஆராதித்துக் கொண்டிருக்கிறோம்.

அப்படிப்பட்ட ஒன்றில் நீங்கள் எப்பொழுதாகிலும் உட்கார்ந்திருக்கிறீர்களா? ஓ, "தேவனே நான் ஒருபோதும் இங்கிருந்து சென்று விட அனுமதியாதேயும்" என்று கூறி சந்தோஷத்தினால் அழுமளவிற்கு நான் அமர்ந்திருக்கிறேன். கிறிஸ்து இயேசுவுக்குள் உன்னதங்களிலே!

அவர் எதனால் நம்மை ஆசிர்வதித்திருக்கிறார்? தெய்வீக சுகமளித்தல், முன்னறிதல், வெளிப்பாடு, தரிசனங்கள், வல்லமைகள், அந்நியபாஷைகளில் பேசுதல், வியாக்கியானித்தல்கள், ஞானம், அறிவு, எல்லா உன்னத ஆசிர்வாதங்கள், சொல்லி முடியாததும் மகிமையால் நிறைந்ததுமாயிருக்கிற சந்தோஷம், ஒவ்வொரு இருதயமும் ஆவியினால் நிறைந்து, ஒருமித்து நடந்து, உன்னதங்களில் ஒருமித்து உட்கார்ந்திருத்தல், நம்மிடையே எவ்வித பொல்லாத சிந்தனையுமின்றி, ஒரு புகைப்பிடித்தலும் இல்லாமல், ஒரு குட்டை ஆடையும் கூட அணியாமல், இந்த ஒன்று, அது மற்றது என்றிலில்லாமல், ஒரு பொல்லாத சிந்தனையும் இல்லாமல், ஒருவருக்கு விரோதமாக மற்றவர் எதையும் கொண்டிராமல், எல்லோரும் ஒருவரோடொருவர் அன்புடனும், இசைவுடனும் பேசி, எல்லோரும் ஒருமனப்பட்டு ஓரிடத்தில் அமர்ந்திருக்கும்போது, "பலத்த காற்று அடிக்கிற முழக்கம் போல வானத்திலிருந்து சடுதியாக ஒரு முழக்கமுண்டானது. அங்கு தான் உங்கள் காரியமே உள்ளது. "உன்னதங்களிலே ஆவிக்குரிய சகல ஆசீர்வாதங்களினாலும் நம்மை ஆசீர்வதித்திருக்கிறார்.”

சாயங்கால வெளிச்சம் எதற்காக தோன்றியிருக்கிறது? சாயங்கால வெளிச்சம் எதற்காக உள்ளது? திரும்பளிக்க. வியூ! நீங்கள் இதை புரிந்து கொள்கிறீர்களா? [சபையோர், "ஆமென்" என்கின்றனர்.-ஆசி.] காலை வெளிச்சம் தோன்றின அதே நோக்கத்திற்காகவே சாயங்கால வெளிச்சமும் தோன்றினது, இருளின் காலங்களில் ரோமாபுரி வெட்டிப் போட்டதை திரும்ப அளிக்கவே. சாயங்கால வெளிச்சம் பிரகாசிப்பதன் மூலமாக தேவன் திரும்பளிக்கப் போகிறார் (எதை?), தேவனுடைய வார்த்தையை மீண்டும் திரும்ப அளிக்கவே, அவருடைய சபையில் கிறிஸ்துவின் முழு வெளிப்படுத்துதல். அவர் செய்த ஒவ்வொரு காரியமும் சரியாக அவர் செய்த விதமாகவே அது மீண்டும் சாயங்கால வெளிச்சத்தில் இருக்கும். நான் என்ன பொருட்படுத்திக் கூறுகிறேன் என்று புரிகிறதா? ஓ, அது அற்புதமாயில்லையா? ["ஆமென்."] சரியாக தீர்க்கதரிசனத்தின்படி, இப்பொழுது சாயங்கால வெளிச்சத்தை, அதை காணும்படியாகவே இங்கே நாம் ஜீவித்துக் கொண்டிருக்கிறோம் என்பதை அறிந்துகொள்ளும்படிக்கேயாகும்.

