ప్రభురాత్రి భోజనపు రొట్టె

ప్రభురాతి భోజనపు రొట్టె “త్వరపడుచు తిను రొట్టె” లేదా “పస్కా రొట్టె” అని కూడా పిలువబడుతుంది. ఐగుప్తులో ఫరో దాస్యత్వము నుండి ఇశ్రాయేలు పిల్లలు విడుదల పొందినప్పుడు, సాధారణమైన పద్దతిలో పిండిని పులియజేసి, లేదా రొట్టెను పొంగేటట్లు చేసే పదార్థముతో, రొట్టెను కాల్చడానికి వారికి సమయము లేదు. వారి ప్రయాణము కొరకైన తొందరలో అది పులియని పిండితో చేయబడినది.

ప్రభువైన యేసు భూమి మీద చేసిన చివరి విషయాలలో ఒకటి ఏదనగా తన శిష్యులతో ప్రభురాత్రి భోజనమును తీసుకొనుటయే; మరియు వింతైన కార్యము ఏమిటనగా, సహోదరుడు బ్రెన్హామ్ గారు ప్రసంగించిన చివరి వర్తమానము కూడా 65-1212 ప్రభురాత్రి భోజనమే.

దేవునికి తమనుతాము ప్రతిష్టించుకొని మరియు సమర్పించుకున్న ప్రజలే ఆ రొట్టెను చేయవలెనని వాక్యము మనకు బోధించుచున్నది. కేవలం పరిశుద్ధాత్మ నింపుదలగల ఒక విశ్వాసి మాత్రమే ఆ ప్రభురాత్రి భోజనపు రొట్టెను తయారు చేయవలసియున్నది.

ఇప్పుడు మిగిలిపోయిన రొట్టెకు ప్రార్థన చేయబడనందున, దానిని పారవేయవచ్చు.

ప్రభురాత్రి భోజనపు ఆరాధన వద్ద ఒక్కసారి రొట్టెకు ప్రార్థన చేయబడిన తర్వాత, మిగిలిన రొట్టె మరుసటి దినముకు ముందే కాల్చివేయబడవలసి యున్నది. రొట్టె కాల్చబడటం అనేది, అనుదినము ఆకాశము నుండి నూతన మన్నా కురియుచుండగా, అరణ్యములో ఇశ్రాయేలు యొక్క ప్రయాణమునకు సాదృశ్యముగా ఉన్నది. ముందు రోజు యొక్క రొట్టె కుళ్ళిపోయి మరియు ఎంతమాత్రము మంచిగా లేకున్నది. ఏ మనుష్యుడును పనిచేయుటకు, మరియు పొలాల నుండి క్రొత్త మన్నాను సేకరించుకోవడానికి అనుమతించబడనట్టి విశ్రాంతి దినముకు, అది మినహాయింపైయున్నది. ఈ సందర్భంగా, ఆహారము మునుపటి దినమున సమకూర్చబడి వారి గుడారములలో ఉంచబడుతుంది, మరియు వారు సబ్బాతు దినమున లేదా విశ్రాంతి దినమున తినునట్లు వారి కొరకు ప్రభువు దానిని భద్రపరిచాడు. (రిఫరెన్సు - నిర్గమకాండము 16)

తదుపరి సంఘకాలము తీసుకొనివచ్చే తాజా మన్నాకు దారి ఇవ్వడానికి ప్రతీ సంఘకాలము పూర్తిగా నశించిపోవలసియున్నది గనుక, సహోదరుడు బ్రెన్‌హామ్ గారు రొట్టె కాల్చివేయబడుటను ఏడు సంఘకాలములతో కూడా పోల్చియున్నాడు. ఇంకను, ఒక విశ్వాసి యొక్క వ్యక్తిగత అనుభవమునకు, మరియు అనుదినము పరిశుద్ధాత్మ మన జీవితాలలోనికి తాజాగా వచ్చునట్లు, మనము అనుదినము ఏ విధంగా చనిపోవలసియున్నది అనుదానికి కూడా ఆయన దానిని పోల్చి చెప్పాడు.

రొట్టె పూర్తిగా కాల్చివేయబడినదని సరిచూసుకొనుట కొరకు, ఆ రొట్టెను ఒక చిన్న కాగితపు సంచిలో ఉంచి, మరియు దానిని వేడి మంటలో వేయడం మంచిది. అది ఆ మిగిలినదానిని కాలిపోవునట్లు చేస్తుంది.

