அன்புள்ள தேவனுடைய சிறந்தவேலைப்பாடே,

தண்டு, பட்டுக் குஞ்சம் மற்றும் உமியில் இருந்த அனைத்து உண்மையான ஜீவனும் இப்போது நம்மில் சேர்ந்து கொண்டிருக்கிறது, தேவனுடைய ராஜரீக வித்து, அவருடைய சிறந்த வேலைப்பாடுகள், அறுவடைக்குத் ஆயத்தமாக, உயிர்த்தெழுதலுக்காக ஆயத்தமாக்கப்பட்டுக் கொண்டிருக்கின்றன. அல்பா ஒமேகாவாகிவிட்டது. முதலாவது கடைசியாகிவிட்டது, கடைசி இப்போது முதலாகிவிட்டது. நாம் ஒரு செயல்முறையின் மூலம் வந்து அவருடைய சிறந்த வேலைப்பாடுகளாக மாறிவிட்டோம், அவரிடமிருந்து அடிக்கப்பட்ட ஒரு துண்டு.

மணவாட்டியும் மணவாளனும் ஒன்றாயிருக்கிறார்கள்!

தேவன் தம்முடைய தீர்க்கதரிசிக்கு நம் ஒவ்வொருவரின் முன்னோட்டத்தையும், அவருடைய சிறந்த வேலைப்பாடுகளையும், ஒரு தரிசனத்தில் காண்பித்தார். அவர் அங்கே நின்று, மணவாட்டி தனக்கு முன்னால் செல்வதைப் பார்த்துக் கொண்டிருந்தபோது,

அவர் நம் ஒவ்வொருவரையும் பார்த்தார். நம் அனைவரின் கண்களும் அவரையே நோக்கியிருந்தன. அவர் தன்னுடைய ஜீவியத்தில் இதுவரை கண்டிராத மிகவும் இனிமையான தோற்றமுடைய ஜனங்களாக நாம் இருந்தோம் என்று அவர் கூறினார். நம்மைப் பற்றி ஒரு தோற்றம் மட்டுமே இருந்தது. நாம் அவருக்கு மிகவும் அழகாகத் காணப்பட்டோம்.

நினைவில் கொள்ளுங்கள், இது ஒரு மணவாட்டியின் தரிசனமாயிருந்தது; அவள் எப்படி இருப்பாள் என்றும், அவள் எப்படி காணப்படுவாள் என்றும், அவள் என்ன செய்து கொண்டிருந்தாள் என்பதையும் சரியாக நமக்கு சொல்லிக் கொண்டிருந்தார். கூர்ந்து கவனியுங்கள்.

மணவாட்டி, நான் அதை மீண்டும் கூறட்டும், ஒவ்வொரு தேசத்திலிருந்தும் வந்த மணவாட்டி தங்களுடைய போதகரின் மீது, ஒரு மனிதக் குழு மீது தங்களுடைய கண்களை வைத்து நோக்கிப்பார்த்துக் கொண்டிருந்தாள்...இல்லை, அவர் கூறினது அப்படியல்ல. அவர்கள் தீர்க்கதரிசியின் மீது கண்களை வைத்து நோக்கிப்பார்த்துக் கொண்டிருந்தனர், அவரைப் பார்த்துக் கொண்டிருந்தார்கள்.

அவர்கள் தீர்க்கதரிசியின் மீது தங்கள் கண்களை வைத்திருக்கும் வரை, அவர்கள் பரிபூரணமாக அணிவகுத்துச் சென்றனர். ஆனால் பின்னர் அவர் நம்மை எச்சரிக்கிறார், ஏதோ நடந்தது. சிலர் அவரைப் பார்க்காமல், குழப்பத்தில் மூழ்கிய வேறு ஒன்றைப் பார்க்கத் தொடங்கினர்.

அவர் அவளைப் பார்க்க வேண்டும், இல்லையெனில் அவள் கடந்து செல்லும்போது அவள் அடி பிசகிவிடுவாள். ஆனால் பின்னர் அவர் கூறுகையில், ஒருவேளை அது என் நேரமாக இருக்கலாம், நான் முடிவுறும்போது, நான் இங்கே இல்லாதபோது, அவர்கள் அவர் மீது தங்கள் கண்களை வைத்திராமல் அடி பிசகிப் போகலாம்.

அவர் மணவாட்டியை தெளிவாக எச்சரித்துக் கொண்டிருந்தார், நீங்கள் ஒலிநாடாக்களில் உள்ள தேவனுடைய சத்தத்தின் பேரில் உங்களுடைய கண்களை வைத்திருக்க வேண்டும். அதுவே இன்றைக்கான தேவனுடைய அருளப்பட்ட வழியாய் இருக்கிறது. அதுவே மணவாட்டியை ஒன்றிணைத்து பரிபூரணப்படுத்தும் சத்தமாக இருக்கிறது. உங்கள் கண்களையும் செவிகளையும் சத்தத்திலிருந்து விலக்கினால், நீங்கள் எல்லை மீறின குழப்பத்திற்குள் மூழ்குவீர்கள்.

ஒவ்வொரு செய்தியும் மிகத்தெளிவாகிக் கொண்டிருக்கிறது. வல்லமையுள்ள தேவன் நமக்கு முன்பாக திரைநீக்கப்பட்டு, நாம் மாத்திரமே புசிக்கக்கூடிய மறைவான மன்னாவினால் தம்முடைய மணவாட்டியைப் போஷித்துக் கொண்டிருக்கிறார். இது மற்ற யாவருக்குமான மிக விசேஷித்ததாய் இருக்கிறது, ஆனால் அது மணவாட்டிக்கான மறைவான ஆகாரமாக இருக்கிறது.

என்னே ஒரு நன்றி செலுத்துதலை மணவாட்டி உடையவளாயிருந்து, வார்த்தையின் பேரில் விருந்துண்டு அவருடைய பரிபூரண வார்த்தையைக்கொண்ட சிறந்த வேலைப்பாடான மணவாட்டியாகிக் கொண்டிருக்கிறாள்.

தேவனுக்கான ஒரு சிறந்த வேலைப்பாடாகும்படிக்கு தேவன் தம்முடைய பலமுள்ள தூதன் மூலமாக செதுக்கி, மெருகேற்றப்போகிறபடியால், ஞாயிற்றுக்கிழமை, பிற்பகல் 12: 00 மணிக்கு, ஜெபர்சன்வில் நேரப்படி வந்து எங்களுடன் சேர்ந்து கொள்ளுங்கள்.

சகோ. ஜோசப் பிரான்ஹாம்

செய்தி: 64-0705 சிறந்த வேலைப்பாடு

ஆராதனைக்கு முன் படிக்க வேண்டிய வேத வசனங்கள்:

ஏசாயா 53:1-12
மல்கியா 3:6
பரி. மத்தேயு 24:24
பரி. மாற்கு 9:7
பரி. யோவான் 12:24 / 14:19