அவர்களில் ஒருவரான, மார்டின் லூத்தர், அவர் ஒரு வெளிச்சத்தை பிரகாசிக்கத் துவங்கினார், அது மிகச் சிறிய பலமாய், நீதிமானாக்கப்படுதலைக் குறித்ததாயிருந்தது.

பின்பு வெஸ்லி தோன்றினார், இன்னும் பலமாய், பரிசுத்தமாக்கப்படுதல்.

வெஸ்லிக்குப் பிறகு, அவரைக் காட்டிலும் பலமானது உண்டானது, பெந்தெகொஸ்தே, பரிசுத்த ஆவியின் அபிஷேகம், மற்றொரு மகத்தான தீர்க்கதரிசியில். புரிகிறதா?

ஆனால் கடைசி நாட்களில், மல்கியா 4, அதே வார்த்தையுடன் எலியா வரவிருக்கின்றார். "தேவனுடைய வார்த்தை தீர்க்கதரிசியினிடம் வந்தது." சாயங்கால வெளிச்சத்தில், திரும்ப அளிக்க மற்றும் திரும்பக் கொண்டு வருவதற்கு, வர வேண்டியதாய் இருக்கிறது. எதற்கு? "பிள்ளைகளுடைய இருதயங்களை தேவனுடைய விசுவாசத்திற்கு திருப்புவதற்கே." நான்காம் வெளிச்சம்.

ஈஸ்டர் வார இறுதியில், உங்கள் வீடுகளில், வார்த்தையின் பேரில் கூடி வந்து, நாம் கர்த்தரை ஆராதிப்போமாக. புகைப்படங்கள் எடுக்க, அனுதின மேற்கோளைக் கேட்க, செய்தித் தொகுப்பு (டேபிள்) பயன்பாட்டிலிருந்து ஒலிநாடாக்களில் செய்தியை இயக்க, லைப் லைன் பயன்பாட்டினை பயன்படுத்த, அல்லது பதிவிறக்கம் செய்யக்கூடிய இணைப்பிற்குத் தவிர உங்களுடைய தொலைபேசிகளை அணைத்து வைக்கவும்.

பின்வரும் அட்டவணைக்கு நாம் அனைவரும் ஒன்றுபட வேண்டும் என்று நான் விரும்புகிறேன்:

வியாழக்கிழமை

இஸ்ரவேல் புத்திரர் யாத்திரைக்கு முன், பஸ்காவை நினைவுகூரும் வகையில், கர்த்தராகிய இயேசு தம்முடைய சீடர்களுடன் கடைசி இராப்போஜனம் எடுத்துக்கொண்டது வியாழன் இரவாயிருந்தது. நம்முடைய புனித வார இறுதிக்கு முன், நம்முடைய வீடுகளில் கர்த்தரோடு ஐக்கியங்கொண்டு, நம்முடைய பாவங்களை நமக்கு மன்னிக்கும்படியாயும், நம்முடைய பயணத்தில் நமக்குத் தேவையான அனைத்தையும் நமக்கு தரும்படியாயும் அவரிடம் கேட்பதற்கு நமக்கு என்ன ஒரு வாய்ப்பு உள்ளது.

நாம் யாவரும் உங்களுடைய உள்ளூர் நேர மண்டலத்தில் மாலை 6:00 மணிக்குத் தொடங்கி, இராப்போஜனம் 57-0418 -என்ற செய்தியைக் கேட்போமாக, அதன் பிறகு லைஃப்லைன் பயன்பாட்டில் இயங்கும் நம்முடைய விசேஷித்த இராப்போஜன ஆராதனைக்குச் செல்வோம், அல்லது கீழே உள்ள இணைப்பைக் கிளிக் செய்வதன் மூலம் நீங்கள் ஆராதனையை ஆங்கிலம் அல்லது பிற மொழிகளில் பதிவிறக்கம் செய்யலாம்.