 

---

 

ప్రభురాత్రి భోజనపు ద్రాక్షరసము

ప్రభురాత్రి భోజనపు ద్రాక్షరసము, మన పాపముల నుండి మనలను పరిశుద్ధపరిచే, ప్రభువైన యేసు యొక్క రక్తమును సూచిస్తుంది, మరియు అది ప్రభువు వచ్చు వరకు ఆయన మరణమును ప్రచురించుట కొరకు తీసుకొనబడుతుంది. ప్రభురాత్రి భోజనపు ద్రాక్షరసము, అది సమయము గడుస్తున్నాకొద్ది పులిసిపోయి మరియు పాడైపోయే, సాధారణ ద్రాక్షరసమై ఉండకూడదు, కానీ సమయం గడుస్తున్నా కొద్దీ, శ్రేష్ఠముగా మరియు బలంగా మారునట్టి, అసలైన ద్రాక్ష పానీయమై ఉండవలసియున్నది; అది ఎన్నడూ దాని బలమును కోల్పోదు.

కాలముతో పాటు పులిసిపోకుండా మరియు పాడైపోకుండా, రోజులు గడుస్తున్నాకొద్దీ విశ్వాసికి బలముగాను మరియు శ్రేష్ఠముగాను మారునట్టి యేసు క్రీస్తు రక్తము వలెనేయున్నది.

బైబిలు గ్రంథములో ద్రాక్షరసము, విశ్వాసికి వాక్యము బయలుపరచబడినప్పుడు, ఆ వాక్యమువలన కలుగు ఉత్తేజమును సూచిస్తుంది.

రొట్టె వలె ద్రాక్షరసమును “పరిశుద్ధమైన హస్తాలతో” చేయవలసిన అవసరంలేదు. సిద్ధపరచబడిన ద్రాక్షరసమును, లేదా పస్కా ద్రాక్షరసమును దుకాణము నుండి కొనుగోలు చేసుకొనవచ్చును. ఎట్లైనను, మీ స్వంత ద్రాక్షరసమును ఎలా చేసుకోవాలి అనుదాని గూర్చి సూచనల కొరకు ఈ పేజీలో ఉన్న తయారీ విధానము కార్డు వద్దకు వెళ్ళండి.

జఫర్సన్ విల్ లోని మా స్థానిక సంఘానికి మేము ద్రాక్షరసమును మరియు చిన్న ప్లాస్టిక్ పాత్రలను అందజేస్తాము. ప్రభురాత్రి భోజనము కొరకు, ద్రాక్షరసమును ఒకొక్కరి చొప్పున చిన్న కప్పులలోనైనా తీసుకోవచ్చు లేదా పెద్ద కప్పులలో ఒకరితో ఒకరు పంచుకోవచ్చు. ప్రభురాత్రి భోజనము తీసుకున్న తర్వాత, రొట్టె వలె కాకుండా, ద్రాక్షరసమును పారవేసినా పర్వాలేదు.

ప్రభువుయొక్క రక్తమును మరియు శరీరమును సూచించే, ప్రభురాత్రి భోజనమును తీసుకోవడం, ఎల్లప్పుడూ విశ్వాసికి “జయమును” సూచిస్తుంది. యేసు క్రీస్తుయొక్క మరణము వద్ద, ప్రభురాత్రి భోజనము ప్రారంభించడానికి వందల సంవత్సరాలకు ముందే, అబ్రాహాము దేవునితో ప్రభురాత్రి భోజనమును తీసుకున్నాడు.

తన సహోదరుడు, లోతును కాపాడుటకు రాజులను సంహరించుటలో ఒక గొప్ప విజయాన్ని పొందుకున్న తర్వాత, అబ్రాహాము మెల్కీసెదెకును కలుసుకున్నాడు, మరియు వారిరువురూ ప్రభురాత్రి భోజనమును తీసుకున్నారు.

మనము ప్రభురాత్రి భోజనమును తీసుకునే ప్రతీసారి, ఆ రొట్టె మరియు ద్రాక్షరసము, మన జీవితములో శత్రువుపై సాధించిన విజయాన్ని అది సూచిస్తుంది. మరియు ఒక దినమున ఆ పోరాటమంతా ముగించబడిన తర్వాత ఆ గొప్ప ప్రభురాత్రి భోజన కూడిక నిమిత్తమై అబ్రాహాముయొక్క సంతానము మన ప్రభువును ఆకాశములో కలుసుకుంటుంది, మరియు పెండ్లి విందులో, ఆయనతో ముఖాముఖిగా భోజనము చేస్తుంది.

 

---

 

తయారీ విధానము కార్డులు

తయారీ విధానము కార్డును డౌన్లోడ్ చేయుము