செய்தியைத் தொடர்ந்து, நாம் நம்முடைய குடும்பங்களுடன் நம்முடைய வீடுகளில் கூடி, கர்த்தருடைய இராப்போஜனத்தில் பங்குகொள்வோம்.

ஒலிநாடா செய்தி மற்றும் இராப்போஜன ஆராதனை இரண்டையும் பதிவிறக்கம் செய்வதற்கான இணைப்பு விரைவில் எங்களிடம் கிடைக்கும், அல்லது, அது (வாய்ஸ் ரேடியோவில்) வானொலி சத்தத்தில் கிடைக்கும்.

வெள்ளிக்கிழமை

காலை 9:00மணிக்கு நாம் நம்முடைய குடும்பத்தினருடன் ஜெபத்திற்குச் சென்று, பின்னர் மீண்டும் பிற்பகல் 12:00 மணிக்கு, கர்த்தர் நம்முடன் இருக்கும்படியாயும், நம்மையே அவருக்கு அர்ப்பணிக்கும்போது நம்முடைய வீடுகளை பரிசுத்த ஆவியால் நிரப்பும்படியாயும் அழைப்போமாக.

2000 ஆண்டுகளுக்கு முன்பு, கல்வாரியில் அந்த நாளுக்கு நம்முடைய சிந்தனைகள் திரும்பிச் சென்று, நம்முடைய இரட்சகர் சிலுவையில் தொங்கிக்கொண்டிருப்பதைக் கண்டு, பிதாவுக்குப் பிரியமானதையே எப்பொழுதும் செய்ய நம்மை அர்ப்பணிப்போமாக.

பிறகு பிற்பகல் 12:30 மணிக்கு, பரிபூரணம் 57-0419 என்ற செய்தியைக் கேட்க, நாம் நம்முடைய வீடுகளில் ஒன்று கூடுவோமாக.

பிறகு, நம்முடைய கர்த்தரின் சிலுவையேற்றத்தின் நினைவாக, மாலை 3:00 மணிக்கு மீண்டும் ஜெபத்தில் ஒன்றாக இணைவோம்.

சனிக்கிழமை

நாம் அனைவரும் மீண்டும் ஒருமுறை காலை 9:00 மணிக்கும், பிற்பகல் 12:00 மணிக்கும் ஜெபத்தில் ஒன்றிணைந்து, அவர் நமக்கு மத்தியில் நமக்காகச் செய்யும் மகத்தான காரியங்களுக்காக நம்முடைய இருதயங்களைத் ஆயத்தப்படுத்துவோமாக.

பின்னர் பிற்பகல் 12:30 மணிக்கு, கல்லறையிலிடுதல் 57-0420 என்ற செய்தியை: வார்த்தையைக் கேட்க நாம் ஒன்று கூடுவோம்.

இது உலகம் முழுவதும் உள்ள அவருடைய மணவாட்டிக்கான என்னே ஒரு மகிழ்ச்சியும் மிக முக்கியமுமான நாளாய் இருக்கப்போகிறது.

பிறகு, மாலை 3:00 மணிக்கு, மீண்டும் ஜெபத்தில் சேர்வோம்.

ஞாயிற்றுக்கிழமை

மணவாட்டி மரம் திரும்பளிக்கப்படுதலில் பங்குகொண்டு, அதைக் கேட்பதற்கு என்னே ஒரு பரிபூரணமான நாள்.

சகோதரன் பிரான்ஹாம் காலை 5:00 மணியளவில் அவருடைய சிறிய நண்பனான ராபின் பறவை அவரை எழுப்பியது போல, நாம் முதலில் அதிகாலையில் எழுந்திருப்போமாக. இயேசுவை மரித்தோரிலிருந்து எழுப்பியதற்காக கர்த்தருக்கு நாம் நன்றி செலுத்துவோமாக:

காலை 9:00 மணிக்கு, நம்முடைய சங்கிலி ஜெபத்தில் நாம் மீண்டும் ஒருமுறை இணைந்து, ஒருவருக்கொருவர் ஜெபித்து, தேவனுடைய சத்தத்தைக் கேட்கும்படிக்கு நம்மை ஆயத்தப்படுத்திக் கொள்வோமாக.

பிற்பகல் 12:30 மணிக்கு, மணவாட்டி மரம் திரும்ப அளிக்கப்படுதல் 62-0422 என்ற நம்முடைய ஈஸ்டர் செய்தியைக் கேட்க நாம் ஒன்று கூடுவோம்.

இந்த ஆராதனைக்குப் பிறகு, நாம் மீண்டும் ஒருமுறை ஜெபத்தில் ஒன்றிணைந்து, உலகெங்கிலும் அவரோடும் அவருடைய மணவாட்டியோடும் அவர் நமக்கு அளித்துள்ள அற்புதமான வார இறுதிக்காக அவருக்கு நன்றி செலுத்துவோமாக.

வெளிநாடுகளில் உள்ள என்னுடைய சகோதர சகோதரிகளுக்கு, கடந்த ஆண்டைப் போலவே, ஜெஃபர்சன்வில் நேரத்திலும், இந்த அட்டவணையிலும் உள்ள அனைத்து ஜெப நேரங்களிலும், ஞாயிற்றுக்கிழமை பிற்பகல் இயக்கப்படும் ஒலிநாடாவிற்காகவும் எங்களுடன் ஒன்றிணைய, உங்களை நான் அழைக்க விரும்புகிறேன். எவ்வாறாயினும், வியாழன், வெள்ளி மற்றும் சனிக்கிழமை பிற்பகல் ஜெபர்சன்வில் நேரத்தில் ஒலிநாடாக்களை இயக்குவது உங்களில் பெரும்பாலோருக்கு மிகவும் கடினமாக இருக்கும் என்பதை நான் உணர்கிறேன், எனவே உங்களுக்கு வசதியான எந்த நேரத்திலும் அந்த செய்திகளை இயக்க தயங்க வேண்டாம். எவ்வாறாயினும், ஞாயிற்றுக்கிழமை பிற்பகல் 12:30 மணிக்கு, ஜெபர்சன்வில் நேரப்படி, நம்முடைய ஞாயிறு செய்தியை ஒன்றாகக் கேட்க, நாம் அனைவரும் ஒன்றுசேர வேண்டும் என்று நான் விரும்புகிறேன்.

படைப்புகள், எழுதும் தாள்கள் மற்றும் பயிற்சிகள் மற்றும் இளம் அஸ்திபார (YF) வினாடி வினாக்களில் ஒரு பகுதியாக இருக்க உங்களையும் உங்கள் பிள்ளைகளையும் அழைக்க நான் விரும்புகிறேன், உங்கள் முழு குடும்பமும் ஒன்றுசேர்ந்து மகிழ முடியும். இந்த வார இறுதியில் நாம் கேட்கப்போகும் இவை அனைத்தும் வார்த்தையின் அடிப்படையில் அமைந்திருப்பதால் நீங்கள் அவைகளை விரும்புவீர்கள் என்று நாங்கள் நினைக்கிறோம்.

வார இறுதி அட்டவணையில், இராப்போஜன ஆராதனைக்காக ஆயத்தமாகும் தகவல், படைப்புகளின் திட்டப்பணிகளுக்குத் தேவைப்படும் பொருள், ஈஸ்டர் வினாடி வினாக்கள் மற்றும் பிற தகவல்களுக்கு, கீழே உள்ள இணைப்புகளைப் பார்க்கவும்.

ஆராதனை, துதித்தல் மற்றும் சுகமளித்தல் முழுவதும் நிறைந்த ஒரு வார இறுதியில் உங்களையும் உங்கள் குடும்பத்தினரையும் மணவாட்டியுடன் உலகெங்கிலும் ஒன்றாக வர அழைப்பது எனக்கு அப்பேர்ப்பட்ட ஒரு கனத்திற்குரியதாய் உள்ளது. இது உண்மையாகவே உங்கள் ஜீவியத்தை என்றென்றும் மாற்றும் வார இறுதி என்றே நான் நம்புகிறேன்.

சகோதரன் ஜோசப் பிரான்ஹாம்